གླུ་གཞས་ཤིག

Comments (3) on “གླུ་གཞས་ཤིག”

1. དྲི་མེད་ལྷག་བསམ་དད་བརྩོན་འགྱུར་མེད་ཀྱི།།
   སེམས་ཀྱི་བདེ་སྡུག་བོད་མིའི་ལས་དབང་དེ།།
   སྙན་མོའི་གདངས་སུ་གྱེར་ནས་བོད་ཡུལ་ནས།།
   རྒྱང་རིང་༧སྐྱབས་མགོན་མཆོག་ལ་ཕུལ་བ་དེ།།
   ལན་གཅིག་ཉན་པས་སེམས་འདི་གྲང་འདར་བརྒྱབ།།

2. ལྷག་བསམ་་སྙིང་ནས་ཕུལ་བའི་གླུ་སྙན་མོ། ཚིག་དོན་གཟབ་ལ་གོ་སླའི་དོན་སྙིང་ལྡན། གཞིས་ཞུགས་གཞས་པ་གཞས་མའི་སྙིང་སྟོབས་ལ། རྗེས་སུ་ཡི་རངས་ཞུ་བཞིན་དགའ་བསུ་ཞུ། གླུ་གཞས་སྙིང་སྟོབས་ཕ་ཡུལ་ཕྱོགས་ནས་ཐོན། དེ་འདྲའི་སྙན་པའི་གདངས་དང་བཅུད་ལྡན་ཚིག་འདི་དག རྩོམ་པའི་རྩོམ་པ་པོ་ལའང་བསྟོད་པར་འདོད། བོད་རྒྱལ་ལོ།

3. ༄༅།། དགུང་ཨ་སྔོན་དབྱིངས་ན་རྒྱུ་བའི།།
   སྤྲིན་དཀར་པོའི་འདབ་མ་མཉེན་པོ།།
   བྱང་ཁ་བ་ཅན་གྱི་ལྗོངས་ལ།།
   ཚིག་འདི་གསུམ་ལན་དུ་སྐྱེལ་རོགས།།
   ལྷ་ཐུགས་རྗེ་ཆེན་པོའི་གདུལ་བྱ།
   བོད་མགོ་ནག་རྩམ་ཟན་ཀུན་གྱི།།
   སེམས་བསམ་པ་གཅིག་ཏུ་མཐུན་ཞིང།།
   དཔའ་བློ་ཁོག་ཞུམ་པ་མེད་པའི།།
   གཏམ་བཙན་པོ་གླུ་ལ་གྱེར་བ།།
   སྤྲིན་དཀར་པོས་ཁྱེར་ནས་སླེབས་བྱུང།།
   ཕྱིའི་སྤུན་ཟླ་ཡོངས་ཀྱིས་གོ་སོང།།
   མགོན་ཡིད་བཞིན་ནོར་བུས་གསན་ཡོད།།
   སྐྱབས་རྗེས་འཛིན་ཟབ་མོ་གནང་གི།
   ཁོང་འཛུམ་ཞལ་ཟུམ་པ་མེད་ཅིང།།
   ཐུགས་དམ་བཅའ་འགྱུར་བ་མེད་གསུང།།
   ཁྱེད་གཞིས་ལུས་སྤུན་ཟླ་ཕོ་མོས།།
   བཙན་གནམ་ལྕགས་འབར་བའི་འོག་ཏུ།།
   རང་སོ་སོའི་ལུས་སྲོག་སྲུང་བཞིན།།
   ཐབས་མཁས་པོས་བདེན་པ་བདོར་གསུང།།
   ཀྱེ་ཚུ་འཛིན་གྱི་འདབ་མ་དཀར་པོ།།
   གངས་ཏི་སེ་ཡི་རྩེ་ལ་ཐོན་དུས།།
   ངལ་ཅུང་ཟད་ཅིག་གསོས་པའི་རྗེས་སུ།།
   འདི་ཆོལ་གསུམལ་ལྷང་ངེར་སྒྲོག་རོགས།།