༢༠༡༢ ཟླ་ ༣ ཚེས་ ༡༩ རེས་གཟའ་ཟླ་བ།
ཉེ་ལམ་བོད་བྱང་ཤར་རེབ་གོང་ཁུལ་དུ་གནས་སྟངས་ཛ་དྲག་ཆེ་རུ་འགྲོ་བཞིན་པ་དེར་བོད་མིའི་སྒྲིག་འཛུགས་ལ་བློ་འཚབ་ཧ་ཅང་ཡོད། ཁ་སང་ཕྱི་ཚེས་ ༡༧ ཉིན་རང་ལོ་ ༤༤ སོན་པ་བོད་མི་ཞིང་པ་བསོད་ནམས་དར་རྒྱས་ལགས་ཀྱིས་༧གོང་ས་མཆོག་བོད་དུ་གདན་ཞུ་དགོས་པའི་འབོད་ཚིག་སྒྲོག་བཞིན་དུ་རང་ལུས་མེར་སྲེག་བཏང་འདུག སྐབས་དེར་ས་གནས་བོད་མི་ཚོས་མེ་གསོད་ཐབས་བྱས་ཀྱང་རྗེས་སུ་ཁོང་འདས་གྲོངས་སུ་གྱུར་ཡོད། མེ་གསོད་མཁན་བོད་མི་ཚོས་སྐབས་དེར་ཤེས་གསལ་ལྟར་ན། བསོད་ནམས་དར་རྒྱས་ལགས་ཀྱིས་རང་ལུས་མེར་སྲེག་སྐབས་ཁོང་གི་གྲོད་ཁོག་རྡོལ་བ་དང་ཁོང་གི་ལྟེ་བའི་མཐའ་སྐོར་དུ་ཟངས་སྐུད་ཕྲ་བོའི་སྲིན་བལ་གྱི་བཏུམ་པ་ཞིག་བཅིངས་ཡོད་པ་མཐོང་ཡོད། གནས་ཚུལ་ཐོན་གསལ་བསོད་ནམས་དར་རྒྱས་ལགས་ཀྱིས་ཉེ་ལམ་ལོ་ཤས་ནང་༸གོང་ས་མཆོག་བོད་དུ་གདན་ཞུ་ཐུབ་པ་བྱ་རྒྱུ་དེ་ནི་ཁོང་གི་ལས་དོན་གལ་ཆེ་ཤོས་སུ་ངོས་འཛིན་གནང་བཞིན་ཡོད་པ་མ་ཟད། ༧གོང་ས་མཆོག་བོད་དུ་གདན་ཞུ་ཐུབ་པ་བྱུང་ཚེ་བོད་ཀྱི་གནད་དོན་སེལ་ཐུབ་རྒྱུར་ཡིད་ཆེས་གནང་བཞིན་ཡོད་པའི་དགོས་འདུན་ཡང་ཡང་འདོན་བཞིན་ཡོད་འདུག དམ་པ་པ་ཁོང་གི་སྐུ་ཕུང་དེ་བཞིན་རེབ་གོང་དགོན་པའི་མདུན་དུ་སྒྲོལ་མ་ཐང་ཞེས་པ་དེར་ཞུགས་འབུལ་སྐབས་ས་གནས་བོད་མི་དང་གཞན་ཡང་ཉེ་འདབས་ཀྱི་ས་ཁུལ་བཅས་ནས་ཁྱོན་བོད་མི་ ༧༠༠༠ ཙམ་འདུ་འཛོམས་བྱུང་ཡོད། སྐབས་དེར་མཚོན་ཆ་ཐོགས་པའི་རྒྱ་མིའི་ཉེན་རྟོག་དམག་མི་དང་བོད་རིགས་དབར་དངོས་སུ་མདོང་ཐུག་བྱུང་ཡོད། འདུ་འཛོམས་ཆེན་པོ་དེ་འདྲ་དེ་སྔ་བྱུང་མྱོང་མེད། དེར་བརྟེན་རྒྱ་མིའི་ཉེན་རྟོག་དམག་མི་རྣམས་རེ་ཞིག་ཕྱིར་འཐེན་མ་བྱས་ཐབས་མེད་བྱུང་ཡང། དམག་མི་དང་དྲག་ཆས་ཉེན་རྟོག་མི་སྣ་མང་པོ་ཞིག་དགོན་པའི་མཐའ་སྐོར་དུ་གནས་བཞིན་དུ། རེབ་གོང་དགོན་པའི་ནང་དུ་དམ་པ་ཁོང་གྱི་ཆེད་མཆོད་འབུལ་སྨོན་ལམ་ཚོགས་ཡོད། བསོད་ནམས་དར་རྒྱས་ལགས་ནི་འདི་ཟླའི་ཕྱི་ཚེས་ ༡༦ ཉིན་རང་ལུས་མེར་སྲེག་བཏང་སྟེ་རྨས་སྐྱོན་ཚབས་ཆེ་ཕོག་པ་འཇམ་དབྱངས་དཔལ་ལྡན་ལགས་དང་སེམས་ཐག་ཉེ་བོ་ཡོད་འདུག དེང་སྐབས་ཁོང་རེབ་གོང་དགོན་པའི་ནང་རང་གི་གཟིམ་ཤག་ཏུ་གནས་སྟངས་ཛ་དྲག་འོག་སྨན་བཅོས་གནང་མུས་ཡིན་ཀྱང་། ད་ཆ་ཁོང་གི་ཀླད་རྩའི་བྱེད་ལས་ལ་སྨན་གྱི་ཕན་འབྲས་མེད་སྟབས། ཉིན་རེ་བཞིན་གནས་སྟངས་ཇེ་ཞེན་ཇེ་སྡུག་ཏུ་འགྲོ་མུས་ཡིན་འདུག
འདས་པའི་ཟླ་ཤས་རིང་རྒྱ་ནག་གཞུང་གིས་རེབ་གོང་དགོན་པ་དང་སློབ་གྲྭ་སོགས་ཀྱི་ནང་དམག་དཔུང་ཕོན་ཆེ་འགྲེམས་འཇོག་བྱས་ཏེ་ས་གནས་ལས་ཁུངས་ཀྱི་ལས་བྱེད་པ་དང་། སློབ་གྲྭའི་སློབ་མ་རྣམས་ལ་ཞི་རྒོལ་བྱེད་པའི་གནས་ཚུལ་ཐོན་ཚེ་འབྲེལ་ཡོད་ལས་ཁུངས་དང་སློབ་གྲྭ་སོགས་ནས་ཕྱིར་འབུད་གཏོང་རྒྱུའི་སྡིགས་ར་བཏང་བ་སོགས་མདོར་ན་བོད་མི་དགེ་འདུན་པ་ཙམ་མ་ཟད། སེར་སྐྱ་མང་ཚོགས་ལའང་དམ་བསྒྲགས་ཤུགས་ཆེ་བྱས་དང་བྱེད་མུས་ལ་བརྟེན། ད་ཆ་རེབ་གོང་བོད་མི་རྣམས་ཀྱི་འགྲོ་བསྐྱོད་དང་འདུ་འཛོམས་བྱ་རྒྱུར་དམ་བསྒྲགས་ཧ་ཅང་བྱེད་བཞིན་པར་བརྟེན་གནས་སྟངས་ཛ་དྲག་ཏུ་འགྲོ་མུས་ཡིན་འདུག
རྒྱ་ནག་གཞུང་གིས་རེབ་གོང་ཁུལ་དུ་བོད་མི་ཚོར་ཆེད་མངགས་སུན་གཙེར་བཟོ་རྒྱུའི་སྲིད་བྱུས་འོག་བོད་མི་ཚོའི་བདེ་སྡུག་གི་གནས་སྟངས་ཐོག་བོད་མིའི་སྒྲིག་འཛུགས་ལ་སེམས་འཚབ་ཧ་ཅང་ཡོད། བོད་རིགས་ཕོན་ཆེ་གནས་སྡོད་བྱེད་བཞིན་པའི་མཚོ་སྔོན་ས་གནས་སྲིད་གཞུང་གིས་སི་ཁྲོན་ཞིང་ཆེན་དང་མི་འདྲ་བར་བོད་མི་ཞི་རྒོལ་བ་ཚོར་ཞི་འཇམ་ལྡན་པའི་ཐབས་ལམ་ཐོག་ནས་སྟངས་འཛིན་བྱ་རྒྱུར་ང་ཚོས་རེ་བ་བྱེད་བཞིན་ཡོད་ཅེས་འབོད་སྐུལ་གནང་འདུག
ཞུ་འབུལ་དང་། བརྡ་ལན བསྒྲགས་གཏམ། གནས་ཚུལ་གསལ་འདོན་སོགས་ཀྱི་རྣམ་པ་ལོགས་སུ་ཡོད་པ་རེད། སྐབས་བསྟུན་གྱིས་ནུས་པ་དང་གྲུབ་འབྲས་ཀྱང་དམིགས་བསལ་ཐོན་ཐུབ་པ་ཞིག་ཡིན།
གལ་ཏེ་་འདོད་རྔམ་གྱི་ཁ་ཆུ་འཛར་བཞིན་འབྲོང་གཡག་གི་མཐའ་ལ་བསྐོར་བའི་སྤྱང་ལྟོགས་ཁྱུ་ཞིག་ལ་མཚོན་ན་ག་རེ་བྱེད་དགོས་གི་ཟེར་ན་ཞུ་བ་བྱས་ན་ཁ་ངོ་མི་བལྟ་བ་སེམས་ཐག་གཅོད་དགོས་གི་རེད།
དེས་ན་ག་རེ་བྱ་དགོས་གི་ཟེར་ན། སྙིང་མེད་རུང་གློ་བ་འཕར་རྒྱག་དང་རྭ་མེད་ཀྱང་རྔ་མ་གྱེན་བསླངས་ཤིག་ངེས་པར་དུ་བྱེད་དགོས་གི་རེད།
དེ་འདྲ་བྱས་སྐབས་འགར་སྤྱང་ལྟོགས་ལ་ལ་བྲོས་འགྲོ་གི་རེད། ང་ཚོས་མ་མཐར་ཡང་ཚོད་ལྟ་ཞིག་བལྟ་ཆོག་གི་རེད། མི་རབས་ནས་མི་རབས་བར་སྤྱང་ཀི་ལ་འགོ་འདོགས་རེ་བྱེད་པ་ནི་རང་ལུས་ཚེ་གཡོག་བྱེད་པར་ས་ཡིག་རྒྱག་པ་དང་འདྲ་བ་རེད།
གནས་ཚུལ་འདི་འདྲ་ཛ་དྲག་རེད། ཞུ་བ་བྱེད་པའི་དུས་ཚོད་དེ་ཡོལ་ཟིན་པ་རེད། བསྒྲགས་གཏམ་སྤེལ་ནས་བརྡ་ལན་ཞིག་ཏན་ཏན་སྤྲོད་དགོས་གི་རེད། གཞིས་བྱེས་བོད་མི་ཡོངས་ཤི་ན་མཉམ་ཤི་དང་གསོན་ན་མཉམ་གསོན་གི་དུས་ཚོད་ལ་བསླེབས་ཡོད་པ་རེད།
བོད་མིའི་སྒྲིག་འཛུགས་ལགས། རྔ་བའི་དམ་དྲག་དེ་རེ་གོང་ལས་ལྡབ་འགྱུར་གྱིས་་་་་་་་་་་་་་་་་་་ཡ།
བོད་མིའི་སྒྲིག་འཛུགས་ཀྱིས་ང་ཚོ་བློ་ཚབས་ཡོད་ཀྱང་ཀྱང་གསུང་གིན་བཞུག་ན་རྒྱ་གུང་ཁྲན་གྱིས་ཡ་ང་སྙིང་རྗེ་འདྲ་བྱེད་ཨེ་ཡོང་། དེ་ལས་ཤུགས་ཆེ་ཙམ་གྱིས་ལས་འགུལ་སྤེལ་ན་མི་ལེགས་སམ།
བཀའ་སྤྱི་ལྷན་ཚོགས་སུ། བརྡ་ལན བསྒྲགས་གཏམ ཞི་འབུལ རེ་འདུན འདི་ལས་གཞན་ང་ཚོ་ངོས་ནས་ཅི་བྱེད་རྒྱུ་འདུག གོང་དུ་བཀོད་པ་རྣམས་མི་ལོ་ལྔ་བཅུ་ལ་འདི་ལྟར་ཡོང་བ་རེད། བཀའ་ཁྲིས་ད་དུང་གཞུང་ལ་སྒུག་མི་དགོས་པ་དང་བལྟ་མི་དགོས་བ་ཞིག་བཤད་ནས་མི་མང་ཡིན་ན་འདྲ་སྤྱི་འཐུས་ཚོགས་ས་ཡིན་ན་འདྲ་འདི་ལྟར་བཤད་དགོས་དོན་ཅི? བཀའ་ཁྲིས་རྒྱ་ནག་གི་སོལ་མྱུལ་དང་དོལ་རྒྱལ་གྱི་རྗེས་འབྲང་ཟེར་བཞིན་གྲངས་ཀ་བགྲང་སྟེ་འདི་ལྟར་འདུག་རྒྱུའམ། གཞུང་ངོས་ནས་ཅི་ཡང་མི་བྱེད་པར་རྡོག་རྩ་གཅིག་སྒྲིལ་ཟེར་བས་ཅི་ཡང་ཕན་ཐོག་མི་འདུག བཀའ་སྤྱི་ལྷན་རྒྱས་མར་མི་མང་མདུན་དུ་ཐོན་ཤོག་དང་མི་མང་དང་ཆོལ་ཁ་ཟེར་བ་རྣམས་རང་བཞིན་གྱི་རྡོག་རྩ་གཅིག་ཏུ་སྒྲིལ་ཡོང་ངེས་རེད།
བོད་མིའི་སྒྲིག་འཛུགས་ལ་མང་པོ་བཤད་སྟོན་ས་ཡོད་མ་རེད་བཀའ་ཁྲི་སྲིད་སྐྱོང་མཆོག་གིས་བཤད་པ་ནང་བཞིན་རེད་གསལ་འགོད་གསལ་བསྒྲགས་འཛིན་སྐྱོང་གང་བྱས་ན་ཡང་བཀའ་ལས་ཁག་པོ་འདུག་ཕྱི་ཡིས་གནོད་སྐྱོན་ནང་གིས་གནོད་སྐྱོན་སྐྱེན་དུ་མ་ཡིས་འཁོད་དུ་བཀའ་ལས་ཁག་པོ་རེད་ཐ་ན་སྐུལ་བར་འོས་པའིི་སྤྱི་མཐུས་ཡི་ནང་དུ་ཕྱི་ཡི་གནོད་སྐྱོན་ཡོད་ཡོད་པ་རེད་དྲ་རྒྱ་ཁག་ནས་ཡང་མིང་རྫི་མ་སྤྱོད་ནས་གང་ཐོབ་ཐོབ་གནོད་སྐྱོན་བྱེད་དང་བྱེད་བཞིན་པ་རེད་ཡིན་ན་ཡིང་བོད་མི་ཡིས་ལས་དབང་དང་གོང་ས་མཆོག་གིས་སྨོན་ལམ་ཡིས་སྟོབས་ཀྱིས་དངོས་ནས་གཏན་གཏན་བོད་ལ་རང་དབང་རང་སྐྱོང་ཞིག་ཤར་ཡོང་བའི་སྨོན་འདུན་ཞུ་ཞུ
ང་ཚོའི་གཞིས་བཞུགས་དག་ལ་དཀའ་ལས་ཁག་པོ་བཟོས་སོང་བྱང་ཆུབ་སེམས་པ་ཆེན་པོ་དག་གིས་ཡོད་ཚད་བློས་བཏང་ཚར་སོང་ད་དུང་ཡང་སྒྲ་བོ་རྒྱ་གཞུང་གིས་ཡ་ལེན་གང་ཡང་བྱས་མ་སོང་དེ་ལས་དྲགས་གནོན་ཁོ་ན་ཡིས་སྐྱེ་བུ་དམ་པ་མང་པོ་དམར་བསད་བཏང་ཚར་སོང་ད་ཡིན་ན་ང་ཚོས་ཞི་རྒོར་གྱིས་མ་ཕན་ན་ཕྱི་ལོགས་ཀྱི་དྲགས་སྤྱོད་པ་ལ་མིག་དཔེ་ཡལ་འདྲེན་བྱེད་ནས་ང་ཚོས་ཡང་དྲགས་སྤྱོད་པ་བྱེད་དགོས་ཞུ་འབོད་བྱས་ན་ཡང་ཤུ་དགོས་པ་རེད་དྲགས་རྒོལ་བྱས་ན་ཡང་ཤི་དགོས་པ་རེད་འཆི་སྟང་ལ་དཀར་ནག་མི་འདུག་ང་ཚོས་དྲགས་པོ་བྱས་ནས་འཆི་ཁར་རྒྱ་གཞུང་གི་སྲིད་བྱོས་འཁྲིགས་བཟུང་བྱེད་ཉིན་དག་གང་སོད་སོད་བྱས་ན་དེ་ནས་དགྲ་བོ་རྒྱ་གཞུང་གིས་ཡ་ལེན་བྱེད་པ་ཐང་རྒྱལ་ཚོགས་ཀྱིས་མ་བལྟས་རང་བལྟས་ཞིག་ཡོང་སྲིད་པ་རེད།།།།
རག་ཕྱགས་རྡོར་ལགས་བསམ་ཚུལ་འབྲི་དུས་དགཆར་གཟབ་གཟབ་བྱས།ཀློག་དུས་དོན་ཅི་ཡིན་མི་ཤེས་པས་དགོངས་ཅག་གལ།དག་ཆར་མཤེས་ན་བསམ་ཚུལ་མ་བཀོད་རོགས་གལ