འཐབ་ཕྱོགས་གཅིག་གྱུར་པུའུ་ཡི་སྐ
ནམ་མཁའ་ནས་བྲིས།་
ཁྱེད་ཀྱིས་དེང་སང་གྲངས་ཉུང་མི་
གྲངས་ཉུང་མི་རིགས་ཀྱི་སྐད་དང་ཡི
ཁྱེད་ཀྱི་མི་རིགས་གཅིག་པ་ཀོང་ཏུ
ཧོང་ཀོང་གི་གསར་འགོད་པ་ཞིག་གིས་
འཐབ་ཕྱོགས་གཅིག་གྱུར་པུའུ་ཡི་སྐ
ནམ་མཁའ་ནས་བྲིས།་
ཁྱེད་ཀྱིས་དེང་སང་གྲངས་ཉུང་མི་
གྲངས་ཉུང་མི་རིགས་ཀྱི་སྐད་དང་ཡི
ཁྱེད་ཀྱི་མི་རིགས་གཅིག་པ་ཀོང་ཏུ
ཧོང་ཀོང་གི་གསར་འགོད་པ་ཞིག་གིས་
རྩོམ་ཡག་པོ་ཞིག་བྲིས་འདུག་ཐུགས་རྗེ་ཆེ།
ཀྲོའུ་བུ་ཆོན་བོད་ཀྱི་ལྷ་རྗེ་ཡིན་པའི་ཆ་ནས་བོད་ཀྱི་ལག་རྩ་མྱང་སྟེ་་སྨན་ཐུན་གནང་བ་འདི་རེད། ནམ་མཁའ་ནས་གཡག་ཞ་རས་རྩ་ཟ་བའི་མཐོང་ཚུལ་ཙམ་ལ་བྲོ་བ་ཇི་གང་མི་འདུག དུས་ཚོད་ཡོད་དུས་རྒྱ་མིའི་ཤོ་ལོཀ་འདིར་མནོ་བསམ་ཕྲ་མོ་ཞིག་ཐོངས།༼ཁོ་བོའི་མལ་ཁྲིའི་གཡས་རོལ་གཡོན་རོལ་ན།། ཁྱེད་ལ་སྔུར་བ་འཐེན་དབང་ག་ལ་གདའ།།༽
ཀྲུའུ་ཡི་སྐད་ཆ་འདི་ལ་གཞུང་ཕྱོགས་ནས་ལན་རེ་འདེབས་རྒྱུ་མེད་བ་ཡིན་ནམ། ཀྲུའུ་འདིའི་སྐད་ཆའི་འབའ་ས་ནི་དབུ་མའི་ལམ་ལ་འབྲས་བུ་ཅི་ཡང་ཐོབ་རྒྱུ་ཡོད་བ་མ་རེད་དཀའ་ལས་མ་རྒྱག་ཞེས་བའི་དོན་རེད།
ཧུའུ་ཅིན་ཐའོ་ཡིས་ལམ་དབུ་མའི་རང་སྲིད་རང་སྐྱོང་ལ་སྒོ་ལྕགས་འཕར་མ་བརྒྱབ་པ།
བང་ཆེན་ལས་དྲངས།
ཉེ་ཆར་ཀྲུའུ་ཝེ་ཆོན་གྱིས་སྤེལ་བའི་རྩོམ་ཡིག་སྟེ། དེང་སྐབས་མི་རིགས་ས་ཁོངས་གནད་དོན་ཐད་ཀྱི་བསམ་གཞིགས་ཐོར་བུ་ཞེས་པའི་སྐོར་ལ་དྲ་རྒྱ་དང་བརྙན་འཕྲིན་བརྒྱུད་ལམ་དུ་གླེང་སློང་བྱས་པ་དང་། དཔྱད་བརྗོད་པ་ཕལ་ཆེ་བས་འབྲེལ་ཡོད་མི་རིགས་ལ་ཤུགས་རྐྱེན་ཅི་འབྱུང་གི་དཔྱད་པ་དང་བསམ་ཚུལ་འདྲ་མིན་བཏོན་སོང་།
ཁོ་བོས་འདིར་ངོས་གཞན་ཞིག་ནས་གླེང་བར་བྱ་བ་གཉིས་ཡོད་དེ། གནས་སྐབས་འདི་ལ་ཀྲུའུ་ཡིས་རྩོམ་ཡིག་དེ་འདྲ་སྤེལ་དགོས་པའི་རྒྱབ་ལྗོངས་དང་ཤུགས་བསྟན་གྱི་དམིགས་འབེན་ནོ།།
དང་པོ། རྒྱབ་ལྗོངས།
ཀྲུང་གུང་དམར་ཕྱོགས་གཞུང་གི་སྲིད་འཛིན་པ་སུས་ཀྱང་སྒྲིག་འཛུགས་ཀྱི་ལང་ཕྱོགས་ཙམ་ལས་ཐུན་མིན་གྱི་ལྟ་ཚུལ་བཤད་མི་སྲིད་པས། མཐོ་རིམ་གོ་གནས་འཁུར་ཞིང་མི་རིགས་སྲིད་ཇུས་ཀྱི་མགྲིན་ཚབ་པ་ལྟ་བུར་གྱུར་བའི་ཀྲུའུ་ཝེ་ཆོན་གྱི་རྩོམ་ཡིག་དེའང་མཐར་གཏུགས་ན་ཀྲུང་གུང་དམར་ཕྱོགས་ཚོགས་པའི་འགོ་བདག་ཧུའུ་ཅིན་ཐའོ་ཡི་བསམ་ཚུལ་མཚོན་པར་སྙམ། འོན་ཀྱང་ཕྱོགས་གཞན་ཞིག་ནས་བལྟས་ཚེ། ཀྲུའུ་ཡིས་རང་ཉིད་ཀྱི་དབང་ཆའི་གོ་གནས་འཕར་བའམ་བརྟན་པའི་ཆེད་དུ་ཧུའུ་ཕྱོགས་ཁག་ལ་རྒྱབ་སྐྱོར་མཚོན་པར་རྩོམ་དེ་སྤེལ་བའང་སྲིད།
འོ་ན། ད་ལྟའི་དུས་སྐབས་འདི་ལ་རྩོམ་ཡིག་དེ་སྒེར་གྱི་རྣམ་པར་བརྫུས་ཏེ་གཞུང་གི་སྨྲ་ལྕེ་ཉེ་བར་མཚོན་བྱེད་ཀྱི་བརྒྱུད་ལམ་ཆེ་བ་མིན་པའི་ཚགས་ཤོག་ཅིག་ནས་ཕྱི་ལ་བསྒྲགས་པའི་རྒྱབ་ལྗོངས་ཇི་འདྲ་ཡིན་ནམ་ཞེ་ན། རྒྱ་ནག་གཞུང་གི་འགོ་ཁྲིད་བརྗེ་མཚམས་སུ་སླེབས་པ་དང་ཀྲུང་གུང་དབང་ཆེན་ནང་ཁུལ་གྱི་དབང་རྩོད་གནས་བབ་ཛ་དྲག་པར་བརྟེན། ཧུའུ་ཅིན་ཐའོ་ཡིས་ནུས་ཤུགས་ཡོད་རྒུས་སྤྱི་ཚོགས་བརྟན་བརླིང་སྲུང་སྟེ་རང་ཉིད་ཀྱི་སྒེར་དབང་སྲ་བརྟན་དུ་གཏོང་བ་དེ་ལ་རག་ལུས། ཧུའུ་ཅིན་ཐའོ་ཡི་ཕྱོགས་ཁག་ལ་མཚོན་ན། བོད་དུ་བྱུང་བའི་ངོ་རྒོལ་དང་རང་ལུས་སྦྱིན་སྲེག་གི་གནས་སྟངས་ནི་སྤྱི་ཚོགས་བརྟན་བརླིང་དང་སྲིད་བྱུས་ཀྱི་ཕམ་ཁ་ཆེན་པོ་ཞིག་དང་། ཀྲུང་གུང་དམར་ཕྱོགས་དབང་ཆེན་ནང་ཁུལ་གྱི་ཁ་གཏད་ཕྱོགས་ཁག་གིས་ཧུའུ་ལ་བསྙོན་འཛུགས་ཀྱི་བྱ་ཡུལ་དུའང་འགྱུར་སྲིད། དེར་བརྟེན། ཀྲུའུ་ཝེ་ཆོན་གྱི་མིང་ཐོག་ནས་མི་རིགས་ས་ཁུལ་བརྟན་བརླིང་དང་རྒྱལ་ཁབ་གཅིག་གྱུར་ལ་ཁ་གཡར་ནས་ལྟ་ཚུལ་དེ་དག་ཕྱིར་བཏོན་པར་འདོད།
གཉིས་པ། ཤུགས་བསྟན་དམིགས་འབེན།
རྩོམ་ཡིག་གི་བསམ་ཚུལ་དེ་མི་རིགས་སྤྱི་བྱིངས་ལ་བརྗོད་ཡོད་ཀྱང་། ཧུའུ་ཅིན་ཐའོ་ལ་ན་ཟུག་སློང་བ་དང་ཁོའི་སྤྱི་ཚོགས་བརྟན་བརླིང་ལ་གནོད་པའི་གྲས་སུ་བགྲངས་པའི་མི་རིགས་ནི་བོད་དང་ཡུ་གུར་གཉིས་ཡིན། དེ་གཉིས་ལས་ཀྱང་བོད་དེ་གཙོ་བོར་བཟུང་འདུག ཧུའུ་ཡིས་རྒྱལ་བ་རིན་པོ་ཆེ་དང་བོད་གཞུང་། བོད་དོན་རྒྱབ་སྐྱོར་བ་བཅས་ནི་རྒྱལ་ཁབ་ཁ་བྲལ་གྱི་སྟོབས་ཤུགས་གཙོ་བོ་ཡིན་པར་འདོད་པ་དང་། བོད་ཁུལ་དུ་བྱུང་བའི་ངོ་རྒོལ་རིགས་ནི་གོང་ས་མཆོག་དང་བཙན་བྱོད་བོད་གཞུང་གི་ངན་སྐུལ་ལས་བྱུང་བར་བསྙོན་འཛུགས་པ་འདིས་ཀྱང་རྩོམ་ཡིག་དེའི་བསམ་ཚུལ་གྱི་ཁ་གཏད་ནི་བོད་ཡིན་པ་ཤེས་ཐུབ། ད་དུང་ཅུང་ཟད་སྤྲོ་ན། བོད་དུ་ལག་ལེན་བསྟར་བའི་གཏུམ་དྲག་གི་སྲིད་བྱུས་དང་དྲག་གནོན་ནི་ཧུའུ་དང་ཐད་ཀར་འབྲེལ། ཧུའུ་ཡི་གོ་གནས་ཐོལ་བརྒལ་བྱུང་བའང་བོད་རང་སྐྱོང་ལྗོངས་ཟེར་བའི་ཀྲུང་གུང་དམར་ཕྱོགས་ཚོགས་པའི་ཧྲུའུ་ཅིའི་སྐབས་སུ། ཁོས་བོད་ལ་གཏུམ་དྲག་གི་སྲིད་བྱུས་ལག་ལེན་དུ་བསྟར་ཏེ་བྱས་རྗེས་བཞག་པའི་རྐྱེན་ཡིན། མ་འོངས་པར་བོད་མི་ཚོ་ལ་བདེན་པ་ཁྲིམས་ཀྱི་རྒྱ་མའི་སྟེང་ཏུ་འཇོག་པའི་གོ་སྐབས་བྱུང་ཚེ། ཉེ་བའི་བགྲང་བྱ་བཅུ་ཕྲག་གཉིས་ཙམ་རིང་གི་བོད་མི་དམར་གསོད་ལ་སོགས་ཀྱི་ཉེས་ཅན་གཏེ་བོ་ཁྲིམས་གཏུག་བྱ་ཡུལ་ནི་ཧུའུ་ཅིན་ཐའོ་ཡིན། ཧུའུ་ཡིས་སྒེར་ངོས་ནས་ལུས་དང་གྲིབ་མ་བཞིན་འདོར་དཀའ་ཞིང་རྨི་ལམ་དུ་འཁོར་བ་ནི་བོད་ཡིན།
རྩོམ་ཡིག་དེར། སྔོན་ཆད་འཐོར་ཞིག་ཏུ་སོང་བའི་དམར་ཕྱོགས་རྒྱལ་ཁབ་ལས་བྱུང་བའི་ཉམས་མྱོང་དཔེ་མཚོན་དུ་དྲངས་ཏེ། མི་རིགས་རང་སྐྱོང་ས་ཁོངས་གསར་འཛུགས་དགག་པ་དང་མི་རིགས་གཅིག་གྱུར་གྱི་དགོས་དོན་ཤུགས་སུ་བསྟན། ཡང་དེར། གཞུང་གིས་མི་རིགས་ས་ཁུལ་ལ་གཏོང་བའི་དཔལ་འབྱོར་འགྲོ་སྒོ་རིགས་ཚང་མར་མཐུན་སྒྲིལ་ཇེ་བརྟན་དང་། བརྟན་བརླིང་སྲུང་སྐྱོབ། རྒྱལ་ཁབ་གཅིག་གྱུར་སྲ་བརྟན་བཅས་ཀྱི་དོན་སྙིང་དགོས་པ་དང་། འགྲོ་སྒོ་དེ་ཚང་མར་དཔལ་འབྱོར་དང་ཆབ་སྲིད་གཉིས་ཐད་ནས་འབྲས་བུ་འབྱུང་བར་བསམ་གཞིགས་བྱ་དགོས། ཞེས་འཁོད་འདུག འདི་ལ་དཔྱད་པ་ཕྲན་ཙམ་བཏང་ན། མི་རིགས་ས་ཁུལ་གྱི་དཔལ་འབྱོར་ཡར་རྒྱས་དང་ཆབ་སྲིད་བརྟན་བརླིང་གཉིས་ནི་དམིགས་ཡུལ་གཅིག་ཏུ་བཤད་དེ། ཧུའུ་ཅིན་ཐའོ་ཡིས་བོད་ཁུལ་དུ་ལག་བསྟར་བྱས་དང་བྱེད་མུས་ཀྱི་གཏུམ་དྲག་གི་སྲིད་ཇུས་དེ་དགོས་ངེས་ཞིག་དང་ལུགས་མཐུན་དུ་བསྒྲུབས་པ་དང་། ཧུའུ་ཡིས་སྒེར་གྱི་དབང་ཆ་སྲ་བརྟན་གྱི་ཕྱིར་དུ་བསགས་པའི་ནག་ཉེས་གནམ་འོག་ཏུ་མི་ཤོང་བ་བཟོས་པ་དེ་རྒྱལ་ཁབ་གཅིག་གྱུར་གྱི་བྱས་རྗེས་སུ་བསྒྲུབས་པ་ནི་གནད་འགག་ཏུ་མཐོང་། ཀྲུང་གུང་དམར་ཕྱོགས་ཚོགས་པའི་དབང་ཆེན་རུ་ཚོགས་ཀྱི་མི་སྣ་སུ་ཡིན་ཡང་རུལ་སུངས་དང་ནག་ཉེས་མེད་པ་ཉུང་། ནང་ཁུལ་དུ་དབང་རྩོད་དང་ཕྱོགས་ཁག་གི་འགལ་ཟླ་ཡོད་མོད་ཀྱང་། ཐུན་མོང་གི་སྲིད་དབང་འཇིགས་ཚེ་ཀུན་ལ་ནག་འདེད་ཀྱི་མཇུག་འབྲས་མྱོང་དགོས་པ་ཁོ་ཚོས་གསལ་བོར་ཤེས། དེའི་ཕྱིར། ཧུའུ་ཡིས་སྒེར་དབང་སྲ་བརྟན་དང་དབང་ཆེན་རུ་ཚོགས་ནང་ཁུལ་གྱི་རྒྱབ་སྐྱོར་ལ་དམིགས་ཏེ་རྒྱལ་ཁབ་གཅིག་གྱུར་འོང་བར་མི་རིགས་གཅིག་གྱུར་གལ་ཆེ་བའི་བསམ་ཚུལ་བཏོན།
མཇུག་བསྡུས་ནས་བཤད་ན། ཧུའུ་ཅིན་ཐའོ་ཡིས་ཀྲུལ་ཝེ་ཆོན་གྱི་སྨྲ་ལྕེ་བརྒྱུད་དེ་སྒེར་དབང་སྲ་བརྟན་གྱི་ཕྱིར་དུ་མི་རིགས་ས་ཁོངས་རང་སྐྱོང་གསར་འཛུགས་དགག་པ་དང་། ཤུགས་བསྟན་དུ་རྒྱལ་བ་རིན་པོ་ཆེ་མཆོག་གཙོས་པའི་བོད་མིས་བཏོན་པའི་ལམ་དབུ་མའི་རང་སྲིད་རང་སྐྱོང་ལ་སྒོ་ལྕགས་འཕར་མ་ཞིག་བརྒྱབ་བོ།།
ད་གང་བཤད་ཀྱང་རྒྱ་ནག་དམར་པོའི་སྲིད་གཞུང་གི་འགོ་ཁྲིད་ཚོས་བོད་མི་རིགས་རྒྱ་ནག་གི་ཆ་ཤས་ཡིན་རབ་འཛམ་གླིང་སྤྱི་དང་ལྷག་པར་དུ་རྒྱ་ནག་ནང་ཁུལ་དུ་སྒྲགས་ཀྱི་ཡོད་པ་རེད། བོད་མི་ཚོས་དུས་ནམ་ཡང་ངོས་ལེན་མེད།