(དེ་སྔ་ནོ་པེལ་ཨར་རྩོམ་རིག་བྱ་དགའ་ཐོབ་མྱོང་བའི་སྙན་ཚིག་ཅིག)
རྩོམ་མཁན་མི་གསལ། ན་བུན་གྱིས་བསྒྱུར།
ཉི་ཤར་གྱི་དུས་དེ་ནས། བདག་གིས།
ལམ་ཕྲན་གྱི་གོས་དཀར་རྡོག་པས་བརྫིས་བཞིན། ཁྱེད་རང་བཙལ།
ཁྱེད། གྲིབ་གཟུགས་ཀྱི་གཡབ་མོའང་མེད་པར།
ལྷོ་རྒྱུད་ཀྱི་སྤྲིན་གསེབ་བརྒྱུད། ཤར་ལྷོ་ནས་ཁད་ཀྱིས་འཚེར།
གསོལ་ཚིགས་ཀྱི་དུས་སུ།
བདག གཏན་ནས་སད་མ་མྱོང་བའི་སྔ་རོལ་གྱི།
ཁྱེད་ཀྱི་གསེར་མདོག་གི་ཀུ་ཤུ་ལྟ་བུའི་བཞིན་མདངས་དེ་དཔྱངས་ནས།
མུན་པའི་མཁའ་དབྱིངས་འོད་ཀྱིས་སྦར་བའི་སྙིང་རུས་བསྐྱེད་པ།
བདག་གིས། འཕྲུལ་སྣང་དེ་སློང་མོ་བྱས་ཚུལ་ལགས།
སྲོད་དུས་སུ། སྣག་ཚ་ལྟ་བུའི་ནམ་མཁའ་ཡིས། བདག
ཕྱི་རོལ་ཏུ་བསླུས་ཤིང་། སེམས་ཀྱང་འཁྲུལ་བར་བྱས།
ངས་ནི། སྐྱ་རེངས་ནས་ཉི་ནུབ་དབར། འོད་སྣང་གིས་བཟི་ཞིང་།
དབྱར་གྱི་མིག་མདངས་འོག སྒོར་བྲོ་འཁྲབ་མྱོང་བའང་བརྗེད་ངེས།
མུན་པའི་འགྱུར་ཚུལ་འདི། མཚན་མོའི་བཙོན་རར་གྱུར་བའི་དུས་དེར།
བདག རྒྱང་རིང་གི་སྐར་ཚོགས་ལ་དབང་བའང་།
ཐ་ཟད་འུ་ཐུག་གི་སྣང་བ་ཞིག
ཟླ་བས་ཀྱང་ད་དུང་། ཁྱེད་ཀྱི་ཤོག་དཀར་ལྟ་བུའི།
འོད་ཟེར་ལྡོག་འཕྲོས་ཀྱི་གཤིན་སའང་། བདག་ལ་གསང་བ་བྱས།
ཁྱེད། སྟོངས་ཆེན་མོའི་དཀྱིལ་འཁོར་ཏུ་བཞུད་རག་བར།
བདག་གིས། ས་སྲོད་རེ་རར།
ཁྱེད་ལ། མནའ་ཚིག་ཀྱང་ཇི་འདྲིའི་བོར་མྱོང་ཨང་།
ཁྱེད་ཀྱི་དབྱུར་ཁའི་རྟགས་མཚན་དེའི་སླད་དུ། བདག་གིས་ཅིས་ཀྱང་།
ནམ་ཟླ་འདི་ཉིད། རྨེག་མེད་དུ་བཅོམ་ངེས་ཡིན།
it is lir
ཡག་པོ་འདུག་ཡག་པོ་འདུག བོད་མིའི་ནང་ནོ་པེལ་རྩོམ་རིག་བྱ་དགའ་བཞེས་མཁན་མེད་པས་ཅུང་བདེ་མོ་མི་འདུག
མ་འོངས་པ་བྱ་དགའ་བཞེས་མཁན་རེ་འབྱུང་པའི་རེ་བ་ཡོད།