ཨ་རིག་འགྱུར་མེད།
ཕྱི་ཚེས་ལྟར་ན་ ༢༠༡༡ ལོའི་ཟླ་ ༡༢ ཚེས་ ༢༥ ཉིན་ང་གནས་མཆོག་རྡོ་རྗེ་གདན་དུ་འབྱོར་བ་དང་། ཉིན་དེའི་དགོང་མོར་གནས་མཆོག་རྡོ་རྗེ་གདན་གྱི་མཆོད་རྟེན་ཉེ་འགྲམ་གྱི་ཚོང་ཁང་ཞིག་ནས་ཁ་པར་གྱི་བྱང་བུ་ (Sim Card) ཉོས་པ་ཡིན་ལ། དེ་ཡང་གྲོགས་པོ་ཞིག་གིས་རོགས་རམ་ལ་བརྟེན་ནས་ཉོ་ཐུབ་ཙམ་བྱུང་། ཉིན་དེར་ང་ལྟར་བྱང་བུ་ཉོ་མཁན་ནི་འཚང་ཁ་ཤིག་ཤིག་རེད་ལ། འཚང་ཁ་དགའ་རབ་ཅིག་བརྒྱབས་མཐར་གཞི་ནས་ངས་ཀྱང་གཅིག་ཉོ་ཐུབ་པ་བྱུང་། ངས་ཉོས་པའི་བྱུང་བའི་མིང་ལ་ Uninor ཟེར་བ་དང་དེ་ཉོ་སྐབས་ནམ་རྒྱུན་ལྟར་ཡིག་ཆ་དང་ཕྱེད་པར་སོགས་གང་ཡང་དགོས་ཀྱི་མི་འདུག གཙོ་བོ་སྒོར་མོ་ཡོད་ན་རེག་གི་འདུག
ད་དུང་བྱང་བུ་དེར་དམིགས་བསལ་གྱིས་ཁྱད་ཆོས་ཤིག་ལྡན་པ་ནི་བོད་དང་ཨ་རི་སོགས་ལ་ཁ་པར་བཏང་ན་སྐར་མ་གཅིག་ལ་ཧིན་སྒོར་གཅིག་ལས་དགོས་ཀྱི་མི་འདུག ངྷ་སར་མཚོན་ན་སྐར་ཆ་གཅིག་ལ་ཧིན་སྒོར་ཟུར་ལྔ་བཅུ་ཙམ་ལས་མི་འགྲོ་བའི་བྱང་བུ་ཡང་མང་བོ་ཡོད་མོད། ས་འདིར་འབྱོར་མ་ཐག་པའི་ང་ལ་མཚོན་ན་ Uninor ལྟ་བུ་ཞིག་སྟབས་བདེའི་ངང་རེག་པ་ཙམ་གྱིས་དགའ་བ་བསྒོམས་པ་ཡིན་ལ། མང་མང་ཞིག་ཀྱང་དེ་ལྟར་རེད་འདུག
འོན་ཀྱང་། ཧ་ཅང་སྟབས་མ་ལེགས་པ་ཞིག་ལ་ངས་བྱང་བུ་དེ་བེད་སྤྱོད་བཏང་ནས་ཉིན་གསུམ་ཙམ་ལས་འགོར་མ་སོང་། ཞོགས་པ་ཞིག་ལ་གློ་རྡེག་ཏུ་ཁ་པར་ཕར་འགྲོ་གི་མི་འདུག་ལ། ཚུར་ཡང་ཡོང་གི་མི་འདུག ཚོད་ལྟ་མང་བོ་བྱས་པ་ཡིན་མོད་དེ་ལྟར་རང་རེད།
ཉིན་རྒྱབ་དེར་ཁ་པར་བྱང་བུ་ཁྱེར་ཏེ་སྔར་གྱི་བྱང་བུ་ཉོ་སར་སོང་དུས་ཡང་ཆོས་ཞུ་བ་མང་བོ་ཞིག་གིས་འཚང་ཁ་ཤིག་ཤིག་གིས་ཅིག་བཤད་ཀྱིན་འདུག མི་ཚོགས་མང་དྲགས་པས་ནང་དུ་ཤོང་གི་མི་འདུག་ཀྱང་སྒོ་ནས་ཨུ་ཚུགས་ཀྱིས་སྐེ་ནང་དུ་བསྲིངས་ཏེ་བལྟས་པ་ན། ང་ལྟ་བུ་མང་བོ་མང་བོ་ཞིག་གིས་བྱང་བུ་དེ་སྒོ་བརྒྱབས་འདུག་པ་དང་ད་ལྟ་རང་སྒོ་ཕྱེ་དགོས་ཀྱི་ཡོད། དེ་མིན་ན་སྒོར་མོ་ཕྱིར་སློག་དགོས་ཀྱི་འདུག་ཅེས་རྩོད་རྒྱག་གི་འདུག་ལ། བྱང་བུ་བཙོང་མཁན་གྱིས་ང་ལ་ཐབས་ཤེས་མི་འདུག བཟོ་གྲྭ་རང་གིས་སྒོ་བརྒྱབས་འདུག སང་ཉིན་སྒོ་ཕྱེ་གི་རེད། བརྒྱ་ཆ་བརྒྱ་སྒོ་ཕྱེ་གི་རེད། ཟེར་གིན་འདུག
བར་སྐབས་དེར་ངས་གལ་སྲིད་སང་ཉིན་ད་ཚོད་ད་དུང་སྒོ་མ་ཕྱེ་ན་ག་རེ་བྱ་རྒྱུ་ཡིན། ང་ལ་མཚོན་ན་འདིའི་ནང་དུ་ཧིན་སྒོར་སུམ་བརྒྱ་ཡས་མས་ཡོད། དངུལ་དེ་ཚུར་སློག་གི་ཡིན་ནམ་ཞེས་དྲིས་པར། དེར་ཡོད་ཀྱི་ཆོས་ཞུ་བ་མང་བོས་ཀྱང་རེ་འགས་ཧིན་སྒོར་ལྔ་བརྒྱ་ཡོད་ཟེར་ལ། རེ་འགས་ཉིས་བརྒྱ། རེ་འགས་བརྒྱ་ཟེར་བ་སོགས་སྣ་ཚོགས་བཤད་ཀྱིན་འདུག ཚོང་བདག་གིས་ཡིན་དང་ཡིན། སང་ཉིན་སྒོ་མ་ཕྱེ་ན་ཕྱིར་སློག་གི་ཡིན་ཟེར་བས་ང་ཚོ་སང་ཉིན་ཡོང་རྒྱུ་བྱས་ཏེ་ལོག་ཡོང་བ་ཡིན།
ཕྱི་ཉིན་དེར་བྱང་བུ་དེར་ཚོད་ལྟ་ཐེངས་འགར་བྱས་ཀྱང་སྒོ་ཕྱེས་མ་སོང་ལ། ལས་བྲེལ་འགའི་རྐྱེན་གྱིས་ཚོང་ཁང་དེར་ཡང་འགྲོ་ཁོམ་མ་བྱུང་བས་། ཉིན་གཉིས་པའི་ཉིན་རྒྱབ་ལ་སོང་བ་ཡིན། ཉིན་དེར་ཡང་སྔར་ལྟར་མི་མང་བོ་ཞིག་གིས་འཚང་ཁ་ཤིག་ཤིག་གིས་བྱང་བའི་དཀའ་ངལ་སྐོར་ཞིག་འཆད་ཀྱིན་འདུག ང་ཚོའི་དཀའ་ངལ་ནི་གཅིག་པ་རེད། དང་ཐོག་བྱང་བུ་དེ་བཟང་གི་བསམ་ནས་ཉོས། དེ་ནས་ཉིན་གཉིས་གསུམ་རེར་བེད་སྤྱད་རྗེས་སྒོ་བཀག ད་ལྟ་བྱང་བུ་མེད་པར་མི་དང་མིའི་བར་ལ་འབྲེལ་བ་བྱ་མ་ཐུབ་པར་དཀའ་ངལ་འོག་ལྷུང་ཡོད་པ་དེ་རེད། ང་ཚོའི་ནང་དུ་གྲྭ་པ་དང་བཙུན་མ། སློབ་མ་དང་མི་སྐྱ། གསར་འབྱོར་སོགས་ཐེངས་འདིའི་ཆོས་ཞུ་བའི་རིགས་སྣ་ཚོགས་ཤིག་འདུག
ངས་དེ་རིང་ད་དུང་ངའི་བྱང་བའི་སྒོ་ཕྱེས་མི་འདུག སྒོར་མོ་ཚུར་སློག་ཅེས་བཤད་སྐབས། ཁྱོད་ཀྱིས་ཕྱི་ཤུན་ (Cover) བཟུང་མི་འདུག ཕྱི་ཤུན་སྟེང་དུ་བྱང་བའི་ཨང་གྲངས་དང་ཁ་པར་ཨང་གྲངས་སོགས་ཡོད་པས་སྒོར་མོ་སློག་གི་མ་རེད། ང་ཚོས་བཟོ་གྲྭ་རང་ལ་རྩིས་སྤྲོད་བྱ་དགོས་པ་རེད་ཟེར།
བར་སྐབས་དེར་གྲྭ་པ་ཞིག་གིས་དེས་ན་ང་ལ་ཕྱི་ཤུན་ཡོད། མ་ཟད་ཁྱེད་ཅག་གི་ཐམ་ཀ་ཡང་བརྒྱབས་ཡོད་པ་འདི་རེད། ད་སྒོར་མོ་སློག་ན་འགྲིག་གམ་ཟེར་མོད། ཁྱེད་ཀྱི་བྱང་བུ་དེ་ཁ་སང་རང་བཙོང་བ་ཡིན་པས་ཁག་ཐེག་མི་འདུག གང་ཡིན་ཟེར་ན་ཁ་སང་ཁེ་ཉིན་བཙོང་བའི་རིགས་ལ་ཁག་ཐེག་ཡོད་པ་མ་རེད་ཟེར།
ང་ལ་བྱང་བའི་ནང་དུ་ཧིན་སྒོར་ ༢༨༩ ཙམ་འདུག་ཀྱང་། ཕྱི་ཤུན་མེད་སྐོར་ཞིག་བཤད་དེ་སྤྲད་མ་སོང་ལ། གྲྭ་པ་འགར་ཕྱི་ཤུན་ཡོད་ཀྱང་ཁ་སང་རང་བཙོང་བ་ཡིན་པས་ཁག་ཐེག་མེད་སྐོར་ཞིག་བཤད་དེ་སྤྲད་མ་སོང་།
སྐབས་དེར་ངས་ཁོ་ལ་གལ་སྲིད་ཁྱོད་ཀྱིས་བྱང་བུ་འདི་བཟོ་གྲྭས་སྒོ་རྒྱག་གི་ཡོད་པ་ཤེས་བཞིན་དུ་དང་། འདི་ལ་ཁག་ཐེག་མེད་པ་ཤེས་བཞིན་དུ་ཅིའི་ཕྱིར་བཙོང་གི་ཡོད། དེ་རིང་ནས་བཟུང་བཙོང་མཚམས་བཞག་ན་མི་འགྲིག་གམ་ཅེས་དྲིས་སྐབས། དེ་ངའི་ཚོང་རེད། བཙོང་གི་རེད། ངས་ད་བར་དུ་བསྡོམས་པས་བྱང་བུ་འདི་ལྔ་བརྒྱ་ལྷག་བཙོང་བ་ཡིན་ཟེར།
སྐབས་དེར་ངས་ཁོ་ལ་པར་འགའ་བརྒྱབས་པ་ཡིན། ང་ལ་ཁྱོད་ཀྱིས་ག་རེ་བྱེད་རྒྱུ་ཡིན་ཟེར། ངས་ཁོ་ལ་ཁྱོད་དཔེ་སྡུག་ཅག་རེད། ཁྱོད་ཀྱི་བྱང་བུར་ཁག་ཐེག་མེད་པ་ཤེས་བཞིན་དུ་ད་དུང་ཚོང་དང་སྒོར་མོའི་ཆེད་དུ་འདི་ལྟ་བུའི་ཆོས་ཞུ་བ་མང་བོར་མགོ་བསྐོར་བསླུ་བྲིད་བྱས། འདི་ཧ་ཅང་གི་གསར་འགྱུར་ཆེན་པོ་རེད་ཅེས་བརྗོད།
ཁོས་འགྲིག་གི་རེད། མ་ཟད་ཉེན་རྟོག་པར་སྐད་བཏང་ཡང་འགྲིག་གི་རེད། བཟོ་གྲྭ་རང་གིས་སྒོ་བརྒྱབས་པ་དང་ཁག་ཐེག་མེད་པས་ངས་ཁག་ཐེག་བྱ་ཐུབ་ཀྱི་མ་རེད། ངས་ནི་ཚོང་ལས་གཉེར་གྱིན་ཡོད་སྟབས་བཙོང་གི་ཡོད་པ་ཙམ་ཡིན་ཟེར།
ཉིན་དེར་གྲྭ་པ་ཞིག་གི་བྱང་བུས་ལས་ཀ་བྱེད་མིན་བྱུང་སྟེ་དེ་གཅིག་པུ་ Docomo བྱང་བུ་ཞིག་ལ་བརྗེས་སོང་མོད། དེ་མིན་མང་བོ་ཞིག་ལ་གཏན་ནས་བརྗེ་གི་མི་འདུག་ལ། ཕར་ངར་ན་ཚུར་ཡང་ངར་ཡོང་གི་འདུག་པས་རྒྱལ་འདྲེ་བརྒྱབས་ན་ངོ་ཚ་རེད་ལ། གནས་འདི་ལྟ་བུ་ཞིག་ནས་རང་སེམས་རང་གིས་མནན་ཏེ་བསམ་པ་ཆོས་ཕྱོགས་སུ་བསྒྱུར་ན་བཟང་བ་མེད་འགྲོ་བསམ་སྟེ། ང་ལ་ནི་སྐྱོན་མི་འདུག ཧིན་སྒོར་བརྒྱ་ཤོག་འགས་ཆེན་པོ་བཟོ་གི་མ་རེད། ཅེས་བཤད་རྗེས་ཡོང་བ་ཡིན་ལ། སེམས་ནང་དུའང་ཁོ་རང་ཉིད་ཀྱིས་ཆོས་ཞུ་བ་འདི་འདྲའི་མང་བོ་ཞིག་ལ་མགོ་སྐོར་བསླུ་བྲིས་བྱས་པར་རང་ཉིད་སྡིག་པར་མི་སྐྲག་ན་ང་ཅི་ལ་སྐྲག་སྙམ།
མ་གཞི་ནས་ང་དང་ང་ལྟ་བུ་ཚོས་གནས་འདིར་གསར་དུ་འབྱོར་བ་དང་། འགྲོ་སྟངས་སྡོད་ལུགས་མ་ཤེས་པ་ཙམ་རེད་མ་གཏོགས། བྱང་བུ་བཙོང་མཁན་འདི་ནི་སྤྱིར་བཏང་དྲ་གཉེར་བ་ཞིག་རེད་འདུག་ལ། ཉེ་ཆར་དུས་འཁོར་དབང་ཆེན་ཞུ་མཁན་གྱི་བོད་མི་མང་བོ་འཚང་ཁ་ཤིག་ཤིག་གིས་འབྱོར་བ་མཐོང་རྗེས། བྱང་བུའི་ཚོང་བྲིན་པོ་ཡོད་པ་ཤེས་ཏེ་ Uninor བྱང་བུ་མང་བོ་སྡེབ་ཉོ་བྱས་ཏེ་བཙོང་མགོ་བརྩམས་འདུག་ལ། བྱང་བུ་བཙོང་སྐབས་རྒྱུ་རྔམ་གྱི་དབང་གིས་རྒྱབ་ལྗོངས་ཀྱི་ཡིག་ཆ་དང་ཕྱེད་པར། ཉོ་མཁན་སུ་ཡིན་མིན་ལ་གཏན་ནས་རྒྱུས་ལོན་མ་བྱས་པར་བཙོང་རྐྱང་བྱས་པའི་དབང་གིས། བཟོ་གྲྭས་ཀྱང་སྒོ་མི་རྒྱག་ཐུ་མེད་བྱུང་འདུག
གནས་འདིར་འབྱོར་རྗེས་འདི་ལྟ་བུའི་དད་ལྡན་མང་ཚོགས་ཆོས་ཞུ་བར་མགོ་སྐོར་བསླུ་བྱེད་ཀྱིན་པ་སྣ་ཚོགས་ཤིག་མཐོང་གི་འདུག་ལ། ཁ་ལག་པའི་བར་ནས་མགོ་སྐོར་བསླུ་བྲིད་དང་སྒོའི་ཕྱི་ཁྱིམ་བར་ནས་རྐུ་འཕྲོག་བཅོམ་གསུམ་ཡང་སྣ་ཚོགས་བྱེད་ཀྱིན་འདུག་པས། གནས་འདི་ན་ཤེས་རབ་སྙིང་བོའི་ནང་གི་མིག་མེད་རྣ་མེད། རྣ་བ་མེད། ལྕེ་མེད། ལུས་མེད་ཅེས་པའི་སྟོང་བ་ཉིད་ཀྱི་མེད་དག་ལས། མིག་གིས་བལྟས་ན་ཚུར་མངོན་སུམ་དུ་མཐོང་རྒྱུ་འདུག་པས་མིག་མེད་པ་དང་། རྣ་བ་མེད་པ། སྣ་མེད་པ། ལྕེ་མེད་པ། ལུས་སྨད་མེད་པ། རྐང་པ་ཞ་བ། ལག་པ་ལྡུམ་པ། སྒ་འབུར། ཚིག་འཁྱོག་སོགས་བལྟས་པ་ཙམ་གྱིས་སེམས་ཀྱིས་བཟོད་མི་ཐུབ་པ་མང་བོ་མང་བོ་ཞིག་མཐོང་རྒྱུ་འདུག་པའང་། གནས་རྩ་ཆེན་འདི་ལྟ་བུ་ནས་སྡིག་ལས་བསྒྲུབས་རྒྱུ་མང་སོང་བས་ལོས་ཡིན་སྙམ་ཡོང་།
འདི་ནི་བདག་ཅག་གི་སྟོན་པ་ཐུབ་པའི་དབང་བོ་ཁོང་ཉིད་ཀྱི་ལོ་དྲུག་སྐལ་བ་སྤྱད་སའི་གནས་དང་ཐག་ཉེ་བ་དང་། སྐུ་མངོན་པར་རྫོགས་པར་སངས་རྒྱས་པའི་གནས་ཡིན་པས་འདི་ནས་དགེ་སྒྲུབ་ཅུང་ཙམ་བྱས་པའང་དགེ་བ་བརྒྱ་འགྱུར་སྟོང་འགྱུར་ཡིན་དང་ཡིན་མོད། སྡིག་པ་བྱས་པ་དག་ཀྱང་དེ་ལྟར་ཡིན་པས་ན་ང་ནི་སྔར་བས་ཀྱང་ལས་འབྲས་ལ་སེམས་བསམ་པའི་སྟེང་ནས་ཡིད་ཆེས་ཤིག་ཀྱང་རང་བཞིན་གྱིས་སླེབས་ཡོང་གི་འདུག་གོ།
དང་པོ་ནས་གཟབ་གཟབ་མ་བྱས་ན་མི་ཚོགས་མང་པོ་འདི་འདྲའི་དཀྱིལ་ལ་མི་བཟང་ངན་འདྲ་མིན་ཡོད་པར་ཤེས་གསལ་རེད། སྐྱེ་བ་སྔ་མ་གནས་མཆོག་འདིར་ཚོགས་ངན་བསག་ན་མི་ཚེ་འདི་ཡང་གནས་འདིར་སྐྱེ་བ་ལེན་དགོས་པར་ཨེ་ཡིན་ན།
ཕལ་ཆེར་སོ་སོའི་སྒོར་མོར་ཤ་ཚ་ནས་དྲིན་པ་ཡིན་འགྲོ
ཨ་ཁ་ཁ། སྒོར་མོ་དེ་ཚོ་བུ་གསོ་ཁང་ལ་ཞལ་འདེབ་བྱས་བ་ཡིན་ན་བཟང་བ་ལ། མ་གཞི་ནས་ཆོས་ཞུ་ན་འགྲོ་དུས་ཁ་པར་གྱིས་ག་རེ་བྱེད། སེམས་གནད་ལ་ཕབས་ནས་ཆོས་ལ་མི་ཉན་པར་མགོ་བདེ་བོ་ཚོའི་ཁ་ལ་ཉོན་དང་དེ་ལས་ཡོང་རྒྱུ་མེད།
རྒྱ་གར་ནི་སྤྱིར་བཏང་གི་ཁྲིམས་ལུགས་མེད་ཀྱི་རྒྱལ་ཁབ་ཞིག་ཡིན་པ་ཤེས་གསལ་ཡིན་རྒྱུ་རེད། མྱིག་གི་མཐོང་བཞིན་དུ་ཆུ་ནང་ལ་ལྕེབས་དགོས་པ་འདུག
འབྱུང་འགྱུའི་ཉེན་ཁ་ཆེན་པོ་འདི་ལ། ཨ་ཁ་ དེང་འདིར་གོང་ས་ཆོག་ནས་དུས་འཁོར་གསུང་བའི་དུས་བཟང་འདི་ལ།
ཟབ་ཟབ་གནང་ན་མ་རྟོགས་གང་སྐུའི་མཛད་ཕྲིན་རྒྱས་ལ་ངོ་མཚར་གྱི་དཔལ་དང་ལྡན་པ་ལ།
ལས་ངན་གྱིས་རླུང་འཚུབ་རྒྱབ་ནས་ཆུར་པའི་སྲིད་དོན་གྱི་ལམ་ཁ་ཡངས་པོར་ཕྱེ་ནས་དེ་གར་ལ།
དུས་ཚོད་ནམ་འཁོམ་ལ་བདེ་གཤེགས་སྙིང་པོའི་རིགས་ཅན་འགའ་ཞིག་ལ་སྙིང་རྗེའི་ཡུལ་ནས་འཕུད་ཅི་ཐུབ་ལ།
དེ་འདྲི་དགྲ་འདུལ་མཉན་སྐྱོངས་ཀྱི་འཆབ་སྲིད་པ་མཚོ་ས་གནས་གཞན་ལ་གནང་ན་འགྲིག་གི་ཡོད་རེད་ལ།
དེ་ན་ཟབ་ན་མ་རྟོགས་སྔོན་ཐུབ་པ་སངས་རྒྱས་པའི་དུས་ལ་ཡང་ལྷས་བྱིན་གྱི་འགོ་ཕྲིད་ནས་བདུད་ཀྱི་བུ་མོ་གེག་མོ་
ལ་སོགས་པས་བར་ཆད་བཙམ་པ་ཞིན་ ཡང་ན་དེ་དག་གི་སྤྲུལ་པ་འམ་སྐྱེ་བ་འདྲ་ཡིན་ན་གང་།
ཆོས་ཞུ་བ་མང་པོ་ཞིག་གི་སེམས་ངོར་གནས་ས་འདི་གར་དེ་འགྲི་མི་དེ་ཚོ་གཞེ་སྡང་གང་འདྲ་ཡིན་ན་ཞེས་
སྙིང་རྗེའི་ཡུལ་དུ་གྱུར་ན་ལེགས་ལ་ དེ་ལས་ལྡོག་ན་སློ་འཕམམ་ལས་གང་།
ཆོས་ཞུ་བ་ཚོར་རོགས་པ་བྱེད་མཁན་དངས་བླང་དང་ཚོགས་པ་མང་པོ་ཡོད་རབས་ཉིན་ལྟར་བཤད་ཀྱིན་འདུག་པས་དེ་ཚོ་ག་པར་འཛུལ་སོང་བ་རེད། ཆོས་ཞུ་བ་ཚོའི་སྒོར་མོ་འཕྲོགས་པ་ཡོངས་རྫོགས་བསྡོམས་ན་ཧིན་སྒོར་འབུམ་ཁ་ཤས་གནས་ཡོད་ཚོད། མི་རྒྱུ་གཉིས་ལ་ལྟ་རྒྱུ་ནི་རོགས་པ་བྱེད་མཁན་ཚོའི་ལས་འགན་རེད།
སྙན་པོ་བྲིས་འདུག་ཀྱང་ཚོང་མཁན་སུ་ཡིན། བོད་པ་ཡིན་རྒྱ་གར་ཚོང་པ་ཡིན། གལ་ཏེ་ཁྱེད་རང་གིས་བོད་པ་ཚོར་མགོ་སྐོར་གཏོང་གི་ཡོད་པ་ཤེས་ན། ཚོང་ཁང་དེ་ནས་ཉོ་རྒྱུ་མེད་པ་རེད་ཅེས་གཞོན་ནུའི་དྲིལ་བསྒྲགས་བརྒྱུད་ནས་གསལ་བསྒྲགས་ཤིག་བྱས་ཐུབ་ཡོད་ན། ཕན་ཐོག་བྱུང་ཡོད་ངེས།
ཁྱེད་དང་གཅིག་མཚུངས་ངས་ཀྱང་ལས་དབང་དེ་མྱོང་དགོས་བྱུང། ཐབས་ཅི་ཡོད། ་་་་་་་་་་་་་་་་་་་་་་་