དུས་ཚོད། ༢༠༡༡, ༡༠, ༠༡
ས་གནས། ཇན་དར་མན་དར།
ཕྱི་ཟླ་བཅུ་བའི་ཚེས་གཅིག་ནས་བཟུང་འགོ་འཛུགས་ཀྱིས་རོ་ཧི་ནི་ས་གནས་བོད་ཀྱི་གཞོན་ནུ་ཚོགས་པའི་གོ་སྒྲིག་དང་སྣེ་ཁྲིད་འོག་ལྡི་ལི་གཙུག་ལག་སློབ་ཁང་འདྲ་མིན་ནས་ཕེབས་པའི་བོདརིགས་སློབ་མ་བརྒྱད་ཀྱིས་ལྡི་ལི་གསར་བའི་ས་གནས་ཇན་དར་མན་དར་བདུན་ཕྲག་གཅིག་གི་རིང་ངོ་རྒོལ་བྱེད་རྒྱུ་ཡིན་པ་རེད། དེ་ཡང་ཁར་སང་ཞོགས་པར་བོད་རིགས་མཐོ་སློབ་བརྒྱ་ལྷག་ས་གནས་དེར་འཛོམས་ནས་ཟས་བཅད་ལས་འགུལ་དང་འབྲེལ་བའི་གསལ་བསྒྲགས་གཏམ་བཤད་སོགས་བསྐྱངས་སོང་ལ་སྐབས་སྐུ་མགྲོན་གཙོ་བོ་རྒྱ་གར་ཀ་གཏད་ཆབ་སྲིད་ཚོགས་པའི་མི་སྣ་གལ་ཆེན་ཁ་ཤས་ཕེབས་སོང་ལ་དེ་བཞིན་གཞོན་ནུའི་སྐུ་ཚབ་ཀྱིས་ཀྱང་གཏམ་བཤད་གནང་སོང་། ཟས་བཅད་ངོ་རྒོལ་ལ་དངོས་སུ་ཞུགས་མཁན་དག་ནི། ༡)དཔལ་ལྡན་བསོད་ནམས(ས་གནས་གཞོན་ནུའི་ཚོགས་གཙོ།) ༢)ཚུལ་ཁྲིམས་རྡོ་རྗེ།(ཚོགས་གཞོན)༣)ཚེ་དབང་ནོར་བུ། ༤)བསོད་ནམས་བདེ་སྐྱིད། ༥)རྡོ་རྗེ་ཚེ་བརྟན། ༦)བསྟན་འཛིན་བྱང་ཆུབ། ༧)བསྟན་འཛིན་སྒྲོལ་དཀར། ༨)ཕུན་ཚོགས་ཆོས་འཕེལ་བཅས་ཡིན།
ཟས་བཅད་ངོ་རྒོལ་བ་དག་གི་ཐེངས་འདིའི་རྒྱ་གཞུང་ལ་བཏོན་པའི་དགོས་འདུན་དོན་ཚན་གསུམ་ནི།
༡) བོད་ནང་གི་དགོན་པ་ཁག་ཏུ་བཙན་གྱིས་ལག་བསྟར་བྱེད་བཞིན་པའི་རྒྱལ་གཅེས་ཆོས་གཅེས་ཀྱི་སྲིད་ཇུས་མྱུར་དུ་མཚམས་འཇོག་དགོས་པ།
༢) བོད་ཀྱི་ཀུན་གཟིགས་པཎ་ཆེན་ཆུང་སྲིད་གཙོས་བོད་ཀྱི་ཆབ་སྲིད་བཙོན་པ་ཁག་མགྱོགས་མྱུར་དུ་གློད་དཀྲོལ་གཏོང་དགོས་པ།
༣) རྒྱལ་སྤྱིའི་རང་དབང་ཅན་གྱི་ཚོགས་པ་ཞིག་བོད་ནང་དུ་རང་དབང་སྒོས་བཏང་ནས་བོད་ཀྱི་གནས་སྟངས་དངོས་ལ་ཞིབ་འཇུག་བྱེད་དགོས་པ་བཅས་སོ།།
ལྷན་རྒྱས་དཀའ་ལས་གཏད་སོང་། ངོ་རྒོལ་ལས་འགུལ་ལ་རྒྱབ་བསྐྱོར་ནམ་ཡང་ཡོད།