ཁོང་རང་བཙན་རྩོད་མཁན་ཞིག་མ་རེད་དམ།

Comments (16) on “ཁོང་རང་བཙན་རྩོད་མཁན་ཞིག་མ་རེད་དམ།”

1. ཡུན་རིང་བོར་རླགས་སུ་སོང་བའི་ཆབ་སྲིད་དཔྱད་གཏམ་པོ་དེ་རིང་སླར་ཡང་མཇལ་བར་དགའ་བསུ་ཞུ།
   བཀྲིས་བདེ་ལེགས།

2. ཡུན་རིང་བོར་རླགས་སུ་སོང་བའི་ཆབ་སྲིད་དཔྱད་གཏམ་པོ་དེ་རིང་སླར་ཡང་མཇལ་བར་དགའ་བསུ་ཞུ།
   བཀྲིས་བདེ་ལེགས།

3. དོགས་སློང་བྱས་པ་ཡག་པོ་འདུག་བསམ་སོང་། བཀའ་ཁྲི་མཆོག་གིས་གསུང་བཤད་དེ་དོན་ཐོག་འཁེལ་ན་ཧ་ཡག་པོ་འདུག་ལ། ཁོང་གི་ལམ་སྟོན་འོག་ང་ཚོ་ཤར་སྐྱོད་བྱེད་རྒྱུ་དེ་ང་ཚོའི་ལར་ཞེན་དང་བོད་མིའི་ཆིག་སྒྲིལ་གྱི་དོན་སྙིང་ངོ་མ་དེ་རེད་འདོད།

4. བཀའ་ཁྲི་ལ་རྒྱ་སྐྱོར་བྱ་རྒྱུ་གལ་ཆེན་པོ་ཡིན་པ་ལས་སྐྱོན་བརྗོད་བྱ་རྒྱུ་གལ་ཆེན་པོ་མ་རེད།གནས་སྟངས་མང་པོ་ཞིག་ལ་ལྟ་ནས་སྐད་ཆ་བཤད་རོགས།རང་སྣང་གང་དྲན་བཤད་པའི་དུས་མ་རེད།

5. རྐང་བཙུགས་ནས་སྐྱོན་འདྲ་བརྒྱབ་མེད། གོ་བ་ལོག་སྒྲུབ་ལྟ་བུར་གྱུར་ཡོད་སྲིད་པ་རེད།

   དམངས་གཙོའི་ལུགས་སྲོལ་འདྲ་བོ་ཡིན་ན། སྲིད་འཛིན་ནམ་དབུ་ཁྲིད་དང་པོ་དེའི་དམ་འབུལ་གྱི་གསུང་བཤད་ཐད་ལ་བགྲོ་གླེང་རྒྱས་པ་རེ་བྱེད་སྲོལ་ཡོད་པ་རེད། ང་ཚོ་དེའི་ཕྱི་ཉིན་ནས་བཟུང་གྲག་མེད་ཚོར་མེད་དུ་བསྡད་སོང་། ང་རང་གིས་མ་གོ་བ་ཡིན་ན་མ་གཏོགས། དོགས་འདྲི་ཙམ་ཡང་མི་འདུག དེ་བས་རང་གི་བསམ་ཚུལ་འདི་ཡང་ཁོང་གི་གཏམ་བཤད་ཀྱི་མགོ་རྔ་དག་ནས་བཏུས་ནས་ཡོང་བ་ཡིན།

6. བོད་མི་ཡོངས་རྫོགས་༧རྒྱལ་བ་རིན་པོ་ཆེའི་དགོངས་པ་གཞིར་བཟུང་ཐོག་དབུ་མའི་ལམ་ལ་ཤར་བསྐྱོད་བྱེད་ཐུབ་པར་འབད་བརྩོན་དགོས་པ་ང་ཚོའི་ལས་འགན་གཙོ་བོ་དེ་ཡིན། གང་ཡིན་ཞེ་ན་ང་ཚོས་རང་བཙན་རྩོད་ཡག་གི་ཐོབ་ཐང་རྩ་བ་ནས་མེད། དུས་རབས་བདུན་པ་ནས་བཟུང་ང་ཚོའི་རང་དབང་ཤོར་ནས་གཞན་ལ་བརྟེན་ནས་བསྡད་ཡོད་པ་ལོ་རྒྱུས་ཀྱིས་ཤེས་གསལ་རེད། བཀའ་བློན་ཁྲི་པ་མཆོག་དང་དེ་བཞིན་བཀའ་བློན་རྣམ་པ་སྤྱི་མཐུན་རྣམ་པ་ཁྱེད་རྣམ་པས་༧གོང་ས་མཆོག་གི་དགོངས་པ་དང་བསྟུན་ནས་བོད་རྒྱ་གཉིས་རྩོད་མེད་ངང་མཐུན་གཤིབས་ཡོང་ཐབས་ལ་འབད་འབུང་གནང་བ་མ་ཟད་ཁ་ཙམ་དང་ཚིག་ཙམ་མ་ཡིན་པར་༧གོང་ས་མཆོག་མྱུར་དུ་བོད་ནང་དུ་གདན་འདྲེན་ཐུབ་ཐབས་སྙིང་ཐག་པ་ནས་གནང་རོགས་ཞེས་ལག་པའི་པད་མོ་སྙིང་ཁར་ཟུམ་སྟེ་འབོད་བསྐུལ་ཞུ་གི་ཡོད།

7. ངས་ཀྱང་ཁོང་གིས་༧གོང་ས་མཆོག་ཕྱིར་བོད་དུ་གདན་འདྲེན་ཐབས་བྱ་རྒྱུ་དེ་ལས་དོན་ཡོངས་ཀྱི་མགོ་ལ་འཇོག་པ་དེ་ལ་གདེངས་འཇོག་དང་གོ་བ་མི་འདྲ་བ་ཞིག་སྐྱེ་གིན་འདུག དམའ་མཐར་ཡང་ཁོང་རིག་པ་དང་ལྡན་པ་ཞིག་ཡིན་པའི་འཆར་སྒོ་སྐྱེས་སོང་། མི་ནག་ངེད་གཉིས་ལ་རྣ་བ་འདྲ་སེ་རེ་ཡོད།

8. གངས་སེང་གིས་ཅི་ཞིག་བརྗོད་ཀྱིན་པ་མི་ཤེས་མོད། འོན་ཀྱང་ཁོ་པས་《བོད་རང་བཙན་རྩོད་ཡག་ཐོབ་ཐང་རྩ་བ་ནས་མེད་》ཅེས་པར་ངོ་རྒོལ་མཐའ་གཅིག་ཏུ་ཡོད། བོད་མི་རིགས་ཀྱི་ལྷན་སྐྱེས་ཐོབ་ཐང་ལ་རྡོག་རོལ་བཏང་བ་མ་ཟད་ཐོབ་ཐང་འདི་མེད་པ་བཟོ་བསམས་པ་ནི་བོད་རྒྱལ་ཁབ་དང་བོད་མི་རིགས་གཅིག་གི་ཞབས་འདྲེན་རེད། གུང་ཁྲན་དང་གུང་ཁྲན་ལ་སྤྲེལ་ལད་འཁྲབ་མཁན་གྱི་ཕྱི་རྒྱལ་བ་ཚོས་བོད་རྒྱལ་ཁབ་དང་བོད་མི་རིགས་ཀྱི་ལྷན་སྐྱེས་ཀྱི་ཐོབ་ཐང་ལ་ག་དུས་ཡིན་ཡང་འཁྱོག་བརྗོད་བྱེད་བཞིན་པ་དང་རྗེས་སུ་མཐུན་པ་ནི་མི་རིགས་ཀྱི་ལྟ་བ་བོར་བའི་ཐ་ཤལ་བ་གུང་ཁྲན་གྱི་རྒྱུགས་ཁྱི་ཁོ་ནར་ཟད། ད་དུང་ལོ་རྒྱུས་ཤེས་མདོག་བྱས་པ་ནི་ངོ་ཚའི་གནས་མ་ཡིན་ནམ། མ་ཟད་རྒྱ་བོད་གཉིས་རྩོད་མེད་ངང་མཐུན་གཤིབས་ཡོང་ཐབས་བྱ་རྒྱུ་ཟེར་བ་འདི་དེ་འདྲའི་ཡ་མཚན་པ་ལ། རྩོད་པ་མེད་པ་ཟེར་ན་བོད་རྒྱལ་ཁབ་དང་བོད་མི་རིགས་ཀྱི་རང་དབང་དང་ལོངས་སྤྱོད་ཁ་རྗེ་དབང་ཐང་ལུས་སྲོག་བཅས་པ་ལན་དང་རྣམ་སྨིན་ལ་མི་རེ་བར་གུང་ཁྲན་ལ་རྩིས་འབུལ་ཞུས་ན་མ་གཏོགས་རྩོད་པ་མེད་པ་ཞིག་ཡོངས་མི་སྲིད་ལ། རྩོད་གཞི་མེད་ན་གུང་ཁྲན་གྱིས་རྒྱུན་དུ་ཆ་རྐྱེན་གང་ཡང་མེད་པའི་གོ་ནས་མེས་རྒྱལ་ཁྱིམ་ཚང་ཆེན་པོའི་པང་དུ་ལོག་ན་དགའ་བསུ་ཡོད་ཞེས་ལབ་ལབ་རེད་ལ་ཁྱོད་ལ་སྣེ་ལེན་ཡང་ཟབ་རྒྱས་ཞུ་ངེས་རེད། མཐུན་གཤིབས་ཡང་བོད་མི་ཡོད་དོ་ཅོག་གི་བརྒྱུད་ལ་བདག་ལས་གཞན་གཅེས་ཀྱི་བྱང་སེམས་རྣལ་མ་ཞིག་སྐྱེས་ནས་ས་ལམ་གྱི་རྟོགས་པ་ཐོབ་ན་མ་གཏོགས་ཐ་མལ་པར་གུང་ཁྲན་གྱིས་གནར་གཅོད་དེ་ལྟར་བཏང་དང་གཏོང་བཞིན་པར་ད་དུང་མཛའ་མཐུན་མཉམ་གནས་ཞིག་ཡོངས་རྒྱུ་མེད་ཁོ་ཐག་རེད། མཐུན་གཤིབས་ཅེས་ལབ་ན་ཕན་ཚུན་གཉིས་ཀར་གུ་ཡངས་ཀྱི་བསམ་ཤེས་དགོས་ངེས་ཅན་རེད་མ་གཏོགས་ཕྱོགས་གཅིག་གིས་མཐུན་ལམ་གྱི་མི་ཕན་པ་ནི་ཤེས་ཚོད་ཡིན།
   མ་གཞི་བཙན་བྱོལ་ནང་གི་མི་རིགས་ཀྱི་ལྟ་བ་མི་རིགས་ཀྱི་ལ་རྒྱ་དང་གདུང་ཞེན་མེད་པའི་རྣམ་འགྱུར་ཡ་མ་བརླ་ཅན་གྱི་མགོ་གཉིས་མ་འདི་ཚོས་རྒྱ་མི་གུང་ཁྲན་ལ་ཆ་རྒྱུས་ཡ་རྒྱུས་སྤུ་ཙམ་མི་འདུག་ལ་གུང་ཁྲན་དང་སྐར་མ་གཅིག་གི་དུས་ཡུན་ཙམ་ཡང་གཤིབས་མྱོང་མེད་ཙང་ཁ་གཡང་སྒྲོགས་རྒྱུར་དཀའ་ངལ་གང་ཡང་མེད།
   ༧གོང་ས་མཆོག་རང་ཡུལ་དུ་གདན་དྲངས་ཐུབ་ན་དེ་ལས་ལྷག་གཅིག་མེད་ཀྱང་ཀྲུང་ནན་ཧེའེ་ཡི་དམར་ཤོག་སྲིད་གཞུང་གིས་གདན་དྲངས་རྒྱུའི་འདུན་པ་སྤུ་ཙམ་ཡང་མེད་པ་བོད་པས་ཤེས་ཚོད་ཡིན།

9. ཉིན་དེའི་སྐད་ཆའི་ཆ་ཤས་ཤིག་ནི་གྲོས་ཚོགས་འཐུས་མི་ཚོ་རེད། ལོ་ཤས་གོང་ནས་བཟུང་གྲོས་ཚོགས་འཐུས་མོ་ཚོ་ཡང་ལོ་གཞོན་དང་ལྟ་བ་ཅུང་བཅོས་སྒྱུར་རིང་ལུགས་པ་ ༼radical༽ མང་པོ་ཡོང་གི་འདུག་ཅེས་སེམས ཁྲལ་བྱེད་མཁན་འདུག་ལ། དེ་དག་གི་ཆེད་དུ་ལས་འགུལ་སྤེལ་མཁན་གྱི་སྒྲིག་འཛུགས་ཀྱང་ཡོང་གི་ཡོད་པའི་སྐོར་དེ་རེད། ད་ལྟའི་གྲོས་ཚོགས་འཐུས་མི་ཚོ་དང་འཛིན་སྐྱོང་འཐུས་མི་དག་གི་ཐུན་མོང་གི་སེམས་ནད་དང་ཡ་ཡུད་དེས་ང་ཚོ་གང་དུ་འཁྲིད་མིན་བཤད་ཁག་པོ་རེད། ཁ་སང་གི་གྲོས་ཚོགས་ནང་གི་བོད་རང་བཙན་དྲན་སྐུལ་གྱི་བགྲོ་གླེང་དང་བཀའ་ཤག་གི་ལན་འདེབས་འདི་དག་ཀྱང་པེ་ཅིན་ན་ཏན་ཏན་ཚིག་ཐོར་བཏབས་ཡོད་པ་རེད་འདོད།

10. ད་སྐབས་ངས་ཨ་རབ་ཀྱི་དཔྱིད་ཀའམ། ད་ལོའི་དབུས་ཨེ་ཤ་ཡའི་ཡར་ལངས་སྐོར་གྱི་དེབ་ཅིག་དག་ཡིག་ཅིག་དང་མཉམ་དུ་ཁ་ཕྱེ་ཡོད། ནམ་རྒྱུན་ནག་འཐོམ་མེར་འདུག་པ་ལས་ག་དུས་ཡིན་རུང་དཀར་ངོགས་ཤིག་བཙལ་ན་ཡག་པོ་འདུག ངའི་ཟིན་བྲིས་ཀློག་མཁན་དག་གིས་དྲན་སྐུལ་འདི་མ་བརྗེད་པ་གནང་རིགས།

11. འཇམ་དཔལ་ལགས་ལ་ཁག་མེད། ཁྱེད་ཀྱི་ལག་ཏུའང་ཐོ་བ་ཞིག་ཡོད་པ་དེས་མ་འགྲིག་པ་ཡིན་སྲིད། ཀུ་རེ་ཡིན།

12. ལུང་རིགས་རྒྱལ་ལགས། བོད་གཞུང་གཙོང་མཁན་ངོ་ཚར་ཁྲལ་མེད་ཁྱེད་རང་གི་ད་རུང་ཡང་འགོ་བཀའ་ཁྲི་ནས་བོད་གཞུང་སྐྱོན་བརྗོད་ཤོག་ད་ལེན་པོ་འདུག། དྲང་པོ་བཤད་ན་ཁྱེད་རང་འདྲ་པོ་ཨམ་ཕྲུག་ནུས་མེད་དེ་དག་ས་གཞི་འདིའི་སྟིང་ས་སྡུལ་ལས་རིན་ཐང་མེད་པ་ཤེས་དགོས་ངེས་རེད། བོད་ནང་མཚོན་ན་རང་ལུས་སྒྲོན་མེ་སྤར་བའི་དཔའ་བོ་དཔའ་མོ་དེ་དག་གི་ལུས་སེམས་ཀྱི་དཀའ་ངལ་སལ་བ་ལ་བཙན་བྱོལ་ནང་ནུས་མེད་དབྱིན་དཀྲུག་ཅན་ཁྱེད་རང་འདྲ་བ་རེ་གཉིས་ཡོད་པ་དེ་གནས་འགྲིག་ཐབས་མི་འདུག། དགོངས་དག་

13. འོ། དེ་སྐད་ཆ་དྲང་མོ་འདྲ་ཞིག་རེད། ལོ་མང་རིང་མི་ལ་སྐྱོན་བརྗོད་མང་པོ་བྱས་སྟབས། ད་ཆ་དེའི་ལེ་ལན་རང་སྟེང་ལ་འཁུར་དགོས་པ་ངས་ཤེས་ཡོད།

14. ལུང་རིགས་རྒྱལ་ལགས།
    གྲོས་ཚོགས་རྭ་བའི་ནང་རང་བཙན་གླེང་མི་ཆོག་པ་འདྲ་ཞིག་བཙན་བྱོལ་སྒྲིག་འཛུགས་ཀྱི་བཅའ་ཁྲིམས་ལེའུ་གང་དུ་གསལ་ཡོད་དམ། གྲོས་ཚོགས་ཀྱི་གྲོ་གླེང་དང་སྲིད་སྐྱོང་གི་ལན་འདེབས་ལ་ཀྲུང་ནན་ཧེའེ་ཡིས་ཚིག་ཐོར་བཏབས་པར་ཁྱོད་དེ་འདྲའི་སྐྲག་དགོས་དོན་གང་ཡིན་ནམ། ང་ཚོས་མགོ་འབུལ་ལུས་འབུལ་གྱིས་རང་སྐྱོང་མངོན་འདོད་ཡིག་ཆ་ལ་ཀྲུང་ནན་ཧེའེ་ཡིས་ངོས་ལེན་ནམ་ཡང་མེད་མཁར་རང་བཙན་རྣམ་པ་དུ་མར་དབྱེ་འདུག་ན། ང་ཚོས་དྲང་གཏམ་འབའ་ཞིག་གླེང་ན་ཡང་ཀྲུང་ནན་ཧེའེ་ཡིས་རྫུན་གཏམ་འབའ་ཞིག་ཚིག་ཐོར་འདེབས་རྒྱུ་ནི་ཁོ་ཚོའི་རང་གཤིས་སུ་གྲུབ། འོ་ན་ང་ཚོས་ཅི་ཞིག་བརྗོད་དགོས་སམ། ཅི་ཞིག་གླེང་དགོས་སམ། ད་ལྟའི་གྲོས་ཚོགས་དང་འཛིན་སྐྱོང་གིས་ང་ཚོ་གང་དུ་འཁྲིད་མིན་དེ་རྙོག་འཛིང་སྣ་མང་ཅན་གྱི་བོད་རྒྱ་འབྲེལ་མོལ་དེས་ང་ཚོ་གང་དུ་སྐྱེལ་མིན་བཤད་ཚོད་དཀའ་མོ་རེད།

15. གསེར་འབྲུག་སྡེར་ལྔ་ལགས། ངས་རང་བཙན་གླེང་མི་ཆོག་པ་དང་། ཀྲུང་ནན་ཧེ་ལ་སྐྲག་དགོས་ཚུལ་འདྲ་བཤད་མེད། དེ་ལས་ལྡོག་སྟེ། བགྲོ་གླེང་དེར་དགའ་བསུ་དང་། པེ་ཅིན་གྱི་རྒྱ་རྒན་ཚོས་ཀྱང་ང་ཚོར་དོ་སྣང་བྱེད་ཀྱིན་ཡོད་སྲིད་ཅེས་བཤད་པའི་ཁུལ་ཡིན། ངའི་རེ་བ་ནི་གྲོས་ཚོགས་ནང་གི་རང་བཙན་སྐོར་གྱི་བགྲོ་གླེང་དེའི་རིགས་པེ་ཅིན་ནས་གསལ་བོ་ཞིག་གོ་ན་ཅི་མ་རུང་སྙམ་པ་དེ་ཡིན། ད་ནི་གསལ་བོ་ཆགས་ཡོད་པའི་རེ་བ་ཡོད།

16. ལུང་རིགས་ལགས།
    ངས་གོ་བ་ལོག་སྒྲུག་བྱས་འདུག་པས་དགོངས་འགལ་མ་མཛད་རོགས།
    ད་གསལ་པོ་ཆགས་སོང་བས་ཐུགས་རྗེ་ཆེ།