ངས་བལྟས་ན་དེ་བོད་རྒྱ་ཞི་མོལ་མ་རེད་ཞུ་མོལ་རེད། སྐུ་སྐྱིད། སྐུ་སྐྱིད་ཅེས་ཞུ་བ་འཐེན། སྐེ་བསྟན། ལྕེ་ལེ་གནར། ཕྱག་འཚལ་དེ་འདྲ་བྱས་ན་དེ་ཞི་བའི་འཐབ་རྩོད་ཀྱི་ཆ་ཤས་ཤིག་ཏུ་འགྲོ་གི་ཡོད་རྒྱུ་རེད། གྲུབ་འབྲས་ཅུང་ཟད་རེ་ཐོབ་མ་སྲིད་པ་མ་རེད། རྒྱ་ནག་གིས་སྲིད་དོན་འཁྲབ་ཀྱི་ཡོད་རེད། མགོ་སྐོར་གཏོང་གི་ཡོད་རེད་ཅེས་བསྡད་བསྡད་ན་དོན་ག་ལ་འགྲུབ། མགོ་སྐོར་ག་ཚོད་གཏོང་ན་གཏོང་ཆུག དེ་ང་ཚོའི་རྒྱལ་ཁ་ལས་ཕམ་ཁ་ཅི་ལ་ཡིན། ཁྱེད་ཚོ་སྐྲག་དགོས་གི་མ་རེད། འཛམ་གླིང་མི་མང་གིས་བལྟས་བསྡད་ཡོད་རེད། མགོ་སྐོར་ག་ཚོད་ཀྱིས་མང་ང་བཏང་ན་ང་ཚོའི་བདེན་པའི་རྒྱབ་རྩར་ལངས་མཁན་མང་དུ་འགྲོ་གི་རེད། མང་པོ་བཤད་རྒྱུ་མེད། ཁྱོད་ཚོས་ངའི་ཚིག་རྡོག་འདི་ཚོར་སློབ་སྦྱོང་ཡག་པོ་གྱིས། གཅིག་ནས་གཅིག་བརྒྱུད་ཁྱབ་སྤེལ་ཡག་པོ་གྱིས། བརྙན་འཕྲིན། རླུང་འཕྲིན། དུས་དེབ། ཚགས་པར། དྲ་གནས་སོགས་བརྒྱུད།
གཞན་སྐུ་ཚབ་ཚོགས་པ་ཚོར་སྐེ་སྟོན་སྟངས། ལྕེ་གནར་སྟངས། ཕྱག་འཚལ་སྟངས་སོགས་ལ་སྦྱོང་བརྡར་ཡང་སྤྲོད། རྒྱལ་སྤྱིའི་ཐོག་ལའང་དེ་བཞིན་དུ་ལས་འགུལ་སྤེལ། ནུབ་ཕྱོགས་པའི་མིག་ལྗང་ཁུ་ཅན་གྱི་སྲིད་འཛིན་པ་དེ་ཚོ་སེམས་འགུལ་ཐེབས་སླ་པོ་ཡོད་རེད། ཀུ་རེ་ཡིན་ལ་དངོས་གནས་ཀྱང་ཡིན།
ཀུ་རེ་ཡིན་ལ་དངོས་གནས་ཀྱང་ཡིན་པའི་གནད་དོན་ཆེན་པོ་འདི་ཆེ་དྲགས་འདུག བོད་མི་ཚོའི་དངངས་སྐྲག་ཡལ་བ་ཞིག་གནང་ཐུབ་པ་ཡོད་མེད་ལ་གཞུང་གིས་གང་འདྲ་ཞིག་གནང་གི་ཡོད་དམ། ཁྱེད་ཀྱིས་སྐུ་སྐྱིད་སྐུ་སྐྱིད་ཅེས་ཞུ་བ་འཐེན་འདུག ཁ་ཤས་ཀྱིས་སྐུ་མཁྱེན་ སྐུ་མཁྱེན་ཞེས་འབྲི་གིན་འདུག ལྷ་སའི་ཁ་སྐད་ ཀུ་ཅི་ ཟེར་བ་འདི་བོད་སྐད་མིན་ན་ཐང་། ཀུ་ཅི་ཟེར་བ་འདིའི་ཡོང་ས་ངོ་མ་དེ་གང་ཡིན་ནམ།
ལྷ་སའི་ཁ་སྐད་ཀུ་ཅི་ཀུ་ཅི་ཞེས་པ་དེ་འདས་པའི་དུས་སུ་འགྲོ་རྒྱུགས་ཧ་ཅང་ཆེན་པོ་ཡིན་ངེས། དཔེར་ན། སྤྲང་པོས་ཟས་སློང་སྐབས། ཉེས་ཅན་ལ་ཆད་པ་ཕོགས་སྐབས། ཉམ་ཆུང་ལ་བརྡུང་བརྡེགས་ཕོག་སྐབས། མགྲོན་པོས་གནས་ཚང་གཡར་སྐབས་བཅས་ལ་དགོས་མཁོ་ཆེན་པོ་ཡོད་ངེས་ཀྱང༌། བོད་རྒྱ་ཞི་མོལ་ཡིན་ནམ་ཞུ་མོལ་དེ་ཚོའི་སྐོར་ལ་ཀུ་ཅི་ཀུ་ཅི་ཞེས་པ་དེས་གྲུབ་འབྲས་འདྲ་ཨེ་ཐོན་ནམ། སྐུ་མཁྱེན་ཡིན་ནམ་སྐུ་གཅེས་ཡིན་མི་ཤེས། དེ་ཡིག་ཐོག་ལ་འབྲི་སྲོལ་སྔོན་དུས་སུ་མེད་པ་འདྲ། གཅིག་བྱས་ན་འདོད་རྒྱལ་གྱི་སྒྲ་ཞིག་ཡིན་ཡང་སྲིད། རྒྱ་མཚན་གང་གི་ཕྱིར་ཁྱེད་པ་འདི་ཤེས་འདོད་བྱུང༌། འདི་ལེགས་པོ་ཞིག་སྦྱངས་ན་བོད་རྒྱའི་བར་གྱི་དཀའ་རྙོགས་སེལ་བར་ཕན་ཐོགས་འདྲ་ཞེ་ཡོད་བསམ་པ་མིན་ནམ། དེ་ཚོ་ཀུ་རེ་ཡིན།གང་ལྟར་ཡང་ཚང་མས་ཞིབ་འཇུག་ཅིག་གྱིས་དང༌།
སྐུ་སྐྱིད་དང་ཀུ་ཅི་ཞེས་གང་བྲིས་ན་བོད་སྐད་དུ་དབྱིན་སྐད་དང་རྒྱ་སྐད་ཀྱི་སྒྲ་གདངས་ཐོན་ཙམ་གྱིས་བྲིས་པ་ལྟར་དུ་སྣང་བས་འདི་ནི་ནོར་བ་རེད། ལྷ་སའི་སྐད་གདངས་ལ་སྒྲ་དེ་ལྟར་ཐོན་ཡང་དོན་དུ་ཡིག་ཐོག་ཏུ་འབྲི་ན་སྐུ་མཁྱེན་ཞེས་འབྲི་དགོས། འདི་དང་འདི་ལྟ་བུའི་ལྷ་སའི་སྐད་གདངས་མང་པོ་ཞིག་ང་ཚོས་གདངས་ཡོང་ཐབས་ཙམ་ལས་དོན་དུ་ཐ་སྙད་དངོས་ཡིག་ཐོག་ཏུ་འབྲི་མ་ཤེས་པའི་དཀའ་ངལ་འབྱུང་གིན་ཡོད་པས། སྤྱི་ཚོགས་ཀྱི་འགན་འཁུར་རྒྱུ་ཡིན་ཟེར་མཁན་ཞིག་ཡིན་ཕྱིན། འདི་རིགས་གང་ཤར་དང་གང་བྱུང་དུ་མི་འབྲི་བར་བརྟག་དཔྱད་གང་གཟབ་བྱེད་རྒྱུ་གལ་ཆེན་ཡིན་སྙམ།
ངས་སྐུ་སྐྱིད་དང་སྐུ་མཁྱེན་གཉིས་ཀ་བེད་སྤྱོད་གཏོང་གི་ཡིན། ཡིན་ན་ཡང་བེད་སྤྱོད་གཏོང་ས་མི་འདྲ། ངའི་ཕ་ཡུལ་དུ་ཟས་སོགས་སློང་སྐབས་གཞན་ལ་ཞུ་བ་འཐེན་པའི་གོམས་སྲོལ་མེད་པར་ཟས་མ་ཐོབ་སྔོན་ནས་སྨོན་ལམ་བཟང་བོའི་མཚམས་སྦྱོར་བར་བྱེད། དེ་ཡང་། དཔེར་ན། ཁ་དྲོ། ལོ་བརྒྱ། ཚེ་རིང་། བཀྲ་ཤིས་ཟེར། དུས་ན་སྐུ་སྐྱིད་ཟེར་ནའང་གཅིག་པ་རེད། ཡང་གཞན་ལ་ཞུ་བ་འཐེན་ན། ངའི་སྐེ། སྐུ་མཁྱེན་ཟེར་ནས་འབྲི་གི་ཡིན།
བཀྲ ་ཤིས་བདེ་ལེེེགས།
མགོན་པོ་ཕྱག་གཉིས་པ་ཟེར་བའི་མི་དེ། རྒྱུ་མཚན་འགྲོ་ས་མེད་མཁན། ཨུ་ཚུགས་ཅན། ལྐུགས་རྟགས་ཀྱང་ཚ་པོ་ཡིན་པའི་མི་ཐབས་ཆགས་འདི་འདྲ་ཞིག་ཡིན་པ་ད་རེས་ཤེས་བྱུང་། མི་རྒྱུ་མཚན་མི་འགྲོ་མཁན། ཡོན་ཏན་ལ་བརྩི་འཇོག་མེད་མཁན། གླེན་པ་འདི་འདྲ་མཉམ་དུ་དྲ་རྒྱ་གཅིག་གི་ནང་མགོ་བོ་བཅུག་ནས་སྡོད་དགོས་པ་འདི་ང་ཚོ་བོད་མི་ཤེས་ཡོན་ཅན་པ་ཚོའི་ལས་ངན་བསམ་གྱི་མི་ཁྱབ་པ་ཞིག་རེད་སྙམ། དེ་ན་དཀོན་མཆོག་ལ་གསོལ་བ་འདེབས་ནས། མགོན་ཕྱག་གཉིས་པ་ཁོ་རང་དྲ་རྒྱ་དེར་ལོག་མི་ཡོང་བའི་འཕྲིན་བཅོལ་བྱ་རྒྱུ་ལས་མ་འདས།
ངས་དྲ་གྲོགས་ཚོར་རེ་སྐུལ་ཞིག་ཞུ་འདོད་བྱུང་། ད་ནས་བཟུང་དྲ་གྲོགས་ཕན་ཚུན་བར་ཚིག་ངན་ཟུར་ཙམ་ཡང་མི་གསུང་རྒྱུ་ངའི་རེ་བ་ཡིན། ང་ཚོའི་སྤུན་ཟླ་ལྷག་བསམ་ཅན་ཞིག་གིས་བོད་ཡིག་ཐོག་རང་དབང་གླེང་སྟེགས་འདི་འདྲ་ཞིག་བཟོས་ཡོད་དུས། ང་ཚོ་དྲ་དེབ་འདིར་ཞུགས་མཁན་རྣམས་ཀྱིས་ཁོང་རྣམ་པའི་ཐུགས་རེ་བཞིན། རང་རང་སོ་སོའི་ཤེས་ཚོད་ཀྱིས་དཔྱད་བརྗོད་དྲང་བདེན་དང་། བཟོད་སྒོམ། བསམ་ཤེས་ཀྱི་ཐོག་ནས་སྤེལ་རྒྱུ་ལས། ཕན་ཚུན་ཚིག་ངན་དང་ཤགས་འགྱེད་ལྟ་བུ་མ་ཡིན་པར་བརྗོད་བྱའི་གནད་ལ་དབབ་པའི་གླེང་མོལ་རེ་གནང་ཐུབ་ན།
སྣ་ཚོགས་ཤེས་བྱ་རིག་པའི་སྐྱེད་ཚལ་གྱི་སྟེགས་བུར།།
བློ་གྲོས་གཤོག་རྩལ་རྒྱས་པའི་སྐལ་བཟང་གི་རྐང་དྲུག།
དྲང་བདེན་གཏམ་གྱི་སྦྲང་རྩི་ལྟོས་མེད་དུ་རོལ་མཁན།།
ཉེས་པའི་སྐྱོན་ཚོགས་བྲལ་བའི་དྲ་གྲོགས་རྣམས་བག་ཕེབས།། ཞེས་བསྟོད་ཀྱང་འགལ་བ་མེད་པར་མེད་པར་སེམས་སོ།།
ང་རང་ཉིད་ཀྱི་ངོས་ནས་རིག་པའི་རྡོ་རྗེས་གསུངས་པ་དེར་བརྒྱ་ཆ་བརྒྱ་ཐམས་པ་འཐད་པ་མ་ཟད་རང་ངོས་ནས་ཀྱང་མ་ཤེས་ན་མ་གཏོགས་དེ་ཁོ་ན་ལག་ལེན་དུ་བསྟར་འདོད་ཡོད།
མགོན་པོ་ཕྱག་གཉིས་པ་འདུལ་མཁན་ལགས།
ཁྱེད་རང་བདེན་པ་རེད། ང་མི་ཨུ་ཚུགས་ཅན་ཞིག་ཡིན། བདེན་པ་ཞིག་ཤེས་པའི་སླད་དུ།
ཁྱེད་རང་ཁ་རུ་ཁ་ཐུག་རེད། ང་ལྐུགས་རྟགས་ཚ་པོ་ཡིན། ངས་གནས་ལུགས་མང་པོ་ཞིག་མི་ཤེས་པས།
ཁྱེད་རང་ནོར་བ་རེད། ང་ལ་རྒྱུ་མཚན་འགྲོ་ས་ཡོད། རྒྱུ་མཚན་འཚོལ་མཁན་ཞིག་ཡིན་པས།
ཁྱེད་རང་གིས་བཤད་ན་ང་གླེན་པ་རེད། ཡིན་ད་ཡིན། ཁྱོད་ཀྱིས་རྒྱུ་མཚན་དུ་མཐོང་བ་དེ་ངས་རྒྱུ་མཚན་དུ་མཐོང་གི་མེད་པས།
དཀོན་མཆོག་ལ་གསོལ་བ་འདེབས། བོད་མི་ཤེས་ཡོན་ཅན་འདི་ཚོས་ང་ཐུགས་རྗེའི་ལྕགས་ཀྱུས་བཟུང་ནས་ཡོན་ཏན་གྱི་བགོ་སྐལ་རེ་སྩོལ་བར་ཞུ། དྲ་རྒྱ་འདིའི་ནང་དུའང་ཡང་ཡང་ཡོང་ཆོག་པ་ཞུ།