༼བོད་ཀྱི་དུས་བབ་དྲ་ངོས་ནས་བཤུ་འགོད་ཞུས་པ་ཡིན།༽
ཨ་རིའི་ཕོ་བྲང་དཀར་པོས་ཕྱི་ཚེས་ ༡༦ ཉིན་སྲིད་འཛིན་ཨོ་བྷ་མས་༸གོང་ས་མཆོག་ལ་མཇལ་འཕྲད་གནང་སྟེ། བོད་ཀྱི་རིག་གཞུང་དང་འགྲོ་བ་མིའི་ཐོང་ཐང་སྐོར་ལ་བཀའ་མོལ་གནང་རྒྱུ་ཡིན་པ་བསྒྲགས་འདུག
དེ་རིང་ཕྱི་ཚེས་ ༡༦ ཉིན། ཨ་རིའི་ཕྲོ་བྲང་དཀར་པོས་སྲིད་འཛིན་ཨོ་བྷ་མ་༸གོང་ས་མཆོག་དང་མཇལ་འཕྲད་གནང་རྒྱུ་ཡིན་པ་བསྒྲགས་ཡོད་པ་དང་། མཇལ་འཕྲད་སྐབས་ཨ་རིའི་ངོས་ནས་བོད་ཀྱི་རིག་གཞུང་དང་བོད་མིའི་འགྲོ་བ་མིའི་ཐོབ་ཐང་སྲུང་སྐྱོབ་ཀྱི་ཐད་ལ་རྒྱབ་སྐྱོར་ཤུགས་ཆེན་པོ་གནང་རྒྱུ་ཡིན་པ་གསལ་བསྒྲགས་གནང་འདུག ཐེངས་འདིའི་མཇལ་འཕྲད་དེ་ཨ་རིའི་ཕོ་བྲང་དཀར་པོའི་དཔེ་མཛོད་ཁང་དུ་དུས་ཡུན་སྐར་མ་ ༣༠ རིང་གནང་རྒྱུ་ཡིན་འདུག
ཨོ་བྷ་མ་༸གོང་ས་མཆོག་ལ་མཇལ་འཕྲད་གནང་རྒྱུ་ཡིན་པའི་གནས་ཚུལ་བསྒྲགས་མ་ཐག ཨ་རིར་གནས་སྡོད་རྒྱ་ནག་གཞུང་ཚབ་ཀྱིས་མཇལ་འཕྲད་དེ་ཕྱིར་འཐེན་བྱ་དགོས་ལུགས་བརྗོད་ཡོད་པར་མ་ཟད། རྒྱ་ནག་ཕྱི་འབྲེལ་ལྷན་ཁང་གི་མགྲིན་ཚབ་པ་ཧོང་ཧྲི་ཡིས་”ང་ཚོས་རྣམ་པ་གང་རུང་གི་ཐོག་ནས་ཏཱ་ལའི་བླ་མ་དང་མཇལ་འཕྲད་གནང་རྒྱུར་མཐའ་གཅིག་ཏུ་ངོ་རྒོལ་ཡོད་” ཅེས་བརྗོད་དེ། རྒྱ་གཞུང་གི་ངོས་ནས་ཨ་རིའི་སྲིད་འཛིན་ཨོ་བྷ་མ་༸གོང་ས་མཆོག་ལ་མཇལ་འཕྲད་གནང་རྒྱུར་ངོ་རྒོལ་བྱས་ཡོད་འདུག
སྔོན་མ་ཕྱི་ལོ་ ༢༠༡༠ ཟླ་ ༢ ཚེས་ ༡༨ ༸གོང་ས་མཆོག་དང་སྲིད་འཛིན་ཨོ་བྷ་མ་རྣམ་གཉིས་ཕོ་བྲང་དཀར་པོའི་ཁང་བརྩེགས་འོག་མའི་ས་ཁྲའི་ཁང་ཆེན་ནང་མཇལ་འཕྲད་ཐེངས་དང་པོ་དེ་གནང་ཡོད་པ་རེད།
གསར་འགོད་པ། ཚེ་རིང་རྒྱལ།
ཨ་རིའི་ཕོ་བྲང་དཀར་པོས་སྲིད་འཛིན་ཨོ་བྷ་མ་གོང་ས་མཆོག་དང་མཇལ་ཕྲད་གསལ་བསྒྲགས་བསྐྱངས་པ་ལ་དགའ་བསུ་ཞུ།
ཨ་རིའི་སྲིད་འཛིན་གྱི་གོང་ས་མཆོག་ལ་མཇལ་འཕྲད་གནང་བ་ཉེ་ཆར་ཨ་རིའི་གྲོས་ཚོགས་གོང་འོག་གཉིས་ནས་གོང་ས་མཆོག་གྲོས་ཚོགས་སུ་གདན་འདྲེན་བྱས་པ་དང་ཨ་རིའི་མི་མང་ངོས་ནས་སྲིད་འཛོན་གོང་ས་མཆོག་དང་མཇལ་འཕྲད་དགོས་པའི་རེ་འདུན་བྱས་པ་སོགས་ཀྱི་རྐྱེན་གྱིས་ཡིན་པ་དང་།ཡིན་ཡང་རྒྱ་ནག་གུང་ཁྲན་ཏང་གི་གནོན་ཤུགས་ག་ཚོད་སྤྲད་ཅིང་སྲིད་འཛིན་མཆོག་ནས་དེ་ལ་དང་ལེན་མ་བྱས་པ་དངོས་གནས་བོད་ལ་རྒྱབ་སྐྱོར་ཡོད་པའི་རྟགས་རེད
རྒྱ་ནག་སྟོབས་ག་ཚོད་ཆེ་ཡང་ང་ཚོས་སྐད་ཤོར་བ་བཟོ་ཐུབ་པ་ནི་རྒྱལ་ཁ་རེད།།