གཡག་དང་འབྲི་དེ་ཚོ་ག་པར་ཕྱིན་པ་རེད།
ཟླ་བ་ལྔ་པའི་ཚེས་ ༢༠ གཟའ་པ་སངས་ཉིན་གྱི་ཕྱི་དྲོའི་
ཆུ་ཚོད་ ༦:༠༠ ནས་ ༩:༣༠ བར།
ཟླ་བ་ལྔ་པའི་ཚེས་ ༢༡ གཟའ་སྤེན་པའི་ཉིན་གྱི་སྔ་དྲོའི་
ཆུ་ཚོད་ ༩:༣༠ ནས་ཕྱི་དྲོའི་ཆུ་ཚོད་ ༥:༣༠ བར།
མཚོ་བོད་མཐོ་སྒང་སྟེང་གི་རྩྭ་ཐང་ཁྱོན་ཡོངས་ལ་འཕོ་འགྱུར་ཆེན་པོ་འགྲོ་བཞིན་ཡོད། རྩྭ་ཐང་སྟེང་ལ་བྱེ་ཐང་ཁྱབ་བརྡལ་དང་། སྐྱེ་དངོས་ཀྱི་སྣེ་རིགས་མང་པོ་རྩ་སྟོང་འགྲོ་བཞིན་པ། དེ་བཞིན། ཁོར་ཡུག་དོ་སྙོམས་ཀྱི་སླད། མང་ཚོགས་གནས་སྤོས་བྱེད་པའི་སྲིད་འཇུས་ལས། བོད་པའི་སྤྱི་ཚོགས་དང་ས་ཁམས་ལ་འགྱུར་བ་ཆེན་པོ་ཐེབས་རྒྱུ་རེད། ད་ལྟ་རྩྭ་ཐང་ཐོག་ཏུ་བྱུང་བཞིན་པའི་འགྱུར་བ་དེ་ཚོས་མ་འོངས་པར་བོད་པ་ཚོར་སྔར་འཕྲད་མ་མྱོང་བའི་དཀའ་ངལ་དང་ཤུགས་རྐྱེན་གཏིང་ཟབ་ཐེབས་ངེས། དེར་བརྟེན་ཀུན་ཕན་ཐེབས་རྩ་ཚོགས་པས་ཟླ་བ་ལྔ་པའི་ཚེས་༢༠དང་༢༡ཉིན་འཕྲེང་རྒྱུད་གཏམ་ཚོགས་གཉིས་པ་སྟེ།ཡར་རྒྱས་ཀྱི་འཆར་སྣང་།ཞེས་པའི་ཚོགས་འདུ་དང་པོ་དེ་བསྐོངས་ནས་ད་ལྟའི་རྩྭ་ཐང་གི་གནས་སྟངས་དང་། མ་འོངས་པའི་འགྱུར་བ་སོགས་ཀྱི་སྐོར་ལ་གྲོས་བསྡུར་བྱ་རྒྱུ་ཡིན་པས། ལྷན་རྒྱས་ང་ཚོའི་བགྲོ་གླེང་ཚོགས་འདུ་འདིར་མཉམ་ཞུགས་གནང་བར་རེ་བ་ཞུ།
ཡར་རྒྱས་ཀྱི་འཆར་སྣང་།ཞེས་པའི་བགྲོ་གླེང་ཚོགས་འདུ་འདིར་རྒྱལ་ཁབ་འདྲ་མིན་ནས་ཕེབས་པའི་མཁས་དབང་དང་ཆེད་ལས་པ་ཁག་གདན་འདྲེན་ཞུས་ནས་འཛམ་གླིང་ཁྱོན་ཡོངས་ལ་ཡར་རྒྱས་ལས་ཀའི་ཐབས་འཇུས་མི་འདྲ་བ་ལག་བསྟར་བྱེད་པ་དེ་ཚོར་བགྲོ་གླེང་དང་། དམིགས་བསལ་བོད་ཁུལ་ལ་ལག་བསྟར་བྱེད་བཞིན་པའི་ཡར་རྒྱས་ལས་ཀའི་གནས་བབ་ལ་དཔྱད་པ་བྱ་རྒྱུ་ཡིན་ནོ།
ཞིབ་ཆ་ཤེས་འདོད་པ་དང་མིང་ཐོ་འགོད་དགོས་ན་ www.trace.org ལ་ཕེབས་རོགས།
ཁ་བརྡ་ག་ཝ་ཕྱིན་པ་ཡིན་ནམ་སྙམ་ནས་སེམས་ཕྲལ་ཆེ་ཙམ་བྱུང་ཡང་། སླར་ཡང་སྒོ་ཕྱེ་ཐུབ་པར་དགའ་སྤྲོ་ཆེ། བོད་ཀྱི་འབྲི་གཡག་རྣམས་རྒྱ་མི་ཧན་མི་རིགས་ཀྱི་ལྟོ་བར་ཕྱིན་པ་ལས་གཞན་འགྲོ་ས་ཡོད་མ་རེད་སྙམ། ཧ་ཧ་ཧ།
༈ རྙེད་བཀུར་གྱི་དམག་འཁྲུགས། འདིར་ཡིད་སྐྱོ་བའི་གནས་ཚུལ་ཞིག་གོ་བྱུང་། གསར་ཏུ་བྱུང་བ་ཞིག་མིན་མོད། བདག་ལ་མཚོན་ན་གསར་ཏུ་གོ་བ་ཞིག་དང་། ཆེས་ཡ་མཚན་པ་ཞིག་རེད། ལོ་རྒྱུས་ཀྱི་སྐྱོན་ཆ་ངོས་འཛིན་ནི་མི་རིགས་ཡར་རྒྱས་ཀྱི་རྩ་བའི་ཆ་རྐྱེན་ཡིན་པས་འདི་ལྟ་བུ་བོད་ཀྱི་སྤྱི་ཚོགས་ལ་མི་འབྱུང་བ་དང་། ཕྱོགས་ཀུན་ནས་སྔོན་འགོག་བྱེད་དགོས། ངས་གོ་བའི་ལོ་རྒྱུས་ནི་ཀཿཐོག་གི་མཁན་པོ་ཞིག་གིས་ངག་ལས་ཐོས་པ་ཡིན་མོད། འདི་ལའང་གཟིགས་ཞིབ་དང་། བདེན་རྫུན་ཤན་འབྱེད། སྙིགས་འདོར་བཅུད་ལེན་བྱེད་དགོས་པ་དུ་མ་ཡོད་ངེས་པས་དྲ་གྲོགས་རྣམས་ཀྱིས་དཔྱད་པར་ཞུ། མ་ཟད་ཆོས་རྒྱུན་འདི་ལ་འབྲེལ་བ་ཡོད་མཁན་ཚོས་སློབ་གསོ་བརྒྱབ་ཏེ་རྩོད་གླེང་ཞི་ཐབས་ལ་འབད་པ་གནང་རོགས་ཞུ། གནས་ཚུལ་འདི་སྒོར་མོ་དང་འབྲེལ་བ་དམ་ཟབ་ཡོད་པ་ཞིག་ཡིན། རྒྱ་གཞུང་གི་སྒོར་མོའི་རོགས་སྐྱོར་ཐོབ་རྒྱུ་གོ་བ་དང་གདན་ས་ཆེན་པོ་ཞིག་གི་བླ་ཆེན་རྣམས་ཀྱི་བར་ཏུ་རྩོད་པ་ཤུགས་ཆེན་སླེབས་འདུག་པར་མ་ཟད་མི་གསོད་ཁྲག་སྦྱོར་ཀྱི་བྱ་བ་ཡང་བྱུང་འདུག ལོ་རྒྱུས་མདོར་བསྡུས་ཏེ་བཤད་ན། ༡༽ ཀཿཐོག་སྨོན་ལམ་ཆེན་མོ་ཚོགས་རྒྱུར་དངུལ་གྱི་དཀའ་ངལ་འཕྲད་དེ་ཕྱི་གླིང་ན་བཞུགས་པའི་བླ་མ་རྣམས་ལ་རོགས་སྐྱོར་བྱེད་པར་བསྐུལ་ཙ་ན། ཀཿ་བསྟན་ལ་ལྷག་བསམ་མངའ་བ་ཀཿཐོག་ཀརྨ་རིན་པོ་ཆེ། འབྲུག་གྲགས་རིན་པོ་ཆེ། བདུད་འདུལ་རིན་པོ་ཆེ་སོགས་ཀྱིས་ཕྱག་དངུལ་ཕོན་ཆེན་པུལ་བ་རེད། དེ་ལ་གཟེངས་བསྟོད་དང་མངའ་གསོལ་གནང་བར་མ་ཟད་རིམ་པར། ཁོང་རྣམས་ཀཿཐོག་གསེར་ཁྲིར་ཕེབས་པ་རེད། དེས་དྲི་མེད་ཞིང་སྐྱོང་ཕྱུག་པོར་གྲགས་པའི་ཟིལ་ཤུགས་ཅུང་ཟད་ཉམ་ནས་མངོན་ལྐོག་མི་མཚུངས་པའི་བྱ་བ་དབུ་བརྙེས་པ་རེད་ཟེར། ༢༽དེ་རྗེས་རྒྱ་གཞུང་གིས་རོགས་རེམ་དུ་དམངས་སྒོར་དུང་ཕྱུར་བཅུ་བདུན་སྤྲོད་རྒྱུའི་འཆར་གཞི་བཏིང་བ་དང་། བགོ་བཤའ་བཏང་ན་སྐལ་བ་ཆེན་པོ་ཐོབ་འགྲོ་བ་སོགས་ཀྱི་གླེང་གཞི་བྱུང་སྟེ། བླ་མ་ཕྱུག་པོ་གསུམ་ལ་སྐྱབས་བཅོལ་མི་དགོས་པའི་ཡིད་ཆེས་རྙེད་དེ་ཁོང་གསུམ་བུད་མེད་དང་འབྲེལ་བ་ཡོད་མིན་སོགས་དོགས་པས་མཐར་བསྐྲོད་བཏང་བའི་ཡི་གེ་གློགས་ལམ་ནས་ཁྱབ་སྒྲགས་བྱས་པས་འཁྲུགས་པའི་མགོ་བརྩམས། བླ་མ་གསུམ་ཕྱིར་འབུད་བཏང་བའི་ཡི་གེ་ལ་ཀཿཐོག་རྨོགས་ཚྭས་ས་ཡིག་མ་གནང་བས་ཁོང་ལ་ཡང་འཇིགས་བསྐུལ་ཐེབས་ཚུལ་བཤད་རྒྱུ་ཡོད་ཚོད་རེད། ༣༽དངུལ་ཐོབ་རྒྱུར་ཐག་ཉེ་་ཚེ་ཀཿཐོག་དྲི་མེད་ཞིང་སྐྱོང་ཁོ་རང་དང་གློ་བ་ཉེ་་བའི་འཇམ་དབྱངས་སྤྲུལ་སྐུ་ཀཿཐོག་བསྟན་བདག་ཏུ་མངའ་གསོལ། གཞན་རྣམས་ལ་དངུལ་གྱི་ལོ་རྒྱུས་འདྲི་མི་ཆོག་པའི་བཀའ་རྒྱ་དང ། བླ་མ་ཕྱིར་འབུད་དོན་ཏུ་ས་ཡིག་མ་བཀོད་པས་བསྟན་པ་ལ་གཅེས་སྤྲས་མི་གནང་པའི་ཉེས་པ་བཀལ་བ་རེད་ཟེར། དེར་བརྟེན་ཀཿཐོག་རྨོག་ཚ་མགོ་ལོག་མདོ་གོང་མ་དགོན་ཏུ་བྲོས། བཤད་གྲྭའི་མཁན་པོ་ཉག་རོང་ཨ་བསོ་རི་ཁྲོད་ཏུ་ཕེབས་རྒྱུ་བྱས། ཤུལ་ཏུ་ཞིང་སྐྱོང་ཕྱོགས་དང་ཉག་རོང་བློ་དགའ་སྤྲུལ་སྐུའི་ཕྱོགས་གཉིས་རྩོད་པའི་ཚ་རླབས་འབར་གྱིན་བཞུགས་ཟེར། ༤༽ལོ་སྔོན་མའི་མགོར་བློ་དགའི་ཕྱོགས་ཀྱི་སྒྲུབ་བླ་གཙོས་གྲྭ་གཉིས་ལ་དྲི་མེད་ཞིང་སྐྱོང་ཕྱོགས་ཀྱི་བོད་རིགས་སྤྱི་བདེ་མི་སྣ་ཞིག་གིས་མེ་མདའ་བརྒྱབ་ཏེ་བསད། དེའི་ཤ་ལན་ལེན་པར་གྲྭ་དམག་ཕུད་་ཏེ་སྤྱི་བདེ་མི་སྣའི་ཁང་པ་རྒྱུ་ནོར་ཚང་མ་མེ་བསྲེག་བཏང་། སྐྱེས་མ་དང་བྱིས་པ་སོགས་རྡུང་བདེགས་ཚབ་ཆེན་བྱས། ཕྱིར་ལོག་སྐབས་གྲྭ་དམག་གི་རླང་འཁོར་འགྱེལ་ནས་གྲྭ་བ་གསུམ་ཤི། ཁ་མཆུ་ད་དུང་ཡང་ལྷག་ཡོད་ཚོད་རེད། ༤༽དངུལ་ཐོབ་པ་ཐག་བཅད་པ་དང་དྲི་མེད་ཞིང་གིས་ཁ་བྲལ་རིང་ལུགས་ལ་ངོ་རྒོལ་བྱེད་པའི་ཁྱབ་སྒྲགས་བཏང་། རྒྱ་ནག་གི་རྒྱལ་གླུ་དགོན་པར་ལེན་བཅུག ཁྲི་འདུའི་ཀཿཐོགས་ལས་ཁུངས་ཏུ་སྐར་ལྔའི་དར་ཕྱར། འཇམ་དབྱངས་སྤྲུལ་སྐུས་སྐྱེ་བ་ནས་ཚེ་རབས་ཀུན་ཏུ་ཀྲུང་གོའི་མངའ་ཁོང་ཏུ་གནས་པར་སྨོན་ལམ་བཏབ། རྒྱ་གཞུང་གིས་ཁོ་ལ་དངུལ་ལེན་པའི་བདག་དབང་ཆ་ཚང་སྤྲོད་རྒྱུ་བྱས། དྲི་ཞིང་ཧོང་ཀོང་ཏུ་ཕེབས་ནས་སྡེ་དགེ་རྒྱལ་ཁབ་ཀྱི་དབུ་བླ་ཡིན་པས་ཁོ་ལ་དབང་ཆ་ཚང་ཡོད་པ་དང་། དེའི་ཕྱོགས་རྒྱ་ནག་དང་ཁ་བྲལ་ཐབས་མེད་པ་ཡིན་ཚུལ་སོགས་བཤད་དེ་ཆོས་ཚོགས་སྐབས་རྒྱ་ནག་གི་རྒྱལ་གླུ་བླང། ཡང་བློ་དགའི་ཕྱོགས་ཀྱིས་དྲི་ཞིང་བོད་གཞུང་དང་རྒྱ་ནག་ཕྱོགས་གཉིས་ཀྱི་གསང་ཉུལ་བ་ཡིན་ཚུལ། ཁོ་རང་ཀྲུང་གོའི་མི་སེར་གཙང་མ་དང་བློ་གཏད་ཁེལ་བའི་གྲོགས་པོ་ཡིན་ཚུལ་བཤད་དེ་ཧོང་ཀོང་ཏུ་ཕེབས་ནས་ཁྱབ་སྒྲགས་དང་། དབང་ལུང་གནང་བའི་སྔོན་ཏུ་སྐར་ལྔའི་དར་དམར་ཕྱར་ཏེ་བླ་སློབ་ཚང མ་ཡར་བཞེངས་ནས་རྒྱལ་་ལེན་བཅུག དེ་རྗེས་ཀཿཐོག་དགེ་རྩེ་ཧོང་ཀོང་ཏུ་ཕེབས། ཁོང་རྟོགས་ལྡན་དང་བདེན་པའི་་གཡོ་རྒྱུ་ལ་གོམས་པས་རང་ཉིད་བྱ་བྲལ་ཡིན་ལུགས་དང་། རྒྱལ་བ་རིན་པོ་ཆེ་ང་ལ་དགའ་ཡང་ངས་བོད་རང་བཙན་གྱི་བྱ་བ་ནམ་ཡང་གཉེར་རྒྱུ་མ་རེད། ཆོས་དང་སྲིད་ཁ་ཁ་རེད་གསུངས་པ་དང་། དྲི་མེད་ཞིང་དང་བློ་དགའ་ཡག་རབས་བཤད། སྐར་ལྔའི་དར་དམར་འོག་ནས་ཆོས་བཤད་རྒྱ་ཆེར་གནང་། ཀྲུང་གོ་གསར་བར་བློ་གཏད་བྱེད་ངེས་པ་ཀ་ཐོག་དགོན་པ་ཡིན་རབས་བཤད། མདོར་ན་ཐམས་ཅད་ཀྱིས་རྒྱ་གཞུང་གི་དངུལ་དེས་ཆེད་ཏུ་རྩོད་པ་བྱེད་གནང་གི་ཡོད་པ་ཐོས།