ད་ལྟ་བར་རྒྱལ་བ་རིན་པོ་ཆེའི་གཞུང་། ད་ནས་བཟུང་མི་མང་གི་གཞུང་།
ད་ལྟ་བར་ལྷས་དབང་སྒྱུར། ད་ནས་བཟུང་མིའི་དབང་སྒྱུར།
ད་ལྟ་བར་དུ་དམངས་གཙོའི་འགྱུར་བ་ཚང་མ་རྒྱལ་བ་རིན་པོ་ཆེས་བཏང་ཡོང་བ་རེད། མ་འོངས་པ་ན། དམངས་གཙོའི་འགྱུར་བ་ཚང་མ་མི་དམངས་ཀྱིས་བཏང་ཡོང་གི་རེད།
ད་ལྟ་བར་རྒྱ་གཞུང་གིས་ཏྰ་ལའི་བླ་མ་ཟེར་ནས་དགག་པ་བསྐྱོན་ཡོང་བ་རེད། ད་ནས་བཟུང་ག་འདྲ་ཞིག་ལ་འགྱུར་འགྲོ་ཡོང་། གཅིག་བྱས་ན།
ད་ལྟ་བར་རྒྱལ་སྤྱིའི་ཐོག་ནས། རྒྱ་གཞུང་ལ་ཏྰ་ལའི་བླ་མ་དང་མཉམ་དུ་སྐད་ཆ་ཤོད་ཟེར་གྱི་ཡོད་པ་རེད། ད་ནས་བཟུང་ག་འདྲ་ཞིག་ཟེར་འོངས་ན།
ད་ལྟ་བར་རྒྱལ་བ་རིན་པོ་ཆེས་གཞུང་དམངས་གཉིས་ཁུར་ཡོང་བ་རེད། ད་ནས་བཟུང་གཞུང་དམངས་གཉིས་རང་གི་རྐང་མགོར་རང་ཉིད་ལངས་དགོས་རེད།
ད་ལྟ་བར་རྒྱལ་བ་རིན་པོ་ཆེས་བོད་མི་དམངས་ཀྱི་སྐུ་ཚབ་གནང་བ་རེད། ཡིན་ནའང་། ཁོང་ཚང་གི་ཞལ་ནས་འཛུམ་མདངས་མ་གཏོགས་བོད་མི་དམངས་ཀྱི་དཀའ་སྡུག་དང་མིག་ཆུ། མནར་གདུང་སོགས་མཐོང་རྒྱུ་ཉུང་བ་རེད། མ་འོངས་པའི་བོད་ཀྱི་སྐུ་ཚབ་ཀྱི་གདོང་ནས། དཀའ་སྡུག མནར་གདུང་། སྐྱོ་གདུང་། མིག་ཆུ་སོགས་མཐོང་རྒྱུ་ཡིན་པ་མ་ཟད་ངུ་ངག་ཀྱང་གོ་གི་རེད།
ད་ལྟ་བར་དུ་ཆོས་སྲིད་ཟུང་འབྲེལ་བྱས་ཡོང་བས། མཐོ་དམའ། དགའ་སྡུག ཆགས་སྡང་སོགས་མེད་པའི་བཏང་སྙོམས་དང་ནུས་མེད་ཉོབས་ཏོ་ཞིག་བྱས་ཡོང་བ་རེད། ད་ལྟ་ནས་བཟུང་། མཐོ་དམའ་དང་དགའ་སྡུག་ཆགས་སྡང་གསལ་ཞིང་ཚ་ན་ཚ་བ་དང་གྲང་ན་གྲང་བའི་ཚོར་བ་དེ་རྒྱལ་སྤྱི་མི་བུ་རེ་རེ་ལ་སྟེར་གྱི་རེད།
ད་ལྟ་བར་གཞུང་དམངས་གཉིས་ལ་ལས་ཀ་ཞེ་དྲག་ཡོད་མ་རེད། ད་ལྟ་ནས་བཟུང་འགན་ཆེ་རུ་ཕྱིན་པ་རེད།
ད་ལྟ་བར་བོད་མི་དམངས་ཀྱི་ཆིག་སྒྲིལ་དང་སེམས་ཤུགས་དེ། རྒྱལ་བ་རིན་པོ་ཆེ་གཅིག་པོར་བརྟེན་ནས་ཡོང་བ་རེད། ད་ནས་བཟུང་། ཆིག་སྒྲིལ་དང་སེམས་ཤུགས་དེ་སྲ་བརྟན་ཕུགས་འཕེར། ཕྱི་གསལ་ནང་གསལ་གྱི་དམངས་གཙོའི་གཞུང་ཞིག་གི་ཐོག་ལེན་དགོས་པ་རེད།
ད་ལྟ་བར་བོད་གཞུང་གི་ཞབས་ཞུ་བ་མང་པོ་ཞིག་གི་སེམས་ནང་རྒྱལ་བ་རིན་པོ་ཆེར་ཞབས་ཞུ་ཞུ་གི་ཡོད་པ་རེད། མ་འོངས་པ་ན་དེ་ལས་ལྡོག་སྟེ་བོད་མི་དམངས་ལ་ཞབས་ཞུ་ཞུ་་མཁན་ལ་འགྱུར་གི་རེད།
ད་ལྟ་བར་གྱི་ཞབས་ཞུ་བ་ཚོ། དད་པ་དང་དམ་ཚིག ལྷག་བསམ། བསྐལ་བ་བཟང་པོ། ཕྱི་མའི་ལམ་བཟང་ལ་དམིགས་ཏེ་ཞབས་ཞུ་ཞུ་རུ་ཡོང་རེད། མ་འོངས་པ་ན། མི་རིགས། རང་དབང་། དྲང་བདེན། འདྲ་མཉམ། ཐོབ་ཐང་ལ་དམིགས་མཁན་རྐྱང་ཡོང་གི་རེད།
ད་ལྟ་བར་གྱི་བཀའ་ཤག་དེ། རྒྱལ་བའི་དགོངས་གཞི་སྐྱོང་མཁན་ཡིན་པ་རེད། མ་འོངས་པའི་བཀའ་ཤག་དེ་མི་དམངས་ཀྱི་དགོངས་གཞི་སྐྱོང་མཁན་ཡིན་པ་རེད།
ད་ལྟ་བར་གྱི་སྤྱི་འཐུས་དེ། མི་དམངས་ཀྱི་སྤྱི་འཐུས་ཟེར་ན་འདྲ་ལ། དངོས་སུ་རྒྱལ་བ་རིན་པོ་ཆེའི་སྤྱི་འཐུས་རེད། མ་འོངས་པའི་སྤྱི་འཐུས་དེ། དངོས་སུ་མི་དམངས་ཀྱི་སྤྱི་འཐུས་རེད།
ད་ལྟ་བར་གྱི་འགྱུར་བ་ཚང་མ། དཀོན་ཅོག་་གིས་གནང་ཡོང་བ་རེད། ད་ནས་བཟུང་བའི་འགྱུར་བ་ཚང་མ་མི་དམངས་ཀྱིས་གནང་གི་རེད།
ལྷ་ཡིས་བྱམས་ས་དེ་མི་ཡིན་ནའང་། མི་དང་ལྷ་གཉིས་ཁ་ཁ་རེད།
ལྷ་ཡིས་མི་ལ་བརྩེ་བའི་སློབ་ཁྲིད་གནང་ན་ངས་དང་ལེན་བྱེད་ཐུབ་ཀྱི་འདུག
ལྷ་ཡིས་མི་ཡི་སྐུ་ཚབ་གནང་ན་ངས་དང་ལེན་བྱེད་ཐུབ་ཀྱི་མི་འདུག
ལྷ་ཡིས་ལྷ་ཡི་སྐུ་ཚབ་གནང་། མི་ཡིས་མི་ཡི་སྐུ་ཚབ་གནང་།
མི་ནི་སྤྱིར་བཏང་གི་མི་རེད། ལྷ་ནི་སྤྱིར་བཏང་མ་ཡིན་པའི་མི་རེད། སྤྱིར་བཏང་དང་སྤྱིར་བཏང་མ་ཡིན་པ་གཉིས་བསྲེས་ནས་བཤད་ཅི་ལ་ཐུབ།
གནས་ཚུལ་མགོ་མ་ཚོས་པར་སྐད་ཆ་མ་བཤད།
རྩོམ་ཡིག་འདིའི་རྩ་བའི་ལྟ་སྟངས་ནོར་འདུག།རྩོམ་ཡིག་འདིས་ལྷ་ལྷ་ཟེར་བ་དེ་༧གོང་ས་མཆོག་ལ་གོ་དགོས་པ་ཡིན་རྒྱུ་རེད་འདོད།དེ་ཡིན་ན་༧གོང་ས་མཆོག་མི་རེད་ལ་བོད་ཨ་མདོ་རསྐྱེས་པའི་ལྷ་མོ་དོན་འགྲུབ་རེད།མིའི་ནང་ནས་འགྲན་ཟླ་བྲལ་བ་ཞིག་རེད།
རྩོམ་པ་པོ་མེད་པའི་རྩོམ་ཡིག་འདི་འདྲ་ཁ་བརྡ་དྲ་བར་ལྷ་ཡུལ་ནས་འབབ་ཀྱིན་ཡོད་པ་འདྲ།དེ་རིང་ལྷ་ཡི་རྩོམ་ཡིག་ལ་མཆན་བུ་བཏབ་ཡིན།
ཁ་བརྡའི་དྲ་བདག་ལགས། ང་ལ་ཟིན་བྲིས་ཞིག་བཟོ་རོགས། ངས་མིང་ལ་བསྟན་པ་ཟེར།
ཐུགས་རྗེ་ཆེ།
ངའི་བསམ་ཚུལ་ཡིན་ན།
རྩོམ་པ་པོའི་མིང་མེད་པའི་རྩོམ་ཡིག་འདི་འདྲ་ཁ་བརྡས་རྩ་འགོག་བྱེད་ན་བཟང་གི།
ལྷ་ལ་ཡིད་མི་ཆེས་ན། ལྷའི་སྐོར་ཤོད་དགོས་པ། སུས་ཕྲལ་བརྒྱབ་སོང་ལགས།
རྩོམ་པ་པོའི་མིང་མེད་པའི་རྩོམ་ཡིག་འདི་ཡག་པོ་མི་འདུག།