དེབ་འོས་སྦྱོར།

Comments (11) on “དེབ་འོས་སྦྱོར།”

1. ལྗང་མྱུག་ལགས།
   ཕྱག་དེབ་གསར་ཐོན་ལ་བཀྲ་ཤིས་བདེ་ལེགས་ཞུ། ཁྱེད་ལ་སོགས་པའི་བཀའ་དྲིན་ལས་བོད་ཀྱི་ཡི་གེ་འདྲ་ཚེ་རིང་ཙམ་དུ་གནས་པའི་རེ་བ་ཡོད།

2. ཤིས་ཚང་ལྗང་མྱུག་ལགས་ཀྱི་དཔེ་དེབ་གསར་ཐོན་ལ་བཀྲ་ཤིས་བདེ་ལེགས་ཞུ། གང་མགྱོགས་ཀློག་ཐུབ་པའི་རེ་བ་བྱེད་བཞིན་ཡོད།

3. མགོ་པདྨ་འབུམ་གྱི་༼ མི་རབས་གསར་བའི་སྙིང་ཁམས་ཀྱི་འཕར་ལྡིང་ ༽་ནས་མཇུག་དོར་ཞི་རྒྱ་མཚོའི་དཔེ་དེབ་སྐད་གྲགས་ཅན་གྱི་བར་གྲངས་ཀ་ཞིག་བརྩིས་ན། བཙན་བྱོལ་ནང་གི་དེབ་དང་བོད་ནང་གི་བརྙན་སྡེར་གཉིས་ཁྲི་བརྒལ་ནས་འབུམ་ཟིན་གྲབས་ཡོད་པ་རེད། ཡིན་ནའང་། ང་ཚོས་རེ་བ་ཆེ་ས་དང་། གུ་ཡངས་ས་ནས་ལྟོས་ཏེ་དགའ་བསུ་ཞུ་རྒྱུ་དང་སྦྲགས། དེབ་རྣམས་ཀྱང་རྩོམ་ཡིག་ཐར་ཐོར་རེ་ཕྱོགས་བསྒྲིགས་བྱས་པ་ཞིག་མིན་པར། ༼ གནམ་ས་གོ་འབྱེད་༽ དང ༼ མི་རབས་གསར་བའི་སྙིང་ཁམས་ཀྱི་འཕར་ལྡིང་༽་ལྟར་གཞུང་ལུགས་ཡོད་པ་ཞིག་གི་ཐོག་ཏུ་འགྲོ་རྒྱུ་སྐུལ་ལྕག་གཏོང་དགོས་ཤིང་། དམ་དུམ་ཕྱོགས་བསྒྲིགས་ཀྱི་སྙན་དེབ་ཀྱི་ལུགས་དེ་ཅུང་ཙམ་བསྒྱུར་ན། བོད་པའང། ནོ་ཝེ་རྩོམ་རིག་བྱ་དགའ་ལྟ་བུ་རེག་པའི་བརྩམས་དེབ་འབྱུང་སྲིད་པ་རེད།

4. མཁྱེན་ཡངས་དྲ་གྲོགས་རྣམ་པས་གུས་པའི་དེབ་གསར་ཐོན་ལ་རྟེན་འབྲེལ་ཞུས་པར་ཐུགས་རྗེ་ཆེ། སང་ཉིན་ནས་དངོས་སུ་སྤྱི་ཚོགས་སྟེང་འགྲེམ་སྤེལ་བྱ་འགོ་ཚུགས་ཀྱིན་ཡོད་ལ། ལོ་སར་རྗེས་སུ་དྷ་རམ་ས་ལ་དང་ལྡི་ལི་སོགས་སུའང་འགྲེམ་སྤེལ་བྱ་རྒྱུ་ཡིན་པས་བཀླག་འདོད་མཁན་གྱི་དྲ་གྲོགས་ཚོས་དུས་ལྟར་ཀློག་ཐུབ་པའི་རེ་བ་ཡོད།

5. ནུབ་གླིང་བདེ་བ་ཅན་ན་འདུར་མཁན་ཚོ་དེབ་འདི་ཀློག་རྒྱུའི་སྐལ་བ་རེ་ཨེ་ལྡན་ནམ།

6. དེབ་འདི་བཀླག་འདོད་མཁན་གྱི་དྲ་གྲོགས་གང་ན་སུ་བཞུགས་ཚོས་ཁོ་བོར་འབྲེལ་བ་བྱོས་དང་། གང་ཐུབ་ཀྱིས་འབད་བརྩོན་བྱ་ངེས་ཡིན།

7. ཤིས་ཚང་ལྗང་སྨྱུག་ལགས། ང་ཁྱེད་ལ་དྲི་བ་ཞིག་ཡོད། ངས་གོང་དུ་བསམ་ཚུལ་ཞུས་པ་ལྟར། འགྲེལ་བཤད་ནང་དུ་ཁྱེད་ ༢༠༠༡ ནས་གསར་རྩོམ་ལ་ཞུགས་ཚུལ་བཀོད་འདུག འོ་ན་ ༢༠༠༡ ནས་ ༢༠༡༡ བར་ལོ་བཅུ་ཏག་ཏག་རེད། འདི་ལྟར་ལྟོས་ཡོང་དུས་ལོ་ ༢་ རེའི་མཚམས་ནས་དེབ་ ༡ རེ་བྲིས་འདུག འདི་ཡ་མཚན་རེད་ལ་ཞེད་སྣང་ཅིག་ཀྱང་རེད། བཙན་བྱོལ་ནང་རྩོམ་ལ་ཞུགས་ནས་ལོ་རྒན ༡༥ དང་ ༢༠་འཁོར་མཁན་ཚོར་དེབ་ཅེས་པ་འདི་ཐོན་རྒྱུ་ཁེག་ནས་ཁེག་པོ་ཆགས་ཀྱི་འདུག འདི་དོན་དངོས་རྒྱུ་མཚན་ག་རེ་ཡིན་ནམ། བསམ་བློ་རྣལ་མ་བྱས་ཏེ་བཏང་ན་བཏང་རྒྱུ་ཞིག་ཨེ་ཡོད་ན། འདིར་ང་ཅུང་ཡ་མཚན་པ་འདྲ་ཞིག་ཀྱང་འདུག

   ལྷག་བསམ་ཟོལ་མེད། རང་ཉིད་ཡི་གེར་དགའ་དྲགས་པའི་མྱོང་བ་ཡོད་སྟབས་དྲི་བ་འདི་ཐལ་སོང་།

8. ཤིས་ཚང་ལྗང་མྱུག་ལགས། ཉིད་ཀྱིས་དཔེ་དེབ་ལེགས་འགྲུབ་བྱུང་བར་རྟེན་འབྲེལ་ཞུ། མུ་མཐུད་དུ་གསར་རྩོམ་གྱི་ལས་སུ་འབད་པར་འཚལ།

9. དེང་སང་རང་གི་རིག་གཞུང་ལ་དོན་དུ་གཉེར་མཁན་དང་དོ་སྣང་ཅན་མང་པོ་ཞིག་གི་རང་ཉིད་ཀྱི་རྣམ་དཔྱོད་ལ་བརྟེན་ནས་དཔེ་དེབ་མང་པོ་འགྲེམས་སྤེལ་བྱེད་དང་བྱེད་མུས་འདུག ཀློག་མཁན་མེད་པའི་དཀའ་ངལ་གང་མང་ཞིག་འཕྲད་པར་བརྟེན་ནས་སྤྱི་ཚོགས་སྟེང་ལ་འགྲེམས་སྤེལ་བྱེད་ཧ་ཅང་གི་ཡོད་པར་མཐོང།གཅིག་ནས་དུས་རབས་ཀྱི་འཕེལ་འགྱུར་དང་དྲ་བརྒྱའི་དུས་རབས་ཡིན་པ་ཡང་རྒྱུ་མཚན་ཞིག་མཐོང་ངོ།རྩོམ་པ་པོ་དག་གིས་དཔེ་དེབ་ཞིག་འགྲེམས་སྤེལ་བྱེད་པར་དཔལ་འབྱོང་འདུ་འགོད་དང་ཕྱོགས་མང་པོ་ཞིག་ལ་དཀའ་ངལ་ཁྱད་དུ་གསད་ནས་མི་རིགས་འདིའི་སྐད་ཡིག་ཐོག་ལ་འབད་འབུངས་དང་སྡུག་རུས་བསྐྱོན་པར་གཞུང་དང་དང་མི་མང་གི་མཐོང་ཆེན་མི་སྤྲོད་པར་མ་ཟད། དཔེ་དེབ་གང་ཞིག་དཔར་དུ་བསྐྲུན་ནའང་དཔེ་དེབ་ལ་མཐོང་མི་སྤྲོད་པ་གནད་དོན་འདི་ཐད་ལ་སྤྱི་ཚོགས་ཀྱི་ངོས་ནས་མཐོང་ཆེན་བྱེད་རྒྱུ་དང་རྩོམ་པ་པོ་དག་ལ་རྒྱབ་བསྐྱོར་བྱེད་རྒྱུ་དེ་ཡང་མི་རིགས་འདིའི་རིག་གཞུང་མི་ཉམས་རྒྱུན་འཛིན་དར་སྤེལ་གཏོང་བར་ཕན་ནུས་ཆེན་པོ་ལྡན་ཡོད་པ་རེད། རྒྱུ་མཚན་གཉིས་པ་གཞུང་དང་སྒེར་ཚང་མའི་དཔེ་དེབ་དག་རིན་ཐང་ཡོད་པ་ཞིག་བཟོ་དགོས་ན། སྤྱི་ཚོགས་སྟེང་ལ་རིན་མེད་དུ་མང་པོ་འགྲེམས་སྤེལ་བྱས་པ་དེའི་དེབ་རིན་ཐང་ལ་རིན་ཐང་མེད་པ་བཟོས་ཡོད་པ་དེ་རེད། ངའི་འབྱུང་འགྱུར་ཚང་མའི་བོད་ཡིག་དཔེ་དེབ་ཅི་ཞིག་ཡིན་རུང་རིན་ཐང་གི་འདུ་ཤེས་བརྟན་པོ་བཟོ་རྒྱུ་དེ་ཧ་ཅང་གི་གལ་ཆེན་རེད། བོད་ཡིག་ལ་དུང་དང་རིག་གཞུང་ཤ་ཞེན་ཡོད་པ་དག་གི་མི་རིགས་འདི་ལ་བཅངས་པའི་འདུ་ཤེས་ཡང་འགྱུའ་ཉེན་ཆེ་བ་ན། ཚང་མའི་འདི་ཕྱོགས་ལ་དོ་སྣང་དང་གཟབ་ནན་བྱ་རྒྱུ་གལ་།

10. གོང་དུ་རིན་པོ་ཆེ་ཟེར་བའི་དྲ་གྲོགས་ཤིག་གིས་དོགས་འདྲི་ཞིག་གནང་འདུག་པར་ལན་ཞིག་འདེབས་འདོད་བྱུང་། སྐུ་ཉིད་ཀྱིས་བསམ་ན་ཁོ་བོ་ཕྱི་ལོ་་༢༠༠༡ ནས་གསར་རྩོམ་གྱི་ལམ་བུར་ཞུགས་ཞེས་པ་སྐད་ཆ་་བདེན་པ་ཞིག་མ་རེད་སྙམ་གྱིན་ཡོད་ཚོད་འདུག ཡིན་ནའང་། ངས་སྐྱག་རྫུན་ཤོད་དགོས་དོན་གང་ཡང་མེད། སྐད་ཆ་་ཐམས་ཅད་བདེན་པ་ཡིན། ཕྱི་ལོ་ ༡༩༩༣ ལོར་ཁོ་བོ་སློབ་ཆུང་འཛིན་རིམ་ལྔ་བ་མཐར་ཕྱིན་པ་དང་སྟབས་བསྟུན་ཤིས་ཚང་དགོན་གསར་གྱི་ཆོས་སྒོར་ཞུགས་པ་ཡིན། དེ་ནས་བརྩིས་པའི་ལོ་ངོ་ཧྲིལ་བོ་ ༧ རིང་ཁོ་བོ་དགོན་པ་དེ་ག་རང་ནས་འདོན་ྖ་ཆོས་སྤྱོད་དང་བསྡུས་རྟགས་ཚད་མ་སོགས་ལརོབ་ཙམ་སྦྱངས་པ་བྱས་པའི་ཁུལ་ལས། གཞན་བོད་ཀྱི་བརྡ་སྤྲོད་རིག་གནས་སོགས་སྣ་གཅིག་ཀྱང་སྦྱོང་སྐལ་མ་བྱུང་། དུས་སྐབས་དེར་སྔོན་མའི་བག་ཆགས་ཤིག་གིས་སམ་ཁོ་བོ་གཞན་གྱི་རྩོམ་ཡིག་བཀླག་རྒྱུར་རང་བཞིན་གྱིས་སྤྲོ་མོས་ཆེ་བ་ཞིག་ཡིན་ནའང་། ད་དུང་། སྙན་ངག་ཅེས་པ་དང་། དཔྱད་རྩོམ། ལྷུག་རྩོམ་སོགས་གང་ཡང་ངོ་ཤེས་ཀྱི་མེད། ཕྱི་ལོ ༢༠༠༠ ལོར་ཁོ་བོར་རྒྱ་གར་དུ་ཡོང་སྟེ་འབྲས་སྤུངས་སྒོ་མང་གྲྭ་ཚང་དུ་ཆོས་ཞུགས་བྱས་པ་ནས། ད་གཟོད་རང་ཉིད་དགའ་མོས་ཆེ་བའི་རྩོམ་ལ་འཇུག་པའི་འགོ་བཟུང་བ་ཡིན། དེའང་ཐོག་མར་དགེན་པྲ་ཉེ་བསྟན་འཛིན་གྱི་མདུན་ས་ནས་སྙན་ངག་ལེའུ་གཉིས་པར་རང་ངོས་ནས་དཔེར་བརྗོད་ཆ་ཚང་ཞིག་བཞག་ཅིང་། ཞོར་དུ་རྩོམ་ཡིག་ཤོ་ལོ་ཀ་དམ་དུམ་རེ་སྦྱོང་བརྡར་གྱི་ཚུལ་དུ་བྲིས་པ་ཡིན། ཕྱི་ལོ ༢༠༠༡ ལོར་དངོས་སུ་རྩོམ་ཡིག་རེ་དུས་དེབ་དང་ཚགས་ཤོག་ཏུ་སྤེལ་འགོ་བརྩམས་པ་ཡིན་ལ། པཎ་ཆེན་ཆུང་སྲིད་རིན་པོ་ཆེའི་རྗེས་དྲན་ཆེད་དེབ་༼བཙན་འོག་གི་བྱིས་པའི་སྐྱོ་གར་༽སྟེང་རྩོམ་ཡིག་ཅིག་སྤེལ་བ་ནི་ཁ་ོ་བོའི་མི་ཚེའི་ནང་ཆེས་ཐོག་མར་དུས་དེབ་ཏུ་སྤེལ་བའི་རྩོམ་ཡིག་དང་བོ་ཡིན་པས་སྐབས་དེ་དུས་ཀྱི་དགའ་བའི་ཚོར་བ་ནི་ཡིག་ལམ་ནས་བརྗོད་མི་ཤེས་པ་ཞིག་རེད། ཕྱི་ལོ་ ༢༠༠༤ ལོར་བྱིས་པའི་སྣང་བའམ་ང་རྒྱལ་ཞིག་གིས་དེབ་ཅིག་དཔར་སྐྲུན་བྱ་འདོད་ཀྱི་འདུན་པ་འགོག་ཏུ་མེད་པ་ཞིག་ཤར་ཏེ། རང་གི་རྩོམ་ཡིག་དག་ལེགས་ཉེས་གདམས་གསེས་མེད་པར་ཕྱོགས་གཅིག་ཏུ་བསྡུས་པའི་དེབ་ཅིག་དཔར་སྐྲུན་བྱས་པ་ཡིན། དེའི་རྗེས་ཀྱི་ཕྱི་ལོ་ ༢༠༠༨ ལོར་སྔར་གྱི་སྙན་དེབ་དེས་འདོད་པ་གཏན་ནས་མ་ཁེངས་པར་སླར་ཡང་སྙན་རྩོམ་ཕྱོགས་བསྡུས་ཀྱི་དེབ་གཉིས་པ་དཔར་དུ་བསྐྲུན་པ་ཡིན། ཕྱི་ལོ་ ༢༠༠༩ ལོར་ཁོ་བོ་བོད་ཡིག་དགེ་རྒན་གྱི་ལས་གནས་ཤིག་ཏུ་འཇུག་དགོས་བྱུང་བའི་གོ་སྐབས་དང་བསྟུན་ཏེ་བརྡ་དག་ཕྱེ་ལེབ་ཀྱི་འགྲེལ་བ་ཞིག་དང་། ལེགས་བཤད་ལྗོན་དབང་གི་འགྲེལ་བ་གཉིས་དཔར་སྐྲུན་བྱས་པ་ཡིན། དེ་ནས་ཕྱི་ལོ་ ༢༠༡༡ ལོར་གོང་འཁོད་བསམ་ཚུལ་ལྷུག་བརྗོད་ཀྱི་དེབ་དེ་དཔར་སྐྲུན་བྱས་པ་བཅས་ཡིན་པས། ཁྱོད་ཀྱིས་བཤད་པ་ལྟར་ཁོ་བོ་ཕྱི་ལོ་ ༢༠༠༡ ནས་གསར་རྩོམ་གྱི་ལམ་ཁར་ཞུགས་ན་ངེས་པར་དུ་ལོ་གཉིས་རེའི་མཚམས་སུ་དེབ་རེ་ཕུད་དགོས་པའི་ངེས་པ་ག་ལ་ཡོད། གོང་གི་དེས་ཁྱོད་ཀྱི་དོགས་པ་སེལ་ཐུབ་པའི་རེ་བ་ཡོད།

11. དྲ་གྲོགས་ལྗང་སྨྱུག་ལགས་ཉིད་ཀྱིས་ད་སྐབས་འགྲེམས་སྤེལ་གནང་བཞིན་པའི་དེབ་གསར་བ་དེ་བརྡ་དག་སྙན་གསུམ་ག་རེ་ཡིན་ནམ་ཉིད་ཀྱིས་ལྷག་བསམས་དཀར་པོ་ལ་ངས་ནམ་ཡང་ཐུགས་རྗེ་ཆེ་ཞུ་བ་དང་ཆབ་བཀྲ་ཀིས་བདེ་ལེགས་ཡོད