འབའ་སྲས།
རི་ཚོགས་དང་མཆི་མས་བདག་གི་མིག་མཐའ་བརླན་ཞིང་།
གྱེས་གདུང་གི་རལ་གྲིས་བདག་ཡིད་ལན་བརྒྱར་གཤགས་པའི་དེ་རིང་།
ཨ་མ་ལགས། ངས་ཁྱོད་ཤིན་ཏུ་དྲན།
ཉིན་མ་དང་ཟླ་བ་འདས་ཤིང་།
ལོ་དང་ལོ་འཁོར་བའི་ཉིན་ཞག་གི་འཁོར་སྐྱོད་བར་ནས།
ཨ་མ་ལགས། ཁྱོད་ཀྱིས་ཀྱང་ང་ཅི་ཙམ་དྲན་པ་མེད་དམ།
ཨ་མ་ལགས། ང་དེ་རིང་རང་དབང་གི་ཡུལ་གྲུ་ཞིག་ན་ཡོད་ཀྱང་།
ང་དེ་རིང་བཙན་གནོན་དང་གཉའ་གནོན་མེད་པའི་ཡུལ་གྲུ་ཞིག་ན་ཡོད་ཀྱང་།
ངའི་སེམས་ཀྱི་འཇིགས་སྣང་ད་དུང་ཡང་སྔར་བཞིན་གནས་ལ།
ང་སྐྲག་པའི་སྙིང་ད་དུང་ཡང་ལྷོག་ལྷོག་ཏུ་ལྡིང་བཞིན་འདུག
ཨ་མ་ལགས།
རླུང་རྩུབ་འུར་འུར་དུ་ལྡིང་ཞིང་།
དྲག་ཆར་ཤག་ཤག་ཏུ་བབས་པའི་ཉིན་མོ་དེར།
འུ་ཚང་གི་སྒོ་དྲུང་དུ་ལྷགས་པའི་ཇག་དམག་ཚོས།
མེ་མདའ་དང་རལ་གྲིའི་མཚོན་ཆ་གདེངས་ཏེ།
འུ་ཚང་གི་ཁྱིམ་ཕུག་ན་གཏེར་དུ་་བཞག་པའི་གནའ་བོའི་གསུང་རབ་དང་།
ཡབ་མོས་ཚོས་ང་རྒྱལ་དང་ལ་རྒྱ་ཡིས་བཞེངས་པའི་ལོ་རྒྱུས་ཀྱི་དཔང་པོ་རྣམས།
མེ་ལྕེ་འབར་པའི་ཕང་ལ་བཏབ་ཅིང་གཙང་བོ་འབབ་པའི་གཞོང་ལ་བསྐྱུར།
ད་དུང་ཨ་ཕའི་གདོང་ལ་མེ་མདའི་ཁ་གཏད་ཅིང་།
ཨ་མའི་བྲང་ཁར་རལ་གྲིའི་རྩེ་གཙུགས་པའི་འཇིག་སྐྲག་གི་ལོ་ཟླ་ནག་པོ་དེ།
ད་དུང་ཡང་ངའི་སེམས་ལ་གསལ་ཐང་ངེར་གནས་ཡོད།
ཨ་མ་ལགས། ཡོད་ཚད་ཤོར་ཞིང་ཡོད་ཚད་བརླགས་ཟིན་པའི་ཁྱིམ་གཞི་སྟོང་པ་དེ་ནང་ཁྱོད་གཅིག་པུ་ཇི་ལྟར་སྡོད་ཐུབ་བམ།
ཨ་མ་ལགས། ང་ས་མཐའི་མི་ཡུལ་དང་ཁ་བྲལ་ཏེ་ཨ་མ་ཁྱེད་ཀྱི་དྲུང་དུ་ལོག་ན་འདོད།
ངས་ཨ་མའི་ཕྱག་ཟུང་ལ་དམ་པོར་འཇུས་ནས་ཞི་བདེ་གླིང་ཕྲན་ཞིག་འཚོལ་ན་འདོད།
ངས་འདས་ཟིན་པའི་ཕུ་ནུ་ཚོའི་ཆེད་དུ་འཚེ་མེད་ཀྱི་སྒྲོན་མེ་ཞིག་སྦར་ན་འདོད།
ཨ་མ་ལགས། ངས་འདི་ལྟར་བསམས་ཀྱང་ངས་འདི་ལྟར་རེ་ཡང་།
འུ་ཚང་གི་སྒོ་དྲུང་དུ་ལྷགས་པའི་ཇག་དམག་ཚོས་ད་དུང་ཡང་མེ་ཏོག་གི་མཚོན་ཆ་བཟུང་ནས།
ང་དང་ང་འདྲ་བའི་ཕུ་ནུ་ཚོའི་སྐུ་སྲོག་ལ་འཇམ་རྒོལ་བྱེད་བཞིན་པ་ཐོས་ཚེ།
ང་རང་ཡུལ་དུ་ལོག་རྒྱུར་ཤིན་ཏུ་སྐྲག
ང་ཇག་དམག་ཚོའི་ཉེ་འགྲམ་དུ་སླེབས་རྒྱུར་དེ་བས་འཇིགས།
ཨ་མ་ལགས། ང་ལ་བཟོད་སྒོམ་གནང་རོགས།
ང་ད་དུང་མི་ཡུལ་དུ་མི་སྡོད་ག་མེད་རེད།
ང་ད་དུང་ས་མཐའ་རུ་མི་འཁྱམས་ག་མེད་རེད།
ཡིད་སེམས་སྐྱོ་སྐྱོ་རུ་གྱུར།
མིག་ཆུ་ཤུར་ཤུར་ཏུ་བཞུར།
ཁྱེད་དང་ང་གཉིས་ཀྱི་ལས་དབང་གཅིག་པ་རེད།
འུ་ཅག་གི་ཨ་མ་ཚོའི་མིག་ཆུ་དེ་ཚད་ལ་གཞལ་ན །།
ལྷུང་ལྷུང་གི་གཙང་བོ་དངལྟེམས་ལྟེམས་ཀྱི་མཚོ་ལ་མཚུངས་འགྲོ
མ་བུ་ཡི་བྲལ་གདུང་དེ་ལོ་ཟླ་ཡི་ཁུག་ནས་སྐྱེལ་དུས །།
གངས་ཅན་གྱི་མ་བུ་ཚོ་དེ་རིང་གི་སྐྱོ་སྐྱོ་གནང་མཁན །།
ཨ་མ་ལགས།
ངས་འབའ་སྲས་ཀྱི་རྩོམ་ཡིག་འདི་བཀླགས་རྗེས་
ས་མཐའ་འདི་ནས་ང་དང་སྤུན་ཟླ་ཚོའི་ལས་དབང་ལ་སེམས་བཞིན།
མི་ཡུལ་འདི་ནས་ཁ་འཐོར་དུ་གྱུར་པའི་ཁྱིམ་ཚང་དེ་དྲན་བཞིན།
ངས་ཁྱེད་དང་ཁ་བྲལ་དུ་གྱུར་པའི་ཉིན་ཞག་འདི་དག་གི་ཁྲོད་
ཁྱེད་བཞུད་པའི་ལོ་ཟླ་དེར་
འགྱངས་ལྟ་བྱེད་ཞོར་
རང་དབང་གི་ལུང་པ་འདི་ནས་མིག་ཆུ་ཞིག་མི་གཏོང་ཀ་མེད་དུ་གྱུར།
ཨ་མ་ལགས།
ངས་འབའ་སྲས་ཀྱི་རྩོམ་ཡིག་འདི་བཀླགས་རྗེས་
ས་མཐའ་འདི་ནས་ང་དང་སྤུན་ཟླ་ཚོའི་ལས་དབང་ལ་སེམས་བཞིན།
མི་ཡུལ་འདི་ནས་ཁ་འཐོར་དུ་གྱུར་པའི་ཁྱིམ་ཚང་དེ་དྲན་བཞིན།
ངས་ཁྱེད་དང་ཁ་བྲལ་དུ་གྱུར་པའི་ཉིན་ཞག་འདི་དག་གི་ཁྲོད་
ཁྱེད་བཞུད་པའི་ལོ་ཟླ་དེར་འགྱངས་ལྟ་ཞིག་བྱས་ཏེ་
རང་དབང་གི་ལུང་པ་འདི་ནས་མིག་ཆུ་ཞིག་མི་གཏོང་ཀ་མེད་དུ་གྱུར།
སྙན་མོ་ཞིག་འདུག་གོ།།
བྱེས་འབྱོར་བོད་མི་ཚོས་མཐའ་མཇུག་བོད་ལ་ལོག་ནས། འཛུགས་བསྐྲུན་འབད་རྒྱུ་དེ། གནད་གལ་ཆེ་ཤོས་དེ་རེད།
དེ་དུས་སྤོ་བོ་དང་སྨོ་བོའམ་སྤོ་ཕོ་ལགས་དང་སྨོ་མོ་ལགས་མ་ཚད། ཨ་ཕ་ལགས་དང་ཨ་མ་ལགས་གཉིས་ཀྱང་འཚོ་བཞུགས་ཡོད་མེད་མི་ཤེས་ཀྱང་། ངའི་དུར་ས་དེ་བོད་ལྗོངས་ས་ཁུལ་ཅིག་ཡིན་པ་ལ་ཐེ་ཚོམ་མེད་དགོས།
སྐད་ཆ་འདི་བོད་ནང་གི་ཨ་མ་ཚོས་ཁ་པར་གྱི་སྣེ་མོ་ནས་གོ་མྱོང་བའི་སྐད་ཆ་ཞིག་རེད
སྐད་ཆ་འདི་འབའ་སྲས་ཀྱི་སྨྱུག་རྩེ་ཁོ་ན་ནས་བུད་པའི་སྐད་ཆ་ཞིག་རེད
སྐད་ཆ་འདི་སྙན་ངག་ལ་ཐུབ་ཚོད་བྱས་བའི་སྐད་ཆ་ཞིག་རེད
སྐད་ཆ་འདི་སྐད་ཆ་དང་སྙན་ངག་གི་ས་མཚམས་མ་བགར་བའི་སྐད་ཆ་ཞིག་ཀྱང་རེད
སྐད་ཆ་འདི་གྲྭ་ལོག་དང་མི་སྐྱའི་བར་མཚམས་ཕྱེས་བའི་སྐད་ཆ་ཞིག་ཀྱང་རེད
སྐད་ཆ་འདི་ཆབ་སྲིད་དང་རྩོམ་རིག་འདྲེས་མའི་སྐད་ཆ་ཞིག་ཀྱང་རེད
མདོར་བསྡུས་ན་སྐད་ཆ་འདི་ཅི་ཡང་མིན་པའི་སྐད་ཆ་ཞིག་ཀྱང་རེད།
ཁ་སང་ངས་ཕ་ཡུལ་ལ་ཁ་པར་བཏང་ནས་ཨ་མ་མཉམ་དུ་སྐད་ཆ་བཤད་པ་ཡིན། ཨ་མས་ང་ལ་ངེད་ཚོ་ཚང་མས་ལོ་སར་གྱི་དགུ་ཐུག་འཐུང་བཞིན་ཡོད། ཁྱེད་ཚོས་དགུ་ཐུག་ཨེ་འཐུང་ཞེས་དྲིས་སོང་། ངས་ངེད་ཚོས་འཐུང་གི་མེད་ང་ད་ལས་ཀ་ནས་ནང་ལ་སླེབས་མ་ཐག་ཡིན་ཞེས་བཤད། ཨ་མས་ས་མཐའ་ནས་བསྡད་ན་ད་དཀའ་མོ་རེད་ལ་དགུ་ཐུག་འཐུང་ཁོམ་ར་མེད་ཀི་མོ། ད་ཡུལ་ལ་ཤོག་ཟེར། དེ་རྗེས་ནས་ཨ་མས་ད་ལོ་ཡི་དགུ་ཐུག་ཨ་མས་འཐུང་ཐུབ་སོང་ནས་རེད། ལོ་རྗེས་མའི་དགུ་ཐུག་བཏུང་ཐུབ་འདུག་ཤེས་ནི་མ་རེད། ཨ་མ་ད་ལོ་༧༦ ལ་བསླེབས་སོང་ནི་རེད། ད་ལོ་ཁྱོད་ཡུལ་ལ་ཡོང་མ་ཐུབ་ན་ལོ་རྗེས་མ་ཐུག་ཐུབ་འདུག་ཤེས་ནི་མ་རེད་ཅེས་བཤད་བཞིན་ངུ་སོང་། སྐབས་འདིར་ང་ལ་ཆེས་གནོན་དཀའ་བའི་ཚོར་བ་ལྕི་མོ་ཞིག་གིས་མནན་ནས་མིག་ཀོང་དུ་མཆི་མ་ཡོམ་ཡོམ་དུ་འཁོར་སོང་། ངས་ཨ་མར་ཐུག་ཐུབ་ནི་རེད། ཐུག་ཐུབ་ནི་རེད་ཅེས་སྐད་ཆ་བན་བུན་ཙམ་ལས་ཅི་ཡང་བཤད་མ་ཐུབ། ཕལ་ཆེར་གྲོགས་པོ་ཚོ་ལ་ཡང་དེ་འདྲ་བྱུང་ཡོད་སྲིད།
ང་ཚོ་བོད་པར་ཨ་མར་དྲན་པའི་གླུ་དང་སྙན་སྔག་ཧ་ཅང་མང་པོ་འདུག་ པ་ཕ་ཁོ་དཀའ་ལས་ག་ཚོད་རྒྱབ་ཀྱང་པ་ཕ་དྲན་གླུ་དང་སྙན་སྔག་གཅིག་ཀྱང་མིན་འདུག་
འདང་གསུམ་ཉལ་བའི་རྨི་ལམ་ཞིང་ནས། །
བརྩེ་ཞིང་བྱམས་པའི་མ་ལོར་མཇལ་བ། །
དངོས་མྱོང་མ་བུའི་དགའ་སྟོན་ཡིན་ན། །
ང་ལས་སྐྱིད་པ་སུ་ཞིག་ཡོད་དམ། །
རི་ལུང་སྟོང་གི་ཕར་རོལ་གན་གི། །
གཞོན་པའི་སྐྲ་ལོ་དུང་ལས་དཀར་བའི། །
བྱམས་ལྡན་མ་ལོའི་ཕྱོགས་སུ་བལྟས་ནས། །
ངུས་པའི་གྲངས་ཀ་རྩི་ཐབས་མི་འདུག །
ཕྱི་ཡི་འབྱོར་བ་འགྲིག་ཙམ་འདུག་ལ། །
ལུས་ཀྱི་འབྱུང་གཞི་བདེ་ཐང་ཡིན་ཡང་། །
བརྩེ་ཞིང་བྱམས་པའི་མ་ལོ་དྲན་པའི། །
སེམས་ཀྱི་གདུང་བ་ཡལ་ཐབས་མི་འདུག །
ཕྱི་ཡི་ལུས་ལ་ན་ཚས་གདུང་ཡང་། །
སྨན་གྱི་ནུས་པས་སངས་ཐབས་འདུག་མོད། །
མ་ལོ་དྲན་པའི་སེམས་ཀྱི་ན་ཚ། །
སུ་དང་གང་གིས་བཅོས་ཐབས་མི་འདུག །
གནམ་སྔོན་པོ་མཐོང་དུས་ཨ་ཕ་དྲན། །
ད་ཨ་ཕའི་བསླབ་བྱ་ཚིག་གསུམ་དྲན། །
ས་གོ་ལ་མཐོང་དུས་ཨ་མ་དྲན། །
ད་ཨ་མའི་བྱམས་བརྩེས་སྐྱོང་སྟངས་དྲན། །
བོད་དགེ་བསམས་གཏན་ལགས ཁྱེད་རང་ནུབ་ཡུལ་ནས་བདེ་མོ་སྐྱིད་པོ་ཡིན་ན། ཕྲན་ལ་དྲི་བ་ཞིག་ཡོད་པ་ནི་ཁྱོད་རང་ཉིད་ཀྱི་མི་ཡུལ་ནས་དཀའ་སྡུག་གི་ལོ་ཟླ་ཁྲོད་ནས་མྱོང་བའི་རང་ཉིད་ཀྱི་ལོ་རྒྱས་དེབ་དེ་ད་ལྟ་འབྲི་བཞིན་ཡོད་དམ།
དེབ་ཞིག་འབྲི་བཞིན་ཡོད། དེ་ནི་ངའི་འཚོ་བ་དང་ཕྱི་རྒྱལ་གྱི་མཐོང་ཐོས་གཙོ་བོར་བརྗོད་པའི་སྙན་ངག་གི་དེབ་ཅིག་ཡིན། ལོ་འཇུག་ཏུ་དཔར་སྐྲུན་བྱ་འཆར་ཡོད།