བསྟན་འཛིན་ཤེས་རབ།
དངངས་འཚབ་ཀྱི་ཚོར་བ་ཞིག་གློ་བུར་དུ་འོང་ཞིང་གློ་བུར་དུ་འདས་སོང།
བཞུད་འགྲོ་བའི་རྟ་ཕོ་ཁྲི་སྟོང་རྨིག་སྒྲ་ལྷང་ལྷང་།
ཡུད་ཙམ་ཡུད་ཙམ་ངང་མཐོང་ལམ་ནས་ཡལ་སོང་།
རི་བོའི་རྩེ་མོ་རུ་འཛེག་གིན་པའི་མི་ཕོ་དེ་དག་དང་།
ཆུ་བོའི་ཕ་རོལ་ཏུ་རྐྱལ་བཞིན་པའི་བྱིས་པ་དེ་དག་ཀྱང་།
འདྲིལ་ཞོར་འཛེག་ཞོར་དང་སྣུབ་ཞོར་རྐྱལ་ཞོར་དུ།
ཨུ་ཚུགས་ཀྱིས་མདུན་ནས་མདུན་ནས་སྐྱོད་བཞིན་འདུག
ལག་མཐིལ་ནས་ཟགས་བཞིན་པ་དུས་ཚོད་ཡིན་ནམ།
གཡས་འཐུ་གཡོན་འཐུ་བྱས་པའི་འབྲུ་རྡོག་སྣ་ཚོགས་དེ་དག
ལ་ལུང་གང་སར་གཡེངས་པའི་རི་དྭགས་བཞིན།
རང་རང་ས་ནས་ས་རུ་འཐོར་སོང་།
སྐྱ་གོག་གེར་གྱུར་པའི་མཁར་ཤུལ་དེ་རུ།
ས་རྡུལ་རེ་འཁུར་བཞིན་པའི་རླུང་བུ་ཞིག་ལས་ཅི་ཡང་མི་འདུག་མོད།
རྨི་ལམ་ཐན་ཐུན་རེ་ད་དུང་རྨི་ཆོག་གམ།
གློ་བུར་དུ་འོང་ཞིང་གློ་བུར་དུ་འདས་སོང་བ་དེ་དུས་ཚོད་རེད།
བྱིས་པ་ཚོས་རྒྱུ་ངོམ་བྱེད་པ་བཞིན།
ས་བོན་རེ་འགའ་རེ་གཏོར་ཞིང་ས་བོན་རེ་འགའ་རེ་བརླགས་བཞིན་བུད་སོང་།
ཧད་མ་ཧོད་དུ་ལུས་པའི་དུས་ཚོད་དེས།
ཁ་དོག་སྣ་ཚོགས་ཀྱི་ངོ་རིས་ལ་བལྟ་བཞིན།
རྗེས་མའི་དུས་ཚོད་ལ་བསྒུག་གི་ཡིན་ཟེར།
༄། །སྤྱི་ནོར་༧གོང་ས་སྐྱབས་མགོན་ཆེན་པོའི་བླ་ན་མེད་པ་ཡང་དག་པའི་དབུ་འཁྲིད་ལམ་སྟོན་འོག་བོད་མི་ས་ཡ་དྲུག་གི་འཕྲལ་ཕུགས་ཀྱི་བདེ་དོན་མཁེ་ཕན་གྱི་ཆེད་མི་རབས་གོང་མ་རྣམས་ནས་སྤྱིའི་སྒྲིག་འཛུགས་ལམ་སྲོལ་རྨང་གཞི་སྲ་བརྟན་བཟོས་གནང་བར་རྒྱུན་འཁྱོངས་ཡར་རྒྱས་གཏོང་རྒྱུ་དང་། མི་རབས་གསར་པར་བརྟན་ལྷིང་ཐོག་ནས་བརྒྱུད་སྤྲོད་ཐུབ་ཐབས་ཆེད་ད་ལྟའི་སྐབས་འདིར་མ་འོངས་ལོ་ ༥ རིང་ལ་བཀའ་བློན་ཁྲི་པ་དེ་སྐུ་ངོ་བཀྲ་ཤིས་དབང་འདུས་ དུས་ལ་སླེབ་འདུགས། གང་ཡིན་ཟེར་ན་ལོ་ངོ་ ༤༠་ལྷག་ཁོངས་གི་བཙན་བྱོལ་བོད་གཞུང་གི་བསྡེ་མཚན་ཁག་མི་འགྲ་བ་མོང་པོ་ནང་ཕྱག་ལས་གནང་ཡོད། ཁོངས་ནི་མི་གྲང་པོ་དང་ལྷག་བསམ་ཤེས་ཡོན་ལྡན་པ་ཞིག་ལ་ངོས་འཛིན་བྱ་ཆོག། ཆོག་གསུམ་གཅིག་བསྒྲིལ་ཐོག་བོད་ཀྱི་བདེན་མཐའ་
སེར་དགོས་ན་་་་་སྐུ་ངོ་བཀྲ་ཤིས་དབང་འདུས་་་་་བཀའ་བློན་་ཁྲི་་པ་དགོས་པའི་ཕྱིར་།