ང་ལ་རྒྱ་གར་གྱི་བཙན་བྱོལ་སྤྱི་ཚོགས་སུ་འཚར་ལོངས་བྱུང་ཞིང་སློབ་གྲྭར་འགྲིམས་པའི་གྲོགས་པོ་འགའ་རེ་ཡོད། ང་ཚོ་མཉམ་འཛོམས་རེ་བྱུང་སྐབས་སྤྱི་དོན་དང་སྒེར་དོན་སྣ་ཚོགས་ཀྱི་སྐོར་ལ་འཕྲོས་མོལ་བྱེད། ན་ནིང་ད་ལོ་གཉིས་ལ་ངས་ཁོང་ཚོར་ནགས་ཚང་ཞི་ལུའི་སྐྱིད་སྡུག་ཀྱང་ཉུང་མཐའ་ཡང་ཐེངས་གསུམ་བཞི་ཙམ་ལ་གླེང་མོལ་བྱས་ཡོད། ད་དུང་ཨ་མདོའི་གྲོགས་པོ་གཞན་པའི་ངག་ནས་ཀྱང་དེབ་འདིའི་སྐོར་ཁོང་ཚོས་ཐོས་ཡོད་ཀྱི་རེད་སྙམ། ཡིན་ན་ཡང་ཁོང་ཚོས་ང་ལ་རྩོམ་པ་པོ་དེ་རྒྱ་མིས་ཅིའི་ཕྱིར་འཛིན་བཟུང་མ་བྱས་རེད་ཟེར་བ་ལྟ་བུའི་དྲི་བ་རེ་ཟུང་དྲངས་པ་མ་གཏོགས། དེབ་དེ་གང་ནས་རག་གི་རེད། དེབ་དེ་གཡོར་རྒྱུ་ཨེ་ཡོད་ཟེར་བ་ལྟ་བུའི་ཀློག་འདོད་མངོནཔའི་་གཏམ་ཚིག་རེ་ཁོང་ཚོ་ལས་ཐོན་པ་ངས་དྲན་གྱི་མི་འདུག དེ་ངས་སྐྱོན་དུ་ཡང་མཐོང་གི་མེད། སྤྱིར་བཏང་ཁོང་ཚོའི་བོད་ཡིག་གི་ཀློག་རྩལ་ཞན་པ་དང་། ལྷག་པར་དེབ་འདི་ཨམ་སྐད་ཀྱིས་བྲིས་ཡོད་སྟབས་དེབ་འདི་ཀློག་འདོད་འཕེལ་གྱི་མ་རེད་བསམ་ཡོད།
ཡིན་ན་ཡང་ཡ་མཚར་བ་ཞིག་ལ། ཉེ་ཆར་ཁོང་ཚོ་ལས་གཅིག་གིས་ང་ལ་ནགས་ཚང་ཞི་ལུའི་སྐྱིད་སྡུག་གི་དེབ་དེ་བླུ་རྒྱུའམ་་གཡོར་རྒྱུ་ཡོད་མེད་ཀྱི་གཏམ་དྲིས་སོང་། ངས་ཁོང་ལ་དེབ་དེ་ཨམ་སྐད་དུ་བྲིས་ཡོད་སྟབས་ཁོང་ཚོས་ཀློག་ཁག་པོ་ཡོད་ཚུལ་བཤད་པར། ཁོང་གིས་གང་ལྟར་ཡང་དེབ་དེ་ཀློག་ཐབས་ཤིག་བྱེད་རྒྱུ་ཡིན་། རྒྱུ་མཚན་ནི་༧གོང་ས་མཆོག་ནས་ཀྱང་དེབ་དེ་ལ་མཉེས་པོ་གནང་གི་ཡོད་་ཚུལ་ཐོས་སོང་ཟེར། ༧གོང་ས་མཆོག་ནས་དེབ་འདི་ལ་ཐུགས་མཉེས་པོ་གནང་གི་ཡོད་མེད་ལ་ང་ཡ་མ་མཚར། ཡ་མཚར་བ་ནི་ཁོང་ཚོས་དེབ་ཅིག་ཀློག་འདོད་མིན་ཡང་༧གོང་ས་མཆོག་ནས་དེབ་དེ་ལ་ཐུགས་མཉེས་པོ་གནང་གི་ཡོད་མེད་དེ་ལ་འབྲེལ་ཆགས་ཡོད་པ་དེ་ལ་ང་ཧང་སངས་སོང་། འདིས་མཚོན་པ་ནི་བོད་ཡིག་གི་དེབ་ཧ་ཅང་ཀློག་འོས་ཆེན་པོ་ཞིག་ཡིན་ཀྱང་། ༧གོང་ས་མཆོག་ནས་དེབ་དེའི་སྐོར་ལ་ཅི་ཡང་མ་གསུངས་ན་ཁོང་ཚོས་དེབ་དེ་ལ་ཁ་ཡ་མི་བྱེད་པ་དེ་རེད། འདི་ནི་ཕྱོགས་གཅིག་ནས་༧གོང་ས་མཆོག་གི་གསུང་ལ་གུས་བརྩི་བྱེད་པའི་ཡ་རབས་ཀྱི་མཚོན་རྟགས་ཤིག་ཡིན་ན་ཡང་། ཕྱོགས་གཅིག་ནས་༧གོང་ས་མཆོག་ལ་སྒུག་ནས་སྡོད་པའི་གཤིས་ཀ་ཞིག་མངོན་ཡོད་པ་ལྟ་བུ་ཞིག་ཏུ་མཐོང་།
སྒེར་གྱི་དོན་ཆུང་འདི་གཞུང་གི་དོན་ཆེན་ལ་ཡང་རིགས་བསྒྲེ་ཐུབ་པ་འདྲ། འདས་ལོའིཟླ་བཅུ་བའི་ནང་ལ་༧གོང་ས་མཆོག་ནས་བུ་གསོ་ཁང་དུ་བཙན་བྱོལ་སྤྱི་ཚོགས་ཀྱི་ཤེས་རིག་ལ་འབྲས་བུ་ཆུང་བ་དང་། འདས་པའི་ལོ་ཉི་ཤུ་སུམ་ཅུ་ཙམ་ཞིག་འཕྲོ་བརླག་ཏུ་སོང་ཞེས་གསུངས་པ་དེ་རེད། ཤེས་རིག་གི་འབྲས་བུ་སྐྱོ་བོ་དེ་ཁ་རྩང་གློ་བུར་དུ་བྱུང་བ་ཞིག་མ་རེད། ལོ་ཉི་ཤུ་སུམ་ཅུའི་རིང་ལ་ལོ་རེ་རེ་དང་། ཟླ་བ་རེ་རེ། ཉིན་མ་རེ་རེ་ལ་འབྱུང་བཞིན་པ་དང་མཐོང་བཞིན་པ་ཞིག་རེད། ངས་སྔོན་མ་ཞིག་ལ་བོད་ཀྱི་དུས་བབ་ཐོག་ལ་བཙན་བྱོལ་སྤྱི་ཚོགས་སུ་བོད་ཡིག་འབྲི་ཀློག་མི་ཐུབ་པའི་མི་རབས་ཀྱི་འགོ་བཟུང་ནས་ལོ་མང་པོ་སོང་ཡོད་པ་དང་། བཙན་བྱོལ་སྤྱི་ཚོགས་ཀྱི་ཕ་མས་རང་གི་བུ་ཕྲུག་དང་། དགེ་རྒན་གྱིས་རང་གི་སློབ་མ། འགོ་ཁྲིད་ཀྱིས་རང་འོག་གི་ལས་བྱེད་ནས་བོད་ཡིག་གི་འཕྲིན་ཡིག་མ་འབྱོར་བར་ཡུན་རིང་སོང་ཡོད་པའི་ཚོད་དཔག་བྱས་ཡོད། ཤེས་རིག་གནས་སྟངས་སྐྱོ་བོ་འདི་༧གོང་ས་མཆོག་ལས་བཀའ་བློན་དང་དྲུང་ཆེ། སྤྱི་འཐུས་རྣམས་ཀྱིས་མཐོང་གསལ་ལོས་ཡིན། ཡིན་ན་ཡང་ཉེ་ཆར་༧གོང་ས་མཆོག་གི་བཀའ་སློབ་མ་ཕེབས་བར་འདི་འདྲའི་སྐྱོན་ཞིག་མེད་པའི་ཁུལ་གྱིས་བསྡད་ཡོད་པ་རེད། དེ་ཡང་ཉིན་ཤས་དང་ཟླ་ཤས་ལ་བསྡད་པ་མིན་པར་ལོ་གྲངས་ཉི་ཤུ་སུམ་ཅུ་ཙམ་ལ་བསྡད་པ་རེད། ༧གོང་ས་མཆོག་གིས་ད་རེས་བཀའ་སློབ་དེ་ཕེབས་མེད་ན་ད་དུང་ལོ་གྲངས་ཅི་ཙམ་ལ་སྡོད་རྒྱུ་ཡིན་པ་སུས་ཤེས།
༧གོང་ས་མཆོག་གི་བཀའ་སློབ་ཕེབས་པ་ན་གཞི་ནས་ཤེས་རིག་གིས་དེའི་སྐོར་ལ་ཚོགས་འདུ་ཞིག་བསྐངས་གཏམ་ཞིག་བོད་ཀྱི་དུས་བབ་ལས་ཐོས། འདི་ཡང་བགྲོ་གླེང་ཙམ་སྟེ། བོད་ཀྱི་ཆོས་དང་རིག་གཞུང་འཛམ་གླིང་ལ་དར་ཁྱབ་ཆེ་སྟབས་ཀྱིས་བོད་མི་ས་ཡ་དྲུག་གིས་དགེ་རྒན་བྱས་ན་ཡང་ལྡང་གི་མ་རེད་ཟེར་བ་ལྟ་བུའི་་རང་སེམས་གསོ་བ་མ་གཏོགས་ཅི་ལ་ཡང་མི་ཕན་པའི་བསམ་ཚུལ་རྫིག་པོ་རེ་བཤད་ཡོད་པ་མ་གཏོགས། ཤེས་རིག་གི་གནས་སྟངས་སྐྱོ་བོ་དེ་བསྒྱུར་བ་ལ་ལག་བསྟར་བྱེད་རུང་བའི་འཆར་གཞི་ཞིག་ལ་གྲོས་བསྡུར་བྱེད་པའི་ཚོགས་འདུ་ཞིག་མིན་པ་འདྲ་ལ། དེ་འདྲའི་ཚོགས་འདུ་ཚོགས་པའམ་འཚོགས་རྒྱུ་ཡིན་གཏམ་ཅི་ཡང་མ་ཐོས།
ཆུང་ས་ནས་མི་ཞིག་གིས་དེབ་ཅིག་ཀློག་རརིན་ཡོད་མེད་དང་། ཆེ་ས་ནས་མི་རབས་ཤིག་ལ་ཐོབ་པའི་ཤེས་རིག་གི་འབྲས་བུ་མ་ཐོབ་པ་ལ་དོ་སྣང་བྱེད་མིན་བཅས་ལ་༧གོང་ས་མཆོག་གི་བཀའ་ལ་སྒུག་ནས་འདུག་པ་དེ་བཙན་བྱོལ་བོད་མིའི་སྒེར་གཞུང་གཉིས་ཀའི་གཤིས་ཀའི་ཆ་ཤས་ཤིག་ཏུ་གྱུར་ཡོད་པ་ཡིན་ནམ།
ང་ཚོ་ནི་མིའི་གཤིས་ཀ་ལས་ཡོངས་སུ་འདས་ནས་མིའི་འཇིག་ར྄ྟེན་གྱི་འཚོ་ཐབས་དངོས་མ་གཉེར་བར་མཆིས། ཚབས་ཆེ་སར་མིའི་བདག་པོ་རིན་ཐང་ཅན་གྱི་ལམ་བཏོན་པར་མ་བཞུད་པར་ཁོང་ལ་སོར་བཅུའི་འདབ་མའི་དད་པ་ཆེ་མདོག་གིས་མིའི་ནང་རིང་དུ་མཐར་ཕུད། ཡང་ཕྱོགས་གཅིག་གིས་མིའི་བདག་པོ་རིན་ཐང་རིག་མདོག་གིས་དེའི་བཀའ་ལས་གཞན་མི་བྱེད་ཚུལ་བྱེད། དེ་གཉིས་ལ་བསམས་ཚེ་ལ྄ྟག་ཆོས་འབའ་ཞིག་ཡུལ་ལས་མ་མཆིས། གོང་འཁོས་ཤེས་ཡོན་ས྄ླར་གསོའི་ལ་ངས་བྱས་ན། ད་ཡོད་གཞི་རིམ་མཐོ་རིམ་ཁག་གི་དགེ་ར྄ྒན་ཚད་ལ྄ྡན་ཡོང་བར་ས྄ྟ་གོན་བྱ་ར྄ྒྱུ་ཁ་ཚ་དགོས་གཏུགས་ཞིག་རེད་དོ།
བོད་པ་འདི་བ་ཚང་གི་མི་འདི་དག་གིས་ལོ་དྲུག་བཅུ་ལྷག་གཅིག་ལ་རྒྱལ་བ་རིན་པོ་ཆེ་ལག་པ་འཕྱི་ས་བྱོས་པ་རེད། ད་དུང་མི་རབས་རྒན་པ་ཚོ་རྫོགས་བཞིན་འདས་བཞིན་མི་རབས་གཞོན་པ་དེ་དག་གི་ཡང་རྒྱལ་བ་རིན་པོ་ཆེ་ལག་པ་འཕྱི་ས་མ་གཏོགས་མ་ཉན་དངོས་ནས་ཐབས་སྡུག་རེད། ད་ནི་དྲིན་ཆེན་ཚོ། རྒྱལ་བ་རིན་པོ་ཆེ་ལག་པ་འཕྱི་ས་བྱེད་མཚམས་བཞག་ནས་བཀོད་སྤྱོད་བྱེད་དགོས་ས་ལ་བཀོད་སྤྱོད་བྱེད་རོགས་གནོང་ཞེས་བཤད་དགོས་པ་དེ་ནི་འུ་ཅག་གི་འགན་རེད་འདོད་ཀྱི་ཡོད། ཁྱེད་ཅག་ག་རེ་བསམ།
བདེན་པ་རེད། ད་ག་རང་རེད། རྒྱལ་བའི་ཁྲིས་ལ་ཡོད་པའི་མི་མང་པོ་ཞིག་ལ་སོ་སོའི་བསམ་བློ་གཏོང་རྒྱུ་མེད་པ་དང་རྒྱལ་བ་རིན་པོ་ཆེའི་བཀའ་སྒུག་ནས། གླེན་རྒྱུག་གི་འཚོ་བ་སྐྱེལ་མཁན་མང་པོ་ཡོད།
ྔོན་མ་རྒྱ་ནག་ནང་ལ་མའོ་ཙེ་ཏུང་གི་རྗེས་བྲངས་པ་དང་འདྲ་བོ་འདུག དཔེར་ན། ཅང་ཛེ་མིང་གིས་དོར་མ་གྱོན་སྐབས། དོར་མའི་སྟོད་དེ་གྲོད་ཁོག་གི་སྒང་བར་འཐེན་ནས། སྐེད་རག་དེ་གྲོད་ཁོག་གི་སྒང་ལ་འཁེལ་བ་བྱེད་ཀྱི་ཡོད་ཚོད། ཉིན་གཅིག་རྒྱ་མིའི་དམག་དཔོན་ཞིག་གིས་ཅང་ལ་དོར་མ་དེ་ལྟར་གྱོན་དགོས་དོན་ཅི་ཞེས་སྐད་ཆ་འདྲི་སྐབས། འོ། འདི་ྔོན་མ་མའོ་ཙེ་ཏུང་གི་གྱོན་སྟངས་རེད། ཁོང་གི་རྗེས་ལ་ཞུགས་པ་ཡིན་ཟེར། དེའི་རྗེས་སུ། རྒྱ་ནག་གི་དམག་མིའི་སྒྲིག་ཆས་གསར་པ་སྤྲོད་སྐབས། དོར་མ་ཚང་མར་དོར་མའི་བར་མཚམས་ནས་སྐེད་པ་བར་གྱི་རིང་ཚད་དེ་ཆེ་རུ་བཏང་ནས་། དམག་མི་ཚང་མ་དོར་མ་འདི་ལྟར་གྱོན་དགོས་པའི་བཀའ་བཏང་འདུག
གོང་གི་ལུགས་སྲོལ་གཉིས་འདྲ་པོ་ཨེ་འདུག
བོད་དོན་བདེན་མཐའ་གསལ་བའི་ཆེད་དུ་རྒྱལ་བ་རིན་པོ་ཆེ་ལ་སྒུག །
གཞིས་ཆགས་དབུལ་སྡུག་སེལ་བའི་ཆེད་དུ་རྒྱལ་བ་རིན་པོ་ཆེ་ལ་སྒུག །
སློབ་གྲྭའི་ཤེས་རིག་ཡར་རྒྱས་ཆེད་དུ་རྒྱལ་བ་རིན་པོ་ཆེ་ལ་སྒུག །
བཀའ་བློན་གསར་བའི་དམ་བཅའ་འབུལ་ཆེད་རྒྱལ་བ་རིན་པོ་ཆེ་ལ་སྒུག །
སྐུ་ཚབ་ནག་པོ་རྒྱ་ནས་ལོག་དུས་རྒྱལ་བ་རིན་པོ་ཆེ་ལ་སྒུག །
སེམས་ཅན་པགས་པ་ཉོ་ཚོང་འགོག་དུས་རྒྱལ་བ་རིན་པོ་ཆེ་ལ་སྒུག །
ཆོལ་གསུམ་བོད་མིས་ཡར་ལངས་བྱེད་དུས་རྒྱལ་བ་རིན་པོ་ཆེ་ལ་སྒུག །
བོད་མིའི་མིང་འདིས་འཛམ་གླིང་ཁྱབ་ཆེད་རྒྱལ་བ་རིན་པོ་ཆེ་ལ་སྒུག །
ལོ་ལོན་ལ་མགོའི་ཉི་མ་དག་གིས་རྒྱལ་བ་རིན་པོ་ཆེ་ལ་སྒུག །
དར་མ་མི་དྲན་རྒུ་དྲན་དག་གིས་རྒྱལ་བ་རིན་པོ་ཆེ་ལ་སྒུག །
བྱིས་པ་སྣབས་ལུག་ཁྲ་ཆུང་མིག་གིས་རྒྱལ་བ་རིན་པོ་ཆེ་ལ་སྒུག །
གཤིན་པོ་བར་དོའི་འཕྲང་ལམ་འགྲིམ་དུས་རྒྱལ་བ་རིན་པོ་ཆེ་ལ་སྒུག །
སྐྲ་སེར་མིག་ལྗང་ཕྱི་གླིང་བ་ཚོས་རྒྱལ་བ་རིན་པོ་ཆེ་ལ་སྒུག །
ལུས་སེམས་ངལ་བའི་གསར་འབྱོར་དག་གིས་རྒྱལ་བ་རིན་པོ་ཆེ་ལ་སྒུག །
མདོར་ན་བོད་ཀྱི་ཆོས་པ་དག་གིས་རྒྱལ་བ་རིན་པོ་ཆེ་ལ་སྒུག །
སྲིད་དོན་པ་དག་དེ་བཞིན་ལོས་ཡིན་རྒྱལ་བ་རིན་པོ་ཆེ་ལ་སྒུག །
སྤྲུལ་སྐུ་འཚོལ་དུས་རྒྱབ་གཉེར་རེག་ཕྱིར་རྒྱལ་བ་རིན་པོ་ཆེ་ལ་སྒུག །
དཔེ་དེབ་དཔར་དུས་གླེང་བརྗོད་འབྲི་ཆེད་རྒྱལ་བ་རིན་པོ་ཆེ་ལ་སྒུག །
བྱིས་པ་སྐྱེས་དུས་མིང་ཞིག་གནང་ཕྱིར་རྒྱལ་བ་རིན་པོ་ཆེ་ལ་སྒུག །
ཐ་ན་ཚོང་ཞིག་འགྲིག་པའི་ཆེད་དུའང་རྒྱལ་བ་རིན་པོ་ཆེ་ལ་སྒུག །
སྒུག་ས་ཞིག་ཡོད་པ་ཡིན་ན་ཚང་མས་དེ་ལ་སྒུག། སྒུག་ས་ཞིག་མེད་པ་ཡིན་ན་སུ་གིས་སུ་ལ་སྒུག།
རྒྱལ་པོ་ཞིག་ཡོད་པ་ཡིན་ན་བློན་པོས་དེ་ལ་སྒུག། རྒྱལ་པོ་ཞིག་མེད་པ་ཡིན་ན་བློན་པོ་རྣམས་གིས་བྱེད།།
ནང་ན་ཨ་ཕ་ཡོད་ན་ཚང་མས་ཨ་ཕར་རེ།། ནང་ན་ཨ་ཕ་མེད་ན་རང་རང་སོ་སོས་བྱེད།།
རྒྱལ་པོའི་སྐབས་རྒྱལ་ཁབ་ཉམས་ན་ལེ་ལན་རྒྱལ་པོར་འཁྲི།།ཨ་ཕའི་སྐབས་ཁྱིམ་ཚང་ཉམས་ན་ལེ་ལན་ཨ་ཕར་འཁྲི།།
དང་པོ་དེར་མི་སུམ་ཅུར་བསམ་པ་སུམ་ཅུ་དང་མཛོ་སུམ་ཅུར་ར་ཁ་དྲུག་ཅུ་ཡིན་པས་གསར་འབྱོར་་བ་རྒད་པོ་ར་ལགས་དང་གཞིས་ཆགས་བ་xxxགཉིས་ཀྱི་བསམ་བློའི་རྒྱབ་ལྗོངས་དང་ལྟ་བའི་འཁྱེར་སོ། རིན་ཐང་དཔྱད་འཇོག་སོགས་གཅིག་མཚུངས་སུ་མི་འགྲོ་བ་ཆོས་ཉིད་ཡིན།
གཉིས་ནས། གཞི་ཆགས་བ་xxxནས་རྒད་པོ་ར་ལ་ནགས་ཚང་བྱི་ལའི་སྐྱིད་སྡུག་གི་རྩོམ་པ་པོ་འཛིན་བཟུང་ག་རེ་བྱས་ནས་མ་བྱས་བ་རེད་ཅེས་དོགས་འདྲི་དང་བཅས་རྒད་པོ་ར་ལ་ཆ་འཇོག་གནང་མི་འདུག་པས་རྒད་པོ་ར་སྐུ་རླུང་བཞེས་འདུག
གསུམ་ནས སྐུ་ཞབས་གཞི་ཆགས་ལགས་ནས་རྒྱལ་བ་རིན་པོ་ཆེས་་དེབ་དེར་ཐུགས་མཉེས་བོ་གནང་ཕྱིར་ཁོས་ད་གཟོད་དེབ་དེ་ཀློག་འདོད་བྱུང་ཞེས་བར་རྒད་པོ་ར་ལགས་ཀྱིས་ཟུར་ཟ་བྱེད་ཁུལ་བྱས་འདུག་ཀྱང་དོན་དངོས་སུ་གཞི་ཆགས་ཞི་ལིས་རྒྱལ་བ་རིན་ཕོི་ཆེར་ཁོའི་ཡིད་ཆེས་ཀྱི་རྩེ་ཕུལ་ནས་རྒད་པོ་རའི་སྐད་ཆ་གད་སྙིགས་ནང་གཡུག་འདུག།
དེ་ནས་རྒད་པོ་ར་ཕར་མཆོངས་ཏེ་བཙན་བྱོལ་ཤེས་རིག་སློབ་གསོ་ཐད་མ་འཇོན་མདོག་མདོག་གིས་ཁོ་སྔོན་ཐོན་པ་དང་ཁོ་ལ་རྣམ་དཔྱོད་ཆེན་པོ་ཡོད་མདོག་མདོག་བྱས་འདུག
མདོར་ན་རྒད་པོ་རས་བརྗོད་གཞི་ཆེན་པོ་ཞིག་བློས་བསླངས་ཁུལ་བྱས་འདུག་ཀྱང་དོན་དངོས་སུ་ལུང་ཙི་ཆུང་ཆུང་ཞིག་ནང་རྩེད་མོ་རྩེ་གི་འདུག
བོད་མི་ཚང་མ་རྒྱལ་བ་རིན་པོ་ཆེའི་བཀའ་ལ་དེ་འདྲའི་བརྩི་མཐོང་ཞིག་ཡོད་པ་ཡིན་ན་བོད་དོན་སྒྲུབ་མཁན་ཡིན་ཟེར་ནི་ཚོས་རྒྱལ་བ་རིན་པོ་ཆེའི་གསུངས་ཆ་ཚང་སེམས་ལ་ཁྲིག་ཁྲིག་ངེས་བ་ཞིག་བྱེད་དགོས་པ་དེ་ཤེས་དགོས་པ་ཞིག་ཡིན་པ་རྟོགས་དགོས།
སེམས་ལ་ངེས་པ་དང་ཁ་ནས་བཤད་ཤེས་པ་དེ་ཙམ་གྱི་རྒྱལ་བ་རིན་པོ་ཆེ་ཚང་གི་ཐུགས་དགོང་འགྲུབ་ཀྱི་མེད། དེ་ལྟར་ཡོད་ན་དེ་ལྟར་བཤད་ཤེས་མཁན་དང་སེམས་ན་ཡོད་མཁན་གྱི་བོད་མི་གྲངས་མི་ཉུང་བ་ཞིག་ཡོད་པ་རེད། ངས་ནམ་རྒྱུན་དུ་བཤད་འདོད་པ་འང་དེ་ཡིན། མི་མང་བོ་ཞིག་གི་རྒྱལ་བ་རིན་པོ་ཆེའི་གསུང་འདུག དེ་རྒྱལ་བ་རིན་པོ་ཆེའི་བཀའ་རེད། དེ་རྒྱལ་རིན་པོ་ཆེའི་ལུང་བསྟན་རེད་ཟེར་ནས་ཡོད་ཚད་རང་ཉིད་ལ་འགན་མེད་པ་ལྟར། ཁོང་རྒྱལ་བ་རིན་པོ་ཆེ་ལ་འགེལ་རྐྱང་བྱས་པ་ལས་འགན་མ་བླངས་པ་དེ་དག་གི་བྱས་ཉེས་ཁོང་གི་མཁྱེན་ནས་ལོ་ངོ་གཉིས་ཀྱི་སྔོན་ནས་བཟུང་ཁོང་གི་དེང་སང་མི་མང་བོ་ཞིག་གི་ང་རང་གི་བཤད་པ་རེད་ཟེར་ནས་ང་རང་ལ་ལག་པ་འཕྱི་ས་མ་གཏོགས་དོན་དངོས་ལག་ལེན་ཐོག་མེད་པ་དེ་འདྲ་བྱེད་མཁན་མང་བོ་ཡོད་ས་རེད། དེ་ཚོ་དངོས་ནས་ཡག་པོ་མ་རེད། དགོས་པ་རྒྱུ་མཚན་ཡོད་ས་ནས་ཁྱེད་རང་ཚོས་ངས་བཤད་ཀྱི་འདུག་ཟེར་ནས་བེད་སྤྱོད་གནང་བ་ཡིན་ན་ངས་དེ་ལ་རྒྱབ་སྐྱོར་བྱེད་རྒྱུ་ཡིན་ཞེས་ཡང་དང་བསྐྱར་དུ་ངེད་ཅག་ཁ་རྒྱག་པ་དག་ལ་ཐེངས་མང་བོ་ཞིག་གསུང་ཚར་ན་ཡང་། ད་དུང་བོད་མི་ལས་མགོ་འཛིན་མཁན་གང་མང་མང་ཞིག་གིས་སྔར་སོང་ལ་འགྱོད་བཤགས་དང་ཕྱི་མ་ལ་སྡོམ་སེམས་གང་ཡང་མེད་པར་སྔར་རྒྱུན་བཞིན་དགོས་པ་ཡོད་མེད་གང་སར་རྒྱལ་བ་རིན་པོ་ཆེའི་མིང་བེད་སྤྱོད་གཏོང་བ་ལས་འགན་འཁུར་གྱི་མེད་མཁན་གྱི་གྲངས་ཀ་སྔར་ལས་ཇེ་མང་དུ་འགྲོ་བཞིན་པ་འདི་དག་ལ་ངེད་ཅག་གི་བརྡ་ཞིག་སྤྲོད་དགོས་ཀྱི་ཡོད། མཚམས་རེར་ངས་གྲོགས་པོ་རེ་ཟུང་དང་གླེང་མོལ་བྱེད་དུས་སུ། ཁོང་ཚོས་ང་ལ་འདི་རྒྱལ་བ་རིན་པོ་ཆེའི་གསུང་བ་རེད་ཅེས་སྐད་ཆ་རེ་བཤད་འོང་དུས། ངས་ཁོང་ཚོ་ལ་རྒྱལ་བ་རིན་པོ་ཆེའི་མིང་འཁུར་ནས་འོང་དེ་ང་རང་ལ་སྐྲག་སྣང་མ་སྐུལ་ཟེར་ནས་ལན་ཡང་ལོག་མྱོང་ཡོད། དེ་ནི་མི་དེ་དག་གི་རྒྱལ་བ་རིན་པོ་ཆེའི་བཀའ་གསུང་ཐུང་ངུ་རེ་ཇ་ཁ་ཆང་ཁ་ནས་རང་རང་གི་གླེང་མོལ་ལ་རྒྱབ་བརྟེན་རེ་འཚོལ་གྱི་ཡོད་པ་ལས་འགན་ལེན་བྱེད་ཀྱི་མེད་པ་དེ་ལ་ངོ་རྒོལ་བྱས་པ་ལས། རྒྱལ་བ་རིན་པོའི་ཆེ་བཀའ་ལ་བརྩི་འཇོག་བྱེད་མི་དགོས་པའི་དོན་ཞིག་གཏན་ནས་མིན། དེ་ནི་གོང་ནས་གསལ་བཤད་བྱས་ཟིན་པ་དེས་ཆོག་པ་བྱོས། དེང་ཕྱིན་བོད་མི་སུ་ཞིག་ཡིན་ན་ཡང་ཆོག མཐོ་དམན་དང་རྒན་གཞོན་མེད་པར་རྒྱལ་བ་རིན་པོ་ཆེའི་བཀའ་གསུང་རེད་ཅེས་སྣང་མེད་དང་བརྩི་བཀུར་མེད་པར་བྱེད་མཁན་དེའི་རིགས་ལ་ངེད་ཅག་གིས་ཅི་ནས་བསམ་བློ་ཞིག་གཏོང་དགོས་པར་འབོད་སྐུལ་དང་རྩོམ་ཡིག་འབྲི་བ། ཕན་ཚུན་ལ་གྲོས་མོལ་བྱེད་པ་སོགས་མང་བོ་ཞིག་བྱེད་ཐུབ་པ་ཡིན་ན་ཡག་པོ་འདུག དེ་མིན་ཚོང་བདག་དག་གི་རྒྱལ་བ་རིན་པོ་ཆེའི་སྐུ་དཔར་ཞིག་ཚོང་ཁང་དང་ཟ་ཁང་ཇ་ཁང་དུ་གཤམ་པ་དང་། ཆོས་པ་ཚོས་མཆོད་ཁང་དང་གཙུག་ལག་ཁང་སོགས་ལ་རྒྱལ་བ་རིན་པོ་ཆེའི་སྐུ་དཔར་གཤམ་པ། མི་དམངས་ཀྱིས་རང་རང་གི་ནང་དང་བསྡོད་ས། ལས་ཁུངས་དང་འགྲུལ་ཁང་སོགས་ལ་རྒྱལ་བ་རིན་པོ་ཆེའི་སྐུ་དཔར་གཤམ་པ་དེ་ཙམ་གྱི་རྒྱལ་བ་རིན་པོ་ཆེ་ལ་དད་ཞེན་ཡོད་པ་མཚོན་མི་ཐུབ་ལ། རྒྱལ་བ་རིན་པོ་ཆེའི་གསུང་བརྩི་བཞིན་པར་དེ་བས་ཡིད་ཆེས་བྱེད་ཐུབ་གཏན་ནས་མེད་པ་དེ་རེད།
གྲོགས་པོ་ལགས།
པདེན་པ་རེད། ད་དུང་རྒྱལ་བ་རིན་པོ་ཆེ་སངས་རྒྱས་ཡིན་དུས་ཁོང་གིས་གསུངས་བ་ཐམས་ཅད་ང་ཚོས་ལག་ལེན་ལ་འདེབས་མི་ཐུབ་ཟེར་མཁན་གྱི་པསྐོར་ཞིག་ཀྱང་ཡོད་པ་རེད། ང་ཚོས་ཞིབ་ཏུ་པསམ་བློ་པཏང་ན་རྒྱལ་བ་རིན་པོ་ཆེ་དགུང་ལོ་པཅུ་དྲུག་ནས་བོད་པ་ཚང་གི་སྲིད་དབང་གི་འགན་བཞེས་ཏེ་ལས་དོན་ཆེ་ཆུང་མང་པོ་ཐག་བཅད་བྱས་ཡོད་པ་རེད་ལ། དེང་སང་ས་ཆེན་པོ་འདིའི་སྟེང་ན་བོད་པའི་མཚན་སྙན་ས་ཁྱབ་རྡོ་ཁྱབ་ཏུ་སོང་ཡོད་པ་འདི་ནི་ཁོང་གི་རྣམ་དཔྱོད་ཀྱི་ཐོན་རྫས་ཤིག་ཡིན་པ་ཀུན་གྱིས་པཤད་ཀྱིན་འདུག དེ་ལྟ་ན་རྗེས་ཕྱོགས་ཀྱི་བོད་པ་ཚང་གི་འཐབ་རྩོད་ཀྱི་ངོ་བོ་ཡང་ཁོང་གི་ལམ་སྟོན་བྱས་པ་ནང་བཞིན་འགྲོ་ཐུབ་པ་ཡིན་ན་གྲུབ་འབྲས་ཤིག་ཡོད་པ་ཐག་གི་ཆོད་པ་ཞིག་རེད།
དྲ་གྲོགས་རྣམ་པར་ཞུ་རྒྱུར། འུ་ཅག་བོད་པ་ཚང་གིས་ད་དུང་ཏཱ་ལའི་བླ་མ་འཚོལ་ནས་མ་རྙེད་པའི་གནད་དོན་དེ་ལ་ཐུག་འདུག་པར་བསམ། འཚོལ་ནས་རྙེད་པ་ཡིན་ན་བདེ་སྡུག་གི་ཚོར་ཤེས་མངའ་བའི་རླབས་ཆེན་གྱི་སྐྱེས་བུ་ཞིག་གི་འདུ་ཤེས་སྐྱེས་སམ་མི་སྑྱེས། གལ་ཏེ་ཁྱོད་ལ་འདུ་ཤེས་དེ་སྐྱེ་ཡོང་དུས་རང་ཉིད་ཀྱི་ཐེག་པའི་ཁོང་གི་གསུང་ཚིག་རེ་རེ་ཤ་གསེང་རུས་གསེང་དུ་ཟུག་ངེས།
སྐུ་ཞབས་སྐྱོ་ལྷང་ལྷང་ལགས།
ངས་ལྟས་ན། རབ་འབྱོར་གྱིས་བཏོན་པའི་དྭོགས་འདྲི་འདི་ཐད་ཀར་ངེད་ཚོའི་གསོན་འཇིགས་དང་འབྲེལ་བ་འདུག མི་ཞིག་ལ་རང་གིས་རྣམ་དཔྱོད་བེད་སྤྱོད་བྱེད་པའི་ནུས་པ་མེད་པའི་སྐབས་དང་། གཞན་གྱིས་གང་བཤད་ཀྱི་རྗེས་སུ་རྒྱུག་དགོས་ཚེ། མིའི་མཚན་ཉིད་ཚང་གི་མེད་ལ། རྒྱལ་ཁབ་དང་མི་རིགས་དང་། ཆོས་ཕར་ཞོག རང་གི་ལྟོ་བ་འདི་འདྲེན་ཐུབ་རྒྱུར་དཀའ་ངལ་ཡོད། དེ་ན་འདི་ལྟ་བུའི་གནད་འགག་མཐོང་མཁན་གྱི་མི་ལ་ར་མ་སོགས་ཀྱི་དཔེ་མཚོན་བཀོད་ན་འཚམ་པོ་མིན་འདུག