པེ་ཅིན་ཀྲུང་དབྱང་མི་རིགས་སློབ་གྲྭ་ཆེན་མོའི་ཞི་རྒོལ།

གསར་འགྱུར་བོད་འགྱུར་མ།
(བོད་ལྗོངས་གནད་དོན། པོ་ཞོན་པེ་ཅིན་དུས་ཚོད། ༢༠༡༠ ལོའི་ཟླ ༡༠ ༢༢ ཉིན། འདྲེན་བཀོད་བྱས།)
རྟ་ནག་སྐལ་བཟང་ལུང་རིགས།

གཟའ་ འཁོར་འདིར་མཚོ་སྔོན་ཞིང་ཆེན་གྱི་རྫོང་ཁག་མང་བོ་ཞིག་གིས་བོད་སྐད་ཡིག་གི་ལས་ དབང་སླད་དུ་རྔམ་སྟོན་རིམ་པར་བགྱིས་རྗེས། རྔམ་སྟོན་འདིའི་རླབས་རྒྱུན་མུ་ནས་མུ་རུ་འཕེལ་ཏེ་པེ་ཅིན་གྱི་བར་དུ་ཁྱབ་པར་ གྱུར་ཏོ།། པེ་ཅིན་ཀྲུང་དབྱང་མི་རིགས་སློབ་གྲྭ་ཆེན་མོའི་སློབ་བུ་བཞི་བརྒྱ་ཙམ་གྱིས་ སྦྱར་ཡིག་ལག་ཏུ་བཟུང་ནས་རྔམ་སྟོན་བགྱིས། ད་ལྟ་གདོང་གཏུག་དང་འཛིང་རེས་ཀྱི་གནས་ཚུལ་བྱུང་མ་སོང་ནའང་། སློབ་གྲྭའི་ནང་ཁུལ་དུ་སྐོར་སྲུང་བས་བཀག་སྡོམ་ཤུགས་ཆེན་བྱས་ཡོད་པས། རྗེས་སུ་ཅི་འབྱུང་ཆ་མི་འཚལ། དེ་ལས་གཞན་རྨ་ལྷོ་ཁུལ་དང་མགོ་ལོག་ཁུལ་བཅས་ཀྱི་སློབ་མས་ཀྱང་རྔམ་སྟོན་བྱས་ འདུག ད་དུང“འཛམ་གླིང་གི་རྩེ་མོ” ཞེས་པའི་དབྱིན་ཡིག་པོད་ཁུག་གྲགས་ཅན་དེས་བསྟན་དོན། བོད་ཀྱི་སློབ་མའི་རྔམ་སྟོན་དེ་མཚོ་སྔོན་ནས་མཆེད་དེ་པེ་ཅིན་གྱི་བར་དུ་ཁྱབ་ སོང་། ཀྲུང་དབྱང་མི་རིགས་སློབ་གྲྭ་ཆེན་མོའི་བོད་ཀྱི་སློབ་བུ་བཞི་བརྒྱ་ཙམ་གྱིས་ རེས་གཟའ་པ་སངས་ཀྱི་ཉིན་གུང་ཆུ་ཚོད་བཅུ་གཉིས་སྟེང་སློབ་གྲྭའི་ནང་ཁུལ་དུ་རྔམ་ སྟོན་ཁྲོམ་སྐོར་བྱས། བོད་ཀྱི་སྤྱི་ཚོགས་འབྲེལ་གཏུགས་དྲ་རྒྱ། Ren Ren དང་། My
Budalalདྲ་རྒྱ་བཅས་སུ་རྔམ་སྟོན་གྱི་པར་རིས་སྤེལ་འགྲེམ་བྱས་ཡོད་ཅིང་། ཁ་ཡིག་ལ། “ཀྲུང་དབྱང་མི་རིགས་སློབ་ཆེན་གྱི་སློབ་མ་བཞི་བརྒྱ་ཙམ་གྱིས་སྐད་ཡིག་རང་དབང་ གི་སླད་དུ་རྔམ་སྟོན་བགྱིད་པ”ཞེས་བཀོད་འདུག
གསུམ་གཅིག་བཞིའི་དོན་རྐྱེན་ ཁྲོད་ཚེ་སྲོག་འཕོས་པའི་བོད་རིགས་དག་གི་ཆེད་དུ། ༢༠༠༨ལོའི་ཟླ༣ཚེས༡༧ཉིན་ཀྲུང་དབྱང་མི་རིགས་སློབ་གྲྭ་ཆེན་མོའི་བོད་ཀྱི་སློབ་མ་ དག་གིས་རྔམ་སྟོན་བྱས། ཐེངས་འདིའི་ལས་འགུལ་ནི་གསུམ་གཅིག་བཞིའི་དོན་རྐྱེན་རྗེས་སུ་ཀྲུང་དབྱང་མི་ རིགས་སློབ་ཆེན་གྱི་བོད་རིགས་སློབ་མས་ཡང་བསྐྱར་བརྩམས་པའི་རྔམ་སྟོན་དེ་ཡིན་ ནོ།།
ལས་འགུལ་འདི་ལས་གཞན། བོད་རིགས་དྲ་གྲོགས་དག་གི་དྲ་ཚིགས་སུ་བཀོད་པ་ནི། “མི་རིགས་འདྲ་མཉམ། སྐད་ཡིག་རང་དབང་”ཞེས་པའི་རྔམ་སྟོན་སྐད་འབོད་བྱས་ཡོད་ཅིང་། བོད་རིགས་དྲ་གྲོགས་དག་གིས་སློབ་བུ་རྔམ་སྟོན་པ་དག་ལ་རྒྱབ་སྐྱོབ་བླ་ན་མེད་པ་ མཛད་ཡོད་དོ།།
དྲ་གནས་པོད་ཁུག་དག་གི་པར་རིས་ལས་མཐོང་གསལ་ལྟར་ན། བོད་རིགས་སློབ་བུ་དག་གིས་བོད་ཡིག་སྦྱར་ཡིག་གིས་རྔམ་སྟོན་བགྱིས་ནས་ཡོད་ལ། རྔམ་སྟོན་དཔུང་སྡེ་ཡི་དབུ་ཁྲིད་པས་ལག་ཏུ་འཕྲེད་དར་བཟུང་ཞིང་དེའི་སྟེང་དུ། “མི་རིགས་སྐད་ཡིག་སྲུང་སྐྱོབ། ཀྲུང་ཧྭ་ཤེས་རིག་དར་སྤེལ”ཞེས་བྲིས་ཡོད་དོ།།
ཀྲུང་དབྱང་མི་རིགས་སློབ་ཆེན་གྱི་སློབ་རྭའི་ནང་དུ་སྐོར་སྲུང་བས་མངོན་གསལ་ གྱིས་བཀག་སྡོམ་ཤུགས་ཆེན་བགྱིས་ཤིང་། ཕྱི་སྒོའང་སྐོར་སྲུང་བས་བསྐོར་ནས་འདུག་ལ། ད་དུང་སྐོར་སྲུང་བས་མི་གཞན་དག་ཀྱང་སློབ་བུ་རྔམ་སྟོན་པ་དག་གི་ཉེ་འགྲམ་དུ་ འགྲོ་བའི་ལམ་ཀ་བཀག་ནས་ཡོད་ནའང་།
སློབ་རྭའི་ནང་ཁུལ་དུ་མི་ཚོགས་མི་ཉུང་བ་ཞིག་གིས་རྔམ་སྟོན་ལ་འཚང་རུབ་ཀྱིས་བལྟས་འདུག་གོ།
རྔམ་སྟོན་བྱུང་རྗེས། ཀྲུང་དབྱང་མི་རིགས་སློབ་ཆེན་གྱིས་གློ་རྡེག་དུ་ཚོད་འཛིན་བྱས་ཡོད། བོད་ཀྱི་བུད་མེད་རྩོམ་པ་བོ་འོད་ཟེར་གྱི་པོད་ཁུག་ལས་བསྟན་དོན། ཀྲུང་དབྱང་མི་རིགས་སློབ་ཆེན་དུ་རེས་གཟའ་པ་སངས་ལ་འཆར་ཅན་དུ་འཚོགས་ཀྱིན་ པའི“བོད་རིགས་མཉམ་འདུས་ཀྱི་སྐོར་བྲོ”ཡང་ཕྱིར་འཐེན་བགྱིས་འདུག་གོ།
རྔམ་ སྟོན་གྱི་གནས་ཚུལ་ཤེས་རྟོགས་སླད་དུ། གསར་འགོད་པ་ཁ་ཤས་ཀྱིས་ཀྲུང་དབྱང་མི་རིགས་སློབ་ཆེན་གྱི་གཞུང་ལས་ཁང་དུ་བཅར་ འདྲི་ཆོག་པའི་སྙན་ཞུ་ཞུས་ཀྱང་། ལས་ཚན་པས་སློབ་རྭའི་ནང་ཁུལ་དུ་དེ་རྔམ་སྟོན་དོན་རྐྱེན་བྱུང་བ་ངོས་ལེན་བྱས་ མི་འདུག
གསར་འགོད་པས། ཧེ་དེན་ཆུས་ཉེན་རྟོག་ཅུ་ལ་གློག་འཕྲིན་བཏང་བར། ཉེན་རྟོག་པ་ཞིག་གིས་གནས་ཚུལ་ཅི་བྱུང་ཤེས་རྟོགས་གང་ཡང་མེད་ཅེས་ལན་བཏབ་འདུག
ཡོན་ཐུའུ་ལོའུ་ཞེས་འབོད་པའི་ཀྲུང་དབྱང་མི་རིགས་སློབ་ཆེན་གྱི་སློབ་བུ་ཞིག་ གིས་གསར་འགོད་པར་བཤད་རྒྱུར། རེས་གཟའ་པ་སངས་ལ་ཀྲུང་དབྱང་མི་རིགས་སློབ་ཆེན་གྱི་བོད་རིགས་སློབ་མས་རྔམ་ སྟོན་བྱས་སོང་། ཡིན་ནའང་། གནས་ཚུལ་ཞིབ་ཕྲ་ཤེས་རྟོགས་མེད་ཅེས་པའོ།།
དེ་ ལས་གཞན། མཚོ་སྔོན་ཞིང་ཆེན་རྨ་ལྷོ་ཁུལ་ཐུང་རིན་རྫོང་གི་བོད་རིགས་སློབ་མས་རེས་གཟའ་ མིག་དམར་ལ་རྔམ་སྟོན་ཁྲོམ་སྐོར་བྱས་རྗེས། མཚོ་ལྷོ་ཁུལ་དང་། མགོ་ལོག་ཁུལ་དུའང་ཉིན་འདི་འགར་རྔམ་སྟོན་བགྱིས་པ་དག་བསྡོམས་ན་སློབ་མ་དྲུག་ སྟོང་ནས་བདུན་སྟོང་ཡོད་དོ།། རྔམ་སྟོན་རྗེས་སུ།
རྨ་ལྷོ་ཁུལ་ཐུང་རིན་རྫོང་དང་མཚོ་ལྷོ་ཁུལ་གྱི་ཉེན་རྟོག་པས་དོགས་ཟོན་ཤུགས་ཆེན་བྱས་འདུག
རྒྱ་ གར་གྱི་“རྒྱལ་སྤྱིའི་བོད་ཀྱི་འབོད་སྐུལ་ཚོགས་པའི་”ཞིབ་འཇུག་པ་ཞིག་གིས་རེས་ གཟའ་པ་སངས་ལ་བཤད་རྒྱུར། རྨ་ལྷོ་ཁུལ་ཐུང་རིན་རྫོང་དུ་ཐོག་མར་རྔམ་སྟོན་བྱུང་རྗེས་སུ། མཚོ་སྔོན་ཞིང་ཆེན་གྱིས་སྣེ་ཁྲིད་དང་བཅས་ཏང་ཨུའུ་དྲུང་ཆེ་ཆང་བེ་རེས་གཟའ་ཕུར་ བུའི་ཉིན་ཆེད་དུ་རྨ་ལྷོ་ཁུལ་དུ་བརྟགས་དཔྱད་ཞིབ་འཇུག་ཏུ་འབྱོར།
ཐུང་རིན་རྫོང་དུ་དམག་འཁོར་སུམ་ཅུ་ཙམ་དང་ཉེན་རྟོག་དམག་དཔུང་ཆིག་སྟོང་ལྷག་ གིས་དོགས་ཟོན་ནན་མོ་བྱས་ཡོད་ལ། ཉིན་འདི་འགར་འགྲུལ་ལམ་ཆེ་ཆུང་ཀུན་ཏུ་དམག་གི་དག་གིས་བྱ་ར་དང་མེལ་ཚེ་མཛད་ འདུག འགྲུལ་འཁོར་ཁ་ཤས་ཀྱིས་དུས་ཚོད་གཏན་འཁེལ་མེད་པར་ཉེན་ཟོན་སྐོར་ཞིབ་བྱེད་བཞིན་ པ་དང་།
རོང་བོ་དགོན་ཆེན་གྱི་ལམ་ཀ་བརྒྱུད་ནས་ཡོད་པའི་ལྟ་ཞིབ་པ་དག་གིས་ཁོང་ཚོའི་ཉེ་ འཁོར་གྱི་གནས་ཚུལ་ལ་སོ་ལྟ་བྱས་འདུག ཡང་ཁོས་བཤད་རྒྱུར། ཉེན་རྟོག་དམག་དཔུང་གི་ཕྱི་ཚུལ་ནས་བལྟས་ན་དྲག་ཆས་དང་མཚོན་ཅི་ཡང་མེད་ནའང་། ལག་ཏུ་གློག་དབྱུག་ཐོགས་འདུག རླངས་འཁོར་ཁ་ཤས་ཀྱིས་ཕར་འགྲོ་ཚུར་འོང་གི་རྣམ་པས་ཉེན་ཟོན་སྐོར་ཞིབ་བྱེད་འདུག
ཁ་སང་གི་གནས་སྟངས་འདི་འདྲ་ཞིག་རེད།
ཡང་གཞན་ཞིག་གིས་བཤད་རྒྱུར། ཁོས་རྟོགས་བྱུང་བ་ནི། མཚོ་སྔོན་གྱི་བྱ་བའི་ཚན་ཁག་མང་བོ་ཞིག་གིས་མིག་སྔར་བྱུང་བའི་རྔམ་སྟོན་པའི་ སློབ་གྲྭ་སོ་སོ་ཕྱི་རོལ་ཏུ་མངགས་ཡོད་པས། རྒྱུན་བསྲིངས་ནས་སློབ་ཁྲིད་བྱ་དགོས་མིན་དང་། ཚོགས་འདུ་ཡིན་མིན་གྱི་སློབ་གྲྭའི་གནས་ཚུལ་ཐད་གནས་སྐབས་རིང་ཤེས་རྟོགས་ཡོང་ བའི་ཐབས་ཤེས་མི་འདུག ཕྱོགས་གཞན་ཞིག་ནས།
མཚོ་ལྷོ་ཁུལ་གྱིས་བདེ་འཇགས་ཉེན་སྲུང་ལ་ཤུགས་སྣོན་བྱེད་ཀྱིན་འདུག
སློབ་ གྲྭའི་གནས་ཚུལ་ཐད། གསར་འགོད་པས་ཐུང་རིན་རྫོང་མི་རིགས་སློབ་འབྲིང་དང་། མཚོ་ལྷོ་ཁུལ་དགེ་འོས་སློབ་གྲྭར་གློག་འཕྲིན་བཏང་ཡང་། ཁ་པར་ལེན་མཁན་མི་འདུག དར་མཚོ་རྫོང་(རྒྱ་སྐད་དུ་ཞིན་ཧེ)གི་སློབ་གྲྭའི་ལས་བྱེད་ཅིག་གིས་བཤད་ན། སློབ་གྲྭ་རྒྱུན་ལྡན་ལྟར་སློབ་ཁྲིད་འཚོགས་ཡོད།
ད་ལྟའི་རྒྱ་གར་གནས་ སྡོད་པ་སྟེ་སྔོན་ཆད་མཚོ་སྔོན་གྱི་དགེ་རྒན་ཡིན་པའི་ཚེ་རིང་རྡོ་རྗེས་བསྟན་ དོན། ཐུང་རིན་རྫོང་གི་ཐེངས་གཉིས་པའི་རྔམ་སྟོན་པ་སྟེ། དགེ་འདུན་ཆོས་འཕེལ་སློབ་གྲྭའི་བོད་རིགས་སློབ་མ་ལྔ་བརྒྱ་ལྷག་གིས་རེས་གཟའ་ ཕུར་བའི་ཉིན་གྱི་ཞོགས་པའི་ཆུ་ཚོད་བརྒྱད་པའི་སྟེང་རྫོང་སྲིད་གཞུང་དུ་རྔམ་ སྟོན་བྱས་པས།
ཐུང་རིན་རྫོང་གི་རྫོང་དཔོན་དང་སློབ་གསོ་ཅུའུ་ཅུའུ་ཀྲང་གིས་རྗེས་འདེད་བགྱིས་ ཏེ་དེ་མ་ཐག་བཀག་འགོག་བྱས། སྲིད་གཞུང་གི་ལས་བྱེད་མི་སྣ་གཞན་གྱི་གྲོགས་དན་འོག་རྔམ་སྟོན་པའི་སློབ་བུ་དག་ ཕྱིར་སློབ་གྲྭར་ལོག་དགོས་པའི་བཀའ་རྒྱ་བཏང་འདུག དེའི་རྗེས་ཀྱི་གནས་ཚུལ་གསལ་བོ་ཤེས་མ་སོང་ངོ་།།
ཚེ་རིང་རྡོ་རྗེས་ བསྟན་དོན། ཉི་མ་དེ་ག་རང་གི་ཞོགས་པའི་ཆུ་ཚོད་དྲུག་པ་ནས་ཕྱི་དྲོའི་ཆུ་ཚོད་གཉིས་ཀྱི་བར་ དུ་མགོ་ལོག་ཁུལ་གྱི་སློབ་གྲྭ་གཉིས་ནས་འོང་བའི་སློབ་བུ་ཆིག་སྟོང་ལྷག་གིས་ རྔམ་སྟོན་བྱས་ཤིང་། དྲག་ཆས་དམག་དཔུང་གིས་སློབ་བུ་རྣམས་ཕྱིར་སློབ་གྲྭར་མངགས་འདུག
ཡང་ཁོང་ གིས་བཤད་རྒྱུར། དྲག་ཆས་ཉེན་རྟོག་པ་བསླེབས་རྗེས། སློབ་ཕྲུག་ལས་གཞན་མི་སུ་ཡིན་ཡང་སློབ་བུའི་རྔམ་སྟོན་བྱ་ཡུལ་དུ་འགྲོ་བར་བཀག་ འགོག་བྱས་འདུག་རྐྱེན། ང་ཚོས་གནས་ཚུལ་ཅི་ཡང་ཤེས་རྟོགས་བྱུང་མ་སོང་། དེ་ལྟ་ནའང་། དེ་རིང་གནས་ཚུལ་ཤེས་རྟོགས་བྱུང་བ་ལྟར་ན། སློབ་བུ་རྣམས་ཀྱིས་ཁྲོམ་སྐོར་བྱེད་ཀྱིན་མི་འདུག སློབ་གྲྭ་ན་འདུག
རྔམ་སྟོན་པའི་སློབ་བུ་དག་གི་སེམས་ཁྲལ་བྱ་ས་ནི། བོད་ཡིག་ནི་ཉིས་སྟོང་བཅོ་ལྔ་ལོར་འདེམས་སྒྲུག་རང་བཞིན་གྱི་སྐད་ཡིག་སྤྱིར་ བཏང་བ་ཞིག་ཆགས་ཏེ། འབྱུང་འགྱུར་རྒྱ་ཡིག་ཁོ་ན་ལས་བོད་ཡིག་རྨེག་ནས་ཉམས་སུ་གཞུག་རྒྱུའི་ཉེན་ཁ་ ཡོད་པ་དེའོ།།
རེས་གཟའ་པ་སངས་ཉིན་ བཀོད་པ་ལྟར་ན། སྤྱི་ཟླ ༡༠ ཚེས ༢༡ ཉིན་མཚོ་སྔོན་ཞིང་ཆེན་ཨུ་ཡོན་ལྷན་ཁང་གི་ཧྲུའུ་ཅི། ཞིང་ཆེན་དམངས་ཆེན་ཨུ་ཡོན་ལྷན་ཁང་གི་ཀྲུའུ་རིན་ཆང་བེ་རྨ་ལྷོ་བོད་རིགས་རང་ སྐྱོང་ཁུལ་དུ་སློབ་གསོའི་བྱ་བར་རྟོག་ཞིབ་དུ་སོང་བ་དང་། སྐད་གཉིས་སློབ་གསོ་ཤུགས་ཆེ་རུ་གཏོང་བ་དང་།
གསར་བརྗེ་བྱེད་སྐོར་གྱི་བསམ་ཚུལ་ལ་མཉན་འཇོག་བྱས།
ཆང་ བེས་བསྟན་དོན། ཤུགས་སྣོན་དང་། གསར་བརྗེ་བྱས་ཏེ་སྐད་གཉིས་སློབ་གསོ་སྐུལ་འདེད་བྱ་བ་ནི་མི་རིགས་ས་ཁུལ་གྱི་ སློབ་གསོའི་རྣམ་གྲངས་ཀྱི་དོན་སྙིང་གལ་ཆེན་ཞིག་ཡིན་པ་དང་། ཀྲུང་དབྱང་གི་དགོངས་དོན་དང་རྒྱལ་ཁབ་ཀྱི་ཁྲིམས་ལུགས་དང་ཡང་མཐུན་པ་ཞིག་ཡིན་ ནོ།།
རྒྱ་ཡིག་གི་དྲ་ཚིགས་པོ་ཞོན་ལས་བཏུས་ཏེ་བསྒྱུར། (博讯 boxun.com)