བོད ལྷ་ཀླུ་གཉན་གསུམ།
སུ་ལ་འཕོག་ཐུག་འགྲོ་བའི་ཆེད་དུ་ངས་གཏན་ནས་འབྲི་བཞིན་མེད། འདི་ནི་རང་ཉིད་བོད་རིགས་ཤིག་གི་ལས་དབང་འོག་དུ་ཡོད་སྟབས། བོད་མིའི་སྐྱིད་སྡུག་གི་འགག་འཕྲེང་དེ་ཉིད་འཐོར་ནས་བཤིག་བཞིན་ཡོད་པ་དེ་ཡི་སྐོར་ལ་ཞིག་ཞུ་འདོད་ཀྱི་ཡིན།
ཉེ་དུས་སུ་༧རྒྱལ་བ་རིན་པོ་ཆེ་ཚང་གིས་སྐུ་ངོས་སུ་ཨ་རིའི་གཞུང་ཚབ་ཁང་ལ་བོད་མི་རེ་ཟུང་གི་བྱས་ཉེས་ལ་བརྟེན་ནས་དགོངས་དག་ཁོང་གིས་བོད་མི་རིགས་ཀྱི་ཚབ་དུ་ཞུས་འདུག་པ་དེ་ཡི་སྐོར་ཡིན། ངས་སྔོན་ཆད་ནས་སྤུན་ཟླ་མི་ཉུང་བ་ཞིག་ལ་འདི་ལྟར་གླེང་མྱོང་ཡོད།
དེ་རིང་ངས་གང་གླེང་མྱོང་བ་དེ་དག་དྲ་ཐོག་ནས་གླེང་གི་ཡིན། དེ་ཡང་སྤུན་ཟླ་དག་གིས་ཤ་དང་རུས་པའི་གསེང་ནས་བསམ་བློ་བཏང་ནས་བསམ་ཚུལ་རེ་ཤོད། གནས་ལུགས་རེ་འཚོལ་རོགས། རྒྱུ་མཚན་ཐད་ཀར་ཡོད་ན་གསུང་རྒྱུ་མ་བརྗེད་ཅིག
དེ་ནི་ལོ་འགའི་སྔོན་ནས་བཟུང་། བྱེས་ཀྱི་གཙོ་བའི་བོད་ཀྱི་མི་རབས་གསར་བའི་སྙིང་ཁམས་སུ་ནད་ཚ་ཤུགས་ཆེན་པོ་ཞིག་བྱུང་ཡོད་པ་དེ་ཡིན། དེ་ནི་ཕྱི་རྒྱལ་ལ་འགྲོ་རྒྱུ་དེ་ཡིན། དེ་ཡི་ཆེད་དུ་ཐབས་ལམ་འདྲ་མིན་སྣ་ཚོགས་ཤིག་བསྟེན་བཞིན་ཡོད། དེ་དག་ལ་ཡང་རྒྱུ་མཚན་མང་བོ་ཞིག་ཡོད་ཀྱང་། གནད་འགག་གི་སྐབས་སུ་གླེང་བར་བྱ་བ་ནི། བོད་མི་རིགས་ཀྱི་ཚོགས་པ་དང་བོད་གཞུང་གི་མིང་ཐོག་ནས་སྒེར་གྱི་ཁ་ལྟོ་གཉེར་མཁན་དེ་ཡི་སྐོར་ཡིན།
དེ་ཡི་སྐོར་ལ་དྲང་མོ་ཞུས་པ་ཡིན་ན། མི་སྒེར་ཞིག་ཕྱི་རྒྱལ་དུ་འགྲོ་བ་དེ་ནི་སྒེར་དོན་ཞིག་རེད་ལ། སོང་ཡང་དེ་ལ་དོན་མེད་དུ་སྐྱོན་བརྗོད་བྱེད་ཁག་པོ་རེད། མི་རེ་ལ་གནས་ལུགས་རེ་དང་རྒྱུ་མཚན་རེ་ཡོད་པ་རེད། དེ་ལ་འགག་པ་མི་བྱེད་ལ། སྐྱོན་བརྗོད་ཀྱང་བྱེད་འདོད་གནས་སྐབས་རིང་མེད། འགྲོ་སྟངས་ཀྱི་ཐད་ནས་ངས་སྐྱོན་བརྗོད་བྱེད་འདོད་ཡོད། འགག་འདོད་འདུག དེ་ནི་ལོ་ངོ་ཁ་ཤས་ཀྱི་སྔོན་ནས་བཟུང་དེ། བོད་མི་ལྟོ་འདོད་ཆེན་པོའི་ནད་ཚ་དེ་དྲགས་བསྐྱེད་འགྲོ་རྒྱུ་ལས་སྡུག་དུ་ཕྱིན་པ་རེད།
བོད་གཞུང་གི་མིང་ཐོག་ནས་ཕྱི་བསྐྱོད་ལག་ཁྱེར་ཐོབ་ཐུབ་བྱེད་པ། ཐོབ་རྗེས་སུ་བོད་གཞུང་གི་མིང་ལས་རང་གི་ལྟོ་འདོད་ཆེ་བ། དགོན་པའི་མིང་ཐོག དེ་ནས་ཚོགས་པ་ག་གེ་མོའི་མིང་ཐོག་ནས་ཕྱི་བསྐྱོད་ལག་ཁྱེར་ཐོབ་རྗེས་སུ། ཚོགས་པ་སྐྱིད་སྡུག་གི་བརྟན་བརླིང་དང་། མ་འོངས་པའི་འབྲེལ་ལམ་ལ་འགན་མི་ལེན་པར་ངོ་ཚ་མེད་པར་སྤྲང་ཁྱི་བཞིན་བྲོས་འགྲོ་བ། ལྷག་པར་དུ་ཤེས་ཡོན་པའི་མིང་ཆེན་པོ་རེ་འཁུར་ནས་ཉེག་ཕྲ་བའི་དུས་འདིར་མི་རིགས་ཀྱི་བདེ་སྡུག་གི་མགྲིན་ཚབ་ཀྱི་སྟེགས་བུར་བསྡད་ནས་ལོ་མང་ཞབས་ཞུ་བྱས་ཀྱང་། མཐར་རང་ཉིད་ཀྱི་ཁེ་ཕན་ཕྲག་ཚེགས་ཤིག་གི་ཆེད་དུ་རྒྱལ་ཁབ་གཞན་དག་གིས་བོད་མིའི་ཤེས་ཡོན་པར་མཐོང་ཆེན་བྱེད་པའི་ལམ་ཁ་དེ་མེད་པར་བཟོ་བ། འདི་དག་གི་རིགས་ཡིན།
འདི་དག་ལ་ང་ཚོ་བོད་མི་དག་གིས་དོག་གཟོན་བྱེད་དགོས་པ་མ་ཟད། སྐྱོན་བརྗོད་ཀྱང་ཤུགས་ཆེན་བྱེད་དགོས་ལ། རྗེས་སུ་འདི་ཡི་རིགས་ལ་སླར་ཡང་གོ་སྐབས་གཏན་ནས་མི་སྤྲོད་པ་དང་། ཉེས་ཅན་དེ་ཡི་རིགས་རྗེས་སུ་བོད་མི་རིགས་ཀྱི་གནད་འགག་ཆེ་བའི་ལས་སྣེ་ཡི་རིགས་ལ་ཞུགས་པར་སྔོན་འགོག་བྱེད་དགོས།
སྤྱིར་ན། བོད་མི་དག་ཕྱི་རྒྱལ་དུ་འགྲོ་བའི་ནད་ཚ་འདི་ཚབ་ཆེན་པོ་ཆགས་ཡོད་སྟབས། དེ་ལ་ངོ་རྒོལ་བྱེད་པར་ཡང་ང་ལྟ་བུ་ཞིག་གིས་འཇོན་པ་མེད་ལ། སྐད་འགག་རེག་བར་དུ་བཤད་ཀྱང་གོ་མཁན་མེད་ངེས་ཡིན། འོན་ཀྱང་། མི་རིགས་ཀྱི་མིང་ཐོག་ནས་འགྲོ་བ་དང་། དགོན་པ་དང་ཚོགས་པ་སྐྱིད་སྡུག་གི་མིང་ཐོག་ནས་འགྲོ་བ་འདི་དག་དངོས་ནས་བསམ་བློ་གཏོང་རན་རེད།
སྒེར་དོན་དུ་ཕྱི་རྒྱལ་ལ་འགྲོ་ན་སོང་། ཡིན་ཡང་། བོད་མིའི་མིང་བཙོང་ནས་མ་འགྲོ རང་གིས་དཀའ་སྤྱད་སྡུག་རུས་ལ་བསྟེན་ནས་སོང་། གཞན་གྱི་མཐུན་འབྲེལ་རོགས་རམ་ལ་བསྟེན་ནས་སོང་། མི་རིགས་ཀྱི་མིང་བརྫད་དེ་མ་འགྲོ ཚོགས་པའི་འབྲེལ་ཐག་བཅད་དེ་མ་འགྲོ རྒྱལ་བ་རིན་པོ་ཡི་དགོངས་དག་ཞུ་དགོས་པའི་ལས་ཀ་བྱོས་དེ་མ་འགྲོ མཐའ་མཇུག་དུ། བོད་དོན་བྱེད་མི་ཐུབ་ཀྱང་། བོད་དོན་བྱེད་མཁན་གྱི་སྤུན་ཟླ་དག་གི་ཟམ་པ་མ་གཏོར་རོགས། མ་བཤིག་རོགས། ངས་ཁྱེད་ཅག་ལ་ཞུ་བ་བྱེད།
དངོས་ནས་ཁྱེད་ཅག་ཕྱི་རྒྱལ་དུ་འགྲོ་འདོད་ཡོད་ཀྱང་འགྲིག་གི་རེད། དེ་ནི་ཁྱེད་རང་གི་སྒེར་དོན་རེད། སོང་ན་ལོས་འགྲིག འགྲོ་སྟངས་དེར་དངོས་གནས་ཐུགས་བསམ་ལེགས་པོ་ཞིག་བཞེས་ཤིག ཤ་ཁྲག་གི་འབྲེལ་བ་དམ་པའི་བོད་རིགས་སྤུན་ཟླ་ཚོ།
ལྷ་ཀླུ་གཉན་གསུམ་ནས་གསུང་པར་རྒྱུ་མཚན་འདུག སྒེར་གྱི་མིང་ཐོག་ནས་ཐབས་ཤེས་ཇི་ལྟར་བྱས་ཀྱང་དེ་ལ་གཞན་གྱིས་ཇུས་ཏོག་མ་བྱས་ན་བཟང་། འོན་ཀྱང་གཞུང་དང་ཚོགས་པའི་མིང་ཁུར་ནས་ཕྱིར་སྐྱོད་བྱེད་མཁན་ཚོར་ངེས་པར་དུ་འགོག་ཐབས་བྱེད་དགོས།
bod mi ngo re la so so bod mi yin pa’i bsam blo ma dor ba rang gis gang bsgrubs dgos pa’i las kar rgyus lon yod pa yin na de lta bu’i las la mi shigs bsam
སྙིང་ཉེ་བའི་གྲོགས་པོ་ལགས། མི་ཞིག་གི་སྐྱེས་པ་བླངས་ཚར་དུས་རང་ཉིད་ལ་སེམས་ཁྲལ་གཉིས་པ་གཏོང་ས་ཞིག་ཡོད་པ་ནི་འཚོ་བ་ཡིན། འཚོ་བ་ནི་རང་ཉིད་གསོན་ཞིང་དར་བ་དང་འཕེལ་བ་བཅས་བྱེད་སྤྱད་ཀྱི་འདྲུད་ཤིང་རྫོགས་པ་མེད་པ་དེ་ཡིན།
འདི་ལྟར་བཤད་ན་ཁྱོད་མི་རློམ་ན་ཐང་། ཁྱོད་ཀྱིས་རང་ཉིད་ཀྱི་བྲང་ལ་ལག་པ་བཞག་སྟེ་སེམས་ཞིབ་མོས་འདང་ཞིག་རྒྱོབས་དང་། ད་སྔ་བར་ཁྱོད་རང་ཉིད་ཀྱིས་ཅི་ཞིག་འདོད་ཅིང་ཅི་ཞིག་འཚོལ་གྱིན་འདུག ད་དུང་ཡང་གང་ཞིག་ལ་རེ་ཞིང་ཅི་ཞིག་ལ་ཧུར་བརྩོན་བྱེད་ཀྱིན་ཡོད། དེ་དག་ལ་བསམ་ནས་མི་ཞིག་གི་འཚོ་བའི་བདེན་པ་ལ་ཉམས་ཞིབ་རགས་ཙམ་གནང་རོགས།
དེ་ལྟར་བསམ་བློ་བཏང་ཏེ་ཡོང་ཐུབ་ན་ཁྱོད་ཀྱི་རང་ཉིད་མི་ཞིག་གི་འཚོ་བའི་རླབས་རྒྱུན་ཁྲོད་དེད་ཅིང་མིའི་རིགས་ཀྱི་འདོད་པའི་དང་དོད་ཀྱིས་སྒུལ་གྱིན་པའི་སྙིང་ཁམས་དག་ཞིབ་ཀློག་བྱེད་ཐུབ། དེ་ལྟར་བཀླགས་པས་མི་ནི་མ་གཞི་ནས་འཚོ་བ་མངོན་དུ་གཉེར་པའི་སྲོག་ཆགས་གསོན་སྙིང་ལྡན་པ་ཞིག་ཡིན་པ་ཤེས་ཐུབ་ངེས། དེ་ལྟར་ཤེས་པས་མིས་ནི་ནམ་ཡང་རང་ཉིད་ཀྱི་འདོད་པ་དང། དང་བ་དང་། རེ་བ་དང་། དམིགས་ཡུལ་དང་། དགའ་ཕྱོགས་བཅས་ལ་སྙེག་གིན་པའི་འདུ་ཤེས་དག་གསལ་བོ་མཐོང་ཡོང་ངེས། དེ་ལ་མིའི་བསླབ་བྱ་དང་ཆོས་ཀྱི་བསླབ་པ། བདེན་ལུགས་ཀྱི་རྟིང་སྐུལ་བཅས་ཀྱིས་ཀྱང་ཁོང་གཅུན་མི་ཐུབ་པ་ར་འཕྲོད་ཡོང་ངེས་ལ། འདི་ཡང་འཚོ་བའི་བདེན་པ་ཞིག་ཡིན་པ་ཧ་གོ་ཡོང་ངེས།
དེ་བས་འུ་ཚོས་རང་ཉིད་ཀྱི་རྐང་འོག་གི་ས་ཆེན་པོ་འདི་ལ་ཞིབ་ཏུ་བསམ་ནས་རང་ཉིད་ཤོང་སའི་གཞིས་ཁྱིམ་འདི་དག་ཀྱང་རང་ཉིད་ཀྱིས་ཐབས་ཤེས་ཡོད་དགུ་བཙལ་ནས་སྒྲུག་པ་མིན་ནམ་སྙམ་པའི་ཚོར་བ་ཡོང་ངེས། གལ་སྲིད་རང་ཉིད་ཀྱང་རང་ཉིད་ཀྱི་འདོད་པ་དང་དང་བ་བཅས་ལ་སྙེག་པའི་ལམ་ཁ་མ་རག་པ་ཡིན་ན། ཉམ་ང་ཞིང་གཉའ་ཞུམ་ནས་འདུག་གི་རེད་དམ། ཅི་ཞིག་གི་འདོད་པ་དང་བདེ་བ། རེ་བ་བཅས་འགྲུབ་པར་ཚེ་སྲོག་ཚུན་ཆོད་ཀྱི་འགྲོ་གྲོན་དང་ཟུངས་ཤུགས་འཕུད་ཀྱི་རེད་དམ།
འདི་ནི་མ་གཞི་ནས་མི་རིགས་ཀྱི་དཀའ་ངལ་ཞིག་དང་ལོ་རྒྱུས་ཀྱི་གོད་ཆག་ཅིག་ལ་ངོས་བཟུང་ན་འགྲིག་པ་ལས། སྒམ་མདོག་གི་སྐད་ཆ་སྦོམ་པོ་བཤད་རྐྱང་ཞིག་རེད་མི་འདུག་སྙམ། སྐད་ཆ་འདི་དག་རང་ཉིད་དཔང་ལ་བཞག་སྟེ་བཤད་པ་ལས། ཧབ་འགེབ་ཀྱིས་སྐད་ཆ་རྫིག་པོ་བཤད་པ་ནི་མིན་ནོ།
རྡུལ་ཕྲན་གྱིས་བཤད་པའི་སྐད་ཆ་འདིའི་ནང་དུ་རྒྱ་ཚིག་མང་པོ་ཞེ་དྲག་འདུག།
ད་དུང་ཁོས་ཤེས་མེད་པ་འདྲ་ངོ་མ་་སྙིང་རེ་རྗེ།།
འཇམ་གྲགས་ལགས། ཉིད་ནས་བདག་གི་བསམ་ཚུལ་འདིར་རྒྱབ་སྐྱོར་བྱས་པ་དེར་བཀའ་དྲིན་ཆེ། དེ་ནི་བོད་རིགས་ཤིག་གི་སྐད་ཆ་དེར་བོད་མི་གཞན་ཞིག་གི་བདག་པོ་བརྒྱབས་པ་རེད། དེ་ཡང་རྒྱུ་མཚན་ལ་བདག་པོ་བརྒྱབས་པ་རེད།
སྐལ་བཟང་རྡོ་རྗེ་ལགས། ཉིད་ནས་དབྱིག་ཡིག་བེད་སྤྱད་དེ་གང་ཞིག་བྲིས་ཡོད་པ་དེ་དག་ཤེས་ཀྱི་འདུག རབ་ན་བོད་ཡིག་ཞིག་འབྲི་ཨེ་ཐུབ་ལ་ལྟོས་ཤིག་ལགས།
རྡུལ་ཕྲན་ལགས། ཉིད་ལ་བདག་གི་ཟིན་བྲིས་ནང་དུ་ལན་ཞིག་བྲིས་ཡོད་པ་དེ་གཟིགས་རོགས་ཞུ། ངས་སྐྱེ་བོ་སྒེར་གྱི་འཚོ་བའི་ཆེད་དུ་ཕྱི་རྒྱལ་དུ་འགྲོ་བ་འགག་མེད། དེ་ཡང་ཉིད་ནས་བསམ་བློ་ཞིབ་མོ་ཞིག་གཏོང་ལ། ད་གཟོད་བསམ་ཚུལ་ལྷུག་པོ་ཞིག་གསུང་ན་འགྲིག་གི་རེད་ལ། དགའ་བསུ་ཡང་ཡོད་ལགས།
ཇོ་མོ་གླང་མ་ལགས། ཉིད་ནས་བདག་གི་བསམ་ཚུལ་ཞིག་བྲིས་པ་དེར་ཉིད་ནས་བསམ་ཚུལ་གང་ཡང་གསུང་མེད་པ་ཡིན་དུས། ཉིད་ལ་དམིགས་བསལ་གང་ཡང་ཞུ་རྒྱུ་མ་བྱུང་། ཉིད་ནས་རྡུལ་ཕྲན་ལ་ཟུར་ཟ་ཞིག་བྱས་པ་དེར་རྡུལ་ཕྲན་ཁོ་རང་གིས་ལན་ཞིག་སྟེར་མིན་དེ་ནི་ཁོ་རང་གི་འདོད་མོས་རེད།
བསམ་ཚུལ་འདི་ལ་རྒྱབ་སྐྱོར་ཡོད་ལགས།
ལས་ཀྱི་དབང་གིས་རིགས་རུས་གཅིག་ལ་སྐྱེ།།
མ་ཤི་བར་དུ་རིགས་ཀྱི་བདེན་དོན་ཆེད།།
གང་དུ་ཡོད་ཀྱང་དེ་ཡི་ས་སྟེང་ནས།།
རང་ཉིད་བོད་མི་ཡིན་པ་བརྗེད་མི་རུང་།།