བོད། ལྷ་ཀླུ་གཉན་གསུམ།
དེང་སང་མཐོ་ས་བཀའ་བློན་ཁྲི་བ་ནས་དམའ་བ་ང་དང་བཅས་པའི་དྲ་ཐོག་གི་སྤུན་ཟླ་ཡོངས་ཀྱིས་བོད་ལ་འདི་མེད་ཀི གན་མི་འདུག འདིས་མི་འཇོན། དེ་ཡི་ཅི་ཡོང་། དེ་ལ་རེ་བ་མེད་སོགས་ཀྱི་སྡུག་གཏམ་ཁོ་ན་ཞིག་གནམ་ས་གཉིས་ནས་གྲགས་དེ་འོང་བ་དང་འབྲེལ། གོ་ན་སྙིང་དགའ་བའི་རྒྱ་ནག་པོ་དང་གོ་ན་སེམས་སྡུག་པའི་བོད་གཞིས་ལུས་མི་དམངས་བཅས་ནས་སྐད་ཆ་འདི་གོ་བཞིན་ཡོད་པ་རེད།
ཉིན་མ་དེ་རིང་གི་བར་དུ་ངས་ཀྱང་མཐོ་རིམ་སྤྱི་ཚོགས་ཀྱི་གསུང་བཤད་མི་ཉུང་བ་ཞིག་ལྟ་ཉན་རིག་གསུམ་མི་ཉུང་བ་ཞིག་བྱས་ཡོད་ལ། རང་དང་འདྲ་བའི་སྤུན་གྲོགས་མི་ཉུང་བ་ཞིག་གི་བསམ་ཚུལ་ཡང་ཞིབ་མོ་ཀློག་པ་ཧ་ཅང་མི་ཉུང་བ་ལ། དམིགས་བསལ་གྱིས་དྲ་ཚིགས་བོད་ཕྱི་ནང་གཉིས་སུ་རྒྱུན་དུ་ཉུལ་ནས་སྤུན་ཟླ་ཕྱི་ནང་གཉིས་ཀྱི་སེམས་གཏིང་གི་གླེང་གཞིར་མི་ཉུང་བ་ཞིག་ཀློག་པ་ཡིན།
བོད་ཕྱི་ན་ཡང་ལོ་རེ་ལོ་རེ་ནས་སྡུག་སྨྲེ་ཇེ་མང་རེད། སྡུག་སྨྲེ་བཞུར་སྟངས་ཀྱང་གཏན་ནས་མི་འདྲ་བ་རེད། མཐོ་ས་ནས་མི་དམངས་ཀྱིས་ང་ཚོར་རྒྱབ་སྐྱོར་མི་བྱེད་ཀི་ཟེར་ནས་སྡུག་སྨྲེ་འདོན་བཞིན་འདུག དམའ་ས་ནས་མཐོ་ས་ནས་ལས་དོན་ཚགས་ཚུད་སྒྲུབ་ཀྱི་མི་འདུག་ཟེར་ནས་སྡུག་སྨྲེ་འདོན་བཞིན་འདུག འདི་ནི་བར་ཐག་རེད། འདི་ནི་བྱེས་པ་ཚང་ལ་མི་མེད་སོང་བའི་དཀའ་ངལ་རེད་དམ། ཡང་ན། མི་དམངས་ཀྱིས་མཐོ་ས་འདེམས་པ་ནོར་བ་རེད། དེ་མིན་མཐོ་ས་ནས་མི་དམངས་ཀྱི་སྣེ་ཁྲིད་བྱེད་མ་ཐུབ་པ་རེད། འདི་ནི་གནད་དོན་རེད་ལ་ཚང་མས་ཤེས་དགོས་པའི་དོན་དག་ཡང་དེ་ལ་ཐུག་འདུག
གཅིག་བྱས་ན་མཐོ་ས་འགུལ་དུས་སུ་དམའ་ས་ནས་ཡ་མ་བྱས་པར་ལུས་ཡོད་སྲིད་པ་ཡིན་ཡང་། མཐོ་ས་ནས་འགུལ་སྟངས་དེ་ཡང་ཁྱད་མཚར་ཞིག་དུ་གྱུར་བ་རེད་འདུག དེ་ཡང་དུས་ཚིགས་ཤིག་དང་ཉིན་མོ་རེ་ཟུང་། ཟླ་ཚེས་ཤིག་ལ་སྒུག་པ་ལྟ་བུ་ཆགས་པ་དེ་ཡི་སྟབས་ཀྱི་མིན་འགྲོ དེས་ན་དམའ་ས་ནས་ལས་འགུལ་ཞིག་སྤེལ་མ་ཆོག་པ་རེད་དམ། ལས་འགུལ་སྤེལ་ཆོག་ཡང་སྤེལ་སྟངས་འགྲིག་གི་མེད་པ་རེད་དམ། དེ་མིན་ཁོང་ཚོར་ཤེས་བྱ་ཡོན་ཏན་མེད་སོང་བ་རེད། དེ་ལས་གཞན་པའི་རྒྱུ་རྐྱེན་ཞིག་ལ་བཀག་ནས་བསྡད་ཡོད་པ་རེད། གང་ལྟར། ང་ཚོ་ལ་མི་མེད་སོང་བ་དེ་ནི་བདེན་པ་རེད་དམ། མཐོ་ས་ནས་སྐད་ཆ་རེ་ཟུང་བཤད་མཁན་ཞིག་དང་། དམའ་ས་ནས་སྐྱོན་བརྗོད་ཕྲན་པུ་རེ་བྱེད་ཤེས་མཁན་མ་གཏོགས་མེད་སོང་བ་རེད་དམ།
སྐད་ཆ་འདི་བདེན་པ་ཡིན་ནམ། བཙན་བྱོལ་ལ་ནད་སྙིང་ཆེན་པོ་ཞིག་སླེབས་ཡོད་པ་དེ་ཁ་ཐོག་ཚད་ཀྱི་ཤེས་ཡོན་པ་དག་གིས་ཤེས་ཀྱི་ཡོད་དམ། ཡོད་ན་ནད་སྙིང་དེ་བཅོས་ཐབས་ཀྱི་བསྟན་བཅོས་ཤིག་ཀྱང་དེ་དག་གི་འབྲི་ཤེས་ཀྱི་ཡོད་སྲིད། དེ་དག་མ་བྲིས་པ་རེད་དམ། བྲིས་ཀྱང་དེ་དག་ལག་ལེན་དུ་འདེབས་མཁན་མེད་སོང་བ་རེད་དམ། ལག་ལེན་དུ་ཕབ་ཀྱང་མི་གྲངས་མ་ལོངས་པར་ལུས་ཡོད་པ་རེད། འདི་ནི་དེང་སང་གི་བོད་མི་རིགས་ཀྱི་མི་མེད་སོང་བའི་ལན་པ་ཡིན་ནམ།
ཁ་ཤས་ཀྱི་དེང་སང་བོད་མི་གནས་བསྡོད་བྱེད་ས་དང་གནས་བསྡོད་ཀྱི་ལས་འགུལ་སྤེལ་སྟངས་བཅས་ལ་ཁྱད་པར་ཆེན་པོ་ཡོད་པར་སྐད་ཤུགས་ཆེན་པོའི་སྒོ་ནས་གླེང་གི་ཡོད། དེ་ཡང་ད་ལྟ་གཞི་ནས་མི་ལོ་ལྔ་གཅིག་གི་རྗེས་ཀྱི་དེ་རིང་མ་གཏོགས་མ་ཤེས་པ་རེད་དམ། དེ་ལྟར་བསམ་ན་དངོས་ནས་ཡིད་སྐྱོ་བ་ཞིག་རེད་ལ། ཁ་ཤས་ཀྱི་ལས་འགུལ་སྤེལ་ཡུལ་ལ་ཁྱད་པར་མེད་པ་གསུང་གི་འདུག་པ་དེ་ཡི་སྐོར་དེ་ཡང་དེ་ལས་ཀྱང་སེམས་པ་སྐྱོ་ཡ་རང་རེད། ཉེ་དུས་སུ་ངས་བཙན་བྱོལ་དུ་མཁས་པ་དང་བཤད་ཤེས་མཁན་ནི་མང་མེད་ན་ཉུང་མེད་ཟེར་དོན་ཡང་དེ་ཡིན། ད་ན་ང་ཚོ་ཉན་ནས་རྣ་མཆོག་འོན་གྲབས་འདུག བལྟས་ནས་མིག་ལོངས་གྲབས་ཡོད། སྒུག་ནས་རེ་བ་ཆད་གྲབས་ཡོད། འདི་འདྲ་ཞིག་ལ་སླེབས་དུས་ཀྱང་ང་ཚོ་ལ་མི་མེད་རབས་གླེང་གི་ཡོད། འདི་བདེན་པ་ཡིན་ནམ། ཕལ་ཆེར་་་་་་་་་་་་་་་་་་
ངོ་མ་རེད་ད་ ང་ལ་མཚོན་ན་དོན་དག་དེ་སེམས་ལ་དྲན་ནས་ལོ་ཤས་སོང་ཡང་འབྲི་མ་ཤེས་པའི་དཀའ་ངལ་དེས་ད་བར་ལུས་སོང་དེ་རིང་བོད་ལྷ་ཀླུ་གཉན་གསུམ་གྱིས་མཐོ་དམའ་བར་གསུམ་ལ་མཁོ་བའི་སྐད་ཆ་དེ་ཏག་ཏག་སླེབས་སོང་། ཐུགས་རྗེ་ཆེ། ཤེས་ཚོར་མེད་མཁན་སྐོར་ཞིག་ཡོད། དེ་དག་ལ་དམིགས་བསལ་རེད་མ་གཏོགས་ངོས་ནས་ང་ཚོས་ཤུགས་རྒྱག་དགོས་པའི་དུས་ཚོད་ཅིག་ལ་སླེབས་ཡོད་པ་ཤེས་བཞིན་དུ་འདི་ལྟར་བསྡད་ན་རྗེས་མ་ཅི་ཡོང་ཆ་མི་འཚལ་བས་རིག་པ་སྒྲིམ་རྒྱུ་ཕྱི་དྲག་མེད་ན་སྔ་དྲག་མེད་པས་རང་ནུས་གང་ཡོད་གནང་རོགས་ཞུ་རྒྱུ་ཡིན་་
ཞར་ལ་དུས་བབ་གསར་འགོད་པ་རྒན་པ་ཨ་རིག་འགྱུར་མེད་ཀྱི་ཁ་པར་ཨང་གྲངས་ཞིག་འདིར་འཇོག་རོགས་གནང་
དྲ་གྲོགས་ལྷ་ཀླུ་གཉན་གསུམ་ལགས།དྲང་བོར་བཤད་ན་ངེད་ཚང་ལ་མི་རྫིག་པོ་སྟག་ཌྷའདྲ་ཡོད་ལ་མི་རྫིག་པོ་འབྲོང་འདྲ་ཡང་མང་པོ་མང་པོ་ཡོད།ཡིན་ནའང་ཁོ་ཚོ་ཚང་མའི་བསམ་བློ་སྒྲོ་ལོར་གྱི་བྲན་གཡོག་ཏུ་ཚུད་ཟིན་པས་སྤྱིའི་གཞུང་ལ་བསམ་བློ་གཏོང་མཁན་ཞིག་ཤིན་ཏུ་དཀོན།ད་དུང་མཐོ་རིམ་དཔོན་རིགས་ཚོས་ད་ལྟ་ནས་ཕྱི་རྒྱལ་དུ་ཁྱིམ་གཞི་དག་གྲ་སྒྲིག་བྱས་ཟིན་ལ་ཁོ་ཚོ་ག་དུས་ཡིན་ནའང་འཕུར་ཆོག་ཆོག་ཡིན།
བརྩོན་འགྲུས་ལགས། ཉིད་ནས་བདག་གི་རྩོམ་ཡིག་འདི་ལ་རྒྱབ་སྐྱོར་ཞུས་པ་དེར་དགའ་ཡོད། བཀའ་དྲིན་ཆེ་ལགས། འུ་ཅག་ཚང་མའི་ན་ཟུག་གཅིག་པ་ཡིན་དུས། བོད་དོན་དུ་སྐད་ཆ་སུས་བཤད་ཀྱང་དྲང་བདེན་ཡོད་པ་ཞིག་ཡིན་ན་ཁྱད་པར་མེད་པ་ཡིན་དུས་ང་ལ་དམིགས་བསལ་གྱིས་དེ་འདྲའི་གདེང་འཇོག་སྣང་རན་གཏན་ནས་མེད་པ་རེད་ལགས།
ཆབ་ཆ་སྨྲེང་བ་ལགས། ངེད་ཅག་གི་ནད་ཚ་འདི་ཞུགས་སྟངས་དངོས་ནས་ཚབ་ཆེན་དུ་སོང་ཡོད་ལ། ནད་ཚ་འདི་ནི་མི་རིགས་ཤིག་འཆི་ལམ་དུ་འགྲོ་བའི་ནད་ཚ་ཞིག་ཆགས་ཡོད་པ་དེ་ཡི་སྟབས་ཀྱི་ངའི་སྡུག་སྐད་ཤོར་བ་མ་གཏོགས། དེ་ལས་འུ་ཅག་ལ་དྲ་ངོས་འདི་ནས་ཅི་ཞིག་མ་ཐོབ་པར་ལུས་ཡོད། དངོས་ནས་འུ་ཅག་གིས་དཔུང་བ་མཉམ་གཤིབ་ཀྱིས་སྐད་ཤུགས་ཆེན་པོའི་ཤི་ལ་ཁད་ཀྱི་བོད་མིའི་སྐྱིད་སྡུག་གླེང་ཡ་་་