འཆི་ཕོད་སྙིང་སྟོབས།

Comments (9) on “འཆི་ཕོད་སྙིང་སྟོབས།”

1. སྐུ་ཞབས་གཡུ་དྲུག་དཀར་ལགས།

   ཁྱེད་ཀྱི་བསམ་ཚུལ་དེར་ཕྱོགས་གཞན་ཞིག་ནས་བལྟས་ན། ཁྱེད་ཀྱི་བཤད་པ་བཞིན་བོད་མི་རྣམས་ནི་བྲག་དང་། རི་དང་། ཤ་དང་། རྩམ་པ་སོགས་ཀྱིས་འཚོ་ཞིང་། བཙན་པོ་དང་། རྒྱལ་པོ་དང་། བླ་མ་་སོགས་ཀྱིས་དབང་སྒྱུར་ནས་ད་བར་ལོ་ངོ་སྟོང་གི་རིང་གླེན་རྟགས་ཚ་བའི་གཤིས་ཀ་དེ་དང་ལྐུགས་རྟགས་ཚ་བའི་སྤྱོད་པ་དེ་ནས་བྲལ་ཐུབ་མེད། དུས་རབས་ཉེར་གཅིག་གི་མི་རྣམས་ཀྱིས་བློ་གྲོས་དང་ཤེས་ཡོན། དཔལ་འབྱོར་དང་། ནོར་སྲིད། མ་རྩ། ཐབས་ཤེས་དང་ཤེས་བྱ་བེད་སྤྱད་ནས་འཛམ་གླིང་འདིར་འགྲན་བསྡུར་བྱེད་བཞིན་པའི་དུས་ཚོད་འདིར། ང་ཚོས་ད་དུང་གླེན་རྟགས་ཀྱིས་”རང་སྲོག་བློས་གཏོང་ནུས་པ་དེ་”ཡང་རྩེར་བརྩིས་ནས་དེ་ཡོན་ཏན་ཆེན་པོ་ཞིག་ལ་བཀུར་ན་དེའི་འབྲས་བུ་ནི་རོ་མང་པོ་ཞིག་དང་ཕ་མེད་བའི་བུ་ཚ་མང་པོ་ཞིག་ལས་དེ་མིན་ཡར་རྒྱས་ཆེན་པོ་ཞིག་ཡོང་མི་ཐུབ། དེར་བརྟེན་ལྐུགས་རྟགས་ཀྱི་བསྟོད་པ་དེ་བགོད་བྲོ་དགོས་པ་དང་། བྱབ་ཆུང་བའི་བསམ་བློ་ཞིག་རེད།

   ང་བོད་ཀྱི་ཁམས་པ་དང་ཨ་མདོ་བ་འགའ་ཤས་ཀྱི་ལྐུགས་རྟགས་ཀྱི་བྱ་སྤྱོད་དེ་ཚོར་སེམས་ཚབ་འདུག ཁོང་ཚོར་སློབ་སྦྱོང་དང་མིའི་སྡེའི་སྤྱི་ཚོགས་ཀྱི་ཁྲིམས་དང་ཐོབ་ཐང་གི་ཤེས་བྱ་མེད་སྟབས། ག་དུས་ཡིན་ནའི་གླེན་རྟགས་ཁོ་ནར་བརྟེན་ནས་རྒྱལ་ཕམ་གྱི་འཐབ་བརྩོད་བྱས་སྟབས་མཐའ་མ་གྱོང་ཁོ་ན་ལས་མཁེ་ཕན་ཐོབ་མྱོང་མེད། ཁོང་ཚོར་ལུས་སྲོག་བློས་གཏོང་ཐུབ་པའི་སྙིང་སྟོབས་འདུག ཡིན་ནའི་དེས་གང་ཕན། དེས་བོད་ཀྱི་མི་རིགས་སྐྱོབ་མི་ཐུབ་ལ་དེས་ཁྱིམ་ཚང་ཞིག་ལ་བདེ་བ་སྤྲོད་མི་ཐུབ། མ་གཞི་ནས་བློ་ཁོག་དང་དཔའ་སྟོབས་ཟེར་བ་འདི་ལུས་སྲོག་བློས་གཏོང་ཐུབ་མིན་གཅིག་པུར་གོ་ན་ལྐུགས་པ་ལག་གིས་འདེགས་མི་ཐུབ་པའི་མི་ཞིག་དང་ཅིས་མི་མཚུངས།

   ལོ་རྒྱུས་ཀྱིས་དཔང་པོ་བྱས་ཡོད་པ་ནི་ཤེས་ཡོན་དང་། ཐབས་བྱུས། འཆར་གཞི། སྤྱི་ཕན་གྱི་ཕུགས་བསམ་བཅས་ལ་བརྟེན་མཁན་གྱི་རྒྱལ་ཁབ་དང་མི་སྒེར་ནི་འཇིག་བརྟེན་འདིར་མགོ་འཁྲིད་དང་རང་སྐྱིད་གཞན་སྨོན་གྱི་ཡུལ་དུ་འགྱུར་བ་དང་། དེ་ལས་ལྡོག་ཏེ། ལྐུགས་རྟགས། གླེན་སྤྱོད། ཨུ་ཚུགས་ཚ་པོ། གཏུམ་སྤྱོད་ཅན། དེ་བཞིན་རྒྱུ་མཚན་འགྲོ་ས་མེད་པའི་སྤྱི་ཚོགས་དེ་ཚོ་ནི་རྗེས་ལུས་དང་གཞན་དབང་འོག་ཏུ་ཤོར་ཡོད། དེར་བརྟེན་ཁྱོད་ཀྱིས་ངེད་ཚོའི་སྤྱི་ཚོགས་ནང་རྡོ་ཆས་དང་རྫ་ཆས་དུས་རབས་ཀྱི་གཏུམ་སྤྱོད་ཀྱི་གཤིས་ག་དེས་མི་རིགས་འདིའི་ཡོན་ཏན་གཙོ་བོ་བཟུང་ནས་བསྟོད་པ་ཕུལ་འདུག་པས། དེས་གཙང་པོ་རྒྱ་མཚོར་དཔེ་སྦྱར་བ་ལྟ་བུས། བསྟོད་པས་བསྟོད་མ་ཤེས་པར་སྨད་རྭར་མི་འགྲོའམ། དེར་བརྟེན་ཁྱེད་སྙན་ངག་སློབ་འཚར་རྗེས་སློབ་གྲྭར་ཕྱིན་ནས་སློབ་གསོ་ཏོག་ཙམ་ལེན་པ་ཕན་པ་མི་ཆེའམ།

2. ཨ་རོ། གཡུ་དྲུག་དཀར་ལགས།

   རང་ལ་བསྟོད་ན་བསྟོད། གཞན་ལ་མ་སྨོད། བོད་པ་མ་གཏོགས་འཆི་ཕོད་པའི་སྙིང་སྟོབས་མི་འདུག་པར་ངོས་འཛིན་པ་འདི་དོན་དངོས་དང་་ཡང་མི་མཐུན། དབྱིས་རག་གི་ཨ་རི་ལ་དམག་ལན་བྱེད་པའི་ཁ་ཆེ་་རྣམས་ལ་ལྟོས་དང་། འགད་རྫས་ལུས་ལ་བཅིངས་ནས་ཤི་ངེས་ཅན་བྱས་ནས་འགྲོ་གི་འདུག་པ་ནི་མ་མཐོང་མ་ཐོས་པའི་གནས་ཚུལ་ཞིག་ཡིན་མི་སྲིད། དེ་བཞིན་དབྱིས་རག་ལ་ཨ་རིའི་དམག་མི་ཡང་སྟོང་ཕྲག་བཞི་ཙམ་གྱི་རང་སྲོག་ཤོར་བ་རེད། ཕར་ཚུར་གཉིས་ཀས་རང་སྲོག་བཏང་ནས་དམག་རྒྱག་་གི་ཡོད་པ་རེད།

   དཔའ་བོ་ཟེར་བ་འདི་བོད་ཀྱི་སྲོལ་རྒྱུན་གྱི་ལྟ་བར་རྩ་ཆེན་དུ་བརྩི་ན་མཐའ་གཅིག་ཏུ་བརྩི་བ་ཞིག་ཀྱང་མིན་པ་འདྲ། བོད་ཀྱི་ཁ་དཔེར་”དཔའ་ཡང་དག་གི་རྩ་བ་གླེན་དགོས།”ཟེར་བ་ལ་བལྟས་ན། དཔའ་བོ་དང་གླེན་པ་གཉིས་རྒྱུ་འབྲས་ཀྱི་འབྲེལ་བ་ཞིག་ཀྱང་ཡོད་་སྙམ་སྟེར།

3. དཔའ་བོ་ཟེར་བ་འདི་བོད་ཀྱི་སྲོལ་རྒྱུན་གྱི་ལྟ་བར་རྩ་ཆེན་དུ་བརྩི་ན་མཐའ་གཅིག་ཏུ་བརྩི་བ་ཞིག་ཀྱང་མིན་པ་འདྲ། བོད་ཀྱི་ཁ་དཔེར་”དཔའ་ཡང་དག་གི་རྩ་བ་གླེན་དགོས།”ཟེར་བ་ལ་བལྟས་ན། དཔའ་བོ་དང་གླེན་པ་གཉིས་རྒྱུ་འབྲས་ཀྱི་འབྲེལ་བ་ཞིག་ཀྱང་ཡོད་་སྙམ་སྟེར།

4. སྐུ་ཞབས་ཟུར་ལྟ་དང་རབ་འབྱོར། ཕུར་ཙེ་བཅས་སུ།
   ངས་ཁྱེད་ཅག་གི་བསམ་ཚུལ་ལ་བལྟས་པ་ཡིན། ཁྱེད་ཚོས་འདོད་པ་ལྟར་ན་བོད་ལ་དཔའ་བོ་གཅིག་ཀྱང་མེད་པ་ཨེ་རེད། ཁྱེད་ཅག་གིས་རྒྱལ་གཅེས་ལྷག་བསམ་གྱིས་ཕྱུགས་པའི་དཔའ་བོ་ཐུབ་བསྟན་དངོས་གྲུབ་ལགས་སུ་ཚད་གཞི་གང་འདྲ་ཞིག་འཇོག་གི་ཡིན་ནམ།
   ༼གོང་གསལ་མཆན་འདི་ཡིག་གཟུགས་གཞན་ཞིག་ཏུ་འདུག་པ་བསྒྱུར་ཐབས་མ་རྙེད་ནས་བསྐྱར་དུ་འབྲི་སྐྱོར་བྱས་པ་ཡིན། འཛིན་སྐྱོང་གིས། ༽

5. བདེ་ཆེན་ལགས། ཁྱེད་ཀྱི་ཡིག་གཟུགས་དེ་ངེད་ཀྱི་གློག་ཀླད་ཐོག་ཤར་མི་ཐུབ། ཁྱེད་ནས་Unicode ཡིན་པའི་ཡིག་གཟུགས་ཤིག་བཀོད་ཨེ་ཐུབ།

6. བདེ་ཆེན་སྒྲོལ་མ་ལགས། 

   ཐུབ་བསྟན་དངོས་གྲུབ་ལགས་ཀྱི་གནས་ཚུལ་དེ་བརྙན་འཕྲིན་ཐོག་མཐོང་དུས་སེམས་མ་སྐྱིད་པ་ཆེན་པོ་བྱུང་། མང་པོ་ངུས་པ་ཡིན། སྐབས་དེ་དུས་བོད་ཀྱི་གནས་ཚུལ་འདི་འུ་ཐུག་ཐབས་ཟད་ལ་འགྱུར་འདུག་སྙམ་ནས་སེམས་ནང་རེ་བ་མེད་པ་ལྟ་བུ་བྱུང་།ཡིན་ནའི་ཁོང་དཔའ་བོ་ཡིན་པ་དེ་ད་དུང་སེམས་ནང་འཁོར་གྱི་མིན་འདུག 
   སྲོག་བློས་གཏོང་བ་ཙམ་གྱི་དཔའ་བོ་ལ་རྩིས་དགོས་ན་ང་ཚོར་དཔའ་བོ་ཤི་འགྲོ་མཁན་ཤ་སྟག་ལས་མི་ཐོབ། ང་ཚོར་དགོས་པ་ནི་གསོན་པོར་གནས་པའི་དཔའ་བོ་དགོས། གསོན་པོར་གནས་པའི་དཔའ་བོ་ཡིན་ན་ཁོང་ཚོས་བོད་མིར་ཞབས་འདེགས་ཞུ་ཐུབ་ལ། བོད་མི་འདི་དཀའ་ངལ་ཆེན་པོ་འཕྲད་པའི་སྐབས་འདིར་སྡུག་རོགས་དང་རོགས་འདེགས་ཡོང་ཐུབ།
   ང་ལ་མཚོན་ན་དཔའ་བོ་ངོ་མ་ནི་གྲོང་གསེབ་ཁག་དང་འབྲོག་ཁུལ་ཁག་ནང་ཉིན་ལྟར་ཉི་མ་ནང་བཞིན་ངོ་གདོང་གཅིག་དང་གཤིས་ཀ་གཅིག་གི་ཐོག་སློབ་མ་ཚོར་བྱམས་བརྩེ་དང་འགན་འཁུར་ཡོད་པའི་ཐོག་ནས་སློབ་གསོ་སྐྱོན་མཁན་གྱི་དགེ་རྒན་དྲིན་ཅན་རྣམས་ཡིན། ཁོང་ཚོར་གཟི་བརྗིད་ཀྱི་གདིང་ཆ་དང་དགའ་བསུ་ཞུ་མཁན་གྱི་མི་དམངས་དགོས་ཀྱི་མེད་ལ། བརྙན་འཕྲིན་དང་རླུང་འཕྲིན་གྱི་སྒྲོག་གཏམ་ཡང་མི་དགོས། ཁ་ཁུ་སིམ་པོ། དུས་ཚོད་སྐར་མ་གཅིག་ལ་ཡང་དམ་འཛིན་བྱས་ནས་སློབ་མ་གཅིག་ལ་ཡང་ཕན་ན་བསམས་ནས་ཕྱག་ལས་གནང་མཁན་གྱི་དྲིན་ཅན་དེ་དག་ནི་ངའི་དཔའ་བོ་ཡིན།
   ངའི་ཨ་ཁུ་ཞིག་ཡོད། ཁོང་ཡང་དགེ་རྒན་རེད། ཁོ་རྒྱ་གར་ལ་ཡོང་ནས་དུས་འཁོར་དབང་ཆེན་ཞུས་ཁས་ལེན་ལ་ཁ་འདོན་མང་པོ་བྱེད་དགོས་ཀྱི་ཡོད། རྗེས་སུ་ཁོང་གི་སློབ་མའི་གྲངས་འབོར་མང་དུ་ཕྱིན་ནས་ཁ་འདོན་རྣམས་ཆད་འགྲོ་གི་ཡོད། བྱས་ཙང་ཁོང་ནས་ཁ་འདོན་བྱེད་རྒྱུ་དེ་མཇུག་བསྒྲིལད། དཔེ་ཆ་དེ་དག་གྲོང་གི་མཆོད་རྟེན་ཞིག་གི་ནང་བཅུག་འདུག རྗེས་སུ་ཁོང་གི་ཆོས་གྲོགས་ཤིག་གིས་དེ་ཤེས་ནས་ཁོ་པར་བསླབ་བྱ་མང་པོ་རྒྱབ་རུང་ཁོ་པས་བཤད་རྒྱུར། ང་དམྱལ་བ་ནང་འགྲོ་དགོས་བྱུང་ནའི་སྐྱེ་བ་རྗེས་མ་རེད་ ད་ལྟ་སྐྱེ་བ་འདི་འགྲིམ་མཁན་གྱི་སློབ་ཕྲུག་དེ་དག་ལ་སློབ་གསོ་ཡག་པོ་མི་ཐོབ་ན་སྡུག་བསྔལ་མང་པོ་འགྲིམས་དགོས་ཡོང་གི་རེད། བྱས་ཙང་སྔོན་ལ་ཕྲུ་གུ་དེ་དག་གི་མདུན་ལམ་ལ་བསམ་བློ་མ་གཏོང་ཐབས་མེད་རེད་གསུངས། རྗེས་སུ་ཁོང་གི་མི་གཉིས་སྐྱ་གྲིབ་ཕོག་ནས་རིམ་གྱིས་ལོང་བར་འགྱུར་འདུག བསམ་ཤེས་མེད་པའི་གྲོང་པ་ཚོས་ཁོ་པ་རྒྱལ་བ་རིན་པོ་ཆེའི་བཀའ་ལ་མ་བརྩི་བར་ཁས་ལེན་བྱས་པའི་འདོན་པ་རྣམས་མཚམས་འཇོག་བྱས་ཙང་ཁོང་ལ་ལྷ་བླ་མའི་ཆད་པ་ཕོག་པ་རེད་ཟེར། རྗེས་སུ་ཕྱི་རྒྱལ་དྭངས་བླངས་སྨན་པ་འགའ་ཤས་ཡོང་ནས་ཁོང་གི་མིག་ལ་གཤག་གཅོད་བྱས་ནས་མིག་གཉིས་དབྱིབས་དང་དྭངས་མཐོང་ཐུབ་ཙམ་བཟོས་འདུག ཁོང་ད་ཆ་ཁྱིམ་ལ་ཞུགས་ནས་སློབ་མ་གསོ་སྐྱོང་གནང་བཞིན་ཡོད། ངས་བལྟས་ན་ཁོང་དཔའ་བོ་རེད་ལ་བོད་ལ་གཏིང་ནས་ཤ་ཚ་ཡོད་མཁན་གྱི་ལྷ་བླ་མ་དེ་ཚོས་ཁོང་ལ་རོགས་པ་གནང་བ་ཡིན་ཚོད། 

7. སྐུ་ཞབས་རབ་འབྱོར་དང་ཟུར་ལྟ། ཕུར་ཙེ་གསུམ་ལགས།
   ངས་བསམ་ན་དཔའ་ཡང་དག་གི་རྩ་བ་གླེན་དགོས་ཞེས་པའི་གཏམ་དཔེ་འདི་སྦྱར་སའི་དོན་གཞན་ཞིག་ལས། གདོལ་མ་ནས་བོད་མི་རིགས་ཀྱི་གཤིས་སུ་གྲུབ་པའི་འཆི་ཕོད་སྙིང་སྟོབས་འདི་ལ་སྦྱར་ཚེ་ར་མགོ་ལུག་སྦྱར་བྱས་པར་སྙམ་ཞིང༌། དཔའ་བོ་ཟེར་བ་དེའང་ཁྱེད་ཅག་གི་འདོད་དོན་བཞིན་རིག་པའི་དཔའ་བོ་རྐྱང་ཡིན་དགོས་པར་ཡང་མི་བསམ།
   ལྷག་པར་དུ་འཇིག་རྟེན་འདིར་འགྲོ་མི་ཀུན་ལ་ལྷན་སྐྱེས་སུ་བདག་པའིརང་གྀ་རང་དབང་དང་ཐོབ་ཐང་གི་རྩིས་ཐང་གཅེས་བའི་སྲོག་ལ་བརྗེ་ཕོད་པའི་སྙིང་སྟོབས་འདི་ནི་བློ་ཤེད་ཆེན་པོ་ཞིག་རེད་ལ། བོད་མི་རིགས་ཀྱི་འཆི་ཕོད་སྙིང་སྟོབས་འདིའི་རྒྱབ་ལྗོངས་ཀྱང་ང་ཚོའི་ལོ་རྒྱུས་དེབ་ཐེར་དག་ན་བདེན་པ་ནི་བསྙེན་ཞེས་པའི་ཡོན་ཏན་འགངས་ཆེན་པོ་ཞིག་མཆིས་པ་འདི་ཡིན་ཞིང༌།
   འདི་ལོའི་༣ ༡༠ནས་མགོ་ཚུགས་པའི་བོད་ཡུལ་ཆོལ་ཁ་གསུམ་གྱི་ཞི་རྒོལ་གྱི་རྣམ་འགྱུར་ལས་སྤྱི་དམངས་ཤིག་གི་བདེན་པའི་ཨུ་ཚུགས་ཀྱི་རྣམ་པའང་གསལ་བོར་མངོན་ཡོད་པས། འཆི་ཕོད་སྙིང་སྟོབས་འདི་ནི་བོད་མི་རིགས་ཀྱི་གཤིས་རྒྱུད་ཀྱི་ཡོན་ཏན་ཁྱད་པར་བ་ཞིག་རེད་ཅེས་ཀྱང་བརྗོད་སྤོབས།
   ཞེས་གཡུ་དྲུག་དཀར་ནས།

8. གྲོགས་པོ་རྣམ་པ།

   ངས་རང་གིས་ཅི་བཤད་ལ་དག་སེལ་ཞིག་བཤད་དགོས་བྱུང་།་་་ངའི་མཆན་བུའི་ནང་གི་དོན་གནད་གཅིག་ནི།་་རང་སྲོག་བློས་གཏོང་ཕོད་མཁན་བོད་པ་མ་གཏོགས་མི་འདུག་ཟེར་བ་འདི་ཐལ་ཆ་ཤོར་བ་རེད་ཟེར་གྱི་ཡོད།་་ང་ལ་གོ་འཛོལ་བྱུང་མེད་ན་གཡུ་དྲུག་དཀར་གྱི་རྩོམ་དུ་བོད་མ་གཏོགས་ཤི་ཕོད་པའི་མི་རིགས་ཤིག་མེད་པ་ལྟ་བུ་ཞིག་ཐོན་འདུག

   དོན་གནད་གཞན་ཞིག་ནི།་་་ངས་སུ་དཔའ་བོ་རེད་དང་སུ་དཔའ་བོ་མ་རེད་ཟེར་གྱི་མེད།་་ངས་བོད་རང་གིས་དཔའ་བོ་ཟེར་བ་འདི་ལ་ངོས་འཛིན་སྟངས་གཞན་པ་ཞིག་ཀྱང་ཡོད་པ་དེ་སྟོན་གྱི་ཡོད།་་་སྐལ་བཟང་ལགས་ཀྱིས་གསུངས་པ་བདེན་པ་རེད།་་དཔའ་ཡང་དག་གི་རྩ་བ་གླེན་དགོས་ཟེར་བའི་དཔའ་བོ་དེ་་དེང་སང་བོད་ཀྱི་རྩ་དོན་རྩོད་པའི་དཔའ་བོ་ལ་འབྱོར་ཁག་པོ་ཡིན་རྒྱུ་རེད།་་ཡིན་ན་ཡང་སྤྱི་ཚོགས་ཐོག་ན།་་དོན་དག་ཆུང་ཆུང་ཞིག་ལ་ཁོང་ཁྲོ་ཆེན་པོ་ཞིག་ལངས་ཤིང་།་་་རང་གཞན་གཉིས་ཀའི་ཚེ་སྲོག་ལ་རྩིས་ཐང་མེད་པའི་ཤི་ཕོད་པ་ཡང་མང་པོ་ཞིག་གནའ་དེང་གཉིས་ཀ་ཡོད་གི་ཡོད་པ་རེད།་་་དཔའ་ཡང་དག་གི་རྩ་བ་གླེན་དགོས་ཟེར་བ་འདི་འདྲ་ཞིག་ལ་གོ་དགོས་པ་ཡིན་ནམ།་་གང་ལྟར་ཡང་བོད་རང་ལ་དཔའ་བོ་ཟེར་བ་དེར་ངོས་འཛིན་བྱེད་སྟངས་འདི་འདྲ་ཞིག་འདུག

9. སྐུ་ཞབསཟུར་ལྟ་དང་རབ་འབྱོར། ཕུར་ཙེ་གསུམ་ལགས།
   ཁྱོད་ཚོས་ཀྱང་རང་རང་གི་ཐེངས་འདིའི་བོད་མིའི་འཆི་ཕོད་སྙིང་སྟོབས་ལ་ལྟ་ཚུལ་ཞིབ་ཚགས་ཤིག་བརྗོད་རོགས།