ཟ་ལེ་རྒྱལ་གྱི་འདོད་པའི་ཉིན་ཐོ།

ཟ་ལེ་རྒྱལ། ཡོ་རོབ།

(གོང་མས་འཕྲོ་མུ་འཐུད་ནས་འགོད་པ།)

འཕོངས་དང་ནུ་མ་ཆེ་བར་འདོད་པ་འདི་།

ཐད་བྱུང་ཚོར་པའི་སྒྲོ་བཏག་ཙམ་ཞིག་ལས།

དོན་དངོས་བདེ་བའི་གཞུང་ལ་འཇུག་པ་ན།

ན་ཆུང་བུ་མོའི་གཟུགས་གཞི་བདེ་ན་བཟང་།

འདོད་པའི་མདོ་དང་བསྟན་བཅོས་དུ་མ་ན།

འཁྲུག་པའི་སྦྱོར་ཐབས་སྣ་ཚོགས་བཤད་མོད་ཀྱང་།

རང་དང་ཟླ་བོའི་ཁམས་ལ་ལྟོས་བྱས་ནས་།

སྦྱོར་ཐབས་སྣ་གཅིག་འདེམ་པ་ཤིན་དུ་གལ་།

ཟས་རིགས་སྣ་མང་འཛོམས་པའི་ཁྱིམས་ཕུག་གི་།

ལགས་ཤེས་སྣ་གཅིག་མེད་པའི་བདག་མོ་ཡི་།

མངར་སྐྱིར་ཚྭ་བའི་ཚོད་འཛིན་མ་འགྲིག་པས་

ཟས་རིགས་དེ་ལ་བྲོ་བ་མེད་པ་བཞིན།

འཁྲིག་ཐེང་གཅིག་ལ་སྤྱོད་སྟངས་སྣ་ཚོགས་ཞིག་།

བྱེད་པར་འདོད་པ་སེམས་ཀྱི་ཧམ་པ་ལས།

འཇེས་དང་གཉའ་མའི་རློན་ཤ་འདྲེས་མཚམས་ནས།

སྤྱོད་འཚམས་བཞག་ན་ཆག་པ་ཆུང་བུར་གྱུར་།

ཚེ་གཅིག་འདི་ཡི་ལུས་གཅིག་སྐྱ་ཡ་།

ལྷགས་བསམ་སླད་མེད་ཁྲེལ་གྱི་སྐྱོང་ཐུབ་ན་།

ངན་ངོན་ཟས་ཀྱི་མི་ཚེ་རྫོགས་དགོས་ཀྱང་།

འཚོ་བ་སྐྱིད་པའི་གཞི་མ་འདི་ཉིད་ཡིན།

ཟས་ཀྱི་ནང་ནས་བྲོ་བའི་མཐར་སོན་པ་།

ལྟོག་པའི་སྐབས་སུ་ཟས་པའི་ཉུང་མ་ཡིན།

འཁྲིག་པའི་ནང་ནས་ཚོར་བའི་མཐར་སོན་པ་།

གཞན་པས་ཚོད་འཛིན་འོག་གིས་འཁྲིག་པ་ཡིན།

ཆགས་པ་ངུ་ཤོར་ཡིན་རང་སྒོམ་ཐུབ་ན་།

བདེ་བ་ཆུ་འཐོར་དེ་ཡང་ཆེར་འགྱུར་པས།

ཕན་ཚུན་འདོད་པ་སློང་པའི་རྩོད་པ་དེ་།

ཅི་ཙམ་རིང་དུ་རྩོད་ན་དེ་ཙམ་བཟང་།

རང་གི་ཟླ་བོར་འདོད་པ་སྤྱོད་པས་སྐབས་།

རང་ནི་རང་མིན་གང་ཟག་གཞན་སྒོམ་ལ།

རང་ཉིད་དེ་རུ་ཡོད་པས་གསལ་བཏབ་ནས་།

ཏིང་འཛིན་མཚར་པོ་འདི་ལ་སྒོམ་ཐུབ་ན་།

སེམས་ཀྱི་འཕྲུལ་སྣང་ཕྲ་མོའི་སྟོབས་ཞིག་གི།

འདོད་པའི་ཁྲག་རྩ་སྙིང་ལས་རྒྱུ་བཞིན་ཏུ་།

སྤྱད་པ་འདི་ཡང་ཐོབ་པ་དང་པོ་ལྟར་།

ཆགས་པའི་ནུས་པ་སྡབས་ཀྱིས་འཕེལ་བར་གྱུར་།

ཙག་སྒྲ་ཁུན་སྒྲ་ཡོངས་སུ་སྤང་བྱས་ནས་།

འཇེ་དང་གཉའ་མ་སྡབས་པའི་ཆུལ་སྒྲ་ལ་།

གཉིས་གའི་རྣ་པ་གཏོད་དེ་གཏོང་ཐུབ་ན་།

སྐབས་རེར་ཚོར་བ་དམིག་གསལ་པ་ཞིག་འབྱུང་།

རྒན་པོ་ཟ་ལེ་རྒྱལ་ལ་ཚེ་སྔོན་ནས་།

བོད་མོར་རྩེ་བའི་བསོད་ནམ་མ་བསག་ཡང་།

ལུས་ངག་སེམས་ཀྱི་མྱང་པའི་མན་ངག་འདི་།

རོགས་ལོ་ཆུང་ལོ་དག་ལ་ཕན་ཕྱིར་ཕུལ་།

མཁས་དབང་ཆེན་པོ་དགེ་འདུན་ཆོས་འཕེལ་གྱིས་།

མདོ་དང་བསྟན་བཅོས་གཞུང་ལ་སྦྱར་ན་བྲིས་།

མདོ་མེད་ཟ་ལེ་རྒྱ་ཡི་དབྱིན་ཡུལ་ནས་།

འཇེས་དང་གཉའ་མའི་འགུལ་སྦྱོར་ཁོ་ན་བྲིས་།

འབྲོག་རྒན་ཟ་ལེ་རྒྱལ་ལ་ཆུང་དུས་ནས་།

སུམ་རྟགས་སྦྱང་པའི་སྐལ་བ་མ་ལྡན་པས་།

ཆད་ཆད་ཉོག་ཉོག་འདྲེས་མའི་ཉིན་ཐོ་ནང་།

ཡིག་ནོར་ཚིག་ནོར་མང་པ་འཐོལ་ལོ་བཤག།

(འདི་དུས་བབ་ཟིན་བྲིས་བ་ཟ་ལེ་རྒྱལ་མིན

)