གཞུང་པ་ཚེ་དབང་བསོད་ནམས།
སྲིད་སྤྱི་གཉིས་ཀྱི་འོས་དམིགས་ལ་བཞེངས་མཁན་ཚོའི་བཅའ་སྒྲིག་གཉིས་ལ་འགན་ཁུར་ནས་ཡ་རབས་དང་། བཟང་སྤྱོད། མི་ཆོས་རིང་ལུགས་དང་ཁ་མ་བྲལ་བའི་ཐོག་ནས་སྲིད་སྤྱིའི་འོས་དམིགས་ལ་བཞེངས་ཀྱི་ཡོད་ན་དགའ་བསུ་ཡོད། འོན་ཀྱང་ད་ལྟ་བར་སྲིད་སྤྱིའི་འོས་དམིགས་ལ་བཞེངས་མཁན་འགའ་ཤས་ནས་རང་ཉིད་སྲིད་སྤྱི་ལ་འོས་ཤོག་ཐོབ་ཐབས་སུ་འོས་དམིགས་གཞན་ནག་པོ་བཟོ་རྒྱུར་དམིགས་ནས་གཞི་མེད་སྐྱོན་བརྗོད་དང་། ཟུར་ཟ། དམའ་འབེབས། མཐོང་ཆུང་སོགས་ལ་འགན་ཁུར་ནས་དྲིལ་བསྒྲགས་སྤེལ་མཁན་འདུག་པ་དེ་དག་ནི་ཡ་རབས་དང་། བཟང་སྤྱོད། མི་ཆོས་རིང་ལུགས་སོགས་ཡོངས་སུ་འགལ་བའི་བྱ་སྤྱོད་ཐ་ཤལ་ལ་སོང་འོས་འཕེན་མི་མང་ལྐུག་པ་མིན་པ་ནས་དེ་འདྲའི་འོས་དམིགས་ལ་བཞེངས་མཁན་ཚོར་འོས་ཤོག་ཐོབ་པའི་རེ་བ་ནི་ཉིན་སྐར་ཙམ་ལས་མ་མཐོང་། གལ་ཆེ་ཤོས་དེ་འོས་དམིགས་ལ་བཞེངས་མཁན་ཚོའི་སོ་སོའི་འཆར་གཞི་དང་། ལངས་ཕྱོགས་དང་དམ་བཅའ། གསར་གཏོད། འགན་ཁུར་སོགས་གང་དང་གང་ཡོད་བསྒྲགས་གཏམ། ༼ Manifesto ༽ མི་མང་ལ་སྤེལ་ནས་འོས་ཤོག་ཐོབ་དགོས་པ་དེ་ཡིན་པ་ནས་འཆར་གཞི་ཡག་པོ་དང་། ལངས་ཕྱོགས་ལ་འགྱུར་བ་མེད་པ། དམ་བཅའ་བརྟན་པོ། གསར་གཏོད་ཕུགས་ཐུབ། འགན་ཁུར་ངོ་ལྐོག་མེད་པ་དགོས་པ་ལས་འོས་དམིགས་གཞན་གཡང་ལ་དབྱུགས་ཐབས་བྱས་ནས་རང་ཉིད་ཡར་ལང་ཐབས་གནང་མཁན་ཡོད་ན་དེ་ནི་ལྐུགས་པའི་ཆབ་སྲིད། ༼ Foolish Politics ༽ ཙམ་ལས་རིན་ཐངས་ཡོད་པའི་ཆབ་སྲིད། ༼ Value base Politics ༽ ལ་དུས་ནམ་ཡང་ངོས་འཛིན་བྱེད་མི་ཐུབ་པ་ནས་སྲིད་སྤྱིའི་འོས་དམིགས་ལ་བཞེངས་མཁན་ཚོའི་དགོངས་པ་ཡག་པོ་བཞེས་ནས་ཡ་རབས་དང་། བཟང་སྤྱོད། བདེན་པ་དང་འཚེ་བ་མེད་པ། གུས་བརྩི་དང་ཆེ་མཐོང་། ལྷག་བསམ་དང་འགན་ཁུར་སོགས་ལ་འགན་ཁུར་ནས་སྲིད་སྤྱིའི་འོས་དམིགས་ལ་བཞེངས་མཁན་ཡོད་ན་དགའ་བསུ་ཡོད་ལ་རྒྱབ་སྐྱོར་ཡང་ཡོད། འོས་དམིགས་གཞན་ལ་གཞི་མེད་སྐྱོན་འཛུགས་དང་། ཟུར་ཟ། དམའ་འབེབས། མཐོང་ཆུང་། ཁྱད་གསོད་སོགས་བྱས་ནས་རང་ཉིད་ལ་འོས་ཤོག་ཐོབ་ཐབས་གནང་མཁན་ཡོད་མཐའ་གཅིག་ཏུ་ངོ་རྒོལ་ཡོད་པ་དེ་ཡང་མཁྱེན་པ་གནང་དགོས། སྤྱི་འཐུས་ཀྱིས་འོས་དམིགས་ལ་བཞེངས་མཁན་ཚོའི་ལས་འགན་དེ་ཁྲིམས་བཟོ་མཁན་ཡིན་པ་ཁྲིམས་བཟོ་སྤྱི་འཐུས་ལྷན་ཚོགས་ལ་སོང་བཙན་བྱོལ་བོད་མིའི་བཅའ་ཁྲིམས་ལ་འགན་ཁུར་ཐུབ་མཁན་གྱི་མི་སྣ་སྤྱི་འཐུས་ནང་སླེབས་དགོས་པ་ལས་དེ་སྔོན་སྤྱི་འཐུས་སྐབས་བཅུ་དྲུག་ནང་བཞིན་བཅའ་ཁྲིམས་ཀྱིས་དོན་ཚན་ངོ་མ་ཤེས་ནས་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆ་ཚང་ཁྲིམས་འགལ་གྱིས་གྲོས་ཆོད་ཡིག་ཆ་ཨང་ ༣༩ ཟེར་བའི་འོག་འཕོ་འགྱུར་གཏོང་མཁན་གྱིས་སྤྱི་འཐུས་དེ་འདྲ་སྐབས་བཅོ་བརྒྱད་ནང་ནམ་ཡང་མ་སླེབས་པའི་འགན་དེ་འོས་འཕེན་ཆོལ་གསུམ་ཆོས་ལུགས་དང་བཅས་པའི་རྒྱ་ཆེ་མང་ཚོགས་ནས་དགོངས་པ་བཞེས་དགོས་པ་དེ་བཙན་བྱོལ་བོད་མིའི་མང་གཙོའི་བཅའ་ཁྲིམས་ལ་སྲུང་སྐྱོབས་གནང་དགོས་པ་དེ་བོད་ཀྱི་ཡུལ་མིའི་ལས་འགན་ཆེ་ཤོས་དེ་ཡིན་པ་བཅའ་ཁྲིམས་དོན་ཚན་བཅུ་གསུམ་ནས་ངོ་སྤྲད་མི་འདུག་གམ། སྲིད་སྐྱོང་གི་ལས་ཡུན་ལོ་ལྔ་ཡིན་པ་དང་ལོ་ལྔ་ནི་དུས་ཚོད་ཐུང་ཐུང་ཡིན་པ་ནས་ལོ་ལྔའི་ནང་ལས་འཆར་ཁག་གཙང་སེལ་ཐུབ་རྒྱུ་ཤིན་ཏུ་དཀའ་བ་ནས་དེ་སྔོན་སྐུ་ངོ་བློ་བཟང་སེངྒ་མཆོག་ལ་གོ་སྐབས་གཉིས་ང་ཚོའི་ཕུལ་བ་བཞིན་ད་ལྟའི་ལས་ཐོག་སྲིད་སྐྱོང་སྐུ་ངོ་སྤེན་པ་ཚེ་རིང་མཆོག་ལ་ཡང་ལས་འཆར་འཇུག་གཙང་ཆེད་གོ་སྐབས་གཉིས་ཕུལ་དགོས་པ་དང་མ་འོངས་སྲིད་སྐྱོང་ལ་ཕེབས་མཁན་ཚང་མར་ལས་འཆར་འཇུག་གཙང་ཆེད་གོ་སྐབས་གཉིས་ངེས་པར་དུ་འབུལ་དགོས་པ་ནི་ལས་འཆར་འཇུག་གཙང་དགོས་པ་དེ་གལ་ཆེན་དོན་ཆེན་ཞིག་ཡིན་པའི་ངོས་འཛིན་ཡང་ཞུ་གི་ཡོད།