བོད་ཀྱི་གསོ་བ་རིག་པ་ལས་Pancreaseགི་སྲོལ་རྒྱུན་ཐ་སྙད།

 སྨན་རམས་པ་བསྟན་འཛིན་ཆོས་སྒྲུབ།

(འོག་གི་པར་རིས་འདིར་དགོས་ན་ལེགས)

1.English term=Pancrease.

2.English meaning=The pancreas is an organ of the digestive system and endocrine system of vertebrates.

3.English source=wikipedia

4.རང་ལུགས་ཐ་སྙད་་་་་་་ཤ་ཤ་རྨེན་བུ།

5 ཐ་སྙད་འབྱུང་ཁུངས་བསྟན་པ།

མན་རྒྱུད་བྱང་ཁོག་རྨ་ལས་་བསམ་སེ་རྩ་ཡི་མདུད་པ་ཤ་རྨེན་འདྲ།།ཞེས་གསུངས་པ་དེ་ལ་མེས་ཞལ་བཤད་རྒྱུད་གནས་ལུགས་ཤོག༡༥༦ཡིག༢༡ལས་་ཕོ་མོ་གཉིས་ཀའི་ལྟེ་འོག་ཏུ་རྩ་གསུམ་འདུས་མདོའི་རྩ་མདུད་ཤ་ཤ་རྨེན་བུ་ལྟར་ཆགས་པ་ལ་བསམ་སེའུ་ཞེས་མིང་གིས་བཏགས།། ཞེས་གསུངས་དང་གསོ་དཔྱད་རྒྱལ་པོ་དཀོར་མཛོད་ཀྱི་ལེའུ༡(དཔེ་རིམ་མ)ཤོག༢༠ཡིག༥ལས་ཁ་ཅིག་ན་རེ་ཤ་ཤ་རྨེན་བུ་ཡིན་ཡང་ཟེེར།།ཞེས་དང་སོ་མ་ར་ཛའི་འབྲས་དང་སུར་ཡ་མཚན་ཉིད་ལེའུ་ཤོག༡༠༦ཡིག༡༠ལས་་རྩ་འབྲས་ཤ་ཤ་རྨེན་བུ་འདྲ།།ཞེས་ཤ་ཤ་རྨེན་བུ་ཟེར་བའི་ཐ་སྙད་འདི་མངོན།

ཤ་ཤ་རྨེན་བུ་འདི་Pancreaseའདོད་མཁན་ནི་་

༡༽ཁྲོ་རུ་ཚེ་རྣམ་ལགས་ཀྱིས་དྲང་སྲོང་ཞལ་ལུང་མན་རྒྱུད་མཆེར་ནད་ལེའུར་ཁོངས་ཤ་ཤ་རྨེན་བུ་འདི་pancreaseའདོད་ལུགས་ཁོང་གི་དངོས་སློབ་དགེ་དབྱངས་དགའ་ལགས་ནས་གསུངས་ཤིང་འདོད་པའི་རྒྱུ་མཚན་གང་ཡིན་མིན་ཁོང་གིས་བཀའ་དྲི་གནང་འདུག་ཀྱང་ལན་གསལ་པོ་ཞིག་གནང་མ་སོང་ཞེས་གསུངས་འབྱུང་།ཁྲོ་རུ་ཚེ་རྣམ་ལགས་ཀྱིས་ཤ་ཤ་རྨེན་བུའི་ནད་ལ་མཆེར་པ་ཁོངས་ཡིན་པས་མཆེར་བཅོས་དགོས་ལུགས་གསུངས་འདུག།

༢༽དགེན་དབྱངས་དགའ་ཡང་ཤ་ཤ་རྨེན་བུ་དེ་pancrease འདོད་པ།།

༢༽འབུམ་རམས་པ་བྱ་མདོ་ཀླུ་བྱམས་རྒྱལ་ལགས་ཀྱིས་སྨན་དཔྱད་ཟླ་བའི་རྒྱལ་པོ་ལས་གསུངས་པའི་ལུས་ཀྱི་གནས་ལུགས་སྐོར་ལ་ཐོག་མར་དཔྱད་པ་ཞེས་པའི་དཔྱད་རྩོམ་ནང་དུ་ཤ་ཤ་རྨེན་བུ་དེ་pancrease ཡིན་པ་འདོད་འདུག།ཁོང་ལའང་འབྲེལ་བ་གནང་སྐབས་ཁོང་གིས་དགེན་ཁྲོ་རུ་འདོད་ཚུལ་གསུངས་པ་ལས་འདོད་དགོས་པའི་རྒྱུ་མཚན་གསུངས་ཡ་མིན་འདུག།

༣༽འབུམ་རམས་པ་རྡོ་རྗེ་སྐྱབས་ལགས་ཀྱིས་བོད་ལུགས་གསོ་རིག་གི་དཔྱད་རྩོམ་གཅེས་བཏུས་ཀུནྡ་དགྱེས་པའི་ཟླ་ཟེར་ནང་དུ་བཀོད་འདུག།ཁོང་ལའང་འབྲེལ་བ་གནང་སྐབས་ཁོང་གིས་དགེན་བྱ་མདོ་ཀླུ་འབྱམས་རྒྱལ་ལགས་ཀྱིས་འདོད་ཚུལ་གསུངས་པ་ལས་འདོད་དགོས་པའི་རྒྱུ་མཚན་གསུངས་ཡ་མིན་འདུག།

༤༽ཝ་ར་ན་སིའི་སྨན་དགེ་རག་རྡོ་རིན་པོ་ཆེའི་གསོ་རིག་དཔྱད་རྩོམ་ཐོར་བུ་ནང་གི་ལུས་ཀྱི་གནས་ལུགས་རིག་པ་ཅུང་ཟད་བཤད་པ་དེ་ཁོ་ན་ཉིད་སྣང་བ་ལས་ཀྱང་ཤ་ཤ་རྨེན་བུ་འདི་pancreaseདུ་འདོད་འདུག།ཁོང་གི་དངོས་སློབ་སྨན་དགེ་ཛམ་ཡུ་སྤེན་པ་ལགས་བརྒྱུད་བཀའ་དྲི་གནང་སྐབས་འདོད་དགོས་པའི་རྒྱུ་མཚན་གསུངས་ཡ་མིན་འདུག།

རང་གི་འདོད་ཚུལ་བསྟན་པ།

གོང་གི་མཁས་པ་རྣམ་པས་འདོད་ཚུལ་དེ་ལ་བརྟག་སྐབས་གུས་པ་ཡང་pancrease ལ་ཤ་ཤ་རྨེན་བུ་འདོད་པ་ཡིན་ཏེ།།གོང་གསལ་མཁས་དབང་མགོན་པོ་སྐྱབས་ལགས་ཀྱི་ཀུནྡ་དགྱེས་པའི་ཟླ་ཟེར་ནང་གི་གྲུབ་པ་ལུས་ཀྱི་ཐུན་མོང་མ་ཡིན་པའི་ཁྱད་ཆོས་དམ་འཛིན་བྱས་ཏེ་མུ་མཐུད་དུ་འཕེལ་རྒྱས་སུ་གཏོང་དགོས་པའི་སྐོར་ཕྲན་ཙམ་གླེང་བ་ལས་་ཕོ་བའི་འོག་ཏུ་ཡོད་པའི་ཤ་རྨེན་དེར་ནུབ་ལུགས་གསོ་རིག་གིས་དབྱི་ཞན་ཟེར་ཞིང་།།ཨ་མདོའི་ཡུལ་སྐད་དུ་ཤ་རྨེན་དང་མངའ་རིས་ཡུལ་སྐད་དུ་ཤ་ཤ་རྨེན་བུ་ཟེར།། ཞེས་གསུངས་པ་དང་དེ་བཞིན་ཕྱི་ལོ་༢༠༠༧ཟླ་བ༩ནང་ཡར་ཀླུངས་གསོ་རིག་གི་བོད་ཕྱི་ཟུང་འབྲེལ་གྱིས་གཤེར་མ་ཞེས་པར་ཕྲན་ཙམ་གླེང་བ་མཐོང་བ་དོན་ལྡན་ལས་་་དམངས་ཁྲོད་དུ་ཤ་ཤ་རྨེན་རྨེན་ཟེར་བ་ཐ་སྙད་ཞིག་བརྗོད་སྲོལ་ཡོད་པ།། ཞེས་བཀོད་འདུག།དེང་སྨན་གྱི་དོན་སྣོད་གནས་ལུགས་ཀྱི་བྱེད་པོ(Father of modern anatomy) Dr.Herophilos ལགས་ནས་རོ་བཀྲ་གནང་དུས་ནང་ཁྲོལ་དོན་སྣོད་ཚང་མར་ཕྲུམ་རུས་དང་ཆུ་རྒྱུས་སོགས་ཡོད་ཀྱང་pancrease ཁོ་ན་ཤ་ཤ་རྐྱང་གིས་གྲུབ་པ་ཞིག་ཡིན་སྟབས་Pancreaseཞེས་མིང་བཏགས་འདུག།Pancreaseཟེར་བ་དེ་ནི་གྷི་རིག་སྐད་དུ་Pan-kreasནས་ཟུར་ཆགས་ཤིང་དོན་དུ་All-flesh(ཤ་ཤ་རྐྱང)ཟེར་བའི་དོན་ཡིན་པ་གང་ཞིག་ལ་རྨེན་བུ་ཡང་ཡིན་པས་ན་ཤ་ཤ་རྨེན་བུ་ཞེས་འདོད་ཅེ་ན་མི་འགྲིག་པ་མེད་སྙམ་མོ།།