ཨ་ལགས་རྗེ་སྤྲུལ།
ཨ་རི་བ་བླ་མ་དཀར་པོ་ཞེས་པའི་དཔེ་དེབ་འདི་ནི། ཕྱི་ལོ་ ༡༩༣༧ ལོར་ཨ་རི་བ་ཐིའུ་སི་བྷེ་ཎཀྲ་ ( Theos Bernard ) ཁོང་ཀོ་ལོམ་བྷོའི་མཐོ་སློབ་ ( Columbia ) ཏུ་ཡོ་གའི་རྣལ་འབྱོར་ཐོག་འབུམ་རམས་པའི་ཞིབ་འཇུག་ཆེད་རྒྱ་གར་དུ་འབྱོར་ཏེ། ཀ་སྦུག་དང་རྡོར་གླིང་དུ་ཧིན་དྷུ་དང་བོད་བརྒྱུད་ནང་བསྟན་ལ་ཡུན་རིང་སློབ་གཉེར་དང་ཞིབ་འཇུག་བྱས། སྐབས་དེར་དགེ་ཆོས་དང་བྷ་བྷུ་མཐར་ཕྱིན་སོགས་ངོ་ཤེས་སུ་གྱུར། ཕྱིས་སུ་བྷ་བྷུ་མཐར་ཕྱིན་ལམ་གྲོགས་སུ་ཁྲིད་ནས་རྒྱལ་རྩེ་དང་ལྷ་སར་ཕྱིན་པའི་རྒྱབ་ལྗོངས་དང་བརྒྱུད་རིམ།
ལྷ་སར་ཚ་རོང་གཟིམ་ཤག་ཏུ་ཟླ་ཤས་བསྡད་ཅིང་། རྒྱལ་ཚབ་རྭ་སྒྲེང་རིན་པོ་ཆེར་སྔ་ཕྱི་ཐེངས་གསུམ་མཇལ་བ་དང་། བཀའ་བློན་རྣམ་པ། དགའ་ལྡན་ཁྲི་པ་སོགས་གནད་ཡོད་མི་སྣ་གང་མང་དང་ཐུག་འཕྲད། བོད་གཞུང་སྒེར་གཉིས་ངོས་ནས་ཁོའི་དམིགས་ཡུལ་འགྲུབ་ཆེད་
བཀའ་བསྟན་གྱིས་མཚོན་བོད་ཀྱི་རིག་དངོས་ཁལ་ལྔ་བཅུ་ལྷག་ཁོང་ལ་མཐུན་རྐྱེན་དུ་སྦྱར་བའི་སྐོར།
དེ་བཞིན། ཨ་རིའི་གཞུང་ངོས་ནས་ཀྱང་ཁོའི་ལས་འཆར་ལ་རྒྱབ་སྐྱོར་སོགས་འཐོབ་ཆེད་དང་། བོད་དང་ཨ་རིའི་བར་གཞུང་འབྲེལ་གྱི་འབྲེལ་ལམ་འཛུགས་ཆེད་རྒྱལ་ཚབ་རྭ་སྒྲེང་རིན་པོ་ཆེ་དང་ས་སྐྱ་༧གོང་མས་ཨ་རིའི་སྲིད་འཛིན་རོ་སི་ཝལ་ཀྲ་ ( Franklin D. Roosevelt ) མཆོག་ལ་འབུལ་གནང་མཛད་པའི་ཕྱག་ཡིག་གི་ནང་དོན་དང་དེའི་གལ་གནད། ཕྱག་ཡིག་དེ་གཉིས་སྲིད་འཛིན་ལ་ཕུལ་ཐུབ་ཡོད་མེད་དང་ད་ལྟའི་གནས་སྟངས་སོགས་ཀྱི་སྐོར།
ཐིའུ་སི་བྷེ་ཎཀྲ་ ( Theos Bernard ) ཡིས་ཕྱི་ལོ་ ༡༩༤༡ ལོར་ཨ་རིའི་ ( Califonia, Santa Barbara ) སན་ཀྲི་བྷ་བྷར་ས་ཁྱོན་ཆེན་པོ་གཉིས་ཉོས་ཏེ་ ( Academy Of Tibetan Literataure ) བོད་ཀྱི་སློབ་གཉེར་ཁང་དང་། སྒྲ་སྒྱུར་ཁང་སོགས་འཛུགས་རྒྱུའི་འཆར་གཞི་བཏིངས་པ་དང་། བཀའ་བསྟན་དབྱིན་བསྒྱུར་ཆེད་དགེ་འདུན་ཆོས་འཕེལ་ཨ་རིར་མགྲོན་འབོད་བྱས་པའི་སྔ་ཕྱི་བར་གསུམ་གྱི་བརྒྱུད་རིམ་ལོ་རྒྱུས།
ཕྱི་ལོ་ ༡༩༤༦ ལོར་བླ་མ་དཀར་པོ་བོད་དུ་བསྐྱོད་ཆེད་དང་དགེ་ཆོས་ཨ་རིར་གདན་འདྲེན་ཞུ་ཆེད་ཀ་སྦུག་ཏུ་འབྱོར་ཡང་ལམ་ལྷོང་མ་བྱུང་བའི་སྐོར་དང་། ཕྱི་ལོ་ ༡༩༤༧ ལོར་ཁོང་སྤྱི་ཏིའི་ལུང་གཞུང་ ( Lahaul and Spiti ) ནས་བོར་བརླག་ཕྱིན་པའི་ཚུལ། ཁོང་གིས་བོད་ནས་ཁྱེར་ཡོང་བའི་རིག་དངོས་རྩ་ཆེན་ཁག་གི་སྐོར་བཅས་སྔར་མ་གྲགས་པའི་ལོ་རྒྱུས་དུ་མ་འཁོད་པ་དང་། ཤོག་ངོས་ ༣༢༤ དང་པར་མི་འདྲ་བ་ ༥༨ ཡོད་པའི་བོད་དང་འབྲེལ་བའི་ལོ་རྒྱུས་ཀྱི་དཔེ་དེབ་ཅིག་ཡིན་ནོ། ། རྩོམ་པ་པོས། ཕྱི་ལོ༢༠༢༡ཟླ་༧ ཚེས་ ༥ ཉིན།
ཨ་རི། ནེའུ་ཡོག བློ་གྲགས 9175350253
མཆོག་གྲུབ། 7188449451
ཝ་ཤིན་ཌོན། ཚུལ་ཁྲིམས་རྒྱ་མཚོ། 8477721430
ཧྥེ་རན་སི། རྐྱང་ཚ་གྲགས་པ། 33782569788
གྷེལ་ཇམ། ཕུན་ཚོགས། 0483662725
བསྟན་འཛིན། 485111091
བལ་ཡུལ། བློ་བཟང་ཡེ་ཤེས། 9808259472
འཇམ་དབྱངས། 9803928211
སེ་ར། དགེ་བཤེས་དམ་ཆོས། 9916893849
སྒོ་མང་། དགེ་བཤེས་སངས་རྒྱས། 9731099713
བློ་གླིང་། དགེ་བཤེས་ཤེས་རབ། 9535745523
ཝར་ཎ། རྡོ་རྗེ་སྐྱབས། 7905034881
ཏཱ་ལའི་བླ་མ་མཐོ་སློབ། ཤེས་རབ་སྐྱིད། 8219269472
རྩོམ་པ་པོ། ཨ་ལགས་རྗེ་སྤྲུལ། 7018212697