བཞག་ལྡོམ་ལྗང་ལོ།
ཨ་རི་ནི་འཛམ་གླིང་དམག་འཁྲུག་གཉིས་པའི་རྗེས་སུ་རྒྱལ་ཁབ་གཞན་པའི་བསྟུན་མཁས་བྱེད་དགོས་ས་ཞིག་ཡིན་ཞིང་། འགྲོ་བ་ཡོངས་ཀྱིས་ཡིད་སྨོན་ཤོར་སའི་མང་གཙོ་དང་འབྱོར་བ་ལྡན་པའི་རྒྱལ་ཁབ་ཅིག་རེད། འོན་ཀྱང་། ཞིབ་དུ་ཨ་རི་བའི་ལོ་རྒྱུས་སུ་སློབ་སྦྱོང་བྱེད་པ་ཡིན་ན་དེའི་ལོ་རྒྱུས་ཀྱི་ཟུང་ཁྲག་རྒྱུ་བའི་བའི་འགོ་ཚུགས་པ་ནས་བཟུང་དེ་རིང་བར་དུ་མི་རིགས་དབྱེ་འབྱེད་ཀྱི་འཁོན་སེམས་ནི་ནམ་ཡང་ཡལ་མེད།
དཔེར་ན། ཡོ་རོབ་པ་ཚོར་ཨ་རི་ནས་གཏན་དུ་ཁྱིམ་གཞི་རྙེད་རྗེས་སུ་མི་དཀར་ཚོས་ཡུལ་དེ་གདོད་མའི་མི་རིགས་ཀྱི་འཚོ་བའི་གོམས་གཤིས་དང་སྐད་ཡིག་གི་རང་དབང་འཕྲོག་ཅིང་། མཐའ་ན་རང་གི་ཕ་གཞིས་ནས་སྡོད་དབང་མེད་པར་ཨ་རིའི་སྲིད་འཛིན་བདུན་པ་Andrew Jackson གྱིས་ཁོང་ཚོ་རྒྱང་འཕུད་བཏང་སྟེ་དགུན་ཀྱི་ཁ་བ་དང་ལྷགས་རླུང་གི་ཁྲོད་ནས། རྒན་དར་གཞོན་གསུམ་རྣམས་གྲང་ལྟོགས་གིས་མནར་ནས་ཤི་ཞིང་མིག་ཆུའི་འགྲུལ་གཞུད་རིང་མོ་(Trail of Tears)ཞེས་བཟོད་དཀའ་བའི་སྡུག་གི་ལས་དབང་སྐྱུར་མོ་ཞིག་ཨ་རིའི་གདོད་མའི་མི་རིགས་ཀྱིས་སྟེང་ལ་ཡོང་བ་རེད།
སྤྱི་ལོ་༡༨༦༠ ཙམ་གྱི་ནང་དུ་རྒྱ་ཡུལ་ནས་ཡོང་བའི་རྒྱ་ནག་བ་ཚོ་ཨ་རིའི་མེ་འཁོར་ལྕགས་ལམ་བཟོ་གྲྭའི་ངལ་རྩོལ་ལས་དཀའི་ནང་དུ་ཞུགས་ཤིང། ཧ་ཅང་ཉེན་ཁ་ཆེ་བའི་རིགས་ཁོང་ཚོར་བྱས་དུ་བཅུག་པ་རེད་མོད། འོན་ཀྱང་། ཁོའི་ཚོའི་ལས་གླ་ནི་མི་དཀར་ལས་ཉུང་བ་མ་ཟད། སྐབས་རེ་ལྕགས་ལམ་བཟོས་ཚར་རྗེས་སུ་སྦྱིན་བདག་གིས་ལས་གླ་སྤྲད་པའི་ཚབ་དུ་རྒྱའི་ངལ་རྩོལ་བ་ཚོ་བསད་དེ་བེམ་པོ་རྣམས་གནས་དེ་ནས་ས་འོག་ལ་བསྡུས་བའི་ལོ་རྒྱུས་ཡོད་པ་རེད།
འཛམ་གླིང་དམག་འཕྲུག་གཉིས་པའི་སྐབས་ཨ་རི་ནས་སྐྱེས་ཤིང་ཨ་རི་ནས་རྒས་བའི་ཉི་ཧོང་བ་རྣམས། ཨ་གཞུང་གིས་མི་རིགས་གཞན་པ་ལས་ལོགས་སུ་བཀར་ཏེ་ངལ་རྩོལ་(concentration camps )བསྒྱུར་བཀོད་རྭ་བ་བའི་ནང་ནག་ཉེས་ཅན་གྱི་བཙོན་མ་བཞིན་བསྡུས་ནས་འགྲོ་འདུག་གི་རང་དབང་འཕྲོག་པ་མ་ཟད། དམག་མིས་མེ་མདའི་སོ་ཁ་ཁོང་ཚོར་ཉིན་མཚན་ཀུན་དུ་གཏད་ནས་བསྡད་ཡོད་པ། ཨ་རིའི་རྟོག་བཟོ་འམ་འཆར་ཡན་རིང་ལུགས་ཀྱི་གློག་བརྙན་<<Star Trek>>ནང་གི་མི་སྣ་ Hikaru Sulu་ཁྲབ་མཁན་ཉི་ཧོང་བ་George Takei ཡིས་སྐབས་དེའི་ཁོའི་ཉམས་མྱོང་གཞིར་བཞག་ནས་རི་མོའི་དེབ་<<They Called Us Enemy>> Google Books ཞེས་བ་བྲིས་ནས་འཛམ་གླིང་ལ་ཨ་རིའི་ཉི་ཧོང་བའི་དཀའ་སྡུག་བཤད་ཡོད་པ་རེད།
དེ་རིང་རྒྱ་ནག་ནས་བྱུང་བའི་རིམས་ནད(COVID-19)་ཀྱིས་རྐྱེན་བྱས་ནས་ཨ་རིའི་རིགས་རུས་དབྱེ་འབྱེད་རིང་ལུགས་བ་ཚོ། ཨེ་ཤ་ཡའི་མི་རིགས་ལ་སྔར་ལས་འཁོན་སེམས་ཆེར་རུ་སོང་ནས་ཨ་རིའི་གྲོང་ཁྱེར་མང་ཆེ་བའི་ནང་ཨེ་ཤ་ཡའི་རྒན་གཞོན་དང་། ཕོ་མོ་དབྱེ་བ་མེད་པའི་སྟེང་ལ་བརྙས་བཅོས་སྣ་ཚོགས་བྱས་དང་བྱེད་ཀྱིན་ཡོད་པ་རྒྱུན་ལྡན་ལྟ་བུར་ཆགས་ཡོད་པ་དང་་། རྒྱུན་ལྡན་དུ་ཆགས་པའི་རྒྱུ་མཚན་གཙོ་བོ་ཞིག་ནི་ཨ་རིའི་སྲིད་འཛིན་ཟུར་བ་Trump དང་ཁོའི་ཕྱོགས་གཏོགས་བ་ཚོས་མི་རིགས་དབྱེ་འབྱེད་ཀྱི་ཆབ་སྲིད་དྲིལ་བསྒྲགས་ལ་བརྟེན་ནས་ཡིན་པ་ཆབ་སྲིད་དཔྱད་བརྗོད་ཀུན་ཀྱིས་བཤད་ཀྱི་འདུག
STOP AAPI HATE དྲྭ་བ་ལྟར་ན་ཨེ་ཤ་ཡའི་མི་རིགས་སྟེང་ལ་སྡང་ཟུག་དང་དྲག་རྒོལ་བྱས་བ་༥༠༠༠ཙམ་ཟིན་ཡོད་པ་དང་། དེ་དག་ལ་བརྟེན་ནས་ཨེ་ཤ་ཡའི་མི་རིགས་འགའི་ཚེ་སྲོག་ཀྱང་ཤོར་བ་རེད། ཡང་ཨ་རིའི་མངའ་སྡེ་California སློབ་ཆེན་(CSUSB)གྱིས་འཁོན་འཛིན་མཐར་ལྷུང་རིང་ལུགས་བའི་སྐོར་ལ་ཞིབ་འཇུག་བྱས་བའི་(Hate and Extremism)སྙན་ཞུ་ལྟར་ན། སྤྱིར་སྟངས་འཁོན་འཛིན་ལ་བརྟེན་ནས་ཁྲིམས་འགལ་རིགས་རྒྱ་ཆ་༧%མར་ཆགས་ཡོད་ཀྱང་ཨེ་ཤ་ཡའི་མི་རིགས་སྟེང་ལ་སྡང་ཟུག་བྱེད་ཀྱི་ཡོད་པ་ཨ་རིའི་གྲོང་ཁྱེར་ཆེ་བ་བཅུ་དྲུག་ནང་རྒྱ་ཆ་༡༥༠%ཙམ་ཡར་འཕར་ཡོད་པ་བྲིས་བ་དེ་དག ཨ་རིའི་VOA དབྱིན་ཡིག་སྡེ་མཚན་གཙོའི་གསར་ཁང་ཚད་ལྡན་མང་ཆེ་བའི་ལུང་འདྲེན་ཀྱི་འདུག
གཞན་ཁ་སང་ཨ་རིའི་མངའ་སྡེ་Georgia་ནས་ལོ་ན་༢༡ ཡིན་པའི་མི་དཀར་ཞིག་གིས་ཨེ་ཤ་ཡའི་མི་རིགས་ཀྱིས་གཉེར་བའི་སྐུ་མཉེ་ཁང་གསུམ་དུ་དྲག་རྒོལ་བྱས་ནས་ཨེ་ཤ་ཡའི་བུ་མེད་དྲུག་དང་མི་རིགས་གཞན་པ་གཉིས་བཅས་དམར་བསོད་བྱས་འདུག། ལག་དམར་མའི་ལྟ་བའི་སྐོར་ལ་བཤད་ཚུལ་སྣ་ཚོགས་ཡོད་ཀྱང་དྲང་མོ་བཤད་ན་རིགས་རུས་དབྱེ་འབྱེད་ཀྱིས་འཁོན་འཛིན་བརྟེན་ནས་ཡིན་པ་ཆུ་ཤེལ་བཞིན་གསལ་བོ་རེད། རྒྱུ་མཚན་ནི་། དེ་ན་གྲངས་ལས་འདས་བའི་སྐུ་མཉེ་ཁང་ཡོད་པ་ལས་དེ་དག་ཁོ་ན་ཁོས་བདམ་ཡོད་པས་ཡིན།
མཐའ་མ། མི་རིགས་དབྱེ་འབྱེད་པ་ནི་དཀོན་མཆོག་གི་ཞིང་ས་སྙེག་པའི་ཆོས་བ་ཚོ་དང་། འཇིག་རྟེན་པའི་ཁྱིམ་ཐབས་སྐྱོང་བའི་ཚོང་བ་རྣམས་དང་། གཡོ་སྒྱུ་ཆེ་བའི་ཆབ་སྲིད་པའི་ནང་ན་ཡོད་པ་དང་། ད་དུང་ཁྲང་ལམ་ན་ཞོགས་ཇ་རོགས་ན་ནུབ་ཇ་མི་རྙེད་པའི་སྤྲང་འཆམ་པའི་ནང་ནའང་ཡོད་པའི། དེ་ནི་ཨ་རིའི་ལོ་རྒྱུས་འགོ་ཚུགས་པ་ནས་མཇུག་མ་བསྡུས་བར་དུ་ལོ་རྒྱུས་ཀྱི་ཟུང་ཁྲག་ནང་སྙིང་གི་འཕར་རྩ་དང་ལྷན་དུ་གནས་ངེས་་ཡིན་བས་གྲངས་ཉུང་མི་རིགས་སོ་སོས་རང་གི་བདེ་སྐྱིད་ཆེད་དུ་རང་དབང་རྩོད་དགོས་བ་རེད། དེ་བྱེད་མ་ཐུབ་ན་རང་ཉིད་ནམ་ཡང་གཞན་པས་བརྙེས་བཅོས་བྱེད་ཡུལ་དུ་གྱུར་བ་ནང་བཞིན་མ་འོངས་བའང་མུ་མཐུད་ནས་འགྱུར་ངེས་ཡིན།
https://www.cnn.com/videos/us/2021/03/14/anti-asian-american-violence-margaret-cho-nr-sot-vpx.cnn
གསོད་དགོས་རྒྱུ་དེ་གསོད་དགོས། ཚར་དགོས་རྒྱུ་དེ་ཚར་དགོས།