གཞུང་པ་ཚེ་དབང་བསོད་ནམས།
ཀ་ཁའི་འོག་ཏུ་འཚོ་བའི་བོད་རིགས་ཚོ།།
ཁ་བ་གངས་ལྗོངས་ཕ་ཡུལ་དགྲ་འོག་ལྷག།
ག་པ་གནས་ཀྱང་ཕ་ཡུལ་བརྗེད་མི་ཉན།།
ང་ཚོ་ཆོལ་གསུམ་བོད་མིའི་ཆིག་སྒྲིལ་བརྟན།།
ཅ་ཅོ་འར་འུར་མང་བའི་དུས་སྐབས་འདིར།།
ཆ་བསྡུ་ཡ་བསྡུའི་སྲིད་སྤྱིའི་འོས་མི་མང་།།
ཇ་ཁང་ཆང་ཁང་ནང་གི་ཁ་དམག་དེ།།
ཉ་ཟིན་ལྕགས་ཀྱུ་མིན་པ་ཤེས་པ་བགྱིས།།
ཏ་ལའི་ཤིང་འབྲས་མངར་སྐྱུར་ཟས་ན་ཤེས།།
ཐ་མ་སྲིད་སྤྱིའི་འོས་བསྡུའི་ལས་རིམ་ནང་།།
ད་ཐེངས་སྔོན་དང་མི་འདྲའི་འགན་ཁུར་ཟབ།།
ན་ཚ་བསྐྱར་ལོག་མི་ཡོང་ཕྱོགས་གཏོགས་འགན།།
པ་རི་པི་རི་སྤྱི་ཚོགས་འཁྲུགས་པོ་འདིར།།
ཕ་བུ་བསམ་ཚུལ་མི་མཐུན་ནང་འགལ་མང་།།
བ་རྫིའི་ཉམས་མྱོང་སྲིད་སྤྱི་གང་ནས་ཡོང་།།
མ་འཕྱུགས་མ་ནོར་འོས་འཕེན་མི་མང་ཚོ།།
རྩ་བ་མང་གཙོ་ཁྲིམས་དང་སྒྲིག་གཞིའི་འོག།
ཚ་ག་ཚིག་གེ་མང་ན་རང་དོན་ཤོར།།
ཛ་དྲག་མ་གནང་སྔོན་འགྲོ་མི་མང་འགན།།
ཝ་ཞ་འཐོམ་ཞ་བསྐྱུར་ནས་སྤྱང་ཞ་གྱོན།།
ཞ་མོ་འཐོམ་ཞའི་འོག་ཏུ་ཚུད་མི་ཉན།།
ཟ་འཐུང་ལོངས་སྤྱོད་འོག་ཏུ་ནོར་འཕྲུལ་མང་།།
འ་ར་འུར་རེ་མང་ན་དོན་ཆེེན་ཤོར།།
ཡ་རབས་དྲང་བདེན་མང་གཙོའི་སྲོག་རྩ་རེད།།
ར་བ་གངས་རི་ཕ་ཡུལ་བོད་ལྗོངས་དེ།།
ལ་ལུང་ས་མཐར་སླེབས་ཀྱང་བརྗེད་མི་ཉན།།
ཤ་ཚའི་གཏམ་ལ་སྙན་ཆ་མེད་ན་ཡང་།།
ས་ཕྱོགས་འདི་ནི་མི་ཡུལ་གནས་ཚང་རེད།།
ཧ་ཅང་ཉེ་བའི་སྲིད་སྤྱིའི་འོས་བསྡུ་ལ།།
ཨ་མའི་བུ་ཚོ་འོས་བསྡུའི་ཆ་ཤས་བཞེས།།
ཀོ་ལི་གྷལ་གཞིས་ཆགས་གཞུང་པ་ཚེ་དབང་བསོད་ནམས་ནས་སྤྱི་ལོ་ ༢༠༢༠ སྤྱི་ཟླ་ ༡༡ ཚེས་ ༨ ཉིན་རང་ཁྱིམ་དུ་ཟིན་བྲིས་སུ་བཏབ།
ཀ་ཁ་བོད་ཡིག་ཤེས་པའི་སྤྱི་འཐུས་འདེམས། །
ཁ་ཕྱོགས་བོད་ཕྱོགས་མཐུན་པའི་སྲིད་སྐྱོང་འདེམས། །
ག་རེ་ཤོད་དགོས་ལས་ཐུབ་སྲིད་སྤྱི་འདེམས། །
ང་ཚོའི་ད་ལོའི་སྲིད་སྐྱོང་སྤེན་ཚེ་འདེམས། །
ཀ་བཤད་བྲིས་ན་སྤེན་ཚེར་བྲིས། །
ཁ་བཤད་བརྒྱབས་ན་འབྲོང་ཆུང་རྒྱོབས། །
ག་སར་འབྲེལ་ན་རྒྱ་རིར་འགྲོགས། །
ང་ཡི་ཀ་ཕྲེང་དེ་ཙམ་མོ།། །།
ཁ་དམག་འོག་གི་སྲིད་སྤྱི་བོད་ཕན་མིན་།
ཕྱོགས་གཏོགས་འོག་གི་སྲིད་སྤྱི་བོད་ཕན་མིན་།
སྐབས་ཚོལ་འོག་གི་སྲིད་སྤྱི་བོད་ཕན་མིན་།
བཅའ་སྒྲིག་འགན་ཁུར་སྲིད་སྤྱི་བོད་ཕན་ཡིན་།
ཧཧཧཧཧ
ཧ་ཧ། ཀ་ཁའི་འོག་ཏུ་འཚོ་བའི་བོད་རིགས་ཤིག་ཡོད་ན་དེ་ཁྱེད་རང་ཡིན་རྒྱུ་རེད་ཡ།
ཀ་ཁ་བྲིས་ན་ལག་ན་སྤྱད།།
ཁ་ཏོན་བཏོན་ན་ཁ་ན་སྤྱད།།
ག་ཤེད་ཅིག་ནས་འཇམ་ཐིང་ཐིང་།།
ང་ནི་ཁ་རོག་འདུག་རྒྱུ་ཡིན།།
འ་ཤོག་འོས་ཤོག་ངས་མི་ཤེས།།
སྲིད་སྤྱི་ཁྲིམས་ལོག་ཆོལ་ལོག་རེད།།