དམག་དོན་མི་ཤེས་བའི་དམག་སྤྱི་ཆེན་མོ།

བཞག་ལྡོམ་ལྗང་ལོ།
 
འཇིག་རྟེན་འདིའི་སྟེང་དུ་འགྲོ་བ་མི་ཆགས་ཚུལ་ལ་མི་རིགས་སོ་སོས་བཤད་ཚུལ་རེ་ཡོད་པ་དང་། བཤད་ཚུལ་དེའང་མི་རིགས་རང་གི་ཕ་མེས་ཡང་མེས་ཚོས་རང་ཉིད་གནས་སའི་འཇིག་རྟེན་ངོས་འཛིན་ཚུལ་ལམ་འཁོར་ཡུག་ལ་འཁྲེང་སེམས་དང་། འཁོར་ཡུག་དེ་ལ་བརྟེན་ནས་འཚོ་བ་སྐྱེལ་ཚུལ་རྣམས་ངག་སྒྲུང་གི་ལམ་ནས་ཁོ་ཚོའི་བུ་རབས་ཚ་རྒྱུད་དག་ལ་བཤད་ཀྱི་ཡོད་པ་རེད། ངག་སྒྲུང་དེ་དག་ནི་ཚན་རིག་དང་མཐུན་མིན་ལ་མ་ལྟོས་བར་ས་གནས་དེའི་ཆེས་ཐོག་མའི་རིག་གནས་ཀྱི་འགོ་ཁུངས་ཡིན་པ་ནི་སྨྲ་མ་དགོས་བ་ཞིག་སྟེ། རིམ་བཞིན་མིའི་རྣམ་དཔྱོད་ཡར་རྒྱས་འགྲོ་བ་ལ་བརྟེན་ནས་རིག་གནས་དེ་ཡང་ཡར་རྒྱས་སུ་ཕྱིན་ཏེ་འགྲོ་བ་མི་རང་གི་ཕྱིའི་དངོས་པོ་དཔལ་ཡོན་དང་། ནང་སེམས་ལ་བདེ་བ་ཕུན་སུམ་ཚོགས་པ་སྤྲོད་ཀྱི་ཡོད་པ་རེད།

དེའི་ཕྱིར། མི་རིགས་སོ་སོས་རང་གི་ཕ་གཞིས་དེ་དང་། རིག་གནས་སམ་རིག་གཞུང་དེ་དང་། ད་དུང་རང་ཉིད་བཅས་སྲུང་སྐྱོབས་ཆེད་དུ་རྒྱལ་བོའི་ལམ་ལུགས་ནས་དེང་གི་བརྡ་འཕྲིན་དུས་རབས་རྒྱལ་ཁབ་ཀྱི་བར་དུ་དམག་མི་གསོ་སྐྱོང་བྱེད་ཅིང། དམག་མི་ཚོ་ལ་ཆེད་དུ་གཡུལ་འགྱེད་སྦྱོང་བརྡར་སྤྲོད་ཀྱི་ཡོད་ལ། གཡུལ་འཁྲུག་སྐབས་སུ་དམག་མི་སྙིང་སྟོབས་ཅན་ཚོ་ལ་དཔའ་རྟགས་དང་། གཡུལ་ས་ནས་ཤི་ཟིན་པའི་དམག་མི་ཚོ་ལ་ལོ་ལྟར་གུས་ཞབས་བྱེད་ཀྱི་ཡོད་པ་རེད། དེར་རྟེན་རྒྱལ་ཁབ་སོ་སོས་རང་གི་དམག་མི་ཚོ་ལ་དཔའ་བོ་ཞེས་བསྔགས་བརྗོད་དང་། ལྷག་པར་དུ་དམག་དཔོན་དང་དམག་མིའི་བར་ལ་འགྱུར་བ་མེད་པའི་ཡིད་ཆས་བརྟན་པོ་ཡོད་པས། གལ་སྲིད་གཡུལ་ས་ནས་རང་གི་དམག་ཕམ་པའི་དབང་དུ་བཏང་ཡང། དམག་དཔོན་ཀྱིས་ནམ་ཡང་ཞབས་འདྲེན་དང་སྙིང་མེད་པ་བཅས་འབོད་པའི་གོམས་གཤིས་ཡོད་པ་མ་རེད། དཔེར་ན། ཨ་རི་ལ་མཚོན་ན་སྲིད་འཛིན་ནི་དམག་མི་ཡོངས་ཀྱི་གནས་ཁྲིད་མཁན་ཡིན་པས་ལོ་ལྟར་ཤི་ཟིན་པའི་དམག་མིའི་དུར་ས་སོང་ནས་མྱ་ངན་དང་གུས་འདུད། ད་དུང་ཤི་ཟིན་པའི་དམག་མི་ཚོའི་སྙིང་སྟོབས་ལ་བསྟོད་བསྔགས་དང་། དམག་མི་ཡོན་ཏན་བརྗོད་ཀྱི་ཡོད་པ་ནི་གོམས་གཤིས་ཤིག་ཏུ་གྱུར་ཡོད། གོམས་ཤེས་དེ་རྒྱུད་ནས་ཨ་རིའི་སྲིད་འཛིན་དང་བོ་ནས་Trump བར་དུ་སྲིད་འཛིན་༤༥སོང་པ་རེད།

ཡིན་ཡང། སྲིད་འཛིན་Trump་གྱི་སྐབས་འདི་ལ་དམག་དང་སྲིད་འཛིན་བར་གྱི་འབྲེལ་བའི་སྐོར་ལ་དེ་རིང་གི་(COVID-19)ནད་ཡམས་བཞིན་བཤད་ཚུལ་སྣ་ཚོགས་ཤིག་སྤྱི་ཚོགས་དང་། བསམ་ཚུལ་སྣ་ཚོགས་ཤིག་གང་སར་ཁྱབ་འགོ་ཚུགས་སོང་། དཔེར་ན། སྤྱི་ལོ་༢༠༡༥ ལོར་ཨ་རིའི་སྲིད་འཛིན་འགྲན་རྩོད་སྐབས། ཋམ་གྱིས་ཨ་རིའི་སྤྱི་མཐུན་ཚོགས་པའི་གྲོས་ཚོགས་གོང་མའི་Senator John McCain ལ་དཔའ་བོ་”He’s not a war hero,” མིན་རབས་སོགས་སྐྱོན་བརྗོད་བྱས་མ་ཟད། ༢༠༡༨ ལོ་ Senater McCain འདས་རྗེས་མུ་ཐུད་སྐྱོན་བརྗོད་བྱས་སོང་། ཡང་ལོ་དེའི་ནང་(སྤྱི་ལོ་༢༠༡༨ ) ཁོ་France་ལ་འགྲོ་སྐབས་གྲོང་ཁྱེར་Paris་དང་ཧ་ཅང་ཐག་ཉེ་བའི་དམག་ཆེན་དང་པོའི་སྐབས་ཨ་རིའི་དམག་མི་གྲོངས་བའི་དུར་ས་Aisne-Marne American Cemetery་ལ་ཁོས་གཡོ་སྒྱུ་འདྲ་མིན་བྱས་ནས་གུས་ཞབས་བྱེད་དུ་མ་སོང་བ་བརྟེན། ཆབ་སྲིད་པ་དང་། ཚོང་བ། ད་དུང་མི་མང་གྲངས་ལས་འདས་བ་ཞིག་གིས་ཁོ་ལ་རྒྱལ་ཞེན་ཡོད་མེད་སོགས་དྲི་བ་འདྲ་མིན་དང་། དེའི་སྐོར་ནས་ཁོ་ལ་སྐྱོན་བརྗོད་སྣ་ཚོགས་བྱས་སོང་། སྟབས་ལེགས་པ་ཞིག་ལ་དེ་རིང་དེའི་སྐོར་གྱི་དོན་དངོས་FoxNews་གསར་འགྱིར་ཁང་ན་ཤིན་ཏུ་ནས་ཁ་གསལ་ནང་གི་དོན་གསལ་ཞིག་བཤད་ཀྱི་འདུག གསར་འགོད་པས་ཁུངས་ལྡན་གནས་ཚུལ་བཤད་དོན་ལྟར་ན་ཋམ་གྱིས་དམག་མི་འདས་བོ་ཚོར་སྙིང་མེད་པ་ “suckers” དང་། དམག་མི་དགྲ་ལག་དུ་ཤོར་བ་རྣམས་ལ་ཞབས་འདྲེན་ “fucking loser,” བཅས་བརྗོད་ནས་ང་དེ་དག་གི་དུར་སར་འགྲོ་དགོས་བའི་རྒྱུ་མཚན་གང་ཡང་མེད་ལབ་ཀྱི་འདུག་ཟེར། ངས་གཟུར་གནས་སྤྱོད་ལྡན་པ་ཚོའི་མི་ལམ་ལ་YouTube་དྲ་ཚིགས་རྒྱུད་དེ་གསར་འགྱུར་དེ་འདིར་བསྐོད་ཡོད། https://youtu.be/Dh5tArUZ6Jw
རེད་དེ། དྲ་གྲོགས་ཚོ། རྒྱུ་མཚན་གང་ལ་བརྟེན་ནས་Trump དམག་ལ་མི་དགའ་བ་དང་དམག་གི་ཡོན་ཏན་མ་ཤེས་ཡིན་ནམ་ཅེས་དྲི་བ་ཞིག་བྱེད་པའི་དབང་དུ་བཏང་ན། དེའི་ལན་ནི་ལས་སླ་བོ་ཞིག་རེད། དང་པོ། ཁོ་ཆུང་དུས་རང་གི་ན་མཉམ་རྣམས་དམག་ནང་དུ་ཞུགས་ནས་གཡུལ་ཏུ་(The Korean War) འགྲོ་སྐབས། ཁོས་རྐང་ཚིག་(Bone spurs)ལ་སྐྱོན་མེད་ཀྱང་ཡོད་ཁུལ་ཀྱིས་གཡོ་སྒྱུ་འཁྲབས་ཏེ་དམག་ནང་དུ་འཛུལ་མི་འདུག གཉིས་པ། ཁོ་ལ་ཉིན་དང་མཚན་གང་ཡིན་ཡང་སྒོར་མོ་མ་གཏོགས་སེམས་ནང་ན་མེད་པ་ཡིན་པའི། ཁོས་དམག་ནང་དུ་སོང་ན་རང་ལ་ཁས་ཕན་གང་ཡང་མེད་པ་འདོད་དེ་དམག་ནང་ལ་སུ་ཞུགས་ན་དེ་ནི་བླུན་པོ་རུ་འདོད་ཀྱི་འདུག རྒྱུ་མཚན་དེ་དག་དང་བདེན་པ་དེ་དག་ལ་བརྟེན་ནས་ཁོ་ནི་རྒྱལ་ཞེན་དང་དམག་དོན་མི་ཤེས་མཁན་ཀྱི་དམག་སྤྱི་ཞིག་ཏུ་ཆགས་འདུག