བདག་མོ།
སྤྱི་ལོ་༢༠༡༩ལོའི་ལོ་མཇུག་ཏུ་རྒྱ་ནག་གི་ལྦུའུ་ཧྭན་གྲོང་ཁྱེར་ནང་རིམས་ནད་ཏོག་དབྱིབས་ནད་དུག་གསར་བ་ཞིག་ཁྱབ་ནས་ཟླ་གཅིག་ལྷག་གི་རིང་ལ་མི་བགྲངས་ཧ་ལས་འདས་པ་ཞིག་ནད་དུག་དེས་ཟིན། དེའི་ཁྲོད་མི་ཕལ་མོ་ཆེའི་ཚེ་སྲོག་ཤོར་ཡོད་ནའང་བློ་ཕམ་དང་བསམ་ཡུལ་ལས་འདས་པ་ཞིག་ལ་ས་གནས་དེའི་མིས་དྲང་བདེན་དང་ལྷག་བསམ་གྱིས་ཕྱུག་པའི་སྨན་པ་དང་གསར་འགོད་པ། མི་སྣ་བློ་སྤོབས་ཅན་ཁག་ཅིག་ལ་དམར་ཕྱོགས་གཞུང་གིས་གསང་བའི་རང་བཞིན་གྱི་བཀག་རྒྱའི་འོག་གནོན་ཤུགས་དང་མ་ཉེས་ཁ་གཡོགས་ཀྱིས་མནར་གཅོད་ཤུགས་ཆེན་སྤྲད་མཐར། ལ་ལ་ཞིག་ནད་དུག་ལ་ཁ་གཡར་ནས་དམར་གསོད་བཏང་། ལ་ལ་ཞིག་གར་སོང་ཆ་མེད་དུ་གྱུར་ཏེ་ཤུལ་མེད་དུ་སོང་། སྐབས་དེར་རིམས་ནད་ཀྱི་རྐྱེན་གྱིས་རྒྱ་ནག་ནང་གི་གྲོང་ཁྱེར་སོ་སོའི་འགྲུལ་བཞུད་ས་ཚིགས་ཁག་རྒྱ་དམར་གཞུང་གི་བཀའ་རྒྱ་ལྟར་དུས་ཐོག་ཏུ་སྒོ་བརྒྱབ་ཡོད་ཀྱང་། ཡ་ང་བ་ཞིག་ལ་བོད་ཁུལ་དུ་འགྲུལ་བཞུད་ས་ཚིགས་ཁག་རྒྱུན་ལྡན་ལྟར་རང་གར་བཞག་ཡོད་པ་ཡང་མིག་མཐོང་ལག་ཟིན་ཡིན། འདི་ནི་རྒྱ་དམར་གཞུང་གིས་བོད་མི་རིགས་རྩ་མེད་དུ་གཏོང་བའི་ལམ་ཀ་གསར་བའམ་སྲིད་ཇུས་ངན་པ་ཞིག་མ་ཡིན་ནམ།
སྤྱི་ལོ་༢༠༢༠ལོའི་ལོ་མགོ་ཚེས་མ་ཐག་ཏུ་གཟུགས་མེད་ཀྱི་དགྲ་བོ། རྒྱ་ནག་གི་ནད་ཡམས་ཏེ། ཀོ་རོ་ན་ཨ་རི་གཙོས་འཛམ་གླིང་ཡུལ་གྲུ་ཁག་གི་མི་རིགས་སོ་སོའི་སྲོག་གི་གཤེད་མར་གྱུར་ཀྱང་། “འཛམ་གླིང་འཕྲོད་བསྟེན་རྩ་འཛུགས་”ཀྱི་སྤྱི་ཁྱབ་འགན་འཛིན་མཆོག་གིས་ལྐོག་ནས་རྒྱ་དམར་གཞུང་དང་ངན་འབྲེལ་གྱིས་རྒྱལ་སྤྱིའི་གསར་ལམ་ཁག་ཏུ་ཛ་དྲག་གི་བདེན་པ་རྒྱབ་ཏུ་བསྐུངས་ཏེ་འཇོན་མདོག་མདོག་གིས་རིམས་ནད་ཅིག་མིན་རབ་ཀྱིས་སྐྱག་རྫུན་ལུང་པ་གང་བཤད་སྟབས་འཛམ་གླིང་ཧྲིལ་བོ་རྒྱ་དམར་གྱི་གཡོ་སྒྱུ་ཁྲམ་གསུམ་འོག་ཚུད་པར་བཅུག དེར་བརྟེན། ད་ལྟའི་གནས་བབས་ལ་གཞིགས་ན་ཨ་རི་གཙོས་གོ་ལ་ཁྱོན་ཡོངས་སུ་རིམས་ནད་ཀྱིས་མནར་བཞིན་པའི་ནད་པ་མི་གྲངས་ས་ཡ་བཞི་དང་འབུམ་བདུན་ལྷག་ལ་བུད་འདུག་པ་དང་། དེའི་ཁྲོད་མི་གྲངས་འབུམ་གསུམ་དང་ཁྲི་གཅིག་ལྷག་གི་ཚེ་སྲོག་འཕྲོག ད་རུང་གསོན་བཞིན་པའི་མི་རྣམས་ཤི་གསོན་མ་ངེས་པར་འཇིགས་སྐྲག་དང་དངངས་འཚུབ་ཀྱི་གནས་སུ་བསྐྱལ་ཡོད།
རྒྱ་དམར་གྱིས་འཛམ་གླིང་ཧྲིལ་བོ་དམྱལ་ཁམས་སུ་བསྒྱུར་པའི་གཉན་འཕྲང་ཅན་གྱི་དུས་ངན་འདིར་ཚན་རིག་པའི་ཀླད་ཤུགས་དང་ཚན་རྩལ། ཆོས་རྒྱུད་ཁག་གི་བླ་ཆེན་རྣམ་པའི་སྨོན་ལམ་ཀྱི་མཐུས་སྟོབས་འབྱོར་ཅན་གྱི་ཕྱུག་བདག་པ་ཚོས་དཔལ་འབྱོར་མཉམ་སྤུངས། ཚང་མས་ཁ་ཡོད་ལག་ཡོད་ཀྱིས་ནུས་པ་ཡོད་རྒུ་བཏོན་ནས་མཉམ་རུབ་ཀྱིས་རིམས་ནད་འགོག་ཐབས་དང་བཅོས་ཐབས་ཐད་ནུས་ཤུགས་རྩལ་སྤྲུག་གིས་འབད་དང་འབད་ཀྱིན་ཡོད་ན་ཡང་རྒྱ་དམར་གཞུང་གི་ནད་དུག་འདིས་གོ་ལ་ཧྲིལ་བོར་གཡུལ་ས་ཞིག་ལ་བསྒྱུར་ཏེ། གཡུལ་ས་འདི་ལས་ཐར་ཐབས་ཀྱི་དཀའ་ངལ་འདི་སེལ་བར་མངོན་འགྱུར་གྱི་འབྲས་བུ་ཅི་ཡང་ཐོན་མེད། འདི་ནི་རྒྱ་དམར་གྱི་བསམ་ངན་སྦྱོར་རྩུབ་ཀྱི་གཡོ་སྒྱུའི་རང་གཟུགས་འཛམ་གླིང་ནང་མངོན་སུམ་ངང་གཟུགས་ཅན་དུ་རྒྱུ་བའི་ངན་འབྲས་དེ་ཡིན།
རྒྱ་དམར་གཞུང་གིས་བོད་ས་བཙན་འཛུལ་བྱས་པ་ནས་འདས་པའི་ལོ་ངོ་དྲུག་ཅུའི་རིང་བོད་ལ་མི་སེར་སྤེལ་ཡུལ་གྱི་སྤྱོད་ངན་དང་། གྲངས་ཉུང་མི་རིགས་ཚོར་གཅེར་རྡུང་དང་བཙོན་འཇུག གསོད་གཅོད་ཁྲག་སྦྱོར་གྱིས་འགྲོ་བ་མིའི་ཐོབ་ཐང་རྡོག་རོལ་ཏུ་བཏང་བའི་འཆལ་སྤྱོད་མཐའ་དག་འཛམ་གླིང་གིས་མཐོང་ཡང་སྣང་ཆུང་བཏང་སྟབས། རྒྱ་དམར་གཞུང་གིས་འཛམ་གླིང་སྟེང་རྒྱ་ནག་ནང་མི་རིགས་འདྲ་མཉམ་དང་ཐོབ་ཐང་འདྲ་མཉམ། ཆོས་དད་རང་དབང་དང་སྨྲ་བརྗོད་རང་དབང་ཡོད་པ་སོགས་ཆེ་ཆེ་སྙན་སྙན་ཚུལ་གྱིས་སྤེལ་བའི་སྐྱག་རྫུན་དེ་དག་སྒྲིབ་གཡོག་ཏུ་སྤྱད་དེ། བོད་དང་གྲངས་ཉུང་མི་རིགས་ཁག་གི་ཡ་ང་བའི་གནས་སྟངས་འཐུས་ཤོར་ཏུ་བཏང་ཡོད། ཐེངས་འདིར་འཛམ་གླིང་ཡུལ་གྲུ་ཁག་ལ་རྒྱ་དམར་གཞུང་གི་གཡོ་སྒྱུ་ཁྲམ་གསུམ་ཚང་བའི་གཤེད་མར་གྱུར་པའི་གདུག་རྩུབ་ཅན་གྱི་དུག་ནད་རང་སྟེང་དུ་བབས་པ་འདིས་བོད་དང་གྲངས་ཉུང་མི་རིགས་ཁག་གི་དཀའ་སྡུག་སྣང་མེད་དུ་བཏང་བ་དེར་ནོངས་འགྱོད་སྐྱེས་དགོས་པ་གསལ་འདེབས་དང་ར་སྤྲོད་བྱས་ཡོད། སྐབས་འདིར་རྒྱལ་ཁབ་སོ་སོས་ཛ་དྲག་དུ་གྱུར་ཡོད་པའི་ནད་དུག་གི་གནས་བབས་དང་རྒྱ་དམར་གཞུང་རྒྱ་ཡན་དུ་མ་བཏང་བར་འཛམ་གླིང་ཁྱོན་ཡོངས་རྡོག་རྩ་གཅིག་བསྒྲིལ་གྱིས་གཡུལ་སའི་དཀའ་ངལ་ལ་གདོང་ལེན་བྱེད་དགོས་པ་མ་ཟད། རྒྱ་ནག་དམར་ཕྱོགས་གཞུང་གི་སྔར་བྱས་ལ་འགྱོད་བཤགས་དང་ཁས་ལེན། འབྱུང་འགྱུར་བོད་ཀྱི་བདེན་དོན་དང་གྲངས་ཉུང་མི་རིགས་ཁག་ལ་མི་རིགས་འདྲ་མཉམ་དང་ཐོབ་ཐང་འདྲ་མཉམ། ཆོས་དད་རང་དབང་དང་སྨྲ་བརྗོད་རང་དབང་། ད་དུང་སྤྱི་ཚོགས་ཀྱི་གནས་སྟངས་ལྷིང་འཇགས་དང་འཛམ་གླིང་ཞི་བདེ་ཅན་ལ་བསྒྱུར་རྒྱུ་དེ་འཇམ་རྩུབ་གཉིས་ཀྱི་ལམ་ཀར་བརྒྱུད་དེ་ཁས་ལེན་གྱི་གན་རྒྱའམ་དམ་བཅའ་ཡང་དག་ཅིག་འཇོག་ཏུ་འཇུག་པའི་དུས་ལ་སླེབ་ཡོད།
འདི་ལྟ་བའི་ཛ་དྲག་གི་གནས་སྟངས་འདིས་ང་ཚོ་ལ་རྣམ་པ་ཅི་ཞིག་གསལ་བཤད་བྱེད་ཀྱིན་ཡོད་པ་རེད་ཟེར་ན། འདས་པའི་ལོ་ངོ་དྲུག་ཅུ་ལྷག་གི་རིང་འཛམ་གླིང་གི་ཡུལ་གྲུ་ཁག་དང་བོད། གྲངས་ཉུང་མི་རིགས་ཚོར་རྒྱ་དམར་གཞུང་གིས་ལས་ངན་པ་ཏག་ཏག་བྱས་རྐྱེན་གདུག་རྩུབ་ཅན་གྱི་གཡོ་སྒྱུ་ཁྲམ་གསུམ་སྔར་ལས་ལྷག་པར་སྟོབས་ཤུགས་ཇེ་ཆེར་སོང་སྟེ། ད་ལྟ་རྒྱལ་སྤྱིའི་སྟེང་ལ་ཧམ་བཤད་ཀྱིས་གོམས་པ་སྤོ་འགོ་རྩོམ་པའི་བློ་ཁོག་ལྡན་ཡོད་པའི་སྟེང་། ཛ་དྲག་ཆེ་བའི་རྒྱལ་སྤྱི་རང་བཞིན་གྱི་གཟུགས་མེད་ནད་དུག་གི་གཡུལ་འཁྲུགས་འདི་ཡང་རྒྱ་དམར་གཞུང་གིས་སྤེལ་བས། རྒྱལ་སྤྱིའི་སྤྱི་ཚོགས་ཀྱིས་རྒྱ་དམར་གཞུང་གི་ཉེས་སྤྱོད་མཐའ་དག་རྒྱ་ཡན་དུ་མི་གཏོང་བར་བཀག་བསྡོམས་ཀྱིས་ཉེས་ཆད་དྲག་པོ་བཅད་དེ་རྒྱ་དམར་གཞུང་དམངས་གཙོ་ཅན་དུ་བསྒྱུར་དགོས་པའི་དུས་ལ་སླེབས་ཟིན་པ་དེ་ཡིན།
སྤྱི་ལོ་༢༠༢༠ཟླ་༠༥ཚེས་༡༩ཉིན།
རྒྱ་དངུལ་བླངས་ན་རྒྱལ་ཁབ་ཕུང་།
དུས་རབས་ཉི་ཤུ་པའི་འགོ་སྟོད་ནས་ཧན་མི་རིགས་ཀྱི་འགོ་དཔོན་ཚོས་ཞི་དྲག་གཉིས་ཀྱིས་བོད་ཀྱི་བླ་ཆེན་མི་ཆེན་ཚོར་རྡ་ཡང་དང་། རྒྱུ་དངོས་གང་འཚམ་སྤྲད་དེ་མགོ་སྐོར་བཏང། རིམ་པས་བོད་ཀྱི་ས་ཁོངས་ཡོངས་རྫོགས་རྒྱ་ཡི་བདག་དབང་དུ་བསྒྱུར།
59 ལོར་༧གོང་ས་མཆོག་དང་མི་དམངས་མང་དག་རྒྱ་གར་ནང་བཙན་བྱོལ་དུ
ཕེབས་ཏེ་བོད་ཀྱི་སྒྲིག་འཛུགས་ཤིག་འཛུགས་ཐུབ་པ་བྱུང་་ཡོད།
དུས་ཚོད་རིམ་པས་འགྲོ་དུས་གུང་ཁྲན་དང་། གོ་མིན་གཉིས་ནས་བོད་སོག་ལས་ཁུངས་རྒྱུད་ནས་་དངུལ་མང་དག་བཀྲམ། དེས་རྐྱེན་བྱས་ཏེ་བཙན་བྱོལ་ནང་བརྡབ་གསིག་གང་འཚམ་བྱུང་། དེ་དག་རིམ་པས་ཐག་གཅོད་བྱུང་ཡང་། བསྐྱར་དུ་གུང་ཁྲན་སྲིད་གཞུང་གི་དོལ་རྒྱལ་ཚོཊ་པ་འཛུཊ་དགོས་པའི་ནུས་སྟོབས་སྤེལ་བའི་ཐོག་དེའི་འགྲོ་སོང་ཡོངས་རྫོགས་བཏང་བས་ཕུགས་བསམ་མེད་པའི་བོད་འདྲེ་མང་པོས་བཙན་བྱོལ་ནང་མི་བསད་རྙོག་ཟིང་མང་དག་བཟོས་ཟིན།
༢༽ ཡང་ལོ་ཤས་གོང་ནས་གུང་ཁྲན་གཞུང་གིས་རྒྱུད་གཅིག་ལམ་གཅིག་གི་འཛམ་གླིང་ཧྲིལ་པོ་དབང་དུ་བསྡུ་རྒྱུའི་ངན་སེམས་ཀྱིས་གློག་ཁང་གསར་རྒྱག་དང་། གཞུང་ལམ་བཟོ་བའི་ལས་ཀ་འགོ་བཙུགས་པས་ད་ཆ་མི་རིགས་ནག་པོའི་ལུང་པ་
ཁ་ཤས་དང་། ཤར་ཕྱོགས་རྒྱལ་ཁབ་ཁ་ཤས་བུ་ལོན་འོག་ཚུད་དེ་རང་གི་གླིང་ཕྲན་ཆུང་ངུ་དང་། གཏེར་ཁ་ཐོན་ཡུལ་དག་བོགས་གཏར་འཇོག་དགོས་ཐུག
༣༽ དེ་སྔའི་ཨ་རིའི་སྲིད་འཛིན་ཁི་ལིན་ཊན་དང་། ཨོ་བྷ་མ། དེ་བཞིན་ཨ་རིའི་བཟོ་ཚོང་ཆེ་ཁག་སྟེ། ཨ་རིའི་གློག་བརྙན་ཚན་པ། ཀུ་ཤུ་བཟོ་ཚོང་ཁང་།
འགུང་གྷལ་བཟོ་ཚོང་ཁང། མཐོ་སློབ་་སོགས་པས་རྒྱ་དངུལ་མང་དག་བླངས་པས་
ད་ཆ་ཨ་རིའི་ནང་གུང་ཁྲན་གྱིས་ནུས་པ་ཆེར་སླེབས་ཡོད།
༤༽ ད་ཆ་ཊོམ་གཞུང་སྲིད་ཁང་ནས་དེ་དག་ལ་གདོང་ལེན་ཆེར་གནང་དགོས་དུས་དཀའ་ངལ་ཆེན་པོ་ཡོད། བློ་སྟོབས་དང་། ཁ་རི་ཁ་ཐུག ཤོད་ཕོད་པའི་
ཨ་རིའི་ལས་ཐོགས་སྲིད་འཛིན་ཊོམ་གྱིས་རྒྱ་དངུལ་གང་ཡང་མ་བླངས་པར་ཇག་ཚོཊ་ལ་ཁ་གཏད་དྲག་པོ་གཅོག་བཞིན་ཡོད། འདི་ནི་ཨ་རིའི་མི་དམངས་ཀྱི་ཕུགས་ལ་ཕན་པའི་བྱ་བ་ཞིག་ཡིན། ཡང་སྟབས་མི་ལེགས་པར་བྷ་རག་ཨོ་སྷ་མས་ལོ་བརྒྱད་རིང་གང་ཡང་མི་འཇོན་པར་ད་ལྟ་་ཊོམ་ལ་སྐྱོན་འཛུགས་དང་། འཇོ་བྷེ་ཊེན་ཕྱོགས་ཁག་ནས་དངུལ་ཏོག་ཙམ་འཐོབ་རྒྱུའི་འབད་བརྩོན་བྱེད་པ་ནི་ཆུའི་ནང་གི་ཟླ་གཟུགས་ལེན་པ་དང་མཚུངས།
༥༽ འཛམ་གླིང་འཕྲོད་བསྟེན་འགན་འཛིན་ལ་རྒྱ་་ཕྱོགས་ནས་རྒྱ་་དངུལ་གང་འཚམ་སྤྲད་པར་བརྟེན་རྒྱ་ཡི་འདོད་པ་ལྟར་གནས་ཚུལ་ཕྱི་གསལ་ནང་གསལ་བཟོ་མི་ཐུབ་ལ་གོ་ལོག་ཅན་དང་། ལམ་སྟོན་ནོར་བ་སོགས་ཀྱིས་ཡོངས་ཁྱབ་གསལ་བསྒྲགས་བྱས་པ་དེས་འཛམ་གླིང་མི་དམངས་འབུམ་ཕྲག་ལྷག་འཆི་བ། ས་ཡ་མང་པོ་ནད་ཀྱིས་མནར་བ། ལས་མེད་དུང་ཕྱུར་མང་པོ་ཆགས་པ་བཅས་དཀའ་་ངལ་ངང་ལྷུངས་སུ་བཅུག ད་དུང་གུང་ཁྲན་གྱིས་རིམས་ནད་སྐབས་ལས་དོན་ཡག་པོ་སྒྲུབ་ཀྱི་ཡོད་པའི་སྐད་ཆ་ཡང་བཤད་ཡོད། གང་ལྟར་འཛམ་གླིང་འཕྲོད་བསྟེན་
སྒྲིག་འཛུགས་ཀྱི་འགན་འཛིན་དང་། ལས་རོགས་དེ་ཚོས་འཛམ་གླིང་གི་ལས་དོན་མི་སྒྲུབ་པར་རྒྱ་མིའི་ལས་དོན་སྒྲུབ་བཞིན་པ་ནི་ང་ཚོས་འདི་ལོ་མཐོང་ཡོད།
༦༽ ཡོ་རོབ་རྒྱལ་ཁབ་ཚོར་རྒྱ་ནད་འདིས་རྐྱེན་པས་དཀའ་ངལ་ཆེར་འཕྲད་ནའང་
ད་ཆ་་ཁ་བཙུམ་ནས་ལྷོད་པོར་སྡོད་པ་ནི་རྒྱ་དངུལ་ལ་དགའ་དྲག་པས་རེད།
ལོ་ངོ་ཉི་ཤུའི་རྗེས་ཡོ་རོབ་གནས་སྟངས་ཡོངས་རྫོགས་རྒྱ་མིའི་བཀོད་ཇུས་འོག་འགྲོ་རྒྱུར་ཐེ་ཚོམ་མེད། དེ་དུས་འགྱོད་ཀྱང་ཕྱི་དྲགས་པ་རེད།
༧༽ གུང་ཁྲན་ཏང་ལ་ལྷ་ཆོས་མེད་ལ། མི་ཆོས་དེ་བས་མེད་པས་བྱམས་པ་དང་། བརྩེ་བ། སྙིང་རྗེ། བསམ་ཤེས། དྲིན་དྲན། ངོ་ཚ་དེ་དག་མེད་དུས་གཙོ་བོ་
ཨ་རི་དང་། ཡོ་རོབ་་རྒྱལ་ཁབ་ཁག་གི་དཔལ་འབྱོར་ཉམས་རྒུད་གཏོང་ཡག་་དེ་གུང་ཁྲན་གྱི་དམིགས་ཡུལ་དང་པོ་དེ་ཡིན།། དེང་་ཨ་རི་གཙོ་བོར་གྱུར་པའི་ནུབ་ཕྱོགས་པ་རྣམས་དེང་རབས་དམག་གིས་གཏོར་མི་ཐུབ་པས་འུ་ཐུག་ཐབས་ཟད་ཀྱིས་ནད་ཡམས་འདི་་་༢༠༡༩ ལོར་འཛམ་གླིང་དུ་བཀྲམས། ད་ཆ་ཁོ་ཚོའི་བསམ་དོན་དང་པོ་དེ་འགྲུབ་ཡོད།
འཛམ་གླིང་རྒྱལ་ཁབ་ཚང་མས་རྒྱ་མིར་ཕྱོགས་གང་སྤྱིའི་ཐད་ནས་གནོན་ཤུགས་ཆེན་པོ་ཞིག་སྤྲོད་མ་ཐུབ་ཚེ་ནད་ཡམས་འདི་བསྐྱར་དུ་གཏོང་རྒྱུར་ཐེ་ཚོམ་མེད།
༨༽ མི་ཚང་མ་རྒྱུ་དངོས་ལ་དགའ་པོ་ཡོད་ཀྱང་། དགའ་སྟངས་ཤེས་དགོས།
དགའ་སྟངས་མ་ཤེས་ན་བོད་དང་། ཡུ་གུར་བའི་གནས་སྟངས་ལ་ཕྱིར་མིག་བལྟས་ན་ཤེས་ཐུབ། ད་ནི་གུང་ཁྲན་ཏང་འབུར་འཇོམས་བྱེད་ཡག་དུས་ལ་བབ་འདུག
མགོ་སེར་ཚོ། གཉིད་ལས་སོད་ཅིག ངེས་པར་དུ་ལོངས་ཤིག །