ཡི་གེར་བཀོད་པ་པོ། མགལ་དུམ།

(ཀླུ་ཆུ་མི་མང་གིས་ཀླུ་ཆུ་མི་དམངས་སྲིད་གཞུང་ལ་དཀའ་ངལ་སྙན་ཞུ་བྱེད་བཞིན་པའི་བརྙན་རིས་སྐར་མ་གཉིས་དང་སྐར་ཆ་ང་དགུ་ཅན་ཞིག་ཡི་གེར་བཀོད་པ)

སྐད་ཆ་བཤད་མཁན་གཉིས་སུ་ཡིན་མི་ཤེས་པས་ཀ་བ་དང་ཁ་བ་ཞེས་འབོད་ཆོག་པར་ཞུ།

ཀ་བ། ༽ཨ་རོ། འདི་རུ་(མི་དམངས་སྲིད་གཞུང་ཁང་)འདི་འདྲའི་མི་མང་པོ་ཞིག་བསྡད་འདུག་པ་དེ་ཅི་ཞིག་མ་འགྲིག་པ་རེད་ཅེས་ཐེངས་གཉིས་ལ་ཁ་བ་ལ་དྲིས་མཐར།
ཁ་བ།༽ ས་འདི་མི་མང་སྲིད་གཞུང་ཁང་རེད། དེ་ཚོ་སློབ་མ་དང་སློབ་མའི་ཁྱིམ་བདག་རེད། ཁ་སང་སློབ་མ་ཚོས་རྒྱུགས་(ཡིག་ཚད)སྤྲད་དུས་རྒྱུགས་ཤོག་རྫུན་མ་བཙོངས་པ་སོགས་གནས་ཚུལ་བྱུང་འདུག་ལ།

དེ་ལས་མང་བ་། “ཀླུ་ཆུ་མི་མང་གི་སྐད་ཆ།” »

རྡོ་རྗེ་རིན་ཆེན།
༡
ཁོང་དང་ཁོང་གི་བུ་རབས་ཚ་རྒྱུད་རྣམས་ཀྱིས། ཡ་གླིང་གི་གནམ་ས་དབང་དུ་བསྡུས་ཤིང། རྟུལ་ཕོད་ཀྱི་མདུང་མོ་ཡོ་རོལ་གླིང་དུ་གཏད་མྱོང་བ། ཁྱོད་ཀྱིས་གོ་འེ་མྱོང་།
༢
ཁོང་ནི་བཙན་པོ་གཉའ་ནས་གནོན་མཁན་གྱི་བཙན་འཛུལ་བ་ཡ་མེད་ཅིག་དང་། གནའ་བོའི་ཁན་ཐེ་(Khentii mountain)རི་བོའི་ཉེ་ཞབས་ན་འཚོ་བའི་དམུ་རྒོད་ཀྱི་སོག་པོ་མི་རིགས་ལ། བླ་ན་མེད་པའི་རྒྱལ་ཁམས་དང་། ཁྲིམས་ཀྱི་ལྕགས་རི་བསྐོར་མཁན་དེ་ལགས།

དེ་ལས་མང་བ་། “ཇིང་གར་རྒྱལ་བོ།” »

ཁྲི་རལ་པ་ཅན།

འཇིག་རྟེན་འདིར་རྒྱལ་ཁ་ཐོབ་དགོས་ན་སྤྱོད་པ་ངན་པ་མང་ཙམ་ཤེས་དགོས།

ང་ཚོ་མི་རྣམས་རྩ་བའི་བདེ་བ་འདོད་པ་དང་སྡུག་བསྔལ་མི་འདོད་པ་ཞེ་གཅིག་ཡིན་གཤིས། ནམ་རྒྱུན་ཆོས་སྲིད་ཀྱི་འགོ་ཁྲིད་སུ་རུང་གིས་མི་ཡ་རབས་སྤྱོད་བཟང་གནང་དགོས་པ་མང་ཙམ་གསུང་གིན་ཡོད་ནའང་། དོན་དངོས་པོའི་གནས་ཚོད་ལ་ང་ཚོའི་སྤྱི་ཚོགས་གང་གི་ནང་མཐོང་ཆོས་སུ་གྱུར་པ་ནི། མི་འཇོན་པོ་དང་རྒོད་པོ། དབང་ཅན་དང་འབྱོར་ལྡན། དགྲ་འདུལ་གཉེན་སྐྱོང་སོགས་འཇིག་རྟེན་གྱི་བྱ་བ་ཡོངས་རྫོགས་ལེགས་པར་གྲུབ་བསྡད་པ་དང་གནས་བཟོད་བདེ་བསྡད་པ་མང་དག་ཅིག

དེ་ལས་མང་བ་། “སྤྱོད་པ་ངན་པ་མང་ཙམ་བསླབ་ན་དགའ།” »

བདེ་པོ་འཚོས།

 
དུས་ཀྱི་འགྱུར་ལྡོག་དང་བསྟུན་ནས་ཕྱིའི་དངོས་པོ་ཉིན་རེ་ནས་ཉིན་རེར་འགྱུར་ལྡོག་དང་གོང་འཕེལ་འགྲོ་བཞིན་པ་མཐོང་དུས་ཡིད་མགུ་བ་ཞིག་རེད་ལ། ཤེས་བྱ་ཡི་སྟེགས་བུ་འདྲ་མཉམ་དུ་གཏད་ཡོད་པ་ནི་དེ་བས་ཀྱང་དགའ་འོས་པ་ཞིག་རེད་མོད། འོན་ཀྱང་ད་དུང་རྒྱལ་ཁབ་ཕྱི་ནང་གང་དུའང་དེའི་དབར་ན་སྟོང་ཆ་ཆེན་པོ་ཞིག་ལྷག་འདུག་སྙམ། དེ་ནི་གནའ་ནས་ད་བར་མྱངས་པའི་བུད་མེད་ཀྱི་ལས་དབང་དེ་རེད། དེ་ཡང་སྤྱི་ཚོགས་ཀྱི་ཁོར་ཡུག་ནས་ཕམ་ཁ་ཉོ་བ་གཅིག་པུ་མ་ཡིན་པར་དེ་ནི་དཔལ་འབྱོར་འགྲན་རྩོད་ཁྲོད་ནས་ཕམ་ཁ་ཉོས་པ་དེ་ཡིན།

དེ་ལས་མང་བ་། “དངུལ་གྱི་དབང་བསྒྱུར་ཁྲོད་ནས་ཁྱེད་ཕམ་དགོས་དོན་ཅི།” »

དབང་ཆེན་ཚེ་རིང་། (རྒྱང་མིག་གིས་འོས་སྦྱོར་བྱས།)

 
ནང་དོན་གནད་བསྡུས། གཡང་ནི་བོད་ཀྱི་རིག་གནས་སུ་གནས་པའི་ཐུན་མིན་གྱི་སྣང་ཚུལ་ཞིག་ཡིན་ཞིང་། གཡང་འགུགས་པའི་ཚིག་གམ་གཏམ་ཡང་ཕུན་སུམ་ཚོགས་པོར་ལྡན། འདིར་གཡང་དང་འབྲེལ་ཏེ་བོད་ཀྱི་ཆོས་ལུགས་ཆོ་ག་དང་ཡུལ་སྲོལ་ཁག་ཅིག་རང་བློས་གང་དཔོག་གིས་ངོ་སྤྲོད་ཀྱི་ཚུལ་དུ་གླེང་ཡོད།

གཡང་ཞེས་པའི་ཐ་སྙད་འདི་ང་ཚོས་དུས་རྒྱུན་གྱི་འཚོ་བའི་ཁྲོད་མང་དུ་ཐོས་ཀྱིན་ཡོད་ལ། བོད་མི་ཞིག་ཡིན་ཕྱིན་དེ་དང་ནམ་ཡང་ཁ་འབྲལ་དུ་མེད་པ་ཞིག་ཡིན།

དེ་ལས་མང་བ་། “གཡང་དང་འབྲེལ་ཏེ་བོད་ཀྱི་ཆོ་ག་དང་ཡུལ་སྲོལ་འགའ་གླེང་བ།” »