Archive for the ‘བགྲོ་གླེང་།’


ལོག་པར་རྟོག་པ་དགུ་སྒྲིལ་གྱི་མདུད་ལོག་ཅིག་བཀྲོལ་བ།

བོན་རྒྱ་བསྟན་འཛིན་རབ་རྒྱས། ༼ ཤེད་བུ། ༽
 
བསྟན་སྲུང་བ་ཅན་གྱི་<<དགའ་ལྡན་ཕོ་བྲང་གི་བཀའ་ཤོག་ལ་དཔྱད་པ་ནག་པོ་དགུ་སྦྱོར་>>ལ་བསྟབས་པ།

བློ་རབ་བློ་ཡི་ཉིན་བྱེད་རྡོ་རྗེ་ཐེག །
ཆེས་ཆེར་གསལ་མཛད་རྒྱལ་བ་རྡོ་རྗེ་འཆང་། །
རྒྱལ་མཆོག་བསྟན་འཛིན་རྒྱ་མཚོར་གསོལ་བ་འདེབས། །
གསང་གསུམ་རོ་གཅིག་འགྱུར་བར་བྱིན་གྱིས་རློབས། ། (more…)

མཁས་དབང་ནམ་མཁའི་ནོར་བུ་ལ་བོན་དྲིས་པ།

རྫ་ཚེ་རིང་བཀྲ་ཤིས།

གླེང་གཞི།

༢༠༡༡ཟླ༤ཚེས་༨ཉིན། ཁོ་བོ་ཐའེ་ཝན་གྱི་རྒྱལ་ས་ཐའེ་པེའི་གྲོང་ཁྱེར་ལྟེ་བའི་བཞུགས་གནས་མགྲོན་ཁང་དུ་མཁས་དབང་ནམ་མཁའི་ནོར་བུ་མཆོག་གི་མདུན་དུ་ཆེད་བཅར་ཞུ་རྒྱུའི་གོ་སྐབས་བྱུང་ཞིང་། བཀའ་མོལ་ཡང་མང་པོ་ཞིག་ཡར་ཞུ་ཕྱིར་གསུངས་བྱས། སྐབས་དེར་སྐད་ཆའི་ནང་དོན་སྒྲ་འཇུག་ཏུ་ཡོད་པ་ཁག་ནམ་མཁའི་ནོར་བུས་གསར་རྙིང་གི་བོན་གླེང་བ། ནམ་མཁའི་ནོར་བུས་རང་ཉིད་ཀྱི་འདས་སོང་དྲན་པ། ནམ་མཁའི་ནོར་བུས་ཉེ་དུས་ཀྱི་ཕྱག་ལས་བརྗོད་པ་སྟེ་དོན་ཚན་གསུམ་དུ་བགོས་ནས་ཡི་གེར་བཀོད་པ་ཡིན་ལ། ཉེ་ཆར་དྲ་ཐོག་ཏུ་དུམ་ཚན་དང་པོ་ཙམ་ཞིག་འགྲོ་བཞིན་འདུག་མོད། དེ་ཡང་ཕྲིན་སྟེགས་འགའ་ཞིག་གིས་ (more…)

ཁྱིམ་སྡོད་སྐབས་ཀྱི་སྙན་ངག་པའི་འཆར་སྣང་།

ཀླུ་སྨྱོན།

ང་ཡོད་སའི་ཝ་ཞིང་ཁྲོན་ཞིང་ཆེན་སྲིད་གཞུང་གིས་ཁྱིམ་སྡོད་བཀའ་རྒྱ་དེ་ཟླ་ལྔ་བའི་ཟླ་མཇུག་བར་དུ་རྒྱུན་སྲིང་བྱེད་རྒྱུའི་ཐག་གཅོད་བྱས་སོང་། དེ་རིང་ཞོགས་པར་ཉི་མ་ཤར་བ་དང་ཉིན་གུང་རྗེས་སུ་ཆར་བ་བབས། ཁང་པའི་ཐོག་སྟེང་དུ་ཆར་ཐིགས་ལྷུང་བའི་སྒྲ་སྣ་ཚོགས་ཐོས། ང་ཕལ་ཆེར་ཟླ་བ་གཉིས་ཀྱི་རིང་ལ་ཕྱི་སྒོའི་ཐེམ་པ་མ་བརྒལ། རང་སློབ་ཚོའི་བཀའ་དྲིན་གྱིས་ཟ་མ་སྣ་ཚོགས་བསྐྱལ་ཡོང་ནས་ཟོས་མི་ཚར་བའི་ཚད་དུ་འདུག སྔོ་ཚལ་ཁ་ཤས་བཟའ་ཁོམ་མ་བྱུང་བར་རུལ་འདུག
ཁྱིམ་སྡོད་འདིའི་སྐབས་སུ་དཔེ་ཆ་མང་པོ་ཞིག་བཀླགས་པ་ཡིན། (more…)

ཨེམ་རྗེ་ཁྱུ་གསར་རྣམ་རྒྱལ་ལགས་སུ་ཏོག་སྲིན་ནད་ཡམས་དང་འབྲེལ་བའི་མུ་འབྲེལ་བཅར་འདྲི། ༼གཉིས་པ།༽

བསྟན་འཛིན་ཚེ་དཔག ༼བྱང་ཨ་རི༽
 
དྲི་བ་གཉིས་པ། ཏོག་སྲིན་ནད་པར་ནད་རྟགས་འདྲ་མི་འདྲ་མང་པོ་ཡོང་གི་འདུག དེར་བོད་ཀྱི་གསོ་བ་རིག་པའི་སྒོ་ནས་དང་ཁྱེད་རང་གི་ངོས་ནས་ངོས་འཛིན་དང་འགྲེལ་བཤད་གང་འདྲ་གནང་གི་ཡོད་དམ། དེ་ནས་གསོ་བཅོས་ཀྱི་ཐབས་ཤེས་གང་དང་གང་བསྟེན་དགོས་པའི་ཐད་ནས་ལམ་སྟོན་ཅིག་གནང་རོགས། 
ཨེམ་རྗེ་རྣམ་རྒྱལ་ལགས་ཀྱི་བཀའ་ལན། བོད་ཀྱི་གསོ་བ་རིག་པའི་ (more…)

ཨེམ་རྗེ་ཁྱུ་གསར་རྣམ་རྒྱལ་ལགས་སུ་ཏོག་སྲིན་ནད་ཡམས་དང་འབྲེལ་བའི་མུ་འབྲེལ་བཅར་འདྲི། ༼དང་པོ༽

བསྟན་འཛིན་ཚེ་དཔག ༼བྱང་ཨ་རི༽

ད་ལྟ་འཛམ་གླིང་གི་རྒྱལ་ཁབ་ཚང་མས་རྒྱ་ནག་ཝུའུ་ཧན་གྲོང་ཁྱེར་ནས་བྱུང་བའི་རིམས་ནད་འདི་ལ་འཐབ་འཛིང་བྱེད་བཞིན་པ་རེད། བརྒྱུད་རིམ་འདིའི་ནང་། བོད་ཀྱི་སྨན་པ་མཁས་མྱོང་ལྡན་པ་མང་པོས་གཞུང་ལུགས་འགྲེལ་བཤད་དང་། གཞུང་ལུགས་ལས་འཕྲོས་ (more…)

ཁ་བརྡ་ཞེས་པའི་དྲ་ཚིགས་འདིའི་ནང་།། རྩོམ་ཡིག་སུམ་བརྒྱ་བརྒྱད་ཅུ་སྤེལ་འདུག།

ཀླུ་སྨྱོན་ཧེ་རུ་ཀ

འཛམ་གླིང་བཟང་བཙོན་ཆེན་མོའི་སྐབས་སུ།།
ནང་ལ་འཛུལ་ནས་དེབ་མང་ཀློག་བཞིན།།
དྲ་ཚིགས་འདྲ་མིན་སྒོ་གླེགས་བརྡུངས་དུས།།
ཁ་བརྡ་དྲ་བ་མིག་སྔར་ཐོགས་སོང་།།
སྤྱི་ལོ་ཉིས་སྟོང་བརྒྱད་ནས་བཟུང་སྟེ།།
འདི་ལོ་ཉིས་སྟོང་ཉི་ཤུ་བར་གྱི།།
(more…)

གཞས་ཚིག་ལ་བརྒྱུས་པའི་གསེར་མདོག་གི་རྣམ་ཤེས།

ཀླུ་སྨྱོན།
འཛམ་གླིང་བཟང་བཙོན་ཆེན་མོའི་སྐབས་འདིར་ཁོ་བོ་རང་ཤག་གྲུ་བཞིའི་ནང་འཛུལ་ནས་སྡོད་སྐབས། བོད་ནང་གི་སྐད་འཕྲིན་དྲ་ཚོམས་ཤིག་གི་ཚོགས་གཙོའི་སྐུལ་མ་བཞིན། གཞས་ཚིག་ལ་བརྒྱུས་པའི་གསེར་མདོག་གི་རྣམ་ཤེས་་་ཞེས་པའི་བོད་ཀྱི་མགུར་གླུ་དང་གཞས་ཚིག་གི་གནའ་དེང་འཕེལ་རིམ་ངོ་སྤྲོད་རང་སེམས་ལ་གང་ཤར་བ་དེ་ཐོལ་བྱུང་དུ་ཆུ་ཚོད་གཉིས་རིང་གི་གཏམ་བཤད་ཅིག འདིར་ཁ་བརྡའི་དྲ་གྲོགས་བཟང་བཙོན་པ་ཁྱེད་ཅག་ལ་རེ་ཞིག་གི་བཙོན་གདུང་སེལ་ཕྱིར་ཕུལ་ཡོད་པས། ཐུགས་དང་འཚམ་པའི་སྨོན་འདུན་ཞུ། དྲ་ཐག་འདི་སྤྱད་ནས་གསན་རོགས་ཞུ།
https://mp.weixin.qq.com/s/rOg4uT10ujMDC_vhaymmuA

ཁ་སང་གི་མཐོང་ཐོས།

རོང་བོ་ཐང་དཀར།

ཁ་སང་ནི་སྤྱི་ཟླ་༣་པའི་ཚེས་༡༧ ཏེ། ཨེར་ལན་ཀྲི་ཡི་མགོན་སྐྱབས་སན་ཕའེ་ཁྲི་རིས་ཁི་(Saint Patrick)སྐུ་གཤེགས་པའི་རྗེས་དྲན་ཉིན་མོ་རེད། ནུབ་ཕྱོགས་པ་མང་བོ་ཞིག་ལ་མཚོན་ན། ཉིན་མོ་འདི་ནི་ཆོས་ལུགས་དང་རིག་གཞུང་གཉིས་ཀའི་ངོས་ནས་དུས་ཆེན་ཞིག་རེད་ཟེར་ལ། དུས་རབས་བཅུ་བདུན་པའི་སྐབས་ནས་ཉིན་མོ་འདི་གཞུང་འབྲེལ་གྱི་དུས་ཆེན་ཞིག་ཏུ་བརྩིས་ཏེ། ཆོས་ལུགས་ཀྱི་མི་སྣ་གཙོས་གཞུང་འབྲེལ་གྱི་མི་སྣ་མང་བོ་ཞིག་གིས་ཁྲོམ་སྐོར་བྱས་ནས་དུས་ཆེན་འདི་ (more…)

ཨ་ཁུ་བོད་པ་རྗེས་སུ་དྲན་པ།

ཆུ་རླངས་འབྲུག་བྱམས།

ཨ་ཁུ་བོད་པའམ་ཆུ་སྐྱེས་ཨ་ཁུ་བོད་པ༼ ཚེ་བརྟན་རྡོ་རྗེ༽ དམ་པ་དེ་ནི་མི་གཤིས་དྲང་ལ། སྤྱི་སེམས་ཆེ། བོད་མི་རིགས་ཀྱི་ལ་རྒྱ་ནི་དེ་བས་ཀྱང་ཆེ། ང་ཚོའི་སྡེ་མི་དང་ངེད་གྱི་ཕ་ཡུལ་ཕྱོགས་ཀྱི་མི་རྣམས་ནས་ཚེ་བརྟན་རྡོ་རྗེ་དམ་པ་དེ་ཉིད་ལ་ཨ་ཁུ་བོད་པའམ་ཆུ་སྐྱེས་ཨ་ཁུ་བོད་པ་ཞེས་འབོད་པ་ལས་ཁོང་གི་མཚན་དངོས་ཤེས་མཁན་ཧ་ལམ་མེད། ཕྱག་གཉིས་ལག་རྟེན་ལ་ཁེན་ནས་འགྲོ་མཁན་ཨ་ཁུ་བོད་པས་ (more…)

སྤྲིན་བྱེའུ་མགོ་ཙམ་ཞིག་མེད་ས་ནས། ཐོག་སྟ་རེ་ཙམ་ཞིག་ལྷུང་འདིས་སྐྱོ།

ཀླུ་སྨྱོན་སྣ་ཚོགས་རང་གྲོལ།

ཕུ་བོ་དགེ་བཤེས་ཡེ་ཤེས་བཟང་པོའི་འདས་མཆོད་དུ།

“སྒྱུ་མ་དང་སྒྱུ་མ་མི་འདྲ། ངའི་བུ་དེ་སྒྱུ་མའི་ནང་གི་སྒྱུ་རྒོད་ཅིག་ཡིན།”
-སྲས་དར་མ་མདོ་སྡེ་འདས་རྗེས་ཀྱི་སྒྲ་སྒྱུར་མར་པའི་གདུང་ཚིག
(ནུ་བོས་དོ་ནུབ་ཕུ་བོའི་སྐར་མ་ཡིན་ཞེས་བརྗོད་པ་ན། ངའི་སེམས་ (more…)

ཨ་སྐྱབས་རྒྱལ་སྲས་ཚང་གིས་རང་གྲོལ་གྱི་སྙན་ངག་ཇི་ལྟར་བྱོན་ཚུལ་བཀྲལ།

གྲལ་ཟུར་དགུ་རོང་སྤུན་གྲོལ། (རོང་བོ་ཐང་དཀར་གྱིས་འོས་སྦྱོར་བྱས།)

<<འདི་ནའང་དྲག་ཏུ་མཆོང་ལྡིང་བྱེད་བཞིན་པའི་སྙིང་གསོན་པོ་ཞིག་འདུག>>ཅེས་པའི་སྙན་ངག་དེ་ཇི་ལྟར་བྲིས་པ་དང་ཇི་ལྟར་སྤེལ་པའི་ཐད་ནས་སྐད་འཕྲིན་བརྒྱུད་ཨ་སྐྱབས་རྒྱལ་སྲས་ཚང་ལ་བཅར་འདྲི་བྱས་པ།

མཚམས་སྦྱོར། བཅར་འདྲི་ཞུ་ཡུལ་ནི་མཚོ་སྔོན་མི་རིགས་སློབ་ཆེན་གྱི་གྲངས་ཉུང་མི་རིགས་སྐད་ཡིག་སྡེ་ཁག་གི་གྱ་བཞི་ལོའི་འཛིན་གྲྭའི་སློབ་མ་ (more…)

གསང་སྔགས་ལ་ཧེབ་ལངས་རྒྱུ་རེ་ཞིག་ངལ་གསོས་ཏེ་སླར་ཡང་མདོ་ཡི་ཞབས་ལ་གཏུག་ཡོད།

རི་སྤྱང་ཁེར་འགྲོ།

ཕྲན་རང་སློབ་འབྲིང་འགྲིམས་དུས་སུ་སྐུ་དྲིན་ཅན་གྱི་དགེ་རྒན་རྣམ་གཉིས་ཏེ། གཅིག་ནི་འབྲིང་རིམ་དང་པོའི་དགེ་རྒན་འབྲོང་བུ་ཚེ་རིང་རྡོ་རྗེ་ཡིན་ལ། ད་ལྟ་ཁོང་ཞིང་གཞན་དུ་གཤེགས་ཟིན། གཞན་ནི། འབྲིང་རིམ་གཉིས་པ་དང་གསུམ་པའི་སློབ་དཔོན་དམ་པ་གཅན་རོང་བསྟན་འཛིན་ལགས་ཡིན།

ཁོང་རྣམ་གཉིས་ཀྱིས་བོད་ཡིག་འཁྲིད་དུས་ཁྱད་ཆོས་དམིགས་བསལ་ (more…)

ཨ་རིའི་རླུང་འཕྲིན་ཁང་ནས་དགེ་བཤེས་ཐུབ་བསྟན་སྤྱིན་པ་དང་མཉམ་དུ་རྗེ་རིན་པོ་ཆེ་དང་འབྲེལ་བའི་རྒྱལ་སྤྱིའི་མཁས་པའི་བགྲོ་གླེང་སྐོར་དྲི་བ་དྲིས་ལན།

ཡིག་གཏག་པ། རྔ་བ་དུག་ཚེར།
 
བྱེས་ཀྱི་གདན་ས་དགའ་ལྡན་རྣམ་པར་རྒྱལ་པའི་གླིང་དུ། དྲུག་བརྒྱའི་དུས་དྲན་དང་བསྟུན་རྗེ་རིན་པོ་ཆེའི་མཛད་འཕྲིན་དང་འབྲེལ་བའི་སྐོར་རྒྱལ་སྤྱིའི་མཁས་པའི་བགྲོ་གླེང་ཞིག་གོ་སྒྲིག་ཞུ་བཞིན་པའི་ཐད། གོ་སྒྲིག་ཚོགས་ཆུང་གི་ཚོགས་གཙོ་སྐུའི་གསུང་སྒྱུར་པ་དགེ་བཤེས་ཐུབ་བསྟན་སྤྱིན་པ་ལགས་སུ་ཨ་རིའི་རླུང་འཕྲིན་ཁང་ནས་ཡུལ་དེ་གར་བཅར་འདྲི་བྱས་པ་ཞིག་བརྙན་བརྒྱུད་ནས་མཐོང་བས། གལ་ཆེར་བརྩིས་དེ་མ་ཐག་ཡིག་ཐོག་ཏུ་གནད་བསྡུས་ (more…)

ཀུན་གླེང་ནས་རྗེ་རིན་པོ་ཆེའི་རྣམ་ཐར་གསར་རྩོམ་སྐོར་ནས་དགེ་བཤེས་ཐུབ་བསྟན་སྤྱིན་པ་ལགས་སུ་བཅར་འདྲི་བྱས་པ་ཞིག

རྔ་བ་དུག་ཚེར།

ཡིག་གཏག་པའི་གསལ་བཤད།

དགེ་བཤེས་ཐུབ་བསྟན་སྤྱིན་པ་ལགས་ཀྱིས་གསར་རྩོམ་མཛད་པའི་རྗེ་རིན་པོ་ཆེའི་རྣམ་ཐར་སྐོར་ལ་ཀུན་གླེང་ནས་བཅར་འདྲི་བྱས་པ་ཞིག་དྲ་ཐོག་བརྒྱུད་ནས་མཇལ་རྒྱུ་བྱུང་། ཁོང་གིས་བོད་ཀྱི་རིག་པའི་གནས་སྤྱི་དང་། ལྷག་པར་དུ་བོད་བརྒྱུད་ནང་བསྟན་དང་། བོད་བརྒྱུད་ནང་བསྟན་ཁྲོད་ཀྱི་མཁས་པ་ཚོར་ཆེ་མཐོང་ཞུ་སྟངས་སོགས་མཐོང་དུས། སེམས་ལ་དགའ་ཚོར་དཔག་ཏུ་མེད་པ་བྱུང་བ་མ་ཟད། བཅར་འདྲིའི་བརྒྱུད་རིམ་ཧྲིལ་པོའི་ནང་གལ་གནད་ཆེ་བའི་དོན་དག་མང་པོའི་ཐོག་དགོངས་ཚུལ་ལྷུག་པོར་གསུངས་ཡོད་སྟབས། (more…)

བོད་ཀྱི་གསོ་བ་རིག་པའི་རྡོ་རིང་།

ཉི་མ་ཚེ་རིང་།
 
ཁ་སྔོན་གྱི་སྐྱོ་ལྷང་ལྷང་གི་འཚོ་བ་དེ་ད་དུང་ཡང་ངའི་དྲན་ཤེས་ཀྱི་ཡོལ་བའི་ངོས་སུ་ལྷམ་མེར་མཆིས། ལོ་ངོ་བཅུ་ཕྲག་གཅིག་གི་སྔ་རོལ་ན་འཇིག་རྟེན་གྱི་སྟོན་པ་ཆེན་པོ་བཞུགས་སུ་གསོལ་བའི་གནས་མཆོག་གི་ཉེ་འཁྲིས་སུ་བོད་ཀྱི་གསོ་བ་རིག་པའི་དེད་དཔོན་ཆེན་པོ་ཁྱེད་ཉིད་མཇལ་བའི་སྐལ་བ་ཐོབ་ཅིང་། ལས་དོན་ཞིག་གི་སླད་དུ་ཚོུད་གང་ཙམ་རིང་ལྷོད་ (more…)

འཇམ་དབྱངས་གྲགས་པས་༸གོང་ས་མཆོག་ཞལ་ཞེ་མི་མཐུན་པ་བཟོས་པ།

རྩིབས་རི་རྒོད་ཕྲུག
 

ནང་དོན་གནད་བསྡུས།

ཉེ་ཆར་འཇམ་དབྱངས་གྲགས་པས་ལྡུམ་བུ་ཞེས་པའི་མིང་ཐོག་ཏུ་དཔལ་ལྡན་སྲིད་སྐྱོང་མཆོག་གིས་ནང་ཆོས་འཛམ་གླིང་ལ་ཁྱབ་སྤེལ་གཏོང་རྒྱུ་དེ་༸གོང་ས་མཆོག་གི་དགོངས་གཞི་ཡིན་ཚུལ་གསུངས་པ་དོན་དངོས་མིན་པ་ཤེས་བཞིན་དུ། ༸གོང་ས་མཆོག་གི་གསུང་དེར་དྲང་ངེས་ཕྱེས་ཏེ་དཔལ་ལྡན་སྲིད་སྐྱོང་མཆོག་གིས་གསུངས་པ་བདེན་པར་སྒྱུར་ཐབས་ཀྱི་རྩོམ་ཡིག་ཅིག་སྤེལ་འདུག་པར་གསལ་བཤད་ལན་འདེབས་བྱས་ཡོད།

གནད་ཚིག ཆོས་ལུགས་ཁྱབ་སྤེལ་སྔ་མ་དང་ཕྱི་མ། ཞལ་ཞེ་མི་མཚུངས་པ། (more…)

རྩིབས་རི་རྒོད་ཕྲུག་ཟེར་བས་༧གོང་ས་མཆོག་ལ་སྐུར་བ་བཏབ་པ།

ལྡོམ་བུ།
 
ཉེ་ཆར་རྩིབས་རི་རྒོད་ཕྲུག་ཟེར་བའི་༧རྒྱལ་བའི་བཀའ་ལ་ཚད་འཛིན་བྱེད་མཁན་ཞིག་གིས་དཔལ་ལྡན་སྲིད་སྐྱོང་མཆོག་གིས་གསུངས་པའི་འཆར་གཞི་ཆེན་པོ་དྲུག་ཅེས་པ་དེ་༧གོང་ས་མཆོག་གི་དགོངས་པ་མིན་ཚུལ་དང་། དེ་ནི་དཔལ་ལྡན་སྲིད་སྐྱོང་མཆོག་གིས་༧གོང་ས་མཆོག་གི་དགོངས་པ་ལ་སྒྲོ་སྐུར་ཞུས་པ་ཡིན་པར་མ་ཟད། ཁོང་ལ་མཛད་དཀའ་བཟོ་བ་ཡིན་ཚུལ་སོགས་ཉག་ཉོག་མང་པོ་ཞིག་བྲིས་འདུག་པ་ཁོང་དགོད་ཅིག་དང་ལྷན་ཡལ་བར་དོར་རྩིས་བྱས་ཀྱང་། མི་འདི་རིགས་ཀྱིས་༧གོང་ས་མཆོག་གི་དགོངས་པ་ལོན་མཁན་ནི་ཁོ་ཚོ་ལས་མེད་ཤག་དང་། གཞན་ཚོས་ཅི་ཞིག་བཤད་ཀྱང་ཁོ་ཚོའི་ལྟ་བ་དང་མ་མཐུན་ན་ (more…)

གནམ་ས་ཡོམ་པའི་རྣམ་ཤེས་ཀྱི་འགྲུལ་བཞུད་ཅིག

ཤེད་བུ།
 
གཏམ་ངན་དེ་ཐོས་པ་ནས་བཟུང་། བསམ་བློ་ཡང་ཡང་དེ་རུ་འཁོར་ཞིང་བསམ་ཞིང་བསམ་ཞིང་ཕངས་སེམས་དང་སྐྱོ་གདུང་གནོན་པར་དཀའ་བའི་ཚུལ་དུ་སླེབས། རྗེས་དྲན་གྱི་ཤོ་ལོ་ཀ་ཁ་ཤས་འབྲི་བསམ་ཡང་གང་ནས་མགོ་འཛུགས་དགོས་པའང་མི་ཤེས་པ་ལྟ་བུ་ཞིག་གིས་ད་བར་དུ་ལྷག ཡིན་ནའང་། ཕྱིར་རྟོག་གི་སྣང་བརྙན་མང་པོ་ཞིག་གློག་བརྙན་བཞིན་མིག་ལམ་ལ་འཚང་ཁས་བཅར་ནས་ཡོང་ཞིང་། འཆད་རྩོད་ཀྱི་གཤོག་ཟུང་རབ་ཏུ་རྒྱས་པའི་སྐྱེས་མཆོག་གང་གིས་ཕྲེང་བ་མགོ་ལ་བསྐོར་ནས་རྟགས་གསལ་གཏོང་བ་དང་། སྒྲ་དག་གསལ་གསུམ་དང་གོ་རིགས་ཟུང་ (more…)

གསེར་འོད་ཀྱིས་འཚེར་བའི་རྣམ་ཤེས་ལ་མིག་ཆུས་སྐྱེལ་མ་བྱེད་དུས།

སེར་བྱེས་དགེ་བཤེས་རོང་པོ་བློ་བཟང་སྙན་གྲགས།
————–

༄༅། །དམ་ཚིག་འོ་ཆུ་དཀར་པོ་གཞི་གཅིག་ཏུ་འཁྱིལ་ནས་ཡུན་རིང་འགྲོགས་ཤིང་འདྲིས་པའི་མཛའ་བཤེས་དམ་པ་ཡོངས་ཀྱི་དགེ་བའི་བཤེས་གཉེན་ཆེན་མོ་རྒན་འཇམ་དཔལ་བློ་ཤེས་མཆོག་གངས་རིའི་ལྗོངས་སུ་སྐུ་མཛད་ཆུ་བོའི་རྒྱུན་བཞིན་འཕེལ་སྐབས་གློ་བུར་དུ་ཞི་བར་གཤེགས་པར་ཡིད་གདུང་དྲག་པོས་མྱ་ངན་ཞུ།

༄༅། །བརྒྱད་ཁྲི་བཞི་སྟོང་གཏམ་གྱི་ཐོག་མཐའ་གཉིས། །
མི་རྟག་གཏམ་གྱི་ཆོས་ཚུལ་འདོམས་མཛད་ཅིང་། །
རྒུད་པ་རྣམ་བཞིའི་ཆོས་ཉིད་མངོན་གཟིགས་ཏེ། །
སྐྱེ་འཆིའི་རྩ་བ་གཅོད་མཛད་རྒྱལ་བ་མཁྱེན། །
(more…)

“མཚན་མོ་”བཀླགས་བྱང་ཐོར་བུ། དྲ་ལམ་ནས་བཏུས་པ།

ལྕགས་མོ་འཚོ་ལགས་ཀྱིས་ངོ་དེབ་ཏུ་སྤེལ་བ།

“རྒན་པདྨ་འབུམ་ལགས་ཀྱིས་བསྒྱུར་གནང་བའི་༼མཚན་མོ༽ཞེས་པའི་དཔེ་དེབ་གྲགས་ཅན་འདི་ལོ་24རྗེས་ནས་་བོད་ཡིག་ཀློག་མཁན་རྣམས་ཀྱི་སྤྱན་སྔར་བསྟར་ཐུབ་པ་བྱུང་བ་དང་།འགྱུར་བརྒྱ་རྩ་བརྒྱད་ཀྱི་འཕྲུལ་དེབ་ཐོག་མ་འགྲེམ་སྤེལ་གནང་བར་རྟེན་འབྲེལ་ཞུ།🌹🌹🌹🙏🙏🙏” 

པད་མ་མཚོ་ལགས་ཀྱིས་ངོ་དེབ་ཏུ་སྤེལ་བ།

“མཚན་མོ་ཞེས་པའི་དཔེ་དེབ་གྲགས་ཅན་དེའི་བོད་འགྱུར་མ་དངོས་སུ་འགྲེམས་སྤེལ་གནང་བར་དགའ་བ་ཆེན་པོ་དང་བཅས་བོད་སྒྱུར་བ་རྒན་པདྨ་འབུམ་ལགས་སུ་ཁ་དྲོ་བཀྲ་ཤིས་ཞུ།”

(more…)