ཁ་བརྡ།

ཁ་བརྡ།

Archive for the ‘བརྩམས་སྒྲུང་།’


ས་སྲོད་ཀྱི་གྲིབ་གཟུགས།

རྡེའུ། ༼སྔོན་མའི་འཕྲོས༽

བཞི་བ།

བདུན་ཕྲག་གཉིས་ནི་མིག་རྡེབ་ཙམ་གྱིས་ཆས་སོང་ཡང་། གུང་གསེང་སྐབས་ལ་ཁེལ་ཡོད་སྟབས་འབྲུག་རྒྱལ་ཁོང་རང་གི་ཁང་མིག་ནང་དུ་ཞོགས་པའི་ཉི་ཟེར་རྐུབ་ལ་ཤར་ནའང་དོ་སྣང་ཨེན་ཙམ་ཡང་མི་བྱེད་པར་ཁ་གདངས་ཤིང་གཉིད་དུ་ཡུར་འདུག ཁོའི་ཉེ་འགྲམ་དུ་གློག་བརྙན་ཞིག་མ་རྫོགས་པར་ད་དུང་འཆར་བཞིན་པ་ལ་བལྟས་ན་སུ་ཞིག་གིས་ལྟ་ཡི་ཨེ་ཡོད་སྙམ། ད་དུང་དུ་སྣེ་མང་པོ་གང་སར་གཡུགས་ཤིང་ཁྱིམ་ལ་ཐ་ནག་གི་དྲི་མ་ལས་མ་འདས། དེ་བཞིན་“དེབ་ཐེར་དཀར་པོ།”་ཞེས་པའི་ཅོག་ཙེ་སྟེང་གི་དཔེ་ཆ་དེའི་ཐོག་ཏུ་ཐ་མག་སྒམ་ཆུང་ཞིག་བཞག་ཡོད་ཅིང་དཔེ་ཆའི་ཤོག་སྣེ་ཅུང་ཙམ་ཚིག་ནས་ནག་པོ་ཆགས་འདུག Read the rest of this entry »

ས་སྲོད་ཀྱི་གྲིབ་གཟུགས།

རྡེའུ།
 

གསུམ་པ།

ཕ་ཡུལ་དུ་བསྡད་པའི་ཉིན་འགའི་རྗེས་སུ་ཕྱིར་སྤྱིར་རྒྱུགས་ཀྱི་མཇུག་འབྲས་ལྟ་རུ་ཡོང་། ཁོ་ཕྱིར་ཡོང་ཁར་ཨ་ཕ་རྡོ་གྲགས་ཀྱིས་ཁྱིམ་མཚེས་ཚང་ལ་ཡར་རྒྱུག་མར་རྒྱུག་བྱས་ནས་སྒོར་རྡོག་སུམ་བརྒྱ་གཡར་ཏེ་བཀྲ་ཤིས་སྐྱབས་ཀྱི་ལག་ཏུ་བཞག་ཅིང་དོན་མེད་ལ་མ་བརླག་ཅེས་ནན་བཤད་བྱས། ཁོས་དེ་ནི་རྐང་རྣམ་རྒྱབ་ཀྱི་གློ་ཁུག་ནང་བཅུག་དུས་ཁོའི་ཨ་མ་མཚོ་མོས་དེ་ནས་བརླག་འགྲོ་ཞེས་བརྗོད་པས་ན་འདུན་གྱི་སྒྲོག་གུ་ཅན་གྱི་གློ་ཁུག་ནང་དུ་བཞག་ཏུ་བཅུག
ཁོའི་ཨ་མས་ལྐོག་ནས་མོའི་སྐེ་རྒྱན་ཁོའི་ལག་ཏུ་བཞག་སྟེ་ད་ལོ་འུ་ཚང་ལ་བསྟུད་མར་ན་ཚ་འདྲ་ཡོང་བས་ན་ད་སྐབས་སྒོར་ཆད་བྱུང་བའི་དུས་ཤིག་རེད། Read the rest of this entry »

ཨ་མ་དང་ངེད་གཉིས་ཀྱི་འདས་དོན་ཞིག

གསེར་ཞུན།

ནམ་མཁའ་ལ་སྤྲིན་པ་དུམ་བུ་ཙམ་ཡང་མི་མཐོང་བའི་ཕ་ཡུལ་གྱི་དབྱར་གཞུང་དེ་དྲན་ཐེངས་རེ་ལ། ང་རང་དྲོད་འཇམ་གྱི་ཉི་འོད་ངོགས་སུ་ཀྲོང་ངེར་ལངས་ནས་གནམ་ས་གཉིས་འདྲེས་མཚམས་ཀྱི་རི་ཚོགས་དེར་ཡང་ཡང་བལྟ་དགོས་བྱུང༌། བསམ་བློའི་དྲན་ཚུལ་ཞིག་ལའང་རི་ཚོགས་དེ་ཡི་ཕར་ཕྱོགས་ན། སྦྲ་གུར་དང་ནོར་ལུག་གིས་ཁྱབ་པའི་རྩྭ་ཐང་ཆེན་པོ་ཞིག་ཡོད་པར་འདོད། ས་མཐའ་ནས་ཅི་ཙམ་བསྡད་ན་དེ་ཙམ་གྱིས་ཕ་ཡུལ་དང་ཨ་མ་དྲན་ཡོང་ལ། ལྷག་པར་དུ་ཨ་མའི་ལྷད་མེད་ཀྱི་བྱམས་བརྩེ་དང༌། ངེད་མ་བུ་གཉིས་ཀྱི་སྐྱིད་སྡུག་གི་འཚོ་བ་དག་ཧ་ཅང་དྲན་གྱིན་འདུག Read the rest of this entry »

<< རབ་རིབ་དང་མག་མོག >>

ལོ་མ་རྒྱལ།

དང་པོ།

ཉི་མ་སྐྱབས་རྡ་ས་ལ་འབྱོར་དུས་སྤྱི་ཟླ་བདུན་པའི་ཚེས་གཅིག་རེད། ཉིན་དེར། རྡ་སའི་རི་རྩེ་སྨུག་གིས་བཟུང་ཞིང་། རྡ་སའི་ནགས་ཀློང་ཆར་གྱིས་བྲན་འདུག དེ་ནི་སྟག་ཤ་ར་ཞིག་གི་ཡ་གྱོང་སྡུག་གིས་མནོན་ཏེ། སྨན་བུ་མོ་ཞིག་གི་ངོ་གདོང་མཆི་མས་ཁེངས་བ་དང་མཚུངས། ཉི་མ་སྐྱབས། ཟླ་བ་སྐྱིད་དང་ཕ་ཡུལ་ལ་ཁ་གྱེས་ནས་ལོ་དྲུག་ལྷག་འགོར་བའི་དེ་རིང་གི་ཉིན་མོ་འདི་ལ་ཡང་། རྩྭ་ཐང་ལྟ་བུའི་སྔོ་ཞིང་སངས་བའི་ནམ་མཁའ་དེ་རིག་མ་ཐུབ་ལ། འཛུམ་མདངས་དང་འདྲ་བའི་ཉི་མའི་འོད་ཟེར་དེ་ཡང་མཇལ་མ་ཐུབ། Read the rest of this entry »

ས་སྲོད་ཀྱི་གྲིབ་གཟུགས།

རྡེའུ།

གཉིས་པ།

སྤྲིན་པ་སྟུག་པོའི་འོག་ཏུ་ཚེ་སྲོག་ཆད་ལ་ཁད་ཀྱི་ཞོགས་ཁའི་ཉི་མ་དམར་པོ་དེ་ཡང་སྔར་བཞིན་འཆར་ཁའི་རྩེ་རུ་འཕགས་ཤིང་ལན་རེར་མངོན་ཡང་ལན་རེར་བསྒྲིབས་བཞིན་ཤར་ཡོང་། བདེ་ལྷོད་ལྷོད་ངང་གཉིད་དུ་ཡུར་བའི་གྲོང་ཚོ་ཡང་སྤྲིན་འོག་ནས་ཤོར་བའི་ཉི་འོད་ཀྱི་ལག་ཟུང་གིས་རེ་རེ་བཞིན་མལ་ལས་བསླངས་བ་དང་མཚུངས། བྱ་བྱེའི་སྣ་ཚོགས་ཀྱིས་སྒྲོག་བའི་སྐད་ཅོར་ནི་འདུ་འཛི་ཆེ་བའི་ཁྲོམ་ར་ཞིག་གི་ཟང་ཟིང་དྲན་དུ་འཇུག་ནུས་ལ། ཞིང་ཁའི་རྩི་ཏོག་རེ་རེར་འཁྱུད་ཅིང་ཁྲ་རིལ་རིལ་བྱེད་པའི་ཟིལ་བ་དག་གིས་སུ་ཞིག་ལ་མྱ་ངན་གྱི་རྣམ་པ་སྟོན་གྱི་ཨེ་སྙམ་པའི་སྣང་ཚུལ་ཞིག་ཀྱང་ཅིག་ཅར་དུ་སྐྱེས་ཡོང་། Read the rest of this entry »

སྐྱེ་བའི་སྡུག་བསྔལ་ཕ་ཡིས་མྱང་ན།

སྤོབས་པ་མཐའ་ཡས།

ནང་བསྟན་རིག་པའི་གཞུང་དུ་འཁོར་བའི་སྡུག་བསྔལ་བཤད་པའི་སྐབས་སུ་སྐྱེ་རྒ་ན་འཆི་ཞེས་སྡུག་བསྔལ་གྱི་ཆུ་བོ་ཆེན་པོ་བཞིར་བགྲང་པའི་ཡ་གྱལ་སྐྱེ་བའི་སྡུག་བསྔལ་ནི་བསམ་གྱིས་མི་ཁྱབ་སྟེ། དེང་རབས་ཚན་རིག་གི་བརྟག་དཔྱད་བྱས་དོན་ལྟར་ན་མི་ཞིག་གི་ལུས་ཀྱི་རུས་པ་ཉི་ཤུ་དུས་གཅིག་ལ་བཅག་པའི་ན་ཟུག་དང་མཉམ་པར་ཤེས། སྤྱིར་ན་མིའི་ལུས་ཀྱི་ཟུག་གཟེར་བརྒྱ་ཆ་བཞི་བཅུ་ལྷག་ཙམ་ལས་མི་ལྕོག་ཅིང་འཆི་བར་འགྱུར་མོད། སྐྱེ་བའི་ན་ཟུག་ནི་བརྒྱ་ཆ་ལྔ་བཅུ་ལྷག་ཅིག་ལས་བརྒལ་ཡོད་མོད་བུད་མེད་ཕལ་མོ་ཆེར་འཆི་སྐྱོན་མི་འབྱུང་བ་ཡིན། Read the rest of this entry »

ས་སྲོད་ཀྱི་གྲིབ་གཟུགས།

རྡེའུ།

དང་པོ།

ཟླ་འོད་དབེན་པའི་མཚན་མོ་ཞིག་གི་སྨག་རུམ་ཁྲོད་དུ་མི་གཟུགས་ཤིག་མཐོང་ས་རུ་མ་མཆིས་ཤིང་ཆེས་འཇིགས་ཡེར་གྱི་འགག་འཕྲག་དེའི་བགྲོད་ལམ་མི་གསལ་ཞིང་རང་ཉིད་ཀྱི་རྡོག་སྒྲས་རང་ཉིད་ལ་ཞེད་སྣང་སྔོག་པ་དང་འདྲ། མིག་སྔར་དུ་མཚམས་རེར་ནག་ཡོར་རེར་རམ་སྐབས་རེར་སྐྱ་ཐེང་ངེར་སྣང་། རྒྱང་མི་རིང་སར་ངུ་འབོད་ལྟ་བུའི་མི་སྙན་པའི་ཨག་སྐད་དག་གིས་སྙིང་ལ་ཟུག་གཟེར་སྦྱིན་ནུས། ཁོས་རང་ཉིད་རང་གང་དུ་བགྲོད་པ་མི་རྟོགས་ཤིང་ཇི་ལྟར་བགྲོད་པའི་བློ་ཞིག་ཀྱང་རྦད་དེ་མ་རྙེད། Read the rest of this entry »

འདྲ་རིས་ཆེན་པོ།

རས་པ།
 

གཅིག

གཉིད་ལས་སད་མ་ཐག རི་ལུང་ཡོད་ཚད་ཀྱིས་སྔར་ནས་གྱེས་ཕྱག་ཕུལ་ཏེ་བཞུད་ཟིན་པ་འདྲ། རོལ་དབྱངས་མཁན་གྱིས་རང་ཉིད་ཀྱི་ཆེས་མཐའ་མཇུག་གི་སེམས་དོན་བརྒྱུད་སྒྲོག་བྱེད་པའི་གླིང་བུ་བཟུང་ནས་ལམ་ལ་ཆས་ཤིང་། མདུན་ཕྱོགས་ཀྱི་སྤང་ཐང་བསྐྱུར་ནས་སུ་ཡང་བགྲོད་མ་མྱོང་བའི་བྱེ་ཐང་དེར་གདོང་གཏད་ནས་བསམ་གཞིགས་ཀྱི་སྟོང་ཁམས་ཉུལ། སྐད་ཅིག་མ་དེའི་རིང་ལ་ཁོས་རང་ཉིད་ཀྱི་འཇིགས་ཡེར་བའི་སྐྲ་ལོ་དང་ཧ་ཅང་ཆེ་བའི་གདོང་པ། ཐ་ན་གཟུགས་པོའི་ཆ་ཤས་ཚང་མ་མདུན་དུ་ཡོད་པའི་ཤིང་སྡོང་སྐམ་པོ་དེ་ལས་གསལ་བོར་མཐོང་། ཐ་ན་ངོ་བོ་དབྱེར་མེད་དུ་འདྲེས། Read the rest of this entry »

མ་ཡི་དུས་ཆེན་ལ་གུས་བརྩི་ཞུ།

(སྤྱི་ལོ་2000ལོར་) འདྲེ་རིག་ལྡན་གྱིས་བསྒྱུར། འོས་སྦྱོར་བ། ཨེ་མ་ཧོ།

unnamed-1

ཨ་མའི་ཉིན་མོ་སྲུང་བརྩི་བྱེད་མཁན་ཚོས་གཤམ་གྱི་རྩོམ་ཡིག་དེ་གཅིག་ཀློག་རོགས།——བུ་ཆུང་ཞིག་གི་རེ་བ།

ཕྱི་ལོ་༡༩༤༥ ལོར་ཁཱ་ན་ཌ“Canada”རྒྱལ་ཁབ་གྱི་རོ་བྷེར་སེ“Bay Roberys”མཚོ་ཁུག་ཏུ། ལོ་ན་བཅུ་གཉིས་ལ་སོན་པའི་བུ་ཞིག་གིས་རང་གི་སྙིང་རྩ་འགུལ་བར་བྱེད་པའི་ཅ་དངོས…་ཞིག་ཚོང་ཁང་ཞིག་གི་སྒེའུ་ཁུང་ལས་མཐོང། ཡིན་ནའང་དེའི་གོང་ཚད་ཌོ་ལར་ལྔ་ནི་བུ་ཆུང་རེའུ་བྷེན “Reuben Earle”གྱི་བློ་ཡུལ་ལས་འགལ་བ་ཞིག་རེད། Read the rest of this entry »

གླིང་ཚ་ཚེ་བརྟན་རྡོ་རྗེ་འདི་ལྟར་རྙེད།

སྤོབས་པ་མཐའ་ཡས།

ས་ཆ་འདིར་ངས་གླིང་ཚ་ཚེ་བརྟན་རྡོ་རྗེ་མཇལ་བྱུང་། གངས་ཅན་བོད་ཀྱི་མཚམས་དང་ཁད་ཉེ་བའི་གདོང་མཁར་གྲོང་ཚོ་ནི་འབྲས་ལྗོངས་མངའ་སྡེའི་ཁོངས་སུ་གཏོགས། དེ་གའི་སྔགས་པའི་ཚེས་བཅུ་ལྷ་ཁང་གི་སྔགས་རྒན་ཁ་ཤས་ཤིག་དང་ངའི་གྲོགས་པོ་གྲྭ་བ་ཞིག་གི་བར་ལ་མཐུན་འབྲེལ་བྱུང་། ཁོང་ཚོས་བོད་མི་གྲྭ་བ་ཚོར་འཇོན་ཐང་ཡོད་པས་ཁྱེད་ཀྱིས་ང་ཚོའི་དགོན་པ་བཞེངས་རོགས་བྱས་ན་དགོན་པའི་དབང་ཆ་ཁྱེད་ལ་འབུལ་ཆོག་ཅེས་བཤད་འདུག Read the rest of this entry »

གྲྭ་བཙུན་ཞིག་གིས་བརྩམས་སྒྲུང་བྲིས་པའི་མི་ཚེའི་བརྒྱུད་རིམ།

ཀླུ་སྨྱོན།

Lunyon3
དང་པོ།ttp://http://voxer.com/v/a62e121b6e”>

གཉིས་པ། http://voxer.com/v/6d2acf401c

གསུམ་པ། http://voxer.com/v/dd94c370d9
བརྩམས་སྒྲུང་འབྲི་སྟངས་བྱེ་བྲག་ཏུ་བཤད་པ།

བཞི་པ། http://voxer.com/v/8fb13aa5c2

ལྔ་པ།http://voxer.com/v/74f2ad4765

ངའི་རྨི་ལམ།-ཨ་མྱེས་གུང་ཀུག

བྲེ་ནག

my picture 220-1གཟའ་འཁོར་འདིའི་ནང་ང་ལ་རྨི་ལམ་གཅིག་ཡང་ནས་བསྐྱར་དུ་ཐེངས་མང་པོ་ཞིག་རྨིས་བྱུང་། སྤྱིར་བཏང་རྨི་ལམ་ནི་རྨི་ལམ་ཙམ་ཡིན་པས་ཡ་མཚན་དང་མཚར་སྣང་སྐྱེས་རྒྱུ་ཞིག་གང་ཡང་མེད་ཀྱང་། ད་ཐེངས་ཀྱི་རྨི་ལམ་འདི་ནི་ཕལ་ཆེར་ལོ་ངོ་ཉི་ཤུའི་ཡར་སྔོན་དང་འབྲེལ་བའི་ལྐོག་གྱུར་གྱི་རྨི་ལམ་ཡ་མཚན་ཅན་ཞིག་རེད།
དེ་ཡང་ང་རང་ལོ་ན་བཅུ་གྲངས་ལ་ལོན་པའི་བསམ་མེད་ཀྱི་བྱིས་པ་ཆུང་ཆུང་ཞིག་ཡིན་སྐབས། ང་ཚོའི་སྡེ་བའི་ནང་དུ་ཨ་མྱེས་གུང་ཀུག་ཟེར་བ་ཞིག་ཡོད། ཨ་མྱེས་གུང་ཀུག་ཟེར་བ་ཡང་ང་ཚོས་ཁོང་ལ་གུས་མིང་དུ་འབོད་པ་ལས་ཁོང་གི་དངོས་མིང་ཕལ་ཆེར་མིན་པ་འདྲ། Read the rest of this entry »

གསུམ་བཅུའི་དུས་དྲན་དང་སྐྱེས་སྐར།

བསྟན་འཛིན་གྲགས་པ།
———-
གསུམ་བཅུའི་དུས་དྲན་ལ་ཉེ་བའི་སྐབས་སུ་གདོང་དེབ་སྟེང་ན་སྐྱེས་སྐར་ལ་མཚམས་འདྲི་ཞུ་མཁན་ཡང་ཇེ་མང་དུ་གྱུར། ངས་ཚིག་ཐག་ཆོད་པོས་ཞུ་ཐུབ་པ་ཞིག་ནི་སྐྱེས་སྐར་དེ་དག་ལ་ནི་མཚམས་འདྲི་ཞུས་པ་ཙམ་ལས་བོད་རིགས་དེ་ཚོའི་སྐྱེས་སྐར་ངོ་མ་མིན་པ་རེད། མཚམས་དེར་ངའི་མིག་ལམ་དུ་འདི་འདྲ་ཞིག་ཤར་བར་གྱུར།

ཁང་ཆུང་གྲུ་བཞི་མ་ཞིག་གི་ནང་ཅོག་ཙེ་ཆེན་པོ་ཞིག་འདུག ཅོག་ཙེ་དེ་ལ་སྨུག་མདོག་གི་ཚོན་བཏང་ཡོད་ནའང་ཚོན་གསར་བ་མ་རེད། ཅོག་ཙེའི་ངོས་ན་ཐལ་བ་ཡང་གང་འཚམས་ཡོད་ཅིང་། ཅོག་ཙེའི་གཡས་ཟུར་ན་ཡིག་སྣོད་སྐྱ་བོ་མདོག་མེད་པ། སྟེང་ན་འདམ་སེང་གི་རི་མོ་ཅན་འགའ་ཞིག་ལ་རས་སྐུད་ཀྱིས་བསྡམས་ཡོད་པ་རྣམས་བརྩིགས་འདུག ཅོག་ཙེ་དེའི་རྒྱབ་ན་རྐུབ་སྟེགས་འཁོར་ལོ་ཅན་ཞིག་ཡོད་ལ། རྐུབ་སྟེགས་དེ་ད་ལྟ་འགུལ་བཞིན་འདུག Read the rest of this entry »

ལྷ་ཡུལ་ནས་འཐེན་པའི་ཐེམ་སྐས།

སོག་མདའ།

unnamedགུང་བཞོ་ལྷས་སུ་བརྒྱབ་ནས་ལྷས་དཀྱིལ་ན་འབྲོག་མོ་ཚོས་འབྲི་མོ་བཞོ་བ་དང་། ལུག་རྫི་ཚོ་ཉིན་གུང་དྲོས་ཇ་འཐུང་བར་ལོག་ཡོད་པའི་བར་སྐབས་ཏག་ཏག་ལ། ཨ་མྱེས་ལྷ་རིའི་མགོ་ལ་སྤྲིན་དཀར་གྱི་དུམ་ཞིང་འཇའ་འོད་ཀྱི་གུར་ཁང་དང་ལྷན་སྤྲིན་དཀར་དེ་ལས་སྐས་འཛེགས་རིང་མོ་ཞིག་འགྲམ་གྱི་ལྷ་མོའི་བླ་མཚོ་ནང་འཐེན་པ་དང་། དུས་མཉམ་ཆར་དཀར་རེ་ཟུང་ཡང་སྤྲིན་དཀར་གྱི་གསེང་ནས་རབ་གནས་བྱེད་པ་བཞིན་འཐོར་བས། Read the rest of this entry »

འགྲོ་དོན་དུས་ལས་མི་ཡོལ་བའི་བྱང་ཆུབ་སེམས་དཔའ།

(སྲུང་ཤུབ་བླ་མའི་ངོ་སྤྲོད་མདོར་བསྡུས།)

སྤོབས་པ་མཐའ་ཡས།

ང་བོད་དུ་བསྐྱོད་སྐབས་སུ་ཕ་ཡུལ་གྱི་རི་ཆུ་ཡུལ་ལུང་ལ་ལྟ་སྐོར་དང་གཉེན་ཉེ་ཚོར་ལྷན་འཛོམ་བྱུང་བ་ཙམ་དུ་མ་ཟད། རྒྱ་ཆེ་བའི་དྲ་བའི་ཐོག་གི་གྲོགས་པོ་ཚོར་ཁ་འཁོར་ནས་གླེང་རིན་ཡོད་པ་གཞན་ཞིག་བྱུང་བ་དེ་ནི་མདོ་ཁམས་ཁུལ་ན་སྐད་གྲགས་ཆེ་བའི་མཇེ་ཤུབ་རིན་པོ་ཆེའམ་སྲུང་ཤུབ་བླ་མ་ལ་མཇལ་ཁ་ཞུ་ཐུབ་པ་དེ་ཡིན། ང་ནི་ཕྱིའི་ཡུལ་ལ་འཁྱམས་ནས་ཡུན་རིང་སོང་བས་དེ་རིང་འདིར་བོད་རང་སའི་གསེར་ཁྲིའི་སྟེང་གི་བླ་མ་དང་དངུལ་ཁྲིའི་སྟེང་གི་སྐུ་འདྲ་ཚོར་ཞེན་པ་དེ་ཙམ་མེད་པར་གྱུར་ན་ཡང་། Read the rest of this entry »

བོད་ལུགས་ཀྱི་ཆགས་སྤྱོད་ཡིན་ནམ།

སྤོབས་པ་མཐའ་ཡས།

(ཆགས་སྤྱོད་ཀྱི་སྐོར་རིམ་པ་འབྲིང་ཙམ་གསལ་བས་ལོ་ན་བཅོ་བརྒྱད་མ་ལོན་པ་དང་གྲྭ་བཙུན་ཚོས་མ་ཀློག་རོགས།)

ཚེ་རིང་དབང་མོའི་སྡོད་ཁང་ནི་ཁང་བརྩེགས་མཐོན་པོ་ཅན་ཞིག་གི་བརྩེགས་རིམ་བཞི་པའི་སྟེང་དུ་ཡོད་པའི་ཁེར་ཆོད་ཁྱིམ་ཁང་དོག་པོ་ཞིག་རེད། བདུན་ཕྲག་ཁ་ཤས་སྔོན་ནས་ངེད་གཉིས་ལུས་འབྲེལ་བྱེད་མགོ་ཚུགས་སྟབས་ང་མོའི་སྡོད་གནས་སུ་ཐེངས་ཁ་ཤས་ཕྱིན། ཡིན་ན་ཡང་། ཚེ་རིང་དབང་མོ་ལས་ཀའི་བྲེལ་བ་ཆེ་བས་ཁར་སང་མ་གཏོགས་ངེད་གཉིས་ཀས་དུས་ཚོད་ལྷན་དུ་ལྷོད་པོར་སྐྱེལ་རྒྱུ་ཞིག་མ་བྱུང་། ཁར་སང་ངེད་གཉིས་ཀར་ལས་ཀ་མེད་སྟབས་ཕྱི་དྲོ་ང་མོ་ལ་ཐུག་ཏུ་སོང་། Read the rest of this entry »

ང་དང་དགའ་རོགས་ལོང་བ།

སྤོབས་པ་མཐའ་ཡས།

ནོར་སྒྲོན་བྷུ་ཊི་ཡ་ནི་ངའི་མི་ཚེ་འདི་ལ་འགྱུར་བ་ཆེས་ཆེ་ཤོས་གཏོང་མཁན་དེ་ཡིན། ལས་དབང་གི་བཀོད་སྒྲིག་གམ་སྲོལ་རྒྱུན་གྱི་འཐེན་ཤུགས་ཤིག་གིས་ང་སྐྱེས་པའི་ཉིན་མོ་ནས་གྲྭ་བཙུན་ཀྱི་མི་ཚེ་ཞིག་གི་མགོ་ཚུགས་འདུག རྗེས་སུ་ཕ་མ་ཉེ་འབྲེལ་གྱི་རེ་འདུན་དང་རོགས་སྐྱོར་འོག་ཏུ་རྒྱ་གར་དུ་འོངས་ནས་གྲྭ་སར་མི་ལོ་ཉི་ཤུར་ཉེ་བའི་རིང་ལ་ཆོས་ལུགས་སྲོལ་རྒྱུན་གྱི་སློབ་གཉེར་ཀྱི་དཀའ་ཚེགས་དང་དུ་བླངས། ན་གཞོན་ལང་ཚོའི་མེ་ཏོག་ཀྱང་རྒྱ་གར་ལྷོ་མཐའི་ཚད་པའི་དུག་རླངས་ཀྱི་ཁྲོད་དུ་ཤ་སྐམ་ཁྲག་སྐམ་དུ་གྱུར། Read the rest of this entry »

མཐོ་སློབ་ཀྱི་འཚོ་བ།

གཡག་ཕྱུག་ཕུན་ཚོགས་ཆོས་འཕེལ། (ལྡི་ལི་མཐོ་སློབ།)

གཅིག

མདང་དགོང་མཚན་གང་བོར་ཨ་རག་འཐུངས་དྲགས་པའི་དབང་གིས་ཡིན་ནམ། ཡང་ན་དེ་རིང་ཚ་གདུག་ཆེ་དྲགས་པའི་དབང་གིས་ཡིན་ནམ། ཉིན་གུང་གི་ཆུ་ཚོད་བཅུ་གཉིས་ཡས་མས་ཙམ་ཞིག་ལ་ནོར་བཟང་གློ་བུར་དུ་གཉིད་ལས་སད། ཁོས་མིག་གཉིས་ཕྱེ་མ་བཙུམ་གྱིས་རང་གི་མགོ་བོ་ཕུར་ཙམ་བྱེད་པ་དང་། ཉེ་འགྲམ་གྱི་ཅོག་ཙེ་ཆུང་ཆུང་ཞིག་གི་འགྲམ་ནས་ཐ་མག་སྒམ་ཤོག་དེ་ཚུར་བླངས། ཁོ་རང་ད་ལྟ་ཉོབ་སྣང་ཇི་ཙམ་སྐྱེས་ནའང་། སྒེའུ་ཁུང་གི་དྲ་མའི་ངོས་ལས་ཉི་ཐིག་གང་ཙམ་ཞིག་ལྷུང་འདུག་ཅིང་ཕྱི་རོལ་ལ་མོ་ཊ་ཕར་འགྲོ་ཚུར་འོང་བྱེད་པའི་སུན་སྒྲ་འདི་ཡིས་མ་གཞི་ནས་ཁོ་རང་ལ་དུས་ཚོད་ག་པར་སླེབས་ཡོད་མེད་ཀྱི་གསལ་འདེབས་ཙམ་ཞིག་བྱེད། Read the rest of this entry »

ཐོའོ་ཧྥིས།1

ཐེ་བོ་ཤེས་རབ་རྒྱ་མཚོ།
__བཙན་འཛུལ་དང་བྲོས་བྱོལ་དུས་སྐབས་ཏེ་ངའི་ཨ་མའི་བྱིས་དུས་ཀྱི་ཉིན་འགའ།

དུས་ཀྱི་ཆར་རླུང་གིས་ཀྱང་བསུབ་མི་ཐུབ་པ་ཞིག་ནི་ཁོའི་བྱང་ཁོག་སྟོད་དུ་ཨ་མས་བརྐོས་བའི་གཏམ་རྒྱུད་ཅིག་ཡིན་ལ། ལོ་ཟླའི་འགྲོས་དང་བསྟུན་ནས་འཚར་ལོངས་བྱུང་བ་དང་མཉམ་དུ་གཏམ་རྒྱུད་དེ་ནི་ཁོས་ རང་གི་ཕ་ཡུལ་གྱི་ལས་དབང་གི་འགྲེལ་བཤད་ཆེས་ཡག་ཤོས་དེ་ཡིན་པར་བསམས་ཡོད།
ཁོ་རང་བྱིས་པ་ཆུང་ཆུང་ཡིན་པའི་སྐབས་སུ་ཁོ་ཚོས་ནང་ལ་དགོང་ཟས་ཟོས་ཚར་རྗེས་སྣོད་ཆས་དང་ཁོ་ཚོའི་ཕོར་བ་རྣམས་དུས་རྒྱུན་ཨ་མས་བཀྲུ་དགོས་པ་དང་། ཨ་མས་རྒྱུན་ལྡན་བཀྲུ་དགོས་པའི་སྣོད་ཆས་དང་ཕོར་པ་རྣམས་གཙང་མ་བཀྲུས་ཚར་རྗེས་ཕུ་བོ་དང་ནུ་བོ། Read the rest of this entry »

ད་ལྟའི་བོད་པ་ཚང་གི་གནས་སྟངས།

ཆབ་མདོ་ངག་ཕུན།

སྔོན་གླེང་ཐུང་ངུ་།

ཕྱི་ལོ་ ༢༠༡༣ ཟླ་ ༡༢ ཚེས་ ༢༣ ཉིན་མོར་དྷ་ཤོད་སློབ་གྲྭའི་ནང་ལ་སློབ་གྲྭ་ལོ་འཁོར་གུང་སེང་སྐབས་སྐུ་མགྲོན་གཙོ་བོ་མཆོག་ཕེབས་ནས་གསུང་བཤད་དང་འབྲེལ་བའི་ཐོག་ནས་སེམས་ནང་དུ་གང་འཁོར་བ་དེ་དག་སྒྲུང་གཏམ་ལམ་ནས་བྲིས་པ་ཞིག་ཡིན་ན། སྒྲུང་གཏམ་འདི་དག་ལ་བརྟེན་ནས་བོད་མི་རིགས་ཡོངས་ཀྱི་སོ་སོའི་སྐད་ཡིག་ལ་བདག་གཅེས་གནང་བའི་རེ་བ་དང་ཡིད་མཆིས་ཡོད་ཅིང་། བོད་མི་རིགས་ཀྱི་སྐད་ཡིག་ནི་བོད་མི་རིགས་ཀྱི་བླ་སྲོག་དང་ཀུན་ནས་མཚུངས་ཤིང་། Read the rest of this entry »