Archive for the ‘བརྩམས་སྒྲུང་།’


ཨ་མ་སྒྲོལ་མ་དང་བདག་གི་ནུ་མོ།  

གསལ་ལེ་རྒྱལ།
 

གཅིག

ང་ལ་ཕ་མ་གཉིས་ཀས་ཀྱང་ཁ་རྡུང་དང་ལག་རྡུང་གཏོང་རྒྱུ་མཚམས་མི་ཆད་པ་དེ་ངའི་ཁ་དང་ལག་པ་འདུག་མ་ཐུབ་པས་ཡིན། སྡེ་མི་གཞན་གྱིས་ག་ལ་གཅེས་ཏེ་ཕུ་བོ་དང་ཨ་ཅེ་སོགས་ཀྱིས་ཀྱང་ང་རིག་མི་ཉན། ང་ལ་འཇིག་རྟེན་འདིར་སེམས་གཏད་ས་ཞིག་ཡོད་པ་ནི་ངག་མི་འཕྲོད་པའི་བདག་གི་ནུ་མོ་སྒྲོལ་མ་དང་དངོས་སུ་མཐོང་མ་མྱོང་པའི་ལྷ་མོ་སྟེ་རྗེ་བཙུན་སྒྲོལ་མའང་ཨ་མ་སྒྲོལ་མ་གཉིས་ཡིན། (more…)

བསླབ་བྱའི་སྒྲུང་། བོང་བུའི་ཀླད་པ། 


རྟ་དབྱངས་ཀྱིས་བསྒྱུར།

བོང་བུའི་ཀླད་པ་ཟེར་བའི་སྒྲུང་འདི་སྤྲོ་སྣང་ངང་བཀླག་པར་ཞུ།

ནགས་ཚལ་ཞིག་ན་སེང་གེ་ཞིག་ཡོད། དེ་ལ་ཁྱི་སྤྱང་ཞིག་རོགས་པ་ཡོད།
དུས་ཀུན་ཁོ་གཉིས་མཉམ་དུ་རི་དྭགས་རྔོན་པར་སོང་། ཁྱི་སྤྱང་གིས་སེང་གེ་ལ་རི་དྭགས་གསོད་པར་ཕར་རྒྱུགས་ཚུར་རྒྱུགས་ཀྱིས་རོགས་བྱས།དེ་ནས་སེང་གེས་བསད་ཚར་བ་དང་ཁོང་གཉིས་ཀྱིས་མཉམ་ཟ་བྱེད་ཀྱི་ཡོད། (more…)

ཨིས་ཟི་མས་ཝ་ཌམ།

སྙན་བཟང་གཡུང་དྲུང་ཚེ་རིང་།

ཁ་སང་ཁེ་ཉིན་ཧྥ་རན་སིའི་གསར་འགྱུར་བརྒྱུད་ལམ་ཁག་ཏུ་ཁྱབ་ཆེ་བའི་གནས་ཚུལ་གཅིག་ནི་ཕེ་རེ་སིའི་འཕགས་མའི་ལྷ་ཁང་ལ་མེ་སྐྱོན་ཤོར་བའི་སྐོར་དེ་རེད། ལྷ་ཁང་བསྐྱར་གསོ་དང་འབྲེལ་བའི་ཐད་ལ་བགྲོ་གླེང་སྣ་ཚོགས་བྱས་དང་བྱེད་བཞིན་ཡོད།

དེ་རིང་། ཚེ་རིང་གིས་ལྷ་ཁང་དང་འབྲེལ་བའི་གནས་ཚུལ་ཉན་འདོད་མེད་ནའང་། གོམས་ལོབས་ཀྱི་དབང་གིས་ཆེད་སྒྲིག་ལེ་ཚན་ཞིག་ཡོད་པ་དེར་བལྟ་འདོད་ཀྱིས་བརྙན་འཕྲིན་གྱི་གློག་སྒོ་ཕྱེས།
‘‘ད་དུང་མོག་མོག་བཟོ་རྒྱུ་མིན་ནམ། དུས་ཚོད་དྲུག་པར་ཟིན་གྲབས་འདུག’’ ཆུང་མས་དེ་ལྟར་བཤད་ཞོར་ཁོང་གི་ལག་ཏུ་འཚིག་ཇ་ཤེལ་ཕོར་ཆུང་ཆུང་ཞིག་བཞག ཚེ་རིང་གི་མིག་བརྙན་འཕྲིན་ངོས་ལ་ཕྱོགས་བཞིན‘‘འཚིག་ཇའི་ནང་ལ་བྱེ་མ་ཀ་ར་ (more…)

དེ་དུས་ང་རླངས་འཁོར་ཁ་ལོ་བ་ཞིག་ཡིན།

ཀླུ་སྨྱོན།
(བརྩམས་སྒྲུང་གསར་པ།)
གཅིག

མཚོ་བོད་མཐོ་སྒང་གི་གནམ་གཤིས་འགྱུར་ལྡོག་ཧ་ཅང་མྱུར་བའི་རྐྱེན་གྱིས། ཆུ་ཚོད་གཅིག་གི་ནང་དུ་ཡང་གནམ་གཤིས་མི་འདྲ་བ་འགའ་བརྒྱུད་དགོས་པ་སྨྲོས་མེད་སྟེང་། ལམ་འགྲམ་གྱི་ཆེ་ཆུང་དང་སྤུས་ཀ་མི་འདྲ་བའི་ཁང་པ་དང་སྦྲ་གུར་སྣ་ཚོགས་ཀྱིས་མི་སེམས་ལ་གཏམ་རྒྱུད་འདྲ་མིན་གྱི་སྣང་བརྙན་སྣ་ཚོགས་ཤིག་སྐྲུན་པར་བྱེད། ད་དུང་ངོ་གདོང་གི་གདོད་མའི་ཤ་མདོག་ཅི་བཞིན་མཐོང་མི་ཐུབ་པར་ཉི་འོད་དང་ཁ་ཆར་བུ་ཡུག་གྲང་རླུང་སོགས་ཀྱིས་པགས་མདོག་དམར་ནག་དང་རྩུབ་པོར་བསྒྱུར་ཡོད་པའི་བོད་རིགས་མང་ཚོགས་དུ་མ་ཞིག་ཀྱང་འདྲེན་བྱེད་ཀྱི་ལམ་དུ་རྒྱུ་བར་བྱེད། ཁྱད་པར་དུ་བརྗེད་ཐབས་བྲལ་བའི་དོན་དག་མང་པོ་ཞིག་ད་དུང་བའི་དྲན་པའི་མེ་ལོང་གི་ངོས་སུ་འཁྱུག་འགྲོས་བྱེད་བཞིན་འདུག་ཅིང་། དེ་དག་ལས་འགའ་ཤས་ཤིག་འདིར་སྒྲུང་གཏམ་གྱི་རྣམ་པས་འབྲི་བར་བྱ།
དེ་རིང་ཞོགས་པ་ནས་ཁ་བ་བབས་ཤིང་གྲང་རླུང་ལྡང་། ངས་རང་གི་འགྲུལ་སྐྱེལ་རླངས་འཁོར་བསྐོར་ནས་རྫ་ཆུ་ཁར་བསྐྱོད། ཁ་བས་གཡོགས་པའི་ལམ་འགྲམ་གཡས་གཡོན་དུ་ལུས་ལ་སློག་པ་མཐུགཔོ་གྱོན་ཅིང་མགོ་དང་གདོང་ཡོངས་མགོ་རས་ཀྱིས་བཏུམས་པའི་འབྲོག་མོ་མང་པོས་ནོར་ལུག་གིས་མདང་དགོང་བཏང་བའི་ལྕི་བ་དང་རིལ་མར་བདག་ཉར་བྱེད་བཞིན་འདུག ལྕི་བ་སྐམ་པོ་སྤུངས་པའི་སྟེང་དུ་འབྲོག་ཁྱི་ཆེན་པོ་འཇིགས་སུ་རུང་བ་རེ་ཟུང་ཉལ་བསྡད་ཡོད་ཅིང་། འབྲོག་ཁྱི་རེ་རེའི་སྐེ་རུ་ལྗིད་ཚད་རྒྱ་མ་སུམ་ཅུ་བཞི་བཅུར་ལོངས་པའི་ལྕགས་ཐག་རིང་པོ་རེ་བསྐོན་ཡོད་པ་ནི་རྒྱུས་མེད་ཅིག་གིས་བལྟས་ན་ཚད་ལས་བརྒལ་བའི་མནར་གཅོད་ཅིག་ཏུ་སྣང་ཡང་། འབྲོག་ཁྱི་དེ་དག་ལ་མཚོན་ན་དེ་ནི་འཚོ་བའི་ཆ་ཤས་ཤིག་ཏུ་གྲུབ་ཡོད་ལ། འབྲོག་པ་ཚོར་མཚོན་ན་རང་གི་འབྲོག་ཁྱིའི་འདོགས་ཐག་ཅི་ཙམ་ལྕི་བ་དེ་ཙམ་གྱིས་འབྲོག་ཁྱི་དེའི་ངར་ཤུགས་དང་ཁྱི་བདག་རང་ཉིད་ཀྱི་སྤོབས་པ་ཡང་མཚོན་ཐུབ། (more…)

ཁ་བས་གཡོགས་པའི་གཞུང་ལམ།

(རྩོམ་ཡིག་འདི་ནི་ཕ་ཡུལ་གྱི་ མང་ཆུ་ ཞེས་པའི་ལོ་དེབ་སྟེང་བཀོད་པའི་རྩོམ་ཡིག་ཅིག་ཡིན།)
ཀླུ་སྨྱོན་ཧེ་རུ་ཀ
གངས་སྨུག་སྟུག་པོ་ཞིག་གིས་ཨ་མྱེས་གླང་ཆེན་གྱི་རི་རྒྱུད་ཡོངས་སུ་བཏུམས་ཤིང་། ཉིན་གསུམ་རིང་མུ་མཐུད་དུ་བབས་པའི་ཁ་བའི་ཀློང་དུ་འཐེན་པའི་གཞུང་ལམ་ཞིག་མདོ་རྩེ་ཉག་ག་ནས་མཐོང་ཙམ་ཡལ་ཙམ་བྱེད། ས་འདི་ནས་མི་སེམས་འགུལ་བའི་གཏམ་རྒྱུད་ཅིག་མགོ་བརྩམས་བྱུང་ཨང་།
“རེམ་མ་ལོངས། རེམ་མ་ལོངས། དོན་དག་ཅིག་བྱུང་འདུག” སྡེ་དཔོན་ཚངས་དབྱངས་ཀྱིས་གཉིད་མཐུག་པོའི་ཀློང་དུ་ཡོད་པའི་རང་གི་བུ་ཟླ་བཟང་གི་དགུན་སློག་མཐུག་པོ་དེའི་གོང་ཁ་ནས་འཐེན་སྤྲུག་བྱེད་ཞོར་དེ་ལྟར་བརྗོད་པ་ན། ཟླ་བཟང་གིས་ཐོལ་གྱིས་ཁོག་སྟོད་དགྱེ་སྟེ། “ཨ་ཕ། ཡང་དོན་དག་ཅི་ཞིག་བྱུང་སོང་།” ཞེས་ཟེར་ཞོར་ཡར་ལངས་ནས་སློག་པའི་ཐུ་པ་ཟུང་གཡས་དཀྲི་གཡོན་དཀྲི་བྱས་པའི་སྟེང་དུ་མེ་ལྕེ་འབར་འདྲའི་སྐེ་རགས་ཤིག་བཅིངས།
ད་སོ་མ་མདོ་རྩེ་ཉག་ཁ་ནས་ཟི་ལིང་ལ་འགྲོ་བའི་སྤྱི་སྤྱོད་རླངས་འཁོར་ཞིག་གངས་འཁྱག་སྟེང་འགྲེད་བརྡར་ཤོར་ཏེ་ལམ་ཟུར་གྱི་གཡང་ལ་ལྷུང་འདུག་ཟེར། ཁྱོད་ཀྱིས་རེམ་མ་སྡེ་བའི་གསར་བུ་གསར་མོ་ཚོར་བརྡ་རྒྱོབས། ངས་རྫོང་ཉེན་རྟོག་ཁང་དང་སྨན་ཁང་ལ་གནས་ཚུལ་ཡར་ཞུ་བྱེད། ཟེར་ཞོར་སྡེ་དཔོན་སྐྱ་རེངས་ཀྱི་འོད་མདངས་མག་མོག་ཅིག་གི་ཀློང་དུ་ཡལ་སོང་། (more…)

གླང་ཆེན་ཞིག་བསད་པ།

རྗོར་རྗི་ ཨོར་ཝེལ།
རྩམ་པ་རྒྱལ་གྱིས་བསྒྱུར།

འབར་མའི་སྨད་ཕྱོགས་ མོལ་མེན་ དུ། ངའི་སྟེང་ལ་སྙིང་ནད་ཡོད་མཁན་གྱི་མི་ཧ་ཅང་མང་པོ་རེད། ངའི་མི་ཚེ་འདིར། ང་རང་དེ་ལྟའི་ཁོང་ཁྲོ་ལངས་རིན་ཡོད་ས་གལ་ཆེན་ཞིག་ཏུ་གྱུར་བའི་དུས་སྐབས་གཅིག་པུ་དེ་རེད། ང་གྲོང་རྡལ་དེའི་ཉེན་རྟོག་ལས་ཁུངས་ཀྱི་མགོ་བ་ཡིན། དམིགས་ཡུལ་དང་ཉེན་ཁ་ཆེན་པོ་མེད་རུང་། དེ་རུ་ཡུ་རོབ་པ་ཚོར་སྡང་བའི་སེམས་ཚོར་ནི་ཧ་ཅང་གནག་པོ་རེད། མི་སུ་ལའང་ངོ་ལོག་གི་རུ་སྣ་འདྲེན་རྒྱུའི་བློ་ཁོག་མེད་ཀྱང་། ཡུ་རོབ་པ་བུད་མེད་ཅིག་ཁྲོམ་དེ་རུ་ཁེར་མོ་འགྲོ་གིན་ཡོད་ཚེ་ཕལ་ཆེར་མི་ཞིག་གིས་མོའི་གྱོན་གོས་ཀྱི་སྟེང་ལ་ཁ་མུར་ལོ་མའི་[1]མཆིལ་མ་གཡུག་ཡོད། ཉེན་རྟོག་ལས་བྱེད་ཅིག་ཡིན་པའི་ཆ་ནས་ང་ནི་དམིགས་འབེན་གསལ་ཤོས་ཤིག་ཡིན། ག་དུས་སྟབས་བདེ་ན་དེ་དུས་ཐུབ་ཚོད་དང་ཁྱད་གསོད་བྱེད་པ་ནི་རྒྱུན་ལྡན་རེད། རྐང་རྩེད་སྤོ་ལོའི་ཐང་དེ་རུ་རྩེད་འགྲན་དཔང་མི་དེ་ཁ་ཕར་འཁོར་ནས་ཡོད་སྐབས་ (ཁོའང་འབར་མ་ཞིག་ཡིན།) འབར་མའི་རྐང་སྤོལ་རྩེས་མཁན་འཁྱུག་རྩལ་ཅན་ཞིག་གིས་རྩེད་ཐང་གི་སྣེ་གཞན་པ་དེ་ནས་ང་ཉྭ་དཀྲིས་ལ་བླངས་ནས་རྫོག་པ་དང་། ལྟད་མོ་ལྟ་མཁན་དག་གིས་རྒྱལ་ཁའི་ཀི་ལྡིར་བྱེད་ཡོང་། (more…)

འབུམ།

ཆབ་བྲག་ཕོ་ཉ།

ཀ༽

“ས་ག་ཟླ་བ་ཚེས་སོང་། སྲོག་བླུའི་སྐལ་བ་ལྡན་སོང་། སྐྲ་ལོ་གཙང་མར་བཞར་ནས། ཆོས་གོས་སེར་པོ་གོན་ནས། ཕྱུག་འགྱུར་ལམ་ལ་ཆས་འགྲོ”
ཁོས་ཐོལ་བྱུང་གཞས་ཚིག་དེ་འདྲ་ཞིག་དབྱངས་ལ་འགུགས་བཞིན་ཐོག་མར་སྐྲ་བཞར་ཁང་ཞིག་ལ་འཛུལ་ཞིང་དེ་ནས་སླར་ཡང་ཆོས་གོས་ཚོང་ཁང་ཞིག་ལ་སོང་།

ཁ༽

“ཆོས་ལྡན་བོད་ཀྱི་ཞིང་ཁམས་ཡིན། ལག་ཕྲེང་བ་ཅན་དང་ཁ་མ་ཎི་ཅན། སྙིང་རྗེའི་བདག་པོ་ཡིན་ཟེར། དེ་བས་ད་ས་ག་ཟླ་བ་དགེ་བ་འབུམ་འགྱུར་གྱི་དུས་བཟང་པོ་བསླེབས་སོང་བས་ངས་ན་ནིང་ལྟར་ཉ་ (more…)

“ཉམས་མྱོང་ནི་དགེ་རྒན་ཡག་ཤོས་ཡིན།”  


སྒྱུར་མཁན་རྟ་དབྱངས།
 
གཏམ་དཔེ་འདིས་ཡང་དང་བསྐྱར་དུ་ང་ཚོ་ལ་རང་རང་གི་ཉམས་མྱོང་ངོ་མ་ལས་སློབ་ཚན་བེད་སྤྱོད་ཆེན་པོ་འགའ་བསྟན་ཡོད། ང་ཚོར་རྣམ་དཔྱོད་ལྡན་པའི་བསླབ་བྱ་འགའ་སྟོན་གྱིན་ཡོད། ང་ཚོས་དུས་དེབ་དང་བརྙན་འཕྲིན་ལས་གཞན་གྱི་ཉམས་མྱོང་ཡང་ཤེས་ཀྱིན་ཡོད།  ང་ཚོས་སྐབས་སྐབས་སུ་བསླབ་བྱ་འདི་དག་དོ་གལ་ཆེན་པོས་དང་དུ་ལེན་གྱིན་ཡོད། འོན་ཀྱང་། མི་ཚེ་ནང་ལ་གནས་སྟངས་དཀའ་ངལ་ཁོ་ན་ཕྲད་དུས་མི་རྒན་པ་དང་ཤེས་ཡོན་ཅན་དག་གིས་བཤད་པའི་རྒྱབ་ལྗོངས་ན་རྣམ་དཔྱོད་ལྡན་པའི་བདེན་པ་ཞིག་བརྗོད་ཡོད་པ་དེ་ཤེས་ཐུབ་པས། (more…)

མཚན་སྲུང་བ།

རང་ཐར།

གཟའ་སྤེན་པ་བསླེབས་བྱུང་། ཞོགས་པའི་སློབ་ཐུན་འཚོག་ཏུ་མ་ཕྱིན་སྔོན་ལ། ངས་གྲོགས་པོ་བསོད་དར་ལ་ཁ་པར་བཏང་ནས་ཕྱི་དྲོར་ཡར་རྡ་སར་ཡོང་སྟེ་གཟའ་མཇུག་ཁོའི་ཁྱིམ་དུ་སྐྱེལ་འཆར་ཡོད་པའི་སྐོར་བཤད། ཞོགས་པའི་སློབ་ཐུན་རྣམས་རེ་རེ་བཞིན་སྐད་ཅིག་གིས་རྫོགས་སོང་ལ། གུང་ཟས་ཟོས་ནས་སློབ་གྲྭའི་ཁོར་ཡུག་གཙང་མ་བགྱིས་རྟིང་གཟའ་མཇུག་གི་གུང་གསེང་དངོས་སུ་འགོ་ཚུགས།ནམ་རྒྱུན་ས་རཱ་ནས་རྡ་སར་འགྲོ་རྒྱུ་དེ་དགེ་སློབ་ཚོས་དང་ལེན་བྱས་ཟིན་པའི་དཀའ་ངལ་ཆུང་ཆུང་ཞིག་རེད། འོན་ཀྱང་ད་ཐེངས་ང་ལ་ལམ་འགྲོ་རྒྱུགས་སོང་། ང་དང་སློབ་གྲོགས་གཞན་ཞིག་ས་རཱའི་རྒྱལ་ (more…)

ཆིག་སྒྲིལ་གྱིས་ནུས་སྟོབས།

ཆབ་མདོ་ངག་ཕུན་གྱིས།
 
དེ་རིང་ངས་སྒྲུང་ཐུང་ཞིག་འབྲི་བར་འདོད། དེ་ཡང་གནའ་སྔ་མོ་སྔོན་མོ་ལུང་པ་ཞེས་པའི་ཁོར་ཡུག་གཙང་ཞིང་ཉམས་དགའ་བའི་ཡུལ་ལྗོངས་ཤིག་ཡོད་ཅིང་། ཡུལ་ལྗོངས་དེར་མཐར་གངས་རིས་ཡོངས་སུ་སྐོར་བ་དང་། རི་རྩེའི་སྟེང་ལ་དབྱར་དགུན་སྟོན་དཔྱིད་མེད་པར་གངས་རིས་ཡོངས་སུ་བཟུང་གི་ཡོད། རི་སྐེད་ལ་ཤིང་རིགས་སྣ་ཚོགས་སྐྱེས་ཤིང་། རི་འདབས་ལ་མཚོ་དང་མཚེའུའི་ཡོན་ཆབ་བཤམས་པ་ནང་བཞིན་ཡོད། མཚོ་དང་མཚེའུ་དེ་དག་ནང་ལ་སྲོག་ཆགས་སྣ་ཚོགས་ཤིག་ཞི་བདེའི་བག་ཕེབས་ཀྱི་གནས། རི་སྐེད་ཀྱི་ཤིང་ནགས་གསེང་ལ་བྱ་རིགས་སྣ་ཚོགས་ཤིག་ཞེད་སྣང་མེད་པའི་རང་དབང་གིས་རྒུམ་འབུ་འཐུ། (more…)

དབང་རྩའི་ནད་ཡམས་ཀྱི་སྒྲུང་།

གཡུ་སྒང་དགེ་འདུན།

ངས་དེ་རིང་འདིར་ང་ཚོའི་སྤྱི་ཚོགས་ཁྲོད་དབང་རྩའི་ནད་ཡམས་ཁྱབ་བཞིན་པའི་ནད་རྟགས་ཀྱི་སྒྲུང་ཐུང་ཞིག་བརྗོད་འདོད་བྱུང་། དང་པོ་ནད་གཞི་ཞིག་སློང་བ་ལ་རྒྱུ་དང་རྐྱེན་དགོས་ལ། རྒྱུ་རྐྱེན་དེ་༡༩༩༤། ཟླ་ ༣ ཚེས་ ༣༡ ཉིན་གུང་ཆུ་ཚོད་ ༣ པར་(༡༩༨༣། ཟླ་ ༣ ཚེས་ ༣༡ རྒྱ་ཡིག་བོད་བསྒྱུར་ལྟར།) རྒྱ་གར་བྷན་ལོར་ནས་དམའ་རིམ་ནད་ཞབས་པ་སྐོར་ཞིག་ལ་བད་མཁྲིས་ཀྱི་ནད་གཞི་ཕོགས་པ་རེད། ནད་གཞི་དེའི་གནས་དང་རྒྱུ་ནི། བད་ཀན་ཀླད་པ་ལ་བརྟེན་སྟོད་ན་གནས། མཁྲིས་པ་མཆིན་མཁྲིས་ལ་བརྟེན་བར་ན་གནས། རྒྱུ་གཏི་མུག་ལས་འབྲས་བུ་བད་ཀན་བསྐྱེད། ཞེ་སྡང་ལས་མཁྲིས་པ་བསྐྱེད། ནད་དེ་གཉིས་ལ་རིགས་གཉིས་སུ་དབྱེ་བ་རེད། ༡། ཐེ་ཝན་བོད་སོག་ལས་ཁུངས་ཀྱི་རྟ་ཤ་ཚི་ལུ་ཅན་གྱི་རིགས་ལས་སྐྱེད་པ་ཞིག་དང་། (more…)

 འཇགས་ཐབས་མེད་པའི་ན་ཟུག

འོད་ཟེར།
 
ས་གཞི་ཡོངས་རྫོགས་སྨག་རུམ་གྱིས་བཙོན་དུ་བཟུང་བའི་དོ་ནུབ། ཕྱི་རོལ་དུ་མི་སྐད་ཕར་ཞོག། ཁྱི་སྐད་ཀྱང་ཐོས་རྒྱུ་མེད་པའི་ཧ་ཅང་ལྷིང་འཇགས་དང་སྟོང་འཇགས་སེ་འདུག། སྐར་ཁུང་བརྒྱུད་ནས་ལྟ་དུས། བསིལ་བསིལ་ཟླ་བ་ནི་དངུལ་དཀར་གྱི་སྡེར་མ་ཞིག་དང་འདྲ་ལ་རྒྱུ་སྐར་ཚོགས་རྣམས་མུ་ཏིག་ཁྲི་འབུམ་རྒྱ་མཚོ་ནང་དུ་གཏོར་བ་བཞིན་མཁའ་དབྱིངས་སུ་རང་རང་གི་མཛེས་སྡུག་ངོམ་བཞིན་འདུག།  ངའི་བུ་གཉིས་དང་ཆུང་མ་སྔར་ནས་མལ་ཟིན་པས་ཁང་བ་ཆུང་ཆུང་དེ་ཡང་ཕྱིར་རོལ་གྱི་འཁོར་ཡུག་དེ་བཞིན་ལྷོད་ཅིང་འཇམ་ཅག་གེར་གནས།  འོན་ཀྱང། ང་ད་རུང་གཉིད་མེད། ངའི་ཡ་ཆུང་སེམས་ཁོངས་སུ་ཡང་ཡང་འཁོར་བ་དང་ཁྲ་ཆུང་མིག་མདུན་ཡང་ཡང་རྒྱུ་བ་ (more…)

སེང་རྡོར་གྱི་སྒྲུང་ཐུང་གསར་བ་བདམས་བཀོད།

ང་དང་ངའི་སྙིང་སྡུག་འཇིགས་མེད་ནོར་བུ།

འཇིག་རྟེན་འདིའི་ལྷོ་སྤྲིན་བྱང་དུ་མྱུར་མྱུར་འགྲོ་ཞིང་ཤར་སྤྲིན་ནུབ་ཏུ་བྲེལ་བྲེལ་བརྒྱུགས་པའི་མཚན་མོ་ཞིག་ལ། བུ་མོ་ང་རང་རྨ་ཆུ་ལུ་མའི་འགྲམ་རྒྱུད་ཀྱི་སྡེ་བ་ཆུང་ཆུང་ཞིག་ཏུ་སྐྱེས་སོ་སྐད། སྡེ་བ་དེའི་ཁྱིམ་ཚང་དག་ནི་ལ་ལུང་སོ་སོར་འཐོར་ནས་གནས་ཡོད་པ་དང་། ས་ཆགས་རེ་ན་ཁང་བ་སྐྱ་ལེབ་རེ་ཡོད་པ་དེ་འདྲའོ།། (more…)

ལྷ་ཡག (བརྩམས་སྒྲུང་།)

བདེ་སྐྱིད་སྒྲོལ་མ། (གངས་རིས་འོས་སྦྱོར་བྱས།)
 

གཅིག

ཚེ་ཟད་རྒྱུ་བོ། དམྱལ་བར་སྐྱེ་རྒྱུ་བོ། གྲི་ཁྲག་མཆོད་རྒྱུ་བོ། ངོ་མིག་གིས་མི་རིག་རྒྱུ་བོ། གང་ལྟར་ཀྱང་ངས་དགྲ་ནག་ཁྱོད་དྲན་ཐེངས་རེར་དམོད་མོ་ལུང་བ་གང་འདོན་འདོད་སྐྱེ།

ཁྱོད་དྲན་ནས་ང་ལ་དགོས་པ་ཅི་ཡོད། ཁ་པར་ནང་དུ་འཕྲིན་ཐུང་འབྱོར་བའི་སྒྲ་ཞིག་གིས་ཁྱོད་དྲན་མཚམས་རེ་ཞིག་ལ་ཆད་སོང་བ་དང་། (more…)

མི་ཚེའི་ཚོར་བ་རྦ་རླབས།

ཆབ་མདོ་ངག་ཕུན།

 
ཆོས་ལྡན་ནི་གྲོང་འཁྱེར་དཀྱིལ་ལ་ཚོང་ཁང་ཆུང་ཆུང་ཞིག་ཟིན་ནས་ཚོང་ཙག་ཙིག་བརྒྱབ་ནས་བསྡད་ཀྱི་ཡོད། ཆོས་ལྡན་གྱི་མི་གཤིས་ནི་མི་ལ་སྐད་ཆ་བཤད་དུས་ཁོ་པ་འཇོན་རབས་དང་། གཞན་ལ་འཇོག་པོ་མེད་རབས། རང་ཉིད་ཀྱི་ཕྲུ་གུར་སློབ་སྦྱོང་ཡག་པོ་ཡོད་ཚུལ་དང་། གཞན་ལ་དམའ་འབེབས་བྱེད་མཁན་ཞིག་ཡོད། སྐད་ཆ་གང་ཞིག་བཤད་ནའང་གཡོ་བཟོའི་སྐད་ཆ་བཤད་མཁན་ཞིག་ཡིན་ཚུལ་གཡས་གཡོན་གྱི་ཚོང་རོགས་ཚོས་ཁ་གཅིག་གྲགས་ཀྱིས་སྨྲ། དེར་བརྟེན་མི་ཚོས་ཁོ་མཉམ་དུ་སྐད་ཆ་བཤད་རྒྱུར་དགའ་པོ་དེ་ཙམ་བྱེད་ཀྱི་མེད། (more…)

རྟ་ལ་དགའ་བའི་བུ་མོ།

unnamedཨ དོན་ཉིས་བསྒྱུར།

 

མི་རྣམསས་གླང་ཁྱུ་རྔོན་པར་ཡུལ་ནས་ཡུལ་དུ་འགྲོ་བཞིན་ཡོད། ཁོ་ཚོ་ལ་གུར་དང་ཅ་ལག་འགེལ་སའི་ཁལ་རྟ་མང་བོ་ཡོད་ལ། གླང་ཁྱུ་རྔོན་དུས་བང་རྩལ་འཛོམས་ཆེད་རྟ་གང་མགྱོག་རྣམས་ལ་སྦྱོང་བརྡར་ཡང་སྤྲོད་བཞིན་ཡོད། (more…)

སྙིང་སྟོབས་ཅན་གྱི་བུད་མེད།

ཆབ་མདོ་ངག་ཕུན།

 

རྩྭ་ཆུ་འཛོམས་པའི་བདེ་ལུང་།།
བཀོད་ལེགས་ཡིད་འོང་ལྡན་པར།།
དཔའ་མོ་ཞེས་པའི་བུད་མེད།།
སྙིང་སྟོབས་ཅན་ཞིག་ཡོད་དོ།།

བརྩོན་པའི་གོ་ཁྲབ་གྱོན་སྟེ།།
གཞན་རྣམས་བཙན་མནོན་འོག་ནས།། (more…)

གཡོ་ཇུས། (བརྩམས་སྒྲུང་།)

གངས་ལྷ་མོ།
 

དང་པོ།

སྟོན་མཇུག་གི་དུས་འདིར་མི་ཚོས་རི་གྲོང་སྡེ་སྤྱིའི་འགོ་བྱེད་ཚན་པའི་ནང་མི་གྲངས་བཅུ་བརྗེ་བསྒྱུར་རམ་གསར་འདེམས་བྱ་བརྩིས་ཀྱི་སྟ་གོན་རྩོམ་བཞིན་ཡོད། ཡར་ལོ་ཚང་གི་བུ་ཆེ་བའམ། ཕོ་ལོ་ང་བཞིར་སླེབས་པའི་ཚེ་རིང་མགོན་པོའམ་ཚེ་མགོན་ནི་དེ་སྔོན་རི་གྲོང་གི་འགོ་བྱེད་ཚན་པའི་འགན་གཙོ་ཡུན་རིང་བྱས་མྱོང་མཁན་ཞིག་རེད། ཚེ་མགོན་ཁོ་རང་ཆུང་དུས་ཕ་མའི་བཀའ་དྲིན་ལ་བརྟེན་ཡི་གེ་འབྲི་ཀློག་སྦྱངས་ནས་རང་མགོ་ཐོན་ཙམ་ཡོད། ཆེན་པོར་ཆགས་རྗེས་དབང་ཆ་བཟུང་བར་འདོད་མོས་ཡོད་མཁན་ཞིག་ཡིན་རུང་སྒེར་ལ་མདུན་ནས་དཔོན་ཆེན་གྱི་སྣེ་འདྲེན་དང་རྒྱབ་ཏུ་སྤུངས་ཤུགས་ཆེར་མེད་པའི་རྐྱེན་གྱིས་ (more…)

བླ་མ་གདུང་།


གངས་ལྷ་མོ།

 

༡། བྱིས་པའི་དུས། 

དཔྱིད་དཔལ་བཞད་པའི་དགུང་དྲོའི་དུས་ཤིག་ལ། ཡུལ་ས་མ་འབྲོག་སྟེ་ཁྲ་ཡག་རི་གྲོང་གི་ཞིང་ཁའི་མུ་འགྲམ་གྱི་ཆུ་རྒྱུན་དུ་ཕྲུ་གུ་བུ་བུ་མོ་ལོ་དྲུག་བདུན་ཙམ་ལོན་པ་གཉིས་རྒྱུག་ཆུའི་མུ་འདེད་ནས་རྩེད་མོ་རྩེད་ཅིང་། ཕྲུ་གུ་དེ་གཉིས་མཚམས་རེར་རྒྱུག་ཆུ་འགྲམ་གྱི་མེ་ཏོག་ཕྲ་ཆུང་འཐུས་ནས་སྐེ་རྒྱན་བཟོ་བ། ལེན་རེར་སྤང་ཐང་གི་དབུས་ནས་སྲན་ཆུང་སྔོན་པོ་ཞིག་འཐུས་ནས་ཟ་བ་བཅས་ཀྱིས་སྤང་ཁར་ཡར་རྒྱུག་མར་རྒྱུག་དང་། ཡང་ན་སར་ལྷོད་ (more…)

སྤྲིན་ནག་ཀློང་གི་ཟླ་བ། (སྒྲུང་ཐུང་།)

ཚེ་ལོ་ཐར། (ཟླ་བས་འོས་སྦྱོར་བྱས།)
 

གཅིག

ཉིན་འགར་བབས་པའི་ཁ་བས་རྫོང་མཁར་ཡོངས་དཀར་སོབ་སོབ་ཀྱི་འཇིག་རྟེན་ཏུ་བསྒྱུར་ཅིང་། འུར་འུར་དུ་ལྡིང་བའི་གྲང་རླུང་གིས་ཁང་བརྩེགས་དང་གློག་སྡོང་དག་འདར་ཤིག་ཤིག་བྱེད། ལྷག་པར། འཁྱག་དར་དུ་གྱུར་པའི་གཞུང་ལམ་གྱིས་རླངས་འཁོར་དང་འཕྲུལ་རྟ་རྣམས་གཡས་འགྲེད་གཡོན་འགྲེད་བྱེད་པས། རྫོང་མཁར་ཆུང་ཆུང་དེ་ནི་འོ་ཞོ་ཡི་རྒྱ་མཚོ་ཆེན་པོ་ཞིག་གི་ཀློང་དུ་བསྐྱོད་པའི་གཡོར་གྲུ་ཞིག་དང་ཀུན་ནས་མཚུངས། གཡས་འགྲེད་གཡོན་འགྲེད་བྱེད་པའི་རླངས་འཁོར་དང་འཕྲུལ་རྟའི་ཁྲོད་དུ། (more…)