ཁ་བརྡ།

མེ་ཏོག་དཀར་པོ།

དེ་རིང་ངས་ཁ་བརྡའི་སྐོར་ལ་སྐད་ཆ་ཁ་ཤས་ཤོད་འདོད་བྱུང་། ལོ་ཁ་ཤས་གཅིག་གི་གོང་ནས་དྲ་བའི་ཐོགས་བོད་ཡིག་གང་འདོད་འབྲི་ས་ཡོད་ཚུལ་ཐོས་པས་ཤིན་ཏུ་སྤྲོ་སྣང་ཆེན་པོ་བྱུང་། རྒྱུ་མཚན་ནི་རང་ཉིད་བོད་ཡིག་བྲིས་ཤེས་ཤིང་ཀློག་ཤེས་ལ། བོད་ཡིག་ལ་དུངས་པས་རེད། དེ་རྗེས་དུས་ཡུན་གང་འཚམས་རྗེས་ཁ་བརྡའི་དྲ་བ་འདི་མཐོང་། ཡིན་ནའང་དེ་སྐབས་ང་རང་སྒྲིག་འཛུག་ཅིག་གི་འོག་ལ་ཡོད་པས་དྲ་བ་བལྟ་རྒྱུ་དང་མཆན་བུ་འབྲི་རྒྱུ་སོགས་ཕར་ཕྱོགས་སྒྲིག་འཛུག་གིས་བཅུན་པས་དུས་ཚོད་མེད་ལ་ཚུར་ཕྱོགས་སྒོར་མོས་སྟོང་པས་ཀམ་པུ་ཊར་ཡང་མེད། དེ་རྗེས་གོང་གི་བར་ཆད་གཉིས་པོ་དུས་དབང་གིས་སེལ་བས་ཁ་བརྡ་བལྟ་ཤིང་ཀློག་འགོ་བརྩམས། སྟབས་མ་ལེགས་པ་ཞིག་ལ་དེའི་སྐབས་ཁ་བརྡ་ནང་ནང་དམེ་བྱེད་བཞིན་པའི་སྐབས་སྟེ། ང་ཚོའི་སྤྱི་ཚོགས་ནང་ཤིན་ཏུ་ཚོར་བ་རྣོ་བའི་ཆོས་བརྒྱུད་ཀྱི་རྙོགས་དྲ་དེ་རོ་ལངས་རྒྱག་བཞིན་པ་རེད་འདུག རྩོམ་ཡིག་འདིའི་འཕྲོ་ཀློག »

ད་ལྟ་རང་ཁྱེད་ཀྱི་མྱུར་འཕྲིན་དེ་ཀློག་རྒྱུ་བྱུང་སོང་། དེ་རིང་བར་དུ་ཁོམ་པ་ཞིག་ཁྱོན་ནས་མ་བྱུང་། ཁྱེད་ལ་བོད་རིག་པའི་ཞིབ་འདུག་ཚོགས་འདུའི་སྐོར་རོབ་ཙམ་བཤད་ན། འཛམ་གླིང་གི་རྒྱལ་ཁབ་ཁག་བཅུ་གསུམ་ནས་སླེབས་པའི་བོད་རིག་པའི་མཁས་པ་དང་ཞིབ་འཇུག་པ་བཞི་བརྒྱར་ཉེ་བ་ཞིག་འཛོམས་འདུག དེ་དག་གིས། བོད་ཀྱི་ཆོས་ལུགས་རིག་གནས། ཡུལ་སྲོལ་རིག་གནས། ལོ་རྒྱུས་རིག་གནས། སེམས་ཁམས་རིག་གནས། ལྷ་གསོལ་རིག་གནས། གཞི་བདག་གི་སྐོར། གླིང་གེ་སར་གྱི་སྐོར། བོད་ཀྱི་གསོ་བ་རིག་པའི་སྐོར་སོགས་ཕྱོགས་ངོས་མང་པོ་ཞིག་ནས་གླེང་སོང་།
ང་རང་ནས་བོད་ཀྱི་སྲོལ་རྒྱུན་ཞྭ་མོའི་སྐོར་ལ་བཤད་པ་ཡིན
དེའི་སྐོར་གྱི་བཅར་འདྲི་ཞིག་ལ་འདི་ནས་ཉན་རོགས།
ད་རེས་ཀྱི་ཚོགས་འདུར་ཞུགས་མཁན་ནང་དགུང་ལོ་ཆེ་ཤོས་ནི་ལོ་བརྒྱད་བཅུ་གྱ་གཉིས་དང་། ཆུང་ཤོས་ནི་ཀྲུང་དབྱང་མི་རིགས་སློབ་གླིང་དང་ལྷོ་ནུབ་མི་རིགས་སློབ་གླིང་སོགས་ཀྱི་ཞིབ་འཇུག་པ་ལོ་ན་ཉེར་གསུམ་ཉེར་བཞི་ཡིན་པ་བཅས་རྒན་གཞོན་མང་པོ་ཞིག་འཛོམས་འདུག ད་རེས་ཀྱི་ཚོགས་འདུའི་ནང་། བོད་ནང་ནས་མི་གྲངས་བཞི་བཅུ་བརྒལ་ཙམ་ཞིག་འབྱོར་འདུག་པ་དང་། རྩོམ་ཡིག་འདིའི་འཕྲོ་ཀློག »

སྐབས་བཅུ་བཞི་པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་དུས་དགུ་བར་ཕེབས་པའི་སྤྱི་འཐུས་རྣམ་པར་འཚམས་འདྲི་དང་། གྲོས་ཚོགས་ཀྱི་ལས་དོན་ཚགས་ཚུད་ཚད་ལྡན་ཡོང་བའི་སྨོན་འདུན་ཡོད། རིང་མོ་ཞིག་ནས་ཡིད་ལ་བརྣགས་པ་ལྟར་བོད་མིའི་ཆབ་སྲིད་མང་གཙོའི་ལམ་དུ་བསྒྱུར་རྒྱུ་བཙན་བྱོལ་དུ་འབྱོར་མ་ཐག་པ་ནས་འབད་བརྩོན་རྒྱུན་བསྲིངས་བྱས་འབྲས་སུ་ད་ལམ་མང་ཚོགས་ཀྱིས་འོས་འདེམས་བྱས་པའི་གྲོས་ཚོགས་ཀྱིས་ཁྲིམས་བཟོ་དང་དཔལ་འབྱོར་སྟངས་འཛིན་གྱིས་མཚོན་པའི་བྱེད་སྒོ་རྣམས་བྱ་རྒྱུའི་གོ་སྐབས་བྱུང་བར་དགའ་སྤོབས་བརྟས།
སྔོན་དུ་བརྗོད་ཟིན་ལྟར་ལྗིད་མཉམ་སྟངས་འཛིན་གྱི་སོ་མཚམས་དང་། རྟོན་བཞིའི་འཇུག་ལྡོག་མ་ནོར་བར་སྒེར་འཁོན་ཕྱོགས་འཐེན་སྤངས་ཏེ། གྲོས་ཚོགས་ཀྱི་ལས་དོན་བྱེད་ཕྱོགས་ཀྱི་གནས་ཚད་དང་སྤུས་ཀ་གོང་མཐོར་གཏོང་རྒྱུའི་ཀུན་སློང་དང་རྩོལ་བ་མི་ལྷོད་པ་དགོས་གལ་མཐོང་། འཛིན་སྐྱོང་དང་ཁྲིམས་ལུགས་དབང་འཛིན་གཉིས་ཀའི་འགན་ཁུར་ཞུ་ཡུལ་གྲོས་ཚོགས་ཡིན་སྟབས། གྲོས་ཚོགས་ཀྱང་མང་ཚོགས་ལ་འགན་ཁུར་འཕེར་ངེས་དགོས།
བོད་མིའི་ཆབ་སྲིད་ཀྱི་མགོ་ཁྲིད་བཀའ་བློན་ཁྲི་པ་མང་ཚོགས་ཀྱིས་འོས་འདེམས་བྱས་པ་ནས་བཟུང་གཞི་རྩའི་ལས་དོན་རྣམས་ངོས་རང་གིས་དོ་ཁུར་མ་དགོས་པར་ཕྱེད་རྒས་ཡོལ་ལྟ་བུ་ཡིན་རུང་། བོད་ཀྱི་རྩ་དོན་དང་བོད་རྒྱའི་འབྲེལ་ལམ་སྐོར་ཇི་སྲིད་མང་ཚོགས་ནས་ཡིད་ཆེས་རེ་འདུན་ཡོད་པ་དེ་སྲིད་དུ་ཅི་ནུས་གང་ལྕོགས་བྱེད་བཞིན་ཡོད། ཞི་བའི་དོན་ཚན་ལྔ་ནི་ཕུགས་ཀྱི་འཆར་སྣང་ཡིན་པས་འབྲེལ་མོལ་ལ་ཐད་འབྲེལ་དེ་ཙམ་མེད་རུང་། སི་ཊ་སི་སྦག་གི་གྲོས་འཆར་ལ་རྒྱ་གཞུང་གིས་བསམ་ཞིབ་གོ་བསྡུར་བྱེད་ཐབས་མེད་པའི་ཚིག་ཐག་གཙང་གཅོད་བྱུང་བར་བརྟེན་རང་བཞིན་ནུས་མེད་དུ་གྱུར།
ཕྱི་ལོ་ ༢༠༠༢ ནས་འབྲེལ་མོལ་བསྐྱར་མཐུད་བྱས་པ་ནས་བཟུང་བོད་རིགས་ཡོངས་ཀྱི་འབྱུང་འགྱུར་གྱི་གནས་བབ་ཁོ་ན་བརྗོད་གཞིར་བཟུང་སྟེ། གླེང་མོལ་བྱས་འབྲས་སུ་རྒྱ་གཞུང་གི་ལངས་ཕྱོགས་ལ་བསམ་ཞིབ་ཀྱིས་རང་ཕྱོགས་ནས་མཁྲེགས་བཟུང་མ་བྱས་པར་དངོས་དོན་དང་བསྟུན་ཏེ། གུ་བཤང་གང་ཐུབ་བྱས་ཚུལ་ལོ་དུས་སོ་སོའི་གསུམ་དུས་གསུང་འཕྲིན་སོགས་སུ་གསལ་བཤད་བྱས་ཡོད་པ་བཞིན་འབྲེལ་མོལ་ཐེངས་བརྒྱད་པའི་སྐབས་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་དང་རང་སྐྱོང་བཅའ་ཁྲིམས་ཀྱི་ཆ་རྐྱེན་འོག བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ལག་བསྟར་ཡོང་ཐབས་ཀྱི་བསམ་འཆར་ཡིག་ཆ་ཞིག་སྤྲད་ཡོད་ཅིང་། དེ་ལ་རྒྱ་ཕྱོགས་ནས་འཁྱོག་བཤད་བྱས་པ་རྣམས་གསེད་བཀྲོལ་སླད་འདི་ལོ་འབྲེལ་མོལ་དགུ་བའི་སྐབས་འགྲེལ་བརྗོད་ཅིག་སྤྲད་པ་བཅས་ཡིག་ཆ་དེ་དག་ད་ཆ་མང་ཚོགས་ཀྱི་མིག་ལམ་དུ་གྱུར་ཟིན།
གོང་སྨོས་རྣམས་གྲོས་ཚོགས་ཀྱི་སྤྱི་མོས་གྲོས་ཆོད་སྔ་རྗེས་ཀྱི་འབྲུ་དོན་ལྟར་ངོས་ནས་ལྷག་བསམ་ཟོལ་མེད་ཀྱིས་འབད་འབུང་བྱེད་ཁུལ་ཡང་། བསམ་འཆར་དང་འགྲེལ་བརྗོད་དེ་དག་གྲོས་ཚོགས་ནས་མོས་མཐུན་མ་བླངས་པའམ། གྲོས་ཚོགས་ལ་མ་བསྟན་པའི་ཡིག་ཆ་ཡིན་ཚུལ་དང་། ངོས་ཀྱི་བསམ་ཚུལ་མིན་ཚུལ་སོགས་ཀྱི་དོགས་གླེང་རིགས་ཡོང་གིན་ཡོད་ཚོད་འདུག་པས། རྩ་དོན་དང་འབྲེལ་བའི་གནད་དོན་འདི་རིགས་ཕྱི་གསལ་ནང་གསལ་མ་བྱུང་བར་མང་ཚོགས་སུ་ཐེ་ཚོམ་སྐྱེ་གཞིར་གནས་པས་ད་རེས་ཚོགས་དུས་འདིའི་རིང་བགྲོ་གླེང་མཐིལ་ཕྱིན་དང་། དེ་བཞིན་བཀའ་ཤག་དང་ངོས་ཀྱི་སྐུ་ཚབ་སྦྲེལ་པོ། གཞན་ཡང་འབྲེལ་ཡོད་ཅི་འོས་རྣམས་ལ་ཉན་ཞིབ་དོགས་འདྲི་འཁྲུན་ཆོད་བྱས་ཏེ་གསལ་བོ་བཟོ་དགོས། འབྱུང་འགྱུར་བྱེད་ཕྱོགས་གྲོས་ཚོགས་ཀྱི་བསམ་འཆར་དང་མངོན་འདོད་གསར་པ་ཡོད་ན་དེའི་སྤྱོར་དངོས་རྗེས་གསུམ་གྱི་ལས་རིམ་གསལ་སྟོན་བྱ་དགོས་པ་བཅས་ཡིད་འཇགས་བགྱིས།

སྡུག་གྱོང་ཉོ་དགོས་མི་འདུག་བསམ་སོང་།
____ཨར་བོད་དང་བཅས་པར་སྤྲིངས།
ཞོགས་ལྗང་།
༄༅།།ཁྱོད་རང་ཚོས་དུས་རྒྱུན་ན་གཞོན་གསར་བ་ཞེས་མིག་དབང་གཞན་ཞིག་གིས་བལྟས་པར་སྙིང་ནས་དགའ་བསུ་ཞུ་གི་ཡིན། ཐེངས་འདིར་ང་ཚོར་མིང་དེ་འདྲའི༼རླབས་ཆེན༽ཞིག་བཏགས་པར་ཡང་དགའ་བསུ་ཆེན་པོ་ཞུ་གི་ཡིན། སྐད་ཆ་དེ་ལྟ་བུ་ཞིག་གིས་རང་གི་འཕོང་ཚོས་རང་གིས་བསྟན་པ་ལས་ང་རང་ཚོར་གནོད་ཅི་ཡང་སྐྱེལ་མི་ཐུབ་པར་མ་ཟད། འདི་ལྟ་བུ་ཞིག་གིས་བོད་ལ་ཡང་ཕན་ཅི་ཡང་ཐོགས་ཀྱིན་མེད་པས། བྱིས་པས་རྩེད་ཁང་ཕུབ་པ་ལྟ་བུ་ཞིག་ཡིན་ན་ང་རང་ཚོས་ཁྱོད་ཀྱི་རྨི་ལམ་ལ་ཐེ་གཏོགས་གང་ཡང་གནང་གི་མ་རེད། རེད་མོད་ཀྱང་། དེ་རིང་གསལ་བཤད་དགོས་རྒྱུ་ཞིག་ལ་ཁྱོད་དང་བཅས་པའི་གཞིས་བྱེས་བོད་ མི་མང་དག་ཅིག་གིས་ན་གཞོན་གསར་བ་ཞེས་པ་འདིའི་ཟུར་ཙམ་ཡང་མཐོང་ཐུབ་ཀྱིན་མི་འདུག་པས། ན་གཞོན་གསར་བའི་གསར་གྱི་ངོས་ཅུང་ཙམ་ཞིག་བཤད་ཐུབ་ན་ཁྱོད་རང་ཚོར་ཕན་ཐོགས་ཆེན་པོ་འབྱུང་གི་རེད་བསམ་ནས་བཀོད་ན་དགོངས་འགལ་མེད་པར་ཞུ། རྩོམ་ཡིག་འདིའི་འཕྲོ་ཀློག »

བོད་ནས་ལྷམ་ཀོག་གིས
གུས་པར་འོས་པའི་སྐུ་ཞབས་ལགས།
རྒྱང་རིང་བོ་ནས་སེམས་ཀྱི་གནད་ས་ཕ་ཡུལ་ལ་གཏད་ཅིང་། རིག་པའི་རྣོ་ཁ་དུས་རབས་ལ་བཙུགས་ཡོད་པ་མཐོང་འཕྲལ་དགའ་བོ་བྱུང་། དེང་གི་ཆར་ཤར་གྱི་དངོས་པོ་ནུབ་ལ་བསྐྱལ་བར་ཚེགས་མེད་ཅིང་། ལྷོ་ཡི་བརྡ་འཕྲིན་བྱང་དུ་སྤེལ་བར་ཆེས་ཤིན་ཏུ་མྱུར་བའི་དུས་འདིར། འཛམ་གླིང་ནི་ཆེ་ནས་ཆུང་དུ་འགྲོ་བར་བཤད་ཅིང་། རིག་གནས་ཀྱང་སྣ་གཅིག་ནས་སྣ་མང་དུ་འགྲོ་བར་མངོན་སུམ་གྱི་ཡུལ་དུ་གྱུར་བ་འདི་ལྟ་ན། འུ་ཅག་གིས་ཀྱང་ལག་པ་དམ་པོ་ལྷོད་དུ་གཏོང་མཚམས་ཤེས་པའི་སྒོ་ནས། ཕྱི་ཡི་རིག་གནས་ལ་བསེད་གྲོལ་གྱི་གོ་སྐབས་ཡོད་པའི་སྒོ་ནས་དུས་རབས་ཤིག་གི ཆབ་དཔལ་རིག་གསུམ་ནང་དུ་བསུ་དགོས་པ་ཡིན་དུས། ཕན་ཚུན་འཆམ་མཐུན་གྱི་རྩ་བ་ནི་རྨང་དུ་བྱས་ཤིང་། དེ་ཡི་ཁར་རྒྱང་རིང་བོ་ཞིག་གི་ལས་དོན་དེ་ལ་གཞོལ་དགོས་པ་ནི་ཉིད་ལ་ཞུ་མ་དགོས་པ་ཞིག་རེད།
བོད་ཕྱི་ནང་གང་ན་ཡང་འཚོ་ཞིང་གཞེས་པའི་གསར་བུ་སྟག་འདྲ་གཟིག་འདྲ་དག་གི་སེམས་ཀྱི་རུས་པའི་སྣེ་ཁེན་ས་མི་རིགས་འདི་ཡིན་ཞིང་། ལག་གི་སྨྱུ་གུའི་ཁྲག་བཞུར་ས་ཡང་མི་རིགས་འདི་ཡིན་པ་ཧ་གོ་བ་བྱུང་ན། རྩོམ་ཡིག་འདིའི་འཕྲོ་ཀློག »

བསྟན་འཛིན།

ཀླུ་སྨྱོན་ལགས་ཀྱིས། ༼རང་རེའི་སྤྱི་ཚོགས་ཁྲོད་བུད་མེད་རྩོམ་པ་མོ་ཉུང་སྐྱོན་འདུག སྐྱེས་པ་རྩོམ་པ་པོ་མང་སྐྱོན་འདུག༽ ཅེས་པའི་བསམ་ཚུལ་ཐུང་ངུ་ཞིག་སྤེལ་བ་འདིར་གནད་འགག་ཡོད་ཀྱི་རེད་དེ། དགོངས་ཚུལ་གྱི་གཤོག་པ་རིང་དུ་བརྐྱངས་ཏེ། ༼མང་དྲགས་འདུག་མི་འདུག་དུས་བབ་ཟིན་བྲིས་ཚང་ལ་ཕེབས་དང་མཁྱེན་གྱི་རེད༽ཅེས་གསུངས་འདུག འདི་ནི་ངས་ལགས་སོ་ཞུ་མི་ཐུབ་པའི་གསུང་ཚིག་ཅིག་རེད།
ཁྱེད་རང་ལ་བཀའ་འདྲི་ཞིག་ཞུ་རྒྱུར། ཁྱེད་རང་ནི་དུས་བབ་ཟིན་བྲིས་ནང་གཞོན་སྐྱེས་མཁས་པ་ཞིག་ལབ་ནའང་འདྲ། རྩོམ་པ་པོ་རྒན་གྲས་ཤིག་ལབ་ནའང་འདྲ། ཁྱེད་རང་དུས་བབ་ཟིན་བྲིས་ནང་ཞུགས་ཤིང་བཞུགས་མུས་སུ་ཡོད་མཁན་ཅིག་གི་ངོས་ནས། དུས་བབ་ཀྱི་ཟིན་བྲིས་པ་འདི་ཚོའི་ཤེས་དཔྱོད་ཀྱི་ཚད་དང༌། བསམ་བློའི་གཞི་རྒྱ། དམིགས་ཕྱོགས་ཀྱི་ཚད་བཅས་ལ་མཐོང་ཆུང་དང་ཁྱད་གསོད་བྱས་པ་ཞིག་རེད།
གང་ཡིན་ཟེར་ན། ༼མང་དྲགས་འདུག་མི་འདུག་དུས་བབ་ཟིན་བྲིས་ཚང་ལ་ཕེབས་དང་མཁྱེན་གྱི་རེད༽ཅེས་ཁྱེད་རང་གིས་དུས་བབ་ཟིན་བྲིས་པ་ང་ཚོར་མཐོང་ཆུང་དང་ཁྱད་གསོད་བྱས་འདུག ད་ཡིན་ན། ཁྱེད་རང་གིས་དུས་བབ་ཟིན་བྲིས་པ་ཚོའི་ཤེས་དཔྱོད་དང་མིང་རྒྱང་གི་རིང་ཐུང་ཚད་བཅལ་བའི་མཐའ་མའི་བཙལ་དོན་དེ་ངོ་སྤྲོད་ཅིག་གནང་རོགས།

ཆོས་ཀྱི་གྲོགས་པོ་དགེ་བཤེས་བསྟན་འཛིན་རྡོ་རྗེ་མཆོག་ལ་ཕུལ་བ།
བེ་རི་འཇིགས་མེད།

དཔལ་ལྡན་སྟོབས་བཅུ་མངའ་བའི་ལུང་རྟོགས་བསྟན།།
འཛིན་མཁས་ངེས་པ་དོན་གྱི་རྣལ་འབྱོར་པ།།
གསང་སྔགས་རྡོ་རྗེ་ཐེག་པའི་སྤུན་གྲོགས་ལགས།།
འཇིགས་མེད་སྙན་ངག་སྨྲ་བའི་འཕྲིན་འདི་གསོན།།

ཉེ་ཆར་གང་སྐུ་མཚན་དཔེའི་ཟླ་གཞོན་ལ།།
ཉམས་རྟོགས་དཀྱིལ་འཁོར་རྫོགས་པའི་འོད་སྣང་རིས།།
ཡིག་ངག་གང་གི་ལམ་ནས་མ་སོན་ཀྱང༌།།
བརྒྱུད་ནས་འཚམས་འདྲི་བྱས་པའི་གཏམ་ལས་ཐོས།།
རྩོམ་ཡིག་འདིའི་འཕྲོ་ཀློག »

གཡུང་དྲུང་ཚེ་བརྟན།

ཁྱེད་རང་ཁ་བརྡ་དང་དུས་བབ་དྲ་ངོས་ཀྱི་ཡི་གེ་བཀླགས་མྱོང་མཁན་ཞིག་ཡིན་ན། ཡང་ན། ཁྱེད་རང་ཁ་བརྡ་དང་དུས་བབ་དྲ་ངོས་ལ་བསམ་ཚུལ་ཡི་གེ་འབྲི་མཁན་ཞིག་ཡིན་ན། ད་དུང༌། ཁྱེད་རང་ཁ་བརྡ་དང་དུས་བབ་དྲ་ངོས་ཀྱི་ཟིན་བྲིས་པ་ཞིག་ཡིན་ན། གཤམ་གྱི་སྐད་ཆ་འདིས། ཁྱེད་ལ་ཕོག་ཐུག་ཅིག་གཏོང་ངེས་ཡིན། དེ་ནི། ཁྱེད་རང་ཚོར་དབྱེ་མཚམས་ཤིག་ཕྱེས་ཡོད་པས་ཡིན།
ང་ནི་ཀློག་མཁན་དཀྱུས་མ་ཞིག་ཡིན། ཁྱེད་ཚོས་གང་བྲིས་པ་ཕལ་ཆེ་བ་བཀླགས་མྱོང་མཁན་ཞིག་ཡིན། ད་ནི་བསམ་ཚུལ་ཞིག་སྤེལ་འདོད་བྱུང༌། གང་ཡིན་ལབ་ན། ཁྱེད་རང་ཚོ་རྩོམ་ཡིག་འབྲི་མཁན་རེད། ང་ནི་ཀློག་མཁན་དཀྱུས་མ་ཞིག་རེད། ཡིན་ནའང༌། ཁྱེད་ཚོས་སྤེལ་བའི་རྩོམ་ཡིག་མང་པོ་ཞིག་གིས་ཀློག་པའི་ཡི་ག་འདི་ཇེ་ཆུང་ལ་གཏོང་གི་འདུག དཔེར་ན། ད་ལྟའི་ཀློག་མཁན་ཚོའི་ཁྲོད་ན་དུས་རྒྱུན་གླེང་བཞིན་པའི་གནད་དོན་གསུམ་འདུག
དང་པོ་ནི། ཁ་བརྡ་དྲ་ཐོག་གི་ཡི་གེ་བ་ཚོར་སྐད་ཡིག་གི་རྨང་གཞི་མཐུག་པོ་ཡོད་པ་དང་དུས་བབ་དྲ་ཐོག་གི་ཡི་གེ་བའི་ནང་ན་དགེ་འདུན་རབ་གསལ་དང༌། ཁ་བ་དཀར་པོ། ལུང་རིགས། བོན་བརྒྱ་བསྟན་འཛིན་རབ་རྒྱས་བཞི་པོ་མེད་པའི་དབང་དུ་བཏང་ན། བྱིས་པ་ལོ་ཆུང་གི་རྩེད་ར་ཞིག་གི་རྣམ་པ་ཙམ་ལས་གཞན་ཅི་ཡང་མི་འདུག་ཟེར་བ་འདི་རེད།
གཉིས་པ་ནི། ཁ་བརྡ་དྲ་ཐོག་གི་ཡི་གེ་བ་མང་ཆེ་བ་བལྟ་རྒྱ་དང་ཐོས་རྒྱའི་ཀློང་ན་འགྱིང་བཞིན་པ་སྐོར་ཞིག་རེད། དུས་བབ་དྲ་ཐོག་གི་ཡི་གེ་བ་ཚོ་ནི། ཐ་སྙད་ཀྱི་མུ་གེའི་ཀློང་ན་འཁྱམ་ནས་ཡོད་མཁན་དང་སེམས་ཚོར་ཙམ་སྤེལ་སྡོད་མཁན་སྐོར་ཞིག་རེད་ཟེར་བ་འདི་རེད།
གསུམ་པ་ནི། ཁ་བརྡ་དྲ་ཐོག་གི་ཡི་གེ་བ་ཚོས་གནད་དོན་ཅིག་གླེང་སློང་བྱེད་ཀྱི་འདུག དུས་བབ་དྲ་ཐོག་གི་ཡི་གེ་བ་ཚོས་སེམས་ཚོར་ཞིག་སྤེལ་ནས་བསྡད་འདུག་ཟེར་བ་འདི་གསུམ་རེད། རྩོམ་ཡིག་འདིའི་འཕྲོ་ཀློག »

བེ་་རི་འཇིགས་མེད།

མ་སྨད་ཐེག་པ་མཆོག་གི་བསྟན་པ་འཛིན།།
གསང་ཆེན་རྡོ་རྗེ་ཐེག་པའི་མཛོད་ལ་དབང༌།།
རབ་འབྱམས་སྨྲ་བའི་ཆོས་གྲོགས་དགེ་བཤེས་ལགས།།
འཇིགས་མེད་ཀླ་ཀློའི་བུ་ངའི་འཕྲིན་འདིར་གསོན།།

ཀ་ཁ་ག་ངའི་མགོ་རྔ་མ་ཤེས་གོང༌།།
ཁ་དོག་དཀར་དམར་རྩོད་པའི་རིགས་ལམ་དེ།།
ག་འདྲ་ཡིན་ནམ་སྙམ་པའི་དོགས་པ་ཞིག།
ང་ཡི་སེམས་ལ་མི་ཤར་ཀ་མེད་བྱུང༌།།
རྩོམ་ཡིག་འདིའི་འཕྲོ་ཀློག »

བེ་རི་འཇིགས་མེད།

འགྲོ་ བའི་བདེ་སྐྱིད་ཀྱི་འབྱུང་གནས་བསྟན་པ་སྤྱི་དང་བྱེ་བྲག་ཏུ་བསྟན་པའི་ནང་མཛོད་ སོ་སོར་ཐར་པའི་འདུལ་བ་འདི་ཉིད་སྡེ་སྣོད་གཞན་གཉིས་ཀྱིའང་རྩ་བ་ཡིན་ཏེ། སོ་སོར་ཐར་པའི་མདོ་ལས། སངས་རྒྱས་འདུལ་བ་གངས་ཅན་མཚོ། །གཏིང་མཐའ་མེད་པ་ཐམས་ཅད་གྱི། །གནས་པའི་སྙིང་དང་སྙིང་པོ་ནི།། སོ་སོར་ཐར་པ་འདི་ཡིན་ནོ།། རྩོམ་ཡིག་འདིའི་འཕྲོ་ཀློག »

༄༅།། བོད་མི་མང་སྤྱི་འཐུས་ལྷན་ཁང་གི་དབུ་ལས་ལྷན་རྒྱས་ལ།

ཚུལ་མཐུན་གྱི་གུས་ལུགས་སྔོན་དུ་བཏང་ནས་ཞུ་གསོལ། འདས་པའི་ལོ་མང་པོ་ཞིག་གི་སྔོན་ནས་བོད་གཞིེས་བྱེས་གཉིས་སུ་ཡོད་པའི་ཇོ་ནང་པ་ཡོངས་རྫོགས་ཀྱིས། རྒྱལ་བ་ཇོ་ནང་པའི་ཆོས་བརྒྱུད་ཆེན་པོ་འདི་ལ་བོད་ཀྱི་ཆོས་བརྒྱུད་ཆེན་པོ་སྤྱི་མཚུངས་ཀྱི་ཐོབ་ཐང་གནང་སྐྱོང་ཡོང་བ་ཞེས་ཡིག་ངག་གཉིས་ཐོག་ལན་གྲངས་དུ་མར་ཞུས་ཟིན་པར་མ་ཟད། ད་ལྟའི་ཆར་རེ་འབྲས་དོན་སྨིན་ཡོང་རེ་བྱས་ནས་སྡོད་བཞིན་པ་དེ་ལྟར་ཡང་། རྩོམ་ཡིག་འདིའི་འཕྲོ་ཀློག »

༄༅།། ས་ཁོངས་ཆོས་གཞིས་གཙང་རྩེ་གདོང་ཁང་ལྟག་གི་མི་ངོ་སྐྱབས་བཅོལ་བ་སྤེན་རྡོར་རང་ལོ་བརྒྱད་བཅུ་འཚོ་བའི་དུས་ཚེས་ ཐོག་རང་རང་གོ་སྐལ་སྲིད་ཞུའི་གྲུབ་འབྲས་སྙིང་བསྡུས་ཤིག་ཞུ་རྒྱུར། ཕྱི་ལོ་ ༢༠༠༩ དང་བོད་རབ་བྱུང་ས་གླང་ལོ་འདི། གང་ཟག་སྒེར་གྱི་ཆ་ནས་རང་ལོ་༨༠ བར་དུ་འཚོ་བའི་ལོ་ཚིགས་གལ་ཆེན་ཞིག་ཏུ་བརྩི་སྲོལ་ཡོད་པ་བཞིན། ཕྱོགས་མཐར་གནས་པའི་བུ་ཕྲུག་རྣམས་ནས་ཀྱང་ཕ་རྒན་རང་ལོ་ ༨༠ འཚོ་བའི་དགའ་སྟོན་དུ་འདུ་འཛོམས་བྱ་འཆར་འདུག་ཀྱང༌། དགའ་སྟོན་ལ་རོལ་བའི་འོས་བབ་མ་མཐོང་ཞིང༌། དོན་མེད་གནམ་གྲུ་སོགས་ཀྱི་ལམ་གྲོན་ཆུད་ཟོས་དང༌། དཀའ་ངལ་ཡོང་རྒྱུ་ཙམ་ལས་དགོས་དབང་མེད་པར་མཐོང་སྟེ། བུ་ཕྲུག་ཚང་མར་ཡོང་མ་དགོས་ཞེས་བརྗོད་པ་ཡིན། ཡིན་ནའང༌། རང་ལོ་ ༨༠ འཚོ་བའི་རིང་འདིར། རང་གི་རྒྱལ་ཁབ་དང་མི་རིགས་ལ་སྨན་པའི་སྲིད་ཞུ་འགྲུབ་མིན་ལ་ཕྱིར་བལྟ་བྱེད་སྐབས། འགྱོད་པ་སྐྱེ་གཞིའི་བྱ་བ་གང་ཡང་མེད་ཅིང༌། རང་རང་སྐབས་བབ་འོས་འགན་ཕྱོགས་བསྡོམས་ཞུ་རིན་ཡོད་ཙམ་ཞིག་མཐོང་ནས། ད་ལམ་རྒྱས་བཤད་མ་དགོས་པའི་ལས་བསྡོམས་སྙིང་བསྡུས་ཤིག་ཞུ་ན། བོད་མིའི་བླ་སྲོག་ལྟ་བུའི་རིག་གནས་ཆེན་པོ་ལྔའི་ཡ་གྱལ་མཆོག་གི་ལུས་བཟོ་རིག་པ་འབུར་སྐུ་རྟེན་བཞེངས་ཀྱི་ཕྱག་རྩལ་ལ་འཇུག་པར་བྱེད་པ་ལ། ཐོག་མར་བསླབ་པའི་རིམ་པ་གཅིག་ཅོག་གི་བསླབ་པ་དང༌། རིགས་གཅིག་རྐང་འཛིན་དུ་བསླབ་པ་གཉིས་ལས། བོད་གཞུང་དགའ་ལྡན་ཕོ་བྲང་བཀའ་ཤག་གི་འཛིན་སྐྱོང་འོག ལྷ་ས་ཞོལ་འདོད་དཔལ་ཞེས་པའི་རྟེན་བཞེངས་ལས་ཚོགས་ཆེན་པོ་དེ་དག་རིགས་གཅིག་རྐང་འཛིན་ཁོ་ན་ཡིན་ཅིང༌། དཔེར་ན། དྲང་སྲོང་ཁྲོས་པའི་ལྷ་སྐུ་བཅོམ་ལྡན་དུས་ཀྱི་འཁོར་ལོ་ལྟ་བུ་ཞིག་བཞེངས་པ་ལ་དང་པོ་བྲིས་པའི་སྡེ་ཚན་ ༡། གཉིས་པ་རྡུང་པའི་སྡེ་ཚན་ ༡། གསུམ་པ་ཚག་པའི་སྡེ་ཚན་ ༡། བཞི་པ་འཇིམ་བརྙན་སྡེ་ཚན་༡། ལྔ་པ་ལུག་པའི་སྡེ་ཚན་ ༡། དྲུག་པ་ཕྲ་བཟོ་སྡེ་ཚན་ ༡། བདུན་པ་གཟི་རྡར་ལག་གཡོག་གི་སྡེ་ཚན་བཅས། སྒྲིག་གཞི་དགོངས་དོན་མི་གྲངས་ ༡༢༨ ཡོད་པ་རྣམས། ལས་རིགས་སྣ་རེ་ལས་མི་ཤེས་ཏེ། ཤེས་ཀྱང་ལས་མི་ཆོག དེ་བཞིན་བླ་བྲང་ནང་མ་སྒང་གི་འཛིན་སྐྱོང་འོག་གཞིས་རྩེ་བཀྲ་ཤིས་སྐྱེད་ཚལ་ཞེས་པའི་ལས་ཚོགས་དེར་ལས་མི་གྲངས ༤༠ ཙམ་ཡོད་པ་དེ་ཡང༌། ཞོལ་འདོད་དཔལ་ལྟར་རིགས་གཅིག་རྐང་འཛིན་ཁོ་ན་ཡིན། འོ་ན་གཅིག་ཅར་གྱི་བསླབ་པ་ལ་ཞུགས་ན། ཐོག་མ་སློབ་མའི་རིམ་པ་དང༌། བར་དུ་བསླབ་པའི་རིམ་པ་གཉིས་ཡོད་པ་ནས། ཐོག་མར་སློབ་མའི་རིམ་པ་ཞུས་ན། མི་གཡོ་བ་རྟོགས་པའི་རྒྱུད་ཀྱི་རྒྱལ་པོ་ལས། ལྷའི་བཟོ་བོ་ནི་བཟོ་རིགས་ཕལ་པ་དང་མི་འདྲ་ཞིང༌། བྲམ་ཟེ་འམ། གཙང་སྦྲ་དང་ལྡན་པ། རབ་དགེ་སློང༌། འབྲིང་དགེ་བསྙེན། མཐའ་མའང་མི་སྐྱ་ཕལ་བ་མ་ཡིན་པར་བསྙེན་གནས་ཕབ་པར་བྱའོ།། དེ་ཡང༌། ཐོས་མང་བརྩོན་བཞིན་དམ་ཚིག་བསྡོམས་གནས་པ།། ཆོས་དང་སྦྱིན་མོས་བྱང་ཆུབ་སེམས་ལྡན་པ།། བློ་ལྡན་བཟོ་ཡི་གནས་ལ་མཁས་ཤིང་དུལ།། རང་དབང་ཡོད་ཅིང་མཆོད་ཅིང་བཀུར་འོས་པ།། སྔགས་རིགས་ལས་ཀུན་ཤེས་ཤིང་འགྲོག་ན་བདེ།། རྒས་མིན་ནད་ཀྱིས་གདུང་མིན་མ་ནིང་མིན།། ལུས་རིགས་བཟང་ཞིང་དགེ་བའི་གྲོགས་བྱེད་པ།། དངོས་གྲུབ་འདོད་ཅིང་སངས་རྒྱས་ཡིད་ལ་བྱེད།། མཁས་པའི་རྗེས་འཇུག་རང་བཟོ་སྤང་པ་བོ།། ཞེས་པ་ལྟར། རང་ཉིད་དུ་སློབ་མའི་རིམ་པ་ལམ་ཙམ་ཚང་ཁུལ་ཐོག གཅིག་ལྕོགས་སུ་བསླབ་པའི་རིམ་པ་ནི། ས་ཁོངས་ཆོས་གཞིས་རྩེ་གདོང་ཞེས་པའི་ཡུལ་ལུང་དེར། རྩོམ་ཡིག་འདིའི་འཕྲོ་ཀློག »

(བོད་ཀྱི་དུས་བབ་ནས་བཤུས།)

བདུད་ལྷ་རྒྱལ།

སློབ་གྲྭ་ཆེན་མོ་ནི་མཐོ་རིམ་ཡོན་ཏན་པ་གསོ་སྐྱོང་བྱ་ས་ཡིན་ལ། འདི་ལས་ཐོན་པའི་མི་སྣ་ནི་སྤྱིར་བཏང་གི་སློབ་གསོ་མྱོང་ཡོད་མཁན་ཞིག་དང་གཏན་ནས་མི་འདྲ། སློབ་གྲྭ་ཆེན་མོ་ནས་མཐར་ཕྱིན་པ་ཞིག་ཡིན་ན། དེ་ལ་རང་ཚུགས་ཀྱི་བསམ་གཞིགས་བྱེད་སྟངས་ཤིག་དང༌། གཞན་དྲིང་མི་འཇོག་པའི་སྤོབས་པ། རྩོམ་ཡིག་འདིའི་འཕྲོ་ཀློག »

གསར་འགྱུར་འདི་གཤམ་གྱི་རྒྱ་གཞུང་གི་དྲ་གྱའི་ཐོག་ནས་ཕབ་པ་ཡིན།

http://tb.tibet.cn/news/xz_news/ttxw/200811/t20081107_437194.htm 

ཉེ་ལམ་པེ་ཅིང་དུ་རྒྱལ་ཡོངས་སྲིད་གྲོས་ཀྱི་ཀྲུའུ་ཞི་གཞོན་པ་དང་ཀྲུང་གུང་ཀྲུང་དབྱང་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་ཏུའུ་ཆིང་ལིན་གྱིས་ཏཱ་ལའི་བླ་མའི་མི་སྒེར་གྱི་འཐུས་མི་རྒྱ་རི་བློ་གྲོས་དང་སྐལ་བཟང་རྒྱལ་མཚན་འཁོར་དང་བཅས་པར་མཇལ་འཕྲད་གནང་བ་རེད།

ཏུའུ་ཆིང་ལིན་གྱིས་རྒྱ་རི་བློ་གྲོས་འཁོར་དང་བཅས་པར་པེ་ཅིང་གི་ཨའོ་རྩལ་འགྲན་ཚོགས་དང་དབང་བོ་སྐྱོན་ཅན་གྱི་ལུས་རྩལ་འགྲན་ཚོགས་སྟེང་དུ་གྲུབ་འབྲས་ཆེན་པོ་བླངས་པ་དང་།   འཕུར་གྲུ་ཨང་བདུན་པ་ཞེས་པར་མི་བསྡད་ནས་མཁའ་དབྱིངས་སུ་བསྐྱོད་པ་བདེ་བླག་ངང་ལེགས་འགྲུབ་བྱུང་བའི་གནས་ཚུལ་སྐོར་ངོ་སྤྲོད་གནང་ཞིང་།    དེང་སྐབས་རྒྱལ་ཁབ་དང་བོད་རང་སྐྱོང་ལྗོངས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་འགྲོ་བའི་གནས་ཚུལ་སྐོར་དང་།   དེ་མིན་བོད་ལྗོངས་ཀྱི་ཡོམ་འགོག་གེགས་སེལ་དང་ཤིན་ཏུ་མཐོང་དཀོན་པའི་གངས་སྐྱོན་འགོག་སེལ་བྱས་ཚུལ་སོགས་ངོ་སྤྲོད་གནང་བ་རེད།     ཁོང་གིས་འདི་སྐད་དུ།    ང་ཚོ་དཀའ་ངལ་དང་ཚོད་བགམ་སྣ་ཚོགས་ལས་རྒྱལ་ཐུབ་པ་དང་།   བཅོས་སྒྱུར་སྒོ་འབྱེད་དང་སྤྱི་ཚོགས་རིང་ལུགས་ཀྱི་དེང་རབས་ཅན་འཛུགས་སྐྲུན་ལ་ཀུན་གྱིས་དོ་སྣང་བྱེད་པའི་གྲུབ་འབྲས་གསར་པ་བླངས་ཡོད་པ་མཐའ་དག་གི་རྩ་བའི་རྒྱུ་རྐྱེན་ནི།    ང་ཚོས་ཐོག་མཐའ་བར་གསུམ་དུ་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་འཕེལ་རྒྱས་ཀྱི་ལམ་ཕྱོགས་རྒྱུན་འཁྱོངས་བྱས་པས་ཡིན་ལ།  ཀྲུང་གོ་ཞི་བདེའི་ངང་འཕེལ་རྒྱས་འགྲོ་བ་ནི་ནམ་ཡང་འགོག་ཐབས་མེད་པའི་ལོ་རྒྱུས་ཀྱི་འཕེལ་ཕྱོགས་ཤིག་ཡིན་པ་དང་།    བོད་ལྗོངས་ཉིད་མེས་རྒྱལ་གྱི་ཁྱིམ་གཞི་ཆེན་མོའི་ནང་དུ་དར་རྒྱས་ཆེན་པོ་འགྲོ་བཞིན་པ་ནི་ཀུན་གྱི་མིག་གིས་མཐོང་ཚོད་དུ་གྱུར་པའི་དོན་དངོས་ངོ་མ་རེད་ཅེས་གསུངས་པ་རེད།

ཏུའུ་ཆིང་ལིན་གྱིས་འདི་སྐད་དུ།    ཀྲུང་གོའི་གུང་ཁྲན་ཏང་གི་འགོ་ཁྲིད་རྒྱུན་འཁྱོངས་བྱེད་པ་དང་།   ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་ལམ་ཕྱོགས་རྒྱུན་འཁྱོངས་བྱེད་པ།    མི་རིགས་ས་ཁོངས་ཀྱི་རང་སྐྱོང་ལམ་ལུགས་རྒྱུན་འཁྱོངས་བྱེད་པ་བཅས་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ནང་དུ་ཁ་གསལ་བའི་སྒོ་ནས་གཏན་འབེབས་གནང་ཡོད་ལ།    བོད་ལྗོངས་ཀྱི་ཆེས་ཆེ་བའི་ཆབ་སྲིད་དངོས་དོན་ཞིག་ཀྱང་ཡིན། “རྒྱུན་འཁྱོངས་བྱེད་པ་གསུམ”ཞེས་བྱ་བ་ཁས་མི་ལེན་ཞིང་རྩ་ཁྲིམས་དང་རྩ་ཁྲིམས་ལས་འགལ་བའི་བྱ་སྤྱོད་མཐའ་དག་ནི་གཏན་ནས་མི་ཆོག “རྒྱུན་འཁྱོངས་བྱེད་པ་གསུམ”ཞེས་བྱ་བ་དེ་ནམ་ཡང་འགྱུར་བ་མེད་པ་དང་།    སྔར་བཞིན་ལག་བསྟར་བྱེད་རྒྱུ་ཡིན་ཞེས་གསུངས་པ་རེད།

ཏུའུ་ཆིང་ལིན་གྱིས་འདི་སྐད་དུ།   རྩ་འཛུགས་གང་དང་མི་སྒེར་གང་རུང་ཞིག་ཡིན་རུང་ངེས་པར་དུ་རྩ་ཁྲིམས་གཞི་རྩར་བཟུང་ནས་བྱེད་སྒོ་སྤེལ་བ་དང་།    རྩ་ཁྲིམས་ཀྱི་ཟིལ་ཤུགས་སྲུང་ཅི་ཐུབ་བྱས་ནས།    རྩ་ཁྲིམས་དང་མི་རིགས་ས་ཁོངས་རང་སྐྱོང་བཅའ་ཁྲིམས་ལ་བརྩི་སྲུང་བྱེད་དགོས། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མི་རིགས་ས་ཁོངས་རང་སྐྱོང་བཅའ་ཁྲིམས》ཞེས་པ་ལག་བསྟར་བྱས་ནས་ངེས་པར་དུ་རྒྱལ་ཁབ་ཀྱི་ཁེ་ཕན་དང་ཀྲུང་ཧྭ་མི་རིགས་ཀྱི་ཁེ་ཕན་དེ་ཡོད་ཚད་ལས་མཐོ་བའི་རྩ་དོན་རྒྱུན་འཁྱོངས་བྱེད་པ་དང་།    མཐའ་གཅིག་ཏུ་རྒྱལ་ཁབ་གཅིག་གྱུར་དང་མི་རིགས་མཐུན་སྒྲིལ།    མི་རིགས་ས་ཁོངས་རང་སྐྱོང་བཅས་ལ་བརྩི་སྲུང་བྱེད་པ་ནི།    རང་རྒྱལ་གྱི་སྣ་གཅིག་པའི་ལམ་ལུགས་ཀྱི་རྒྱལ་ཁབ་སྒྲིག་གཞིའི་རྣམ་པ་བྱེ་བྲག་གིས་མཚོན་པ་ཞིག་ཡིན་པ་དང་།    རྒྱལ་ཁབ་ཁ་ཤས་ཤིག་གིས་ལག་བསྟར་བྱེད་བཞིན་པའི་རྒྱལ་ཕྲན་མཉམ་འབྲེལ་ལམ་ལུགས་དང་རྒྱལ་ཁག་མཉམ་འབྲེལ་ལམ་ལུགས་དང་མི་མཐུན་ལ།    མི་རིགས་ས་ཁོངས་རང་སྐྱོང་བཅའ་ཁྲིམས་ནི་རང་རྒྱལ་གྱི་མི་རིགས་གནད་དོན་སྐོར་ཐག་གཅོད་བྱེད་པའི་རྩ་བའི་སྲིད་ཇུས་ཡིན་པ་དང་།    རྒྱལ་ཁབ་ཀྱི་རྩ་བའི་ཆབ་སྲིད་ལམ་ལུགས་ཤིག་ཀྱང་ཡིན།    རྒྱལ་ཁབ་ཀྱིས་ཞང་ཀང་དང་ཨའོ་མོན་གཉིས་ལ་ལག་བསྟར་བྱེད་པའི“རྒྱལ་ཁབ་གཅིག་ལ་ལམ་ལུགས་གཉིས”ཞེས་པ་དང་མི་འདྲ་བ་ཡིན།    མི་རིགས་ས་ཁོངས་རང་སྐྱོང་ནི་མི་རིགས་རང་སྐྱོང་དང་ས་ཁོངས་རང་སྐྱོང་ཟུང་འབྲེལ་དམ་ཚགས་བྱེད་པ་ཡིན་ཞིང་།   “ངེས་པ་དོན་གྱི་མི་རིགས་རང་སྐྱོང”ཞེས་པའི་དར་ཆ་འཁྱེར་ནས་མི་རིགས་ཁ་བྲལ་དང་མི་རིགས་མཐུན་སྒྲིལ་ལ་གནོད་པའི་ལས་དོན་གཏན་ནས་སྤེལ་མི་ཆོག་ཅེས་གསུངས་པ་རེད།

ཏུའུ་ཆིང་ལིན་གྱིས་འདི་སྐད་དུ།    མེས་རྒྱལ་གཅིག་གྱུར་དང་མངའ་ཁོངས་འཐུས་ཚང་དུ་གཏོང་བའི་རྩ་དོན་ཀྱི་གནད་དོན་འདིའི་སྟེང་།    དུས་ནམ་ཞིག་དང་གནས་ཚུལ་གང་རུང་ཞིག་གི་འོག་ཏུའང།   འགྱུར་བ་དང་ཡོ་གཟིར་སྤུ་ཙམ་ཡང་མེད་པ་ཡིན་ལ།    བོད་ལྗོངས་རང་བཙན་བྱས་མི་ཆོག་ལ་རང་བཙན་ཕྱེད་ཙམ་ཡང་བྱས་མི་ཆོག    རྣམ་པ་འགྱུར་བའི་རང་བཙན་ཀྱང་མི་ཆོག་པ་ཡིན།    ཏཱ་ལའི་བླ་མས་ངེས་པར་དུ་ལོ་རྒྱུས་ལ་བརྩི་བཀུར་བྱེད་དགོས་པ་དང་།     དངོས་དོན་གནས་ཚུལ་ལ་དོ་སྣང་བྱེད་པ།    དུས་རབས་དང་བསྟུན་ནས་རང་ཉིད་ཀྱི་ཆབ་སྲིད་འདོད་བློ་རྦད་དེ་བཅོས་སྒྱུར་བྱེད་པ་དང་།   དྲག་ཤུལ་སྤྱོད་པའི་ཚུལ་གྱིས་བྱས་ཉེས་གསོག་པའི་བྱེད་སྒོ་དང་།    ལྐོག་ཇུས་ལྡན་པའི“བོད་རང་བཙན།” མེས་རྒྱལ་ཁ་བྲལ་དུ་གཏོང་བའི་འདོད་བློ་དང་བྱེད་སྒོ་མཐའ་དག་ལ་ངེས་པ་དོན་གྱིས་རྒྱབ་སྐྱོར་མི་བྱེད་པ།   ད་ལོའི་ཟླ༧པའི་ནང་པེ་ཅིང་དུ་གྲོས་མོལ་གནང་སྐབས་བཏོན་པའི་དམ་བཅའ་ལག་ཏུ་བསྟར་ནས་གྲོས་མོལ་གོང་འཕེལ་ཡོང་བར་ཕན་འབྲས་ལྡན་པའི་ཆ་རྐྱེན་ལེགས་པོ་ཞིག་བསྐྲུན་དགོས་ཞེས་ཏན་ཏན་ཏིག་ཏིག་གིས་གསུངས་པ་རེད།

ཏུའུ་ཆིང་ལིན་གྱིས་འདི་སྐད་དུ།    ཀྲུང་དབྱང་གིས་ཏཱ་ལའི་བླ་མར་འཛིན་པའི་སྲིད་ཇུས་ནི་ཐོག་མཐའ་བར་གསུམ་དུ་གཅིག་མཚུངས་ཡིན་ལ།   གླེང་མོལ་བྱེད་པའི་སྒོ་ཆེན་ནམ་ཡང་ཕྱེས་ཡོད།   ད་ལོའི་ཚུན་ལ་རྡུང་བཅོམ་འཕྲོགས་བསྲེག་གི་དྲག་ཤུལ་སྤྱོད་པའི་ཚུལ་གྱིས་བྱས་ཉེས་བསགས་པའི་བྱེད་སྒོ་སྤེལ་ནའང་ང་ཚོས་སྔར་བཞིན་སྔ་ཕྱི་ཐེངས་གསུམ་ལ་ཏཱ་ལའི་བླ་མ་མི་སྒེར་གྱི་འཐུས་མི་ཕྱིར་རང་རྒྱལ་དུ་ལོག་ནས་གྲོས་མོལ་གནང་བར་བཀོད་སྒྲིག་གནང་བ་དེས།   ཀྲུང་དབྱང་གི་ལྷག་བསམ་ཟོལ་མེད་དང་ཐུགས་སྐྱེད་ཡངས་པ་བཅས་མཚོན་ཡོད་པ་རེད།   རེ་བ་ནི་ཏཱ་ལའི་བླ་མས་རྒྱལ་ཁབ་དང་མི་རིགས།   ལོ་རྒྱུས།    རང་ཉིད་བཅས་ལ་ཕན་པ་ཡོད་པའི་གདམ་གསེས་ཡག་པོ་ཞིག་བྱས་ན་ལེགས་ཞེས་གསུངས་པ་རེད།

ཀྲུང་དབྱང་འཐབ་ཕྱོགས་གཅིག་གྱུར་པུའུ་ཡི་རྒྱུན་ལས་པུའུ་ཀྲང་གཞོན་པ་ཀྲུའུ་ཝེ་ཆུན་དང་པུའུ་ཀྲང་གཞོན་པ་སྲི་ཐར།   བོད་རང་སྐྱོང་ལྗོངས་ཀྱི་རྒྱུན་ལས་ཀྲུའུ་ཞི་གཞོན་པ་པད་མ་འཕྲིན་ལས་བཅས་ཀྱིས་རྒྱ་རི་བློ་གྲོས་འཁོར་དང་བཅས་པར་གྲོས་མོལ་གནང་ཞིང་།     གྲོས་མོལ་གནང་བའི་སྐབས་སུ་འདི་སྐད་དུ།    ཀྲུང་དབྱང་གིས་ཏཱ་ལའི་བླ་མས་རྒྱལ་གཅེས་ལངས་ཕྱོགས་འཛིན་པའི་སྒོ་ཆེན་ནམ་ཡང་ཕྱེ་ཡོད་ལ་རྗེས་ཕྱོགས་ཀྱང་སྒོ་ཕྱེ་ངེས།   འོན་ཀྱང་བོད་རང་བཙན་དང་།  རང་བཙན་ཕྱེད་ཀ   རྣམ་པ་འགྱུར་བའི་རང་བཙན་ཞེས་པའི་སྒོ་ཆེན་དེ་རིགས་འདས་ཟིན་པའི་ནང་དུ་ཕྱེ་མྱོང་མེད་ལ།    རྗེས་ཕྱོགས་ཀྱང་ཕྱེ་མི་སྲིད་པ་ཡིན།   རྒྱ་རི་བློ་གྲོས་དང་སྐལ་བཟང་རྒྱལ་མཚན་གཉིས་ཀྱིས་འབྲེལ་ཡོད་གནད་དོན་ཐད་ནས་རང་ཉིད་ཀྱི་བསམ་ཚུལ་བརྗོད་པ་མ་ཟད།    ད་དུང་གླེང་མོལ་གྱི་འབྲེལ་ཡོད་གནས་ཚུལ་སྐོར་ཇི་བཞིན་དུ་ཏཱ་ལའི་བླ་མར་སྙན་ཞུ་འབུལ་རྒྱུའི་བསམ་ཚུལ་བསྟན་པ་རེད། 

     གྲོས་མོལ་མ་གནང་གོང་ལ།    རྒྱ་རི་འཁོར་དང་བཅས་པ་ཉིང་ཞ་ཧུའེ་རིགས་རང་སྐྱོང་ལྗོངས་སུ་ལྟ་སྐོར་གནང་བར་ཕེབས་པ་དང་།   པེ་ཅིང་དུ་སྡོད་པའི་རིང་ལ་འབྲེལ་ཡོད་ཆེད་མཁས་པས་ཀྲུང་གོའི་མི་རིགས་ས་ཁོངས་རང་སྐྱོང་གི་བཅའ་ཁྲིམས་དང་སྲིད་ཇུས།   ལག་ལེན་བཅས་ཀྱི་གནས་ཚུལ་སྐོར་རྒྱ་རི་འཁོར་དང་བཅས་པར་ངོ་སྤྲོད་གནང་བ་རེད

༼སྙན་ཞུ་འདི་བཞིན་ས་བྱི་ཞི་རྒོལ་ཆེན་མོའི་དེབ་ནང་དཔར་སྐྲུན་གནང་འདུག་པ་ནས་ཟུར་འདོན་ཞུས་པ་ཡིན།༽

༄༅། །བོད་རིགས་རང་སྐྱོང་ས་ཁོངས་བསྐྱར་དུ་ལེགས་སྒྲིག་བྱས་ནས་མི་རིགས་ཀྱི་རང་བདག་དབང་ཆར་དངོས་འབྲེལ་འགན་སྲུང་ཡོང་ཐབས་
སྐོར་གྱི་བསམ་འཆར་འགའ་ཤས། །

ཕྱི་ལོ་༡༩༨༠ ལོའི་ཟླ་༡༡ ཚེས་༢༧ ལ། །
ཀྲུང་དབྱང་ཧྲུའུ་ཅི་ཁྲུའུ། མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང༌། རྒྱལ་སྲིད་སྤྱི་ཁྱབ་ཁང་བཅས་ལ།
ང་ཚོ་ནི་ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ས་ཁུལ་གྱི་བོད་རིགས་ལས་བྱེད་དཀྱུས་མ་འགའ་ཤས་ཡིན། བྱབྱམི་བཞི་ཤོག་ཁགབྱབྱ གཏོར་རྗེས། ཀྲུང་དབྱང་ནས་ཟིང་བཅོས་ཡོ་བསྲང་གིས་མི་རིགས་སྲིད་ཇུས་ཐོག་མར་དོན་འཁྱོལ་གནང་བ་དེར་སྙིང་ནས་དགའ་སྤྲོ་འཕེལ་ཞིང༌། ལྷག་པར་དུ༌།༨༠། ཡིག་ཆ་ཨང་༣༡ པ་དེས་སྐྱོན་ཆ་ཡོད་སར་རྣག་ཐོག་གཙག་འཁེལ་ལྟ་བུས་གནད་འགག་ལ་གཏུགས་ཐུབ་པ་དེ་ནི་ང་ཚོའི་ཏང་གི་མི་རིགས་གནད་དོན་གྱི་ཤེས་རྟོགས་རྣམ་བཤད་ཀྱི་ཐད་ལ་བརྟོལ་ཕོད་པ་དང་བརྒལ་ཕོད་པ་ཞིག་བྱུང་བ་དང༌། དེ་ནི་མི་རིགས་ལས་དོན་ཀྱི་ཁ་ཕྱོགས་སྒྱུར་མཚམས་དང༌། འགོ་འཛུགས་ས་གསར་པ་ཞིག་ཡིན། ལོ་སུམ་ཅུའི་རིང་མི་རིགས་ཀྱི་གནད་དོན་ཐོག་ཡོ་ལང་གི་གོད་ཆག་བྱུང་བའི་ལོ་རྒྱུས་ལ་ཕྱི་མིག་ལྟ་སྐབས། ང་ཚོའི་ཏང་འདི་མི་རིགས་ཀྱི་གནད་དོན་ཐོག་བསྐྱར་དུ་བཀས་བཀོད་རྒྱུད་འཛིན་གྱི་འཆིང་རྒྱར་ཚུད་མི་རུང་བ་དང༌། དངོས་ཕན་རིང་ལུགས་ཀྱི་སྤྱོད་ཚུལ་འཛིན་མི་རུང་བ། བསྐྱར་དུ་སྲོལ་རྒྱུན་འདུ་ཤེས་ཀྱིས་ང་ཚོའི་བྱ་སྤྱོད་ལ་བཀོད་འདོམས་བྱེད་དུ་འཇུག་མི་རུང༌།
བཅིངས་འགྲོལ་རྗེས་ང་ཚོའི་མི་རིགས་ཀྱི་ལས་དོན་ཐད་གཞི་རྐང་གྲུབ་འབྲས་ངེས་ཅན་ཞིག་ཐོབ་ཡོད་རུང༌། ང་ཚོའི་སྤྱི་ཚོགས་རིང་ལུགས་ནི་བཀས་བཀོད་རྒྱུད་འཛིན་གྱི་ས་གཞིའི་ཐོག་སྐྱེས་པ་ཞིག་ཡིན་པས། མི་རིགས་སྲིད་ཇུས་ཐད་ལའང་བཀས་བཀོད་རྒྱུད་འཛིན་གྱི་རྗེས་ཤུལ་ཕྲན་བུ་ཞིག་ཡོད་རྒྱུ་ནི་གཡོལ་ཐབས་མེད་ལ། མི་རིགས་སྲིད་ཇུས་ཀྱི་ནང་དོན་མང་བོ་ད་དུང་ཡོངས་སུ་དོན་འཁྱོལ་བྱུང་མེད་པ། སྲིད་ཇུས་འགའ་ཤས་ཆ་མི་ཚང་བ་དང་ནུས་པ་དེ་ཙམ་མ་ཐོན་པ་བཅས་བྱུང་ཡོད། མ་གཞི་ལོ་ཤས་ནང་ཟིང་བཅོས་ཡོ་བསྲང་བྱས་ཡོད་ཀྱང༌། ད་དུང་གནད་དོན་མང་བོ་ལྷགས་ཡོད་ལ་ནུས་པ་དེ་ཙམ་ཐོན་མེད་ཅིང༌། ལྷག་པར་དུ་བོད་རིགས་ས་ཁོངས་རང་སྐྱོང་གི་གནད་དོན་ཐད་དེ་བས་མངོན་གསལ་དོད་པོ་ཡོད་པ་དེས། བརྟན་ལྷིང་མཐུན་སྒྲིལ་ལ་མི་ཕན་པའི་རྒྱུ་རྐྱེན་ཡང་གནས་ཡོད། སྤྱི་ཚོགས་རིང་ལུགས་ཀྱི་ཕུལ་བྱུང་རང་བཞིན་དེ་བོད་རིགས་ཀྱི་དཔལ་འབྱོར་དང་རིག་གནས་གོང་འཕེལ་འགྲོ་རྒྱུར་སྐུལ་འདེད་བྱེད་པའི་ཐད་ལའང་ད་དུང་ཡོངས་སུ་གསལ་པོར་མཚོན་པ་ཞིག་བྱུང་མེད། གཞི་རྐང་ལོ་སུམ་ཅུའི་ལོ་རྒྱུས་ཀྱི་ཐོག་ནས་བོད་རིགས་མི་དམངས་ནི་ཏང་ལ་དགའ་ཞེན་དང་མེས་རྒྱལ་ལ་དགའ་ཞེན། སྤྱི་ཚོགས་རིང་ལུགས་ལ་དགའ་ཞེན་ཡོད་པ་ཞིག་ཡིན་རུང༌། གོང་གསལ་གནད་དོན་རྣམས་དེ་མུར་ཡུན་རིང་གནས་ན་མི་རིགས་མཐུན་སྒྲིལ་ལ་ཤུགས་རྐྱེན་ཐེབས་རྒྱུ་དང༌། མེས་རྒྱལ་གོང་བུ་གཅིག་གྱུར་ལའང་གྲིབ་སོ་ནག་པོ་ཕོག་པ་ལྟར་ཤུགས་རྐྱེན་ངན་པ་ཐེབས་རྒྱུ་ངེས་ཅན་རེད།
བོད་རིགས་ས་ཁོངས་རང་སྐྱོང་གི་ཐད་ལ་གནད་དོན་མངོན་གསལ་དོད་པོ་ཡོད་ཟེར་དགོས་དོན་གང་ཡིན་ནམ། གཙོ་བོ་གཤམ་གསལ་ཕྱོགས་གཉིས་ཀྱི་རྒྱུ་རྐྱེན་ཡོད་པ་སྟེ། རྩོམ་ཡིག་འདིའི་འཕྲོ་ཀློག »

རྗེ་མི་ལའི་རྣམ་ཐར་དང་མགུར་གླུ་དེ་རང་རྩོམ་མམ་རང་རྣམ་ཞིག་གི་རྣམ་པར་འཛིན་གྱི་འདུག་ལ། བོད་པ་མང་པོ་ཞིག་གིས་དེ་དག་མི་ལའི་གསུངས་ལ་བརྩིས་ནས། ལུངས་དྲངས་ཀྱི་འདུག ཡིན་ནའི་དོན་དངོས་སུ་དེབ་དེ་མི་ལ་གཤེགས་ནས་ལོ་ཉིས་བརྒྱའི་རྗེས་ལ་བྲིས་པ་ཞིག་ཡིན་པ་ལས། རྗེ་མི་ལའི་གསུངས་མིན་པ་ཐག་གི་ཆོད། དེབ་འདིའི་རྩོམ་པ་པོ་དངོས་ནི་རུས་པའི་རྒྱན་ནམ་གཙང་སྨྱོན་མ་ཡིན་ནམ། 

ཁ་སྔོན་ཕྱི་རྒྱལ་བའི་མཁས་དབང་ཞིག་ལ་རྗེ་མི་ལའི་རྣམ་ཐར་རྙིང་པ་ཞིག་བརྙེད་པའི་སྐོར་དང་། རྣམ་ཐར་དེའི་ནང་རྗེ་མི་ལའི་ཕ་དེ་མི་ལ་ལོ་ན་མཐོན་པོར་མ་སླེབས་བར་འཚོ་ཞུགས་ཡོད་པའི་སྐོར་བྲིས་པ་མ་ཟད། རྣམ་ཐར་དེ་ཚོའི་ནང་མགུར་དེ་འདྲ་མེད་ཚོད། མཁས་དབང་ཚོས་རྣམ་ཐར་འདི་གང་ལ་ཟེར་གྱི་ཡོད་མེད་དང་། སུས་བྲིས་མེད་མཁྱེན་གྱི་ཡོད་པས། 

ཁ་ཤས་ཀྱི་ཟེར་ན་རྒྱལ་བ་ཀརྨ་པས་རྣམ་ཐར་”མཛོད་ནང་མ་”ཟེར་བ་ཞིག་བྲིས་ཡོད་ཟེར། ཡིན་ནའི་དེ་གསང་དབང་དམ་པོ་བྱེད་ཀྱི་ཡོད་ཚོད། རྒྱུ་མཚན་ནི་རྣམ་ཐར་དེ་དང་ཡོངས་ཁྱབ་ཀྱི་མི་ནའི་མགུར་དང་རྣམ་ཐར་དེ་གཉིས་ཀྱི་དབར་ལ་ཁྱད་པར་ཆེན་པོ་ཡོད་ཟེར།

དེ་བདེན་པ་རེད་པས།

སྐྱེས་སར་ཀླུ་སྒྲུབ་ཀྱིས་བཏུས།

རྩིས་དཔོན་ཞྭ་སྒབ་པ་དབང་ཕྱུག་བདེ་ལྡན་ལགས་ནི་ཕྱི་ལོ་ ༡༩༠༨ ཟླ་བ་ ༧ ཚེས་ ༧ ཉིན་ལྷ་སར་ཡབ་ཞྭ་སྒབ་པ་ལྷ་ཕྱགས་བཀྲིས་ཕུན་ཚོགས་དང༌། ཡུམ་བསམ་འགྲུབ་སྒྲོལ་མ་གཉིས་ཀྱི་སྲས་སུ་སྐུ་འཁྲུངས་ཤིང༌། ནང་མིའི་གཟིགས་སྐྱོང་འོག་བོད་ཀྱི་སྐད་ཡིག་དང༌། བརྡ་སྤྲོད། ཨང་རྩིས་སོགས་བོད་ཀྱི་སྲོལ་རྒྱུན་རིག་གནས་རྣམས་ལ་སློབ་གཉེར་གནང་བ་དང་ཆབས་ཅིག ཡབ་མེས་རྣམ་པའི་འགྲོ་སྲོལ་ལྟར་ཆུང་དུས་ནས་གྲགས་ཅན་མི་སྣའི་རྣམ་ཐར་དང་ལོ་རྒྱུས་སོགས་ལ་ཐུགས་སྣང་ཤུགས་ཆེ་གནང༌། དགུང་ལོ་ཉི་ཤུ་རྩ་གསུམ་སོན་སྐབས་བོད་ཀྱི་གཞུང་ཞབས་སུ་འཛུལ་ཞུགས་གནང་སྟེ་རིམ་བཞིན་གཞུང་ཞབས་གནས་རིམ་གོམ་པ་རིམ་འཛེགས་ཀྱིས་མཐར་ཕྱི་ལོ་ ༡༩༣༩ ལོར་བོད་གཞུང་གི་རྩིས་དཔོན་དུ་སྐོ་བཞག་ཐོབ་པ་ནས་བཟུང༌། ཕྱི་ལོ་ ༡༩༥༡ བར་བོད་གཞུང་རྩིས་དཔོན་གྱི་ཞབས་ཕྱི་ཞུས། ཁོང་གིས་བོད་གཞུང་གི་གྲྭ་བཞི་དངུལ་ཊམ་བཟོ་སྐྲུན་ཁང་གི་འགན་འཛིན་དང༌། བོད་རྒྱལ་ཡོངས་ཚོགས་ཆེན་གྱི་ཚོགས་གཙོ་ཡང་གནང་ཁར། བོད་གཞུང་གི་མགྲིན་ཚབ་པ་དབང་ཚད་ཆེ་ཤོས་ཀྱི་ཐུགས་འགན་བཅས་བཞེས་ནས་བོད་ཀྱི་ཆབ་སྲིད་ཀྱི་ལས་དོན་གང་མང་ཐོག་གཙོ་འགན་བླ་མེད་ཁུར་ཡོད། ཁོང་སྐུ་ཚེ་རིང་པོ་བཞུགས་ཐུབ་ཡོད་ཅིང་བོདཀྱི་རྒྱལ་རབ་ལོ་རྒྱུས་ཐོག་ངེས་པར་འགོད་དགོས་ངེས་ཀྱི་བྱས་པ་ཅན་གྱི་མི་སྣ་ཞིག་གལ་ཆེན་ཞིག་ཡིན། རྩོམ་ཡིག་འདིའི་འཕྲོ་ཀློག »

གཤམ་གསལ་གྱི་འཕྲིན་ཡིག་འདི་ལ་བསྣུན་ཚེ་ཆེ་བར་མཐོང་ཐུབ།

ཁ་སང་དོལ་རྒྱལ་རྗེས་བྲངས་པ་བོད་པ་ན་གཞོན་འགས། དངོས་སུ་ཕྱི་ལ་འདོན་ནས། རྒྱལ་དབང་མཆོག་ལ་ངོ་རྒོལ་བྱས་པ་འདི་མཐོང་ནས་བློ་ཕམ་བྱུང་། གུས་པའི་བཤེས་གཉེན་མཆོག་གིས་དེ་མཁྱེན་ནས་ ཁྱེད་འདིའི་དོན་ལ་སེམས་མ་སྐྱིད་པ་བྱེད་དགོས་དོན་མེད། ད་དུང་སེམས་མ་སྐྱིད་པ་ཡོང་གི་འདུག་ན། ཁྱེད་རྒྱལ་བ་རིན་པོ་ཆེའི་སྐུ་གསུང་ཐུགས་ཀྱི་ཡོན་ཏན་དང་བཀའ་འདྲིན་བསམས་བཞིན་བསྟོད་པ་རེ་གཉིས་བྲིས་ན་དེས་བློ་སྟོབས་འཕེལ་བར་ཕན་གསུངས། དེས་ན་གུས་པས་གཤམ་གྱི་བསྟོད་དབྱངས་འདི་དག་རང་གི་སྙིང་སྟོབས་འཕེལ་ཆེད་བྲིས་པ་དེས་། ང་དང་འདྲ་བའི་རྒྱལ་དབང་ཁོང་གི་སློབ་མ་གཞན་རྣམས་ལ་ཡང་སྙིང་སྟོབས་འཕེལ་བར་གྱུར་ཅིག

ཐུགས་རྒྱུད་ཤིན་དུ་བཟང་བས།

བརྩེ་བའི་རྒྱུ་ལས་མ་འདས །

གཞན་གྱི་སྡུག་བསྔལ་གཟིགས་ནས།

རྟག་ཏུ་ཕན་གྲོགས་བྱེད་པ།

ང་ཡི་བསྟན་འཛིན་རྒྱ་མཚོ།

བརྩེ་བའི་མ་དང་ནོར་སོང་།

ཁྱེད་སྐུ་ཤིན་དུ་མཛེས་ལ།

གཞན་དོན་ཁོ་ནར་སྤྱོད་པས།

ངལ་གསོ་གུང་གསེང་ཟེར་བ།

ཡིད་ལ་འཁོར་མྱོང་མེད་པ།

ང་ཡི་བསྟན་འཛིན་རྒྱ་མཚོ།

དྲིན་ཅན་ཕ་དང་ནོར་སོང་།

ཁྱེད་གསུངས་ཤིན་དུ་སྙན་ལ།

བློ་གསར་ཤེས་བྱར་སྐུལ་ཆེད།

ཡུལ་ནས་ཡུལ་ལ་འགྲིམས་ནས།

ཡང་དག་བསླབ་བྱར་ཞོལ་བ།

ང་ཡི་བསྟན་འཛིན་རྒྱ་མཚོ།

བཤེས་གཉེན་མཆོག་དང་ནོར་སོང་།

ཁྱེད་ཀྱི་སྤྱོད་པ་མཛེས་ཀྱི།

ཁྱེད་དང་འཕྲད་ན་དགའ་བ།

ཁྱེད་དང་བྲལ་དུས་སྐྱོ་བ།

རྟག་ཏུ་ཡིད་ལ་འཁོར་བའི་

ང་ཡི་བསྟན་འཛིན་རྒྱ་མཚོ།

ཆུང་འདྲིས་མཆོག་དང་ནོར་བྱུང་།

ད་རེས་རྒྱལ་བ་རིན་པོ་ཆེ་ཕན་སིལ་བཱ༹འི་ནི་ཡ་ (Pensilvania)ལ་གསུངས་ཚོས་གནང་སྐབས་ཚོགས་ཁང་གི་ཕྱི་ལ་ཕྱི་རྒྱལ་བ་དང་བོད་པ་གྲངས་༢༠༠ཡས་མས་ཤིག་གིས་ངོ་རྒོལ་བྱེད་ཀྱི་འདུག ཁོང་ཚོ་མང་ཆེ་བ་ནི་གྲྭ་ཆས་གྱོན་ཡོད་པ་དང་། བོད་པ་མི་གྲངས་བཅུ་སྐོར་ཞིག་འདུག་པ་རྣམས་མང་ཆེ་བ་སྐྱ་བོ་རེད། ཡིན་ནའི་བོད་པ་ཚོའི་ཁྲོད་ན་མི་གདོང་པ་སྐམ་པོ། མིག་ཆུང་ཆུང་། ལྤགས་པ་ཅུང་ནག་ཙམ་ཡིན་པ་ལ་གཟུགས་པོ་ཡང་ཆུང་ཆུང་ཞིག་འདུག ཁོང་ཕལ་ཆེར་ལོ་༤༥ཙམ་ཡིན་ཚོད་རེད། གོ་ཐོས་ལ་ཁོང་དེ་སྔོན་ཁྲི་བྱང་བླ་བྲང་ནས་ཡིན་པ་དང་། ད་ཆ་བླ་བྲང་དང་འགལ་འཛོལ་བྱུང་ནས་འབྲེལ་བ་མེད་ཟེར་སྐད། ཁོང་གྲྭ་ཆས་གྱོན་འདུག

ཕྱི་རྒྱལ་བ་མང་ཆེ་བ་དེ་དབྱིན་ལན་མན་ཛུ་ཥྲི་ཆོས་ཚོགས་ཀྱི་འགོ་པ་སྐལ་བཟང་རྒྱ་མཚོ་ཟེར་བ་དེའི་སློབ་མ་ཡིན་ཚོད། སྐལ་བཟང་རྒྱ་མཚོ་ནི་དེ་སྔོན་སེར་རྭ་དགོན་པ་ནས་ཡིན་པ་དང་། ཁོ་པ་དབྱིན་ཡུལ་ལ་སླེབས་རྗེས་སློབ་མ་མང་པོར་ཤུགས་ལྡན་གྱི་སྲོག་གཏད་སྤྲད་ནས་ད་ཆ་ཁོ་པའི་ཆོས་ཚོགས་དེ་ཤུགས་ལྡན་གྱི་འདུས་ཚོགས་ཤིག་ཏུ་འགྱུར་འདུག་པ་དང་། ཁོང་ཚོས་བཀའ་གདམས་གསར་མ་ཞེས་པའི་ཚོགས་པའི་མིང་བེད་སྤྱོད་གཏོང་གི་འདུག

ཕྱི་རྱྒལ་གྲྭ་བ་དེ་ཚོས་སྐད་འབོད་བྱེད་པའི་དམིགས་ཡུལ་གཙོ་བོ་ནི་རྒྱལ་བ་རིན་པོ་ཆེས་ཤུགས་ལྡན་སྐོར་ལ་དམ་བསྒྲགས་གནང་བ་དེ་ཕྱིར་ཐེན་གནང་དགོས་པའི་འབོད་སྐུལ་ཞུ་གི་ཡོད་པ་ཁོང་ཚོའི་མིས་འགྲེལ་བརྗོད་བྱེད་ཀྱི་འདུག ཡིན་ནའི་ཁོང་ཚོའི་འབོད་སྒྲ་དང་རྣམ་འགྱུར། སྤྱོད་པ་བཅས་ལ་བལྟ་དུས་ཁོང་ཚོ་རྱྒལ་བ་རིན་པོ་ཆེར་གཏིང་ནས་ཞེན་འཁོན་ཡོད་པའི་རྣམ་པ་སྟོན། དཔེར་ན། འབོད་སྐད་གཅིག་ལ། ༺༻༺༻”ཏཱ་ལའི་བླ་མ། བརྫུན་མ་མ་ཤོད།”ཟེར་བ་དང་། སྐད་འབོད་བྱེད་སྐབས་ལག་པ་གཅིག་ཁུ་ཚུར་བསྒྲིགས་ནས་གནམ་ལ་འཕྱར་གྱི་འདུག 

ངས་བོད་པ་ངོ་རྒོལ་བ་གཅིག་ལ་ཅིའི་ཕྱིར་འདིར་ངོ་རྒོལ་བྱེད་ཀྱི་ཡོད་དམ་ཅེས་སྐད་ཆ་འདྲི་སྐབས། ང་ཚོ་རྒྱལ་བ་རིན་པོ་ཆེ་ལ་ཤུགས་ལྡན་སྐོར་ལ་ཞུ་གཏུགས་རྒྱག་ཆེད་མཇལ་ཁ་ཞུས་རྩིས་ཡིན། ཡིན་ནའི་མཇལ་ཁ་བཏང་མ་སོང་། བྱས་ཙང་འདིར་སྐད་འབོད་བྱས་ནས་ང་ཚོའི་ཆོས་དད་རང་མོས་ཀྱི་ཐོབ་ཐང་ལེན་གྱི་ཡོད་ཟེར། ངས་གལ་ཏེ་རྒྱལ་བ་རིན་པོ་ཆེ་འདིར་གློ་འབུར་དུ་ཕེབས་ཚེ་ཁྱེད་བོད་པ་ཚོས་ཁོང་ལ་ག་རེ་ཞུ་རྩིས་ཡོད་དམ། ཁོང་ལ་རྣམ་འགྱུར་ཇི་ལྟར་བསྟན་རྩིས་ཡིན་ལབ་པར། ཁོང་སྐད་ཆ་ཤོད་མི་ཐུབ་པར་ལུས་སོང་། 

དེ་སྔོན་དང་མི་འདྲ་བར་ད་རེས་བོད་མི་ངོ་རྒོལ་བ་དེ་ཚོས་བོད་ཀྱི་རྒྱལ་དར་ཁྱེར་འདུག་དེའི་རྒྱུ་མཚན་གསལ་པོ་ཤེས་ཀྱི་མིན་འདུག