ཁ་བརྡ།

བཅར་འདྲི་ཞུ་ཡུལ། ཆབ་སྲིད་བཙོན་ཟུར་ངག་དབང་ཆོས་འཕེལ།
བཅར་འདྲི་ཞུ་མཁན། རིག་འབྱུང་དོན་གྲུབ་བཀྲ་ཤིས།

དང་པོ། ཐོག་མར་ཁྱེད་རང་ངོ་སྤྲོད་ཞིག་གནང་ན་འགྲིག་གམ།
ལན། ངའི་མིང་ལ་ངག་དབང་ཆོས་འཕེལ་ཟེར། སྐྱེས་ས་རྒྱ་གར་ལྷོ་ཕྱོགས་ཡིན། འཚར་ལོངས་ཡང་དེ་རུ་བྱུང་བ་རེད།
བོད་གཞུང་ཟློས་གར་ནས་བོད་པའི་གཞས་སྣ་ཞབས་བྲོའི་ཐོག་ལ་སློབ་ཐོན་བྱས་རྗེས། ཕྱི་ལོ་༡༩༩༣ལོར་བོད་གཞུང་གི་སློབ་ཡོན་བརྒྱུད་ཨ་རིའི་གཙུག་ལག་སློབ་ཁང་(Middlebury)ལ་སློབ་སྦྱོང་བྱེད་དུ་ཕྱིན་པ་ཡིན།
ང་རང་ཆུང་ཆུང་ཡིན་དུས་ནས། རང་གི་ཕ་ཡུལ་བོད་ལ་ཐེངས་གཅིག་འགྲོ་དགོས་བསམ་པའི་འདུན་པ་འགོག་ཐབས་མེད་པ་ཞིག་ཡོད། ང་རང་འཚར་ལོངས་བྱུང་ས་བཙན་བྱོལ་ཡིན་རུང།
བོད་ལ་འགྲོ་ཐུབ་ན་བསམ་པའི་རྨི་ལམ་འདྲ་ཞིག་དུས་རྒྱུན་ཏུ་སོ་སོའི་སེམས་ལ་ཡོད། དེར་བརྟེན། ༡༩༩༥ལོའི་ཕྱི་ཟླ་༧པར་། གྲོགས་པོ་ཨ་རི་བ་ཞིག་དང་མཉམ་དུ་བོད་ལ་ཕྱིན་པ་ཡིན།
བོད་ཀྱི་དམངས་ཁྲོད་གླུ་གཞས་ཁག་བསྡུ་རུབ་ཐུབ་ན་བསམ་ནས་བོད་ལ་ཕྱིན་པ་ཡིན། དམངས་ཁྲོད་གླུ་གཞས་ཀྱི་སྐོར་ལ་གློག་བརྙན་ཞིག་བཟོ་འདོད་ཀྱི་བསམ་བློ་ཡང་དེ་དུས་ནས་ཡོད་།
འོན་ཀྱང་། ལོ་དེའི་ཕྱི་ཟླ་༩བར། གཞིས་ཀ་རྩེ་ནས་ང་རྒྱ་ནག་གིས་འཛིན་བཟུང་བྱས་བ་རེད། རྩོམ་ཡིག་འདིའི་འཕྲོ་ཀློག »

དྲི་བ། ད་ལྟའི་སྐབས་ཁྱེེད་རང་བཀའ་བློན་ཁྲི་པའི་འོས་གཞིའི་ནང་མིང་འདོན་བྱེད་མཁན་གང་མང་ཞིག་ཡོད་པས། འདིའི་ཐད་ལ་ཚོར་སྣང་ག་རེ་འདུག་གམ།

ལན། ངའི་མིང་བཀའ་ཁྲིའི་འོས་གཞིའི་ནང་ཐོན་པར་གུས་བརྩི་བྱེད་ཀྱི་ཡོད་ལ།ང་ལ་རྒྱབ་སྐྱོར་དང་སྐུལ་ལྕག་གནང་མཁན་བོད་མི་ཚོར་སྙིང་ནས་བཀའ་དྲིན་ཆེ་ཞེས་ཞུ་འདོད་བྱུང་། བཀའ་བློན་ཁྲི་པའི་འོས་འཕེན་ནང་རྒྱལ་ཁ་ཐོབ་ཀྱང་རུང་མ་ཐོབ་ཀྱང་རུང།ད་ལྟའི་སྐབས་ངས་བོད་ཀྱི་རྩ་དོན་གྱི་ཆེད་དུ་ལས་ཀ་བྱེད་བཞིན་པ་ལྟར།མ་འོངས་པར་བོད་མི་དེ་དག་གི་རེ་བ་བཞིན་བོད་ཀྱི་རྩ་དོན་གྱི་ཆེད་དུ་ལས་ཀ་གང་ཐུབ་པ་དེ་བྱེད་ཀྱི་ཡིན། རྩོམ་ཡིག་འདིའི་འཕྲོ་ཀློག »

ཏཱ་ལའི་བླ་མའི་དྲ་དེབ་ནས་བསྒྱུར། ནགས་ཤོད་སད་མི།

༡ ༸ སྐྱབས་མགོན་མཆོག་ལ་ཞུ་རྒྱུར། གོང་ས་མཆོག་སྐུ་འཚོ་བཞུགས་རིང་རྒྱ་ནག་གཞུང་དང་ཞི་འགྲིག་ཡོང་རྒྱུར་ཧ་ཅང་དཀའ་མོ་རེད། ཁྱེད་སྐུ་འཚོ་བཞུགས་མེད་ཚེ་ཅུང་ཟད་ཐལ་ཆ་ཅན་གྱི་གཞོན་ནུ་ཚོགས་པས ༸ གོང་ས་མཆོག་གི་བཏང་འཛིན་མེད་པའི་སྐབས་དང་བསྟུན་འཇིགས་སྐུལ་གྱི་ལས་གཞི་རྒྱ་ཆེན་པོ་སྤེལ་སྲིད་པ་རེད། ང་ཚོས ༸ གོང་ས་མཆོག་ཞི་བདེ་ལ་དགའ་བ་ཧ་གོ་གི་ཡོད། ཡིན་ནའང་། བོད་ཀྱི་གཞོན་ནུ་ཚོགས་པ་ཐལ་སྤྱོད་ལ་འགྲོ་རྒྱུར་ག་འདྲ་བྱས་ནས་འགོག་དགོས་པ་རེད། དེར་ཐབས་ཇུས་འདྲ་ཡོད་དམ།

༸ གོང་ས་མཆོག་ནས། སྤྱིའི་ཆ་ནསབཤད་ན། ཕྲན་མེད་པ་ཆགས་ནའང་བཙན་བྱོལ་བོད་ཀྱི་སྒྲིག་གཞི་དང་། ལྷག་པར་དུ་སློབ་གསོའི་མ་ལག་སྔར་བཞིན་མུ་མཐུད་གཉེར་སྐྱོང་དང་འཕེལ་རྒྱས་གཏོང་གི་རེད། གལ་ཆེའི་གནད་དོན་གཞན་ཞིག་ནི་ནང་ཆོས་བརྒྱུད་འཛིན་བྱ་རྒྱུ་དེ་རེད། མིག་སྔར་ནང་པའི་ཆོས་བརྒྱུད་ཁག་ཏུ་མི་ལོ་ཉི་ཤུ་དང་སུམ་ཅུ་ཙམ་ནང་ཆོས་ལ་སློབ་གཉེར་བྱས་ནས་ཆོས་ལུགས་དབུ་ཁྲིད་འཁུར་ཐུབ་པའི་མི་སྣ་ཕུལ་བྱུང་ཁག་ཅིག་ཐོན་བཞིན་ཡོད། འཛིན་སྐྱོང་རྩ་འཛུགས་ངོས་ཕྱོགས་ནས་བཤད་པ་ཡིན་ན། འདས་པའི་ལོ་བཅུའི་རིང་ཕྲན་ཕྱེད་རྒན་ཡོལ་བྱས་ནས་བསྡད་ཡོད། དེས་ན་ཆབ་སྲིད་ཐད་ཀྱི་གལ་ཆེའི་གནད་དོན་ཁག་བདམས་ཐོན་བྱུང་བ་འི་མགོ་ཁྲིད་ཀྱིས་ཐག་གཅོད་བྱ་རྒྱུ་རེད། མ་འོངས་པ་ན་ཡང་འདི་ལྟར་རྒྱུན་མཐུད་བྱ་རྒྱུ་རེད། བོད་ཀྱི་གཞོན་ནུ་ལྷན་ཚོགས་གིས་གཙོས་པའི་ཚོགས་པ་ཁག་ཅིག་གིས་ངའི་དབུ་མའི་ལམ་ལ་སྐྱོན་བརྗོད་བྱེད་ཀྱི་ཡོད། ཁོང་ཚོས་བོད་རང་བཙན་གཙང་མ་ཞིག་མངོན་འདོད་བྱེད་ཀྱི་ཡོད། འདི་ལྟ་བུའི་སྐད་སྒྲ་དེ་ཉེ་བའི་ཆར་ཅུང་གཞི་རྒྱ་ཆེ་རུ་ཕྱིན་ཡོད། ཁོང་ཚོར་ལེ་ལན་འདེད་ས་མེད། གང་ལགས་ཤེ་ན། ང་ཚོས་ཕན་ཚུན་རོགས་རེས་བྱས་ནས་འབད་བརྩོན་བྱས་པ་མཐའ་དག་དོན་དངོས་ཀྱི་འབྲས་བུ་ཅི་གང་ཐོན་མེད་པས་རེད། དེའི་རྐྱེན་གྱིས་ཁོང་ཚོའི་བསམ་འཆར་རྣོ་ངར་ཇེ་ཆེ་རེད། ཡིན་ནའང་། བརྒྱ་ཆ་དགུ་བཅུ་གོ་དགུ་ཙམ་གྱི་མི་རྣམས་ཀྱིས་འཚེ་མེད་ཞི་བདེའི་ལམ་བུར་ཡིད་རྟོན་བྱེད་ཀྱི་ཡོད་པ་ཧ་ཅང་གསལ་པོ་ཡིན་པས་ཁྱོད་ཚོ་སེམས་ངལ་བྱ་མི་དགོས། རྩོམ་ཡིག་འདིའི་འཕྲོ་ཀློག »

བཅར་འདྲི་ཞུ་ཡུལ། དོན་གྲུབ་ཚེ་རིང་།
བཅར་འདྲི་ཞུ་མཁན། རིག་འབྱུང་དོན་གྲུབ་བཀྲ་ཤིས།

༡ ཁྱེད་རང་ངོ་སྤྲོད་མདོར་བསྡུས་ཤིག་གནང་ན་འགྲིག་གམ།
ལན། འགྲིག་དང་འགྲིག ངའི་མིང་ལ་དོན་གྲུབ་ཚེ་རིང་ཟེར། ང་སྐྱེས་ས་མདོ་སྨད་འབའ་མང་ར་ཡིན། ད་ལྟའི་སྡོད་གནས་ཨ་རིའི་བྱང་ཀ་ལི་ཕོ་ཉའི་(Northern California)ནང་གི་མཚོ་སྡེ་གྲོང་ཁྱེར་(Richmond)ཡིན།
༢ ཁྱེད་རང་ལ་དྲ་ལམ་བརྒྱུད་རྩམ་པ་བཙོང་རྒྱུའི་བསམ་བློ་དེ་ཇི་ལྟར་འཁོར་སོང་ངམ།
ལན། ཁ་དཔེ་ལ་མི་རྒས་ན་ཡུལ་དྲན། བྱ་རྒས་ན་ཚང་དྲན་ཟེར་བ་བཞིན། རང་གི་ཕ་ཡུལ་དང་ཁ་བྲལ་ནས་ལོ་ངོ་ཇི་ཙམ་མང་བ་སོང་བ་དེ་ཙམ་གྱིས་རང་གི་ཕ་ཡུལ་དང་ཕ་ཟས་ཤིན་ཏུ་དྲན། རང་གི་ཡུལ་དེ་རང་གི་ལག་ལ་ཡོང་རྒྱུ་དཀའ་ན་ཡང་། འབད་བརྩོན་དུ་མ་ལ་བསྟེན་ནས་རང་གི་ཕ་ཟས་རྩམ་པ་ཚད་ལྡན་ཞིག་བཟོ་ཐུབ་པ་བྱུང་། རང་ཉིད་སྒེར་གྱི་ཚོར་བ་དང་ཉམས་མྱོང་འདི་དག་གཞི་ལ་བཞག་ནས་། ཕྱི་ལོགས་སུ་ཡོད་པའི་བོད་རིགས་དང་དང་རྩམ་པ་དགའ་མཁན་དག་ལ་སྟབས་བདེ་བོའི་སྒང་ནས་ང་ཚོའི་ཕ་ཟས་དེ་མཁོ་སྤྲོད་བྱེད་ཐུབ་རྒྱུར་དམིགས་ནས་དྲ་ལམ་བརྒྱུད་རྩམ་པ་བཙོང་རྒྱུའི་བསམ་བློ་འདི་ཐོག་མར་འཁོར་བ་ཡིན།
༣ རྩམ་པའི་ཚོང་ལས་འདི་འགོ་འཛུགས་བྱེད་དུས་དཀའ་ངལ་ག་རེ་འཕྲད་སོང་ངམ། རྩོམ་ཡིག་འདིའི་འཕྲོ་ཀློག »

ཚན་པ་དང་པོ།
ཚན་པ་གཉིས་པ།
ཚན་པ་གསུམ་པ།
ཚན་པ་བཞི་བ།
ཚན་པ་ལྔ་བ།
ཚན་པ་དྲུག་པ། རྩོམ་ཡིག་འདིའི་འཕྲོ་ཀློག »

དཔལ་ལྡན་རྒྱལ།

རྩོམ་པ་པོ་བཀྲ་རྒྱའམ་ཞོགས་དུང་དངོས་སུ་འཛིན་བཟུང་བྱས་པ། རྒྱ་ནག་གཞུང་ཕྱོགས་ནས་ཁོང་གི་ནང་མིར་བརྡ་ལན་སྤྲད་འདུག ཟླ་བ་བཞི་བའི་ཚེས་༢༣་ཉིན་རྩོམ་པ་པོ་གྲགས་ཅན་ བཀྲ་རྒྱའམ་ཞོགས་དུང་ཟི་ལིང་ཉེན་རྟོག་པས་རྒྱལ་ཁབ་ཁ་བྲལ་ལ་ངན་སྐུལ་གྱི་ཉེས་འཛུགས་བྱས་ནས་བཀག་ཉར་བྱས་ཡོད་པ་རེད་ལ། ཟླ་བ་ལྔ་བའི་ཚེས་༢༨་ཉིན་ཁོང་དངོས་སུ་འཛིན་བཟུང་བྱས་པ། རྒྱ་ནག་གཞུང་ཕྱོགས་ནས་ཁོང་གི་ནང་མིར་བརྡ་ལན་སྤྲད་ཡོད་སྐོར་ཁོང་གི་བུ་མོ་ཡེ་ཤེས་མཚོ་མོར་ཁ་པར་བརྒྱུད་བཅར་འདྲི་བྱས་པ་ཡིན།
དཔལ་ལྡན་རྒྱལ། ཁྱེད་ཀྱི་ཨ་ཕ་འཛིན་བཟུང་གྱི་ཡི་གེ་ཁྱེད་ཚོར་འབྱོར་ཡོད་པ་དེའི་སྐོར་བཤད་རོགས། རྩོམ་ཡིག་འདིའི་འཕྲོ་ཀློག »

འོད་ཟེར་པོད་ཁུག་ལས་བསྒྱུར། ནགས་ཤོད་སད་མི།

བོད་ཀྱི་གནད་དོན་ཆེད་མཁས་པ་དང་། སྙན་གྲགས་ཅན་གྱི་རྩོམ་པ་པོ་ཝང་ལིས་ཞུང་གི་གོ་སྒྲིག་འོག བཙན་བྱོལ་དུ་བཞུགས་པའི་བོད་ཀྱི་སྐྱབས་མགོན་ཏཱ་ལའི་བླ་མ་མཆོག་ནས་འདི་ཟླའི་ཚེས ༢༡ ཉིན་ཋེ་ཋེར་དྲ་ཐོག་ནས་རྒྱ་ཡིག་དྲ་གྲོགས་རྣམས་དང་ཆུ་ཚོད་གཅིག་རིང་སྐུའི་ཡང་སྲིད་ཕེབས་ཕྱོགས་དང་། པེ་ཅིང་དང་བཀའ་མོལ་གནང་བའི་སྐོར། རྒྱ་བོད་འབྲེལ་བའི་སྐོར་སོགས་ལ་དྲི་ལན་གནང་ཡོད། དྲ་ངོས་སུ་འགྲིམ་བཞིན་པ་རྣམས་འཐུས་ཚང་དེ་ཙམ་མེད་པས་དང་བླངས་བས་སྒྲ་བཅུག་བྱས་པ་ནས་བསྐྱར་དུ་བཅོས་སྒྲིག་བྱས་རྗེས་ཀྲོའུ་ཡན་ནས་སྦོའུ་ཤུན་དྲ་ཐོག་ཏུ་བཏང་བའི་གཏམ་གླེང་ཆ་ཚང་གཤམ་འཁོད་ལྟར་ཡིན། རྩོམ་ཡིག་འདིའི་འཕྲོ་ཀློག »

༢༠༡༠ ཟླ་ ༣ ཚེས་ ༡༠ ཉིན་དགེ་རྒན་ཆེན་མོ་ཨེ་་ལིའོ་ཊི་ སྤེར་ལིང་དང་ལྷན་དུ་བཅར་འདྲི་བྱས་པ།
————————-
དྲི་བ། དེང་སང་ཨ་རིའི་སློབ་གྲྭ་ཆེན་མོ་དག་དང་དེ་བཞིན་རྒྱལ་སྤྱིའི་ནང་ “བོད་རིག་པའི་”སྐོར་ལ་རྩོམ་ཡིག་མང་པོ་འབྲི་གི་ཡོད་རེད། དེས་ན། རྩོམ་འབྲི་དུས་གལ་ཆེ་ཤོས་ཀྱི་ཆ་རྐྱེན་ག་རེ་རེད།
ལན། ཆ་རྐྱེན་གལ་ཆེ་ཤོས་དེ་ཚན་རིག་དང་མཐུན་པ་བྱེད་དགོས་པ་དེ་རེད། འདི་ལ་འགྲེལ་བཤད་སྣ་ཚོགས་ཡོད། མི་ཁ་ཤས་ཀྱིས་ཚན་རིག་དང་མཐུན་པ་ཞེས་པ་དཔེར་ན་རྫས་འགྱུར་རིག་པ་ལྟ་བུའི་ཚན་རིག་ལ་ཟེར་གི་ཡོད་རེད། ང་ཚོའི་བོད་རིག་པ་ལ་ཆ་གཞག་ན། རྒྱུ་ཆ་དང་ཁུངས་ཞིབ་ཚགས་པོར་འབྲི་དགོས་པ་རེད། ང་ཚོའི་ཀློག་མཁན་ཚོས་ཀྱང་ཁུངས་དང་རྒྱུ་ཆ་དེ་ཚོ་ཤེས་ནུས་པ་ཞིག་འབྲི་དགོས་པ་རེད། དེ་བཞིན་ང་ཚོའི་རྩོམ་ཡིག་གི་ཆ་ཤས་ཤིག་དབྱིན་ཡིག་ཏུ་བསྒྱུར་བ་ཡིན་ན། བོད་ཡིག་གི་མ་ཡིག་ཀྱང་འབྲི་དགོས་པ་རེད། ཡང་། དེང་སང་གི་བོད་རིག་པའི་ཞིབ་འཇུག་དེ་མ་དར་གོང་ལ། བོད་ལ་ཞིབ་འཇུག་གི་སློབ་སྦྱོང་མེད་པ་དེ་འདྲ་ཡང་མ་རེད། གནའ་རབས་བོད་ལ་མཁས་དབང་དང་མཁས་པ་ཧ་ཅང་མང་པོ་ཡོད་རེད། ད་དེང་རབས་ཀྱི་ཞིབ་འཇུག་སློབ་སྦྱོང་བྱེད་སྲོལ་འདི་ཕལ་ཆེར་ནུབ་ཡུལ་ནས་དར་བ་རེད། ནུབ་ཕྱོགས་སུ་སློབ་སྦྱོང་བྱེད་ཚུལ་འདི་དུས་རབས་མང་པོ་བརྒྱུད་ནས་གོང་འཕེལ་དུ་ཕྱིན་པ་ཞིག་རེད། རྩོམ་ཡིག་འདིའི་འཕྲོ་ཀློག »

བཅར་འདྲི་ཞུ་ཡུལ། བོད་ནང་གི་གསར་འགོད་པ་ཞིག
བཅར་འདྲི་ཞུ་མཁན། རིག་འབྱུང་དོན་གྲུབ་བཀྲ་ཤིས།

དང་པོ།
སྐྱེ་རྒུ་མདོར་ས་ཡོམ་བརྒྱབ་པའི་ཉིན་དེ་ག་རང་ལ་ཁྱེད་ཚོ་ལམ་ལ་ཆས་ཐུབ་སོང་ངམ།
ལན། ཚེས་༡༤ཉིན་གྱི་ཞོགས་པར་ས་ཡོམ་བརྒྱབ་པའི་གནས་ཚུལ་གོ་བ་དང་། ཀྲུང་དབྱང་བརྙན་འཕྲིན་ཁང་གི་གསར་འགོད་པ་ཚོ་གནམ་གྲུར་བསྡད་ནས་ཟི་ལིང་ལ་སླེབས་སོང་།
དུས་ཚོད་་བཅུ་བའི་ཐོག་ལ་ང་ཚོས་ཚོགས་འདུ་ཚོགས་པ་རེད། དུས་ཚོད་བཅུ་གཅིག་གི་ཐོག་གསརའགོད་པ་རྣམས་སྐྱེ་རྒུ་མདོར་ཕྱིན་པ་རེད་། མཚོ་སྔོན་བརྙན་འཕྲིན་ཁང་གི་བོད་སྐད་སྡེ་ཚན་གྱི་ཁོངས་ནས་གསར་འགོད་པ་༥། ཧུའུ་ནན་བརྙན་འཕྲིན་ཁང་ནས་གསར་འགོད་པ་༢༠༠། ཀྲུང་དབྱང་བརྙན་འཕྲིན་ཁང་དང་མཚོ་སྔོན་བརྙན་འཕྲིན་རྒྱ་སྐད་སྡེ་ཚན་ནས་གསར་འགོད་པ་༡༠༠ མ་ཟིན་ཙམ་བཅས་ཁྱོན་བསྡོམས་གསར་འགོད་པ་༣༠༠ལྷག་ས་གནས་ས་ཐོག་ལ་ཕྱིན་པ་རེད། ཕ་གི་རང་ལ་དང་པོར་སླེབས་མཁན་ཀྲུང་དབྱང་བརྙན་འཕྲིན་ཁང་རེད། དེའི་རྗེས་ནས་ང་ཚོ་མཚོ་སྔོན་བརྙན་འཕྲིན་ཁང་རེད། རྩོམ་ཡིག་འདིའི་འཕྲོ་ཀློག »

གཡུ་ཞུན་གྱིས་ཡིག་ཐོག་ཏུ་ཕབ།
འདི་ལ་བསྣུན་ནས་ཉན་རོགས།
སྤྱི་ཟླ་༥པའི་ཚེས་༣ཉིན་ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་གྱི་ཨམ་སྐད་ནང་ཁམས་སྐྱེ་རྒུ་མདོིའི་ས་འགུལ་གོད་ཆག་སྐོར་ལ་ས་གནས་དེར་དངོས་སུ་རོགས་སྐྱོར་དུ་སོང་བའི་ཨ་མདོའི་ཕྱོགས་ཀྱི་བུད་མེད་ཅིག་ལ་བཅར་འདྲིའི་བྱས་པའི་གནས་ཚུལ།

འགྲེལ་བཤད། སྤྱི་ཟླ་༤པའི་ཚེས་༡༤ཉིན་ཁམས་སྐྱེ་རྒུ་མདོར་ས་འགུལ་གྱི་གོད་ཆག་ཚབས་ཆེན་ཕོག་ནས་བོད་མི་སྟོང་ཕྲག་ཁ་ཤས་ཀྱི་ཚེ་སྲོག་འཕྲོག་ཡོད་པ་མ་ཟད་། མང་པོ་ཞིག་ལ་རྨས་སྐྱོན་དང་། ཡང་མི་མང་པོ་ཞིག་གི་ཁྱིམ་གཞི་མེད་པར་གྱུར་ཡོད་ལ་།
ས་འགུལ་གོད་ཆག་བྱུང་མ་ཐག་རྒྱ་ནག་དབུས་གཞུང་ནས་མཚོ་སྔོན་ཞིང་ཆེན་སྲིད་གཞུང་བར་མྱུར་སྐྱོར་གྱི་ལས་དོན་རྒྱ་ཆེན་སྤེལ་དང་སྤེལ་བཞིན་པའི་ཐད་གཞུང་འབྲེལ་གྱི་གསར་འགྱུར་བརྒྱུད་ལམ་ཁག་ན་འཚང་ཁ་ཤིག་གིས་དྲིལ་བསྒྲགས་བྱེད་བཞིན་ཡོད་མུས་ལ་མ་བལྟས་པར་།སྐྱེ་རྒུ་མདོའི་གནོད་ཁུལ་མི་མང་གི་གནས་སྟངས་དངོས་དེ་མང་ཚོགས་དང་ཕྱི་རྒྱལ་གྱི་གསར་འགྱུར་ནང་རྣམ་པ ་གཞན་ཞིག་ཡོང་གི་ཡོད་ཕྱིར་།དེ་རིང་འདིར་ས་འགུལ་རྒྱུགས་མ་ཐག་པའི་སྤྱི་ཟླ་༤པའི་༡༨ཉིན་ཁམས་སྐྱེ་རྒུ་མདོའི་གནོད་ཁུལ་དུ་རོགས་སྐྱོར་དངོས་རྫས་བསྐྱལ་ནས་སོང་མྱོང་པའི་མདོ་སྨད་ས་ཁུལ་གྱི་བུད་མེད་ཞིག་ལ་ཁ་པར་ཐོག་བཅར་འདྲི་བྱས་པའི་ཆ་ཤས་ཤིག་བཀོད་སྒྲིག་བྱས་ཡོད།

དྲི་བ། ཁྱེད་རང་ས་དེར་ནམ་ཞིག་སོང་བ་ཡིན་ནམ།

ལན། ཚེས་༤ཉིན་སོང་བ་ཡིན།རྒྱ་རྩིས་ཤེས་མ་སོང་བོད་རྩིས་(ཨ་མདོའམ་རྒྱ་མིའི་ལུགས་རྙིང་རྩིས་ལུགས།)ཀྱི་ཚེས་༤ཉིན་སོང་བ་ཡིན་ཚེས་༡ཉིན་ས་འགུལ་རྒྱུགས་པ་རེད།

དྲི་བ། རེད་རེད་།དེ་ཡིན་དུས་སྤྱི་ཚེས་༡༨ཉིན་རེད་།ཚེས་༡༤ཉིན་ས་འགུལ་རྒྱུགས་པ་རེད་།ཁྱེད་རོགས་སྐྱོར་ལ་ས་ཆ་གང་དུ་ཕྱིན་པ་ཡིན་ནམ། སྐྱེ་རྒུ་མདོ་གྲོང་བརྡལ་ཡིན་ནམ་གྲོང་གསེབ་ཅིག་ཡིན་ནམ།

ལན། སྐྱེ་རྒུ་མདོ་གྲོང་བརྡལ་ཏེ་ཡུལ་ཤུལ་ཁུལ་གྱི་ལྟེ་གནས་དེར་སོང་བ་ཡིན་།ང་ཚོ་ མི་ཁ་ཤས་ཚོགས་པའི་ཚབ་བྱས་ནས་བཟའ་བཏུང་དང་དངོས་རྫས་ཁྱེར་ནས་ཕྱིན་པ་ཡིན།ཡང་ཚོགས་པའི་ཚོགས་མི་ཚོས་འཛོམས་ཚོད་ཀྱིས་ཁ་ཤས་ཀྱིས་རྒྱ་སྒོར་ཆིག་སྟོང་སྟེར་མཁན་འདུག་ལ་ཁ་ཤས་ནས་རྒྱ་སྒོར་བརྒྱ་ནས་ཉིས་བརྒྱ་སུམ་བརྒྱ་རིགས་མི་འདྲ་བ་རེད་།དེ་ནས་དངུལ་དེ་དག་གིས་རྩམ་པ་དང་མར་ཆུར་།མགྱོགས་ཐུག་(སྟབས་བདེའི་ཐུག་པའང་ཟེར་།)སོགས་ཉོས་ནས་སོང་བ་ཡིན།

དྲི་བ། ཁྱེད་ཚོ་འགྲོ་དུས་(ལམ་ཁ་ནས)འགྲོ་རུ་འཇུག་གམ་ལམ་ཡིག་མི་དགོས་སམ། རྩོམ་ཡིག་འདིའི་འཕྲོ་ཀློག »

དཔལ་ལྡན་རྒྱལ།

ཟླ་བ་བཞི་བའི་ཚེས་༡༤་ཉིན་ཁམས་སྐྱེ་རྒུ་མདོ་རུ་རང་བྱུང་གི་ས་འགུལ་གནོད་འཚེ་བྱུང་ནས་མི་རྒྱུ་གཉིས་ལ་གནོད་སྐྱོན་ཚབས་ཆེན་ཕོག་ཡོད་ལ། ད་དུང་ཡང་ས་གནས་མི་མང་གིས་འཚོ་བ་བསྐྱལ་སྟངས་དང་། ཁྱིམ་ཚང་སྐྱོང་སྟངས་མི་ཤེས་པ། ས་འགུལ་གོད་ཆག་ཁྲོད་འདས་གྲོངས་སུ་གྱུར་བར་མྱ་ངན་དང་སྐྱོ་གདུང་། མ་འོངས་འཚོ་བར་འཆར་གཞི་མེད་པ་སོགས་ཀྱིས་མདུན་ལམ་ལ་རེ་བ་མེད་པ་ལྟ་བུའི་ངང་གནས་ཡོད་པ་རེད་འདུག འདིའི་སྐོར་ལ་སྐྱེ་རྒུ་མདོ་ས་གནས་སུ་རོགས་སྐྱོར་ལས་དོན་སྒྲུབ་བཞིན་པའི་གྲྭ་བ་ཞིག་དང་མཉམ་དུ་གླེང་མོལ་བྱས་པ་ཡིན།

བཅར་འདྲི་ལ་གསན་རོགས།

དཔལ་ལྡན་རྒྱལ།
རྒྱ་ནག་གཞུང་གིས་འཛིན་བཟུང་བཀག་ཉར་བྱས་ཡོད་པའི་རྩོམ་པ་པོ་ཞོགས་དུང་ངམ། བཀྲ་རྒྱ་ནི་མདོ་སྨད་གཙན་ཚ་ས་ཁུལ་དུ་སྐྱེས་པ་དང༌། སྤྱི་ལོ་༡༩༨༢ལོར་རྨ་ལྷོ་བོད་རིགས་དགེ་ཐོན་སློབ་གྲྭ་ནས་མཐར་ཕྱིན་པའི་རྗེས་གཅན་ཚ་མི་རིགས་སློབ་འབྲིང་དུ་དགེ་རྒན་བྱས་ཡོད་ལ། སྤྱི་ལོ་༡༩༨༦ལོ་ནས་ནུབ་བྱང་སློབ་གྲྭ་ཆེན་མོའི་ནང་བོད་ཡིག་ཆེད་སྦྱོང་བྱས་ཏེ་༡༩༩༠ལོར་དངོས་གཞིའི་སློབ་གཉེར་མཐར་ཕྱིན་ཡོད། དེའི་རྗེས་ཟི་ལིང་གྲོང་ཁྱེར་ནང་ཡོད་པའི་མཚོ་སྔོན་ཞིང་ཆེན་མི་རིགས་དཔེ་བསྐྲུན་ཁང་དུ་བོད་ཡིག་རྩོམ་སྒྲིག་པའི་ལས་ཀ་བྱེད་བཞིན་ཡོད། ཟླ་བ་བཞི་བའི་ཚེས་༢༣་ཉིན་རྒྱ་ནག་གི་ཉེན་རྟོག་པས། ཁོང་ལ་ རྒྱལ་ཁབ་ཁ་བྲལ་ལ་ངན་སྐུལ་བྱས་པ། ཞེས་པའི་ཉེས་མིང་བཏགས་ནས་འཛིན་བཟུང་བཀག་ཉར་བྱས་ཡོད་པ་རེད། གནད་དོན་འདིའི་ཐད་ཞོགས་དུང་གི་བཟའ་ཟླ་དང་། བུ་མོ་གཉིས་ལ་བཅར་འདྲི་བྱས་པར་ཉན་རོགས་ཞུ།

འདི་རུ་བསྣུན་ཏེ་ཉན་རོགས།

རྣམ་པ་ཚོས་གནད་དོན་གང་འདྲ་ཞིག་གི་ཐད་བགྲོ་གླེང་བྱེད་འདོད་ཡོད་ན་ང་ལ་འབྲེལ་བ་གནང་རོགས་ཞུ།
གློག་འཕྲིན། gyalp@rfa.or
ཁ་པར། ༢༠༢-༢༧༧-༤༠༩༡

   ནངས་ཆུ་འཐུང་གྲུབ་པ་དང་། ཡར་ཐབ་ཚང་ནང་གི་རྩིག་ངོས་ལ་ལྟ་ཙམ་བྱས་པར། ཆུ་ཚོད་བརྒྱད་དང་ཕྱེད་ཀ་ཟིན་གྲབས་འདུག དུས་ཆད་ལྟར་ལམ་སང་མར་ཁང་པ་འོག་མའི་ནང་ཕྱིན’ གློག་ཀླད་ནང་འཛུལ། དྲ་བརྙན་གྱི་སྐུད་ལམ་ཕར་མཐུད་ཐུབ་པ་དང་། ངའི་མིག་མདུན་དུ་ཤར་ཡོང་བ་ནི། དམར་ཞིང་རྒྱགས་པའི་ངའི་གྲོགས་པོའི་གདོང་མིན་པར། རྒྱུས་མེད་པའི་གྲྭ་པ་ཤིག་གིས་འཛུམ་མདངས་ཅུང་ཟད་བཅས་སྒུག་བསྡད་འདུག

ངས་ ་་བཀྲ་ཤིས་བདེ་ལེགས་་ ཟེར་ནས་འཚམས་འདྲི་ཞུས་པ་དང་། ཁོང་ནས་ཀྱང་ ་་བཀྲ་ཤིས་བདེ་ལེགས། ཁྱོས་ང་ཨེ་ཤེས་གི་་ ཟེར་ནས་བཞིན་འཛུམ་སེ་བ་ཞིག་བྱས་ནས། ཕར་གཡོ་ཚུར་གཡོ་མང་པོ་མེད་པར་ལྷོད་ཅིག་གེར་དང་། ཐད་སོར་བཞུགས་ནས་ང་ལ་ཅེར་འདུག ངས་སྐྱར་དུ། ཞིབ་ལྟ་ཞིག་བྱས་ཀྱང་སུ་ཡིན་ངོས་མ་ཟིན།  ་་མི་ཤེས་གི་་ ཟེར་ནས་ཅེར་བསྡད་པར། ཁོང་གིས ་་ཁྱོད་སྔོན་མ་ངེད་ཚོའི་སློབ་གྲྭའི་དགེ་རྒན་ཡིན་དུས། ང་འཛིན་གྲྭ་གོང་མའི་ནང་ཡོད་་ ཟེར།  ངས་ ་་ངའི་འཛིན་གྲྭ་མིན་ན། ངས་ཁྱོད་གང་ང་ཤེས་ནི། ཁྱོའི་མྱིང་ང་ཆི་ཟེར་ར་་ ཟེར་ནས་ཡང་དང་ཡང་དུ་དྲིས། ལན་ཡང་དང་སྐྱར་དུ་རྒྱབ་ཀྱང་། སྐད་ཆར་ཉིས་སྐད་དང་ཙིར་སྐད་གྲགས་ནས་ཡག་པོ་ཞིག་གོ་མ་ཐུབ་པས་ངས་ཕར་ཁ་པར་གཏོང་རྒྱུ་བྱས་ཏེ་བཏང་པ་ཡིན།

ཐོག་མར་ཁོས་ཁ་པར་ནང་། རང་གི་སྔོན་མའི་སྐྱ་མིང་། དེ་ནས་ད་ལྟའི་གྲྭ་མིང་བཤད་རྗེས། ངས་ཁོ་ལ་ཕ་ཡུལ་ནས་སྐྱེ་དགུ་མདོའི་བར་ཕྱིན་པའི་གནས་ཚུལ་ཁ་བརྡ་བྱེད་རྒྱུར་སྐུལ་བ་ལྟར། ཁ་བརྡའི་མགོ་བཙུགས་སོང་། རྩོམ་ཡིག་འདིའི་འཕྲོ་ཀློག »

དཔལ་ལྡན་རྒྱལ་གྱི་ཟིན་བྲིས་ནས་བླངས།

འདི་རུ་བསྣུན་ཏེ་ཉན་རོགས།

ཚེས་༢༣ཉིན་རྩོམ་པ་པོ་ཞོགས་དུང་ངམ། བཀྲ་རྒྱ། རྒྱ་ནག་གི་ཉེན་རྟོག་པས་འཛིན་བཟུང་བྱས་འདུག ཁོང་གི་བཟའ་ཟླ་ལྷ་མཚོས་ཡིས་ “ཚེས་༡༢་ཉིན་ངེད་ཚང་གི་དཔེ་ཚོང་ཁང(༡+༡དཔེ་ཚོང་ཁང) སྒོ་རྒྱག་དགོས་པའི་བཀའ་རྒྱ་བཏང་བ་དང་འབྲེལ། ངའི་བཟའ་ཟླས་བརྩམས་པའི་དཔེ་དེབ་ཚང་མ་འཁྱེར་སོང༌།” ཞེས་གསར་འགོད་པར་ཁ་པར་བརྒྱུད་ནས་བཤད་བྱུང༌། ཡང་ཁོང་གིས་མུ་མཐུད་དུ། “ཚེས༢༣་ཉིན་ཉེན་རྟོག་པ་ཁ་ཤས་ཁོང་གི་གཞུང་ལས་ཁང་ལ་སོང་ནས་ཁོང་ཁྲིད་དེ། དགོང་མོ་ཆུ་ཚོད་༦་ཡས་མས་སུ་ང་ཚོའི་ཁྱིམ་ལ་སླེབས་ནས་བསྔོག་བཤེར་བྱས་རྗེས་ཁོང་ཁྲིད་སོང་། བོད་རིགས་གཉིས་ཐེ་བའི་ཉེན་རྟོག་པ་ལྔ་འདུག”ཟེར།

ཡང་ཁོང་གི་བུ་མོས། “ཉེན་རྟོག་པས་ངའི་ཨ་ཕ་འཛིན་བཟུང་གི་ཉེན་བརྡའི་ཡི་གེ་ཞིག་བསྟན་བྱུང་། དེའི་ནང་དུ། རྒྱལ་ཁབ་ཁ་བྲལ་ལ་ངན་སྐུལ་བྱས་པ།” ཞེས་བཀོད་འདུག་ཟེར། ད་ལྟའི་ཆར་ཞོགས་དུང་ངམ། བཀྲ་རྒྱ་ཟི་ལིང་ནས་ཏ་ཐོང་ཕྱོགས་ལ་འགྲོ་སའི་ལམ་ཁར་ཡོད་པའི་བཀག་ཉར་ཁང་ཞིག་ཏེ། རྒྱ་སྐད་དུ་“ཨེར་ཧྲི་ལིག་པུའུ་”ཞེས་པའི་ནང་བཀག་ཉར་བྱས་ཡོད་འདུག ཁོང་གིས་བཟའ་ཟླས། “དེ་རིང་ ཚེས་༢༦་ཉིན་ང་ཚོས་ཟ་མ་འཁྱེར་ནས་ཁོང་ལ་བལྟ་རུ་ཕྱིན་པ་ཡིན། ཁོང་ལ་ཐུག་ཏུ་མི་འཇུག་པ་མ་ཟད༌། སྲུང་དམག་གིས་ཟ་མ་ཡར་ལེན་ཀྱང་བྱས་མ་སོང་།” ཟེར། རྩོམ་ཡིག་འདིའི་འཕྲོ་ཀློག »

བཅར་འདྲི་ཞུ་ཡུལ། སྡོམ་པ་ཚེ་རིང་དབང་མོ།
བཅར་འདྲི་ཞུ་མཁན། རིག་འབྱུང་དོན་གྲུབ་བཀྲ་ཤིས།

༡ ཕྱི་ཚེས་༡༤ཉིན་གྱི་ཞོགས་པར་སྐྱེ་རྒུ་མདོར་ས་ཡོམ་བྱུང་བའི་གནས་ཚུལ་དེ་གོ་བ་དང་ཁྱེད་ཀྱིས་ཕ་ཡུལ་དུ་འབྲེལ་བ་བྱེད་ཐུབ་སོང་ངམ།
ལན། གནས་ཚུལ་དེ་གསར་འགྱུར་ལས་མཐོང་བ་དང་ངས་མགྱོགས་པོར་ཕ་ཡུལ་དུ་ཁ་པར་བཏང་བ་ཡིན། ཨ་སྲི་ལགས་ཀྱི་ལག་འཁྱེར་ཁ་པར་དེ་སྒོ་བརྒྱབ་འདུག
སྤུན་མཆེད་གཞན་གསུམ་ལ་འབྲེལ་བ་བྱེད་ཐུབ་སོང་། ང་ཚོའི་ནང་མི་དང་སྤུན་མཆེད་ཚོའི་་ཁང་པ་བཤིག་འདུག་མ་གཏོགས་མི་སྲོག་ལ་སྐྱོན་བྱུང་མི་འདུག
ཁོང་ཚོར་སྐད་ཆ་དམིགས་བསལ་བཤད་རྒྱུ་མི་འདུག སེམས་པ་འཚུབ་བེ་འཚུབ་བེ་ཆགས་ནས་འདུག “ཚེ་རིང་དབང་མོ། ད་སྐྱེ་རྒུ་ཚར་སོང་། སྐྱེ་རྒུ་ཚང་མ་ཚར་སོང་། ” ཟེར་བ་མ་གཏོགས་སྐད་ཆ་མང་པོ་བཤད་གི་མི་འདུག རྩོམ་ཡིག་འདིའི་འཕྲོ་ཀློག »

བཅར་འདྲི་ཞུ་ཡུལ། དགེ་འདུན་རབ་གསལ།
བཅར་འདྲི་ཞུ་མཁན། རིག་འབྱུང་དོན་གྲུབ་བཀྲ་ཤིས།

དང་པོ།
ཁྱེད་རང་ཨིན་ཌི་ཡ་ན་ཆེས་མཐོའི་གཙུག་ལག་སློབ་ཁང་དུ་བོད་ཀྱི་སྐད་ཡིག་གི་དགེ་རྒན་ཞིག་ཡིན་པའི་ཆ་ནས། བོད་ཀྱི་སྐད་ཡིག་སློབ་འཁྲིད་བྱེད་དུས་དཀའ་ངལ་གཙོ་བོ་དེ་གང་འཕྲད་ཀྱི་འདུག་གམ།
ལན། བོད་ཀྱི་སྐད་ཡིག་འདི་སྐད་ཡིག་གཉིས་པ་ཞིག་གི་ཚུལ་དུ་སློབ་འཁྲིད་བྱེད་སྐབས་དཀའ་ངལ་མང་པོ་འདུག འདྲ་མི་འདྲ་འདུག དཀའ་ངལ་གཅིག་ནི་ཀློག་དེབ་ཀྱི་དཀའ་ངལ་རེད། དེང་སང་གི་སྐད་ཡིག་ཕལ་ཆེ་བ་ལ། རང་རང་གི་སྐད་ཡིག་དེ་སྐད་ཡིག་གཉིས་པ་ཞིག་གི་ཚུལ་དུ་སློབ་འཁྲིད་བྱེད་པའི་ཀློག་དེབ་ཚད་དང་ལྡན་པ་ཡོད་པ་རེད། དེ་ཡང་། བརྗོད་གཞི་སྡེ་ཁག་དཔེར་ན་འཚམས་འདྲི། འཛིན་ཁང་། ཟས་ཀྱི་སྡེ་ཚན་སོགས་རེ་རེ་བཞིན་སློབ་སྐབས་ཀྱི་དུས་ཡུན་ལ་ཆ་བགོས་བྱས་ནས། དེ་དང་ལྷན་དུ་འགྲོ་ཐུབ་པའི་བརྡ་སྤྲོད་ཕྲད་ཀྱི་འགྲོ་ལུགས། སྦྱོང་བརྡར་གྱི་རིམ་པ། དེ་ཡང་བཤད་རྒྱུ་དང་འབྲི་རྒྱུ། ཀློག་རྒྱུ་དང་ཉན་རྒྱུ་བཅས་རིགས་བཞིར་བགོས་ནས། སློབ་སྐབས་གཅིག་ལ་སྐད་ཡིག་སློབ་སྦྱོང་བྱས་རྗེས་ སྐད་དེ་ཉན་བཤད་འབྲི་ཀློག་གི་ཆུ་ཚད་ཀྱང་དམའ་ས་ནས་མཐོ་ས་ལ་འགྲོ་བ་ཞིག་བཟོས་འདུག བོད་སྐད་དེ་ཡོད་མ་རེད། ཀློག་དེབ་ཡོད་པ་དེ་ཚོ་ཡང་ཕན་ཚུན་མི་མཚུངས་པ་དང་གོ་རིམ་མེད་པ་དེ་འདྲ་རེད། འདི་ང་ལ་མཚོན་ན་དཀའ་ངལ་ཞིག་རེད། རྩོམ་ཡིག་འདིའི་འཕྲོ་ཀློག »

(བཅར་འདྲི་ཞུ་ཡུལ། བོད་རིགས་ཏང་ཡོན་པ་རྒན་པ་ཞིག
བཅར་འདྲི་ཞུ་མཁན། རིག་འབྱུང་དོན་གྲུབ་བཀྲ་ཤིས།)

༡ ཁྱེད་རང་གི་སྐོར་ངོ་སྤྲོད་མདོར་བསྡུས་ཤིག་གནང་ན་འགྲིག་གམ།

དེ་ཆོག་གི ང་ཨ་མདོ་ནས་ཡིན། ད་བར་དུ་ཡིག་བསྒྱུར་གྱི་ལས་ཀ་བྱས་ནས་བསྡད་པ་ཡིན། ལོ་ཁ་ཤས་ཀྱི་སྔོན་ལ་ལས་འཁྱུར་ངལ་གསོ་བྱས་བ་ཡིན། ཨ་རིར་གཉེན་འཕྲད་ལ་ཡོང་བ་ཡིན།

༢ དེ་རིང་སང་ཉིན་གྱི་བོད་ནང་གི་གནས་སྟངས་ཇི་འདྲ་ཞིག་ཆགས་འདུག

ལན། སྔོན་མ་ཡིན་ན། གུང་ཁྲན་ཏང་ལ་སེམས་ཐག་ཉེ་བོ་ཡོད་མཁན་འདུག་ལ་༧གོང་ས་མཆོག་ལ་དད་པ་དམ་ཚིག་གཙང་མ་ཡོད་མཁན་ཡང་མང་པོ་འདུག
ན་ནིང་། ༢༠༠༨ལོའི་བོད་ནང་གི་ཞི་རྒོལ་བྱུང་ནས་བཟུང་། གུང་ཁྲན་ཏང་གིས་བོད་པ་ཡོངས་རྫོགས་དགྲ་ཕྱོགས་སུ་བཅད་སོང། ཐ་ན་རང་རང་གི་གོ་གནས་དང་དབང་ཐང་གི་དོན་དུ་གུང་ཁྲན་ཏང་ལ་བློ་ཐག་གང་ཉེ་ཉེ་བྱེད་པའི་བོད་པ་འགོ་ཁྲིད་པ་དང་། སློབ་ཆུང་གི་བྱིས་པ་ཡན་ཆད་ནས་དགྲ་ཕྱོགས་སུ་བཅད་པ་རེད། མི་རིགས་དབྱེ་འབྱེད་ཀྱི་ལས་ཀ་མང་པོ་བྱས་སོང་། དེ་ནས་བཟུང་། བོད་ཀྱི་གནད་དོན་དེ་ཁ་བྲལ་རིང་ལུགས་ཀྱི་གནད་དོན་གཅིག་པོ་མ་ཡིན་པར། མི་རིགས་དབྱེ་འབྱེད་ཀྱི་གནད་དོན་ཆགས་འདུག བོད་མིདང་རྒྱ་མིའི་དབར་གྱི་འབྲེལ་ལམ་དེ་ཆད་སོང་། སེམས་ཀྱི་འབྲེལ་ཐག་དེ་རྩ་བ་ནས་ཆད་འདུག རྒྱ་རྒྱ་དང་བོད་བོད་ཆགས་འདུག དེའི་ཚོར་བ་དེ་ཧ་ཅང་གསལ་བོ་ཆགས་འདུག ད་དུང་། སྔོན་མ་ཡིན་ན། བོད་ནང་གི་ཡོན་ཏན་པའི་གྲངས་འབོར་ཉུང་ཉུང་རེད། དེང་སང་། བོད་ཀྱི་ཡོན་ཏན་པའི་གྲངས་འབོར་ཆེ་མང་ལ་སོང་། རྒྱའི་ལས་ཀ་ཇེ་ཉུང་ལ་སོང་། རང་དབང་ཇེ་ཆུང་ལ་སོང་། གནས་སྟངས་སྐྱོ་རུ་ཕྱིན། དེར་བརྟེན། ཐབས་ཟད་འུ་ཐུག་ནས་བཙོན་ཁང་ལ་འགྲོ་རྒྱུར་སྐྲག་གི་མི་འདུག་ཟེར་མཁན་ཇེ་མང་རེད། རྒྱའི་འོག་ནས་སྐྲག་བསྡད་ན་ཡོང་གི་མི་འདུག་ཟེར་མཁན་ཡང་ཇེ་མང་རེད། རྩོམ་ཡིག་འདིའི་འཕྲོ་ཀློག »

བཅར་འདྲི་ཞུ་ཡུལ། ལྕགས་མོ་འཚོ།
བཅར་འདྲི་ཞུ་མཁན། རིག་འབྱུང་དོན་གྲུབ་བཀྲ་ཤིས།

༡ཐོག་མར་ཁྱེད་རང་གསར་འགོད་ལས་རིགས་ལ་དོ་སྣང་དང་དགའ་མོས་སླེབས་པའི་བརྒྱུད་རིམ་མདོར་བསྡུས་ཤིག་གསུངས་ན་འགྲིག་གམ།

ལན། ང་རང་ལ་མཚོན་ན་སློབ་ཆེན་གྱི་སློབ་མའི་དུས་ནས་བཟུང་གསར་འགྱུར་ལྟ་ཀློག་བྱེད་པར་ཧ་ཅང་དགའ་བོ་ཡོད་པས།ནམ་རྒྱུན་རྒྱ་ནག་གི་མཉམ་བསྒྲགས་གསར་འགྱུར་སོགས་ལའང་ལྟ་མཁན་ཞིག་ཡིན།དེ་བཞིན་སློབ་གྲྭའི་གུང་གསེང་དུས་སུ་ཕྱིར་ཕ་ཡུལ་དུ་ལོག་དུས་ཨ་རིའི་རྒྱང་སྲིང་དང་ཧྥ་རན་སུའི་རླུང་འཕྲིན་སོགས་ཕྱི་རྒྱལ་གྱི་རྒྱ་སྐད་རླུང་འཕྲིན་ལ་ཉན་རྒྱུར་ཧ་ཅང་དགའ་བོ་ཡོད།།དེ་བས་ལོ་མཉམ་གྱི་སློབ་གྲོགས་གཞན་དག་ལས་ལྷག་པར་ཆབ་སྲིད་ཐོག་དོ་སྣང་སླེབས་ལ།སེམས་གྱི་སྡུག་བསྔལ་ཡང་ཇེ་ཆེར་སོང་།སྟབས་ལེགས་པ་ཞིག་ལ་བོད་ནང་དུ་ཡོད་དུས་སྔ་རྗེས་སུ་རླུང་འཕྲིན་དང་ཚགས་པར་ཁང་དུ་གསར་འགྱུར་གྱི་ལས་དོན་གཉེར་བའི་གོ་སྐབས་ཀྱང་མི་ཉུང་བ་ཞིག་བྱུང་།ཡིན་ནའང་ཕྱིའི་གསར་འགྱུར་བརྒྱུད་ལམ་དང་རྒྱ་ནག་གཞུང་གི་སྟངས་འཛིན་འོག་གི་གསར་འགྱུར་བརྒྱུད་ལམ་ནི་རྦད་དེ་ཁ་ཁ་རེད་།བོད་དུ་གསར་འགྱུར་ལས་ཀ་བྱེད་དུས་གཙོ་བོ་ཏང་གི་རྩ་དོན་བཞིའི་ནང་དོན་དང་འགལ་ཡོད་མེད་ཀྱི་ཨང་རྩིས་ལྟ་བུའི་སྒྲོམ་གཞིའི་ནང་འགྲོ་བ་མ་གཏོགས།གསར་འགྱུར་དངོས་ཀྱི་རིན་ཐང་དང་འབྲེལ་བའི་ཐོག་དེ་འདྲའི་དོ་སྣང་བྱེད་ཀྱི་མ་རེད་།གལ་ཏེ་སྤྱི་ཚོགས་དང་འབྲེལ་བའི་གསར་འགྱུར་ཞིག་ཡིན་ནའང་ས་གནས་སྲིད་གཞུང་དང་དོ་ཕོག་བྱུང་མིན་དེ་ཨང་དང་པོར་འཇོག་གི་རེད་།ལྷག་པར་མི་རིགས་གྲངས་ཉུང་གི་གསར་འགྱུར་ལས་རིགས་དོན་གཉེར་མཁན་ཚོས་དེ་བས་སྲིད་དོན་ཐད་ཧ་ཅང་སེམས་ཆུང་བྱེད་དགོས་པ་དང་།གནས་ཚུལ་མང་ཆེ་བ་རྒྱ་ཡིག་ནང་བྲིས་ཟིན་པ་རྣམས་ཡིག་བསྒྱུར་བྱེད་པ་གཙོ་བོར་འཇོག་གི་འདུག སྤྱིར་གསར་འགྱུར་སྐོར་གྱི་གཞུང་ལུགས་ཁྲིད་སྐབས་ཕྱོགས་ལྷུང་མེད་པ་དང་དྲང་བདེན་།དུས་ཚོད་ཀྱི་རང་བཞིན་བཅས་གསར་འགྱུར་གྱི་ཚད་གཞི་ཡིན་པ་བརྗོད་བཞིན་ཡོད་ནའང་།དོན་དངོས་ཀྱི་ལག་ལེན་ཁྲོད་རྦད་དེ་ཁ་ཁ་རེད་། བཙན་བྱོལ་དུ་འབྱོར་ནས་ཡང་བསྐྱར་གསར་འགྱུར་ལས་རིགས་གཉེར་བའི་ལས་སྐལ་ཐོབ་དུས། དངོས་གནས་གསར་འགྱུར་བརྒྱུད་ལམ་ནི་སྲིད་གཞུང་དང་ཚོགས་པ་གང་རུང་གི་དྲིལ་བསྒྲགས་ལག་ཆ་མ་ཡིན་པར་གནས་ཚུལ་ཅི་རིགས་ཤེས་རྟོགས་ཀྱི་སྟེགས་བུ་ཞིག་ཡིན་པ་རྟོགས་ལ། རང་ཉིད་གཞོན་དུས་ནས་དགའ་མོས་ཀྱི་ལས་རིགས་འདི་ཡང་བསྐྱར་གཉེར་བའི་བགོ་སྐལ་ཐོབ་པར་སྤྲོ་བ་ཆེན་པོས་བརྟས། རྩོམ་ཡིག་འདིའི་འཕྲོ་ཀློག »

(བོད་རང་དབང་ལས་འགུལ་བ་ལྷག་པ་ལགས་སུ་བཅར་འདྲི།
བཅར་འདྲི་བྱེད་མཁན་། རིག་འབྱུང་དོན་གྲུབ་བཀྲ་ཤིས།)

༡ ཐོག་མར་ཁྱེད་རང་ངོ་སྤྲོད་མདོར་བསྡུས་ཤིག་བྱེད་རོགས།

ལན། ངའི་མིང་ལ་ལྷག་པ་ཟེར། ང་བཙན་བྱོལ་དུ་སྐྱེས་བ་རེད། རྒྱ་ནག་གིས་བོད་བཙན་བཟུང་བྱས་རྗེས། ངའི་ཕ་མ་གཉིས་ཀྱང་སྐྱབས་བཅོལ་ལ་ཕེབས་དགོས་ཐུག་པ་རེད། དེ་དུས། ང་ངའི་ཨ་མའི་མངལ་དུ་ཡོད་པ་རེད་ཟེར། ཨ་མ་ལགས་བཙན་བྱོལ་ལ་འབྱོར་ནས་ཡུན་རིང་མ་ཕྱིན་པར་ང་སྐྱེས་བ་རེད། ང་སྐྱེས་ནས་ཟླ་ངོ་དྲུག་ཕྱིན་པའི་རྗེས་སུ། ངའི་ཨ་མ་ལགས་སྐུ་གྲོངས་བ་རེད། ངེད་སྤུན་མཆེད་ཚོར་ཨ་མ་མེད་པ་ཆགས་པ་རེད། ངའི་པ་ལགས་ཀྱི་གནས་སྟངས་ཀྱང་དེ་དུས་ཧ་ཅང་སྐྱོ་བོ་རེད། དེར་བརྟེན། ཁོང་གིས་ངེད་སྤུན་མཆེད་བདུན་པོ་བུ་གསོ་ཁང་ལ་བསྐྱལ་བ་རེད། དེའི་རྗེས་སུ་ངའི་པ་ལགས་ཀྱང་སྐུ་གྲོངས་བ་རེད། ངེད་སྤུན་མཆེད་ཚང་མ་དྭ་ཕྲུག་ཆགས་པ་རེད། གལ་སྲིད་རྒྱ་ནག་གིས་བོད་བཙན་བཟུང་བྱས་མེད་ན། ང་ཚོ་བཙན་བྱོལ་དུ་ཡོང་དགོས་ཐུག་གི་མ་རེད་ལ་དྭ་ཕྲུག་ཀྱང་ཆགས་ཡོད་ཀྱི་མ་རེད། དེ་ག་ནང་བཞིན། བོད་པའི་ནང་མི་མང་པོ་ང་ཚོའི་ནང་མི་ནང་བཞིན་ཕ་མ་དང་བུ་ཕྲུག་ཡ་བྲལ་ཏུ་ཕྱིན་ཡོད་པ་རེད། ངས་ད་ལྟ་ཡང་ཕ་མ་མེད་པའི་འཚར་ལོངས་ཀྱི་གནས་སྟངས་དེ་ཚོ་དྲན་གསོས་ཀྱི་འདུག ཡིན་ན་ཡང་། བུ་གསོ་ཁང་གི་བྱམས་སྐྱོང་ལ་བརྟེན་ནས། ང་ཚོར་ཁ་ལག་དང་གྱོན་པ། སྡོད་ཁང་། ཤེས་ཡོན་སོགས་ཚང་མ་རག་པ་རེད། བུ་གསོ་ཁང་མེད་ན། དེ་རིང་ང་གསོན་པོར་བསྡད་ཡོད་མེད་ཀྱང་བརྗོད་དཀའ། ང་སློབ་མཐར་ཕྱིན་རྗེས། བོད་རང་དབང་གི་ལས་འགུལ་མང་པོའི་ནང་དུ་ཞུགས་པ་ཡིན། བལ་ཡུལ་དུ་བོད་ཁྱིམ་གྱི་སློབ་ཟུར་ཁོངས་སུ་འཛུལ་ནས་ལོ་ངོ་དྲུག་ལྷག་གི་རིང་ལ་སློབ་གྲ་ཁག་དང་བོད་དོན་གྱི་ལས་གྲ་སོགས་ཀྱི་ཆེད་དུ་དང་བླངས་ཞབས་ཞུ་ཞུས་བ་ཡིན། ཕྱི་ལོ་༡༩༩༥ལོར་ང་ཨ་རིར་སླེབས་པ་རེད། ཕྱི་ལོ་༡༩༩༦ལོར་ཨ་རིའི་རྒྱལ་ས་ལྦ་ཤིན་ཀྲོན་ནས་ནེའུ་ཡོག་བར་དུ་ཟླ་ངོ་གསུམ་གྱི་རིང་བོད་དོན་ཞི་བའི་གོམ་བགྲོད་ལ་ཞུགས་པ་ཡིན། ཕྱི་ལོ་༡༩༩༨ལོར་བསྐྱར་དུ་ཕོར་ཁྲི་ལན་ཀྲི་ནས་བན་ཁོ་བུར་བར་དུ་ཟླ་ངོ་གསུམ་རིང་གི་བོད་དོན་ཞི་བའི་གོམ་བགྲོད་ལ་ཞུགས་པ་ཡིན། ད་ལོའི་གསུམ་བཅུའི་དུས་དྲན་ཉིན་ནས་བཟུང་། འཛམ་གླིང་གི་རྒྱལ་ཁབ་ཁག་༢༢ཙམ་ལ་བོད་དོན་ཆེད་སྐོར་བསྐྱོད་བྱེད་རྒྱུའི་ལས་འགུལ་འདི་བརྩམས་པ་ཡིན། རྩོམ་ཡིག་འདིའི་འཕྲོ་ཀློག »

(བཅར་འདྲི་ཞུ་ཡུལ། སྡོམ་པ་ཚེ་རིང་དབང་མོ། བཅར་འདྲི་ཞུ་མཁན། རིག་འབྱུང་དོན་གྲུབ་བཀྲ་ཤིས། )

༡ ཁྱེད་རང་བོད་ལ་ག་དུས་ཕྱིན་པ་ཡིན་ནམ།
ལན། ང་བོད་ལ་ཐོག་མ་དེ་ཕྱི་ལོ་༡༩༩༤ལོར་ཕྱིན་པ་ཡིན། དེ་དུས། བོད་ནས་ཟླ་ངོ་བདུན་ཙམ་བསྡད་པ་ཡིན། ངའི་ཨ་མའི་སྐྱེས་ཡུལ་ཁམས་ནང་ཆེན་ལ་ཕྱིན་པ་ཡིན།
དེ་ནས། ཕྱི་ལོ་༢༠༠༠ལོར་བོད་ལ་ཕྱིན་ནས་ཟླ་ངོ་བཞི་ཙམ་བསྡད་པ་ཡིན། ཕྱི་ལོ་༢༠༠༤ལོར་བོད་དུ་ཟླ་ངོ་ལྔ་ཙམ་བསྡད་པ་ཡིན། ཕྱི་ལོ་༢༠༠༦ལོར་ཡང་ཕྱིན་པ་ཡིན།
ན་ནིང་། ཕྱི་ལོ༢༠༠༩ལོར་བོད་དུ་ཕྱིན་ནས་ཟླ་ངོ་བཞི་དང་ཕྱེད་ཀ་ཙམ་བསྡད་པ་ཡིན། ཁྱོན་བསྡོམས་བོད་དུ་ཐེངས་ལྔ་ཙམ་བསྐྱོད་པ་ཡིན།

༢ བོད་ལ་འགྲོ་རྒྱུའི་ཐོག་མའི་བསམ་བློ་དེ་ཇི་ལྟར་འཁོར་བ་ཡིན་ནམ།
ལན། ཕྱི་ལོ་༡༩༩༤ལོར་ངའི་ཨ་མ་ལགས་སྐུ་གྲོངས་བ་རེད། དེ་དུས། ང་མོ་ལོ་ཉེར་ལྔ་ལ་སོན་ཙམ་རེད། ཨ་མའི་གཉེན་ཉེ་དང་སྤུན་མཆེད་ཚང་མ་བོད་ལ་ཡོད་རེད།
ཁོང་ཚོར་ལྟ་བར་ཕྱིན་པ་ཡིན། དེའི་རྗེས་ཀྱི་ལོ་དེ་ཚོར་ཡང་གཉེན་འཕྲད་ལ་ཕྱིན་པ་ཡིན། ན་ནིང་། ངའི་ཨ་ཞང་བླ་མ་ཞིག་ཡོད་པ་དེ་ཅུང་ཙམ་སྐུ་སྙུང་གི་འདུག་ཟེར་པས།
ཁོང་ལ་བལྟ་བར་བསྐྱོད་པ་ཡིན། ཁོང་རྒྱ་ནག་གི་བཙོན་དུ་ལོ་ངོ་༢༠ལྷག་ཚུད་པ་རེད། རྩོམ་ཡིག་འདིའི་འཕྲོ་ཀློག »