ཁ་བརྡ།

རྒྱ་ཆེའི་བོད་ཀྱི་སྐད་ཡིག་ལ་དུང་བའི་བརྩེ་ལྡན་རྣམ་པ་ལགས། སྐུ་ཁམས་བཟང་།
སྨོན་ལམ་བོད་ཡིག་གསུམ་པ་བཀྲམས་ནས་ཟླ་ངོ་གང་ཙམ་སོང་རྗེས་སྨོན་ལམ་བོད་ཡིག་གསུམ་ཚག་གཅིག་ཅན་ཞིག་རིང་མིན་འདོན་འཆར་ཡོད། རྩོམ་ཡིག་འདིའི་འཕྲོ་ཀློག »

དེ་རིང་ཁ་བརྡའི་མཆན་དང་དེ་བཞིན་དུས་བབ་ཟིན་བྲིས་ཀྱི་མཆན་དེ་དག་མཐོང་ནས་བསམ་ཚུལ་འགའ་སླེབས། བཤད་མི་དགོས་པ་ཞིག་ནི། ང་ཚོས་རང་གི་བསམ་ཚུལ་བཤད་སའི་རྒྱ་ཆེ་རུ་སོང་བ་ཙམ་དུ་མ་ཟད། བཤད་མཁན་ཀྱང་ཇེ་མང་དུ་སོང་ཡོད། དེ་ནི་དཀའ་ངལ་ཞིག་མ་རེད། འོན་ཀྱང་བསམ་ཚུལ་བཤད་སྐབས་རྗོད་མཁན་གྱི་མིང་ངོ་མ་མེད་པ་དང་། མིང་ཚབ་བྲིས་པ་དེ་དག་ཀྱང་འབྲི་མཁན་གྱིས་རང་གི་སྨྱུག་མིང་ཞིག་གམ་མིང་ཚབ་ཅིག་ཡོད་བཞིན་པ་དེ་འབྲི་རྒྱུའི་ཚབ་ཏུ། རྩོད་པའི་ཁོངས་སུ་སླེབས་པའི་མི་གཞན་གྱི་མིང་དེ་དག་བྲིས་ནས། མཐའ་ན་ཀློག་མཁན་དང་ཟིན་བྲིས་བདག་པོ་དག་ཀྱང་མགོ་འཐོམ་མེར་བཟོ་བ་དེ་རེད། དེ་དཀའ་ངལ་དེ་རེད། དོན་འདི་ལ་དུས་བབ་རྩོམ་སྒྲིག་པས་གསལ་བཤད་ཅིག་ཀྱང་གནང་འདུག
དཀའ་ངལ་འདི་ནི། བོད་ཡིག་ཟིན་བྲིས་ཀྱི་དཀའ་ངལ་ཞིག་ཡིན་ནམ། ཕལ་ཆེར་ཡིན་མདོག་ཁ་བོ་མ་རེད། ངས་ཚོད་ལྟ་ཞིག་བྱས་པ་ཡིན། ནིའུ་ཡོག་དུས་བབ་ཀྱི་དྲ་རྒྱའི་ཐོག་མཆན་འབྲི་མཁན་ཚོའི་ཁྲོད་དུའང་མིང་སྣ་ཚོགས་བྲིས་འདུག དཔེར་ན། ཧྲང་ཧེའི་ཤོར་མ། ཇིམ་41 མཚོ་མཐའ་གསུམ་པ། འདི་དག་ལྟ་བུ་རེད། ཕ་ཡུལ་དྲ་རྒྱའི་མཆན་འབྲི་མཁན་དག་ཀྱང་། དཔེར་ན། བོད་ཀྱི་བུ། བདེན་པའི་གནས་ཚུལ། ལྟ་བུ་བྲིས་འདུག་
རྩོམ་ཡིག་འདིའི་འཕྲོ་ཀློག »

 ལྕགས་རྒྱ་འགྲམ་ནག

གནས་སྐབས་རིང་སྒྱིད་ལུག་གི་དབང་དུ་ཤོར་ནས། དྲ་ཐོག་ཏུ་ཡོང་ཐུབ་མ་སོང་། དེ་རིང་དྲ་གྲོགས་མང་དག་ཅིག་གི་རྩོམ་ཡིག་བཀླགས་ཏེ་སྣང་བ་སྐྱིད་པོ་བྱུང་། ཁ་སྔོན་བོད་ནང་གི་དྲ་རྒྱ་ཁག་ཅིག་ཀློག་སྐབས་བཙན་བྱོལ་གྱི་ཟིན་བྲིས་པ་འགའ་རེས་ཀྱང་དེ་རུ་ཟིན་བྲིས་ཐོ་འགོད་བྱས་ཡོད་པ་མཐོང་ནས་ཧ་ཅང་དགའ་སོང་། ཡིན་ནའང་དེ་རིང་རྡོ་འབུམ་དཔེ་འཕྲིན་གྱི་ཝེ་ཁེ་རིག་མཛོད་ཆེན་མོའི་དྲ་རྒྱ་རུ་འཛུལ་སྐབས། དེའི་ཐོག་ཏུ་གནས་ཚུལ་སྤེལ་གྲངས་ཧ་ཅང་ཉུང་བ་མཐོང་ནས། དེ་རིང་དྲ་ཐོག་ཏུ་ཡོང་སྟེ་དྲ་གྲོགས་ཚོ་དང་མཉམ་དུ་དེའི་སྐོར་ལ་ཁ་བརྡ་ཤིག་བྱས་ན་བསམ་བྱུང་། དུས་ཚོད་དང་འདོད་མོས་ཡོད་མཁན་ཚོས་ཝེ་ཁེ་རིག་མཛོད་ཆེན་མོ་ལ་ http://bo.wikipedia.orgམིག་བཤེར་ཤིག་བྱོས་དང་། ང་ཚོར་དེའི་ཐོག་ན་སྟོང་ཆ་མང་པོ་ཞིག་ཁ་སྐོང་བྱེད་རྒྱུ་འདུག ས་ཆའི་ཁོངས་ནས་གཅན་ཚའི་གནས་ཚུལ་ཅུང་ཙམ་ཞིབ་ཕྲ་འདུག དེ་མ་གཏོགས་ཕལ་ཆེར་ས་བཅད་མ་སྟོང་ཙམ་རེད། ཕན་ཚུན་སྡིགས་རེས་བྱས་ཏེ་དུས་ཚོད་སྐྱེལ་བ་ལས་ང་ཚོས་ལས་གཞི་འདིའི་ཐོག་ཏུ་མཉམ་རུབ་བྱས་ན་མི་རབས་ཚ་རྒྱུད་ལ་ཕན་པའི་ལས་གཞི་ཞིག་ཏུ་འགྱུར་རྒྱུ་རེད་ཨང་སྙམ།

༄༄།། བཀུར་འོས་རྒྱལ་དབང་ཡིད་བཞིན་ནོར་བུའི་༧སྐུ་སྒེར་ཡིག་ཚང་གི་དབུ་ཁྲིད་མཆོག་གི་ཞབས་དྲུང་དུ།

དེ་གའི་ལས་ཁུངས་ནས་ཏྭ་ལའི་བླ་མའི་དྲ་ཚིགས་ཏེ། www.dalailama.com ཞེས་པ་ཞིག་བཏོན་གནང་བ་དེས་ཕྱི་ནང་གི་མི་ཚང་མར་༧རྒྱལ་དབང་སྐུ་འཕྲེང་བཅུ་བཞི་པ་ཆེན་པོའི་མཛད་པ་རྣམས་སྟབས་བདེ་པོས་ཤེས་ཐུབ་པར་ཕན་པ་ཆེན་པོ་འདུག་པས་ཐུགས་རྗེ་ཆེ།

ལྷག་པར་དུ་དྲ་ཚིགས་དེ་རྒྱ་ཡིག་དང་དབྱིན་ཡིག་ཐོག་བཏོན་ཐུབ་པ་དེས་རྒྱ་མི་རིགས་དང་དབྱིན་ཇིའི་སྐད་ཡིག་ཤེས་མཁན་གྱི་འཛམ་གླིང་གི་མི་རྣམས་ལ་རྒྱལ་དབང་ཡིད་བཞིན་ནོར་བུའི་གནས་ཚུལ་རྣམས་དུས་ཐོག་ལ་ཤེས་ཐུབ་པ་དེས་ངེད་ལ་དེ་བས་དགའ་སྤྲོ་འཕེལ་བཞིན་སྣང་། རྩོམ་ཡིག་འདིའི་འཕྲོ་ཀློག »

བོད་ས་གླང་ལོའི་ལོ་གསར་ཉིན་ནི་བོད་དུ་མཚོན་ན་ལོ་ནག་སྲུང་གཙི་བྱས་པའི་ལོ་ཞིག་ཡིན་ལ། ཉིན་དེར་བོད་མི་ཚོས་རྒྱུན་སྲོལ་ལྟར་བོད་ཀྱི་ལོ་གསར་རྒྱས་སྤྲོས་ཀྱིས་སྲུང་གཙི་བྱས་མེད་མོད། བོད་ཀྱི་སྐད་དང་ཡི་གེའི་ངོས་ནས་བཤད་ན། དེང་དུས་ཀྱི་ཚན་རིག་གི་རྗེས་སུ་སྔར་ལས་གོམ་གང་མདུན་སྐྱོད་བྱས་པའི་ཉིན་ཞིག་ཡིན་ཞིང་། དེ་ནི་སྨོན་ལམ་བོད་ཡིག་མཉེན་ཆས་གསུམ་པ་དང་སྨོན་ལམ་བོད་ཀྱི་ཐུན་མོང་སྐད་གདངས་གཉིས་དབུ་འབྱེད་དང་འགྲེམས་སྤེལ་བྱས་པས་ཡིན། རྩོམ་ཡིག་འདིའི་འཕྲོ་ཀློག »

བོད་ཡིག་གི་གློག་རྡུལ་ཚིག་མཛོད་ཐོན་འདུག

བོད་ལྗོངས་སློབ་གྲྭ་ཆེན་མོའི་རྩིས་འཁོར་སྡེ་ཚན་གྱི་དགེ་རྒན་ཨ་མདོ་བློ་བཟང་ལགས་ཀྱིས། བོད་ཡིག་གི་གློག་རྡུལ་ཚིག་མཛོད་དང་པོ་དེ་བཏོན་ཐུབ་འདུག དེ་ནི་ཁོང་གིས་ལོ་མང་དཀའ་ངལ་ཁྱད་གསོད་དང་།  བརྩོན་འགྲུས་དང་སྙིང་རུས་བག་ལ་བརྟེན་ནས། བསྒྲུབ་བྱ་བོད་ཕྲུག་ཚོས་འབྱུང་འགྱུར་བོད་རྒྱ་དབྱིན་གསུམ་གྱི་གློག་ཆས་ཚིག་མཛོད་ཆུང་ཆུང་ཞིག་ཁུག་མའི་ནང་ཁྱེར་ཐུབ་པའི་དམིགས་ཡུལ་བཅངས་ནས། བོད་དང་། རྒྱ་ནག དེ་བཞིན་ཨ་རི་སོགས་ལ་སློབ་སྦྱོང་དང་ཞིབ་འཇུག་གི་ལས་ཀ་ཡུན་རིང་སྒྲུབ་པའི་འབྲས་བུ་ཞིག་རེད་འདུག

གློག་རྡུལ་ཚིག་མཛོད་དེར། ”བོད་རྒྱ་དབྱིན་གློག་རྡུལ་ཚིག་མཛོད།”ཅེས་མིང་བཏགས་ཤིང་། མི་ཚང་མས་བློ་བཟང་ཚིག་མཛོད་ཅེས་ཀྱང་ཟེར། དེ་ནི་བོད་ལྗོངས་བློ་བཟང་གྲངས་ཀའི་ཚན་རྩལ་ཚད་ཡོད་ཀུང་སི་ནས་འགྲེམས་ཚོང་བྱེད་ཀྱི་ཡོད་འདུག  ཚིག་མཛོད་འདིའི་ནང་། དུང་དཀར་ཚིག་མཛོད་དང་། བོད་རྒྱ་ཚིག་མཛོད་ཆེན་མོ། བོད་དབྱིན་ཚིག་མཛོད། དེ་བཞིན་བོད་རྒྱ་ཚིག་མཛོད། ད་དུང་བོད་རྒྱ་དབྱིན་གསུམ་སོགས་ཀྱི་ཚིག་མཛོད་སུམ་བཅུ་ལྷག་ཙམ་དང་། དེ་བཞིན་རྩིས་འཁོར་དང་། ལོ་ཐོ། རོལ་རྩེད་སོགས་ཀྱི་བཀོལ་ཆས་མང་པོ་བཅུག་འདུག

ཚིག་མཛོད་དེར་ཧི་མ་ལ་ཡའི་ཡིག་གཟུགས་དང་ཐེབ་གཞོང་བཀོལ་ཡོད་པ་མ་ཟད། ད་དུང་བོད་རྒྱ་དབྱིན་གསུམ་གྱི་སྒྲ་གདངས་ཀྱི་སྐད་ཡང་བཅུག་འདུག

ཚིག་མཛོད་དེར་མི་དམངས་ཤོག་སྒོར་༡༢༠༠ཐོབ་ཀྱི་ཡོད་པ་དང་། ལྷ་ས། ཁྲེན་ཏུ། དེ་བཞིན་ཟི་ལིང་སོགས་ནས་ཉོ་ཐུབ་ཀྱི་འདུག

ཕ་ཡུལ་ཨ་མདོ་ནས་ཡིན་པའི་དགེ་རྒན་བློ་བཟང་ལགས་ནི། དེ་སྔོན་ནུབ་བྱང་མི་རིགས་སློབ་གྲྭ་ཆེན་མོ་ལས་ཐོན་པ་དང་། རྗེས་སུ། ཀུན་ཕན་ཐེབས་རྩ་ཚོགས་པས་རོགས་སྐྱོར་བྱས་ནས་ ཝ་ཇིན་ནི་ཡའི་བྱང་ཕྱོགས་སློབ་གྲྭ་ཆེན་མོ་ཐོན་ནས།(University of Northern Virginia) རྩིས་འཁོར་རིག་པའི་ཞིབ་འཇུག་སློབ་མའི་ལག་ཁྱེར་ཐོབ་འདུག

ཁོང་གི་ཚིག་མཛོད་སྐོར་ལ་མང་ཙམ་མཁྱེན་འདོད་ཡོད་ན། ཁོང་གི་དྲ་རྒྱ།

http://luozang.com/index.html ལ་གཟིགས་རོགས།

གྲོགས་པོ་ཚོར་ཞུ་རྒྱུར། ཕ་ཡུལ་ཡུན་ནན་བདེ་ཆེན་ས་ཁུལ་ནས་ཡིན་པའི་བོད་རིགས་གློག་ཀླད་མཁས་པ་སྐུ་ཞབས་བཀྲ་ཤིས་ཚེ་རིང་ལགས་ཀྱིས། བོད་ཡིག་གི་ཡིག་གཟུགས་གསར་པ་བཞི་བཟོས་ནས་པེ་ཅིང་བོད་རིག་པ་ཟེར་བའི་དྲ་རྒྱའི་ཐོག་ནས་རིན་མེད་ལ་ལེན་ཐུབ་ཀྱི་འདུག

ཡིག་གཟུགས་དེ་དག་unicode ཟེར་བའི་གཅིག་འགྱུར་གྱི་ཨང་རྟགས་ལ་བརྟེན་ནས་བཟོས་པ་དང་། དེ་ཚོའི་ནང་འབྲུ་ཚ་དང་། ཚུགས་མ་ཁྱུག དེ་བཞིན་ཨུ་ཆེན་དང་དཔེ་ཚུགས་སོགས་འདུག

སྐུ་ཞབས་བཀྲིས་ཚེ་རིང་མཆོག་ནི་ཨ་རིའི་ནང་ཡོད་པའི་ཀུན་ཕན་ཐེབས་རྩ་ཚོགས་པས་སྦྱིན་བདག་བགྱིས་ནས་ལོ་གཉིས་ཀྱི་རིང་ཨ་རིའི་སློབ་གྲ་ཆེན་མོ་སྟེ་ཝ་ཇི་ནི་ཡའི་སློབ་གྲྭ་ཆེན་མོ། (University of Virginia)ལ་གློག་ཀླད་ཤེས་རྩལ་གྱི་ཞིབ་འཇུག་སློབ་མའི་ལག་ཁྱེར་ཐོབ་པ་དང་། ཁོང་གིས་བོད་ཡིག་གི་སྐོར་ལ་གློག་ཀླད་ཐོག་ཐབས་ཤེས་གསར་པ་དང་འཕྲུལ་ཆས་གསར་པ་མི་ཉུང་བ་ཞིག་བཟོས་ཡོད། ཁོང་ནི་དེ་སྔོན་མེ་ཁོར་སོབ་ཀྲི་ཟེར་བའི་ཚོང་ཤག་ ༼Microsoft ༽དེས་གདན་འདྲེན་ཞུས་ནས་ཧི་མ་ལ་ཡའི་ཡིག་གཟུགས་བཟོ་རྒྱུར་བློ་འདྲི་ཡུལ་གྱི་མི་སྣར་གཙོ་བོར་འགྱུར་ཡོད།

ཁྱེད་ཀྱིས་གཤམ་གསལ་གྱི་དྲ་རྒྱར་ཕེབས་ནས་དྲ་ཤོག་དེའི་ཞོགས་གཡས་ངོས་སུ། ”སྤྱི་བསྒྲགས།”ཅེས་བཀོད་ཡོད་པའི་འོག་གི་ཡིག་འཕྲེང་དེར་དྲ་སྨྱུག་བཙུགས་ན་དེ་ནས་ཡིག་གཟུགས་དེ་དབབ་ཐུག་ཀྱི་འདུག་གོ།

http://219.239.12.27/index.aspx

གྲོགས་པོ་ཚོ་བཀྲ་ཤིས་བདེ་ལེགས།

(གཤམ་གསལ་ནི་བོད་ཡིག་ཡིག་གཟུགས་གསར་རྙིང་བརྗེ་ཚུལ་སྐོར་དེ་རེད། འདིར་དྲི་བ་འདོན་མཁན་ཞིག་བྱུང་བས་བཀོད་པ་ཡིན། དགེ་འདུན་རབ་གསལ་གྱིས།)
བོད་ཡིག་ཡིག་གཟུགས་རྙིང་པ་རྣམས་གཅིག་གྱུར་གསང་རྟགས་ཅན་གྱི་བོད་ཡིག་ (Tibetan Unicode) ཡིག་གཟུགས་སུ་བརྗེ་བསྒྱུར་བྱེད་ཚུལ།
གལ་སྲིད་ཁྱེད་རང་གིས་གཤམ་གསལ་གྱི་ལམ་སྟོན་ཁག་ལག་ལེན་ཚུལ་བཞིན་བྱས་ན། གློག་ཀླད་ཐོག་ཡིག་གཟུགས་གསར་རྙིང་བརྗེ་བསྒྱུར་བྱེད་པ་ནི་ཁྱེད་རང་རང་ཉིད་ཀྱིས་བྱེད་ཐུབ་པ་ཞིག་རེད། ཁྱེད་རང་ལ་བོད་ཡིག་གི་ཡིག་གཟུགས་རྙིང་པ་སྟེ། དཔེར་ན་གཡུ་མཚོ་དང་སམ་བྷོ་ཊ། ཨེལ་ཊི་བེ་ཊན། ཊི་བེ་ཊན་མེ་ཤེན་ཝེབ་སོགས་ཀྱི་ནང་ཡིག་ཆ་ཡོད་པ་དེ་ཚོ་གཅིག་གྱུར་གསང་རྟགས་ཅན་གྱི་བོད་ཡིག་ཏུ་བརྗེ་བསྒྱུར་བྱེད་ན། ཐོག་མར་ཁྱེད་རང་གི་གློག་ཀླད་ཀྱི་མཉེན་ཆས་དེ་ནི་ཝིན་ཌོ་སེ་ཐོན་གསར་པ་ཝི་སི་ཊ་ (Vista) ཡིན་ཤག་ཐོག དེའི་ནང་རང་གི་ཡིག་ཆ་རྙིང་པ་རྣམས་བྲིས་པའི་ཡིག་གཟུགས་རྙིང་པ་དེ་གསར་འཇུག་བྱས་པ་ཞིག་དགོས་པ་ཡིན།
ཞིབ་གསལ་ཀློག་ན་གཤམ་གྱི་འབྲེལ་ཐག་ལ་བསྣུན་ནས་ཀློག་རོགས།
http://tibetanportal.com/myownblog/?p=8&lp_lang_pref=bo

ཁྱེད་ཀྱིས་གོང་གི་འབྲེལ་ཐག་ནས་ཀློག་མ་ཐུབ་ཚེ། འདིར་ (Portable Document Format) ནང་བྲིས་ཡོད་པ་གཤམ་གྱི་འབྲེལ་ཐག་ནས་གཟིགས་རོགས།
tibetan-converting