ཁ་བརྡ།

འཇིགས་མེད་བཀྲ་ཤིས་ཀྱིས།
————–

༄༅།། ངག་གི་སྦྱོར་བ་སྟོན་པའི་བསྟན་བཅོས་ཁྲོད། །
ངག་གི་ལྷ་བཞིན་ཚད་མར་འཛིན་པ་ཡི། །
ངག་གི་མུན་སེལ་དག་ཡིག་ངག་སྒྲོན་ལས། །
ངག་གི་འོད་སྣང་ཕྱོགས་བཅུར་འཕྲོ་གྱུར་ཅིག །

(རྩོམ་ཡིག་འདི་རིང་དྲགས་སྟབས། ཐད་ཀར་ཡིག་གཟུགས་སུ་ཤར་བ་ཞིག་ཡོང་མི་འདུག དགོངས་འགལ་མེད་པ་ཞུ། གཤམ་གྱི་འགྲེལ་ཐག་ན་ PDF ནང་བཞག་ཡོད་པ་གཟིགས་འཚལ།)
ngagdon-critiques

རྒྱ་གར་སྐད་དུ།།ཨཱརྱ་ཏ་ཐཱ་ག་ཏོ་ཥྞཱི་ཥ་སི་ཏཱ་པ་ཏྲེ་ཨ་པ་རཱ་ཛི་ཏ་མ་ཧཱ་པྲ་ཏྱངྒིར་བ་ར་མ་སིདྡྷ་ནཱ་མ་དྷཱ་ར་ཎི།།
བོད་སྐད་དུ།།འཕགས་པ་དེ་བཞིན་གཤེགས་པའི་གཙུག་ཏོག་ནས་བྱུང་བའི་གདུགས་དཀར་པོ་ཅན་གཞན་གྱིས་མི་ཐུབ་པ་ཕྱིར་ཟློག་པ་ཆེན་མོ་མཆོག་ཏུ་གྲུབ་པ་ཞེས་བྱ་བའི་གཟུངས།།སངས་རྒྱས་དང་བྱང་ཆུབ་སེམས་དཔའ་དང་།།འཕགས་པ་ཉན་ཐོས་དང་།།རང་སངས་རྒྱས་ཐམས་ཅད་ལ་ཕྱག་འཚལ་ལོ།།བཅོམ་ལྡན་འདས་གཞན་གྱིས་མི་ཐུབ་པ་གཙུག་ཏོག་རྒྱལ་མོ་ལ་ཕྱག་འཚལ་ལོ།
འདི་སྐད་བདག་གིས་ཐོས་པ་དུས་གཅིག་ན།།བཅོམ་ལྡན་འདས་སུམ་ཅུ་རྩ་གསུམ་པའི་ལྷའི་གནས་ཆོས་བཟང་ལྷའི་མདུན་ས་ན་དགེ་སློང་གི་དགེ་འདུན་ཆེན་པོ་དང་།།བྱང་ཆུབ་སེམས་དཔའི་དགེ་འདུན་ཆེན་པོ་དང་།།ལྷའི་དབང་བོ་བརྒྱ་བྱིན་དང་ཐབས་གཅིག་ཏུ་བཞུགས་སོ།།དེའི་ཚེ་བཅོམ་ལྡན་འདས་གདན་གཤམས་པ་ཉིད་ལ་བཞུགས་ནས་གཙུག་ཏོར་རྣམ་པར་ལྟ་བ་ཞེས་བྱ་བའི་ཏིང་ངེ་འཛིན་ལ་སྙོངས་པར་ཞུགས་སོ། རྩོམ་ཡིག་འདིའི་འཕྲོ་ཀློག »

གནམ་ས་གོ་འབྱེད།

གནམ་ས་གོ་འབྱེད་བྱེད་ཅེས་པའི་དེབ་དེ་འདི་ན་ཡོད། འབྲེལ་ཐག་ལ་བསྣུན་རོགས། gnam-sa-go-byed

རྩོམ་པ་པོ་ཞོགས་དུང་གི་(གནམ་ས་གོ་འབྱེད་)ཅེས་པའི་དེབ་དེའི་གླེང་བརྗོད།

གནམ་ས་གོ་འབྱེད།
ས་བྱི་ཞི་བའི་གསར་བརྗེ་ལ་བྲིས།
༢༠༠༨ལོའི་བོད་ཀྱི་ཞི་བའི་གསར་བརྗེ་འདིར་། དབང་བསྒྱུར་བས་(༣༡༤དོན་རྐྱེན་)དང་(ལྷ་སའི་དོན་རྐྱེན།) (ལྷ་སའི་༣༡༤དོན་རྐྱེན། )(༣༡༤ལྷ་སའི་ཟིང་ཆ། )(ལྷ་སའི་༡༣༤རྡུང་གཅོག་འཕྲོག་སྲེག་དོན་རྐྱེན་)སོགས་ཀྱི་མིང་བཏགས་འདུག་པ་དང་། བོད་ཀྱི་གསར་ལམ་དང་རྩོམ་པ་པོའི་ཁྲོད་དུ། (ཞི་རྒོལ་ལས་འགུལ་ཆེན་མོ། )(ས་བྱི་ཞི་རྒོལ་ཆེན་མོ། )(ཞི་བའི་འོས་ལངས་། )སྒེར་ལངས། སྡེབ་ལངས་ཞེས་སོགས་མིང་གང་མང་འདུག་མོད། ཁོ་བོས་(ས་བྱི་ཞི་བའི་གསར་བརྗེ་)ཞེས་མིང་འདོགས་དོན་ནི། དབང་བསྒྱུར་བའི་བཏགས་མིང་རྣམས་ཁྱབ་ཆུང་བ་དང་
ངོས་བཟུང་མེད་པ། ཕྱོགས་རེ་བའི་སྐྱོན་འདུག་ཅིང་། ཕལ་ཆེ་བ་ཕྱོགས་རིས་འཐེན་འཁྱེར་དང་གླེང་ཕྱོགས་ངན་དམོད་ཀྱིས་བཏགས་ཕྱིར། བཏགས་མིང་དོན་ལ་མི་གནས་པས་དབྱུགས། བོད་མིས་བཏགས་པ་ལྟར་ན། (ཞི་བའི་གསར་བརྗེ་འདིར་རྩ་འཛུགས་ཡོད་པ།) (དམིགས་ཡུལ་ཡོད་པའི་དོན་ཅན་གྱི་ལས་འགུལ་གྱི་ཁྱད་ཆོས་མེད་པ་དང་)། (གཉའ་གནོན་པ་ལ་ངོ་རྒོལ་) བྱས་བ་ཙམ་མ་ཡིན་པར་གྱེན་ལོག་གི་ཁྱད་ཆོས་འདུག་པ་དང་། རྩོམ་ཡིག་འདིའི་འཕྲོ་ཀློག »

བསྟན་འཛིན་ཚེ་དཔག

གཅིག ༼གནམ་ས་གོ་འབྱེད་༽དང་འཕྲད་པ།

ཟླ་གཅིག་ཙམ་གྱི་གོང་ལ། དྲ་ངོས་འདིའི་ཟིན་བྲིས་པ་གཉན་པོ་ལགས་ཀྱི་ཟིན་བྲིས་ནང་དང༌། ཁ་བརྡ་དྲ་དེབ་ནས་༼གནམ་ས་གོ་འབྱེད་༽དེབ་ཀྱི་རྒྱབ་མདུན་ཤོག་ངོས་ཀྱི་བཟོ་ལྟ་དང་དཀར་ཆག་ཅིག་བཀླགས་རྒྱུ་བྱུང༌། དེ་རྗེས་ཀྱི་ཉིན་ཤས་མཚམས་ནས་ངོ་སྤྲོད་དེ་གཉིས་ཀ་མཐོང་མེད་དུ་གྱུར། གང་ལྟར་ནའང༌། ༼གནམ་ས་གོ་འབྱེད༽ཀློག་འདོད་ཀྱི་ཡི་ག་དེ་ཉིན་རེ་ཞིང་འཕར་ཞིང་འགྲན་པའི་ཚུལ་དུ་གྱུར། བདུན་ཕྲག་སྔ་མའི་རེས་གཟའ་སྤེན་པའི་ཉིན་གྱི་དགོང་མོར། ཁ་པར་བརྒྱུད་གཞིས་བཞུགས་པ་ཞིག་དང་ལྷན་གླེང་མོལ་བྱས། གླེང་མོལ་དེ་ཡང་༼གནམ་ས་གོ་འབྱེད་༽ཀྱི་སྟེང་དུ་བབས། ཁོང་གིས་གསུང་སྟངས་བྱས་ན། ༼གནམ་ས་གོ་འབྱེད༽བཀྲམས་སོང་ལ། དེ་བཞིན་གོང་རིམ་ནས་བཀག་སོང༌། བཀྲམས་པ་དང་བཀག་པ་གཉིས་དུས་མཚུངས་ལྟ་བུ་ཆགས་སོང་ཟེར། ད་ནི་ཀློག་པའི་གོ་སྐབས་དང་རྨི་ལམ་དེ་ཡང་རེ་བ་མེད་པ་ཆགས་སོང་སྙམ་དུ་སེམས་པ་ཕངས་པ་ཞིག་བྱུང༌། རྩོམ་ཡིག་འདིའི་འཕྲོ་ཀློག »

ཚེ་རིང་སྒྲོལ་དཀར། ཁ་ཎ་སྒྲ

“རིག་པ་དལ་གྱིས་ཡལ་བའི་ནགས་ཀློང་ཁྲོད་དུ་”ཞེས་བའི་དེབ་འདི་ནི། རྩོམ་པ་པོ་(Donald S. Lopez Jr)ལགས་ཀྱིས་མཁས་དབང་དགེ་འདུན་ཆོས་འཕེལ་གྱི་སྙན་རྩོམ་༡༠༤ལྷག་རྩོམ་སྒྲིག་དང་དབྱིན་འགྱུར་བྱས་བ་ཞིག་རེད། དེབ་འདིའི་ནང་དུ་དགེ་འདུན་ཆོས་འཕེལ་མཆོག་གི་མི་ཚེའི་ངོ་སྤྲོད་དང་མཉམ་དུ་། ཁོང་གི་སྙན་རྩོམ་དག་སྡེ་ཚན་དྲུག་ཏུ་དབྱེ་འདུག་ཅིང་། དང་པོ། སློབ་མ་མེད་པའི་བཤེས་གཉེན་གྱི་གདམས་ངག གཉིས་པ། ལྐོག་ཏུ་གྱུར་བའི་དྲང་སྲོང་གི་སྨྲེ་ངག གསུམ་པ། འཇིག་རྟེན་ལུགས་སྲོལ། བཞི་པ། བོད་ཀྱི་བཙན་པོའི་མགུར་། ལྔ་པ། འདོད་པའི་བསྟན་བཅོས། དྲུག་པ། དབྱིན་ཡིག་གི་རྩོམ་ཡིག་ཁག་བཅས་རེད། གོང་གི་དུམ་མཚམས་འདི་ནི། ཁ་ཎ་སྒྲར་གནས་བཞུགས་བུད་མེད་རྩོམ་པ་པོ་ཚེ་རིང་སྒྲོལ་དཀར་ལགས་ཀྱིས་བྲིས་བའི་དེབ་འདིའི་བསྐྱར་ཞིབ་ནས་བླངས་བ་་ཡིན། གཤམ་གྱི་འབྲེལ་ཐག་བརྒྱུད་བུད་མེད་རྩོམ་པ་པོ་ཚེ་རིང་སྒྲོལ་དཀར་ལགས་ཀྱིས་བྲིས་བའི། “རིག་པ་དལ་གྱིས་ཡལ་བའི་ནགས་ྐློང་ཁྲོད་དུ། དེབ་ཀྱི་བསྐྱར་ཞིབ་ཅིག་”ཟེར་བར་གཟིགས་རོགས་གནང་། འདི་ལ་བསྣུན།

(Lauran R. Hartleyདང་ Patricia Schiaffini-Vedani ནས་རྩོམ་སྒྲིག་བྱས་པ། Durham and London: Duke University Press ཞེས་པའི་དཔེ་བསྐྲུན་ཁང་ནས་དཔེ་སྐྲུན་བྱས། ཤོག་གྲངས་༣༨༢ཡོད།)

“བོད་ཀྱི་དེང་རབས་རྩོམ་རིག་དང་སྤྱི་ཚོགས་ཀྱི་འགྱུར་བ་”ཞེས་པ་འདི་དཔེ་སྐྲུན་བྱས་པ་ནི་བོད་ཀྱི་རྩོམ་རིག་ལ་དགའ་སྣང་དང་ཤེས་རྟོགས་ཡོད་པ་རྣམས་ཡུན་རིང་པོར་སྒུག་པ་དང་གལ་ཆེ་བ་ཞིག་ཡིན་པ་མ་ཟད། སྔར་ལས་མང་བའི་ྐློག་པ་པོ་རྣམས་བོད་ཀྱི་རྩོམ་རིག་དང་སྒྱུ་རྩལ་གྱི་ཞིང་ཁམས་ཀྱི་འཇུག་ངོགས་ཤིག་ཡིན་པ་ཐེ་ཚོམ་མེད། ཀོ་ལུམ་སྦི་ཡ་སློབ་གྲ་ཆེན་མོའི་བོད་རིག་པའི་དཔེ་མཛོད་པ་དང་འབུམ་རམས་པ་ Lauran R. Hartley དང་། ཨ་རིའི་ལྷོ་ནུབ་སློབ་གྲ་ཆེན་མོའི་དེང་རབས་སྐད་ཡིག་དང་རྩོམ་རིག་སྡེ་ཚན་གྱི་རྒྱ་ནག་གི་རྩོམ་རིག་དགེ་རྒན་ཆེན་མོ་གཞོན་པ་དང་འབུམ་རམས་པ་ Patricia Schiaffini-Vedani གཉིས་ནས་རྩོམ་སྒྲིག་བྱས་བའི་དཔེ་དེབ་འདིའི་ནང་དུ། མཁས་པ་དང་རྩོམ་པ་པོ་གཉིས་ཀའི་རྩོམ་ཡིག་བསྡུས་ནས་དུས་རབས་ཉི་ཤུ་དང་ཉེར་གཅིག་པའི་ནང་གི་བོད་ཀྱི་དེང་རབས་རྩོམ་རིག་གི་བྱུང་རིམ་སྟོན་ཐབས་བྱས་ཡོད་པ་མཚུངས་སུ། གོམས་སྲོལ་དང་སྤྱི་ཚོགས་ཀྱི་འགྱུར་བ་ཡང་མངོན་ཐབས་བྱས་ཡོད། རྩོམ་སྒྲིག་པ་Lauran R. Hartley ནས་ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་གི་གསར་འཕྲིན་འདོན་ཐེངས་སྔོན་མ་བཞི་བོའི་རྩོམ་རིག་གི་རྩོམ་སྒྲིག་པ་གནང་བ་དང་། ཁོང་མོ་ནི་དེང་རབས་བོད་ཀྱི་རྩོམ་རིག་དང་དཔེ་སྐྲུན་ལ་སྣེ་ཁྲིད་ཀྱི་ཞིབ་འཇུག་པ་ཞིག་ཡིན། རྩོམ་སྒྲིག་པ་ Patricia Schiaffini-Vedani ནི་རྒྱ་ནག་གི་རྩོམ་རིག་དང་བོད་པས་རྒྱ་ཡིག་ཏུ་བརྩམས་པའི་བོད་ཀྱི་རྩོམ་རིག་གི་ཆེད་མཁས་ཤིག་ཡིན། ཁོང་མོ་གཉིས་མཉམ་རུབ་ཀྱིས་རྩོམ་པ་པོ་དང་རྩོམ་གྱི་རིགས་དོ་མཉམ་པ་དང་སྣ་འཛོམས་པའི་དཔེ་དེབ་ཅིག་བསྐྲུན་ཡོད། དཔེ་དེབ་འདིའི་ནང་དུ་ཞིབ་མཐའ་ཆོད་པ་དང་ཧ་ཅང་བཀོལ་སྤྱོད་ཅན་གྱི་དཔེ་ཁུངས་ཀྱི་ཐོ་གཞུང་ཞིག་དང་། བོད་ཀྱི་རྩོམ་རིག་གི་བརྩམས་ཆོས་དབྱིན་འགྱུར་མའི་ཐོ་གཞུང་ཞིག རྒྱ་སྐད་ཀྱི་ཐ་སྙད་དང་བོད་མིང་གི་དག་ཆའི་ཐོ་གཞུང་ཞིག་བཅས་ཟུར་བཀོད་བྱས་ཡོད་པ་འདིས་དཔེ་དེབ་འདི་མཁས་པ་དང་། སྤྱིར་བཏང་གི་ྐློག་པ་པོ། དེ་བཞིན་སློབ་ཁྲིད་བྱེད་མཁན་བཅས་ལ་ཕན་ངེས་ཅན་ཏུ་བཏང་ཡོད།

དཔེ་དེབ་འདིའི་ནང་དུ་རྩོམ་སྒྲིག་གནང་བའི་རྩོམ་ཡིག་ཁག་ནི། རྩོམ་ཡིག་འདིའི་འཕྲོ་ཀློག »

རིག་འབྱུང་དོན་གྲུབ་བཀྲ་ཤིས། ཨ་རི།

ཨ་ཀྱཱ་རིན་པོ་ཆེ་ལགས་བཙན་བྱོལ་དུ་ཕེབས་རྗེས། རང་གི་མི་ཚེའི་བྱུང་བ་བརྗོད་པའི་དངོས་བྲིས་མཛད་རྣམ་དེ་འབྲི་འགོ་ཚུགས།
ཁོང་གི་དངོས་བྲིས་མཛད་རྣམ་( Surviving the Dragon) ཟེར་བ་དེ་སོག་ཡིག་ཏུ་ཕྱི་ལོ་༢༠༠༩ལོར་དཔར་བསྐྲུན་བཏབས། དབྱིན་ཡིག་ཏུ་སྤྱི་ལོ་༢༠༡༠ལོར་དཔར་བསྐྲུན་ཟིན། བོད་ཡིག་ཏུ་ཡང་དེབ་ཀྱི་ལེའུ་དང་པོ་དེ་བསྒྱུར་ཚར་ནས་འདུག་ལ་། ལོ་རྗེས་མར་དེབ་ཀྱི་ངོ་བོར་དཔར་བསྐྲུན་བྱེད་ཀྱི་རེད་ཟེར། དེབ་དེའི་ལེའུ་དང་པོ། བྱིས་དུས་ཀྱི་ལོ་ཟླའི་ས་བཅད་དང་པོ་སྟེ་”སྤྲུལ་སྐུ་འཚོལ་བའི་སྐོར་”གྱི་ནང་དུ། ཁོང་གིས་འདི་ལྟར་་གསུངས་འདུག “ལོ་རབས་བཞི་བཅུ་བའི་མཇུག་མཐའ་དེར་སྐུ་འབུམ་དགོན་པའི་དགོན་བདག་ཨ་ཀྱཱ་བསྟན་པའི་རྒྱལ་མཚན་མཆོག་རེ་ཞིག་དགོངས་པ་གཞན་དོན་དུ་རྗོགས་ཤིང་། ང་རང་ནི་ཁོང་གི་ཡང་སྲིད་སྐུ་ཕྲེང་བརྒྱད་པར་ངོས་འཛིན་བྱས་བ་རེད། དེ་ཡང་། སྤྲུལ་སྐུའི་ཡང་སྲིད་ཅིག་འཚོལ་བར་ཕྱག་ལས་ཞེ་དྲགས་མང་པོ་ཡོད་ལ་ཐོག་མར་སྤྲུལ་སྐུའི་མིང་ཐོ་བསྡུ་བར་ས་ཆའང་མང་པོར་འགྲོ་དགོས་བ་རེད། དེར་བརྟེན། ང་ཚོའི་ལུང་བ་ཆུང་ཆུང་འདིའི་ནང་དུའང་འོས་ཐོ་ཁ་ཤས་ཤིག་བསྡུས་ཡོད་པར་བཤད་ལ། ངའི་སྡེ་བར་མཚོན་ན་འོས་ཐོ་གཉིས་བསྡུས་འདུག དེས་རྒྱུ་མཚན་གྱིས་། འོས་བསྡུ་ཕུལ་ཟིན་པའི་ཁྱིམ་ཚང་དེ་གཉིས་ཀྱིས་ཀྱང་སོ་སོའི་སེམས་ཁོངས་སུ་རེ་བ་ཡོད་སྟབས་། མངོན་གསལ་དོད་པོ་མེད་པའི་སྒོ་ནས་གྲ་སྒྲིག་གང་འཚམས་ཤིག་བྱས་ཡོད་ཚོད་འདུག་མོད། དེ་གསང་བ་ལྟ་བུ་བྱས་འདུག གང་ཡིན་ཟེར་ན། གལ་ཏེ་འོས་ཐོ་དེ་སོ་སོའི་བུ་ལ་མ་འཐོབ་པ་ཞིག་ཡིན་ན། དེ་བས་ཀྱང་ངོ་ཚ་བོ་དང་ང་སྐྱེངས་པོརའདུག་དགོས་པའི་ཉེན་ཁ་ཡོད་པས་གསང་བའི་སྒོ་ནས་གྲ་སྒྲིག་རེ་བྱས་ནས་སུ་ཚང་ལ་ཡོང་གི་ཡོད་པ་ཡིན་ནམ་སྙམ་ནས་སྒུག་བསྡད་ཡོད་པ་འདྲ། རྗེས་སུ་ངའི་ཕ་མ་གཉིས་ཀྱིས་དེའི་སྐོར་གྱི་སྐད་ཆ་རྣམས་ཀུ་རེའི་ཚུལ་གྱིས་གསུངས་པར་གཞིགས་ན་། གུར་གྱི་ནང་ནས་ཕར་བལྟ་དུས་གྲ་ཆོས་གྱོན་པའི་རྟ་བ་དེ་ཚོ་ང་ཚོའི་ཕྱོགས་སུ་འོང་གི་ཡོད་པ་མཐོང་འདུག སྤྱིར་བཏང་ཡིན་ན་། དབྱར་ཁའི་རྩ་ཐང་ཐོག་ཞབས་བརྟན་རིམ་གྲོ་སོགས་སྒྲུབ་མཁན་གྱི་ཨ་མཆོད་སོགས་ཡོང་མཁན་ཡོད་ཀྱང་། མིའི་མང་ཉུང་དང་ཕྱི་ཚུལ་གྱི་རྣམ་པའི་ཐོག་ནས་བལྟ་དུས་། དེ་ནི་ཐུན་མོང་མ་ཡིན་པའི་འགན་ཁུར་ཆེན་པོ་ཞིག་གི་ཆེད་དུ་ཡིན་པ་གསལ་ཡང་ལམ་སང་སྒོའི་ཕྱི་ལོགས་སུ་འབུད་མ་ནུས་པར་ནང་དུ་ཁ་ཟས་རིགས་གྲ་སྒྲིག་བྱས་ནས་སྒུག་བསྡད་པ་ཡིན་ཟེར་གྱི་འདུག ”
“འབྲུག་སྐད་ཞི་བའི་ཁ་བ་”ཟེར་བའི་ཁོང་གི་དངོས་བྲིས་མཛད་རྣམ་འདིར། ཁྱོན་བསྡོམས་ལེའུ་ལྔ་འདུག་ཅིང་། དེ་ཡང་། རྩོམ་ཡིག་འདིའི་འཕྲོ་ཀློག »

འཇམ་དབྱངས་ནོར་བུས་ཕྱོགས་སྒྲིག་བྱས།  དགེ་འདུན་རབ་གསལ་གྱིས་བསྒྱུར།
༼རྩོམ་ཡིག་འདིར་འཁོད་པའི་པར་རིས་དང་དཔེ་དེབ། དེ་བཞིན་གནས་ཚུལ་དང་ཚིག་རིས་ཚུན་ལ་དཔྱད་ཞིབ་བྱེད་པའམ་ཐུགས་དྭོགས་མཆིས་ཚེ། www.jamyangnorbu.com བརྒྱུད་ནས་དབྱིན་ཡིག་གི་མ་ཕྱི་ལ་གཟིགས་རོགས། དགེ་འདུན་རབ་གསལ་གྱིས་བསྒྱུར།༽

ལས་འགན་སྒྲུབ་བཞིན་པའི་རྒྱལ་ཁབ།

༼༡༩༠༩ ལོར་བོད་ལྗོངས་ཚོགས་འདུ་ཆེན་མོས་༧གོང་ས་བཅུ་གསུམ་པ་ཆེན་པོར་ཕུལ་བའི་ཐམ་ཀ༽

༡༩༥༠ ལོར་རྒྱ་དམར་གྱིས་བཙན་འཛུལ་མ་བྱས་པའི་གོང་དུ། བོད་ནི་ཆ་ཚང་བའི་ཐོག་ནས་ལས་འགན་སྒྲུབ་བཞིན་པ་དང་རང་བཙན་གྱི་རྒྱལ་ཁབ་ཅིག་རེད། འདིས་རང་གི་ཁྱིམ་མཚེས་གང་ལའང་ཉེན་ཁ་མི་སྤྲོད་ཅིང་། ལོ་ནས་ལོ་བསྟུད་དེ་ཕྱིའི་རོགས་རམ་ལ་མ་བརྟེན་པར་རང་གི་མི་སེར་འཚོ་སྐྱོང་འཐུས་ཤོར་མེད་པར་བྱས་ཡོད། བོད་ཀྱིས་རྒྱལ་ཁབ་གཞན་དང་རྒྱལ་སྤྱིའི་སྒྲིག་འཛུགས་གང་ལ་ཡང་བུ་ལོན་ཆགས་པ་མེད། རྗེས་ལུས་དང་ཆོས་ལྡན་རྒྱལ་ཁབ། དེང་རབས་དམངས་གཙོ་བཅས་མིན་ན་ཡང་། བོད་ཀྱིས་རང་གི་མཐའ་མཚམས་ནང་ཁུལ་དུ་ཁྲིམས་ལུགས་སྟངས་འཛིན་བྱས་ཡོད་ཅིང་། རྒྱལ་ཁབ་གཞན་གྱི་ལྷན་དུ་བཞག་པའི་གྲོས་མཐུན་དང་ཆིངས་ཡིག་ཁག་གཟབ་ནན་གྱིས་ལག་བསྟར་བྱས་ཡོད། གཅན་གཟན་དང་ཁོར་ཡུག་གི་ཐད་ནས་ཡུལ་ཁྲིམས་བཟོས་པའི་རྒྱལ་ཁབ་ཐོག་མའི་གྲས་ཡིན་ལ། རྒྱུན་ལྡན་ལག་བསྟར་བྱས་པའི་“རི་ལུང་རྩ་ཚིག་”ཅེས་པ་དེ་ནི་ ༡༦༤༢ ལོའམ་ཡང་ན་དེའི་སྔོན་དུ་ཐོག་མར་བཏོན་ཡོད་པ་རེད།
༡༩༡༣ ལོར་ བོད་ཀྱིས་སྲོག་གཅོད་བྱེད་པ་གཏན་འགོག་བྱས་ཡོད་ལ། ༼ཕྱི་རྒྱལ་ཡུལ་སྐོར་བ་མང་པོས་བརྗོད་ཡོད་པ་ལྟར།༽ འཛམ་གླིང་ནང་དེ་ལྟར་བྱེད་པའི་རྒྱལ་ཁབ་སྔ་གྲས་ཤིག་ཡིན། བོད་ཀྱིས་གྲངས་ཉུང་མི་རིགས་༼ཁ་ཆེ་ལྟ་བུ་༽ལ་བཙན་དབང་བྱས་པའི་ལོ་རྒྱུས་མེད་ལ། རྒྱ་ནག་དང་དེ་བཞིན་གྱི་རྒྱལ་ཁབ་འགའ་ཡིས་དུས་ནས་དུས་སུ་བྱས་པ་ལྟ་བུའི་རང་གི་མི་འབོར་གྱི་སྡེ་ཚན་བྱེ་བྲག་པ་འགའ་སྡེབ་གསོད་བྱས་རིགས་ཀྱང་མེད། གནམ་བདེ་སྒོ་མོ་ཆེ་ཡིད་ལ་དྲན་པར་མཛོད། བོད་རང་གི་མཐའ་མཚམས་རྒྱ་གར་དང་བལ་ཡུལ། འབྲུག་བཅས་པ་མཐའ་གཅིག་ཏུ་སྲུང་སྐྱོབ་བྱས་པ་མེད་ནའང་ ཆབ་སྲིད་དང་དཔལ་འབྱོར་གྱི་སྐྱབས་བཅོལ་བ་ལྟ་བུའི་ངོས་ནས་ ཧ་ལམ་བོད་མི་ཞིག་བྲོས་བྱོལ་དུ་ཕྱིན་པ་ཡོད་མ་རེད། རྒྱ་ནག་གིས་བཙན་འཛུལ་མ་བྱས་གོང་དུ། ཡུ་རོབ་དང་ཨ་མི་རི་ཀར་གནས་སྤོར་བྱས་པའི་བོད་མི་གཅིག་ཀྱང་ཡོད་མ་རེད།
རྩོམ་ཡིག་འདིའི་འཕྲོ་ཀློག »

རིག་འབྱུང་དོན་གྲུབ་བཀྲ་ཤིས།

དེ་རིང་སང་ཉིན། ཨ་རིའི་ནང་དུ་ནམ་མཁའི་མེ་འཁོར་(Sky Train)ཞེས་བའི་དེབ་འདི་ལ་དོ་སྣང་ཆེན་པོ་བྱེད་ཀྱིན་འདུག དེབ་འདིའི་རྩོམ་པ་པོའི་མིང་ལ་ཁན་ཡོན་སམ་(Canyon Sam)ཟེར་ཞིང་། ཁོ་མོ་ནི་རྒྱ་མི་ཨ་རིར་གནས་སྡོད་མི་རབས་གསུམ་པའི་བུད་མེད་ཅིག་ཡིན་ཞིང་། ཁོ་མོས་ཨི་རིའི་སན་ཕུ་རན་སིས་སི་ཁོའི་མངའ་སྡེའི་གཙུག་ཁག་སློབ་ཁང་(San Francisoco State University )དུ་གསར་རྩོམ་སྒྱུ་རྩལ་མཁས་པའི་ལག་འཁྱེར( M.F.A)་བླངས་འདུག ཁོ་མོ་ལོ་རབས་བརྒྱད་ཅུའི་ནང་དུ་ཕྱིར་རང་གི་ཕ་ཡུལ་རྒྱ་ནག་ལ་བསྐྱོད་ཅིང་། ཞོར་ལ་བོད་ཡུལ་ལ་ཕྱིན་འདུག དེ་དུས།
བོད་ཁམས་ཀྱི་ཡུལ་ལྗོངས་དང་བོད་མིའི་འཚོ་བ་སྐྱེལ་སྟངས། བོད་མིའི་སྤྱི་ཚོགས་ཀྱི་རྣམ་པ་སོགས་ཀྱིས་། ཁོ་མོའི་ཡིད་དབང་རབ་ཏུ་འཕྲོག་ཅིང་། ཡུལ་ཁམས་དེ་དང་དེའི་མི་རིགས་ལ་་བརྩེ་དུང་དམིགས་བསལ་ཆགས་འདུག རྩོམ་ཡིག་འདིའི་འཕྲོ་ཀློག »

ད་སྔ་འགྲེམ་སྤེལ་ཟིན་པ་དང་གསར་དུ་དགྲམ་འགྱུར་གྱི་དེབ་དག

ཤིས་ཚང་ལྗང་མྱུག་

ན་གཞོན་རྩོམ་པ་པོ་དང་སྙན་ངག་པ། ཤིས་ཚང་ལྗང་མྱུག་ལགས་ནི་བོད་མི་རིགས་དང་བོད་ཀྱི་རིག་གཞུང་གི་ཆེད་དུ་བརྩམས་ ཆོས་གང་མང་སྤེལ་མཁན་ཞིག་དང་། སྤྱི་ཚོགས་ཞབས་ཞུའི་ལས་རིགས་འདྲ་མིན་བརྒྱུད་པའི་གྲྭ་རྐྱང་དཀྱུས་མ་ཞིག་སྟེ། ཁོས་བསམ་བློའི་ངར་ཤུགས་ལྡན་ཞིང་ན་ཟུག་དང་འགན་འཁྲི་མཆིས་པའི་རྩོམ་ཡིག་མང་བོ་ ཞིག་དེབ་ཚགས་དང་དྲ་བ་སོགས་སུ་སྔ་གཞུག་ཏུ་སྤེལ་བར་མ་ཟད། ཐེངས་འདིར་ཡང་ཁོས་དུས་ཡུནརིང་བོ་ཞིག་ལ་འབད་བརྩོན་གྱིས་བརྡ་དག་ཕྱེ་མ་ལེབ་དང་ ལེགས་ བཤད་ལྗོན་དབང་གཉིས་ཀྱི་ཚིག་དོན་གྱི་འགྲེལ་བའི་པོད་རེ་ལེགས་འགྲུབ་བྱུང་འདུག་ པས་འདི་ནི་བོད་མི་ཤེས་ཡོན་པ་ཞིག་གི་འགན་འཁྲི་དང་དུ་བླངས་པ་ཞིག་དང་བོད་ཡིག་ གི་མདུན་ལམ་ལ་འོད་སྣང་མི་ཆུང་བ་ཞིག་བསྩལ་སོང་བ་འང་སྨྲས་མེད་ཡིན་པར་སེམས་སོ། སྒེར་དོན་རྐྱང་བ་སྒྲུབ་པར་ཤིན་ཏུ་མཁས་པའི་ང་ཚོའི་སྤྱི་ཚོགས་ཁྲོད་དུ་མི་མང་ བོ་ཞིག་ནི་བོད་ཡིག་དང་བོད་སྐད་ལ་སུན་སྣང་སྐྱེས་ཏེ་གཞན་ཞིག་ཏུ་འཐིམ་པར་སྤྲོ་བཞིན་ཡོད་མོད། བོད་ཡིག་དང་བོད་ཀྱི་རིག་གཞུང་། རྩོམ་ཡིག་འདིའི་འཕྲོ་ཀློག »

སྐྱེས་སར་ཀླུ་སྒྲུབ།

སངས་རྒྱས་ཆོས་ལུགས་ཀྱི་ངོས་ནས་བཤད་ན། རྡོ་རྗེ་གདན་ནམ། དེང་སང་ཡོངས་གྲགས་སུ་བྷོ་དྷི་གཱ་ཡ་ཞེས་པའི་གནས་འདི་སངས་རྒྱས་ཤཱཀྱ་མུ་ནེས་སེམས་ཅན་ཐམས་ཅད་ཀྱི་ཆེད་དུ་གཞན་དོན་སྤངས་པ་ཕུན་ཚོགས་དང། རང་དོན་རྟོགས་པ་ཕུན་ཚོགས་མངོན་དུ་བྱས་ནས་ཐར་པ་དང་ཐམས་ཅད་མཁྱེན་པའི་གོ་འཕང་ཐོབ་སའི་གནས་ཆེན་དེ་ཡིན། མིའི་རིགས་ཀྱི་ལོ་རྒྱུས་ངོས་ནས་བལྟས་ན། གནས་འདི་ཤཱཀྱའི་རིགས་རྒྱུད་ཀྱི་རྒྱལ་བུ་གཞོན་ནུ་དོན་གྲུབ་ཀྱིས་སྔར་ཡོད་བྲམ་ཟེའི་ཆོས་ལུགས་དང་གཅེར་བུ་པའི་ཆོས་ལུགས་ཀྱི་ལེགས་ཆ་བསྡུ་ལེན་བྱས་ཏེ་སངས་རྒྱས་ཆོས་ལུགས་ཟེར་བ་འདི་གསར་བཏོད་བྱེད་ས་དེ་ཡིན་པ་རེད། དེང་སྐབས་ང་ཚོས་ངོས་འཛིན་གསལ་ཤོས་ཐོབ་པ་ཞིག་ནི། སྐྱེ་བ་སྔ་ཕྱི་ཡོད་མེད་དང། རང་རེ་འཛམ་གླིང་འདིའི་སྐྱེས་བུ་ཞིག་གིས་ཐར་བའི་གོ་འཕང་མངོན་དུ་བྱེད་ཐུབ་མིན་སོགས་ཐུན་མོང་མ་ཡིན་པའི་ཆོས་ལུགས་ཀྱི་འདོད་ཚུལ་དེ་ཚོར་དོས་སློང་བྱེད་མི་དགོས་པར། སངས་རྒྱས་ཆོས་ལུགས་ཀྱི་རྣམ་ཤེས་ལྟ་བུའི་བྱམས་སྙིང་རྗེའི་བསམ་སྤྱོད་དང། དེ་མཚུངས་བསམ་སྤྱོད་དེའི་རྒྱབ་ལྗོངས་ཀྱི་གཞི་བཅོལ་སའི་ལྟ་བ་རྟེན་ཅིང་འབྲེལ་བར་འབྱུང་བའི་ཚུལ་འདི་གཉིས་ཀར་བསམ་ཞིབ་ནན་ཏན་བྱས་ན། རྒྱལ་སྲས་གཞོན་ནུ་དོན་གྲུབ་ཁོང་ནི། འཛམ་གླིང་འདིའི་སྙིང་རྗེའི་སྟོན་པ་དང། རྟེན་འབྲེལ་གྱི་མཚན་ཉིད་རིག་པ་སྨྲ་པའི་སྐྱེས་བུ་རླབས་པོ་ཆེ་ཞིག་ཡིན་པ་རང་བཞིན་གྱིས་གསལ་རྟོགས་ཡོང་ངེས་ཡིན་ལ། དེ་ལྟ་བུའི་སྐྱེས་བུ་ཁྱད་པར་ཅན་དེ་སྤྱིར་ཡུལ་གང་དུ་སྐུ་འཁྲུངས་མིན་དང། ལྷག་པར་རིན་ཐང་གཞལ་དུ་མེད་པའི་ཁོང་གི་ལྟ་སྤྱོད་དེ་ཡུལ་དུས་གནས་སྐབས་གང་འདྲ་ཞིག་ལ། ཚུལ་ཇི་ལྟར་གསལ་བར་མཛད་ཚུལ་ཤེས་དགོས་པ་དེའང། ཆོས་དད་པ་དང། ཁོང་གི་རྗེས་འཇུག་ཡིན་མིན་ཙམ་གྱིས་དབྱེ་བ་འབྱེད་དུ་མེད་པར། ཆུང་ས་གང་ཟག་སྒེར་གཅིག་ནས། ཆེ་ས་སེམས་ཅན་སྤྱིའི་ཆེད་མེད་མི་རུང་བའི་ལྟ་སྤྱོད་རླབས་པོ་ཆེ་འདི་ཉིད་ཅི་ཙམ་གལ་ཆེ་མིན་ཚད་གཞིར་བཟུང་སྟེ་ཁོང་གི་སྐོར་ཤེས་རྟོགས་བྱེད་གོས་པཞིག་རེད། སངས་རྒྱས་ཤཱཀྱ་མུ་ནེས་རང་གི་རྗེས་འཇུག་དགེ་སློང་ཚོར་ཐུགས་རེ་གནང་དོན། དགེ་སློང་དག་གམ་མཁས་རྣམས་ཀྱིས། ། སྲེག་བཅད་བརྡར་པའི་གསེར་བཞིན་དུ། ། ལེགས་པར་བརྟག་ལ་ང་ཡི་བཀའ། ། བླངས་པར་བྱ་ཡི་གུས་ཕྱིར་མིན། ། ཞེས་གསུངས་ཡོད། ཁོང་གི་གསུང་འདིའི་བབ་ནས་ཤེས་ཐུབ་པ་ཞིག་ནི། སྐབས་དེའི་བྲམ་ཟེའི་ཆོས་ལུགས་པའི་བྱ་སྤྱོད་སྤྱི་དང། ཕྱོགས་མཚུངས་སངས་རྒྱས་ཤཱཀྱ་མུ་ནེ་རང་གི་རྗེས་འཇུག་ཁག་ཅིག་གིས་རང་གི་སྟོན་པ་དང། བླ་མའི་གསུང་དེ་ཉིད་ལས་ལྷག་པའི་ཚད་མ་ཞིག་མེད་ཤག་གིས་བརྟག་པ་གཙོ་བོར་མི་འཛིན་པའི་གནས་ཚུལ་ཡོད་པ་བསྟན་འདུག་པ་མ་ཟད། དེ་ལྟའི་གནས་ཚུལ་འོག་སངས་རྒྱས་ཤཱཀྱ་མུ་ནེ་རང་གི་རྗེས་འཇུག་ཚོས་རང་ཉིད་ཀྱི་དགོངས་པ་གསལ་རྟོགས་ཐུབ་ཀྱི་མེད་པ་དང། ཐུགས་རེ་བཞིན་སློབ་གཉེར་མ་བྱུང་བ་བསྟན་འདུག་སྙམ། གང་ལྟར་དེང་སང་དུས་རབས་ཉེར་གཅིག་པར་གྲགས་པ་འདིའི་ནང་སྐྱེས་བུ་ཕལ་མོ་ཆེ་དང། ལྷག་པར་གང་ཡང་ཞིབ་འཇུག་དང་དཔྱད་གསུམ་དག་པའི་སྒོ་ནས་མཐར་སྐྱེལ་བྱེད་དགོས་ཟེར་མཁན་ཚོས། སངས་རྒྱས་ཤཱཀྱ་མུ་ནེས་གསུང་ཚད་ཁས་ལེན་དགོས་པ་དང། གསུང་ཚད་འདོར་དགོས་པའི་མཐའ་གཉིས་ཀ་སྤངས་ནས། སྙིག་དོར་བཅུད་ལེན་གྱི་ལམ་དུ་འཇུག་འོས་པ་ཡིན་ལ། དེ་ནི་སངས་རྒྱས་ཤཱཀྱ་མུ་ནེ་ཁོང་རང་གི་ཐུགས་རེ་ངོ་མ་ཡང་ཡིན་པ་རེད། དོན་དངོས་སུ་ང་ཚོས་སངས་རྒྱས་ལས་ལྷག་པ་ཞིག་ཤེས་ཐུབ་པའམ། ཁོང་གི་དགོངས་ཚུལ་ཁག་གཅིག་ཡང་མ་དག་པ་མཐར་སྐྱེལ་ཐུབ་ན། དེ་ནི་སངས་རྒྱས་ཆོས་ལུགས་ལ་ཞབས་འདེགས་ཚད་མཐོན་པོ་ཞིག་ཞུས་པར་ངོས་འཛིན་བྱེད་ཆོག་ལ། མིའི་རིགས་ཀྱི་རྣམ་དཔྱོད་ལ་འཕེལ་རྒྱས་གསར་པ་ཞིག་བྱུང་བར་ཡང་ངོས་འཛིན་བྱེད་ཆོག་པ་ཡིན། གང་ལྟར་ཟླ་བྲལ་གྱི་ལྟ་སྤྱོད་འདི་ཡུལ་གང་ལས་བྱུང་བའི་གནས་གཞི་གཙོ་བོ། གནས་མཆོག་རྡོ་རྗེ་གདན་དང། དེ་ལས་སངས་རྒྱས་ཤཱཀྱ་མུ་ནེས་མཛད་པ་ཅི་བསྟན། རྗེས་འཇུག་བུ་སློབ་རྣམས་ཀྱིས་རྟེན་བཞེངས་ཇི་ལྟར་བྱས་ཚུལ། ལྷག་པར་མིའི་རིགས་ཀྱི་ལོ་རྒྱུས་ནང་འགྲན་ཟླ་བྲལ་བའི་སངས་རྒྱས་ཆོས་ལུགས་རྒྱ་བསྐྱེད་གནང་མཁན་རྒྱལ་པོ་ཨ་ཤོ་ཀས་སངས་རྒྱས་ཀྱི་གནས་གཞི་སྤྱིདང། ལྷག་པར་རྡོ་རྗེ་གདན་དུ་རྟེན་དང་རྟེན་པ་ཆ་ཚང་བ་ཡར་རྒྱས་ཇི་ལྟར་བཏང་ཚུལ་སོགས་ཞིབ་ཅིང་ཁུངས་དག་པར་མཁྱེན་འདོད་ཚེ། ངེས་པར་ཡིག་ཆ་ཁུངས་དག་ཅིག་ལ་གཞི་བཅོལ་ནས་ཤེས་དགོས་པ་ལས། ངག་རྒྱུན་ཐར་ཐོར་དང་རང་བཟོའི་ཚོད་དཔག་ཙམ་གྱིས་ཡོང་ཐབས་མེད། ཡིན་ན་ཡང། སྔར་རྒྱ་གར་སྤྱི་དང། ལྷག་པར་ཡུལ་དབུས་སུ་བསྟན་པ་སྐྱོན་མེད་པར་གནས་སྐབས་སུ་རྒྱ་བོད་ཀྱི་ལོ་པཎ་ཇི་སྙེད་ཅིག་གནས་འདིར་ཕེབས་པ་ལས། རྡོར་གདན་གཅིག་པུའི་སྐོར་ཞིབ་གསལ་གྱིས་བྲིས་པ་དཀོན་པར་སྣང་ལ། ཡང་རེ་གཉིས་ཡོད་པའི་ནང་ནས། རྡོ་རྗེ་གདན་གྱི་དཀར་ཆག་དང་ལམ་ཡིག་ཅེས་པའི་ཡིག་རྙིང་འདི་ལྟ་བུར་མཚོན་ན། བར་ལམ་བོར་བརླགས་ཤོར་ནས་རྙེད་དཀའ་བའི་ཚད་དུ་སླེབས་འདུག རྩོམ་ཡིག་འདིའི་འཕྲོ་ཀློག »

༼གཤམ་གསལ་གྱི་དེབ་ཆུང་འདི་ནི་ ༢༠༠༥ ལོར་བསྒྱུར་གྲུབ་ནས་དཔར་བསྐྲུན་གྱི་ཆོག་མཆན་དང་མཐུན་འགྱུར་གཉིས་ཀ་འབད་འབུངས་དུ་མས་བཙལ་ཀྱང་མ་རྙེད་སྟབས། ལོ་བཞི་ཙམ་གྱི་རྗེས་སུ་ཐོག་མའི་མ་ཟིན་ལ་ཞུ་དག་ཙམ་ཡང་མ་བཏང་བར་འདིར་བཤུས་པ་ཡིན། དེ་ཡང་ངེད་ཀྱི་རྔུལ་ཆུའི་རིན་ཙམ་འབྱིན་ཆེད་ཡིན།  ད་དུང་འདིར་ནོར་བ་ཡོད་སྲིད་ལ། ཆད་པ་ཡང་ཡོད་སྲིད། དེ་ལས་ཀྱང་གལ་ཆེ་བ་ཞིག་ལ་ ཆོག་མཆན་མེད་པར་བཀྲམས་པ་ཡིན་པས་ནག་ཉེས་སུ་འགྲོ་སྲིད། འོན་ཀྱང་ཐོག་མའི་དམིགས་ཡུལ་་ཏེ།  བོད་ཡིག་ཏུ་ཀློག་རྒྱུ་ཇེ་མང་དུ་འགྲོ་བའི་ཐབས་དང་། རྩོམ་གྲགས་ཅན་འདི་འདྲ་བོད་ཡིག་ཏུ་ཀློག་སྐབས་བོད་ཀྱི་རྩོམ་འབྲི་བ་ཚོ་ལ་ཡང་མིག་དཔེ་ལྟ་བུའང་ཡོང་བའི་རེ་བ་ཁོ་ན་ཡིན་པ་དང་། ཤེས་ཡོན་གོང་འཕེལ་གྱི་རྒྱུ་ཆ་ཉག་གཅིག་ཏུ་ལས་ཀ་འདི་བྱས་པ་ཡིན་ན། ལས་ཀ་དང་ཀུན་སློང་གི་ཆ་ལ་སྐྱོན་མེད་ལ། ཆོག་མཆན་མ་ཐོབ་པ་མ་གཏོགས་མ་ཞུས་པའང་མིན་པས་ནག་ཉེས་ཆུང་བར་བསམས་ཀྱིན་ཡོད། ཐུགས་རྗེ་ཆེ།༽ 

ཨིན་ནེ་སེ་ཊ་ ཧེ་མིན་ཝེས་བརྩམས།  དགེ་འདུན་རབ་གསལ་གྱིས་བསྒྱུར།

ཁོང་ནི་རྒད་པོ་ཞིག་རེད་ལ་གྲུ་ཆུང་ཞིག་ཏུ་བསྡད་ནས་ཉི་མ་བརྒྱད་ཅུ་ལྷག་ལ་ཨེཊི་ལན་ཊིག་གི་དྲོད་འཇམ་རྒྱ་མཚོའི་ནང་ཁེར་རྐྱང་གིས་ཉ་རྔོན་ན་ཡང་ཉ་གཅིག་ཀྱང་མ་ཐོབ། ཐོག་མའི་ཉི་མ་བཞི་བཅུའི་སྐབས་ལ་བུ་ཆུང་ཞིག་ཀྱང་ཁོང་དང་མཉམ་དུ་ཡོད། ཡིན་ནའང་ཉ་གཅིག་ཀྱང་མ་རྙེད་པར་ཉི་མ་བཞི་བཅུ་སོང་བའི་རྗེས་སུ། བུ་ཆུང་གི་ཕ་མ་ཚོས་ད་ནི་རྒད་པོ་འདི་ནི་ངེས་པར་མཐའ་གཅིག་ཏུ་སཱལའོ་རེད་ཅེས་ཁོང་ལ་བཤད་དགོས་བྱུང་ཞིང་། དེའི་ནང་དོན་ནི་ཆེས་སྐྱོ་བའི་རྣམ་པའི་ཐོག་ནས་བསོད་ནམས་མེད་པ་ཞིག་རེད་ཅེས་སྟོན་པ་རེད། བུ་ཆུང་ཡང་ཁོང་ཚོའི་བཀའ་བཞིན་གྲུ་གཟིངས་གཞན་ཞིག་གི་ནང་དུ་སོང་བ་དེས་བདུན་ཕྲག་དང་པོའི་ནང་ཉ་བཟང་པོ་གསུམ་འཛིན་ཐུབ་པར་གྱུར། དེས་ཉིན་ལྟར་རྒད་པོ་དེ་གྲུ་ཆུང་སྟོང་པར་ལོག་ཡོང་བ་ལ་བལྟ་རྒྱུར་བུ་ཆུང་སེམས་པ་སྐྱོ་དགོས་པ་ཞིག་བཟོས་ཤིང་། རྟག་ཏུ་བུ་ཆུང་མར་སོང་ནས་རྒད་པོ་ལ་ཐག་པ་དང་ཉ་མདུང་། ལྕགས་ཀྱུ། གྲུའི་དར་ཤིང་ལ་བཏགས་པའི་གྲུ་དར་གང་རུང་ཞིག་འཁྱེར་རོགས་བྱས་ཤིང་། གྲུ་དར་དེ་ནི་གྲོ་ཕྱེའི་སྒྱེ་སྣོད་ཀྱིས་ལྷན་པ་བཏབ་ཅིང་ལྟེབ་ཡོད་ལ། དེ་ནི་མཐའ་གཅིག་ཏུ་ཕམ་ཟིན་པའི་དར་ཆ་ཞིག་དང་མཚུངས།
རྒད་པོ་དེ་ནི་སྐམ་རིད་ཅིག་ཡིན་ཁར། སྐེ་རྒྱབ་ནས་སྙེར་མ་རིང་མོས་ཁེངས་པའི་ཉམ་ཐག་ཅིག་རེད། ཁོང་གི་འགྲམ་པའི་ངོས་གཉིས་ལ་འཛམ་གླིང་གི་ཚ་ཡུལ་གྱི་རྒྱ་མཚོའི་ཉི་འོད་ཕོག་པའི་པགས་ནད་སྲོག་ལ་མི་གཙེས་པ། སྨུག་མདོག་ཅན་གྱི་རྨ་ཤུལ་ཡོད་ལ། རྨ་ཤུལ་དེ་དག་ཁོང་གི་ངོ་གདོང་ངོས་གཉིས་ནས་མར་ཁྱབ་ཅིང་། ཁོང་གི་ལག་གཉིས་ཀྱི་སྟེང་དུ་ཉ་གཟོང་གིས་ལྗིད་ཆེ་བའི་ཉ་འཛིན་སྐབས་སུ་བཟོས་པའི་རྨ་ཤུལ་ཆེན་པོ་ཡོད། ཡིན་ནའང་རྨ་ཤུལ་དེ་དག་ནི་གསར་པ་མིན། དེ་དག་ནི་ཉ་མེད་བྱེ་ཐང་ཞིག་གི་ས་ཤུར་འགའ་བཞིན་རྙིང་པ་ཡིན། རྩོམ་ཡིག་འདིའི་འཕྲོ་ཀློག »

བེ་རི་འཇིགས་མེད།

༡ སྔར་འགྱུར་རྙིང་མའི་བྱུང་རིམ་སྤྱི་བཤད།

རང་ རེ་ཁ་བ་གངས་ཅན་ལྗོངས་འདིར་བཙན་པོ་ཉེར་བདུན་པའི་བར་དུ་ཐུབ་པའི་བསྟན་པ་རིན་ པོ་ཆེ་འདི་ཉིད་མ་དར་ཞིང༌། བོད་ཀྱི་བཙན་པོ་ཉེར་བརྒྱད་པ་ལྷ་ཐོ་ཐོ་རི་གཉན་བཙན་གྱི་སྐུ་རིང་ལ་ལི་ཡུལ་གྱི་ དགེ་ཚུལ་གྱིས་མདོ་སྡེ་ཟ་མ་ཏོག །སྤང་སྐོང་ཕྱག་རྒྱ་སོགས་བསྣམས་ནས་བཙན་པོ་ལ་ཕུལ་ཡང་བརྡ་མ་འཕྲོད་པས་མཆོད་ གཤོམ་དུ་བཞུགས་སུ་གསོལ་ཏེ་གཉན་པོ་གསང་བ་བཏགས། འདི་ནས་བཟུང་བོད་དུ་དམ་པའི་ཆོས་ཀྱི་དབུ་བརྙེས་པར་བཤད།

མདོ་ ལས། ངའི་བསྟན་པའི་ཐ་མ་ལ་བྱང་ཕྱོགས་ཁ་བ་ཅན་གྱི་རྒྱལ་ཁམས་ཞེས་བྱ་བ་དེར། ངའི་དགུང་ལོ་བརྒྱད་པའི་སྐུ་ཚད་དང༌། དགུང་ལོ་བཅུ་གཉིས་པའི་སྐུ་ཚད་གཉིས་དང༌། བྱང་ཆུབ་སེམས་དཔའ་སྤྱན་རས་གཟིགས་ཁྱོད་ཀྱི་གདུལ་བྱར་འགྱུར་བས། དེར་སྐྱེས་པའི་སེམས་ཅན་རྣམས་དུག་ལྔ་རགས་པས་འདུལ་དཀའ་བར་འགྱུར་བས། ཁྱོད་ཀྱིས་ཐབས་སྣ་ཚོགས་ཀྱིས་ཐུལ་ཅིག ཅེས་འཕགས་པ་སྤྱན་རས་གཟིགས་ཀྱི་གདུལ་ཞིང་དུ་ལུང་བསྟན་པར་བཤད་དེ། མ་ཎི་བཀའ་འབུམ་ལས། རྩོམ་ཡིག་འདིའི་འཕྲོ་ཀློག »

བེ་རི་འཇིགས་མེད།

རྩེད་ ཐང་ནི་བོད་ཀྱི་རྒྱལ་ས་གྲོང་ཁྱེར་ལྷ་ས་དང་ཁད་ཉེ་བ་སྣེ་གདོང་རྫོང་གི་དབུས་ ཁུལ་ཡར་ཀླུང་གཙང་པོའི་ལྷོ་ངོས་ན་ཡོད་ཅིང་ལྷོ་ཁ་ས་ཁུལ་གྱི་ལྟེ་གནས་གྲོང་ ཁྱེར་ཞིག་ཀྱང་ཡིན་པས། དགྲ་བོས་སྔ་ས་ནས་ལྷོ་ཁུལ་རྫོང་ཁག་བཅུ་གསུམ་གྱི་ནང་ནས་གལ་ཆེ་ས་གནས་ཤིག་ཏུ་ ངེས་འཛིན་བྱས་ནས་རྡོ་རྗེའི་ཁང་པ་སོགས་ཁང་ཁྱིམ་འགའ་ཞིག་གི་ནང་དུ་དམག་དོན་ལས་ ཁང་བཙུགས་ཡོད་པ་རེད། དེ་ནི་ཕྱོགས་གཅིག་ནས་ལྷོ་ཁའི་ཁུལ་གྱི་མི་དམངས་གྱེན་ལང་བྱུང་ན་འབུར་འཇོམས་ བྱེད་མཁན་དང༌། གཉིས་ན་ཕྱི་རྒྱལ་ཁག་གིས་བོད་དུ་དྲག་པོའི་རོགས་རམ་བྱེད་རྒྱུའི་དོགས་འཆར་ སྔོན་འགོག་གི་ཆེད་དང༌། གསུམ་ན་གལ་སྲིད་བོད་ཀྱི་སྲིད་གཞུང་འཛིན་མཁན་མི་སྣ་ཆེ་ཁག་ཚོས་ལྷ་སའི་ཁུལ་དུ་ རང་དབང་སྒེར་ལངས་ཀྱི་ལས་འགུལ་སྤེལ་བ་དང༌། རང་ས་བརྒལ་ནས་བལ་ཡུལ་དང་རྒྱ་གར་སོགས་སུ་འགྲོ་བསྐྱོད་བྱེད་པའི་དོན་སྐྱོན་ བྱུང་ཚེ་ཐེམ་པ་དང༌། སྒོ་གླེགས་བཞིན་ཡིན་པས། རྒྱུ་མཚན་དེ་དག་ལ་བརྟེན་ནས་རྩེད་ཐང་དམག་སྒར་འདི་ཉིད་གལ་ཆེར་འཛིན་ཏེ་ཉིན་ མཚན་ཁྱད་མེད་ཀྱིས་མོ་ཊ་ནང་མདའ་རྫས་སོགས་དབོན་འདྲེན་གྱིས་དམག་སའི་ཆ་རྐྱེན་ གང་ལེགས་གྲ་སྒྲིག་ཨང་གསར་བྱས་དང༌། བྱེད་བཞིན་པ་དེར། རྒྱལ་སྲུང་བཙན་རྒོལ་གྱི་ལས་འགུལ་ནང་ཞུགས་མཁན་གྱི་བསྟན་སྲུང་དྭངས་བླངས་དམག་ མིས་དོ་སྣང་མི་བྱེད་ཀ་མེད་ཆགས་ཡོད་པ་རེད། རྩོམ་ཡིག་འདིའི་འཕྲོ་ཀློག »

བེ་རི་འཇིགས་མེད།

མདོ་ ཁམས་ཆུ་བཞི་སྒང་དྲུག་གི་སྤྱི་འདོམས་དམག་སྤྱི་ཨ་འབྲུག་མགོན་པོ་བཀྲིས་ཀྱིས་ དབུ་ཁྲིད་པའི་དྭངས་བླངས་དཔའ་བོའི་དམག་སྒར་འདི་ཉིདལྷ་བླའི་ལུང་སྟོན་དང་ས་བབ་ གནས་སྟངས་གང་ཅི་ལ་བརྟེན་ནས། སྤྱི་ལོ་ ༡༩༥༨ ཟླ་བ ༦་ ཚེས ༡༦་ ཉིན་ལྷོ་ཁ་ལྕགས་ཚ་གྲུ་གུ་ཐང་དུ་བརྟེན་གཞིར་བྱས་ནས་རྒྱལ་སྲུང་དགྲ་འཐབ་ཀྱི་ ལས་འགུལ་རྒྱ་ཆེར་སྤེལ་བའི་ལོ་རྒྱུས་ཤིན་ཏུ་འགོང་ཆེ་ཞིང། བསྟན་སྲུང་དང་བླངས་དམག་གི་སྒྲིག་འཛུགས་འདི་ཉིད་ཐོག་མར་ཚུགས་དུས། ཨ་ འབྲུག་ཚང་གི་མཆོད་ཁང་དུ་སྤྱི་ལོ་ ༡༩༥༨ བོད་ཟླ ༢ ཚེས ༡༨ ཉིན་རྒྱལ་བའི་བཀའ་འགྱུར་རིན་པོ་ཆེ་དཔང་དུ་བཙུགས་ནས་བོད་ཀྱི་བསྟན་སྲིད་དོན་ དུ་གནའ་གན་མཐུ་མོ་ཆེ་བཞག་པ་ནས། མིག་སྔར་གསེར་ཁྲི་ཆེན་པོ་གསར་བཞེངས་དང༌། རྟེན་གཙོ་ཁག་གི་སྤྱན་སྔར་གསེར་ཀོང་སོགས་གསར་བསྐྲུན་བྱས་པ། ༧གོང་ས་ཆེན་མོ་ལ་བརྟན་བཞུགས་དང༌། ལྷ་སྲུང་ཁག་ལ་ལུང་ཞུ། བློ་ཐག་རྦད་གཅོད་ཀྱིས་དྲག་པོའི་དམག་གི་བརྟེན་གཞི་གསར་འཛུགས་བྱེད་རྒྱུ་བཅས་ ཐག་གཅོད་དང་ལག་བསྟར་དངོས་སུ་བྱས་ཏེ། བསྟན་སྲུང་དང་བླངས་དཔའ་བོའི་ནང་ཁུལ་རྡོག་རྩ་ཆིག་བསྒྲིལ་དང༌། ས་གནས་མི་དམངས་དང་མཐུན་ལམ། རྒྱལ་སྲུང་དམག་འཐབ་ཀྱི་ལས་འགུལ་སོགས་ཚགས་ཚུད་ཡོང་ཆེད། གཏན་འབེབས་བྱས་པའི་དམག་ཁྲིམས་དོན་ཚན་ཉི་ཤུ་རྩ་བདུན་བཞག་པ་དང༌། རྩོམ་ཡིག་འདིའི་འཕྲོ་ཀློག »

བེ་རི་འཇིགས་མེད།

སྨྲ་བ་ངག་གི་ལྕགས་སྒྲོག་གྲོལ་བའི་དབྱངས།།
སོར་མོའི་འཕྲུལ་དུ་རྩེན་པའི་གར་མཁན་མ།།
འཁོར་འདས་དངོས་ཀུན་སྒྱུ་རྩལ་དང་འགྲོགས་ཏེ།།
རྩོམ་རིག་འདོད་རྒུར་བསྒྱུར་བའི་མཁས་རྣམས་མཆོད།།
གལ་ཏེ་མང་དུ་ཐོས་པའི་མཁས་པ་ཞིག་ཡིན་ནའང༌། འཆད་པའི་ཚིག་དོན་གྱི་འགྲོས་མེད་ན་སྨན་སྦྱོར་མེད་པའི་སྨན་པ་ཞིག་དང་ཁྱད་པར་གང་ཡང་མེད།  གནད་འདི་ལ་དགོངས་ནས་འཇམ་མགོན་ས་པཎ་གྱིས།
གཞུང་ལུགས་གང་དང་གང་འཆད་པ།།
བྱེད་པའི་ཚིག་གིས་རབ་སྦྱར་ཏེ།།
ཚན་དོན་ལེགས་པར་སྦྲེལ་ནས་ནི།།
འཆད་པ་བརྡ་སྤྲོད་བྱེད་པའི་ལུགས།། ཞེས་གསུངས་ལ། རྩོམ་ཡིག་འདིའི་འཕྲོ་ཀློག »

༼གཤམ་གསལ་ནི་གུས་པས་ ༡༩༩༣ ལོར་ཕྱོགས་བཏུས་བྱས་པ་ཞིག་དེ་རིང་ཡིག་སྣོད་རྙིང་བ་རྣམས་སྔོག་སྐབས་རྙེད་བྱུང་བས་འདིར་བཀོད་པ་ཡིན། ཡིག་གཟུགས་གསར་རྙིང་བསྒྱུར་སྐབས་དག་ཆའི་ནོར་བ་རེ་འགའ་བྱུང་ཡོད་ཚོད་ཀྱང་མིག་གིས་གང་མཐོང་རིགས་བཅོས་ནས་འདིར་བཏང་བ་ཡིན། དགེ་རབ་ཀྱིས།༽
དང་པོ།
རྩོམ་པ་པོ། ས་སྐྱ་པ་བསོད་ནམས་རྒྱལ་མཚན།
བསྟན་བཅོས། རྒྱལ་རབས་གསལ་བའི་མེ་ལོང༌།
བརྩམས་དུས། དུས་རབས་བཅུ་བཞི་པ། རབ་བྱུང་བཅུ་དྲུག་པའི་ས་འབྲུག ཕྱི་ལོ་ ༡༣༢༨ པར་བརྩམས་ཞེས་ཚེ་ཏན་ཞབས་དྲུང་གི་བསྟན་རྩིས་ཤོག་གྲངས ༡༩༩ པར་གསལ
ཡི་གེ་གསར་བཟོ་མཁན་སུ་ཡིན་སྐོར། ཤོག་གྲངས་ ༦༨ པར་དེར་བློན་པོ་ཐོན་མིས་རིག་པའི་རྩལ་ཕྱེས། ཤེས་རབ་ཀྱི་སྒྲོན་མེ་བཏེག་ནས་ཡི་གེ་བསླབས་པས། ན་ག་རའི་སྡེ་ཚན། ག་ཏའི་སྡེ་ཚན་རྣམས་མང་དུ་ཡོད་པ། བོད་ལ་མི་འགྱུར་བས་དབྱངས་ཡིག་ལ་བཀོད། ལཱཎཚ་ལྷ་ཡི་ཡི་གེ། ཝ་རྟུ་ཀླུའི་ཡི་གེ ལྷུན་འགྲུབ་ཚང་མ་བོད་ཀྱི་ཡི་གེ་བཀོད། ཅེས་འབྱུང༌།
ཡེ་གེའི་ཕྱི་མོ་གང་ཡིན་སྐོར། ལཎཚ་ལྷ་ཡི་གེ་འདྲ། དེ་ལ་དཔེ་བྱས་ནས་ཡི་གེ་དབུ་ཅན་དང༌། ཝ་རྟུ་ཀླུ་ཡི་ཡི་གེ་འདྲ། དེ་ལ་དཔེ་བྱས་ནས་ཡི་གེ་ཟུར་ཅན་དུ་བྱས་སོ་ཞེས་ཤོག་གྲངས་ ༧༠ པར་གསལ། རྒྱ་ཡི་ཡི་གེ་ལྔ་བཅུ་ནི། །ཡི་གེ་གཙོ་བོ་སུམ་ཅུ་ལ། །འཕུལ་ཡིག་བཅུ་དང་མཐའ་རྟེན་བཅུ། །རྒྱ་ཡི་ཡི་གེ་རེ་རེ་བཞིན། །རང་གང་སྤྱོད་པ་མ་གཏོགས་པ། །ཀུན་ལ་ཁྱབ་པ་གཅིག་ཀྱང་མེད། །དེ་དག་ཐམས་ཅད་ཁོངས་སུུ་བསྡུས། །དེ་ལ་དཔེ་བྱས་བསྡུས་པ་ནི། །བོད་ཡིག་སུམ་ཅུ་གཏན་ལ་ཕབ། །ཡི་གེའི་འབྲུ་ནི་རེ་རེ་བཞིན། །བཟོའི་རྣམ་འགྱུར་ལེགས་པར་བཅོས། །ཅེས་ཤོག་གྲངས་ ༦༨ པར་གསལ།
གསར་བསྣན་ཡི་གེ རྒྱ་ལ་མེད་པའི་ཡི་གེ་དྲུག ཅ་ཆ་ཇ་ཞ་ཟ་འ། ཅེས་འབྱུང༌།
དེ་སྔོན་ཡི་གེ་ཡོད་མེད་སྐོར། ཤོག་གྲངས། ༦༦ པར། ་་་་་་་་་བཀའ་བསྒོ་བ་ལ། བོད་ན་ཡི་གེ་མེད་པས་ཞེས་གསལ།
ཟུར་མཆན། ༡ དེར་བློན་པོས་རྒྱ་གར་ལྷོ་ཕྱོགས་སུ་ཕྱིན་ཏེ། ཡི་གེའི་སྒྲ་མཁས་པ་བྲམ་ཟེ་ལི་བྱིན་ཞེས་བྱ་བ་ཡོད་ཟེར་བ་ཐོས་ནས་བྲམ་ཟེ་ག་ལ་བ་དེར་ཕྱིན་ཞེས་དང༌། ༢ ཡང་ཤོག་གྲངས་ ༧༠ པར།་་་་འདི་ནི་ཟུར་ཙམ་ཡིན་གྱིས། རྒྱས་པར་འདོད་ན་ཐོན་མིས། དང་པོ་ཡི་གེའི་རྣམ་འགྱུར་གྱི་བཟོ་བརྩམ། ཀ་སྨད་སུམ་ཅུར་བསྒྱུར། སྡེབ་སྦྱོར་སྒྲིག་པའི་གཞི་མ། ཐོན་མི་མདོ་རྫིའི་སྒྲ་མདོ་བྱ་བ་ཡོད་ཀྱིས་དེ་དག་ལ་གཟིགས་ཤིག་ཅེས་གདམས་པར་མཛད་འདུག་པས་རྒྱལ་རབས་འདིར་གསལ་བའི་ཡི་གེའི་རྣམ་དབྱེ་རྣམས་ཀྱང་དེ་ལས་དྲངས་པ་ཡིན་ནམ་སྙམ། ༣ ཤོག་གྲངས་ ༦༩ པར། ཧ་དང་འ་གཉིས་ཀྱིས་ཡི་གེའི་བུ་བྱེད་པ་དང༌། ན་ལོག་ཤ་ལོག་ཐ་ལོག་བྱེད་པ་སོགས་ནི་སམ་ཀྲྀ་ཏའི་སྐད། བོད་ཀྱི་གཟུངས་སྔགས་སུ་འགྱུར་དུས། ཡི་གེའི་རྣམ་དཔྱོད་ལ་མཁས་པའི་པནྜི་ཏ་རྣམས་ཀྱིས་རྟིང་དུ་བཅོས་སོ་ཞེས་གསལ། རྩོམ་ཡིག་འདིའི་འཕྲོ་ཀློག »

དོན་དམ་སྐྲག་དགོས་ས་དེ་རང་མི་རེད།

སྒྲེན་པོས།

ཉི་མ་འདི་ཚོར་གློག་ཀླད་དྲ་ངོས་སུ་འཚང་ཐེངས་རེ་རེར།  ཟིན་ཐོ་ཞིག་སྤེལ་འདོད་ཀྱི་འདུན་པ་མཚོ་བཞིན་རྒྱས་ནའང་། ཟིན་ཐོ་གང་ཞིག་སྤེལ་དགོས་མིན་ཡང་མི་ཤེས་པའི་ཚོད་དུ་གདའ། དེ་ལ་ཡང་རྒྱུ་མཚན་ཁྱོན་ནས་མེད་པ་ཞིག་ག་ལ་ཡིན།

གཅིག  གངས་ཉིའི་དོན་དག

གྲོགས་གངས་ཉི་ལགས་འཛིན་བཟུང་ཐེབས་པའི་དོན་རྐྱེན་དེས། ང་ཚོ་ལ་རང་དབང་གི་ཁོར་ཡུག་ལག་མཐིལ་ཙམ་ཞིག་ལས་ལྷག་མེད་པའི།  ཆེས་ཉམ་ཆུང་གི་འཕག་འཚག་བྱ་སའི་སྨྲ་བརྗོད་ཀྱི་བསྟི་གནས་འདི་ཡང་བཙན་གྱིས་ ཁྱུར་མིད་བྱ་འདོད་ཀྱི་བརྡ་རྟགས་རྒྱབ་ཟིན་པས།  ང་རང་ངོས་ནས་བློ་ཕམ་ཆེན་པོ་སྐྱེས་བཞིན་ཡོད། སྤྱིར་ན་བོད་མི་ཞིག་འཛིན་བཟུང་ཐེབས་སོང་ན་དེ་ནི་སྤྱི་ཕྱོགས་ནས་བཤད་ན་དེ་ འདྲའི་ཕངས་སེམས་དང་དང་དོད་བྱ་རིན་ཆེན་པོ་མེད་སྣང་སྐྱེས་ནའང་། དོན་དག་འདིའི་ཕུགས་ནས་ང་ཚོར་འཇིགས་སྐྲག་རིགས་ཤིག་གི་ངོ་གདོང་གང་གསའ་དང་ གསེང་ནས་སྟོན་གྱིན་པ་མ་ཡིན་ནམ།  སྨྲ་ལྕེ་འབྲེག་འདང་ཡོད་པའི་འཇིགས་སྐྲག་རིགས་ཤིག་གི་ངོ་གདོང་དེ།  མང་གཙོ་དང་རང་དབང་གི་འབོད་སྐད་གཉོམ་པོ་དྲག་པོའི་དཔུང་གིས་བཀག་སྡོམ་བྱ་བཞིན་ ཡོད་པའི་འཇིགས་སྐྲག་རིགས་ཤིག  གནད་འགག་འདི་འདྲ་སླེབས་པ་ན་ང་ལ་དངོས་གནས་ཟིན་ཐོ་སྤེལ་འདོད་ཀྱི་བློ་མེད་གི  འཇིགས་སྐྲག་རིགས་འདི་ནི་ང་ཚོ་བོད་མི་ཁོ་ནས་མ་ཡིན་པར། འགྲོ་བ་མིའི་རིགས་ཀྱི་འཇིགས་སྐྲག་རིགས་ཤིག་ག་ལ་མིན། ང་ཚོས་ནམ་ནམ་ཞར་ཞར་ལ་རང་ངོ་རང་གི་ལག་པས་བཀབ་ནས་རང་ངོ་མི་མཐོང་ཁུལ་བྱས་ནས་ འདུག་དགོས་སམ། དོན་དམ་ང་ཚོས་ག་རེ་བྱས་ན་དགའ་ཨང་།
རྩོམ་ཡིག་འདིའི་འཕྲོ་ཀློག »

གྲོགས་གངས་ཉི་ལས་འཕྲོས་པའི་གཏམ།

ཞོགས་ལྗང་།

དང་བོ། གངས་ཉི་དང་བདག་གི་གསང་བ།

ཉེ་བའི་ལོ་འགའི་སྔོན་ལ་ང་རང་ནུབ་བྱང་མི་རིགས་སློབ་ཆེན་གྱི་བོད་རིགས་སློབ་ཆེན་སློབ་མ་ཞིག་གི་མིང་བྱང་འཁུར་མཁན་ཞིག་ཏུ་གྱུར་ལ།  བོད་ཡིག་ཟིན་བྲིས་ཀྱང་དེ་དང་མཉམ་དུ་བདག་གི་མི་ཚེ་ལ་ལམ་འཇུག་བྱེད་མཁན་ཐོག་མའི་གྲས་མ་རེད་ཅེས་སུས་ཀྱང་ཁ་ཚོན་གཅོད་ག་ལ་ཐུབ། དུས་དེ་ནས་བཟུང་ངས་དྲ་ཐོག་གི་གྲོགས་པོ་མང་བོ་ཞིག་ངོ་ཤེས་ཤིང་འདྲིས་པར་གྱུར། ཐ་ན་ངའི་གྲོགས་པོ་ཐེའུ་རང་དང་ངེད་གཉིས་ཀྱང་འཛིན་གྲྭ་གཅིག་གི་སློབ་གྲོགས་སུ་གྱུར་བ་ནས་སྙིང་གཏམ་གླེང་བ་མ་ཡིན་པར། དྲ་བ་གཅིག་གི་དྲ་གྲོགས་སུ་གྱུར་བ་ནས་ངེད་གཉིས་ལ་འབྲེལ་འདྲིས་བྱུང་བ་ཡིན། དྲ་ཐོག་གི་གྲོགས་པོ་འདི་དག་ལས་གྲོགས་གངས་ཉི་ལགས་ནི་ང་ལ་བག་ཆགས་ཆེས་ཟབ་ཅིང་།  བློ་སེམས་ཆེས་ཉེ་བའི་གྲོགས་པོ་ཞིག་ཡིན་ལ། ང་དང་འདྲ་བའི་དྲ་གྲོགས་ཁྱོད་ཚོ་ཡང་ཁོ་ལ་བར་ཐག་ཤིན་ཏུ་ཉེ་བར་ངེས། ནམ་རྒྱུན་དྲ་བ་བརྒྱུད་ནས་ངས་ཁོང་གི་བསམ་བློ་དང་སྙིང་སྟོབས་ཀློག་གིན་ཡོད་ལ། ཁོས་ཀྱང་ངའི་བརྩམས་ཆོས་འགའ་རེ་ཀློག་གིན་ཡོད་ཅེས་ང་ལ་ཡང་དང་བསྐྱར་དུ་བཤད་མྱོང་ཞིང་།  སྙིང་སྟོབས་དང་སྒུལ་ཤུགས་མང་དུ་བྱིན་མྱོང་བ་ཁྱོད་ཚོས་ག་ལ་ཤེས།  རྩོམ་ཡིག་འདིའི་འཕྲོ་ཀློག »