རྟ་ནག་པས….
དང་པོ་འབྲུག་ཆུ་ལ་འཁྲེང་པའི།།
བར་དུ་འབྲུག་ཆུ་ཡིས་བསྙོར་བའི།།
ཐ་མར་འབྲུག་ཆུ་ཡིས་བཅོམ་པའི།།
ངའི་ཤ་རུས། ངའི་ཟུངས་ཁྲག ངའི་རིགས་བརྒྱུད་འཁྲུལ་མེད།
ཁྱེད་ཚོ་བཙན་པོའི་དམག་ཡིན། ང་ཚོའི་རྨི་ལམ་གཅིག་ཡིན། རྩོམ་ཡིག་འདིའི་འཕྲོ་ཀློག »
གཞས་ཚིག___བེ་རི་འཇིགས་མེད།
གདངས།____྾྾
གཏོང་མཁན།___ཟློས་གར
ཡ་ཀི་ནམ་མཁའ་སྔོན་པོ།།
ཁ་རྒྱ་གཞན་ལས་ཆེ་བ།།
༸གོང་ས་སྐྱབས་མགོན་ཆེན་པོའི།།
བཀའ་དྲིན་དེ་ལས་ཆེ་སོང་།།
མ་ཀི་རྒྱ་མཚོ་སྔོན་པོ།། རྩོམ་ཡིག་འདིའི་འཕྲོ་ཀློག »
སྐུའི་འཁྲུངས་སྐར་བསུ་བའི་གླུ་ཞིག་ལེན། བོད་འབྱོར།
ཆོས་མདོ་སྔགས་རྒྱ་གར་ཡུལ་ནས་དར།
ལུང་འཆད་ཉན་གངས་ཅན་བོད་ནས་རྒྱས།
གང་གི་གདུལ་བྱ་འཛམ་གླིང་ཀུན་ལ་ཁྱབ།
ཆོས་བསྟན་པ་དར་བའི་གླུ་ཞིག་ལེན།
རྗེ་བླ་མ་ཨ་མདོའི་ཡུལ་ནས་འཁྲུངས།
སྐུའི་མཛད་འཕྲིན་རྒྱ་གར་ཡུལ་ནས་རྒྱས།
མཚན་སྙན་གྲགས་འཛམ་གླིང་ཀུན་ལ་ཁྱབ།
ཁྱེད་སྐུ་ཚེ་བརྟན་པའི་གླུ་ཞིག་ལེན།
ང་གླུ་བ་གངས་ཅན་བོད་ནས་ཡོང་།
ངག་སྙན་མོ་འདིར་ཚོགས་ཁྲོམ་ལ་བླངས།
བཀྲ་ཤིས་བའི་གངས་ཅན་ལྗོངས་ལ་ཁྱབ།
བོད་གཞིས་བྱེས་འཛོམས་པའི་གླུ་ཞིག་ལེན།
བཀྲ་ཤིས་བའི་གངས་ཅན་ལྗོངས་ལ་ཁྱབ།
བོད་གཞིས་བྱེས་འཛོམས་པའི་གླུ་ཞིག་ལེན། རྩོམ་ཡིག་འདིའི་འཕྲོ་ཀློག »
བོད ལྷ་ཀླུ་གཉན་གསུམ།
ས་ཆེན་འདར་བའི་སྔ་གཞུག།
མི་སེམས་གཏོར་བའི་ཕྱིར་ཉིན།།
རུས་པ་ཐོར་བའི་དུས་དེར།།
རིགས་ཀྱི་སྙིང་རྩ་རྨས་སོང་།།
གངས་ཅན་བོད་ཀྱི་རིགས་རྒྱུད།།
ཡུལ་ཤུལ་ཁུལ་དུ་གནས་པའི།།
སྤུན་ཟླའི་སྐྱིད་སྡུག་ཆེད་དུ།།
གཞིས་བྱེས་གཉིས་ཀ་འགུལ་སོང་།། རྩོམ་ཡིག་འདིའི་འཕྲོ་ཀློག »
ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ།
ཁྱེད་རང་བུད་སོང་།
ཁྱེད་རང་གློ་བུར་དུ་བུད་སོང་།
ཁྱེད་རང་མ་བསམ་ས་ནས་བུད་སོང་།
ཁྱེད་རང་གིས་འཇིགས་དངངས་དང་ན་ཟུག་ཅིག་ཁྱེར་ནས་བུད་སོང་།
ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ།
ཁྱེད་རང་གིས་བརྩེ་བ་ཕྱེད་ཀ་ང་ལ་བཞག་ནས་བུད་སོང་།
ངའི་བརྩེ་བ་ཕྱེད་ཀ་ཁྱེད་རང་གིས་ཁྱེར་ནས་བུད་སོང་།
ཁྱེད་རང་ཕྱིར་ཡོང་མེད་པར་བུད་སོང་།
ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ།
ངས་མ་ཎི་ཡིག་དྲུག་དབྱངས་སུ་གྱེར་ནས་ཁྱེད་རྗེས་ལ་ངུ་འབོད་བྱས།
ཁྱེད་རང་ངའི་མ་ཎིའི་དབྱངས་རྟ་ལ་བཅིབས་ནས་ཕེབས་རོགས་ཞུ
ངས་ཁྱེད་ཀྱི་ཆེད་དུ་མཚན་ཐུབ་མར་མེ་ཞིག་སྦར་ཡོད།
རྒྱུས་མེད་མུན་ནག་བརྒྱུད་ཕེབས་དུས།
ཁྱེད་ལ་ལམ་སྟོན་གྱི་སྒྲོན་མེ་ཉན་པར་ཤོག
ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ། ཨོྃ་མ་ཎི་པདྨེ་ཧྰུྃ།
༡ བསད་དང་རུང་འགྱོད་པ་ང་མེད་གི
མི་ལ་ལས་བུ་ང་བཟང་གི་ཟེར།། མི་ལ་ལས་བུ་ང་ངན་གི་ཟེར། ང་བཟང་ན་ཆོག་ར་ངན་ན་ཆོག ངས་བླ་མ་དྲན་པའི་སྡུག་སྡུག་བསྔལ་འདི།། ངས་གངས་ཅནན་བོད་ལ་སྒྲོག་རྒྱུ་ཡིན།། བསད་དང་རུང་འགྱོད་པ་ང་མེད་གི
མི་ལ་ལས་བུ་ང་བཟང་གི་ཟེར།། མི་ལ་ལས་བུ་ང་ངན་གི་ཟེར། ང་བཟང་ན་ཆོག་ར་ངན་ན་ཆོག ངས་སྔོན་ཆད་དཔའ་བོའི་མཛད་རྗེས་འདི།། ངས་གངས་ཅན་བོད་ལ་སྒྲོག་རྒྱུ་ཡིན།། བསད་དང་རུང་འགྱོད་པ་ང་མེད་གི། མི་ལ་ལས་བུ་ང་བཟང་གི་ཟེར།། མི་ལ་ལས་བུ་ང་ངན་གི་ཟེར། ང་བཟང་ན་ཆོག་ར་ངན་ན་ཆོག བོད་དབང་མེད་ཟེར་ནས་གླུ་བླངས་ནས།།
གླུ་བླངས་ནས་མི་ཚེ་གཏོང་རྒྱུ་ཡིན།། བསད་དང་རུང་འགྱོད་པ་ང་མེད་གི རྩོམ་ཡིག་འདིའི་འཕྲོ་ཀློག »
གནས་ཚུལ་ལྟར་ན་སོག་ཕྲུག་བཀྲ་ཤིས་དོན་གྲུབ་ཁོང་མུ་མཐུད་ཉེན་རྟོག་པས་འཚོལ་ཞིབ་བྱེད་བཞིན་པའི་སྒང་ཡིན་པ་དང་། འོད་སྡེར་ཚང་མ་ཁྲོམ་ར་དང་ཟ་ཁང་ཁག་ནས་གཞུང་བཞེས་བཏང་ཡོད་འདུག གཤམ་གྱི་འབྲེལ་ཐག་གནོན་དང་རྡུང་ལེན་གསན་ཐུབ་པ་མ་ཟད་ཕབ་ལེན་བྱས་ཆོག་་་་་་
༡༽ བསད་བཏང་རུང་འགྱོད་པ་ང་མེད་གི 
༢༽ དེའི་དོན་ལ་མིག་ཆུ་ངས་འཐོར་སོང་།
མི་ལ་ལས་བུ་ང་ངན་གི་ཟེར།
མི་ལ་ལས་བུ་ང་བཟང་གི་ཟེར།
ང་བཟང་ན་ཆོག་ར་ངན་ན་ཆོག
ངས་བླ་མ་དྲན་པའི་སྡུག་བསྔལ་འདི།
ངའི་གངས་ཅན་བོད་ལ་སྒྲོག་རྒྱུ་ཡིན།
བསད་བཏང་རུང་འགྱོད་པ་ང་མེད་གི རྩོམ་ཡིག་འདིའི་འཕྲོ་ཀློག »
ཆོལ་གསུམ།
འབྲེལ་ཐག་འདི་ནས་བལྟ་ཐུབ
གླུ་ཚིག མགོ་ལོག་ཟླ་བྷེ
བླ་མའི་ཆོས་སྒྲ་གཅིག་གིས།།
འགྲོ་དྲུག་བདེ་ལ་བཀོད་སོང༌།།
དད་པ་སྙིང་ནས་སྒོམས་དང༌།།
མ་རིག་མུན་པ་སངས་འོངས།།
གཉན་མདང་ཕོ་ཉ
——–
༼གཞས་ཚིག༽
ནགས་རྒྱ་རྫོང་ནང་གི་བྱེའུ་ཆུང་འཇོལ་མོས།།
ས་ཐག་རིང་སོང་བའི་ཁུ་བྱུག་ཚོགས་ལ།།
ཡིད་སྐྱོ་གདུང་སྟོང་གིས་ཚ་འབོད་མ་གནང་།།
བྱ་ཁུག་ལོའི་སེམས་པ་མེ་ཡིས་ཚིག་བྱུང་།།
བྱ་འཇོལ་མོ་སྐྱོ་ས་རང་གི་ཚང་རེད།།
སྡུག་ཆེ་ཡང་ཉལ་ས་དྲོན་མོ་ཡོད་རེད།།
ས་མི་ཡུལ་འཁྱམ་པའི་ཞག་མལ་རེ་ལ།།
སྡུག་སྣ་དགུ་འདུག་ཀྱང་མིད་ནས་བསྡད་ཡོད།།
རྩོམ་ཡིག་འདིའི་འཕྲོ་ཀློག »
འདུལ་བ་མ་ཤེས་འདུལ་བསྟན་ཅི་ལྟར་བསྲུང་། །
འདུལ་བ་མ་གླེང་འདུལ་བ་ཅི་ལྟར་ཤེས། །
འདུལ་བ་མ་བྲིས་འདུལ་བ་ཅི་ལྟར་སྤེལ། །
འདུལ་བ་མ་རྙོག་འདུལ་སྡོམ་ཅི་ལྟར་བཟོ། །
འདུལ་བ་གླེང་སློང་འདུལ་དཀྲུག་ཡིན་གྱུར་ན། །
འདུལ་བའི་གཞུང་ལ་སློབ་སྦྱོང་བྱེད་ཞོར་དུ། །
འདུལ་བའི་ཆོས་རྩོད་བྱེད་པའི་དགེ་སྦྱོང་དག །
འདུལ་བསྟན་དཀྲུག་པའི་དྭངས་མར་ཅིའི་མི་འགྱུར། །
འདུལ་བའི་སྲུང་མཚམས་ཞིབ་ཅིང་ཕྲ་བ་དེ། །
འདུལ་འཛིན་རྣམ་པར་སྐད་ཆ་དྲིས་པ་དང་། །
འདུལ་བ་སྲུང་དཀའི་གནས་ལུགས་བརྗོད་པ་དེ། །
འདུལ་བསྟན་དཀྲུག་པའི་སྐད་ཆ་ཡིན་དོགས་མེད། ། རྩོམ་ཡིག་འདིའི་འཕྲོ་ཀློག »
བེ་རི་འཇིགས་མེད།
འགྲོ་ བའི་བདེ་སྐྱིད་ཀྱི་འབྱུང་གནས་བསྟན་པ་སྤྱི་དང་བྱེ་བྲག་ཏུ་བསྟན་པའི་ནང་མཛོད་ སོ་སོར་ཐར་པའི་འདུལ་བ་འདི་ཉིད་སྡེ་སྣོད་གཞན་གཉིས་ཀྱིའང་རྩ་བ་ཡིན་ཏེ། སོ་སོར་ཐར་པའི་མདོ་ལས། སངས་རྒྱས་འདུལ་བ་གངས་ཅན་མཚོ། །གཏིང་མཐའ་མེད་པ་ཐམས་ཅད་གྱི། །གནས་པའི་སྙིང་དང་སྙིང་པོ་ནི།། སོ་སོར་ཐར་པ་འདི་ཡིན་ནོ།། རྩོམ་ཡིག་འདིའི་འཕྲོ་ཀློག »
ཕ་ཡུལ།
ཚིག སྨན་བླ་སྐྱབས།
དབྱངས། སྒྲོལ་མ་སྐྱབས།
ལེན་མཁན། སྒྲོལ་མ་སྐྱབས།
སྲིད་པའི་གངས་རི།
ས་ཆེན་མཁའ་ལ་འཕགས་པའི་གཤོག་པ།
སུ་ཡི་རྨི་ལམ་གང་ལ་འཁྱེར་སོང་།
ག་རེ་ལུས་སོང་།
སུ་ཡི་ལྷམ་ཆུང་རླུང་གིས་ཟད་སོང་།
རང་ཡུལ་དྲན་སོང་།
ཨོ་་ ཧོ། གངས་རི།
སྐྱེས་དུས་མིག་ལ་ཐོགས་པའི་གངས་རི།
རྒས་དུས་ཞེ་ལ་ཐོགས་པའི་གངས་རི།
ཨོ་ ཧོ་། ཕ་ཡུལ།
ས་མཐའི་ཁ་བ་ཆར་དུ་གྱུར་སོང་།
ཆར་ཆུ་མིག་ལ་འཁྱིལ་སོང་།
ཕ་མ་སྤུན་མཆེད་སྙིང་ནས་དྲན་བྱུང་།
ཨོ་ ཧོ། ཡུལ་ལ་ལོག་ན་བསམ་བྱུང་།
རྩོམ་ཡིག་འདིའི་འཕྲོ་ཀློག »
སྤྲིན་བྲལ། མདོ་སྨད་ཟི་ལིང་།
འཚེ་བ་སྤངས་ནས་དགེ་བ་ལ།།
རྣམ་དག་བསམ་པའི་འཇུག་པའི་ལྷ།།
རང་སེམས་འདུལ་བའི་ཐབས་སྣ་ཚོགས།།
སྟོན་མཛད་དེ་ལ་སྙིང་ནས་འདུད།།
དེང་སང་དུས་ན་རང་རློམ་ཚོགས།།
སྤྱི་ཚོགས་འཕེལ་བའི་བཀག་རྡོ་ནི།།
བྱམས་དང་སྙིང་རྗེ་འདི་རེད་ཅེས།།
བདག་གཙོ་སྨྲ་བའི་བསམ་ཚུལ་འབྱུང་།། རྩོམ་ཡིག་འདིའི་འཕྲོ་ཀློག »
ཁྱེད་ཀྱིས་འདི་གཅིག་གཟིགས་ནས་ང་ལ་བསམ་ཚུལ་ཞིག་གསུངས་དང་།
དཔྱིད་རླུང་།
—————
༢༠༠༨ ལོའི་སྤྱི་ཟླ་ ༣ ཚེས ༡༠ ཉིན་ནས་བཟུང་བོད་ཆོལ་ཁ་གསུམ་ནས་བོད་མི་རྒན་གཞོན་དང་སྐྱ་སེར་དབྱེ་བ་མེད་པར་རྒྱ་ནག་གཞུང་གིས་ལུགས་མཐུན་མིན་པའི་དབང་སྒྱུར་བྱས་པར་གཞི་རྒྱ་ཆེ་བའི་ཞི་བའི་ངོ་རྒོལ་བྱས་པར་རྒྱ་ནག་གཞུང་གིས་མི་ཆོས་ཀུན་སྤྱོད་དང་བྲལ་བའི་ཐོག་ནས་བོད་མི་བརྒྱ་ཕྲག་མང་པོ་མེ་མདའ་བརྒྱབ་ནས་དམར་གསོད་བྱས་ཡོད་པ་དང། སྟོང་ཕྲག་མང་པོ་འཛིན་བཟུང་བཙོན་འཇུག་བྱས་ཡོད་སྟབས། བཙན་བྱོལ་ནང་གི་ན་གཞོན་གཞས་པ་ཐེ་བོ་ལྷུན་གྲུབ་ལགས་ཀྱིས།“ བོད་མིའི་སྐྱིད་སྡུག་མཉམ་མྱོང ” ཞེས་པའི་གླུ་དབྱངས་ཀྱི་འོད་སྡེར་གསར་པ་ཞིག་འགྲེམས་སྤེལ་བྱས་ཡོད་འདུག་ལ། ཁོ་བོས་རྒྱུས་ལོན་བྱུང་བ་ལྟར་ན། ས་བྱི་ལོ་ཞི་རྒོལ་ཆེན་མོའི་རྗེས་དྲན་གླུ་དབྱངས་“ བོད་མིའི་སྐྱིད་སྡུག་མཉམ་མྱོང ” ཞེས་པའི་འོད་སྡེར་འདི་རྒྱ་གར་ལྷོ་ཕྱོགས་དང་། རྡ་རམ་ས་ལ། ལྡི་ལི། བལ་ཡུལ། ཁ་ན་ཌ། ཨ་མེ་རི་ཁ། བྷེལ་ལྗམ། ཨོ་སི་ཁྲི་ལི་ཡ། ཆེག་ཁུ་བཅས་བོད་མི་ཡོད་སའི་རྒྱལ་ཁབ་དང་ས་ཁུལ་ཁག་ལ་འགྲེམས་སྤེལ་བྱ་རྒྱུ་ཡིན་པ་རེད་འདུགའདིར་རྣམ་པ་ཚོས་ཐུགས་སྣང་ཆེད་གཞས་ཚིག་འགའ་བཀོད་ཡོད།
རྩོམ་ཡིག་འདིའི་འཕྲོ་ཀློག »
འདྲེ་རིག་ལྡན།
ཁ་བརྡ་ལ་ཡོང་བཞིན་པའི་རྒད་པོ་ཁ་རྒོད་རེ་ཟུང་གིས་ནམ་ཡང་་་་་ བོད་རྒྱ་འབྲེལ་མོལ་ལ་གྲུབ་འབྲས་མ་བྱུང་བ་དེ་བཀའ་ཁྲི་ཟམ་གདོང་རིན་པོ་ཆེས་མ་འཇོན་པ་རེད་་་་ཟེར་ནས་ཁ་གྲགས་ཚད་ལ་བཀའ་ཁྲི་མཆོག་དང་བོད་གཞུང་ལ་ཁ་གཏོང་རྒྱུ་ལས་གཞན། རང་བཙན་དང་དབུ་མའི་ལམ་མ་གཏོགས་དྲན་ངོར་གཞན་གང་ཡང་འཆར་ཐུབ་མི་འདུག འདི་ནི་ལད་ཟློས་དང་སྐྱར་ཟློས་ཁོ་ན་ལས་མི་ཤེས་པའི་ང་ཚོའི་ཤེས་པའི་མིང་ཐོབ་ཅན་ཚོའི་རང་བཞིན་ཞིག་རེད།
བོད་རྒྱ་འབྲེལ་མོལ་ལ་གྲུབ་འབྲས་བྱུང་དང་མ་བྱུང་ཟེར་བ་དེ་བོད་རྒྱ་ཕྱོགས་གཉིས་ཀའི་གནད་དོན་ཞིག་རེད། དེ་བོད་གཞུང་དང་རྒྱལ་བ་རིན་པོ་ཆེ་གཅིག་པུར་རག་ལས་པ་ཞིག་མ་རེད། ང་ཚོ་མི་མང་གི་ངོས་ནས་ད་བར་དུ་གཞུང་དང་རྒྱལ་བ་རིན་པོ་ཆེར་འཁེན་ནས་འདུག་པ་ལས་རང་འགུལ་མེད་སོང་བས་ཀྱང་རེད། ད་ནི ༧ གོང་ས་མཆོག་གིས་མི་མང་གི་བསམ་འཆར་ལེན་རྒྱུ་གསལ་བསྒྲགས་གནང་བ་རེད། གོ་བ་ཡོད་མཁན་ཞིག་ཡིན་ན་མཛུབ་མོ་རང་ཉིད་ལ་གཏད་རན་རེད།
ང་རང་གི་ངོས་ནས་ཐེངས་འདིའི་ཚོགས་ཆེན་དང་། འབྱུང་རྒྱུའི་བཀའ་ཁྲི་འོས་འདེམ་གཉིས་ཀར་བསམ་འཆར་ཞིག་བཏོན་ཁུལ་བྱས་པ་ཡིན། དེ་ནི། ཐེངས་འདིའི་ཚོགས་ཆེན་སྟེང་ནས་བོད་རང་བཙན་གཙང་མ་རྩོད་རྒྱུར་གཞུང་མང་གཉིས་ནས་མགྲིན་གཅིག་ཏུ་ཐག་གཅོད་ལེན་དགོས་འདུག བོད་རྒྱ་འབྲེལ་མོལ་དེ་མུ་མཐུད་ནས་བྱེད་དང་མི་བྱེད་རྒྱ་ནག་གིས་ཐག་གཅོད་རྒྱུ་རེད། རང་བཙན་འཐབ་རྩོད་བྱ་རྒྱུ་ཡོངས་བསྒྲགས་བྱས་རྗེས་ང་ཚོ་གཞུང་མང་གཉིས་ནས་རང་སྲུང་བརྟན་པོ་སྒོས་ཕར་རྒོལ་བྱ་དགོས་འདུག དེ་ཡང་ཞི་བའི་ལམ་ནས་ཡིན་དགོས།
ད་ལྟ་མང་པོ་ཞིག་གིས་ད་ལྟའི་བཀའ་ཤག་ལ་སྐྱོན་བརྗོད་དང་ཟུར་ཟ་ཅི་ཡང་བྱེད་ཀྱིན་འདུག་མོད། ངས་བལྟས་ན་འབྱུང་རྒྱུའི་བཀའ་ཁྲི་དེས་ད་ལྟའི་བཀའ་ཁྲི་མཆོག་གི་ཟུར་ཙམ་འགྲན་ཐུབ་ན་ལེགས་གསོལ་བྱ་ཆོག་སྙམ།
གང་ལྟར། འབྱུང་རྒྱུའི་བཀའ་ཁྲིས་ད་ལྟའི་བོད་གཞུང་གི་བསྟི་གནས་འདི་བཞིན་དེ་སྔོན་འཆར་འགོད་བྱས་མྱོང་བའི་ས་དེར་གནས་སྤོར་ཐུབ་པ་ཞིག་མ་མཐར་ཡང་དགོས། ད་ལྟའི་གནས་ཡུལ་འདི་ཕྱོགས་གང་ནས་བལྟས་ཀྱང་བདེ་འཇགས་མིན། རྨ་ཁ་དྲགས་པ་དང་ན་ཟུག་བརྗེད་མི་རུང་།
ཞིབ་ཕྲའི་གནས་ཚུལ་ང་ཚོས་རིམ་གྱིས་བགྲོ་གླེང་བྱེད་ཆོག ཁ་བརྡར་དགའ་བའི་རྒད་པོ་ཁ་རྒོད་ཚོས་ད་ནི་ཀླད་པ་དཀྲུགས་རན་ལ་ཐོན་ཡོད།
གུས་འདུད་དང་བཅས།
གཞས་ཚིག ལུང་རིགས་རྒྱལ།
ང་རང་གཉིས་ཀ་ཆ་རེད།
སེམས་པ་གཉིས་དེ་གཅིག་རེད།
འཇིག་རྟེན་མི་ཡུལ་འདི་ན།
ང་ལ་ཡོད་པ་ཁྱོད་རེད།
ང་རང་གཉིས་ཀའི་ལས་དེ།
བྲིས་པའི་རི་མོ་མ་རེད།
ཚེ་སྔོན་ལས་ཀྱི་སྨོན་ལམ།
ལག་རིས་སྟེང་ལ་བབ་རེད།
ཉི་མ་མེད་ཀྱང་འགྲིག་གི
ཟླ་བ་མེད་ཀྱང་ཆོག་གི
བུ་ངའི་མི་ཚེ་འདི་ལ།
མེད་ཐབས་མེད་པ་ཁྱོད་རེད།
སང་ལོ་གནངས་ལོ་མ་ཟེར།
ད་ལོ་རང་ལ་ཞོག་དང་།
ངེད་གཉིས་མཉམ་དུ་སྡོད་རྒྱུ།
ག་ཚོད་བྱུང་ན་སྐྱིད་པ།
ཁ་བརྡ་ནི་བོད་རིགས་གྲོགས་པོ་སྐོར་གཅིག་གིས་མཉམ་རུབ་ཀྱིས་བཏོན་པའི་གླེང་སྟེགས་ཤིག་ཡིན།