མགོ་གི་ནམ་མཁའ་སྔོན་པོ་སྔོ་ཐིང་ཐིང་།།
ནམ་མཁའི་ཉི་མ་སེར་པོ་སེར་ལམ་ལམ།།
ཕར་ན་གྲོང་ཁྱེར་ཆེན་པོ་ཁྲ་སྤུངས་སེ།།
སྣང་བ་སྐྱིད་པོ་འདི་ན་དགའ་ཡལ་ལེ།།
མཐའ་ན་མེ་ཏོག་དཀར་དམར་ཁྲ་ཆིལ་ཆིལ།།
གཡས་ན་སྡོང་རྒན་ཆེན་པོ་འདར་སིག་སིག།
གཡོན་ན་གཡུ་མཚོ་སྔོན་མོ་སྔོ་ལྡེམ་ལྡེམ།།
ནང་ན་ངེད་གཉིས་གྲིབ་གཟུགས་ནག་ཡོམ་ཡོམ།། རྩོམ་ཡིག་འདིའི་འཕྲོ་ཀློག »
གཅན་བཟོད་རྒྱམ།
ཕྱོགས་བཅུ་ག་ལེ་ཚང་གི་ཞིང་ནང་ན།།
དེ་དག་རྒྱ་ཆེར་ཚང་གི་བོང་བུ་ཡོད།།
བྱང་ཆུབ་སེམས་དཔའ་སོང་ལ་གཏོད་ལ་ཤོག།
སངས་རྒྱས་སྲས་ཀྱིས་རིག་ན་ངོ་རེ་ཚོ།།
ང་ལོ་བདུན་བརྒྱད་ཀྱི་བན་ཆུང་ཡིན་སྐབས་བཟང་སྤྱོད་སྨོན་ལམ་བློ་འཛིན་བྱས་པ་ ཡིན། དེ་དུས་ང་ཚོའི་དགོན་པའི་བན་ཆུང་མང་པོས་འདི་འདྲ་ཞིག་ཁ་ནང་དུ་གཤགས་བསྡད་འདུག སུ་ཞིག་གིས་བསླབས་པ་དང་དཔེ་ཆ་གང་ཞིག་ལས་བསམ་བཞིན་དུ་བློར་འཛིན་བྱས་པ་ནི་མ་ རེད།
སྨྱུག་རྒོད་གངས་བུ་དཔལ།
བོད་ཀྱི་ལུང་པ་ཞིག་ལ་མི་ཚང་ཆེན་པོ་ཞིག་ཡོད་པ་དེར་བུ་ཞིག་ཡོད།
ཐེངས་ཤིག་ལུང་པ་དེ་གཞན་དང་དཁྲུག་པ་ཤོར་བས་མཚན་མོ་ཞིག་བུ་དེ་གྲོང་མི་མང་པོ་དང་ལྷན་དུ་མེ་མདའ་ཁུར་ནས་འཛིང་སར་སོང་བ་རེད།
དཁྲུག་འཛིང་བྱེད་བཞིན་པའི་སྐབས་སྦུར་པ་((འབུ་སྒལ་པ་འཁྲེགས་པོ་ཞིག))ཞིག་འཕུར་ཡོང་ནས་བུ་དེའི་མགོ་བོར་ཤུགས་ཆེན་པོས་བརྡུང་པས།
ཁོའི་བསམ་པར་དཱ་མེ་མདའ་ཕོག་སོང་དྲན་ནས་མགོ་བོ་རས་ཞིག་གིས་ཡག་པོ་བསྡམས་ནས་མི་ཚོར་མགོ་ལ་མེ་མདའ་ཕོག་སོང་ལབ་ནས་ལོག་ཡོང་བས་གྲོང་མི་ཚང་མ་ཧང་སངས་ནས་བལྟ་བར་སླེབས།
མི་ཚང་མ་འཛོམས་སར་དེར་གཅིག་གིས་ཁོའི་མགོའི་རས་དེ་ག་ལེར་བཀྲོལ་བས་དེའི་ནང་སྦུར་པ་ཆེན་པོ་ཞིག་མ་གཏོགས་མགོ་བོར་རྨ་ཤུལ་གང་ཡང་མེད་པས་མི་ཚོ་གད་མོ་ཤོར་བ་དང༌།
ཁོ་རང་ངོ་ཚ་པོ་བྱུང་བ་རེད།
གོང་གསལ་གྱི་རི་མོ་འདིའི་ནང་།
གལ་ཏེ་ཁྱེད་ལ་རྒྱ་ནག་ཏུ་ཉེན་རྟོག་་པ་དགོས་མཁོ་བྱུང་ཚེ། གང་མགྱོགས་སམ།
༩༡༡ ལ་ཁ་པར་གཏོང་བའམ། ཡང་ན།
དྲ་རྒྱའི་ཐོག་༧གོང་ས་མཆོག་ཅེས་འཚོལ་བ།
ཞེས་འདམ་ཁའི་དྲི་བ་ཞིག་བཀོད་འདུག
སྨིན་དབུས་པོ།
ཉེ་བའི་ཆར་བོད་ཀྱི་ས་གནས་ག་གེ་མོའི་གྲྭ་བ་ཞིག་དང་སྐྱེས་པ་ཕོ་སར་གཉིས་མཉམ་དུ་རྒྱ་ནག་ཁྲིན་ཏུ་ནས་རི་བོ་རྩེ་ལྔར་གནས་མཇལ་དུ་སོང་ཟེར། གྲྭ་བ་དེས་གྲྭ་ཆས་ཚུལ་ལྡན་སྒྲོས་དག་ཅིག་གྱོན་ཡོད་པ་དང་། གསར་བུ་དེས་ནུབ་ལྭ་གསར་བ་ཞིག་གྱོན་ཡོད་འདུག ཁོ་གཉིས་ཁྲིན་ཏུ་ནས་ཐེ་བཡན་གྲོང་ཁྱེར་དུ་ཤར་གཏོང་གི་མེ་འཁོར་ལས་འགྲིམ་འགྲུལ་བྱེད་སྐབས། ཁོ་གཉིས་ཀྱི་འཁོར་སྒམ་ཁ་གཏད་དུ་རྒྱ་ནག་མི་རིགས་ཀྱི་གཟའ་ཟླ་ལོ་གཞོན་གཉིས་དང་ཁོ་གཉིས་ཀྱི་འཁྲིས་སུ་བུ་ཆུང་ལོ་ངོ་ལྔ་དྲུག་ཡས་མས་ཅན་ཞིག་བཅས་གཟའ་མི་གསུམ་གྱི་སྡོད་སར་ཁེལ་འདུག ཁོ་ཚོ་མཉམ་དུ་འཁོར་སྒམ་འདུག་སྟེགས་སུ་ཐོན་ཏེ་བསྡད་ནས་ཅུང་ཙམ་ན། རྒྱ་ཕྲུག་བྱིས་པ་དེས་བོད་ཀྱི་གྲྭ་བ་དེའི་གྲྭ་ལ་གྱོན་ཡོད་པ་མཐོང་མ་ཐག་མཛུབ་མོ་ཀེར་ཏེ། ཨ་ཕ། ཨ་མ། མྱུར་ཏུ་ལྟོས་དང་རྒྱལ་ཁབ་ཀྱིས་ད་དུང་མི་ངན་ཞིག་འཛིན་བཟུང་ཐུབ་མི་འདུག་ཅེས་འུར་བརྒྱབས་སྐབས་རྒྱ་ཕྲུག་གི་ཕ་མ་གཉིས་ཀྱིས་གདོང་གནག་སྟེ་བུ་ཆུང་ལ་དེ་ལྟར་ལབ་མི་རུང་བའི་ཉམས་སྟོན། རྩོམ་ཡིག་འདིའི་འཕྲོ་ཀློག »
མེ་སྒྱོགས་ནས།
————–
བོད་ཀྱི་རྒྱལ་ས་གཉིས་པ་གངས་སྐྱིད་དུ་སྲོག་རླུང་ཤེལ་དམ་བཟོ་གྲྭ་ཟེར་བའི་ཚོང་རྟགས་(Trademark) ལ་བཀའ་ཁྲི་སྦྱར་བ་ཞིག་བཙུགས་འདུག་ཟེར། དེང་སྐབས་བོད་མི་མང་སྤྱི་འཐུས་ལྷན་ཁང་དུ་སྲོག་རླུང་ཤེལ་དམ་(oxygen bottle) རྣམས་བེད་སྤྱོད་གཏོང་སྟངས་ཀྱི་སྦྱོང་བརྡར་བྱེད་ནས་འཁོལ་སྡོད་འདུག་ཟེར།
སྤྱི་འཐུས་“ཡོད་དོ་ཅོག”་གིས་
‘མ་གྲོས་བསམ་པ་གཅིག་མཐུན་’དང་
‘བྱ་སྤུ་གནོན་’དང་
‘ཕྱར་བ་གྲུ་འདེགས་’དང་
‘ཞལ་གཅིག་གྲག་’གིས་“སྣ་ཁུང་༼དགོངས་དག སྣ་ཁུང་གི་ཞེ་ས་བརྗེད་ངན་གྱིས་འཁྱེར་ཚར་འདུག༽ནས་ཡར་ལ་དབུགས་རྔུབ།”ཟེར་བ་དང་“ཞལ་ནས་མར་ལ་དབུགས་ཐོངས།” ཟེར་བཞིན་སྲོག་རླུང་ཤེལ་དམ་འདི་དག་ནས་དབྱུང་རྔུབ་བྱེད་སྟངས་སྦྱོང་བརྡར་བྱེད་པའི་སྐབས་རེད་ཟེར།
ཐོན་རྫས་གསར་པ་འདི་ཕྱི་ལོ་༢༠༠༩ ཟླ་བ་༦་ཚེས་༢༠་ལ་ཐོག་མ་༼བོད་གཞུང་ཡང་ཟློས་བསྐྱར་ཟློས་ཚོགས་པའི་ཚོགས་ཁང་ ༽དུ་ཁྲོམ་བསྒྲགས་བྱས་(advertised) སོང་ ཟེར། ཚོང་རྫས་འདི་ནི་འཛམ་གླིང་ན་ཁྲོམ་བསྒྲགས་བྱེད་པར་ཐེངས་དང་པོ་རེད་ཟེར། བོད་མི་རིགས་ལ་ཆ་མཚོན་ན་ག་དུས་ཡིན་ནའང་མི་རིགས་གཞན་གྱི་རྗེས་སུ་བསྙེག་མི་ དགོས་པ་འདི་ནི་སྔོན་ཐོན་གྱི་མདུན་བསྐྱོད་ཆེན་པོ་ཞིག་རེད་ཟེར།
རྩོམ་ཡིག་འདིའི་འཕྲོ་ཀློག »
___བེ་རི་འཇིགས་མེད་དབང་རྒྱལ།
གཅིག་ ཕམ་ཁ།
གཏན་ཚིགས་རིག་པ་ལ་ཤིན་ཏུ་མཁས་པའི་དགེ་བཤེས་ཤིག་གིས་ཧུན་སོར་(J)གྲོང་སྡེ་བདུན་པའི་ཚན་རིགས་ཚོང་ཁྲོམ་དུ། ཞོག་ཁོག་ཀི་ལོ་གང་རེ་ལ་གོང་ཚད་དུ་རེད་དྲིས་པས། “ཧིན་སྒོར་ལྔ་རེད་”ཟེར། “འོ་ན་གུ་རུ་བྷུ་རའི་ཚལ་རིགས་ཚོང་ཁྲོམ་དུ་་་་་་་?” “བཞི་རེད་”ཟེར། དགེ་བཤེས་དེས་སྒོར་མོ་གཅིག་གིས་རིན་གོང་ཆུང་བའི་ཞོག་ཁོག་ཀི་ལོ་གང་ཉོ་བའི་ཆེད་དུ། རི་ཤལ་ལ་སྒོར་མོ་ལྔ་གླ་ཆ་སྤྲད་དེ་གུ་རུ་བྷུ་ར་ལ་གཤེགས།། རྩོམ་ཡིག་འདིའི་འཕྲོ་ཀློག »
རིན་ཆེན་ནས
—————-
འདི་མཚར་གཏམ་དུ་འགོད་ནའང་ཆོག་ལ་མ་གཞི་རོ་འཛིན་སྡེབ་འགྱུར་དཀའ་བའི་བརྗོད་པ་སྟེ་དབྱིན་སྐད་དུ་(tongue twister)ཞེས་པ་དེ་ཡིན་ ཐུགས་རྗེ་ཆེ་
ཨོ་བྷ་མ་ལགས་ མཚོ་པད་མ་ལ་ ངའི་ཕ་མ་ལ་ཐུག་ཞག། ངའི་ཕ་མ་ལ་ མཚོ་པད་མ་ལ་ ཨོ་བྷ་མ་ལགས་ཐུག་ཞག། སྒྲ་གསལ་ལ་དག་པས་འདི་ཚར་གསུམ་སྐར་ཆ་བཅུ་གཉིས་ཀྱི་ནང་ཚུན་ལ་འདོན་ཐུབ་ན་སྤྱིར་བཏང་དང་དེ་ལས་མགྱོགས་ན་དམིགས་བསལ་ལོ།
ཉིན་ཞིག་བོད་པ་ཞིག་དང་ཁ་ཆེ་གྲོགས་པོ་ཞིག་རི་ལི་ནང་ཐུག་པ་ རེད། དེ་མ་ཐག་བོད་པ་དེས་ཁ་ཆེ་དེར་རྩེད་མོ་དང་སྦྲགས་ ཨ་ཁྱད་མཚར་། ཁྱེད་ཚོའི་ལྷ་དེ་དངོས་གནས་ཨ་ཆོག་ཐང་ཐང་ཡོད་ས་མ་རེད། ཁྱེད་ཚོས་ལྷ་ཁང་ཕྱི་ནང་ཚང་མར་སྐད་དེ་འདྲ་རྒྱབ་ན་ཡང་ཨ་ལེན་འདེབས་མཁན་མི་ འདུག་ག། ལབ་པས། ཁ་ཆེ་དེ་ངོ་ཚོ་པོ་བྱུང་། དེ་ནས་གང་མཚམས་སོང་བ་ན་ཁ་ཆེ་དེས། ཨ་ཁྱད་མཚར། ཁྱེད་ཚོ་བོད་པའི་ལྷ་དེ་ཚོ་དངོས་གནས་མིག་ཡག་པོ་ཡོད་ས་མ་རེད། ཁྱེད་ཚོས་མཆོད་མེ་གཅིག་སྤར་ཡང་ད་དུང་མི་མཐོང་བར་གསུམ་བཞི་སྤར་དགོས་ཀྱི་ འདུག་ག། ལབ་པས་བོད་པ་དེ་རེ་ཞིག་ཁ་སྐྱེངས་པོ་ཆགས་པ་རེད། གྲོགས་པོ་བང་སྨྱུག་ཞིག་གིས་བཤད། སྨྱུག་རྒོད་གངས་བུ་བྲིས།
ཉི་མ་གཅིག ང་སྨན་ཁང་དུ་སོང་། ང་ན་བ་མ་རེད། ཆུང་མ་བསྙུང་བ་རེད། ཆུང་མ་ནང་དུ་འཛུལ། ང་སྒུག་ཁང་ལ་འཛུལ། ཡུན་རིང་སྒུག མཚམས་ཤིག་ལ། ནད་ཞབས་མ་ཞིག་སྒུག་ཁང་དུ་སླེབས། སྒུག་ཁང་དུ་ཡོད་པའི་མི་ཚོགས་ལ་མིག་སྐོར་ཞིག་བྱས།
“སྐུ་ཞབས་སྒྲོལ་མ་ལགས། (Mr. Dolma)”ཞེས་་བོས། ལན་རྒྱག་མཁན་མི་འདུག
“སྐུ་ཞབས་སྒྲོལ་མ་ལགས་འདུག་གས། སྒྲོལ་མ་ལགས་འདུག་གས།” གཟེངས་མཐོན་པོས་བོས།
ངས་ངའི་ཆུང་མའི་མིང་གཉིས་པ་དེ་སྒྲོལ་མ་ཡིན་པ་ཚོར། “དགོངས་དག ངས་ཡག་པོ་ཞིག་གོ་མ་བྱུང་།” ཞེས་ཞུས། ང་ནད་ཞབས་མའི་རྗེས་དེད་ནས་ཕྱིན།
ཡང་ཉིན་མ་གཅིག ང་སོ་སྨན་ཁང་དུ་ཕྱིན། དེ་ཡང་ངའི་སོ་ན་བ་མ་རེད། བུ་མོའི་སོ་ན་བ་རེད། ངས་ལས་ཁུངས་སུ་བུ་མོའི་མིང་ཐོ་བཀོད། བུ་མོ་ནང་དུ་སོང་། ང་ཕྱི་ལོགས་སུ་སྒུག མཚམས་གཅིག་ནས་ནད་ཞབས་མ་ཞིག་སླེབས།
“སྐུ་ཞབས་མཚོ་མོ།(Mr. Tsomo) ཁྱེད་ཀྱི་བུ་མོའི་སོའི་བརྟག་དཔྱད་བྱས་ཚར་སོང་།” ཞེས་བརྗོད། མོའི་སྐད་ཆ་ཚར་མ་ཐག་ཏུ་ང་ཡར་ལངས། སྐུ་ཞབས་མཚོ་མོ་ཡར་བཞེངས། མོའི་རྗེས་ལ་ཕྱིན། གཡས་གཡོན་ན་བོད་སྐད་ཤེས་མཁན་གཅིག་ཀྱང་མི་འདུག བློ་བདེ་བ་ལ་ཨ།
དེ་རིང་ང་དྲ་རྒྱ་ཞིག་ལ་འཛུལ་ཐབས་བྱས། དེ་ནི་བོད་ནང་གི་དྲ་རྒྱ་ཞིག་རེད། ང་ནི་རྗེས་ནས་འཐོམས་སངས་པ་མ་གཏོགས། ང་དེར་སླེབས་དུས་བྱེས་འབྱོར་བོད་མི་ནི་འཚང་ཁ་ཤིགས་ཤིགས་བྱེད། ངས་ངོ་ཤེས་པ་རེ་ཟུང་འདུག ངོ་མི་ཤེས་པ་ཡང་རེ་ཟུང་འདུག འགེངས་ཤོག་ཅིག་མིག་ལམ་དུ་ཤར་ཡོང་། རུས་མིང་ཞེས་པའི་ཟུར་དུ་སྟོང་ཆ་ཞིག་འདུག ངས་བསམ་བློ་ཞིག་བཏང་། ང་ལ་ཆོས་མིང་ཞིག་ཡོད། ཕ་མས་བསྩལ་བའི་མིང་ཞིག་ཡོད། གྲོགས་པོ་ཚོས་བཏགས་པའི་མཚང་མིང་ཞིག་ཡོད། ཅི་འབྲི་མ་ཤེས། དེ་ནས། ངའི་རང་གི་ཆོས་མིང་། བསྟན་འཛིན་སྒྲ་དབྱངས་ ཞེས་པ་དེ་བྲིས་པ་ཡིན། དེ་ངའི་རུས་པའི་མིང་རེད་སོང་། ད་ཅི་དྲག
༼བཅོས་སྒྲུང་ཞིག་ཡིན་ལགས།༽
༡. དགོས་དུས་ཀྱི་གྲོགས་པོ་དེ་གྲོགས་པོ་ངོ་མ་ཡིན། ( A friend in need is a friend indeed)
དཀའ་ངལ་ཡོད་སྐབས་ཀྱི་གྲོགས་པོ་དེ་ལ་རོགས་བྱེད་མཁན་ནི་གྲོགས་ཀྱི་ཕུལ་ཡིན་ཞེས་སྟོན།
༢. གང་ན་འདུན་པ་ཡོད་ན།། དེ་ན་ལམ་བུ་ཡོད།། (Where there’s a will there’s a way)
མི་གཅིག་གིས་དོན་ཞིག་དངོས་གནས་སྒྲུབ་འདོད་པ་ཡིན་ན། ཁོང་གིས་དེ་འགྲུབ་པའི་ལམ་ཞིག་རྙེད་ཐུབ་པ་དེ་སྟོན།
༣. ལྟོགས་པའི་མི་དེ་ནི་ཁྲོས་པའི་མི་ཞིག་རེད། (A hungry man is an angry man)
འདོད་པ་མ་ཁེངས་པའི་མི་ཞིག་ཡིན་ན་དེ་ནི་ལས་སླ་བོར་ཁྲོ་གི་རེད་ཅེས་པའི་དོན་རེད།
༤. བུམ་པ་སྟོང་པས་ལྡིར་སྒྲ་སྒྲོག། (Empty vessels make the most noise)
ཡོན་ཏན་ཆུང་ངུ་ཞིག་ལས་མེད་པའི་མི་དེ་ཚོས་རྒྱུན་དུ་ནས་སྐད་ཆ་མང་ཤོས་དེ་བཤད་ཀྱི་རེད་ཅེས་སྟོན། རྩོམ་ཡིག་འདིའི་འཕྲོ་ཀློག »
ཀླུ་འབུམ་བཀྲ་ཤིས།
ད་ལོར་ཨ་མི་རི་ཁར་དཔལ་འབྱོར་གྱི་ཉམས་རྒུད་དང་ཇུས་ངན་བྱུང་སྟེ། ལས་ཤོར་མི་སྣ་ཧ་ཅང་མང་པོ་བྱུང༌། ལས་མེད་བོད་མི་ཞིག་གིས་ཡུན་རིང་ཞིག་ལ་ལས་ཀ་བཙལ་ཀྱང་མ་རྙེད་པ་དང ། ཉིན་ཞིག་ཁོ་ལས་ཀ་བཙལ་བར་འགྲོ་བཞིན་པའི་སྐབས་ཁང་ལས་འཛུགས་སྐྲུན་བྱེད་བཞིན་པའི་ཐོག་ཁང་ཞིག་གི་ཐོག་ཁ་ནས་ལས་ཀ་བ་ཞིག་མར་ལྷུང་བ་མཐོང་བ་དང་། དེ་མ་ཐག་བོད་མི་དེ་མྱུར་མོར་སོང་སྟེ་ལས་བཟོ་འགོ་བ་བཙལ་ནས་ཁོ་ལ་ང་ལས་ཀ་བཙལ་མཁན་ཡིན། ངས་ད་ལྟ་ཁང་ཐོག་ནས་མར་ལྷུང་བའི་མི་དེའི་ལས་ཚབ་བྱས་ན་འགྲིག་གམ། ངས་ཁོ་ལས་ལས་ཀ་ཡག་པོ་བྱེད་ཆོག་ཞེས་དྲིས་པར་འགོ་བས་དགོངས་དག་ཁོའི་ལས་ཚབ་མི་ཞིག་ཡོད་ཡོད་པ་ཡིན་ཞེས་བཤད། བོད་མི་དེས”སུ་ཡིན་ནམ”ཞེས་དྲིས་དུས །”འགོ་པ་དེས་ དེ་ད་ལས་ཀ་བ་ཁོང་ཁང་ཐོག་ནས་མར་གཡུག་མཁན་མི་དེ་ཡིན་” ཅེས་ལན་བརྒྱབ།
སྐར་ཆེན། ཡོ་རོབ།
ང་ལ་དྲི་བ་ཞིག་ཡོད། དྲི་བ་འདི་གལ་ཆེན་པོ་དང་གནད་ཆེན་པོ་ཞིག་ཡིན་མིན་མི་ཤེས། དྲི་བ་འདི་དང་འབྲེལ་བའི་སྐོར་ནས་ཁ་བརྡའི་ཐོག་ཏུ་གླེང་སློང་མང་ཙམ་བྱུང་སོང༌། དྲ་གྲོགས་ཚོས་གནས་ལུགས་དང་རྒྱུ་མཚན་མ་ཤོད་པ་ཡིན་ནམ། ཚིག་རྩུབ་དང་དམོད་ཚིག་བོར་བ་ཡིན་ནམ། ཡང་ན། དམའ་འབེབས་དང་མཐོང་ཆུང་བྱས་བ་ཡིན་ནམ། གང་ལྟར། གནད་དོན་འདི་ལ་མཆན་བུ་བརྒྱར་ལོངས་པའི་སྐབས་སུ། ཁ་བརྡའི་གཙོ་སྐྱོང་བས་དགོངས་དག་ཞིག་དང་མཉམ་དུ་ཁ་བརྡའི་རེ་སྐུལ་གཉིས་བ་དེ་དྲ་ཐོག་ཏུ་བཏབ་སོང༌། ངེད་ལ་མཚོན་ན་སྔ་མོ་ནས་གནད་དོན་འདིའི་སྐོར་ལ་གླེང་སློང་བྱེད་འདོད་ཡོད། ངེད་ཀྱི་དྲི་བ་ནི། བོད་ཀྱི་གཞོན་ནུའི་ཚོགས་ཟུར། བོད་མི་མང་སྤྱི་འཐུས་ཟུར་བ། བཙན་བྱོལ་བོད་གཞུང་གི་བཀའ་བློན་ཟུར་བ། གོང་ས་མཆོག་གི་དམིགས་བསལ་སྐུ་ཚབ་རྒྱ་རི་བློ་གྲོས་རྒྱལ་མཚན་གྱི་སྐོར་ལ་ཡིན།
གཡང་སྐྱབས་རྒྱལ་གྱིས་གསུངས་ན། ང་ཚོས་རྒྱ་རི་རིན་པོ་ཆེའི་ཕྱག་ལས་གནང་ཕྱོགས་ཐད་གླེང་སློང་བྱེད་འོས་པ་ཞིག་རེད། དགག་བཞག་སྤོང་གསུམ་བྱེད་འོས་པ་ཞིག་རེད་ཟེར། འོན་ཀྱང༌། སུས་ཀྱང་དགག་བཞག་སྤོང་གསུམ་བྱས་མི་འདུག གཡང་སྐྱབས་རྒྱལ་གྱིས་ཀྱང༌། གནད་དོན་འདིའི་སྐོར་ལ་རྩོམ་ཡིག་སྔ་མ་འགར་གླེང་སློང་རེ་བྱས་འདུག་མ་གཏོགས་རྒྱུ་མཚན་གསལ་སྟོན་བྱས་མི་འདུག དོན་དངོས་སུ། ང་ཚོས་རྒྱ་རི་བློ་གྲོས་རྒྱལ་མཚན་གྱི་ཕྱོགས་ལ་གླེང་སློང་བྱེད་མ་སྤོབས་པ་རེད་དམ་བྱེད་རྒྱུ་མེད་སོང་བ་རེད། ཡང་ན། བློ་ཁོག་གིས་མ་འདང་བ་རེད། ཡང་ན་གནས་ལུགས་རྗེན་པ་དང་རྒྱུ་མཚན་གསལ་བོ་ཞིག་མ་རྙེད་པ་རེད། དེ་མིན་ན་ཞིབ་འཇུག་དང་དཔྱད་ཞིབ་མེད་པར་གཞན་གྱི་ཟེར་རྗེས་འབྲངས་ཀྱི་ཡོད་པ་རེད་དམ།
ཡང་ངེད་ཀྱི་གྲོགས་པོས་གླེང་ན། རྒྱ་རི་བློ་གྲོས་རྒྱལ་མཚན་འདི་མི་འཇོན་པོ་དང་རྒོད་པོ་རེད་ཟེར། ཨ་རིའི་བོད་ཁང་དང་རྒྱལ་སྤྱིའི་བོད་དོན་ལས་འགུལ་ཁང༌། ཨ་རིའི་བོད་སྐད་རླུང་འཕྲིན་ལས་ཁང༌། ཨེ་ཤ་ཡ་བོད་ཀྱི་རང་དབང་རླུང་འཕྲིན་ཁང་བཅས་ཀྱི་གཞི་རྐང་འཛུགས་མཁན་རྒྱ་རི་བློ་གྲོས་རྒྱལ་མཚན་རེད་ཟེར། ད་དུང་དེས་ག་ལ་ཚད། ན་ནིང་ཨ་རིའི་གྲོས་ཚོགས་ནས་གོང་ས་མཆོག་ལ་གསེར་གྱི་རྟགས་ཀྱི་ཕུལ་བ་དེ་ལ་ཡང་རྒྱ་རིའི་ནུས་ཤུགས་བསྐྱོན་ཡོད་རེད་ཟེར། ངེད་ཀྱི་གྲོགས་པོའི་གཏམ་འདི་ཡང་རྒྱུ་མཚན་ཁྱོན་ནས་མེད་པ་ཞིག་ག་ལ་ཡིན། ད་ནི་ངེད་ཀྱི་བསམ་ཚུལ་ལྟར་ན། ང་ཚོས་རྒྱ་རི་བློ་གྲོས་རྒྱལ་མཚན་གྱི་བུ་ཕྲུག་དང་ཁྱིམ་ཚང༌། གཉན་ཉེ་བཅས་ཀྱི་སྐོར་ནས་མ་གླེང་བར། ཁོང་གིས་བོད་དོན་ཐད་ཕྱག་ལས་གནང་ཚར་བའི་ངོས་དང་གནང་བཞིན་པའི་ངོས། གནང་རྒྱུའི་ངོས་གསུམ་ལ་ཞིབ་འཇུག་བྱས་ནས། ཚིག་རྩུབ་མ་སྤྱད་པར། དམོད་ཚིག་མ་བོར་བར། ཚིག་ངན་མི་འདེབས་པར་གནས་ལུགས་ཤིག་འཁྱེར་ནས་ཤོག རྒྱུ་མཚན་རྙེད་པ་བྱས་ནས་ཤོག བགྲོ་གླེང་ལྷུག་པོ་ཞིག་བྱོས། ངེད་ཀྱི་བསམ་ཚུལ་འདི་འདྲ་ཡིན། ཁྱེད་ལ་བསམ་ཚུལ་ཅི་ཡོད་དམ།
ཚོགས་འདུའི་འཐུས་མི་ཚོས་འཛམ་གླིང་གི་མདུན་ལ་རྒྱལ་བ་རིན་པོ་ཆེར་འགྲམ་ལྕགས་བཞུས་སོང་།
གྲོགས་པོ་ཚོ། གཏམ་འདི་གུས་པའི་གྲོགས་པོ་ཁ་ཤས་ཀྱིས་ད་རེས་ཚོགས་འདུའི་བསམ་འཆར་ཤོད་སྐབས་གསུངས་པའི་སྐད་ཆ་རེད། མིའི་མིང་མ་བཏོན་པར་ཁོང་གི་བསམ་ཚུལ་ཇི་མ་ཇི་བཞིན་བཀོད་ཡོད་དོ།
“ཚོགས་འདུའི་མཇུས་འབྲས་ཀྱི་སྐོར་ལ་གསར་འགྱུར་ནང་ནས་ཤེས་པར། འཐུས་མི་དེ་ཚོས། རྒྱལ་བ་རིན་པོ་ཆེས་འགན་ཁྱེར་རོགས། རྒས་ཡོལ་བྱས་ནས་མ་བསྡད་པར། འགན་ཚང་མ་འཁུར་དགོས་ཟེར། ད་འདི་ཕྱིར་ཤིག་རྒྱག་པ་མ་རེད་པས།”
“ད་རེས་ཀྱི་ཚོགས་འདུ་ཆེན་པོ་འདིའི་མཇུག་འབྲས་འདི་ཐབས་སྡུག་རེད། འཐུས་མི་ཚོས་མང་ཚོགས་ཀྱི་འགན་ཁྱེར་མ་སོང་། འགན་ཚང་མ་རྒྱལ་བ་རིན་པོ་ཆེར་ཡར་གཡོགས་སོང་། བོད་ནང་གི་མིའི་སྡུག་བསྔལ་ལ་སྙིང་རྗེ་ཡོད་པའི་འཚོར་སྣང་ཞིག་ཀྱང་བསྟེར་མ་སོང་། ཁོང་ཚོ་ཚོགས་འདུར་ཞུགས་མཁན་དང་། ཚོགས་འདུ་མགོ་ཁྲིད་མཁན་ཚང་མས་ཤིན་དུ་བརྙེད་པར་དཀའ་བའི་གོ་སྐབས་ཤིག་བརླགས་པར་བྱས་སོང་། རྒྱལ་བ་རིན་པོ་ཆེས་དགོངས་པ་ཆེ་བཞེས་ཀྱིས་མང་ཚོགས་ཀྱིས་ཐག་གཅོད་གསུངས་སྐབས། ཡར་ཁྱེད་རང་རྒྱལ་བ་རིན་པོ་ཆེས་ཐག་གཅོད། ང་ཚོ་ཤེས་ཀྱི་མེད་ཟེར་བ་ལྟ་བུ་རེད་བཞག ད་འདི་དུས་ཚོད་འཕྲོ་བརླག་བཏང་བ་མ་ཡིན་ནམ། འཛམ་གླིང་གི་མི་ཚང་མས་ང་ཚོར་བལྟས་ནས་ཡོད་པའི་སྐབས་ལ། ཚོགས་འདུར་འགྲོ་མཁན་ཚོའི་ཁ་གདོག་འདི་རེད།”
“ངའི་རེ་བར་རྒྱལ་བ་རིན་པོ་ཆེ་ནས་ཚོགས་འདུ་འདི་མཇུག་སྒྲིལ་བའི་བཀའ་སློབ་གནང་དུས། ཁོང་ཚོས་ལས་གཡོལ་བྱས་པའི་སྐོར་ལ། ད་རེས་ཚོགས་འདུར་བཅར་མཁན་ཚོར་བཀའ་སྐྱོན་དྲག་པོ་ཞིག་གཏོང་དགོས་ཀྱི་འདུག”
“ད་དུང་བོད་ནང་གི་མི་རྣམས་ཀྱི་གནས་སྟངས་ལ་ཡར་རྒྱས་གཏོང་དགོས་ཅེས་རྒྱ་ནག་ལ་གསུངས་རོགས་ཞུ་རྒྱུ་ཡིན། ད་བཙན་བྱོལ་གཞུང་དང་མི་དམངས་ལ་ཐང་ཆད་སོང་། མགོ་བདེ་པོ་དང་། ལས་ཀ་དང་འགན་ལ་གཡོལ་རྒྱུར་དགའ་པོ། ཁ་བཤད་རྒྱུ་དང་ཁེ་བཟང་ཆུང་ཆུང་ལེན་རྒྱུར་དགའ་པོ་བྱེད་མཁན་གྱི་མི་ཤ་སྟག་ཚོགས་འདུ་དེར་སླེབས་པའི་རྣམ་པ་གསལ་པོ་འདུག ”
“སྙིང་རྗེ། རྒྱལ་བ་རིན་པོ་ཆེ་སྙིང་རྗེ་ཡག་རེད། ཁོང་ཐུགས་རྒྱ་ཆེན་པོ་དང་ཕུགས་བསམ་ཡོད་མཁན་ཞིག་རེད། དགོངས་པ་རྒྱ་ཆེན་པོ་བཞེས་ནས། ད་རེས་མང་ཚོགས་རྣམས་ཀྱིས་བསམ་འཆར་ཡག་པོ་ཞིག་དང་། རྒྱ་ཕྱོགས་ལ་ཡང་ཡ་ལན་ཡག་པོ་ཞིག་སྤྲོད་ཐུབ་པའི་རེ་བ་རྒྱབ་ནས། མང་ཚོགས་ལ། འདིར་ཤོག བསམ་འཆར་ཤོད་ཟེར་སྐབས། དེའི་ལན་ལ། ང་ཤེས་ཀྱི་མེད། ཁྱོད་འགན་མང་ཙམ་འཁུར་དགོས་ཀྱི་འདུག་ཟེར་ནས། འགྲམ་ལྕགས་ཤིག་བཞུས་ནས་ཕྱིན་པ་ལྟ་བུ་རེད། ད་རྒྱལ་བ་རིན་པོ་ཆེ་སྙིང་རྗེ་ཡག་རེད། ངོ་མ།”
“གོ་ཐོས་ལ་རྒྱ་རི་བློ་གྲོས་མཚོག ཚོགས་འདུ་གལ་ཆེན་པོ་དེ་འདྲའི་དུས་ལ། ཚོགས་འདུར་མ་སྡད་པར། བལ་ཡུལ་ལ་ཁོང་གི་ཕྲུ་གུ་སྤྲུལ་སྐུ་བཟོ་བར་ཕྱིན་འདུག གལ་ཏེ་འདི་བདེན་པ་ཡིན་ན། བློ་ཕམ་གྱི་ཡུལ་རེད།”
གས་ཆེན་
མཚར་གཏམ། ༼ཕ་ཡུལ་དྲ་རྒྱ་ལས་བདམས་ཏེ་བསྒྱུར།༽
ཉིན་ཞིག་བུད་མེད་ལུས་དམར་ཧྲེང་བ་ཞིག་གིས། བརྡལ་གཏོང་རླངས་འཁོར་ (Taxi) ཞིག་བཀག ཁ་ལོ་བ་དེས་བུད་མེད་དེ་རླངས་འཁོར་ནང་འཛུལ་མ་ཐག་ཧ་ལས་གདོག་ངང་མོའི་ལུས་ཀྱི་མགོ་ནས་རྐང་པའི་བར་ཞིབ་མོར་བལྟས་སྟབས། བུད་མེད་དེ་ཁོང་ཁྲོ་ལངས།
བུད་མེད་དེས། ”ལྟས་ངན་མཐོང་གི་འདུག་གམ། ཁྱོད་དེ་སྔོན་བུད་མེད་དམར་ཧྲེང་མ་མཐོང་མ་མྱོང་ངམ།”
ཁ་ལོ་བ་ན་རེ། ”ལྕམ་ཁྱེད་རང་ལུས་ལ་གོས་གཅིག་ཀྱང་མེད་པ་དེར་ང་ཧ་ལས་མ་སོང་། ཁྱེད་ཀྱིས་ང་ལ་སྤྲོད་རྒྱུའི་རླངས་འཁོར་གྱི་གླ་ཆ་དེ་ག་པར་བཅུག་ཡོད་མེད་ལྟ་གི་ཡོད་ཟེར།”
ཁ་ནི་ཀ་དག་གནས་ལུགས་བརྗོད་པའི་ཁ།
ཁ་ནི་ཁ་དཔུང་ལ་རྒྱ་རྩོད་པའི་ཁ།
ཁ་ནི་ག་ལེར་རང་དོན་སྒྲུབ་པའི་ཁ།
ཁ་ནི་ང་ཁྱོད་ཕྱོགས་རིས་འབྱེད་པའི་ཁ།
ཁ་ནི་ཅ་ཅོ་སྣ་ཚོགས་སྒྲོག་པའི་ཁ།
ཁ་ནི་ཆ་རྒྱུས་ཡོད་མེད་གླེང་བའི་ཁ།
ཁ་ནི་ཇ་ཆང་ཁོ་ན་སྙོག་པའི་ཁ།
ཁ་ནི་ཉ་ཤ་ཁྱི་ཤ་ཟ་བའི་ཁ།
ཁ་ནི་ཏྰ་ལའི་བླ་མར་བསྟོད་པའི་ཁ།
ཁ་ནི་ཐ་ཤལ་ཧུའུ་ལ་སྨོད་པའི་ཁ།
ཁ་ནི་ད་ལྟ་ཁོ་ནར་དམིགས་པའི་ཁ།
ཁ་ནི་ན་མེད་ངུ་སྐད་འབྱིན་པའི་ཁ།
ཁ་ནི་པ་མགོ་ཟེར་ནས་བསྡིག་པའི་ཁ།
ཁ་ནི་ཕ་མར་རྒྱོ་ཞེས་གཤེ་བའི་ཁ།
ཁ་ནི་བ་མོའི་རྐུབ་ལྟར་ལུག་པའི་ཁ།
ཁ་ནི་མ་མོའི་བཤང་ལྟར་ཙུམ་པའི་ཁ།
ཁ་ནི་ཙ་ཙི་ཟེར་བའི་ཤ་ཡི་ཁ།
ཁ་ནི་ཚ་གྲང་མི་ཤེས་རྡོ་ཡི་ཁ།
ཁ་ནི་ཛ་དྲག་དུས་སུ་ལྐུགས་པའི་ཁ།
ཁ་ནི་ཝ་མ་ཝོ་ལ་ཟུག་པའི་ཁ།
ཁ་ནི་ཞྭ་མོའི་ཁ་དོག་རྩོད་པའི་ཁ།
ཁ་ནི་ཟ་འཐུང་ཙམ་གྱིས་ཆོག་ཤེས་ཁ།
ཁ་ནི་འ་འུར་དཀྲོགས་གཏམ་སྤེལ་བའི་ཁ།
ཁ་ནི་ཡ་རབས་སྐྱེ་བོ་གསོད་པའི་ཁ།
ཁ་ནི་ར་ཅོ་ལྟ་བུར་གྱོང་བའི་ཁ།
ཁ་ནི་ལ་ལུང་བཞིན་དུ་གདངས་པའི་ཁ།
ཁ་ནི་ཤ་ཁྲག་གཉིས་ལ་རྔམ་པའི་ཁ།
ཁ་ནི་ས་ཡི་བུ་ག་འདྲ་བའི་ཁ།
ཁ་ནི་ཧ་ཧ་ཟེར་བཞིན་ངུ་བའི་ཁ།
ཁ་ནི་ཨ་ཧོ་ཟེར་ཞོར་དགོད་པའི་ཁ།
ཁ་ནི་ཁིའུ་ལྟ་བུར་རྣོ་བའི་ཁ།
ཁ་ནི་ཁུ་བྱུག་མགྲིན་དབྱངས་སྒྲོག་པའི་ཁ།
ཁ་ནི་ཁེ་བཟང་མེད་ན་ངུ་བའི་ཁ།
ཁ་ནི་ཁོ་ཚེ་ལྟ་བུར་རྩུབ་པའི་ཁ།
ཁ་འདི་རང་སྲོག་གཅོད་པའི་སྟ་རེའི་ཁ།
ཁ་འདི་གཞན་སེམས་དཀྲུགས་པའི་དུག་ཚེར་ཁ།
ཁ་འདི་ཁོག་པ་འབྲུ་བའི་ལྕགས་ཀྱུའི་ཁ།
ཁ་འདི་སྟག་ཁ་གཟིག་ཁ་འཛིང་བའི་ཁ།
ཁ་འདི་ཁྱི་ཁ་ར་ཁ་འཕྲོད་པའི་ཁ།
ཁ་འདི་སྨྱོ་ཁ་གཟའ་ཁ་བསླས་པའི་ཁ།
ཁ་འདི་མྱི་ཁ་གཉའ་ཁ་གཏུགས་པའི་ཁ།
ཁ་འདི་ཆོས་ཁ་སྲིད་ཁ་བསྲེས་པའི་ཁ།
ཁ་འདི་ལྷ་ཁ་འདྲེ་ཁ་བསྣོལ་བའི་ཁ།
ཁ་བདེ་བྱས་པ་མ་ཡིན་སྣ་ཚོགས་ཁ།
ཁ་བརྡ་ཚང་ལ་འདུས་པ་གོང་གསལ་ཁ།
ཁ་ལ་བདག་པོ་མེད་པ་ལྡོམ་པོའི་ཁ།
ཁ་ཡིས་སྡིག་པ་བསགས་སོང་ཨ་ཁ་ཁ།
ཉིན་གཅིག་ཨ་རིའི་སྲིད་འཛིན་ཁི་ལིན་ཀྲོན་དབྱི་རག་གི་ནང་ཡོད་པའི་ཨ་རིའི་དམག་མི་ཚོར་འཚམས་འདྲིར་ཕྱིན། དེའི་དམག་དཔོན་ཞིག་གིས་ཨི་རག་ནང་གི་དམག་ཁང་ནང་ལྟ་སྐོར་ལ་ཁྲིད། དམག་མིའི་ཉལ་ཁང་དང་བཟའ་ཁང་སོགས་ལ་བལྟས།
ཁི་ལིན་ཀྲོན་གྱིས། “དམག་དཔོན། བཀོད་སྒྲིག་ཡག་པོ་ཞེ་དྲག་འདུག དངོས་གནས་རྗེས་སུ་ཡི་རངས་ཡོད། དམག་མིའི་ཆ་རྐྱེན་དེ་ཚོ་ཡང་རང་གི་རྒྱལ་ཁབ་ལ་སྡོད་པ་ནང་བཞིན་རྒྱས་པོ་འདུག“
དམག་དཔོན་གྱིས། “ཐུགས་རྗེ་ཆེ། ད་སྲིད་འཛིན་མཆོག་སྐུ་ངལ་སྐྱོན་པར་ཕེབས་ན་ལེགས།“
ཁི་ལིན་ཀྲོན་གྱིས། “ང་ལ་འདྲི་བ་ཞིག་ཡོད། དམག་མི་ཚོ་ཁོང་ཚོའི་ཕ་ཡུལ་ལ་ཡོད་པའི་བཟའ་ཚང་དང་ཁ་བྲལ་ནས་ཡུན་རིང་སྡོད་དགོས་སྟབས། ཁོང་ཚོའི་འདོད་ཆགས་ཀྱི་དཀའ་ངལ་དེ་ཇི་ལྟར་སེལ་གྱི་ཡོད་དམ།“
དམག་དཔོན་གྱིས། “ཡག་པོ་འདུག སྲིད་འཛིན་མཆོག་གིས་དངོས་གནས་དམག་མིའི་འཚོ་བ་ལ་དོ་སྣང་འདུག ང་ཚོའི་རྟ་རའི་ནང་རྔ་མོང་ཞིག་ཡོད། དེ་དམག་མི་རྣམས་ཀྱིས་གུང་གསེང་སྐབས་རེ་མོས་བཞིན་གཡར་གྱི་ཡོད།“
དེའི་དགོངས་མོ་མི་ཚང་མ་ཁ་ལག་ཟ་བའི་སྐབས་ཁི་ལིན་ཀྲོན་མཐོང་ཡས་མེད། དམག་དཔོན་དང་དམག་མི་འགའ་ཤས་ཁོང་འཚོལ་བར་འགྲོ་སྐབས། ཁི་ལིན་ཀྲོན་གི་དོར་མ་དེ་ས་ལ་ཕབ། རྔ་མ་འཇུས་བཞིན་རྔ་མོང་དེ་ལ་རྒྱབ་ནས་ཆགས་པ་སྤྱོད་བཞིན་ཡོད། དེ་མཐོང་ནས་ཚང་མ་ཧ་ལས།
དམག་དཔོན་གྱིས། “སྲིད་འཛིན། རྔ་མོང་འདི་ངེད་ཚོའི་དམག་མིའི་འགྲིམ་འགྲུལ་ཡོ་ཆས་རེད།”
ཁི་ལིན་ཀྲོན་ཁ་སྐྱེངས་ནས། ཕར་ལྟ་ཚུར་ལྟ་བྱས་རྗེས། “འདིར་རྔ་མོང་འདི་ཁོ་ན་ལས་མིན་འདུག ད་གིན་ཁྱེད་ཀྱི་འདི་དམག་མི་ཚོས་སྤྱོད་ཆེད་རེད་ལབ་སོང་ང་།“
དམག་དཔོན་གྱིས། “རེད། ཁོང་ཚོ་གྲོང་ལ་བུད་མེད་འཚོལ་བར་འགྲོ་སྐབས་ཀྱི་བཞོན་བྱེད་ཀྱི་རྔ་མོང་ཕོ་གཅིག་པུ་འདི་རེད། དེ་འདྲ་བྱས་ན་འགྲིག་མི་མ་རེད། ཁྱེད་རང་དམག་མིའི་བདེ་སྡུག་ལ་དགོངས་པ་བཞེས་དགོས།“
ཁི་ལིན་ཀྲོན་གྱིས། “སྤྲང་པོ་ཁྱེད་ཀྱི་ཟེར་ན་ཁོང་ཚོས་་་་་་འདི་བཞོན་ནས་་་་་་་་་འདི་་རྔ་མོང་་་་་་་་་་ཕོ་་་་་་འདི་་་་འདི་་་ཁྱོད་ཚོ་དམག་མི་རྣམས་ག་དུས་ཡིན་ནའི་སྐད་ཆ་མགོ་འཇུག་ཆ་ཚང་བཤད་མི་ཐུབ་མཁན་གྱི་ལྐུགས་པ་ཤ་སྟག་རེད་ཟེར་ནས་ཁོང་ཁྲོའི་ངང་ཁྱིམ་ལ་ལོག
མང་པོ་ཞིག་གི་འདུག་རོགས་དྲ་རྒྱས་བྱེད་པ་དང་མང་པོ་ཞིག་གི་སེམས་པ་དྲ་རྒྱས་དཀྲུག་པའི་དེ་རིང་། ངུར་སྨྲིག་གི་གཟན་འོག་དང་གནག་སྣུམ་གྱི་སྐྲ་འོག་ནས་ལང་ཚོ་དང་བརྩེ་དུང་གི་མྱུ་གུ་འབུས་བཞིན་པའི་གྲྭ་རྐྱང་དང་མོ་རྐྱང་གང་མང་ཞིག་གི་བཙན་གྱིས་མནན་པའི་དུང་སེམས་ཀྱི་མེ་ལྕེ་དམར་པོ་རེ་རེ་བཞིན་གྱེན་དུ་འཕྱུར་བྱུང་བས། གྲྭ་རྒན་སེམས་བཟང་ཅན་དག་ཉིན་ནས་ཉིན་དང་མཚན་ནས་མཚན་མཐུད་དེ་གྲོས་བསྡུར་གྱི་ངལ་བ་ཡུན་རིང་བསྟེན་པའི་མཐའ་སྡོམ་ཞིག་ཐོབ་པ་ནི། འཇིག་རྟེན་སྟེང་གི་ཆེས་དྭངས་གཙང་གི་མི་གྲྭ་པ་ཚོ་དང་ས་སྟེང་གི་ཆེས་འབག་བཙོག་གི་མི་བུ་མོ་ཚོའི་བར་གྱི་སྡིག་ཉེས་ཆེ་བའི་གཡེམ་ཐག་འཐེན་མཁན་དེ་ནི་དེང་རབས་བརྡ་འཕྲིན་སྤྱི་ཚོགས་འདིའི་ནང་གི་ཡོད་ན་དེས་ཆོག་དང་མེད་ན་དེས་ཕོངས་ཀྱི་དྲ་བའི་སྐུད་ལམ་འདི་ཡིན་པ་དང་། ཁོང་ཚོས་བརྟག་དཔྱད་ཡུན་རིང་བྱས་པའི་འབྲས་བུར་ཚན་རིག་པ་ཚོས་གསར་བཏོད་བྱས་པའི་དྲ་བའི་སྐུད་ལམ་འདི་ནི་མོ་རྐྱང་འདོད་ཆགས་ཅན་ཚོའི་གྲྭ་པ་རྐུ་ལམ་ཡོད་ན་མེད་ན་དེ་ཡིན་པའི་ངེས་ཤེས་གཏིང་ཟབ་ཅིག་རྙེད་པ་རེད། དེ་ལ་བརྟེན་ནས་རྒྱ་གར་ལྷོ་ཕྱོགས་དང་བོད་ནང་གི་དགོན་སྡེ་ཁག་ཅིག་ཏུ་གྲྭ་པ་དང་དྲ་བའི་འབྲེལ་ལམ་གཏན་འགོག་གི་དུས་རབས་བརྒལ་བའི་རྩ་ཁྲིམས་རླབས་པོ་ཆེ་ཞིག་གསར་དུ་དབུ་བརྙེས་པར་བྱས་སོང་། འདི་ལ་བཟང་ངན་གྱི་ཆ་གཉིས་ཡོད་པ་དང་། དེ་ཡང་ཆ་གཅིག་གཤམ་དུ་རྡེག་གནོན་བྱས་ན་ཉམས་སུ་མྱོང་ཐུབ་ལ། ཆ་གཅིག་ནི་གལ་སྲིད་དབྱིན་ཡིག་གི་ཆུ་ཚད་གང་མཚམས་ཡོད་པའི་གྲྭ་པ་ཞིག་གིས་རང་ཁྱིམ་ནས་དེང་རབས་འཛམ་གླིང་ལ་སྐོར་བ་གྲངས་མེད་ཅིག་རྒྱག་ཐུབ་ལ། འཛམ་གླིང་དེ་དག་གི་བདེ་སྡུག་བར་མའི་སྐྱེ་བོ་དག་གི་མཉམ་དུ་ཚོར་སྣང་མཉམ་སྤྱོད་ཀྱང་བྱེད་ཐུབ།
གསལ་བཤད། གོང་གི་དྭངས་གཙང་དང་འབག་བཙོག་གི་དཔེ་མཚོན་གཉིས་ནི་གྲྭ་རྒན་ཚོའི་གཏན་ཚིགས་ཡིན་པ་ལས་བདག་གི་ལྟ་ཚུལ་ནི་ནམ་ཡང་མ་ཡིན་པ་མཁྱེན་པར་མཛོད།
རྡེག་གནོན་ནམ་ཡང་ན་རྩ་བའི་རེའུ་མིག་ཏུ་དྲངས་ནས་བརྡེག་ན་ཆོག།
http://www.cmbod.cn/u/TibetanMonk/archives/2008/13120.html
དུས་ཚོད་མི་འཁྱོལ་ན་རེམ་མ་འདིར་རྡེག་གནོན་བྱོས།
ང་ཁོ་ཚོ་དང་ཐུག་ནས་ཁ་བརྡ་བྱས་པ་ཡིན། ཁོ་ཚོ་གླག་འཁེལ་བ་མི་འདུག ཁོ་ཚོ་ལ་གཞུང་ལུགས་ཀྱི་རྒྱབ་རྩ་མཐུག་པོ་འདུག ཁོ་ཚོར་རིག་གཞུང་འདྲ་མི་འདྲ་མང་པོའི་རྒྱབ་རྩ་ཡོད་པ་མ་ཟད་ནང་པའི་ཆོས་གཞུང་གི་རྒྱབ་རྩའང་འདུག མ་གཞི་ཁོ་ཚོས་དོན་དག་རྒྱ་ཆེན་པོ་མང་པོ་ཞིག་འབྲི་བཞིན་པ་ལས་གཅེར་བུ་དང་། ཕོ་མཚན་མོ་མཚན་ཟེར་བ་ནི་དེའི་ནང་གི་ཆ་ཤས་ཀྱི་ཆ་ཤས་ཤིག་ཏུའང་མི་འགྲོ་བར་འདུག
གཅེར་བུ་ཁོ་ནའི་སྐོར་ཁོ་ཚོར་མང་པོ་ལབ་རྒྱུ་འདུག དང་པོར་བསྐལ་བ་ཡ་ཐོག་གི་མི་གཅེར་བུ། ཅིའི་ཕྱིར་ཁོང་ཚོ་གཅེར་བུ་ཡིན་པ། ཅིའི་ཕྱིར་གོན་པ་གོན་པ། དེ་ནས་གཅེར་བུ་པའི་གྲུབ་མཐའི་གཞུང་ལུགས། དེའི་རྒྱབ་ལྗོངས་ཀྱི་མཚན་ཉིད། དེ་ནས་མི་ལ་རས་པ། དེ་ནས་འབྲུག་པ་ཀུན་ལེགས། དེ་ནས་བོད་ཀྱི་རྣལ་འབྱོར་བ་ཞིག་པོ་ཞིག་མོ་སོགས་ནས་འཕྲོས་པའི་ལུང་པ་གང་བཤད་རྒྱུ་འདུག གཞུང་ལུགས་ཀྱི་རྒྱབ་རྩ། མཚན་ཉིད་ཀྱི་རྒྱབ་རྩ། བསམ་བློའི་རྒྱབ་རྩ་སོགས།
ངས་ཆང་འཐུང་གི་འཐུང་གི་བསམ་བློ་ཞིག་བཏང་བ་ཡིན། ང་གཅེར་བུར་ཕྱི་ལ་ཕྱིན། ཡར་ལྟ་མར་ལྟ་ཡར་ཞིབ་མར་ཞིབ་ཡག་པོ་བྱས། དེ་ནས་ནང་ལ་ཡོང། ཡར་འདང་མར་འདང་མང་པོ་རྒྱབ་པ་ཡིན། ཁོ་ཚོ་འཛིན་པ་ཞིག་ལས་གྲོལ་འདྲ། ཁོ་ཚོ་བཅིངས་པ་ཞིག་ལས་ཐར་བ་འདྲ། ཁོང་ཚོ་སྒྲིག་གཞི་ཞིག་དང་གོམས་སྲོལ་ཞིག་ལས་ཐག་རིང་པོར་ཕྱིན་ཡོད་པ་འདྲ། ཁོང་ཚོའི་ནང་གི་རང་རྟགས་ཕྱི་རུ་ཤར་ཡོད་པ་འདྲ། ངས་འདི་ལྟར་བསམ། ཁ་བའི་ལྗོངས་ན་སེང་གེ་སྲབ་མེད་དུ་འཕྱོ་བའི་ཟེར་བ་དེ་ཁོ་ཚོ་རེད། བྱེའུ་རྙི་ལས་ཐར་ཟེར་བ་དེ་ཁོ་ཚོ་རེད་ལ་རྟ་ཕོ་སྒྲོག་ལས་ཐར་ཟེར་བ་དེའང་ཁོ་ཚོ་རེད།
གཅིག་བྱས་ན། ཁོང་ཚོ་རང་ཉིད་གྲོལ་ཙམ་ལས་གཞན་གང་ཡང་ཡོད་པ་མ་རེད་ཅེས་ང་ཚོས་ནམ་ཡང་བཤད་མི་ཐུབ། ཁོང་ཚོར་དམིགས་ཡུལ་ཞིག་ཀྱང་ཡོད་པ་འདྲ། ཁོང་ཚོས། བཅོས་མ། སྤམ་རྫུ། ཚུལ་འཆོས། ཡིན་མདོག ཡག་མདོག་མང་པོ་ཞིག་གཏོར་འདོད་པ་མ་རེད་ཅེས་ངས་བཤད་མི་ཐུབ། ཁོ་ཚོ་ལས་སླ་པོ་རེད་ཅེས་ངས་ནམ་ཡང་བཤད་མི་ཐུབ།
ཁོ་ཚོ་ཉལ་ན་རྨི་ལམ་དང་བཅས་ཉལ་གྱི་ཡོད་པ་དང་། ཁོ་ཚོ་ལངས་ན་རེ་བ་དང་བཅས་ལངས་ཀྱི་ཡོད། ང་ཚོའི་བཟོད་སྒོམ་དེ་ཁོ་ཚོའི་བཟོད་སྒོམ་མིན། ང་ཚོའི་བག་འཁུམ་དེ་ཁོ་ཚོའི་བག་འཁུམ་མིན། ཁོ་ཚོར་སྐྱི་བཤུ་ཞིག་བྱས་ནའང་ཁོ་ཚོར་ཚུར་སྣང་ཡོད། དེ་ང་ཚོའི་རེ་བ་རེད། དེ་ཁོ་ཚོའི་རེ་བའང་རེད། ངས་མུ་མཐུད་དུ་འབྲི་འདོད་ཡོད། ཡིན་ན་ཡང་ད་ང་བཟི་འདུག ངས་འབྲི་ཐུབ་ཀྱི་མི་འདུག དགོངས་འགལ་མེད་ཞུ།
ཁ་བརྡ་ནི་བོད་རིགས་གྲོགས་པོ་སྐོར་གཅིག་གིས་མཉམ་རུབ་ཀྱིས་བཏོན་པའི་གླེང་སྟེགས་ཤིག་ཡིན།