Archive for the ‘ལྷུག་རྩོམ།’


ཚོང་པ་རྒན་པོ།

རྔ་བ་ཀུན་བཟང་།

མྱུར་དུ་ལས་ལ་ཆས་རྒྱུ་ནི་འཚོ་བ་གང་ལ་གྲུབ་འབྲས་ཐོབ་པའི་རྐྱེན་ཐོག་མ་དེ་ཡིན་བ་ངས་ནར་སོན་གྱི་ལོ་ཟླའི་ཁྲོད་ནས་གོ་མྱོང་། རྒས་རྒྱུ་མེད་པའི་སེམས་པ་ཞིག་ཡོད་པའང་འཚོ་བ་དེ་དང་དེའི་ཁྲོད་ཀྱི་བདེ་སྐྱིད་དང་མཛེས་སྡུག་ལྡན་པའི་རྨི་ལམ་གཉིས་ཀྱིས་མཚོན།

དེ་རིང་ཞོགས་པ་འུར་འུར་ཟང་ཟིང་གི་སྲང་ལམ་ནས་ངས་ཚོང་པ་རྒན་པོ་ཞིག་མཐོང་། དེས་ང་འགྲོ་སའི་ལམ་གྱི་གཡས་ཕྱོགས་ས་ཐོག་ན་ལྷམ་དང་། དོར་མ། སྟོད་ཐུང་། ཞྭ་མོ་སོགས་རས་དཀར་ཆེན་པོ་ཞིག་གི་ཐོག་ལ་རེ་རེ་བཞིན་གཙང་མ་བཟོ་བཞིན་འདུག (more…)

ཁ་པར་དང་སྐུད་ལམ།

རྔ་བ་ཀུན་བཟང་།

སྐྱེ་བོ་ཞིག་འཇིག་རྟེན་འདིར་འཚོ་དུས། ཅི་འདྲའི་ཚིམས་པ་མེད་པའི་སྐོམ་པ་དང་། ངོམས་པ་མེད་པའི་ཚོར་བ་མང་བ་ལ་ཨང་།གཡེར་མའི་བྲོ་བ་ཞིམ་པ་དང་། ཏིག་ཏ་ཡིན་ཡང་མངར་བར་གླེང་། ཡང་ལ་ལས་སེའུ་འབྲུ་སྐྱུར་བ་དང་། གྲང་བའི་ཁ་བ་དང་འདྲེས་ཡང་བཏང་སྙོམས་སྣང་། དེ་ནི་ཅི་འདྲའི་ལྐོག་གྱུར་དང་། བརྗོད་མེད་ཀྱི་གནས་ལུགས་ཞིག་རེད་ཨང་། ཡང་མིན་ན་ཟར་མའི་མེ་ཏོག་ལྟ་བའི་མིག་དབང་ཉམས་སོང་བ་འདྲ།

(more…)

རྐང་འཁོར་དང་ང་།

རྔ་བ་ཀུན་བཟང་།

ནུབ་ཇ་འཐུང་རྗེས་རྐང་འཁོར་བཏང་ནས་དུས་ཚོད་གཅིག་ཙམ་ལུས་སྤྱོང་ལ་སོང་བ་ཡིན། ད་དུང་ལམ་གཡས་གཡོན་དུ་ཡར་མར་ལ་འགྲོ་མཁན་གྱི་ཚང་ཁ་ཤིག་ཤིག་རེད། དེ་ལྟར་བསམ་ན་མི་ཟེར་བ་ངོ་མ་ཆད་རྒྱུ་མེད་པའི་ལས་ཀ་བ་ཞིག་དང་། འགྲུབ་རྒྱུ་མེད་པའི་འཚོ་བའི་ (more…)

མཆོད་གཤོམ་འཐོར་པའི་ཆག་སྒོ།

རྔ་བ་ཀུན་བཟང་ནས།
 
དགོད་སྤྲོད་པའི་འདས་དོན་དག་ཕྱིར་དྲན་བྱེད་དུས། ང་ནམ་ཡང་བྱིས་དུས་ལ་ཡིད་སྨོན་ཤོར། འདས་ཟིན་པའི་འཚོ་བ་ལ་དེ་བས་ཀྱང་མོས། ཡིད་ཀྱི་མེ་ལོང་ན་བསུབ་ཏུ་མེད་པའི་འདས་དོན་མང་ལ། བསམ་པའི་ཕྱི་ནང་ཀུན་ལ་ངེས་གཏན་མེད་པའི་གཏམ་རྒྱུད་ཀྱང་མང་། དེ་དག་རེ་རེ་ད་དུང་ངའི་སེམས་ལ་གསལ་ལྷང་ངེར་དྲན། སྐབས་དེར་ཧ་ལམ་ང་ལོ་དྲུག་ཙམ་ཡིན་པ་འདྲ། ངས་འཚོ་བ་སྐྱེལ་ས་དགུན་ཁང་ཞེས་འབྲོག་པ་རྣམས་དགུན་དུས་སུ་འདུག་སའི་ས་དང་རྡོ་ལས་གྲུབ་པའི་ཁང་པ་ཆུང་ཆུང་དེར་ཡིན།
(more…)

རྒྱང་རིང་གི་ཁ་པར།

རྔ་བ་ཀུན་བཟང་།

དེ་རིང་གློ་བུར་དུ་གཤོག་མེད་ཀྱི་མཁན་རླུང་བརྒྱུད་ནས་ཆ་མེད་ཞིག་གི་ཁ་པར་ཐོན་ཐལ། ངས་དང་པོ་ནས་རྒྱུ་མཆན་གང་ཡིན་འདྲི་མ་ཐུབ། རང་ཉིད་ཡང་ཡ་མཚན་དུ་གྱུར་ནས་ཁོང་གི་སྐད་ཆ་ལ་ཉན། ཧ་ལམ་ལོ་མང་པོའི་གོང་ནས་ངོ་ཤེས་པའི་རྣམ་པ་ཞིག་བསྟན་ན་ཡང་། (more…)

ཁྱེད་རང་ད་དུང་ངའི་སེམས་ནང་གི་མི་དེ་ཡིན།

རྔ་བ་ཀུན་བཟང་།
 
མི་ཞིག་ལ་དགའ་བ་ནི་གློ་བུར་ཏུ་གཡོ་བའི་མུན་ནག་དང་། སྐད་ཅིག་ངང་འགྱུར་བའི་འཇའ་མཚོན་ལྟར་མིན། ཞག་ནས་ཞག་དང་། ཉིན་ནས་ཉིན། ཟླ་ནས་ཟླ། ལོ་ནས་ལོ། མདོར་ན་ཉིན་ཞག་དུས་དྲུག་ལ་ཁྲ་ཆུང་མིག་གིས་འཚོ་ས་དང་གངས་དཀར་སེམས་ཀྱིས་གཏན་ས་དེ་ཡིན།

ཁྱེད་རང་ད་དུང་ངའི་སེམས་ནང་གི་མི་དེ་ཡིན། ངས་འཕྲེང་དོག་དང་དམྱལ་བ་བརྒྱུད་ནས་ཁྱེད་རང་འཚོལ་མྱོང་ལ། མིག་ཆུ་དང་གདུང་བའི་ངང་ནས་ཁྱེད་རང་དྲན་མྱོང་། ད་དུང་། འབྲི་མི་ཚར་བའི་སྙན་ངག་ཁྲོད་ནས་ཁྱེད་རང་བསྒུགས་ནས། (more…)

སྣབས་ལུད་ཚིར་ཚིར་གྱི་བྱིས་དུས།

རྔ་བ་ཀུན་བཟང་།
 
ང་རང་སྐྱེས་ས་འབྲོག་ཁྱིམ་ཞིག་ཡིན་པ་འདྲ། རང་ངོ་ཤེས་དུས་ནས་དགུན་ཁང་ཆུང་ཆུང་ཞིག་གི་ནང་ཕ་མ་མཉམ་དུ་འདུག། མ་ཟད། ངེད་ཚང་ལ་ཨ་ཡེ་མ་གཏོགས་ཨ་མྱེ་སྔར་ནས་མེད་པར་འདྲ།

ཕྲན་ཡང་འབྲོག་ས་ན་ཡོད་པའི་བྱིས་པ་སྣབས་ལུད་ཚིར་ཚིར་ཅན་དག་མཉམ་དུ་འཚར་ལོངས་བྱུང་བས། གྲོང་ཁྱེར་དང་སློབ་གྲྭ་སོགས་ཀྱི་འཚོ་བ་ལ་ཆ་རྒྱུས་དེ་ཙམ་མེད། འབྲོག་ས་ན་ལས་ཀ་མང་ཆེ་བ་རྟ་ནོར་འཚོ་བ་དང་།ཤིང་འཐུ་རྒྱུ། ལྕི་བ་བསྡུ་རྒྱུ། འོ་མ་བཞོ་རྒྱུ་སོགས་རེད། ཞོར་ལ་དགུན་ཁང་ཆུང་ཆུང་དེ་གཙང་མ་རེ་བཟོ་མྱོང་བ་ད་ལྟ་ཡིད་ལ་གསལ་བོར་དྲན། (more…)

བརྗེད་དཀའ་བའི་ཉིན་མོ་ཞིག

བསྟན་འཛིན་ལྷ་སྒྲོན། གསོ་རིག་སློབ་མ།

རྟ་བདུན་དབང་པོ་ལ་རྩེ་ལས་རིམ་བཞིན་མི་སྣང་བ་གྱུར་ཏེ། ཞིང་གྲོང་ཆུང་ཆུང་དེ་ཡང་མུན་ནག་སྟུག་པོས་ཡོངས་སུ་བཀླུབས། གྲོང་མི་རྒན་གཞོན་ཀུན་གྱི་ངོ་ལས་བརྗོད་མི་ཤེས་པའི་སྐྱོ་སྣང་རེ་ངང་གིས་མངོན་པ་ནི། འགྲོ་མགྱོགས་པའི་དུས་ཀྱི་བཞུད་རྒྱུན་དང་ལྷན་རང་གི་ཚེ་སྲོག་གི་མཐའ་རྫོགས་པའི་སྐྲག་སྣང་ཞིག་གིས་ལོས་ཡིན། (more…)

ཨ་ཡེ།

རྔ་བ་ཀུན་བཟང་སྒྲོལ་མ།

ངའི་ཨ་ཡེ་ནི་ཧ་ཅང་བྱམས་སེམས་ཆེ་བའི་སྐྱེས་མ་ཞིག་ཡིན་ཞིང་། ད་ལྟ་ལོ་རྒན་གོ་བརྒྱད་བརྒལ་ཡང་བློ་རིག་ཧ་ཅང་གསལ། སྐུ་གཟུགས་ཐང་ལ་རྣམ་པ་ཡང་མཛེས། ཁོང་ཆུང་དུས་འབྲོག་མོ་ཞིག་ཡིན་ལ། རྟ་ནོར་ལ་དེ་བས་ཀྱང་དགའ་མཁན་ཞིག་རེད། ཁོང་ལ་ཞི་མོ་གཉིས་དང་ཞི་ལུ་གཅིག་ཡོད། ཁོང་ཚོས་ཚང་མ་ད་ལྟ་མི་ཆེན་པོ་ (more…)

ཉིན་ཐོ་རྐུབ་བཀྱགས་མ།

ཐེ་བོ་སངས་རྒྱས།
 
ཕྱི་ཟླ་༡༡ ཚེས་༣ གཟའ་མིག་དམར། ཞོགས་པའི་ཆུ་ཚོད་༧

གནམ་ངོ་སྐྱ་ཤར་ཤར་དང་། ཁོར་ཡུག་གི་ཤིང་ལོ་ཡོད་ཚད་ལ་སེར་ཐིག་བབ་ཅིང་སྟོན་མཇུག་གི་རྣམ་པ་ཤར། ཁམས་ཀྱང་དེ་འདྲ་དྭངས་རྒྱུ་མི་འདུག གནམ་གཤིས་དང་མིའི་སེམས་ཁམས་བར་འདི་འདྲའི་འབྲེལ་བ་ཡོད་དོན་ཅི་ཡིན་ནམ་སྙམ། ག་ལེར་ཁྲུས་ཁང་ནང་ (more…)

རྒྱལ་རོང་བུ་མོའི་མཐའ་མཇུག་གི་ཚེ་སྲོག

རྒྱལ་རོང་སྐལ་བཟང་གཡུང་དྲུང་།
 
དངོས་མིང་ཨ་མཚོ། དྲྭ་མིང་ལ་བུ་མོ་ནག་པོ་འམ་ལྷ་མོ། མོ་ནི་1990ལོ་རྒྱལ་རོང་ཁྲོ་སྐྱབས་ཐུགས་རྗེ་ཆེན་པོའི་ཉེ་འགྲམ་དུ་(དུ་མུ་ཞེས་པའི་ས་ཆ་དེར་ཁྱིམ་ཚང་གི་མིང་ལ་དཀའ་ངལ་རེ་)ཞེས་པའི་དུད་ཚང་དཀྱུས་མ་ཞིག་གི་ནང་དུ་ཆེས་ཐོག་མར་གཉོམ་ཆུང་གཉོམ་ཆུང་ཞིག་གི་ངུ་སྐད་དང་ལྷན་དུ་ལྟེ་བའི་ཁྲག་ཐིགས་དྲོན་མོ་ས་ལ་འཕོས། འོན་ཀྱང་མོ་རང་ཆུང་དུས་ནས་ཕ་མ་གཉིས་བཟའ་འཐོར་བྱས་པས་རྐྱེན་གྱིས་མོ་ནི་ (more…)

ཤ་ཉེ་རིང་འཛོམས་པ་ཡག་མོ་རེད།

ཁྲོ་གཏུམ།
 
མཛེས་སྡུག་གི་གངས་རི་དང་སྤང་རི། གཡའ་རི། ནགས་ཚལ་གྱིས་བཏུམས་པའི་རི་བོ། དྭངས་གཙང་གི་རྫ་ཆུ་བསིལ་མ་ཤག་ཤག་འབབ་ས། ལྗོན་ཤིང་དང་མེ་ཏོག སྨན་རྩྭའི་རིགས་ཀྱི་དྲི་ཞིམ་ཕྱོགས་བཅུར་ཁྱབ་པ། གནས་འདི་ནས་ཕ་མེས་ཡང་མེས་ཀྱི་འཚོ་བའི་དགོད་སྒྲ་མཆེད་ཅིང་། རིགས་རྒྱུད་ཀྱི་སྨྱུ་གུ་གང་སར་མཆེད་པའི་ལོ་རྒྱུས་ཀྱི་དཔང་པོ་ཡོད་ཅིང་། རྟ་ནོར་ལུག་གསུམ་གྱི་རྗེས་སུ་ལྷིང་འཇགས་དང་ཞི་བདེར་རོལ་བའི་ཡུལ་གྲུ་ལ། ང་ཚོས་ནམ་ཡང་དད་མོས་དང་རྣམ་ཤེས་ཀྱི་གསེང་ལ་འཐིམས་པའི་བག་ཆག་ཟབ་མོ་ག་ཚོད་ཅིག་བཤད་མ་ཕོད་པ་དང་། ཡང་ན་བཤད་མ་ཤེས་པར་བག་ལ་ཉལ་བའི་སེམས་པ་གང་མང་ཞིག་ཡོད་པ་ནི་གདོན་མི་ཟའོ།། (more…)

མངར་ཁ་སྐྱུར་གསུམ།

གཡུ་སྒང་དགེ་འདུན་གྱིས།
 
ཁ་བའི་འདབ་མར་ཞེན་ཀྱང་། བདག་ཏུ་མ་ཐོབ་པའི་སྐྱོ་སྣང་ཁ་པོ་ལྕེ་རྩེར་འཁྱིལ། རེ་བའི་སྤྲིན་གསེབ་ནས་ངུ་ངག་གི་ཆར་རྒྱུན་བར་མེད་འབབས་ཀྱང་། སྐོམ་གདུང་གིས་གཙེས་པའི་རྣམ་ཤེས་དག་སྨིག་རྒྱུ་རུམ་པའི་ནམ་ཟླར་ཡང་ཡང་འགྲོགས། ཡོད་ཚད་བུ་བཞིན་སྐྱོང་བའི་གངས་སེང་དཀར་མོས། དཀའ་སྡུག་ཡོད་ཚད་བདག་གིར་བཞེས་ཏེ་བགྲང་བྱ་བདུན་ཅུར་མངར་ཁ་སྐྱུར་གསུམ་གྱི་བྲོ་བ་མྱངས། དཀའ་སྡུག་གྲངས་མེད་ཀྱི་ཐུ་འོག་ནས་མཐོ་སྒང་དང་ཁ་བའི་ཆེད། (more…)

ཆོས་འཁོར་དུས་ཆེན།

སྐྱོ་བྲག་དགའ་དབང་།
 
ཆུ་སྟོད་ཟླ་བའི་ཚེས་པ་བཞི་ནི། ཤེས་བྱ་ཀུན་ཁྱབ་ལས། རྫོགས་པའི་སངས་རྒྱས་ཤིང་སྒྲོལ་རྒྱུའི་དྲུང་དུ་བཞུགས་པའི་ཚེ་རང་གིས་བརྙེས་པའི་ཆོས་ཟབ་མོ་དེ་འཇིག་རྟེན་པ་ཀུན་གྱིས་མི་རྟོགས་པར་དགོངས་ཏེ། ཟབ་ཞི་སྤྲོས་བྲལ་འོད་གསལ་འདུས་མ་བྱས།། བདུད་རྩི་ལྟ་བུའི་ཆོས་ཤིག་བདག་གིས་རྙེད།། སུ་ལ་བསྟན་ཀྱང་གོ་བར་མི་ནུས་པས།། (more…)

༄༅།། རྒྱལ་བའི་བཞད་སྒྲ།

རྨ་ཆུའི་དོན་ཁོ།
 
ཨེ་མ།
ཇི་འདྲའི་སྙན་འཇེབས་ལྡན་པའི་དབྱངས་རྟ་ཞིག
ཇི་འདྲའི་ཡིད་དུ་འོང་བའི་སྒྲ་དབྱངས་ཤིག
སེམས་ཀྱི་གཏིང་རིམ་ལ་འཐིམ་པའི་འགྱུར་ཁུགས་ཤིག
རྐང་གི་ཁོང་དུ་ཟུག་པའི་གསུང་སྐད་ཅིག
དེ་ནི། ཚངས་སྲས་རྒྱུད་མངས་དང་། ཁུ་བྱུག་གསུང་སྙན་སོགས་གང་ཡང་མིན་པར། དེ་ནི་སྐྱེས་བུའི་ཤེས་རྒྱུད་ཀྱིས་ཟིན་ཅིང་། ཟབ་མོ་དབུ་མའི་ལྟ་གྲུབ་དབྱངས་སུ་གྱེར་བའི་རྒྱལ་བའི་བཞད་སྒྲ་སྟེ། རྒྱལ་ཀུན་སྙིང་རྗེའི་རང་གཟུགས་འཕགས་མཆོག་ཕྱག་ན་པདྨོ་མིའི་རྣམ་པར་རོལ་བའི་བཞད་སྒྲ་རེད།
ཁྱེའུ་ལྷ་མོ་དོན་འགྲུབ། (more…)

ང་ནི་བུད་མེད་ཅིག་སྟེ་ང་ནི་བོད་མོ་ཞིག་ཡིན།

རྨ་ལྷོ། ངྷ་ན་ཀོ་ཤ།
 
ང་ནི་བུད་མེད་ཅིག་སྟེ་གནམ་གྱི་ཕྱེད་ཀ་ཡིན།
ང་ནི་བོད་མོ་ཞིག་སྟེ་གཡའ་དག་པའི་མཁའ་དབྱིངས་ཡིན།
ཡིན་ནའང་། ངས་བུད་མེད་ཅིག་གམ་བོད་མོ་ཞིག་གིས་བསྒྲུབ་འོས་པའི་འགན་ཁུར་ཡོངས་སུ་འགྲུབ་མེད་པ་འདྲ། དེ་ནི་ངས་བཞོ་ལོང་བཏགས་ཤིང་བཞོ་ཟེའུ་བསྐྱོར་ཏེ་འབྲི་དང་མཛོ་མོའི་ནུ་མགོར་འཇུས་མ་མྱོང་ལ། ངས་འོ་འཁོར་ཐོགས་ནས་སྟོང་བཤིགས་མར་ལོ་རིལ་བུར་ཡང་ཕབ་མ་མྱོང་། ངས་ད་དུང་དར་བ་བསྐོལ་ཏེ་ཆུར་བ་བཙགས་མ་མྱོང་ལ། ངས་དཀར་ཡོལ་ནང་འབྲུ་མར་མར་ལོ་འཕངས་ནས་སྦྲང་དཀར་རྩམ་པ་ཡང་བརྫི་མི་ཤེས་པའི་ཚོད་རེད། ཐ་ན་ངས་ལྕི་བ་བསྒྲུགས་ཏེ་ཨོང་བའི་འབར་རྫས་བརྩིག་མི་ཤེས་ལ། “རིལ་མར་མེ་བསྒོས་ཤིང་ཡུ་ཏོར་ཁྲབ་བསྐོན་ཏེ་ཧོར་དམག་བསྐྲད་པ་གླིང་འབྲུག་མོའི་ཐབས་རྩལ”ལྟ་ཞོག (more…)

ཕུགས་བསམ།

རིག་རྣམ། (དཔེ་སྟོན་སློབ་གྲྭ འཛིན་གྲྭ དྲུག་པ། རང་ལོ་༡༣)
 
ཉ་རྒྱས་ཟླ་བ་ནི་སྐེད་ཕྲའི་འཛུམ་མདངས་མངོན་པ་ཇི་བཞིན་སྤྲིན་རྡོག་གཅིག་ཀྱང་མེད་པའི་བར་སྣང་ཐོག་ཁྲ་ཚོམ་རྒྱུ་སྐར་དང་མཉམ་དུ་ནམ་མཁར་རྒྱན་བཞིན་འདུག རིམ་བཞིན་མཚན་མོ་འདས་ཏེ་སྐྱ་རེངས་ཀྱི་ཉི་གཞོན་དགུང་སྔོན་གྱི་དབྱིངས་སུ་མགྲོན་དུ་ཕེབས་པ་ན། འོད་ཟེར་གྱི་འདབ་མ་རེ་རེ་ས་གཞི་ཆེན་མོའི་པང་དུ་ལྷུང་བ་དང་ཆབས་ཅིག་བྱིའུ་ཆུང་འཇོལ་མོས་སྙན་འཇེབས་ལྡན་པའི་གསུང་སྙན་སྒྲོག་པ་སྒྲོག་པ་དང། བདག་ལས་ལས་ལངས་ཏེ་སྒེའུ་ཁུང་གི་ཕྱི་ལ་མགྲིན་པ་བསྲིངས་ནས་མཁའ་རླུང་གཙང་མ་རྔུབ་བཞིན་ཕྱི་རོལ་གྱི་ཡུལ་ལྗོངས་མིག་ཟུང་གིས་ལོངས་སྤྱོད་བྱེད་སྐབས་ཡངས་ཤིང་རྒྱ་ཆེ་བའི་མཁའ་དབྱིངས་སུ་བྱིའུ་འཕུར་སྐྱོད་བྱེད་མཁན་མེད་ཅིང་བགྲོད་ལམ་གྱི་སྟེང་དུ་མི་ཕར་འགྲོ་ཚུར་འགྲོ་བྱེད་མཁན་མཐོང་རྒྱུ་མི་འདུག བདག་མི་མེད་ལུང་སྟོང་ཞིག་ཏུ་སླེབས་པ་ལྟ་བུའི་ཚོར་སྣང་ཞིག་བྱུང། དུས་ཚོད་ཅུང་ཙམ་ལས་མ་འདས་ (more…)

སྙིང་ཉེ་བའི་དབྱངས་གསལ་མཚོ།

སྙན་དོན་སྙིང་པོ།
 
ངས་ཡ་ཁའི་སྣབས་ལའང་བདག་པོ་བྱེད་མི་ཤེས་ཤིང་མགོ་ཡི་རལ་བ་རླུང་ལ་འཕྱོ་བཞིན་རྐང་རྗེན་དུ་ཁོད་ཡངས་བའི་འབྲོག་ཡུལ་གྱི་རྩྭ་ཐང་ན་རྒྱུག་མ་འདུར་ཀྱིས་རྩེད་འཇོར་གཡེངས་བའི་བྱིས་དུས་ཤིག་ལ་འུ་གཉིས་དང་ཐོག་འཕྲད་ས་ནི་འབྲོག་གི་སྦྲ་ཁྱིམ་ན་དྲེག་པ་ཧ་ཅང་མོད་པའི་ཤིང་གི་མར་སྒམ་གྱི་འགྲམ་དེ་ཡིན་པ་ཕྲན་གྱི་དྲན་པའི་ཟབ་ས་གསལ་ལྷང་ངེར་འདུག

དྲིན་ཆེན་གྱི་ཨ་མྱེས་འདས་པོས་ཁྱེད་ཀྱི་མཛེས་སྡུག་ (more…)

བལ་ཡུལ་མཆོད་རྟེན་གྱི་གཏམ་རྒྱུད་ཐོར་བུ། (ཚན་པ་བཞི) 

དགེ་བསྟན།
 

གཅིག སྤྲང་པོ།

རེ་བའི་མིག་གི་འགུལ་སྐྱོད་ཤིན་ཏུ་མྱུར་བའི་སྤྲང་པོ་ཞིག་ལམ་འགྲམ་དུ་བསྡད་ནས་གཏོང་ཕོད་ཅན་གྱི་སྦྱིན་བདག་ལ་སྒུག་བཞིན་འདུག །ཐེམ་སྤང་བཀའ་རྒྱ་བཏང་ནས་ཟླ་བ་གཉིས་ལྷག་ཕྱིན་ཟིན་པས། ཁོའི་ཉེ་འཁོར་གྱི་ཁྱི་འཁྱམ་དེ་དག་གི་ལྟོ་བ་ཡང་དབུགས་ཤོར་བའི་ལྒང་ཕུག་དང་མཚུངས།

མདུན་གྱི་ཤེལ་ཀོའི་སྟེང་དུ་”སངས་རྒྱས་བལ་ཡུལ་དུ་འཁྲུངས་” (more…)

དད་པས་ཡིད་ཁམས་སྐྱོམ་པའི་རླབས་ཕྲེང་ནོར་བུའི་དོ་ཤལ།

དར་ལྕེ་ཟད་པོ།

མཐའ་བཞི་ས་འཛིན་དཀར་པོས་ཡོངས་སུ་དཀྲིགས་པའི་བསིལ་ལྡན་ཁ་བའི་ཞིང་ཁམས་སུ་མཁས་དབང་གསེར་རིའི་ཕྲེང་བའི་དབུས་ན་གསེར་གྱི་ལྷུན་པོ་ལྟར་མངོན་པར་འཕགས་པ། མདོ་རྒྱུད་དགོངས་པ་རང་དབང་དུ་འགྲེལ་བའི་འོད་སྣང་མཆོག་ཏུ་འབར་ཞིང་གདུལ་བྱའི་བློ་མུན་རྣམ་པར་སེལ་བ་ལ་ཉི་མ་འབུམ་གྱི་གཟི་བརྗིད་དང་ལྡན་པ། ཉེས་ལྟུང་གི་དྲི་མ་ཙམ་ཡང་གོས་མ་མྱོང་བའི་འཕགས་པ་དགྱེས་པའི་ཚུལ་ཁྲིམས་ཡལ་འདབ་སྡུག་གུ་རྣམ་པར་བཀྲ་བའི་འདོད་དགུ་འཇོ་བའི་དཔག་བསམ་ལྗོན་པ་ཆེན་པོ། འཕགས་པ་ཀླུ་སྒྲུབ་ཡབ་སྲས་ཀྱི་དགོངས་པ་མཐར་ཐུག་དབུ་མའི་གྲུབ་མཐའ་གཞན་དང་མ་འདྲེས་པ་ཐལ་འགྱུར་བའི་ལུགས་སུ་གསལ་བར་བཀྲལ་པའི་ཤིང་རྟའི་སྲོལ་འབྱེད་ཆེན་པོ། མཁས་དང་གྲུབ་པའི་ཡོན་ཏན་གྱིས་སྙེམས་པའི་དྲན་དབང་།   ཐོབ་དང་གོ་སས་དྲེགས་པའི་ས་སྐྱོང་། སྟོབས་དང་འབྱོར་པས་མཛེས་པའི་ (more…)