Archive for the ‘ངོ་སྤྲོད།’


དཔེ་དེབ་ངོ་སྤྲོད།

ཁ་བ་ནག་པོ་ནས།

སིམ་འཛུལ།  ཨོ་སི་ཊི་ལི་ཡའི་རྒྱལ་ཁབ་ནང་རྒྱ་ནག་གི་ཤུགས་རྐྱེན།

ཉེ་ཆར་ཨོ་སི་ཊི་ལི་ཡའི་རྒྱལ་ཁབ་ནང་རྒྱ་ནག་གི་ཤུགས་རྐྱེན་ཆེན་པོ་སླེབས་ཡོད་པའི་སྐོར་གྱི་དཔེ་དེབ་སྐད་གྲགས་ཅན་ཞིག་པར་སྐྲུན་བྱུང་བ་རེད། དཔེ་དེབ་དེ་སྐད་གྲགས་ཆགས་དགོས་པའི་རྒྱུ་མཚན་གཙོ་བོ་ནི་དཔེ་དེབ་དེ་ཨོ་སི་ཊི་ལི་ཡའི་རྒྱལ་ཁབ་ནང་རྒྱ་ནག་གི་ཤུགས་རྐྱེན་སྐོར་བྲིས་པ་ཙམ་མ་ཡིན་པར། དཔེ་དེབ་པར་སྐྲུན་སྔ་རྗེས་ཀྱི་གནས་ཚུལ་མང་པོ་ཞིག་ (more…)

བོད་ཀྱི་དམག་དཔོན་དང་མདའ་དཔོན་གྱི་གོ་གནས་བཞེས་མྱོང་བའི་ཉི་ཧོང་པ་ཞིག་གླེང་བ།

སྙན་བཟང་གཡུང་དྲུང་ཚེ་རིང་།

ཉི་ཧོང་གི་ཡུལ་འདིར་མིའི་འགྲོ་བ་བྱུང་ནས་ལོ་ངོ་ཁྲི་གཅིག་ལྷག་ཕྱིན་པ་དང་། དུས་རབས་གསུམ་པའི་ནང་ཡ་ཡོ་ཨིའི་( Yayoi )ཡུལ་དུ་རྒྱལ་ཕྲན་ཆུང་ཆུང་མང་པོ་ཕྱོགས་གཅིག་ཏུ་བསྒྲིལ་བའི་ཡ་མ་ཐ་ཨི་ཁོ་ཀུ་( Yamataikoku)ཞེས་པའི་རྒྱལ་ཕྲན་ཆེན་པོ་ཞིག་ཆགས་ནའང་། དུས་རབས་གསུམ་པའི་མཐའ་ལ་རྒྱལ་ཕྲན་དེ་མེད་པར་མངོན། དུས་རབས་བཞི་པའི་མགོ་ཙམ་ལ་ཡ་མ་ཐོ་( Yamato)གྲགས་པའི་རྒྱལ་ཁབ་ཅིག་ཡུལ་འདིར་ཐོག་མར་དབུ་བརྙེས་པས་རྒྱལ་ཁབ་ཅིག་གི་དབྱིབས་ཐོན་པ་དང་། སྐབས་དེར་རྒྱ་ནག་དང་ཁོ་རེ་ཡའི་དབར་དམག་འཐབ་ལན་མང་བྱུང་བས་ཡུལ་དེ་གཉིས་ནས་མི་མང་པོ་ཞིག་ཡ་མ་ཐོའི་རྒྱལ་ཁབ་ལ་བྲོས་བྱོལ་དུ་འབྱོར་འདུག་ལ། ཡུལ་འདིའི་ཤེས་རིག་དང་། ལམ་ལུགས། ཅ་ལག་མང་པོ་ཞིག་རྒྱ་ནག་ཡུལ་ནས་བླངས་པར་བཤད། (more…)

གདན་ས་སྟག་ཚང་ལྷ་མོའི་གསོ་རིག་འགྲོ་ཕན་གླིང་གི་མཁན་ཟུར་མདོ་སྔགས་རབ་འབྱམས་སྨྲ་བ་དགེ་བའི་བཤེས་གཉེན་ཆེན་པོ་ཚུལ་ཁྲིམས་འོད་ཟེར་མཆོག་གི་རྣམ་ཐར་ངོ་སྤྲོད།

རེ་མདོ་སེངྒེས་འོས་སྦྱོར་བྱས།

༄༅།། ཕྱི་ལོ་ ༢༠༡༨ ལོའི་ཟླ་ ༣ ཚེས་ ༣༠ ཉིན་གྱི་ཞོགས་པ་སྔ་བོར་དགེ་བའི་བཤེས་གཉེན་ཆེན་པོ་ཨ་ཁུ་ཚུལ་ཁྲིམས་འོད་ཟེར་མཆོག་དགོངས་པ་རྫོགས་པའི་གནས་ཚུལ་ཐོས། ཁོང་ད་ལོ་དགུང་ལོ་བརྒྱད་ཅུ་གྱ་བརྒྱད་ལ་ཕེབས་པས་སྐུ་ཚེ་བཟང་མཐར་ཕྱིན་པ་ཞིག་ཡིན་ཡང། ཁོང་གི་ཡིད་དུ་འོང་བའི་མཛད་སྤྱོད་དང་གཏིང་མཐའ་བྲལ་བའི་མཁྱེན་ཡོན་སེམས་ལ་དྲན་པའི་སྐབས། བསམ་བློའི་ནང་ཕངས་སེམས་ཆེན་པོ་ཞིག་རང་བཞིན་གྱིས་ཡོང་གི་འདུག འོན་ཀྱང་འདི་ལྟར་མི་ཐོག་བརྗེས་ནས་འགྲོ་དགོས་པ་ནི་ཟློག་ཐབས་མེད་པའི་ཆོས་ཉིད་ཅིག་ཡིན་པས། (more…)

དཀྲུག་ཤིང་ནི་དུས་རབས་འདིའི་ནང་གི་གོ་མཚོན་གནག་ཤོས་རེད་ཟེར།

བསྟན་འཛིན།

ཉེ་འཆར་རྒྱལ་སྤྱིའི་དམག་འཁྲུག་ཐབས་བྱུས་ཀྱི་མཁས་དབང་ཚོས་ཤོད་རྒྱུར། འདས་པའི་ལོ་བཅུའི་རིང་དཀྲུག་ཤིང་དེ་གོ་མཚོན་གནག་ཤོས་དང་ནུས་པ་ཆེ་ཤོས་ཆགས་ཡོད་པས། ད་ཆ་སྟོབས་འབྱོར་རྒྱལ་ཁབ་ཚང་མས་དེ་བཀོལ་བར་འགྲོ་སོང་མང་པོ་གཏོང་བཞིན་ཡོད་ཅེས་གསུངས། ཐོག་མར་ཨ་རིས་དཀྲུག་ཤིང་ལ་བརྟེན་ནས། ཨ་རབ་རྒྱལ་ཁབ་ནང་ལ་ཨ་རིའི་ཁ་གཏད་མང་པོ་མེད་པ་བཟོས་འདུག དེ་བཞིན་དཀྲུག་ཤིང་ལ་བརྟེན་ནས་རྒྱལ་ཁབ་གཞན་གྱི་ཚོང་ལས་ལ་ཤུགས་ཆེའི་གནོད་པ་བཟོས་ཡོད། དེ་བཞིན། ཨུ་རུ་སུས་ལོ་མང་པོའི་རིང་། དཀྲུག་ཤིང་གི་གོ་མཚོན་གསར་བཟོ་དང་ཡར་རྒྱས་བཏང་ནས། ལོ་སྔོན་མ་ཨ་རིའི་འདེམས་ཤོག་ལ་ཕོག་དུག་བཏང་འདུག ཨུ་རུ་སུས་བཤད་རྒྱུར་ཨ་རིས་དཀྲུག་ཤིང་ལ་བརྟེན་ནས། རུ་སུའི་ཕུ་ཊིང་མི་ངན་པ་ (more…)

བགྲེས་པོའི་འབེལ་གཏམ་འདོན་ཐེངས་༡༨པ་གསར་ཐོན་བྱུང་བ།

ཆོས་འཁོར་ཚང་དགེ་བཤེས་གཡུང་དྲུང་རྒྱ་མཚོས།
 

བགྲེས་པོའི་སྔོན་གླེང་གྱེར་གཤེན་སྨྲང་རབས།

 
དུས་ཀྱི་འགྱུར་འགྲོས་སྣ་ཚོགས་དང་། གདུལ་བྱའི་བསོད་ནམས་ཀྱི་འཕེལ་འགྲིབ། བསྟན་འཛིན་གྱི་འཕྲིན་ལས་རྒྱས་བསྡུས་སོགས་ཀྱི་དབང་གིས་སྲིད་པ་གཡུང་དྲུང་བོན་བསྟན་རིན་པོ་ཆེ་འདི་ཉིད་ལ་བསྟན་བདག་གཤེན་པོ་ཆེ་དེ་ཉིད་ནས་བཟུང་ད་ལྟའི་བར་བསྟན་པ་བརྒྱུད་ཚུལ་གོང་འཕེལ་དང་ (more…)

ཨ་སྒོར་ས་ཡ་གཅིག་དང་ཕྱེད་ཀ་དང་། བློ་སེང་། སྐལ་རྡོར། སྤེན་ཚེ་གསུམ།

གྱི་ན་བ་བློ་བཟང་རྡོ་རྗེ།

རྒྱབ་ལྗོངས།

བོད་ཀྱི་ཐེབས་རྩ་ཁང་འདི་ནི་རིན་ཆེན་དར་ལོ་ཨ་རི་སྐུ་ཚབ་དོན་གཅོད་འཁྱུར་སྐབས། དེ་དུས་ཀྱི་དམིགས་བསལ་སྐུ་ཚབ་རྒྱ་རི་བློ་གྲོས་རྒྱལ་མཚན་དང་དྲིལ་བསྒྲགས་བཀའ་བློན་བཀྲ་ཤིས་དབང་འདུད་གཉིས་ཀྱིས་བཀའ་ཤག་ལ་ཞུས་ནས། དོན་གཅོད་གསར་པ་ཟླ་བ་ཚེ་རིང་ལ་རྩིས་སྤྲོད་མི་དགོས་པར་ཨ་རི་དོན་ཁང་གི་ཟུར་སྐྱོང་སྡེ་ཚན་གྱི་ངོ་བོར་བསྒྱུར་བ་ཞིག་ཡིན་པ་ཡོངས་གྲགས་རེད། (more…)

Chrome དྲ་སྟེགས་ནང་མཚོ་སྔོན་བོད་སྐད་དྲ་ལམ་རྒྱང་སྒྲོག་བརྙན་འཕྲིན་ཁང་གི་གློག་བརྙན་ལ་བལྟ་ཐབས།

དོན་གྲུབ།
 
སྤྱིར་མཚོ་སྔོན་བོད་སྐད་དྲ་ལམ་རྒྱང་སྒྲོག་བརྙན་འཕྲིན་ཁང་གི་གློག་བརྙན་རིགས་བལྟ་བདེ་བོ་ཡིན་མོད། Chrome ནང་flash ཟེར་བའི་བརྙན་སྟོན་ཆས་ཀྱི་སྒྲིག་འགོད་ཏག་ཏག་མ་བསྒྲིག་ན་མཚོ་སྔོན་བོད་སྐད་དྲ་ལམ་རྒྱང་སྒྲོག་བརྙན་འཕྲིན་ཁང་གི་གློག་བརྙན་རིགས་ལ་བལྟ་མི་ཐུབ་པ་ཡིན། སྤྱིར་ང་རང་ཁོམ་སྐབས་ཨམ་སྐད་གློག་བརྙན་རིགས་ལ་ལྟ་བར་ཧ་ཅང་དགའ་མོད། བར་ལམ་ཞིག་ནས་Chrome ནང་Flash ཟེར་བའི་བརྙན་སྟོན་ཆས་དེ་བསྒྲིག་མ་ཤེས་སྟབས། དུས་ཡུན་གང་མཚམས་ལྷག དེའི་ཕྱིར་མི་གཞན་ལའང་དཀའ་ངལ་འདིའི་རིགས་ཕྲད་ཡོད་སྲིད་ན། འདི་ནས་Chrome (more…)

ཇའི་གཏམ་རྒྱུད་ཐོར་བུ།

མི་ལོ་སུམ་ཅུའི་གོང་དུ་ང་རྒྱ་གར་དུ་འབྱོར་ཅིང་། ངས་རྒྱ་གར་གྱི་སྲང་ལམ་ཉུལ་ནས་རྒྱ་གར་གྱི་ཇ་འཐུངས། བོད་པ་རྣམས་ཀྱིས་རྒྱ་གར་གྱི་ཇ་འདི་ལ་ཇ་མངར་མོ་ཞེས་འབོད། ལས་ཁུངས་ཆེ་ཁག་ལ་བཅར་སྐབས་ཀྱང་ཇ་འདྲེན་ལ། སྲང་ལམ་ཁུག་ཀྱོག་ལ་བསྐྱོད་ནའང་ཇ་ཚོང་ཁང་ཡོད། མེ་འཁོར་ནང་དུ་ཞུགས་སྐབས་ “ཇའེ། ཇའེ། ཇའེ”ཞེས་བོད་ཀྱི་དབུ་མཛད་རྣམས་ཀྱི་སྐད་གདངས་ལ་འགྲན་འཛུགས་པའི་ཇ་ཚོང་པའི་སྐད་དེ་ཐོས་ཡོང་། (more…)

ལི་སི་པོན་གྲོང་གསེབ་ཆུང་ཆུང་རེད།

ང་ ༡༩༩༥ ལོའི་སྤྱི་ཟླ་ ༦ ཚེས་ ༣ ཉིན་ ལི་སི་པོན་[Lisbon] ལ་སྐྱེས་པ་རེད། ལི་སི་པོན་གྲོང་ཁྱེར་ཆེན་མོ་མ་རེད། ལི་སི་པོན་གྲོང་གསེབ་ཆུང་ཆུང་རེད། ལི་སི་པོན་གྱི་མི་འབོར་ཆུང་ཆུང་རེད། གྲོང་གསེབ་དེ་ལ་མི་གསུམ་སྟོང་ཙམ་ཡོད་རེད།

ལི་སི་པོན་འཁྲུག་པོ་མ་རེད། ལི་སི་པོན་ལ་གློག་བརྙན་ཁང་དང་། གཅན་གཟན་ཁང་། འགྲེམས་སྟོན་ཁང་། ཨེ་ནས། མཐའ་ན་སྨན་ཁང་ཡང་ཡོད་མ་རེད། ཡིན་ན་ཡང་། ནག་ཉེས་དཀོན་པོ་ཡིན་ཙང་ཉེན་རྟོག་པ་ཉུང་ཉུང་ཡོད་རེད། (more…)

བོད་ཀྱི་ཤིང་སྤར་དུ་བརྐོས་པའི་ཨིན་ཇིའི་སྙན་ཐོ།

དགེ་འདུན་རབ་གསལ་གྱིས།

Basil Gould and the Tibetan Prime Minister- Lonchen Langdun- sitting in the British Political Officer’s residence called Dekyi Lingka (Wikipedia)

(པར་དང་བཅས་པའི་རྩོམ་ཡིག་འདིའི་མ་ཡིག་ PDF ཐོག་གཟིགས་ན་འདིར་ཡོད། Gould’s report in tibetan final)

ཁ་བྱང་། ལྷར་བཅས་སྲིད་ཞིའི་གཙུག་རྒྱན་༧གོང་ས་རྒྱལ་དབང་སྐུ་ཕྲེང་བཅུ་བཞི་པ་ཆེན་པོ་ངོས་འཛིན་ཞུ་ཚུལ་དང་།  གསེར་ཁྲིར་མངའ་གསོལ་སོགས་མདོ་ཙམ་བཀོད་པ་བཞུགས་སོ།།  ལོ་ཙ་བ།  ར་ཎི་ཆོས་ཉིད་རྡོ་རྗེ་དང་། ལྕང་ལོ་ཅན་བསོད་ནམས་རྒྱལ་པོ།  པར་མ།  ལྷ་སའི་ཤིང་སྤར།  ཤོག་གྲངས་ ༢༩། ༼བོད་ཀྱི་ནང་བསྟན་དཔེ་ཚོགས་ལྟེ་གནས་ཀྱི་དྲ་ཐག་  https://www.tbrc.org/#!rid=W1KG12176

མ་ཡིག་གི་ཁ་བྱང་། Report on the Discovery, Recognition and Installation of the Fourteenth Dalai Lama རྩོམ་པ་པོ། དབྱིན་གཞུང་འབྲས་སྤྱི་བློན་ཆེན་སར་ འབི་སིལ་ འགུ་ལོ་ཊ། པར་མ་དང་པར་ལོ། རྒྱ་གར་གཞུང་གིས་ ༡༩༤༡ ལོར་པར་སྐྲུན་བྱས་པ། ཤོག་གྲངས་ ༢༥། (more…)

རིག་པའི་ཁྱེའུ་ཡི་མཚམས་སྦྱོར།

ཉེ་ཆར་རྡ་རམ་ས་ལ་བོད་ཀྱི་དཔེ་མཛོད་ཁང་གིས་པར་སྐྲུན་བྱས་པའི་“རིག་པའི་ཁྱེའུ། དུས་རབས་བཅུ་གསུམ་པར་ཐ་སྙད་རིག་གནས་བོད་ལ་ཇི་ལྟར་སླེབས་པ་ལས་འཕྲོས་པའི་དཔྱད་རྩོམ་དང་གཞན།”ཞེས་པའི་དེབ་འདི་རྒྱ་གར་ནས་གུས་པར་བསྐུར་བ་འབྱོར་ཅིང་། དེབ་འདིའི་པར་རིས་འགའ་རེ་སྔ་ཕྱིར་དྲ་ངོས་སུ་བཀྲམས་པ་ཡིན་ལ། ད་ཆ་དེབ་འདི་ལ་འདྲི་བརྩད་བྱེད་མཁན་འགའ་རེ་འདུག་སྟབས་དེ་རིང་དུས་བསྟུན་གྱིས་དེབ་ཀྱི་ངོ་སྤྲོད་རགས་བསྡུས་ཤིག་འགོད་པ་བྱ། (more…)

༄༅།། སངས་རྒྱས། ཞེས་པའི་བོད་བསྒྱུར་མུ་འབྲེལ་བརྙན་འཕྲིན་ཟློས་གར་ངོ་སྤྲོད་མདོར་བསྡུས།

ཆབ་ཚང་འཇམ་དཔལ།

 

བདག་ཅག་གི་སྟོན་པ་སྐུ་འཁྲུངས་ས་རྒྱ་གར་ཡིན་ནའང་ཁོང་གི་སྐུ་གསུང་ཐུགས་ཀྱི་བྱིན་རླབས་ཆ་ཚང་བ་ང་ཚོ་བོད་མི་རིགས་ཀྱི་བགོ་སྐལ་དུ་ཤར་བ་རེད། འཇིག་རྟེན་འདིར་རྒྱ་ཆེ་ཆུང་ལ་མ་ལྟོས་པར་ཆོས་ལུགས་མི་འདྲ་བ་ཧ་ཅང་མང་པོ་ཡོད་པར་མ་ཟད། (more…)

ཀུ་ཐང་ཕུག་རོན་ཕུག་མཇལ་བ། ༣༽

སྐྱོ་བྲག་དགའ་དབང་།

 

ང་ནི་གྲ་སྒྲིག་པ་ཡིན་པའི་ཁུལ་གྱིས། ཨོ་རྒྱན་ཆེན་པོས་སྦས་གནས་སུ་བྱིན་གྱིས་བརླབས་པ། ཡུལ་འབྲས་མོ་ལྗོངས་ཀྱི་དབུས་འགྱུར་འཆང་། གདན་ས་ར་ལང་དཔལ་ཆེན་ཆོས་གླིང་ནས། སྤྱི་ལོ་ ༢༠༡༧ ཟླ་ ༩ ཚེས་ ༢༧ ཉིན་རླངས་འཁོར་ནང་ཐེག་སྟེ། རྒྱ་གར་གྱི་ཐང་ཆེན་པོའི་ཚུར་མཐའ། ཧི་མ་ལ་ཡའི་རི་རྒྱུད་ཀྱི་ཕར་མཐའ། རི་ཐང་ཟད་པའི་འཕྲད་མཚམས་སུ་ཁེལ་བ། ས་མིང་ཤྲི་གུ་རུ་བྱ་བར། གདན་ས་རུམ་བཏེག་གྲྭ་ཚང་གི་ཁང་པ་ཡོད་པ་ལ་བསྡད་ཅིང་། སྤྱི་ཚེས་ ༢༩ ཉིན་རྒྱ་བལ་གྱི་ས་མཚམས་ཀཱངྐ་ཌ་བྷིཊྚཱ་བྱ་བ་བརྒལ་ནས། མཁའ་ལམ་བརྒྱུད་བལ་པོའི་རྒྱལ་ས་ཡམ་བུའི་མཆོད་རྟེན་བྱ་རུང་ཁ་ཤོར་གྱི་རྒྱབ་ལོགས་སུ་ཡོད་པ། གནས་ནང་དཔའ་བོ་རིན་པོ་ཆེའི་དགོན་པ་སྡོད་གནས་སུ་བྱས་ཏེ། ཙུམ་ནས་ཡིན་པའི་སྣེ་ཤན་པ་ཟླ་བ་རྒྱལ་མཚན་ལ་འབྲེལ་གཏུག་བྱས་ནའང་། གནམ་གྲུའི་གླ་ཆ་ཆེ་ཐག་ཆོད་དགོས་རབས་ལབ་ཡོང་གི་གདའ་བས། བན་ཆེན་ཕྱག་མཛོད་ (more…)

༄༅།། འགྲོ་མགོན་ཚེ་ཐར་བའི་མཛད་རྣམ་རགས་བསྡུས་བཞུགས་སོ།།

ཞོ་ར་བསྟན་དར།

འཇིགས་མེད་ཀ་དག་དག་པ་ཆེན་པོའི་སྐུ།།
འོད་གསལ་དྭངས་མའི་མ་བུ་འདྲེས་གྱུར་ནས།།
རྡོ་རྗེ་འཆང་དབང་དབང་ཕྱུག་དྲུག་ལྡན་མཆོག།
འགྲོ་མགོན་ཁྱབ་བདག་བདག་སྙིང་པདྨོར་རོལ།།

དེ་ལ་འདིར་དུས་ཀྱི་མཐའ་ན་རྒྱལ་བའི་ལུང་རྟོགས་ཀྱི་བསྟན་པ་ (more…)

རྟག་བརྟན་གཟུངས་བསྡུས།

བེ་རི་རིག་པའི་རྡོ་རྗེས།

 

རྟག་བརྟན་གཟུངས་བསྡུས་ཞེས་ཡོངས་སུ་གྲགས་པ་དེ་ནི། ཇོ་ནང་རྗེ་བཙུན་ཐམས་ཅད་མཁྱེན་པ་ཏཱ་ར་ན་ཐཱ་ (༡༥༧༥-༡༦༣༤) མཆོག་གིས་མདོ་སྔགས་གསུང་རབ་རྒྱ་མཚོའི་སྙིང་པོ་རྣམས་ཕྱོགས་གཅིག་ཏུ་བསྡུས་ཏེ། <<གཟུངས་བསྡུས>>སམ། <<མདོ་སྔགས་གསུང་རབ་རྒྱ་མཚོའི་སྙིང་པོ་གཅེས་པར་བཏུས་པ་འདོད་འབྱུང་ནོར་བུའི་ཕྲེང་བ་>>ཞེས་པའི་གླེགས་བམ་གསར་དུ་བསྒྲིགས་ཤིང་། དཔལ་རྟག་བརྟན་ཆོས་སྡེ་ཆེན་པོ་ངེས་དོན་དགའ་བའི་ཚུལ་དུ་མི་ཟད་པར་གྱི་ཕྱི་མོ་གཏེར་དུ་བསྒྲུབས་པ་ནས་བཟུང་། བོད་ཁམས་ཡོངས་ལ་ཁྱབ་པའི་གཟུངས་བསྡུས་སམ་<<རྟག་བརྟན་གཟུངས་བསྡུས་>>ཞེས་གྲགས་པ་དེ་བྱུང་བ་རེད།

གླེགས་བམ་ཆེན་པོ་འདིའི་གཞུང་ཤིང་ལ་ཤོག་ངོས་ ༡༦༣༨ དང་། དཀར་ཆག་ལ་ཤོག་ངོས་ ༩ བསྡོམས་པའི་ཤོག་ངོས་ ༡༦༤༧ ཡོད་ཅིང་། (more…)

དབུ་རྐྱང་རོ་གསུམ་གྱི་ཐོག་མའི་ཤེས་བྱ།

ཡར་འབྲོག་རྡོ་རྗེ།    འཕགས་ཡུལ་སྨན་རྩིས་མཐོ་སློབ་ཁང་།

 

གླེང་གཞི།

དུས་རབས་ཉེར་གཅིག་ནི་ཚན་རྩལ་རིག་པས་ཁ་ལོར་གྱུར་བའི་བར་སྐབས་ཞིག་ཡིན་པས་གནས་ལུགས་ཅི་འདྲ་ཞིག་ཡིན་རུང་ལམ་ཁ་འདིའི་ཐོགས་ནས་ཐག་བཅོད་མི་ཐུབ་པ་མེད་ཅེས་བརྗོད་བཞིན་ཡོད།   འོན་ཀྱང་གནས་ལུགས་འགའ་ཞིག་ནི་རིག་གསར་དངོས་གཙོ་བོ་སྨྲ་བའི་གསར་བུ་ཚོས་ཐབས་ལམ་འདྲ་མིན་སྤྱད་ཀྱང་ཁ་གསལ་གཏིང་ཟབ་ཀྱི་ངོས་འཛིན་ཐུབ་ཀྱི་མེད།  གནས་ལུགས་དེ་དག་ལ་རིག་རྙིང་སེམས་གཙོ་བོ་སྨྲ་བའི་རྒན་པོ་ཚོས་ཉམས་ལེན་ཐོགས་ནས་འཐུས་སྒོ་ཚང་བའི་འགྲེལ་བརྗོད་རེ་བྱེད་བཞིན་ཡོད།   དཔེར་ན་དེང་དུས་གླེང་བཞིན་པའི་སེམས་ཁམས་ཀྱི་རྣམ་གཞག་དང་།  སྐྱེ་བ་སྔ་ཕྱི་ཡོད་མེད་།  ལས་འབྲས་ཀྱི་རྣམ་གཞག་སོགས་མི་ཉུང་བ་ཞིག་ཡོད། འདིར་ཁོ་བོས་བརྗོད་པར་བྱ་བ་དེ་ཡང་མིའི་ལུས་ཁམས་ (more…)

ཀུ་ཐང་ཕུག་རོན་ཕུག་མཇལ་བ། ༢༽

སྐྱོ་བྲག་དགའ་དབང་།

 

     ངས་དྲུང་གོ་ཤྲི་རྒྱལ་ཚབ་པ་མཆོག་ལ། ང་ཚོ་སྒྲུབ་གནས་སུ་འགྲོ་བའི་མཉམ་པོར་ཀོ་ཀོ་ཏཱ་རའང་འགྲོ་དགོས་ཟེར་ཞིང་གདའ་ཞུས་པ་ན། མོ་རི་ཁྲོད་ལ་མོས་པ་ཆེན་པོ་ཡོད་རེད། མི་ལ་རས་པའི་སྒྲུབ་གནས་ལ་ཉམས་ལེན་བྱེད་པ་བྱུང་ན་དཔེ་ཡག་པོ་རེད། མོ་སྐྱུར་མ་ཤོག་པར་ཁྲིད་ནས་སོངས་གསུང་གི་གདའ་བས། ལགས་སོ། ། ཞུས་པ་ཡིན།

     ཡིན་ནའང་། སེམས་ཁྲལ་མེད་པ་ག་ལ་ཡིན། ཀོ་ཀོ་ཏཱ་ར་ནི། རྒྱ་མཚོའི་གླིང་ཕྲན་ཧོང་ཀོང་དུ་སྐྱེས་ཚར་བྱུང་ཞིང་། མྱི་ཚེ་སྐྱིད་ཉམས་ལ་རྫོགས་པ་ཞིག་ཡིན་ཕྱིར། རི་བོ་ཧི་མ་ལ་ཡའི་གངས་ཁྲོད་དུ་རྒྱུ་འགྲུལ་བྱེད་པ་ན། ས་ཆུ་མ་འཕྲོད་པ་དང་། ཟས་གོས་ (more…)

འབྲུག་ཅེས་པའི་ཐ་སྙད་ལས་བྱུང་བའི་དཔྱད་བརྗོད།

ཞོ་ར་བསྟན་དར།

 

སྤྱིར་ང་ཚོ་བོད་མི་རིགས་ཀྱི་ལོ་རྒྱུས་རིང་པོའི་སྤྱི་ཚོགས་འཕོ་འགྱུར་གྱི་ཁྲོད་དུ། རང་གི་ཐུན་མོང་མ་ཡིན་པའི་བློ་གྲོས་ཀྱི་རྩལ་ལ་བརྟེན་ནས་ཤེས་རིག་གསར་གཏོད་དང་། གཞུང་ལུགས་དར་སྤེལ་བཏང་སྟེ། འཚོ་བའི་བརྒྱུད་རིམ་གྱི་ནང་དུ་བོད་མིའི་གནས་བབས་དང་འབྲེལ་བའི་ཡིག་ངག་གཉིས་ཐོག་གི་རྩོམ་རིག་ཤེས་བྱའི་རྣམ་གྲངས་བརྗོད་ཀྱིས་མི་ལང་བ་ཞིག་ཡོད་ལ། དེ་དག་ཀྱང་བོད་རང་གི་ཐུན་མོང་མ་ཡིན་པའི་ལྟ་ཚུལ་དང་འདུ་ཤེས། ཡུལ་སྲོལ། གོམས་གཤིས་སོགས་ལ་མི་རིགས་གཞན་གྱི་ལེགས་ཆ་བསྡུ་ལེན་དང་། མེད་པ་རྗེས་བཟློས་ཀྱིས་ཟུར་ཆགས། གཞན་ལུགས་མཆོག་འཛིན་གྱི་རྟོག་པས་ཤན་ཤུགས་ཐེབས་པ་སོགས་ཀྱིས་བོད་མིའི་ཡུལ་གོམས་དང་། བཤད་སྲོལ་གྱི་ལུགས་ལ་མི་རིགས་གཞན་གྱི་སྲོལ་རྒྱུན་ལྟ་བས་ཁྱབ་པའང་མི་ཉུང་བ་ཞིག་ཡོད། དཔེར་ན། རྒྱ་གར་གྱི་བྷ་རུ་ཌ་ཞེས་པའི་བྱ་རྒྱལ་ཁྱུང་ཆེན་དང་། རྒྱ་ནག་གི་ལཱུང་ཞེས་པའི་གཡུ་འབྲུག་ (more…)

འཆར་ཡན་སེམས་གཙོ་རིང་ལུགས་དང་དེའི་སྐབས་ཀྱི་བསམ་བློ་བ་འགའ་།

རྩོམ་པ་པོ། ཇཱ་ཡཱ་པཱ་ལན།
སྒྱུར་པ་པོ། གྱི་ན་བ་ལྷ་མོ་སྐྱབས།

 

དུས་རབས་བཅོ་བརྒྱད་ཀྱི་ཕྱེད་ཙམ་ནས་ལོ་རྒྱུས་ཀྱི་རིག་གནས་ལྟ་སྟངས་གསར་བ་ཞིག་ཏུ་སླེབས། དེ་ལ་འཆར་ཡན་སེམས་གཙོ་སྨྲ་རིང་ལུགས་ཟེར། འཆར་ཡན་སེམས་གཙོ་རིང་ལུགས་ཀྱི་གདོང་འཆོང་བ་མཚན་ཉིད་རིག་པ་སྨྲ་བ་རོའུ་སོ་Jean Jacques Rousseau (1712-1778) ཡིན། ཁོང་རང་ཉིད་ཤེས་སྟོབས་ཀྱི་ལངས་ཕྱོགས་ཤིག་ཏུ་ཡོད་ནའང་ཝོལ་ཁྲར་དང་མོན་ཁྲེ་སི་ཁེའུ་གཉིས་ཀྱིས་སྲིད་གཞུང་གི་བྱ་བཞག་ལ་བཟུང་བའི་དགག་བཞག་ལ་འགྲེལ་བརྗོད་བྱས་ཡོད། ཡིན་ན་ཡང་། སྒེར་གཅོད་རིང་ལུགས་པའི་རིགས་སུ་གྱུར་བ་དག་ཁོང་གི་ཁ་གཏད་ཡིན་པ་ལ་མ་ལྟོས་པར་སྤྱིར་བཏང་ཁོང་གིས་འཆར་ཡན་རིང་ལུགས་པ་ཞིག་གི་ལྟ་བ་བཟུང་ཡོད། ཁོལ་ལེན་ཝོའུ་ཊི་ལ་མཚོན་ན་” རོའུ་སོ་ཡིས་ལོ་རྒྱུས་དང་འབྲེལ་བའི་རྩ་དོན་ནི་འཛམ་གླིང་ (more…)

ཧི་མ་ལ་ཡའི་གནའ་བོའི་ཆོས་རིག་དང་དོལ་པོ།

དོལ་པོ་པདྨ་དགོས་འབྱོར།

 

གནའ་བོའི་ཆོས་རིག་ནི་ཡབ་མེས་གོང་མ་དག་གིས་ངལ་དུབ་ཀྱི་རྔུལ་ཆུ་དང་བསྲེས་ནས་ཕྱི་རབས་ཚོའི་སེམས་ཀྱི་བདེ་སྐྱིད་ཅིག་དང་། གོ་ལ་ཧྲིལ་པོ་ཆུང་དུ་སོང་བའི་སྣང་ཚུལ་ཡ་མཚན་པ་ཞིག་མངོན་པའི་སྐབས་དེར་མི་རིགས་ཀྱི་སྤོབས་པ་དགུང་ལ་འདེགས་སླད་ཡོད་ཚད་སྔོན་མ་སྔོན་མའི་བྱུང་བ་དང་སྦྱར་ནས་གཅེས་སྲུང་བདག་སྤྲོད་ལེགས་པར་མཛད་ཡོད་པ་དེ་ནི་གནའ་བོའི་ཆོས་རིག་གི་རིན་ཐང་ཚད་འཇལ་ཐུབ་མཁན་ཀུན་གྱིས་མགྲིན་གཅིག་ཏུ་བསྔགས་འོས། གངས་ལྗོངས་སམ་ཧི་མ་ལ་ཡའི་ས་ཁུལ་གྱི་མི་རིགས་དག་ནི་གཞི་རྩ་ཤ་ཁྲག་གི་ཁུངས་གཅིག་ནས་ཡིན་པ་ནི་འགྲེལ་མི་དགོས་པ་ལྟ་བུ་ཞིག་གོ།

དོལ་པོ་ནི་སྤུ་རང་དང་། གློ་བོ། ཡ་རྩེ་འཛུམ་ལང་བཅས་ཀྱི་ཆབ་འབངས་སུ་གནས་མྱོང་རྗེས་མཐའ་མཚམས་ཀྱི་རྒྱལ་ཕྲན་དག་གཅིག་ཏུ་བསྒྲིལ་མཁན་གྷོར་ཁའི་རྒྱལ་པོ་ (more…)