Archive for the ‘ངོ་སྤྲོད།’


བོད་ཀྱི་མདུད་པ་ངོ་སྤྲོད་ཀྱི་འཆད་འཁྲིད།  “ཁྱེད་ཀྱིས་མདུད་པ་རྒྱག་ཨེ་ཤེས། བོད་ཀྱི་མདུད་པའི་རིག་གཞུང་ཨེ་ཤེས།”

བོད་ལ་མདུད་པའི་རིག་གཞུང་ཕུན་སུམ་ཚོགས་པ་ཡོད་ཅིང་། དེ་དག་ལ་སོ་སོའི་ཁྱད་ཆོས་མི་འདྲ་བའི་མིང་དང་། ལོ་རྒྱུས། བཟོ་དབྱིབས་སོགས་ཤིན་དུ་མཛེས།

ད་རེས་ལ་རྩེའི་གོ་སྒྲིག་འོག   བོད་ཀྱི་དམངས་ཁྲོད་རིག་གཞུང་མཁས་དབང་ཚུལ་ཁྲིམས་ལགས་ཕ་ཡུལ་ནས་ཨ་རིར་གདན་འདྲེན་ཞུས་ནས། བོད་ཀྱི་མདུད་པའི་སྐོར་ལ་ངོ་སྤྲོད་དང་མདུད་པ་རྒྱག་སྟངས་ཀྱི་སྦྱོང་བརྡར་འཆད་འཁྲིད་གཅིག་ནེའུ་ཡོག་ལ་འཚོགས་རྒྱུ་ཡིན་པས། ཚང་མས་དོ་སྣང་ཡོད་པ་ཞུ། འཆད་འཁྲིད་འདི་རིན་མེད་ཡིན་པས་ཚང་མས་རྒྱུད་སྤེལ་གནང་རོགས། 

འཚོགས་ཡུལ་ས་གནས། ལ་རྩེ་དཔེ་མཛོད་ཁང་།  132 Perry Street, Suite2b, New York, NY 10014
དུས་ཚོད། གཟའ་ཕུར་བུ། ཟླ་བ་11ཚེས་15
ཆུ་ཚོད། 6-8བར། (more…)

མཚུར་ཕུ་དགོན་པའི་གོས་སྐུའི་སྐོར་གྱི་གློག་བརྙན།

ནེའུ་ཡོག་ལ། ས་གནས། 132 Perry Street, Suite2b, New York, NY 10014 ལ། གཟའ་འཁོར་འདིའི་རེས་གཟའ་ཕུར་བུ། ཟླ་བ་11 ཚེས་1ཉིན། ཆུ་ཚོད་7པར། མཚུར་ཕུ་དགོན་པའི་གོས་སྐུའི་སྐོར་གྱི་ངོས་འབྱུང་གློག་བརྙན་གཟིགས་པར་ཕེབས་རོགས།

ནུབ་ཕྱོགས་ཀྱི་བོད་ཀྱི་སྐད་ཡིག་དགེ་རྒན་ཐོག་མའི་སྐོར་བཤད་པ།

སྙན་བཟང་གཡུང་དྲུང་ཚེ་རིང་།

གཅིག བོད་སྐད་ཀྱི་བརྡ་སྤྲོད་རིག་པའི་དེབ།

སྤྱི་ལོ་༡༨༥༨ལོར་ཧྥ་རན་སིའི་གཞུང་འབྲེལ་གྱི་དཔེ་སྐྲུན་ཁང་ཞིག་སྟེ་མིང་ལ‘‘རྒྱལ་པོའི་དཔར་ཁང’’(Imprimerie impériale)ཞེས་པ་དེས«བོད་སྐད་ཀྱི་བརྡ་སྤྲོད་རིག་པ»(Grammaire de la langue tibétaine)ཞེས་པ་ཞིག་པར་སྐྲུན་བྱས་འདུག འདིར་དེབ་འདིའི་སྐོར་ངོ་སྤྲོད་ཞིབ་ཏུ་བྱེད་པའི་ལས་སུ་ཞུགས་རྒྱུ་མིན་མོད་ས་བཅད་མ་སྟོང་ཙམ་ཞིག་ཞུ་རྒྱུ་ཡིན། ཐུགས་མོས་ཅན་ཚོས་ཟུར་གསལ་གྱི་དྲྭ་རྒྱར་གཟིགས་ཚེ་དེབ་འདི་ཆ་ཚང་བ་ཞིག་མཇལ་ཐུབ་པ་འདུག (more…)

རྒྱལ་དབང་ཀརྨ་པ་ཨོ་རྒྱན་འཕྲིན་ལས་རྡོ་རྗེའི་ཐུགས་དཀྱེལ་ཡངས་བའི་མཛད་པར་གཟིགས་ནས། བོད་པ་ནང་ཁུལ་ཆིག་སྒྲིལ་ཡོང་ཆེད། ཆིག་སྒྲིལ་ཉིན་མོ་སྲུང་བརྩི་གནང་རོགས།

བསྟན་འཛིན།

ང་ཚོས་རྒྱལ་བ་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་ལ་སློབ་སྦྱོང་བྱས་ནས། རང་གི་འདོད་བློ་མི་མཐུན་པའི་བོད་པའི་སྤུན་ཟླ་རྣམས་ལ་བསམ་བློ་གུ་ཡངས་ཐོག་འབྲེལ་ལམ་བཙུགས་ནས། ལྟ་བ་མི་མཐུན་པའི་ཐོག ཀུན་སློང་རྣམ་དག་ཡིན་པའི་ངོས་འཛིན་ཐོག ཕན་ཚུན་མཐུན་ཐབས་དང་། ནུས་པ་གཅིག་བསྒྲིལ་ཐུབ་ན།་བོད་ལ་རེ་བ་ཆེན་པོ་ལྡན། དེས་ན་ང་ཚོས་ཁ་སང་གི་ཉིན་མོ་སྟེ། སྤྱི་ཟླ་༡༠ཚེས་༡༡ལ་བོད་ཀྱི་ཆིག་སྒྲིལ་ཉིན་མོར་སྲུང་བརྩི་ཡོང་བའི་རྒྱབ་སྐྱོར་གནང་རོགས། བདག་ལ་བརྩེ་བའི་གྲོགས་དག་གིས་འདི་ལ་དགོངས་པ་བཞེས་རོགས་ཞུ། ལོ་རྗེས་མ་ང་ཚོས་སྲིད་སྐྱོང་བློ་བཟང་སེང་གེ་མཆོག་དང་། བོད་ཀྱི་སྤྱི་འཐུས་ཚོགས་གཙོ་ཟུར་པ་སྤེན་པ་ཚེ་རིང་རྣམ་པ་གཉིས་ཀྱིས་ཀྱང་། བོད་མིའི་ཁེ་ཕན་ལ་གཟིགས་ནས་འདི་ལྟར་མཉམ་འཛོམས་ཐོག་མ་འོངས་བོད་ཀྱི་གནད་དོན་ལ་འཁུར་བཞེས་ཐུབ་ན། རྒྱལ་བ་དགྱེས་པའི་མཆོད་པ་འདི་ལས་གང་མཆིས།

ཡེ་པི་གླེང་མོལ་མཉེན་ཆས་བཀོལ་ནས་བོད་དུ་ཡོད་པའི་ནང་མི་སྤུན་མཆེད་སོགས་ལ་སྐད་ཆ་བཤད་ན་སྐད་འཕྲིན་ལས་ལྡབ་བརྒྱ་འགྱུར་གྱིས་བདེ་འཇགས་ཡིན།

བདེ་འཇགས་ཕོ་ཉ།
 
ཉིན་ཤས་སྔོན་དུ་གྲོས་ཚོགས་ར་བའི་ནང་རྒྱ་ནག་གིས་བཟོས་པའི་སྐད་འཕྲིན་བཀོལ་སྤྱོད་མི་བྱེད་པའི་འབོད་སྐུལ་བྱ་རྒྱུའི་ཐད་བཀའ་མོལ་ཞིག་བྱུང་ཡོད་ཅིང་། དེ་ནི་དགོས་ངེས་ཤིག་ཡིན། བོད་དུ་ཡོད་པའི་བོད་མི་ཚོར་མཚོན་ནས་བཤད་ན། སྐད་འཕྲིན་བརྒྱུད་ནས་བོད་མིའི་ལས་དབང་གླེང་བར་བརྟེན་རྒྱ་ནག་གི་བཙོན་དུ་ཚུད་པ་ཤིན་ཏུ་མང་། སྐད་འཕྲིན་གྱི་བར་སྟོང་དུ་རྩོམ་ཡིག་དང་འདྲ་སྤེལ་བའི་རྐྱེན་བྱས་ནས་རྒྱ་ནག་གི་ (more…)

བྱེས་འཁོད་འབྲས་བློ་གླིང་གྲྭ་ཚང་གི་བོད་བརྒྱུད་ནང་བསྟན་གྱི་སྲོལ་རྒྱུན་བསླབ་གཞི་སྒྲིག་སྟངས་སྐོར་མཐོང་ཐོས་རགས་ཟིན།

ཆབ་ཚང་འཇམ་དཔལ།

སྔ་མའི་འཕྲོས། ལེ་ཚན་གཉིས་པ།

དང་པོ། འཛིན་གྲྭ་དབྱེ་བགོས་བྱེད་སྟངས།

            དེ་ཡང་ཕྱྭ་བ་ཆོས་ཀྱི་སེངྒེས་གསང་ཕུ་སྣེ་ཐོག་ཏུ་གཞུང་བཀའ་པོད་ལྔ་གར་སློབ་གཉེར་བྱེད་པའི་ལམ་སྲོལ་གསར་དུ་བཏོད་པ་དང༌། ལྷག་དོན་གཞུང་བཀའ་པོད་ལྔ་གར་སློབ་གཉེར་དཔྱིས་ཕྱིན་པ་ཡོང་ཆེད་འཛིན་གྲྭ་བགོ་བའི་ལམ་ལུགས་གསར་བཏོད་བྱས་ཏེ། འཛིན་གྲྭ་སོ་སོར་གཞུང་བཀའ་པོད་ལྔ་ག་ཆ་བགོས་དང༌། འཛིན་གྲྭ་སོ་སོའི་སློབ་ཡུན་གྱི་ལོ་ཚད་གཏན་འབེབས་སོགས་བྱས་པ་ནས་བཟུང་ལུགས་སྲོལ་འདི་བོད་ཀྱི་མདོ་དབུས་ཁམས་གསུམ་དུ་གནས་པའི་རྩོད་གྲྭའི་གདན་ས་ཕལ་མོ་ཆེར་དར་སྲོལ་ཆེན་པོ་བྱུང་ཡོད།
བློ་གླིང་གྲྭ་ཚང་འདིར་མཚོན་ན་ (more…)

 ཝཱཎ་སློབ་ཆེན་གྱི་ཀ་ཆེན་ཞིག་འགྱེལ་སོང་། 

ཨཱ་ཙཱརྱ་ཨག་ལོད་ཀྱིས།
 
ཡིད་སྐྱོ་བའི་གནས་ཚུལ་ཞིག་ལ། ཝཱཎ་དབུས་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་གི་སྒྲ་འགྱུར་སྡེ་ཚན་གྱི་འགན་འཛིན་ལོ་ཙཱ་བ་བློ་བཟང་ནོར་བུ་ཤཱསྟྲི་མཆོག་༢༠༡༨།༩།༢༡།ཞོགས་པའི་ཆུ་ཚོད་༧ཐོག་འདས་གྲོངས་སུ་ཕྱིན་འདུག

དེ་ཡང་ལོ་ཙཱ་བ་ཁོང་ནི་བོད་འདམ་གཞུང་དུ་སྐུ་འཁྲུངས་པ་དང་།  (more…)

བྱེས་འཁོད་འབྲས་བློ་གླིང་གྲྭ་ཚང་གི་བོད་བརྒྱུད་ནང་བསྟན་གྱི་སྲོལ་རྒྱུན་བསླབ་གཞི་སྒྲིག་སྟངས་སྐོར་མཐོང་ཐོས་རགས་ཟིན།

ཆབ་ཚང་འཇམ་དཔལ།
 

ལེ་ཚན་དང་པོ།

དང་པོ། བོད་བརྒྱུད་ནང་བསྟན་གྱི་བསླབ་གཞི་སྤྱི་བཤད།

༄༅།། ཐོག་མར་བོད་བརྒྱུད་ནང་བསྟན་གྱི་བསླབ་གཞི་དང་ཐད་འབྲེལ་གྱི་བོད་བརྒྱུད་ནང་བསྟན་ནང་བཞུགས་པའི་རྒྱ་བོད་མཁས་པའི་གསུང་འབུམ་སྐོར་རགས་བསྡུས་ཤིག་ངོ་སྤྲོད་བྱས་ན། རྣམ་འདྲེན་བཞི་པའི་བཀའ་སྡེ་སྣོད་གསུམ་དང་རྒྱུད་སྡེ་བཞིའི་ནང་ཚན་ནས་བོད་དུ་འགྱུར་རོ་ཅོག་ཕྱོགས་གཅིག་ཏུ་བསྒྲིགས་པར་ (འདི་ལ་གླེགས་བམ་བརྒྱ་དང་གསུམ་ལྷག་ཡོད།) བཀའ་འགྱུར་དང༌། དེ་དག་གི་དགོངས་པ་འགྲེལ་པའི་བསྟན་བཅོས་བོད་དུ་འགྱུར་རོ་ཅོག་ཕྱོགས་གཅིག་ཏུ་བསྒྲིགས་པར་ (འདི་ལ་གླེགས་བམ་ཉིས་བརྒྱ་བཅུ་གསུམ་ཡོད།) བསྟན་འགྱུར་དུ་གྲགས། དེ་དག་ལས་སྐྱེས་རབས་དང༌། སྦྲངས་ཡིག སྒྲ་མདོ། (more…)

༅༅།། རྡོ་གྲུབ་ཆེན་རིན་པོ་ཆེ། ཚེ་དང་སྒྲུབ་པ་མཉམ་པའི་ལོ་རྒྱུས་ཀྱི་བླ་ཆེན་ཞིག།

རྔ་བ་རྒྱལ་ཁམས་པ།

རྡོ་གྲུབ་ཆེན་ཞེས་པའི་མཚན་གྱི་དོན་ནི། རྡོ་ཞེས་པ་རྡོ་གྲུབ་སྐུ་ཕྲེང་དང་བོ་འཇིགས་མེད་འཕྲིན་ལས་འོད་ཟེར་གྱི་འཁྲུངས་ས་མགོ་ལོག་རྡོ་ཡུལ་ཡིན་པས་རྡོ་དང་། གྲུབ་ཆེན་ཞེས་པ་ནི་བླ་མ་འདིས་སྟོད་ཧོར་གྱི་དམག་བཟློག་པས། དགའ་ལྡན་ཕོ་བྲང་བས་ཆེ་བསྟོད་དུ་སྩལ་བའི་མཚན་ཞིག་ཡིན་འདུག་པས། དོན་དངོས་ཐོག་རྡོ་གྲུབ་ཆེན་ཞེས་པའི་མཚན་དེ་བླ་མའི་འཁྲུངས་ཡུལ་དང་། རྒྱལ་བོའི་ཆེ་བསྟོད་གཉིས་ལས་གྲུབ་པའི་ལོ་རྒྱུས་ཀྱི་མཚན་གནས་དམིགས་བསལ་བ་ཞིག་རེད། (more…)

༄༅།།བོད་ཀྱི་ལོ་ཙྭ་བ་ཆེན་པོར་གྱུར་བའི་རྒྱ་ནག་གི་རྒྱལ་པོ་སུང་གུང་ཏི།

རྩོམ་པ་པོ། མི་གསལ།
 
རྒྱའི་རྒྱལ་པོ་ཞིག་ཕྱིས་སུ་བོད་ཀྱི་ལོ་ཆེན་དུ་གྱུར་བ་ཁྱེད་ཀྱིས་ཤེས་སམ། བོད་ཀྱི་ཆོས་བསྒྱུར་ལོ་རྒྱུས་སྟེང་ང་ཚོས་ཁོང་ལ་ལྷ་བཙུན་ཆོས་ཀྱི་རིན་ཆེན་ཞེས་འབོད་དེ། རྒྱའི་རྒྱལ་རབས་སུང་ལྷོ་མ་ཡི་ཆེས་མཐའ་མཇུག་གི་རྒྱལ་པོ་དེ་ཡིན། ཁོང་ནི་སྤྱི་ལོ་1271 ལོར་ཡབ་ཏའོ་ཙུང་(度宗)དང་རྒྱལ་ཡུམ་རུས་ཆོན (全)་ཅན་གཉིས་ཀྱི་སྲས་འབྲིང་བར་འཁྲུངས་ཤིང་སྤྱི་ལོ་ 1274ལོར་རྒྱལ་བོའི་ཁྲིར་བཀོད་པས་མཚན་ལ་ཡང་སུང་གུང་ཏི་(宋恭帝)ཞེས་འབོད། (more…)

མ་ཡུམ་དྲ་ཚིགས།

དེ་རིང་དུས་ཚིགས་ཁྱད་པར་ཅན་གྱི་ཉིན། མ་ཡུམ་དྲ་ཚིགས་(http://www.mayum.net)ཤར་གཏོང་བྱས། དྲ་ཚིགས་འདི་ནི་ཨོ་སི་ཊོ་ལི་ཡར་གནས་སྡོད་བོད་མིས་བཏོན་པའི་བོད་ཡིག་དྲ་ཚིགས་ཐོག་མ་དེ་རེད། དྲ་ཚིགས་འདིའི་དམིགས་ས་གཙོ་བོ་ནི། བོད་ཀྱི་སྐད་ཡིག་རིག་གཞུང་དང་རྩོམ་རིག་སྒྱུ་རྩལ་སྐོར་ཡིན་ཞིང་། དེ་ཡང་བོད་གཞིས་བྱེས་གཉིས་ཀའི་བོད་མིས་མཉམ་ཞུགས་ཐུབ་པའི་རེ་བ་བཅངས་ཡོད། དྲ་ཚིགས་འདིའི་ཐོག་རྩོམ་ཡིག་སྤེལ་འདོད་ཡོད་ཚེ། རྩོམ་སྒྲིག་པར་ཁ་བྱང་འདི་(editor@mayum.net) བརྒྱུད་འབྲེལ་བ་གནང་ན་འགྲིག་ཅིང་། མ་འོངས་པར་རྩོམ་པ་པོ་སོ་སོའི་ཟིན་བྲིས་སྤེལ་སའི་སྡེ་ཚན་ཡང་བཟོ་འཆར་ཡོད། མ་ཡུམ་དྲ་ཚིགས་འདིར་བོད་མི་གང་མང་མཉམ་ཞུགས་གནང་སྟེ། དོན་འབྲས་ལྡན་པའི་གླེང་སྟེགས་ཤིག་ཏུ་འགྱུར་བའི་སྨོན་འདུན་ཡོད།

༅༅།། ཀརྨ་ཐེག་གསུམ་ཆོས་གླིང་།


རྔ་བ་རྒྱལ་ཁམས་པ།
“ཀརྨ་ཐེག་གསུམ་ཆོས་ཀྱི་འཁོར་ལོའམ”། “ཀརྨ་ཐེག་གསུམ་ཆོས་གླིང”ཞེས་པའི་མཚན་འདི༧རྒྱལ་དབང་ཀརྨ་པ་སྐུ་གོང་མ་རིག་པའི་རྡོ་རྗེ་མཆོག་གིས་ཁོང་གིས་བཏབ་གནང་བའི་ཆོས་ཚོགས་ཁག་ལ་སྤྱི་ཐོག་ནས་སྩལ་གནང་བའི་མཚན་དོན་ཤིན་ཏུ་ལྗིག་ཁོག་ཆེ་བ་ཞིག་རེད། མཚན་གནས་འདིར༧རྒྱལ་དབང་ཀརྨ་པའི་དུས་གསུམ་གྱི་ཐུགས་བསྐྱེད་དང་སྨོན་ལམ། (more…)

ཐང་ཧྲུའུ་རྩོམ་པ་པོའི་པོད་ཁུག་ལས།

ཐེ་བོ་སངས་རྒྱས།
 
བོད་ཀྱི་བླ་མ་དག་གིས་ཡེ་ཤུ་བའི་བླ་ཆེན་པོབ་ཀྱི་གོས་བེར་ཀོ་ལཱོ་འདྲ་དང་། རྒྱ་ནག་དང་མན་ཇུའི་རྒྱལ་མོའི་ཞྭ་མོ་འདྲ་བ། གྷི་རི་སེའི་དམག་དཔོན་གྱི་ཞྭ་མོ་འདྲ་བ་དག་གྱོན། དེ་དག་ལ་ཐོབ་དང་གོ་སའི་མཚོན་དོན་གལ་བོ་ཆེ་རེ་ཡོད་པས་ཡིན་ནམ། ཞྭ་མོ་རེ་ལ་རྩོད་གཞི་ཛ་དྲག་ཅན་ལྷགས་པའང་གདའ། བླ་མ་རྣམ་པའི་ཆོས་ཀྱི་དབྱངས་རྟ་ལ་སེམས་ཆུང་ (more…)

ཐོག་ཁོང་དམར་པོའི་རྨི་ལམ།

སློང་མོ་བས་བྲིས།
 

བརྩམས་ཆོས་དང་རྩོམ་པ་པོའི་ལོ་རྒྱུས་སྙིང་བསྡུས།

དེ་ཡང་རྒྱ་ནག་གི་རྩོམ་པ་པོའི་ཁྲོད་དུ་བརྩམས་སྒྲུང་འདིའི་རྩོམ་པ་པོ་སུ་ཡིན་མིན་གྱི་སྐོར་ལ་བཤད་སྲོལ་མི་མཐུན་པ་དུ་མ་ཞིག་འདུག ལྷག་པར་དུ་མང་པོ་ཞིག་གིས་བརྩམས་སྒྲུང་འདི་ལ་རྩོམ་པ་པོ་གཉིས་ཡོད་རབས་བཤད། གང་ལྟར་བརྩམས་སྒྲུང་འདི་ནི་ཆིང་རྒྱལ་རབས་སྐབས་སུ་ཚའོ་ཤེང་ཆིན་(曹雪芹)གྱིས་ཐོག་མར་ལག་འབྲི་བགྱིས་ནས་ལེའུ་བརྒྱད་བཅུ་བརྩམས་ཤིང་ཕྱིས་སུ་གཱིང་ཨུར་(高鹗) དང་ཁྲིན་ཝེ་ཡོན་ (more…)

དཔེ་དེབ་ངོ་སྤྲོད།

ཁ་བ་ནག་པོ་ནས།

སིམ་འཛུལ།  ཨོ་སི་ཊི་ལི་ཡའི་རྒྱལ་ཁབ་ནང་རྒྱ་ནག་གི་ཤུགས་རྐྱེན།

ཉེ་ཆར་ཨོ་སི་ཊི་ལི་ཡའི་རྒྱལ་ཁབ་ནང་རྒྱ་ནག་གི་ཤུགས་རྐྱེན་ཆེན་པོ་སླེབས་ཡོད་པའི་སྐོར་གྱི་དཔེ་དེབ་སྐད་གྲགས་ཅན་ཞིག་པར་སྐྲུན་བྱུང་བ་རེད། དཔེ་དེབ་དེ་སྐད་གྲགས་ཆགས་དགོས་པའི་རྒྱུ་མཚན་གཙོ་བོ་ནི་དཔེ་དེབ་དེ་ཨོ་སི་ཊི་ལི་ཡའི་རྒྱལ་ཁབ་ནང་རྒྱ་ནག་གི་ཤུགས་རྐྱེན་སྐོར་བྲིས་པ་ཙམ་མ་ཡིན་པར། དཔེ་དེབ་པར་སྐྲུན་སྔ་རྗེས་ཀྱི་གནས་ཚུལ་མང་པོ་ཞིག་ (more…)

བོད་ཀྱི་དམག་དཔོན་དང་མདའ་དཔོན་གྱི་གོ་གནས་བཞེས་མྱོང་བའི་ཉི་ཧོང་པ་ཞིག་གླེང་བ།

སྙན་བཟང་གཡུང་དྲུང་ཚེ་རིང་།

ཉི་ཧོང་གི་ཡུལ་འདིར་མིའི་འགྲོ་བ་བྱུང་ནས་ལོ་ངོ་ཁྲི་གཅིག་ལྷག་ཕྱིན་པ་དང་། དུས་རབས་གསུམ་པའི་ནང་ཡ་ཡོ་ཨིའི་( Yayoi )ཡུལ་དུ་རྒྱལ་ཕྲན་ཆུང་ཆུང་མང་པོ་ཕྱོགས་གཅིག་ཏུ་བསྒྲིལ་བའི་ཡ་མ་ཐ་ཨི་ཁོ་ཀུ་( Yamataikoku)ཞེས་པའི་རྒྱལ་ཕྲན་ཆེན་པོ་ཞིག་ཆགས་ནའང་། དུས་རབས་གསུམ་པའི་མཐའ་ལ་རྒྱལ་ཕྲན་དེ་མེད་པར་མངོན། དུས་རབས་བཞི་པའི་མགོ་ཙམ་ལ་ཡ་མ་ཐོ་( Yamato)གྲགས་པའི་རྒྱལ་ཁབ་ཅིག་ཡུལ་འདིར་ཐོག་མར་དབུ་བརྙེས་པས་རྒྱལ་ཁབ་ཅིག་གི་དབྱིབས་ཐོན་པ་དང་། སྐབས་དེར་རྒྱ་ནག་དང་ཁོ་རེ་ཡའི་དབར་དམག་འཐབ་ལན་མང་བྱུང་བས་ཡུལ་དེ་གཉིས་ནས་མི་མང་པོ་ཞིག་ཡ་མ་ཐོའི་རྒྱལ་ཁབ་ལ་བྲོས་བྱོལ་དུ་འབྱོར་འདུག་ལ། ཡུལ་འདིའི་ཤེས་རིག་དང་། ལམ་ལུགས། ཅ་ལག་མང་པོ་ཞིག་རྒྱ་ནག་ཡུལ་ནས་བླངས་པར་བཤད། (more…)

གདན་ས་སྟག་ཚང་ལྷ་མོའི་གསོ་རིག་འགྲོ་ཕན་གླིང་གི་མཁན་ཟུར་མདོ་སྔགས་རབ་འབྱམས་སྨྲ་བ་དགེ་བའི་བཤེས་གཉེན་ཆེན་པོ་ཚུལ་ཁྲིམས་འོད་ཟེར་མཆོག་གི་རྣམ་ཐར་ངོ་སྤྲོད།

རེ་མདོ་སེངྒེས་འོས་སྦྱོར་བྱས།

༄༅།། ཕྱི་ལོ་ ༢༠༡༨ ལོའི་ཟླ་ ༣ ཚེས་ ༣༠ ཉིན་གྱི་ཞོགས་པ་སྔ་བོར་དགེ་བའི་བཤེས་གཉེན་ཆེན་པོ་ཨ་ཁུ་ཚུལ་ཁྲིམས་འོད་ཟེར་མཆོག་དགོངས་པ་རྫོགས་པའི་གནས་ཚུལ་ཐོས། ཁོང་ད་ལོ་དགུང་ལོ་བརྒྱད་ཅུ་གྱ་བརྒྱད་ལ་ཕེབས་པས་སྐུ་ཚེ་བཟང་མཐར་ཕྱིན་པ་ཞིག་ཡིན་ཡང། ཁོང་གི་ཡིད་དུ་འོང་བའི་མཛད་སྤྱོད་དང་གཏིང་མཐའ་བྲལ་བའི་མཁྱེན་ཡོན་སེམས་ལ་དྲན་པའི་སྐབས། བསམ་བློའི་ནང་ཕངས་སེམས་ཆེན་པོ་ཞིག་རང་བཞིན་གྱིས་ཡོང་གི་འདུག འོན་ཀྱང་འདི་ལྟར་མི་ཐོག་བརྗེས་ནས་འགྲོ་དགོས་པ་ནི་ཟློག་ཐབས་མེད་པའི་ཆོས་ཉིད་ཅིག་ཡིན་པས། (more…)

དཀྲུག་ཤིང་ནི་དུས་རབས་འདིའི་ནང་གི་གོ་མཚོན་གནག་ཤོས་རེད་ཟེར།

བསྟན་འཛིན།

ཉེ་འཆར་རྒྱལ་སྤྱིའི་དམག་འཁྲུག་ཐབས་བྱུས་ཀྱི་མཁས་དབང་ཚོས་ཤོད་རྒྱུར། འདས་པའི་ལོ་བཅུའི་རིང་དཀྲུག་ཤིང་དེ་གོ་མཚོན་གནག་ཤོས་དང་ནུས་པ་ཆེ་ཤོས་ཆགས་ཡོད་པས། ད་ཆ་སྟོབས་འབྱོར་རྒྱལ་ཁབ་ཚང་མས་དེ་བཀོལ་བར་འགྲོ་སོང་མང་པོ་གཏོང་བཞིན་ཡོད་ཅེས་གསུངས། ཐོག་མར་ཨ་རིས་དཀྲུག་ཤིང་ལ་བརྟེན་ནས། ཨ་རབ་རྒྱལ་ཁབ་ནང་ལ་ཨ་རིའི་ཁ་གཏད་མང་པོ་མེད་པ་བཟོས་འདུག དེ་བཞིན་དཀྲུག་ཤིང་ལ་བརྟེན་ནས་རྒྱལ་ཁབ་གཞན་གྱི་ཚོང་ལས་ལ་ཤུགས་ཆེའི་གནོད་པ་བཟོས་ཡོད། དེ་བཞིན། ཨུ་རུ་སུས་ལོ་མང་པོའི་རིང་། དཀྲུག་ཤིང་གི་གོ་མཚོན་གསར་བཟོ་དང་ཡར་རྒྱས་བཏང་ནས། ལོ་སྔོན་མ་ཨ་རིའི་འདེམས་ཤོག་ལ་ཕོག་དུག་བཏང་འདུག ཨུ་རུ་སུས་བཤད་རྒྱུར་ཨ་རིས་དཀྲུག་ཤིང་ལ་བརྟེན་ནས། རུ་སུའི་ཕུ་ཊིང་མི་ངན་པ་ (more…)

བགྲེས་པོའི་འབེལ་གཏམ་འདོན་ཐེངས་༡༨པ་གསར་ཐོན་བྱུང་བ།

ཆོས་འཁོར་ཚང་དགེ་བཤེས་གཡུང་དྲུང་རྒྱ་མཚོས།
 

བགྲེས་པོའི་སྔོན་གླེང་གྱེར་གཤེན་སྨྲང་རབས།

 
དུས་ཀྱི་འགྱུར་འགྲོས་སྣ་ཚོགས་དང་། གདུལ་བྱའི་བསོད་ནམས་ཀྱི་འཕེལ་འགྲིབ། བསྟན་འཛིན་གྱི་འཕྲིན་ལས་རྒྱས་བསྡུས་སོགས་ཀྱི་དབང་གིས་སྲིད་པ་གཡུང་དྲུང་བོན་བསྟན་རིན་པོ་ཆེ་འདི་ཉིད་ལ་བསྟན་བདག་གཤེན་པོ་ཆེ་དེ་ཉིད་ནས་བཟུང་ད་ལྟའི་བར་བསྟན་པ་བརྒྱུད་ཚུལ་གོང་འཕེལ་དང་ (more…)

ཨ་སྒོར་ས་ཡ་གཅིག་དང་ཕྱེད་ཀ་དང་། བློ་སེང་། སྐལ་རྡོར། སྤེན་ཚེ་གསུམ།

གྱི་ན་བ་བློ་བཟང་རྡོ་རྗེ།

རྒྱབ་ལྗོངས།

བོད་ཀྱི་ཐེབས་རྩ་ཁང་འདི་ནི་རིན་ཆེན་དར་ལོ་ཨ་རི་སྐུ་ཚབ་དོན་གཅོད་འཁྱུར་སྐབས། དེ་དུས་ཀྱི་དམིགས་བསལ་སྐུ་ཚབ་རྒྱ་རི་བློ་གྲོས་རྒྱལ་མཚན་དང་དྲིལ་བསྒྲགས་བཀའ་བློན་བཀྲ་ཤིས་དབང་འདུད་གཉིས་ཀྱིས་བཀའ་ཤག་ལ་ཞུས་ནས། དོན་གཅོད་གསར་པ་ཟླ་བ་ཚེ་རིང་ལ་རྩིས་སྤྲོད་མི་དགོས་པར་ཨ་རི་དོན་ཁང་གི་ཟུར་སྐྱོང་སྡེ་ཚན་གྱི་ངོ་བོར་བསྒྱུར་བ་ཞིག་ཡིན་པ་ཡོངས་གྲགས་རེད། (more…)