Archive for the ‘ངོ་སྤྲོད།’


ཏོག་དབྱིབས་རིམས་ནད་དང་འདྲེ་བཤད་གླིང་།

ཀླུ་སྨྱོན།

བོད་ཕྱི་ལོགས་སུ་སྐྱེས་པའི་བོད་མི་ཚོས་ཤེས་མི་ཤེས་གང་ལྟར། བོད་ནང་ལོགས་ནས་སྐྱེས་པ་ཞིག་དང་ལྷག་པར་དུ་ངའི་ཕ་ཡུལ་ནས་སྐྱེས་པ་ཞིག་ཡིན་ན་ཕོ་མོ་རྒན་གཞོན་མེད་པར་འདྲེ་བཤད་ལ་དགའ་ཞིང་འདྲེ་བཤད་འདྲ་མིན་བཤད་ཀྱང་ཤེས། ཟླ་བ་གཅིག་གི་སྔོན་ལ་ངས་གྲོགས་པོ་ཞིག་གི་སྐད་འཕྲིན་རྒྱབ་ལྗོངས་ནས་འདྲེ་བཤད་གླིང་ཞེས་པའི་ཚོགས་པ་ཞིག་རྙེད་བྱུང་། ཚོགས་པ་དེའི་ནང་དུ་མི་སུ་ཞིག་གསར་དུ་འཛུལ་ཚེ་ཆེས་ཐོག་མར་འདྲེ་བཤད་ཅིག་ལེགས་སྐྱེས་ཀྱི་ཚུལ་དུ་བཤད་དགོས་ཤིང་། གལ་སྲིད་ཁྱེད་ཀྱིས་བཤད་མི་ཤེས་ན་རང་གི་གྲོགས་པོ་ཞིག་གླས་ནས་བཤད་ན་ཡང་འགྲིག་གི་འདུག སྟབས་ལེགས་པ་ཞིག་ལ། ངས་གནའ་བོའི་འདྲེ་བཤད་འགའ་རེ་བཤད་ཤེས་པ་མ་ཟད། རང་ཉིད་སྒྲུང་གཏམ་རྩོམ་པ་པོ་ཞིག་ཡིན་པའི་ཆ་ནས་འདྲེ་བཤད་གསར་བ་རེ་བརྩམས་ནས་བཤད་ན་ཡང་ཆོག ཚོགས་པ་འདིའི་ནང་དུ་འཛུལ་བ་དང་ (more…)

ཕ་ཡུལ་གྱི་མཐོང་ཐོས།

རླངས་བཛྲ།

༄༅། །ཡུན་རིང་ཕྱི་ལ་འཁྱམས་པའི་དབང་གིས་བྱམས་ལྡན་གྱི་ཕ་མ་གཉིས་ལ་ཐུག་འཕྲད་བྱེད་པའི་རེ་བས་ལོ་ཟླ་མང་པོ་དལ་གྱིས་རྫོགས་པ་དང་།  ལྷག་པར་དུ་ད་ལོ་ ༢༠༢༠ ་ལོའི་ནང་། ཕ་རྒན་ལོ་བརྒྱད་ཅུར་སོན། བོད་མདོ་སྨད་ཀྱི་ཡུལ་སྲོལ་གོམས་གཤིས་ལ། གྱ་སྟོན་བྱེད་པའི་རྟེན་འབྲེལ་མཛད་སྒོ་ཞིག་སྤེལ་སྲོལ་ཡོད།

དེ་ནི་བུ་ཕྲུག་རྣམས་དང་གཉེན་ཉེ་ཀུན་གྱིས་མི་ལ་ཚེ་རིང་ཞིང་གཞི་ལ་གཡང་འཁྱིལ་བའི་རྟགས་དང་རྟེན་འབྲེལ་དུ་བརྩིས་ཏེ། འདུ་འཛོམས་རྒྱ་གང་ཆེ་བྱས་ནས་དགའ་སྤྲོ་ཆེན་པོའི་ངང་རོལ་བའི་སྲོལ་ཡོད་པ་ཇི་ལྟ་བ་བཞིན། བདག་གིས་ཀྱང་བས་མཐའི་ཡུལ་ནས་ཨ་མ་དང་སྤུན་སྲིང་། ཚ་བོ་ཚ་མོ་རྣམས་དང་ལྷན་དུ་ཕ་རྒན་གྱི་གྱ་སྟོན་ལ་འཛོམས་ཐུབ་པའི་ (more…)

དོལ་པོའི་དམངས་གཞས་སྤྱི་དང་དམིགས་བསལ་“རྒྱ་དར་རྩེ་མདོ་“ཞེས་པའི་དམངས་གཞས་གླེང་པ།

པདྨ་དགོས་འབྱོར།

རིག་གནས་དང་། ཆོས་ལུགས་ཀྱི་བྱེད་སྒོ། ཆས་གོས། གླུ་གཞས་སོགས་ཡོད་ཚད་གཅིག་ནས་གཅིག་ཏུ་དར་བའམ་ཤན་ཞུགས་པ་སོགས་སྤྱི་འགྲོས་ལྟར་སྣང་། ལར་དོལ་པོའི་དམངས་གཞས་སྐོར་ལ་ཕྱིར་འདང་ཞིག་བགྱིས་ཚེ་དོལ་པོ་རང་གི་མཐུན་མིན་དང་ཐུན་མོང་བ་བཅས་སྣ་ཚོགས་ཡོད་པ་ནི་གློ་བོ་དང་། མུ་གུམ། ཏབ་ལེ་རྫོང་པ་སོགས་ཀྱིས་ཚིག་དང་གདངས་རྣམས་གྲ་མ་ཉམས་ཤིང་། གྲུ་མ་ཞིག་པར་ངག་ནས་གྱེར་སྟངས་རེ་རེས་ཀྱང་གསལ་བརྗོད་བྱས་འོང་། དར་སྔ་ཕྱིའི་དབང་གིས་སམ་མདོར་ན་གང་ལྟར་ཡང་གླུ་གཅིག་ལ་དོལ་པོ་དང་། གློ་བོ། མུ་གུམ། ཤར་བ་སོགས་ཀྱི་བར་ན་གདངས་དང་། ཞབས་བྲོ། རོལ་ཆ་ལྡན་མིན་ཐད་ནས་ཁྱད་པར་རེ་རེ་ཡོད། དོལ་པོར་སྤྱི་ཡོངས་ཀྱི་ཐད་ནས་གནའ་བོའི་རིག་གཞུང་གི་ཁྱིམ་གཞིས་ཆུང་ཆུང་ཞིག་ཡིན་ཞེས་བརྗོད་ (more…)

སྲོག་གཅོད་ནད་རིགས་ཏེ་ལོ་རྒྱུས་སྟེང་གི་འཛམ་གླིང་གི་ནད་ཡམས་ཁག

སྨན་པ་གཡང་འབུམ་རྒྱལ་གྱིས་བསྒྱུར། (CNN གསར་ཁང་གི་འཕྲོད་བསྟེན་ལེ་ཚན།)

ཆེད་མཁས་རྣམ་པས་འཛམ་གླིང་གི་ནད་ཡམས་ཀྱིས་ཡོང་འཆར་མི་ལོ་ ༢༠ ནས་ ༣༠ ནང་དུ་འགྲོ་བ་མིའི་རིགས་ཀྱི་འཕེལ་རྒྱས་ལ་འགོག་རྐྱེན་བཟོ་གི་ཡིན་པའི་ཉེན་བརྡ་བཏང་ཡོད། དེར་བརྟེན་འདས་པའི་ནད་ (more…)

གཞོན་ནུ་ཨ་པད།

ཨ་འདུས་སྐལ་བཟང་རྒྱ་མཚོས།

ང་ཚོའི་དགེ་རྒན་གྱི་མཚན་ལ་ཨ་པད་ཟེར་ཞིང་། དེ་ནི་ཁོང་ལ་ཕ་མ་གཉིས་ཀྱིས་ཆུང་དུས་བཏགས་པའི་གཅེས་མིང་ཡིན།  ཁོང་ནི་སྐུ་ཚེ་ཞེས་པའི་མདོ་ཁམས་ཀྱི་གྲོང་གསེབ་ཆུང་ཆུང་ཞིག་ཏུ་སྐུ་འཁྲུངས། ཆུང་དུས་ནས་སྡེ་མི་ཚོས་ཁོང་ནི་བཀའ་བརྒྱུད་པའི་བླ་མ་བྱ་བྲལ་བ་ (more…)

སྒྱུར་རྩོམ་༼མཚན་མོ་༽འགུལ་སྟངས་ཤིག་ལས་༼ནག་ཚང་ཞི་ལིའི་སྐྱིད་སྡུག༽དང་བསྡུར་བ།

———-ཁྲོ་གཏུམ། ༼ཨོ་གླིང་༽

སྒྱུར་རྩོམ་ལ། ཐད་བསྒྱུར་དང་དོན་བསྒྱུར་གཉིས་ཡོད་པ་རེད་ཟེར། སྒྱུར་རྩོམ་འདི་ནི། ཐད་བསྒྱུར་ལ་གཞོལ་བ་ཞིག་ཡིན་པ་མ་ཟད། ཚིག་གྲུབ་རེ་རེ་བོད་བསྒྱུར་གྱི་ཚིག་གྲུབ་རེར་གྲུབ་པར་འབད་པ་བྱས་པ་ཞིག་ཏུ་མཐོང་། དེ་བས། ལན་རེར་མགོ་རྐང་མ་འགྲིག་པའི་བསམ་ཚུལ་ཐོན་ཀྱང་། སི་ཏུའི་འགྲེལ་མཆན་དང་པྲ་ཏིའི་སུམ་རྟགས། སྲིད་དོན་རྒྱལ་རབས་སོགས་རང་སྐད་དུ་བརྩམས་ཀྱང་གོ་དཀའ་བ། (more…)

“བྱ་གཏོར་གྱི་ལས་དབང་”གི་རྩོམ་པ་པོ་ཝང་ལི་ཞུང་གིས་”ཁྲོམ་རྭ་མེད་པའི་དེབ།”ཅེས་པ་ངོ་སྤྲོད།

༄༅། །སྒྱུར་མཁན་གྱི་གསལ་བཤད། མང་ཆེ་བས་ལམ་ཙམ་མཁྱེན་གསལ་ལྟར་ <<བྱ་གཏོར་བོད་ཀྱི་ལས་དབང་།>> ཞེས་པའི་བོད་དོན་སྐོར་གྱི་རྒྱ་ཡིག་དེབ་འདི་ནི་རྒྱ་ནག་ནང་དང་། རྒྱ་ནག་ཕྱི་ལོག་གི་རྒྱ་མི་རིགས་ཀྱི་སྤྱི་ཚོགས་ཁྲོད་ཤུགས་རྐྱེན་ཧ་ཅང་ཆེན་པོ་ཡོད་པའི་དེབ་ཅིག་རེད། དེབ་འདིའི་རྩོམ་པ་པོ་ནི་རྒྱ་ནག་ཏུ་ཡོད་པའི་སྐུ་ཞབས་ཝང་ལི་ཞུང་(Wang Lixiong)ཡིན་པ་དང་། ཁོང་གི་སྐུ་ཟླ་ནི་བོད་རིགས་བུད་མེད་རྩོམ་པ་པོ་འོད་ཟེར་ལགས་རེད།

ཝང་ལི་ཞུང་གིས་ཉེ་ཆར་ཕྱི་ལོ་ ༢༠༡༩ ཟླ་བ་ ༡༢ ཚེས་ ༣༡ ཉིན་ཡུ་ཁྲུབ་(Youtube)དྲྭ་ལམ་ཐོག་ <<ཁྲོམ་རྭ་མེད་པའི་དེབ།>> ཅེས་པའི་བརྙན་ཐུང་ལེ་ཚན་ཞིག་གསར་བཟོ་གནང་སྟེ། ཁོང་གིས་མི་ལོ་བཅོ་ལྔའི་དུས་ཡུན་ནང་འབྲི་རྩོམ་གནང་བའི་ <<ཡང་སྲིད།>> (more…)

ནོར་འཁྲུལ་ཆེན་པོ་གཉིས།

ངག་དབང་བློ་གྲོས་ཤར་པ།

ཉེ་བའི་དུས་ཡུན་ནང་། ང་ཚོས་ནོར་འཁྲུལ་ཆེན་པོ་གཉིས་བཟོས་ཡོད། དེ་ནི། གྲོས་ཚོགས་ལས་རིམ་ཐད་གཏོང་བྱས་པ་དང་། བློ་བཟང་སེང་གེ་སྲིད་སྐྱོང་དུ་འདམས་པ་གཉིས་ཡིན། གཤམ་ལ་འདི་གཉིས་གླེང་ཙམ་བྱེད་ཀྱི་ཡིན། འདོད་ཀྱང་རུང་། མི་འདོད་ཀྱང་རུང་། ཚིག་གིས་མ་བཏུམས་པར་དོན་གྱི་ངོ་གདོང་བཙལ་ན། དངོས་ཡོད་གནས་སྟངས་ནི་འདི་འདྲ་རེད། (more…)

ཁ་མཆུ་ཨང་ ༢༠ པ་དང་དགའ་ལྡན་ཕོ་བྲང་།

སྐལ་བཟང་རྡོ་རྗེ།

དེང་སང་སྤྱི་ཚོགས་ནང་དགའ་ལྡན་ཕོ་བྲང་ཁ་མཆུ་ཨང་ ༢༠ པ་དང་འབྲེལ་བ་ཆགས་ཀྱི་ཡོད་མེད་སྐོར་གླེང་སློང་བྱེད་ཀྱི་ཡོད་པ་དང་། མི་ཁག་ཅིག་གིས། སྤེན་པ་ཚེ་རིང་འཕོ་འགྱུར་གཏོང་མཁན་༸གོང་མཆོག་ཡིན་པ་ལས་བཀའ་ཤག་མིན་པས། དགའ་ལྡན་ཕོ་བྲང་གིས་ཁྲིམས་ཞིབ་ཁང་གི་བཅད་ཁྲའི་ཐོག་ལ་གསལ་བཤད་གནང་དགོས་ཀྱི་ཡོད་མདོག་ཤོད་ཀྱི་འདུག

ཕྱི་ལོ་ ༢༠༡༩ ཟླ་ ༡༠ ཚེས་ ༢༨ ཉིན་བོད་ཀྱི་ཟློས་གར་ཚོགས་པ་བཙུགས་ནས་མི་ལོ་ ༦༠ ཧྲིལ་པོ་འཁོར་བའི་དུས་དྲན་མཛད་སྒོར་༸གོང་ས་༸སྐྱབས་མགོན་ཆེན་པོ་ (more…)

དབྱར་དགུན་ཉི་ལྡོག་གི་རྣམ་བཤད།

ཐུབ་བསྟན་ཕུན་ཚོགས།

དགུན་ཉི་ལྡོག་ཅེས་པ་ནི། ས་ཡི་གོ་ལས་ཉི་མའི་དཀྱིལ་འཁོར་ལ་བསྐོར་བ་ཐེངས་རེ་བྱ་བའི་ཡུན་ལ་ཉིན་ཞག་༣༦༥འགོར་ཞིང་ཡོད། དེ་ཡང་སའི་གོ་ལས་ཉི་མའི་དཀྱིལ་འཁོར་ལ་གཡོན་བསྐོར་དུ་བགྲོད་པའི་ཚེ། ས་ཡི་གོ་ལ་དེ་ཉི་མའི་ལྷོ་ཕྱོགས་དྲང་ཐིག་གི་ཐོག་ཏུ་སླེབས་པའི་ཉིན་དེ་ལ་ཟེར། དེ་ནི་གོ་ལའི་བྱང་ངོས་འདིར་ཉི་མ་དང་ཐག་རིང་ཤོས་དང་། ཉིན་མོ་ཐུང་ལ་མཚན་མོ་རིང་ཤོས་ཀྱི་ཉི་མ་དེ་ཡིན། དེ་ནས་བཟུང་ཉི་མ་བྱང་ཕྱོགས་ལ་ཡར་བསྐོར་བགྲོད་པས་རིམ་བཞིན་ཉི་མ་ཇེ་རིང་དང་། མཚན་མོ་ཇེ་ཐུང་དུ་འགྲོ་བ་མ་ཟད། གོ་ལའི་བྱང་ངོས་འདིའང་ཉི་མ་དང་ཐག་ཇེ་ཉེར་འགྲོ་ཞིང་ཡོད། འོན་ཀྱང་གོ་ལའི་ལྷོ་ཕྱོགས་ནི་དེ་ལས་ལྡོག་སྟེ་ཉི་མའི་ (more…)

བཀའ་ཤག་བྱང་ཐང་ལ་ཚྭ་འཚོང་གི་འགྲོ་རྩིས་ཡིན་ནམ།

སྐལ་བཟང་རྡོ་རྗེ།

བཀའ་ཤག་གིས་ཆེས་མཐོའི་ཁྲིམས་ཞིབ་ཁང་གི་བཅད་ཁྲ་ཉམས་ལེན་ཞུ་དགོས་པའི་དུས་བཀག་དེ་ ༢༠༡༩།༡༢།༢༧ ཕྱི་དྲོ་ཆུ་ཚོད་ ༤ བར་དུ་རེད། དུས་བཀག་དེའི་ནང་ཚུན་བཀའ་ཤག་གིས་བཅད་ཁྲ་ཉམས་ལེན་མ་བྱས་ན། སྲིད་སྐྱོང་དང་བཀའ་བློན་ཚོའི་འོས་བསྡུའི་ཐོབ་ཐང་འཕྲོག་གི་ཡིན་ཞེས་ཆེས་མཐོའི་ཁྲིམས་ཞིབ་ཁང་ནས་བཀའ་ཁྱབ་བཏང་ཡོད་རེད། (more…)

བསྟན་འཛིན་གྱི་སྐྱེས་བུ་སྐྱེད་སྲིང་དང་འབྲེལ་བའི་བགྲོ་གླེང་དང་སློབ་དེབ།

འབྲིང་བ་འཇིགས་མེད་ཀྱིས།
 
༄༅།། ད་ལམ་འཕགས་ཡུལ་ཀིརྟིའི་བྱེས་པ་གྲྭ་ཚང་དུ་འཇམ་མགོན་བླ་མ་ཙོང་ཁ་པ་ཆེན་པོ་སྐུ་མྱ་ངན་ལས་འདས་པའི་ཚུལ་བསྟན་ནས་མི་ལོ་ཧྲིལ་པོ་དྲུག་བརྒྱ་འཁོར་བའི་རྗེས་དྲན་དང་འབྲེལ། མ་འོངས་པའི་བསྟན་འཛིན་གྱི་སྐྱེས་བུ་རབ་བྱུང་ཕོ་མོ་ན་གཞོན་རྣམས་སྐྱེད་སྲིང་མཛད་སྟངས་ཀྱི་མཁས་པའི་བགྲོ་གླེང་ཆེན་མོ་ཐེངས་དང་པོ། ཕྱི་ལོ་ ༢༠༡༩ ཟླ་ ༡༢ ཚེས་ ༧ ནས་ ༩ བར་ཉིན་གསུམ་རིང་འཚོགས་པའི་མཛད་བཟང་ནི་བསྟན་པའི་ཞབས་འདེགས་རྨད་དུ་བྱུང་བ་ཞིག་དང་ལོ་རྒྱུས་ཀྱི་ཟིན་ཐོར་འགོད་འོས་པ་ཞིག་བྱུང་ཡོད། (more…)

ཁ་ཚུབ་ཚགས་པར་འགྲེལ་སྟངས།

ཁྲོ་གཏུམ།

ཨོ་གླིང་གི་བོད་དང་བོད་ཡིག བཙན་པོའི་གདུང་རྒྱུད་ས་མཐར་ཆས་པའི་བོད་ཀྱི་ཡུལ་སྲོལ་གོམས་གཤིས་ཀྱི་སྟངས་སྟབས།

ཉིན་དཀར་ཉི་ཐིག་འཕྲོ་ས། མཚན་མོར་ཟླ་འོད་ཕོག་ས། གཉིད་རན་པའི་བྱིས་པ་དག་གི་ཕ་མས་ཁ་ཚུབ་ལས་མཐོང་བའི་ སྐར་མ་རྩི་ཞིང་། སྐར་མ་སྐེ་འཁྱོག སྨིན་དྲུག སྐར་མ་སྨེ་བདུན། སྐར་མ་ཨ་བརྟན་སོགས་དང་འབྲེལ་སྟེ་གནའ་སྒྲུང་གི་ཞིང་ལ་འཁྲིད་ས།

(more…)

ཕྱི་རྒྱལ་དུ་གཞིས་སྤོར་དང་། ཐོངས་མཆན། ལུས་པོ་བདེ་ཐང་།

ངག་དབང་སྟོབས་ལྡན།

དེང་སང་བོད་མི་མང་པོ་ཞིག་འཚོ་གནས་དང་། ཆབ་སྲིད། དཔལ་འབྱོར། སློབ་སྦྱོང་སོགས་རྒྱུ་རྐྱེན་ཇི་སྙེད་ཅིག་ལ་བརྟེན་ནས་ཐབས་ཤེས་ཡོད་རྒུ་རྩལ་སྤྲུགས་ཀྱིས་ཕྱི་རྒྱལ་ཡུལ་གྲུ་ཁག་ཏུ་གཞིས་སྤོར་བྱས་དང་བྱེད་མུས་ཡིན། ཡིན་ནའང་བོད་མི་གང་འཚམས་ཤིག་གིས་རང་ཉིད་གཞིས་སྤོར་བྱ་ཡུལ་གྱི་རྒྱལ་ཁབ་དེའི་གཞིས་སྤོར་སྲིད་ཇུས་དང་འབྲེལ་བའི་ལུས་པོའི་བདེ་ཐང་སོགས་ཀྱི་དགོས་ངེས་ཆ་རྐྱེན་རྣམས་ཞིབ་ཚགས་ཤེས་ཀྱི་མེད་པ་དང་ཤེས་བཞིན་དུའང་ཐུགས་སྣང་ཆུང་དྲགས་པའམ་སྣང་མེད། (more…)

ཁ་མཆུ་ཨང་ཉི་ཤུ་པ་བཀླགས་པ།

བསྟན་འཛིན་རབ་དགའ།

གནད་དོན་གྱི་འདུས་མདོ།

དོན་གཅོད་འཕོ་འགྱུར་གཏོང་བའི་སྐུ་དབང་བཀའ་ཤག་ལ་ཡོད། དེ་ལ་སུ་གང་གིས་རྩོད་གླེང་བྱས་མེད། འཕོ་འགྱུར་བཏང་ཚར་བའི་རྗེས་ལ་རྒྱུ་མཚན་དོན་ཚན་བཅུ་བྱུས་འགོད་བྱས་པ་དེར་རྩོད་གླེང་རིམ་པ་བྱུང་ཡོད། སྲིད་སྐྱོང་བློ་བཟང་སེང་གེ་ཁྲིམས་ལུགས་ལ་མཁས་པ་ཡིན་ཙང་། རྩོད་གླེང་ཐག་ཆོད་པ་ཞིག་དགོས་ན། ཁྲིམས་ཞིབ་ཁང་ལ་ཁྲིམས་གཏུགས་བྱེད་པའི་སྐུལ་ལྕག་གནང་། (more…)

“མཚན་མོ་”བོད་འགྱུར་མའི་འགྲེམས་སྤེལ་སྐབས་ཀྱི་འཕྲོས་གཏམ།

པད་མ་འབུམ།

ཀ ལོ་ངོ་ཉེར་བཞིར་སྒུག་པའི་དཔེ་སྐྲུན།

མཚན་མོ་ཞེས་པའི་གྲགས་རྩོམ་འདི་ཁྲིམས་མཐུན་གྱིས་དཔེ་སྐྲུན་བྱས་ནས་འགྲེམ་སྤེལ་བྱེད་ཐུབ་པར་གྱུར་པ་འདིས་ང་ལ་སྤྲོ་སྣང་ཞིག་སྦྱིན། རྒྱུ་མཚན་ནི། ངས་ཁྲིམས་མཐུན་གྱིས་དེབ་འདི་པར་སྐྲུན་བྱེད་རྒྱུའི་རེ་བ་དོར་ཚར་བ་ཡིན། འགྱུར་བྱང་དུ་གསལ་བ་ལྟར། ངས་དེབ་འདི་ ༡༩༩༥ ལོ་བསྒྱུར་ཚར་ཡོད། དེ་དུས་འཆར་གཞི་ནི་ཨ་མྱེས་རྨ་ཆེན་བོད་ཀྱི་རིག་གཞུང་ཞིབ་འཇུག་ཁང་གིས་དཔེ་སྐྲུན་བྱ་འཆར་ཡིན། ༡༩༩༧ ལོའི་ཟླ་བདུན་པར་ང་ནེའུ་ཡོར་ཁི་རུ་དེབ་འདིའི་རྩོམ་པ་པོ་ཨེ་ལི་ཝེ་བཟེལ་ལ་ཡང་སྐུ་དངོས་སུ་མཇལ་རྒྱུའི་གོ་སྐབས་ཤིག་བྱུང་། (more…)

ལ་དྭགས་ཀྱི་སྲོལ་རྒྱུན་སྔོ་སྨན་རིགས་མཁལ་མ་དང་གཅིན་ནད་ལ་བཀོལ་བ།

བྷ་སནཏ་ བྷ་ལབ་སོགས་ཀྱིས་བརྩམས།   སྐྱོ་གྲགས་རིག་འཛིན་ཚེ་དབང་གིས་བསྒྱུར།
 

དཔྱད་རྩོམ་སྙིང་དོན།

ཞིབ་འཇུག་གི་དམིགས་ཡུལ། 

ལ་དྭགས་ཀྱི་སྲོལ་རྒྱུན་གྱི་སྨན་ནི། ཉེ་བའི་གླིང་ཆེན་རྒྱ་གར་གྱི་ལུང་ཁུག་ཏུ་གནས་བཅའ་བའི་ལ་དྭགས་མི་མང་གི་ནད་རིགས་སྣ་ཚོགས་གསོ་བའི་ནུས་པ་ཆེན་པོ་ཡོད་པ་རེད། ཞིབ་འཇུག་འདི་གཉེར་བའི་དགོས་དོན་ནི། ས་གནས་སྔོ་སྨན་བཀོལ་སྤྱོད་ཀྱི་ཤེས་བྱ་དང་། སྲོལ་རྒྱུན་ལག་ལེན་ཐོག་ནས་སྔོ་སྨན་རིགས་གཅིག་མཁལ་མ་དང་གཅིན་ནད་སོགས་ལ་སྤྱོད་སྲོལ་གྱི་ཤེས་བྱ་རྣམས་བསྡུ་གསོག་བྱས་པ་བརྒྱུད། མགྱོགས་མྱུར་ཉམས་རྒུད་དུ་འགྲོ་བཞིན་པའི་སྲོལ་ (more…)

ལོ་རྒྱུས་རིན་ཆེན་ཉམས་མེད་གཏེར་དུ་བསྒྲུབས།

འབྲིང་བ་འཇིགས་མེད་ཀྱིས།
 
༄༅།། དེ་རིང་ཕྱི་ཟླ་ ༨ ཚེས་ ༨ ནི་རོང་ཆེན་བསྟན་པའི་སྒྲོན་མེ་༸སྐྱབས་མགོན་ཀིརྟི་རིན་པོ་ཆེ་སྐུ་ཕྲེང་བཅུ་གཅིག་པ་མཆོག་གི་འཁྲུངས་ཚེས་དང་ཕྱི་ལུགས་དགུང་གྲངས་ ༧༧ ལ་ཕེབས་པའི་ཉིན་མོ་ཁེལ་བ་དང་སྟབས་བསྟུན། ཁོང་གི་རླབས་ཆེ་བའི་མཛད་པ་འཕྲིན་ལས་ཀྱི་ཆ་ཤས་ཏེ། དེ་སྔ་ཁོང་གིས་བོད་ཀྱི་དཔེ་མཛོད་ཁང་དུ་རིག་གཞུང་ཉམས་ཞིབ་པའི་མཛད་འགན་བཞེས་སྐབས་བོད་ཀྱི་ངག་རྒྱུན་ལོ་རྒྱུས་མང་པོ་དང་གནའ་བོའི་གཞས་སྣ། བཀའ་གཏན་ཡིག་རིགས་སོགས་རྩ་ཆེའི་ལོ་རྒྱུས་ཀྱི་རྒྱུ་ཆ་དང་རིག་དངོས་ཤིན་ཏུ་མང་པོ་བསྡུ་རུབ་ཀྱིས་སྲུང་སྐྱོབ་མཛད་པའི་སྐོར་རགས་ཙམ་གླེང་བའི་སྒོ་ནས་བཀའ་དྲིན་རྗེས་དྲན་ཞུ་བར་འདོད། (more…)

གསེར་རྒྱ་མ་འབུམ་ ༤༡ ཡོད་པའི་ཨ་རིའི་རྣམ་སྲས་བང་མཛོད།

བྱམས་པ་ལྷུན་གྲུབ་ཀྱིས།
 
ཨ་རི་ནང་ཧྥོཊ་ནོཀས(Fort Knox) ཞེས་པའི་བང་མཛོད་ཅིག་ཡོད་ཅིང་། བང་མཛོད་དེ་ཡོད་སའི་གནས་དེ་སྤྱི་ལོ་༡༩༣༢ གོང་ལ་ཨ་རིའི་དམག་སྦྱོང་བྱེད་ས་དང་། དམག་གི་གོ་མཚོན་བཞག་སའི་ལྟེ་གནས་ཤིག་ཡིན་འདུག འོན་ཀྱང་། དམག་ཆེན་དང་པོའི་རྗེས་སུ་ཨ་རི་གཞུང་གིས་དམག་ཆེན་གཉིས་པ་ཤོར་ན། རྒྱུ་ནོར་ལ་གཏོར་བཅོམ་ཐེབས་པའི་ཉེན་ཚབས་ཆེན་པོ་ཡོད་པའི་སྔོན་དཔག་བྱས་ཏེ། སྤྱི་ལོ་༡༩༣༢ ལོར་རྒྱུ་ནོར་སྲུང་སྐྱོབ་ཆེད་གནས་དེར་ཧྥོཊ་ནོཀས་ཞེས་པའི་བང་མཛོད་དེ་བཞེངས་འདུག (more…)

ཉེ་ལམ་སྐུ་ཞི་བར་གཤེགས་པའི་ཨ་ལགས་གཙང་བླ་འཇིགས་མེད་བློ་བཟང་བསྟན་པ་རྒྱ་མཚོ་མཆོག་གི་རྣམ་ཐར་ངོ་སྤྲོད་གནད་བསྡུས།

རེ་མདོ་སེངྒེ།
 
༄༅།། ཁ་སང་སྟེ་ཕྱི་ལོ་ ༢༠༡༩ ལོའི་ཟླ་ ༧ ཚེས་ ༢༠ ཉིན་ཕྲན་འཇར་མན་གྱི་རྒྱལ་ས་བྷ་ལེན་དུ་ཡོད་པའི་སྐབས། ཨ་ལགས་གཙང་བླ་སྐུ་ཕྲེང་ལྔ་པ་འཇིགས་མེད་བློ་བཟང་བསྟན་པ་རྒྱ་མཚོ་མཆོག་སྐུ་ཞི་བར་གཤེགས་འདུག་ཅེས་པའི་གནས་ཚུལ་ཞིག་ཐོས་འཕྲལ་སེམས་ཁམས་སྐྱོ་སྣང་གིས་ཁེངས་པ་ཞིག་བྱུང།  ཨ་ལགས་ཚང་ཀིརྟིའི་མཚན་ཞབས་རིན་པོ་ཆེའི་ཞལ་ཆེམས་ཡོད་པ་ལྟར་བར་ལམ་ལོ་ཤས་ཀྱི་གོང་ནས་རྐྱང་ཚའི་ཆབ་ཚན་དུ་ཐུགས་རྗེ་ཆེན་པོ་རྒྱལ་བ་རྒྱ་མཚོའི་བསྙེན་མཚམས་ལ་བཞུགས་བཞིན་ཡོད་པའི་མཚམས་ཁོངས་སུ་སྙུང་གཞི་བཞེས་བཞིན་ཡོད་པའི་གནས་ཚུལ་ཐོས་ཀྱང། (more…)