Archive for the ‘དྲན་ཐོ།’


རྡོར་གདན་སྐོར་ལམ་གྱི་དྲན་རྟོག་རབ་རིབ།

རེ་མདོ་སེངྒེ་།

༄༅།། རྒྱ་གར་རྡོ་རྗེ་གདན་ནི་ནང་པའི་རྗེས་འཇུག་པ་རྣམས་ཀྱིས་ཐུན་མོང་གིས་དད་པ་ཞུ་ཡུལ་གྱི་གནས་ཆེན་ཁྱད་པར་བ་ཞིག་ཡིན་ལ། ཨེ་ཤ་ཡའི་ཡུལ་གྲུ་སྣ་ཚོགས་ཀྱི་དད་ལྡན་གནས་སྐོར་བ་བརྒྱ་སྟོང་མང་པོ་དང། ནུབ་ཕྱོགས་ཡུལ་ལུང་ཁག་གི་ཤེས་ཡོན་ལྗོངས་རྒྱུ་བ་བཅས། བསམ་བློའི་མོས་པ་དང་ཕྱི་ཚུལ་གྱི་ཆ་ལུགས་མ་འདྲ་བ་ཤིན་ཏུ་མང་པོ་འདུས་སྡོད་ཞུ་སའི་ས་གནས་ཤིག་ཏུ་ཆགས་ཡོད། ཆག་ལོ་ཙཱ་བའི་གནས་ཡིག་དང། ཀུན་མཁྱེན་ཏཱ་ར་ན་ཐའི་རྒྱ་གར་ཆོས་འབྱུང། བཙན་པོ་སྤྲུལ་སྐུའི་འཛམ་གླིང་རྒྱས་བཤད། དགེ་འདུན་ཆོས་འཕེལ་གྱི་གནས་ཡིག་སོགས་སུ་རྡོ་རྗེ་གདན་གྱིས་མཚོན་པའི་རྒྱ་གར་གྱི་ནང་པའི་གནས་ཆེན་ཁག་གི་གནས་ཚུལ་གང་འཚམས་ (more…)

ལྷ་ས་ནས་འབྲུག་གྲགས་ན་རེབ་གོང་ནས་ཆར་བ་གཏོང་།

ནམ་མཁའ།
 
གོང་གི་རྩོམ་བྱང་འདི་༡༩༨༧ལོ་མཇུག་ཏུ་རྒྱ་ནག་གི་རྒྱལ་ས་པེ་ཅིན་གཞུང་གི་སྐད་ཆ་ཞིག་རེད། པེ་ཅིན་གཞུང་གི་སྐད་ཆ་འདི་ཅི་ལྟར་བྱུང་མིན་ནི་ལོ་རྒྱུས་ཅུང་ཟད་རིང་མོ་ཞིག་ཡོད་མོད།འོན་ཀྱང་དེ་རིང་འདིར་སྐབས་དེའི་ངའི་གྲོགས་པོ་དཔའ་ངར་ལྡན་པ་ཞིག་གི་མི་ཚེ་དང་འབྲེལ། དྲན་ཐོ་ཐུང་ངུ་འདིའི་ནང་དུ་མདོར་བསྡུས་ཞིག་འབྲི་རྒྱུ་ཡིན། ཉིན་ཤས་སྔོན་བོད་ནང་གི་གྲོགས་པོ་ཞིག་གིས་ཕྲན་དང་མཉམ་དུ་ཡོད་པའི་འདྲ་པར་རྙིང་པ་ཞིག་སྐུར་སོང་། (more…)

མིག་ཆུས་བཀྲུས་པའི་མུ་ཏིག (གླེང་རྩོམ)

རྫ་ཚེ་རིང་བཀྲ་ཤིས།

རྫ་དྲེལ་དཀར་དགོན་གྱི་མཆོག་སྤྲུལ་རིན་པོ་ཆེ་ཕྲིན་ལས་རྣམ་རྒྱལ་སྐུ་གཤེགས་པའི་རྗེས་དྲན་དུ་ཕུལ་བའི་གླེང་རྩོམ་རིང་མོ།

(ཞུས་དག་ཡག་པོ་བྱེད་མ་ཁོམ་པས་ཡིག་ནོར་བཏགས་ནོར་ཡོད་ངེས། མཆན)

བླ་མ་ལ་ཕྱག་འཚལ་ལོ། །
ཁར་རྩང་རེས་གཟའ་ཉི་མའི་ཉིན་དྲ་སྒོ་ཕྱེས་ནས་ལྟ་སྐབས་སྤུན་མཆེད་བཙན་ལྷ་ནས་སྤྲུལ་སྐུའི་འདས་མཆོད་ཟིན་གྲབ་ཡོད་པས་རྗེས་དྲན་གྱི་རྩོམ་ཡིག་ཅིག་ཕྲིས་ཤོག་ཅེས་འཕྲིན་ཐུང་ཞིག་བཏང་འདུག  (more…)

ཆེས་ཐོག་མར་བལ་ཡུལ་དུ་སླེབས་པའི་མཐོང་སྣང་།

ཁང་ཟླ་སྲས་ཀྱིས།

༡]

བལ་ཡུལ་དུ་སླེབས་པ་ནས་བཟུང་ང་ཚོའི་སེམས་པར་སྔར་མེད་ཀྱི་སྤྲོ་སྣང་ཞིག་སྐྱེས་བྱུང་། དེ་ནི་བལ་ཡུལ་གྱི་དྲོད་གྲང་སྙོམས་པའི་གནམ་གཤིས་དང་གཤིས་ཀ་འཇམ་ཞིང་འགྲོག་འདྲིས་བདེ་བའི་ཡུལ་མི་རྣམས་ཀྱི་བཟང་སྤྱོད་དང་འབྲལ་ཐབས་མེད་པ་ཞིག་རེད། ཕྱོགས་ཀུན་ལྗང་མདོག་ལྡན་པའི་ཚང་ཚིང་གིས་རབ་ཏུ་མཛེས་པའི་ཁོར་ཡུག་དེ་རུ་ང་ཚོ་ཟླ་གཅིག་རང་སྡོད་རྒྱུ་བྱུང་། ང་ཚོས་ཀྱང་དུས་ཚོད་དེ་དམ་འཛིན་བྱས་ཏེ་བལ་ཡུལ་གྱི་གནས་ཆེན་འགར་སྐོར་བསྐྱོད་བྱས་པ་ཡིན། སྤྱིར་བལ་བོའི་ཡུལ་འདི་ཕྱི་ནང་ཐུན་མོང་གི་ཆོས་ལུགས་དར་ཡུལ་དུ་སོང་གཤིས་ད་ལྟའི་ཆར་ཡང་ཧིན་དྷི་བའི་ཆོས་སྲོལ་འཛིན་པ་ཆེས་མང་ནའང་། དེ་དག་གི་ཁྲོད་དུ་ནང་པར་དད་མོས་བྱེད་མཁན་གྱི་སྐྱེས་བུའང་མི་ཉུང་བ་ཞིག་ཡོད་པ་ནི་ང་ཚོས་གསལ་པོར་ཤེས་ཐུབ་པ་ཞིག་རེད། (more…)

སངས་དུས་མེད་པའི་འགྱོད་གདུང་། (གཉིས་པ)


དགེ་བསྟན།
 
དགུན་ཁ་གྲྭ་ཕྲུག་རྣམས་དགོན་པར་སྡོད་དགོས་ཤིང་། ནང་མི་སྤུན་མཆེད་རྣམས་ལའང་ལས་ཀ་ཉུང་བས། དགོན་པར་གྲྭ་ཕྲུག་ལ་སྐོར་མང་ཙམ་རྒྱག་པ་རེད། ལོ་དེའི་དགུན་ཁར་མོས་ང་ལ་སྐོར་ཐེངས་བཅོ་བརྒྱད་བརྒྱབ་འདུག་ཅེས། མོ་འདས་རྗེས་ཨ་ཅག་རྒན་པས་ང་ལ་ལབ་བྱུང་།

ང་ཕྱིར་དགོན་པར་སོང་ཞིང་། སླར་ཡང་ཁྱིམ་ལ་འོངས། དུས་ཚོད་ཏན་ཏན་ཞིག་མི་དྲན། སྐབས་དེར། ཨ་ཕ་ཅུང་ཟད་ལྷོད་ལ་བབས་འདུག །ཨ་ཕའི་ངོ་མདངས་སྔར་ལས་ཅུང་ཟད་བཟང་བར་མངོན། འོན་ཀྱང་། ཨ་ཅག་ལ་ལྟ་སྟངས་ལ་འགྱུར་བ་ཆེར་ཕྱིན་མི་འདུག །ཨ་ཕ་ལ་རེ་བ་གཉིས་པ་ཞིག་ཡོད་པ་དང་། (more…)

སངས་དུས་མེད་པའི་འགྱོད་གདུང་། དང་པོ།

དགེ་བསྟན།
 
ངའི་ཨ་ཅག་འདས་རྐྱེན་དངོས་གནས་ག་རེ་ཡིན་པ་ངས་ད་ལྟའི་བར་དུ་ཤེས་མ་བྱུང་ལ། ཕྱིན་ཆད་ཀྱང་ཤེས་ཐུབ་རྒྱུ་མ་རེད། སྤྱི་ལོ་༡༩༨༧ ལོའི་དཔྱིད་ཀའི་ཉིན་ཞིག  །ང་རང་ཡུལ་ལ་ཨ་ཕར་བལྟ་རུ་སོང་། ང་རང་འགུལ་གྱིས་འགྲོ་གི་ཡིན་ཞེས་བཤད་པའམ། ཡང་ན་དགེ་རྒན་གྱིས་བཏང་བ་གང་ཡིན་མི་དྲན། གང་ལྟར། ང་རང་ཁྱིམ་ལ་སླེབས་དུས་ཉིན་གུང་ཡོལ་ཙམ་རེད། ཁྱིམ་ན་ཨ་ཕ་ཚ་ཐབ་སྟེང་ན་བསྡད་འདུག་ལ། ཨ་ཕ་དང་མཉམ་དུ་ཨ་ཁུ་དབང་ཆེན་འདུག །ཨ་ཁུ་དབང་ཆེན་གྱིས་ང་ལ་ལྟ་བཞིན་འཛུམ་དང་བཅས་ཏེ། “ཁྱོའི་ཨ་ཕས་ངའི་ཁ་ལ་ཉན་རྒྱུ་མ་རེད། སྒོར་མོ་སྟོང་གཅིག་དགོས་ཀྱི་ཡོད་པ་རེད།” ཟེར། སྐད་ཆ་བཤད་སྟངས་དང་གདོང་གི་རྣམ་འགྱུར་ལས་ཁོང་ཡིད་མ་རངས་པའི་རྣམ་པ་གསལ་བོ་མངོན་འདུག་ལ། འཁང་ར་བྱེན་ཀྱིན་ལོག་ཕེབས་སོང་།

 (more…)

བལ་བསྐྱོད་ཟིན་བྲིས།

ཆབ་ཚང་འཇམ་དཔལ།

བལ་ཡུལ་ནི། འཛམ་གླིང་གི་ཤར་ཕྱོགས་སུ་ཨེ་ཤི་ཡའི་རྒྱལ་ཁབ་ཞེ་བརྒྱད་(1)ཡོད་པའི་གྲས་ནས་གཅིག་དང་། སྤྱིའི་ཆ་ནས་ལྷོ་ཨེ་ཤི་ཡའི་སྡེར་གཏོགས་པ་ཞིག་རེད་འདུག དེ་ཡང་ཞིབ་པར་བཤད་ན། རྒྱལ་ཁབ་འདི་རྒྱ་གར་གྱི་ཤར་ལྷོ་ནུབ་རྒྱུད་དང་འབྲེལ་ཞིང་། བོད་ཀྱི་བྱང་ཕྱོགས་དང་། ཧི་མ་ལ་ཡའི་རི་རྒྱུད་ཀྱི་ལྷོ་འདབས་ཀྱི་སྐམ་སའི་དབུས་ཁུལ་དུ་གནས་པའི་རྒྱལ་ཁབ་ཆུང་ཆུང་ཞིག་རེད།

སྤྱིར་འཛམ་གླིང་འདིར་རྒྱལ་ཁབ་སྐྱོང་ལུགས་མི་འདྲ་བ་ཧ་ཅང་མང་པོ་ཡོད་ངེས་ཀྱང་། སྤྱི་ཡོངས་ཀྱི་ཆ་ནས་རྒྱལ་རྒྱུད་ལམ་ལུགས་དང་། དེ་ལས་ཅུང་གུ་ཡངས་པའི་དམར་པོའི་ལམ་ལུགས་དང་། དམངས་གཙོའི་ལམ་ལུགས་བཅས་གསུམ་ལྟ་བུར་མཐོང་། དེ་ཡང་ལམ་ལུགས་དེ་གསུམ་ག་བྲན་གཡོག་ལམ་ལུགས་དང་། མ་རྩའི་རིང་ལུགས་དང་། སྤྱི་ཚོགས་རིང་ལུགས་གསུམ་(2)གང་རུང་གི་སྡེར་གཏོགས་པ་ཞིག་རེད་སྙམ། (more…)

རྒན་ཚེ་རིང་དོན་གྲུབ་ལགས་ནི་བོད་ཡིག་གི་རང་དབང་གི་ཚགས་པར་ “དམངས་གཙོ་”གསར་འདོན་བྱེད་མཁན་གྱི་གྲས་གཅིག་ཡིན།

པད་མ་འབུམ་ནས།
 
ཉིན་གཉིས་ཀྱི་སྔོན་ལ་ཨོག་སི་ཧྥོར་ཌི་སློབ་གྲྭ་ཆེན་མོའི་བོད་ཀྱི་སྐད་ཡིག་གི་དགེ་རྒན་ཚེ་རིང་དོན་གྲུབ་ལགས་མོ་ཊ་བརྡབས་སྐྱོན་གྱིས་སྐུ་ཚེ་མ་ཟིན་པའི་གཏམ་ངན་དེ་ཐོས། ཚེ་རིང་དོན་གྲུབ་ལགས་དང་ང་གཉིས་༡༩༨༩ ལོ་ནས་ངོ་ཤེས་ཡིན།   ངེད་གཉིས་གནས་ཡུལ་གཅིག་ཏུ་བསྡད་ནས་འབྲེལ་འདྲིས་བྱུང་བ་ཉུང་ན་ཡང་། རྒྱ་གར་རྡ་རམ་ས་ལར་ལོ་གཅིག་ལྷག་ཙམ་མཉམ་དུ་བསྡད་པའི་རིང་ལ་ང་ཚོ་མཉམ་རུབ་ཀྱིས་ “དམངས་གཙོ་”ཚགས་པར་བཏོན་པ་ཡིན། ད་ལྟ་ཚགས་པར་དེ་ཤེས་མཁན་མང་ན་ཡང་། ཚེ་རིང་དོན་གྲུབ་ལགས་ཚགས་པར་དེ་གསར་འདོན་གནང་མཁན་གྱི་གྲས་གཅིག་ཡིན་པ་ཤེས་མཁན་ཉུང་བ་འདྲ། (more…)

ཁོ་རེ་ཡའི་རྒྱལ་པོ་ཞིག་དང་འབྲེལ་བའི་བརྗེད་ཐོ།

སྙན་བཟང་གཡུང་དྲུང་ཚེ་རིང་།

ཁ་སང་དེ་རིང་ཕྲན་གྱིས་རྩོམ་ཡིག་གསར་པ་ཞིག་འབྲི་བཞིན་ཡོད་པས་འབྲེལ་ཡོད་ཀྱི་ཡིག་ཆ་ཁག་ལ་ཟུར་ལྟ་བྱེད་ཀྱིན་ཡོད། ཡིག་ཆ་ཞིག་ཏུ་དུས་རབས་བཅུ་བཞི་པའི་ནང་སོག་པོ་ཡོན་གོང་མ་ཡེ་ཏི་པ་ལ་ཁྲིར་བཞུགས་སྐབས་སོག་པོས་ཁོ་རེ་ཡའི་རྒྱལ་པོ་ཞིག་བོད་དུ་རྒྱང་ཕུད་བཏང་རྗེས། ཁོང་ས་སྐྱར་ཕེབས་ནས་ལོ་གཉིས་བཞུགས་པའི་ལོ་རྒྱུས་བྲིས་འདུག

སྟག་ལྷ་ཕུན་ཚོགས་བཀྲ་ཤིས་ཀྱིས་རྒྱལ་པོ་འདིའི་མིང་ལ Chan Zuan Wang ཞེས་བྲིས་པ་མཐོང་མོད། ཕྲན་གྱིས་དུས་རབས་བཅུ་གསུམ་དང་། བཅུ་བཞི། བཅོ་ལྔའི་ནང་བྱོན་པའི་ཀོ་རེ་ཡའི་རྒྱལ་པོ་རིམ་བྱོན་གྱི་མཚན་དང་ལོ་རྒྱུས་བཀླགས་རྗེས། བོད་དུ་ཕེབས་མྱོང་བའི་ཀོ་རེ་ཡའི་རྒྱལ་པོ་ནི་ Chungseon of Goryeo ཞེས་པ་འདི་ཡིན་པ་ཤེས་སོང་། (more…)

རྡོ་རྗེ་གདན་དུ་འགྲུལ་བཞུད་བྱས་པའི་ཟིན་ཐོ།

གཡག་རྫིས།

 

ལོ་བདུན་གྱི་རིང་ལ་ས་སྐྱའི་སྨོན་ལམ་ལ་བཅར་སྐལ་མ་བྱུང་བས་ད་ལོ་ས་སྐྱའི་སྨོན་ལམ་སྐབས་ཉེར་དྲུག་པ་རྡོ་རྗེ་གདན་དུ་འཚོགས་རྒྱུ་ཡིན་པའི་གསལ་བསྒྲགས་མཐོང་བ་དང་ང་རང་ད་ལོ་དེར་བཅར་རྒྱུའི་འདུན་པ་བྱུང་། ཟླ་བ་གཉིས་ཀྱི་སྔོན་ནས་ང་ཚོ་མི་བཞིས་ཡར་མར་གཉིས་ཀའི་ལམ་རིན་མི་རེས་སྒོར་མོ་ཆིག་སྟོང་ཉིས་བརྒྱ་ལྷག་རེ་སྤྲད་ནས་མེ་འཁོར་འཛིན་བྱང་མཉམ་དུ་མངག་ཉོ་བྱས་པ་ཡིན། ཕྱི་ལོ་༢༠༡༧ཟླ་༡༢ཚེས་༢༣ཉིན་ས་གནས་སྡེ་ར་རྡུན་ནས་དངོས་སུ་ལམ་ལ་ཆས་འགོ་ཚུགས། ལམ་ལ་ཆས་ཁར་མེ་འཁོར་འཛིན་བྱང་ཉོ་སར་སོང་ནས་ཉལ་སའི་གནད་དོན་དྲིས་ཀྱང་འཛིན་བྱང་ཉོ་སའི་མི་དེས་ད་ལྟ་ཉལ་ཁྲི་གཅིག་ལས་ཐོབ་མེད་ཀྱང་ཅུང་ཙམ་རྗེས་ནས་ཚང་མ་ལ་ཉལ་ས་ཐོབ་རྒྱུ་ཡིན་པས་སེམས་ཁྲལ་མི་དགོས་ཚུལ་མང་དག་ཅིག་བཤད་སོང་། ཡིད་ཆེས་ཀྱིས་བསླུས་པའི་ང་ཚོ་མེ་འཁོར་འབབ་ཚུགས་སུ་ཕྱིན་ནས་མེ་འཁོར་ནང་དུ་འཛུལ་དུས་ (more…)

དགའ་ལྡན་ལྔ་མཆོད་སང་ཉིན་རེད།

ཀླུ་སྨྱོན་ཧེ་རུ་ཀ

སྐད་འཕྲིན་སོགས་བརྒྱུད་ནས་མི་མང་པོ་ཞིག་གིས་ཁྱེད་སྙན་ངག་པ་ཡིན་པས་དགའ་ལྡན་ལྔ་མཆོད་ལ་སྙན་ངག་ཅིག་ཕྲིས་ཞེས་བསྐུལ་སོང་། ང་སྙན་ངག་པ་ཡིན་མིན་མི་ཤེས་ཀྱང་རྗེ་ཙོང་ཁ་པ་ནི་དུས་སྐབས་དེའི་སྙན་ངག་པ་ཡག་ཤོས་ཤིག་ཡིན་པ་ནི་ཁོང་གི་བསྟོད་ཆེན་བཞི་སོགས་བཀླགས་ན་ཤེས་ཐུབ། ཁྱེད་རང་རྙིང་མ་པ་ཞིག་གམ་བཀའ་བརྒྱུད་པ་ཞིག ས་སྐྱ་པ་ཞིག་གམ་ཇོ་ནང་པ་ཞིག ཡང་ན་བོན་པོ་ཞིག་ཡིན་ཡང་ཆོག་སྟེ། གལ་སྲིད་ཁྱེད་རང་སྙན་ངག་རིག་པ་འདི་ལ་དུང་བ་ཟབ་ཅིང་གློ་བ་ཉེ་བ་ཞིག་ཡིན་ཚེ། ངེས་པར་དུ་རྗེ་ཙོང་ཁ་པའི་སྙན་ངག་ཀུན་གྱི་ཡང་རྩེར་བསྔག་ཆོག་པའི་བྱང་སེམས་རྟག་ཏུ་ངུའི་རྟོགས་བརྗོད་དེ་ཚར་གཅིག་ཀློག་དགོས། སྤྱིར་ན་རྗེ་ཙོང་ཁ་པ་དབུས་སུ་བྱོན་པའི་དུས་སྐབས་དེར་བོད་ཀྱི་ཆོས་བརྒྱུད་སོ་སོའི་ཁྲོད་དུ་རིག་གནས་སྤྱི་དང་ཁྱད་པར་དུ་སྙན་ངག་ལ་མཁས་པ་མང་པོ་ཞིག་གིས་རང་རང་གི་སྙན་ངག་གི་བརྩམས་ཆོས་སྤྱི་ཚོགས་སྟེང་འགྲེམ་སྤེལ་བྱེད་བཞིན་པའི་དུས་རབས་ཡག་པོ་ཞིག་དང་ཁེལ་འདུག དཔེར་ན་བོ་དོང་པཎ་ཆེན་དང་ཁོང་གི་སྙན་ངག་གི་བརྩམས་ཆོས་ལྟ་བུ་རེད། (more…)

ཨ་རིའི་དོན་གཅོད་ལ་འགྱུར་བ་གཏོང་དོན་ཨེ། ཨ་སྒོར་ས་ཡ་གཅིག་དང་ཕྱེད་ཀ་ཨེ།

བསྟན་འཛིན་ཆོས་གྲགས།

ཟླ་བ་འདིའི་ཚེས་བདུན་ཉིན་བཀའ་ཤག་གིས་དོན་གཅོད་གསར་པ་བསྐོ་བཞག་བྱས་པའི་གསལ་བསྒྲགས་དང་། ཚེས་དགུ་ཉིན་སྲིད་ཚབ་ཀྱིས་གསར་འགོད་པ་ཚོའི་མདུན་ལ་ཐོན་ནས་དེའི་སྐོར་གཞུང་འབྲེལ་གྱི་གསལ་བཤད་བྱས་ཡོད། ཞོགས་པ་དེའི་དུས་ཡུན་ཐུང་ངུ་ཙམ་རིང་སྲིད་ཚབ་གནང་མཁན་གཡུ་ཐོག་ཀརྨ་དགེ་ལེགས་ནི་ནམ་རྒྱུན་དང་རྦད་དེ་ཁ་ཁ་རེད། དབུཊ་ཧལ། དབུགས་བརྩེགས། སྐད་ལ་འདར་སྐད་ཞུགས། མཚམས་རེར་གྲོས་ཚོགས་ནང་གི་གྲྭ་པ་རེ་འགའ་ཁོང་ཁྲོའི་དབང་དུ་འགྲོ་འཇོག་པ་ནང་བཞིན་ཁོང་ཁྲོའི་གཏམ་གང་བྱུང་དུ་སྨྲ་བཞིན་གསལ་ཁ་གང་ཡང་མེད་པའི་གསལ་བཤད་དེ་བྱས་སོང་། (more…)

ངས་མཐོང་བའི་ཨ་ལགས་འཇིགས་མེད་རིན་པོ་ཆེ།

ཧོར་གཙང་འཇིགས་མེད།

ཁ་སྔོན་སྤྱི་ཟླ་གསུམ་པའི་ཟླ་དཀྱིལ་ཙམ་ལ་རྒྱ་གར་དུ་ལན་ཅིག་ཕྱིན་པ་ཡིན། ངོ་ཤེས་གྲོགས་པོ་ཁག་ཅིག་ཨ་ལགས་འཇིགས་མེད་ཞིང་གཤེགས་དམ་པ་ཁོང་གི་གཟིམ་ཤག་ཏུ་འཛོམས་འདུག་པ་དང་སྟབས་བསྟུན་ནས་དེར་འཁྱུག་ཙམ་སོང་བ་ཡིན། ལོ་ངོ་མང་བོ་ཞིག་གི་རིང་ལ་ཨ་ལགས་རིན་པོ་ཆེ་དང་འགྲོགས་འདྲིས་མཉམ་ལས་མང་བོ་ཞིག་བྱས་པའི་རྐྱེན་གྱིས་རིན་པོ་ཆེའི་གཟིམ་ཤག་ཏུ་ལན་གྲངས་མང་བོར་སོང་མྱོང་ཡོད་ནའང་ད་རེས་ནི་སྔོན་ཆད་དང་མི་འདྲ་བར་སེམས་ཕུགས་སུ་ཚོར་བ་སྟོང་སང་ངེ་བ་དང་སྐྱོ་ལྷང་ངེ་བ་ཞིག་བྱུང་། (more…)

གློ་བོར་བསྐྱོད་པའི་ཟིན་ཐོ།

དོལ་པོ་པདྨ་དགོས་འབྱོར།

 
སྤྱི་ལོ་༢༠༡༧ ལོའི་ཟླ་༣ ཚེས་༢༤ ཉིན་བལ་ཡུལ་ནས་མཁའ་ལམ་ཐོག་སྐར་མ་བཞི་བཅུ་ཙམ་འགྲུལ་བཞུད་ཀྱིས་(བལ་ཡུལ་མི་སེར་ལ་རྒྱལ་ས་ཀ་ཐ་མནྜུ་ནས་པོག་རའི་བར་གནམ་གྲུའི་གླ་ཆ་༣༥༠༠ཡིན། དེ་མིན་རྒྱ་གར་བ་དང་ཕྱི་རྒྱལ་བ་ལ་གོང་ཚད་འདྲ་མིན་འདུག)པོག་རར་འབྱོར། པོག་ར་ནི་ས་ཆ་མཛེས་སྡུག་ལྡན་ཞིང་ཡིད་དུ་འོང་བ་ཞིག་ཡོད་ཅིང་། བལ་ཡུལ་རྒྱལ་ཁབ་ཀྱི་ཡུལ་སྐོར་སྤྲོ་འཁྱམ་ས་གནས་གལ་ཆེ་བ་ཞིག་ཀྱང་ཡིན་མོད། པོག་ར་ནས་གོམ་པ་བརྒྱབ་ཏེ་ཉིན་གསུམ་ཙམ་འགྲུལ་བཞུད་བགྱིས་ཚེ་བལ་ཡུལ་གྱི་གངས་རི་གྲགས་ཆེན་ཨར་ན་པུར་ན་དང་མ་ཚ་པུ་ཙར་སོགས་ལ་བསྐྱོད་ཐུབ་ལ། (more…)

༡༩༥༩དང་༦༠ནང་༧གོང་ས་མཆོག་གི་ཧིན་ངྷིའི་གསུང་སྒྱུར་གནང་མྱོང་བའི་ཨ་ཁུ་པད་མ།

unnamed—–ནམ་མཁའ།

 
ང་རང་རྒྱ་གར་ལྷོ་ཕྱོགས་ཀྱི་དགའ་ལྡན་དུ་འབྱོར་བའི་ཉིན་ཤས་རྗེས། མགོ་ལ་རྩྭི་ཞྭ་གྱོན་ཞིང་ལག་རྟེན་བཟུང་བའི་རྒན་པོ་ཞིག་ཁང་ཚན་གྱི་གྲྭ་བ་ཞིག་གིས་ཁྲིད་ནས། ང་ཚོར་འཚམས་འདྲི་བྱེད་དུ་སླེབས་སོང་།ཁོས་ཁྱེད་ཚོ་བདེ་མོ་ཡིན་ན།ལམ་བར་ནས་རྒྱ་མིའི་ལག་ཏུ་ཚུད་མ་སོང་ངམ་ཞེས་ང་ཚོར་འཚམས་འདྲི་བྱས་སོང་པས། ང་ཚོས་ཀྱང་ལམ་བར་ནས་དཀའ་སྡུག་ཅི་བྱུང་གསལ་བོར་ཁོང་ལ་བཤད་པ་དེ་རིང་ད་རུང་ཡང་ངའི་ཡིད་ན་གསལ་བོར་འདུག (more…)

ཀློང་ཆེན་རབ་འབྱམས་ཟེར་བའི་སྔགས་པ་ཞིག་དྲན་པ།

longchenpa-drime-ozer_03ཀླུ་སྨྱོན་ཁྲག་འཐུང་གླིང་པ།

 
སྦྲུམ་དུས་ཨ་མའི་སྐུ་གཟུགས་བདེ་མིན་དང་། །
སྐྱེས་དུས་མེ་ཏོག་ཆར་བ་བབས་མིན་སོགས། །
ངས་ནི་མི་དྲན་ཁྱོད་ལ་ཡོད་ཆོག་སྟེ། །
སྔགས་པ་ཁྱེད་འདྲ་ཁ་བ་ཅན་ལ་དཀོན། །

ཕྲུ་གུ་འོ་འཐུང་དཀྱིལ་ན་རྩེད་མོའི་དུས། །
ན་མཉམ་བྱིས་པའི་ཁྲོད་ན་རྒྱུག་པའི་སྐབས། །
གངས་དང་ཆར་བའི་དཀྱིལ་ན་གཅེར་བུ་རུ། །
གླུ་ཆུང་ལེན་པ་བདག་གིས་དངོས་སུ་མཇལ། ། (more…)

རྗེ་མི་ལའི་ཤྭ་གྲོལ་ཁྱི་གྲོལ་གྱི་སྒྲུབ་གནས་གཉི་ཤང་འགུར་རྟ་མཇལ་བ།

སྐྱོ་བྲག་དགའ་དབང་།

 
སྤྱི་ལོ་ ༢༠༠༢ ཟླ་ ༩ ཚེས་ ༡༤ ཉིན། བོད་བཙན་པོའི་རྒྱལ་རྒྱུད་ལས་ཆད་པ། མཁན་པོ་བསྟན་རྣམ་གྱི་རོགས་སྐྱོར་འོག །བལ་ཡུལ་གྱི་རྒྱལ་ས་ཡམ་བུ་ནས་ཐད་ཀར་གནམ་གྲུ་བརྒྱུད་གཉི་ཤང་གི་གནམ་ཐང་འོམ་རེ་ལ་འཕུར་བ་ཡིན། གཉི་ཤང་གི་ལུང་པ་ནི་རི་བོ་ཧི་མ་ལ་ཡའི་ལྷོ་ངོས་ཀྱི་རི་གསེང་ཡིན་ཕྱིར། ཕྱོགས་མཐའ་གངས་རིས་བསྐོར་ཞིང་། གཡས་གཡོན་གྱི་ཆུ་ཕྲན་རྣམས་གཅིག་ཏུ་འདུས་པའི་གཞུང་ཆུ་ནུབ་བྱང་ནས་ཤར་ལྷོར་བཞུར་བའི་ལུང་པ་གུ་དོག་པོ་ཞིག་རེད།
སྤྱིར་ས་བབས་མཐོ་བ་དང་། (more…)

རྐང་པའི་རྡོ་ལེབ།

སྐྱོ་བྲག་དགའ་དབང་།

 
ང་སྐྱེ་བའི་དུས་ནི། བོད་ལ་དུས་འགྱུར་བྱུང་སྟེ་མི་དམངས་མུག་གེས་ཤི་མཚམས་ཆད་ཙམ་པ་ཟས་གོས་གནས་མལ་ཆེས་སྐྱོ་བའི་སྐབས་རེད་ལ། ད་དུང་ཕྲུག་གུ་ཆེས་མང་ཞིང་ཕ་མའི་ཁ་ཐབས་ཀྱང་སྐྱོ་བས་མཚམས་རེ་ངའི་ནང་ལ་ཆུ་ཚན་ཙམ་ལས་བཟའ་བཏུང་གཞན་མེད་པའང་ཐེངས་མང་པོ་ཡོང་གི་ཡོད།
ང་རང་ལོ་དགུར་སོན་པའི་སྟོན་ཀ་ནས་ནོར་གྱི་རྫི་བོར་སོང་། ཐོག་མའི་སྐབས་སུ་རི་ལུང་སྟོང་པ་དག་ཏུ་ཁེར་རྐྱང་འགྲོ་དགོས་ཐུག་པ་ན་གཅན་གཟན་གྱིས་ཟ་བའི་འཇིགས་པས་མིག་ནས་མཆི་མ་དབང་མེད་དུ་ཤོར་འགྲོ། (more…)

ཨ་རིའི་བོད་ཕྲུག་ཚོར་ལོ་བཅུའི་རིང་བོད་ཀྱི་སྐད་ཡིག་བསླབས་པའི་ཉམས་མྱོང་།

http://www.dreamstime.com/royalty-free-stock-image-teacher-student-group-image17992586

http://www.dreamstime.com/royalty-free-stock-image-teacher-student-group-image17992586

—–ཀླུ་སྨྱོན།

 
བོད་རིགས་མང་པོ་ཞིག་ནུབ་ཕྱོགས་སུ་བསླེབས་རྗེས་རང་གི་ལྟོ་གོས་ཀྱི་ཆེད་དུ་འདུར་དགོས། དེ་ནི་ཕ་མས་ནང་གི་གསོ་སྐྱོང་བྱེད་དགོས་པས་ཡིན། བོད་པ་མང་ཤོས་ལ་ནུབ་ཕྱོགས་སུ་འབྱོར་དུས་རང་གི་ལག་པ་གཉིས་ཀས་ཅི་ཡང་མེད་མོིད། དབུལ་ཐར་ཕྱུག་འགྱུར་གྱི་ལམ་དུ་སྐྱོད་དུས་བོད་པ་ཚོ་འཇོན་པོ་འདུག (more…)

༢༠༡༦ ལོའི་བཙན་བྱོལ་ནང་ལ་ཕྱིར་ལྟ་བྱེད་པ།

སྤྱན་ཆེན་པོ།

 
མི་རིང་བར་ང་ཚོས་༢༠༡༦ ལ་བདེ་མོ་བཞག་ནས་༢༠༡༧ བསུ་དགོས། ༢༠༡༦ལོ་ནི་རང་རེའི་བཙན་བྱོལ་ནང་ལ་མཚོན་ན་ཛ་དྲག་ཤོས་ཤིག་དང་རྙོག་འཛིང་ཆེས་ཆེ་བའི་ལོ་ཞིག་ལ་བཞག་ན་ཆོག རྙོག་འཛིང་དེའི་ཟ་ཟུར་ནས་རྔ་སྒྲོ་མཆན་འོག་ནས་བུད་པའི་སྨྱོན་པ་དང་གཟའ་རོ་མང་པོ་མངོན་ཞིང་གཟའ་རོ་ཚོའི་རྨོངས་ཞེན་དང་མཁྲེགས་འཛིན་གྱི་དུད་སྤྲིན་ནག་པོས་༢༠༡༦ལོའི་བཙན་བྱོལ་སྤྱི་ཚོགས་འདི་ཟང་ཟིང་ཞིག་ལ་བསྒྱུར།

༢༠༡༦ ལོའི་བཙན་བྱོལ་བོད་མིའི་འོས་བསྡུ་དེ་ནི་སྔར་མ་བྱུང་བའི་འཁྲུག་ཆ་ཆེན་པོ་ཞིག་བྱུང་ཡོད་ལ། འཁྲུག་ཆ་དེ་སློང་མཁན་ནི་སྲིད་སྐྱོང་གི་འོས་མི་གཉིས་ཡིན་པ་རེད། (more…)