ཁ་བརྡ།

དཔལ་ལྡན་རྒྱལ་གྱི་ཟིན་བྲིས་ནས་བླངས།

དེ་རིང་ངོ་དེབ་སྟེང་དུ་སྐུ་ཞབས་དོན་གྲུབ་རྒྱལ་གྱིས་བརྩམས་པའི་༼འདི་ནའང་དྲག་ཏུ་མཆོངས་ལྡིང་བྱེད་བཞིན་པའི་སྙིང་གསོན་པོ་ཞིག་འདུག༽ཅེས་པའི་སྙན་རྩོམ་འདི་གྱེར་འདོན་ཞིག་ལ་ཉན་རྗེས་སེམས་སུ་དགའ་སྐྱོ་འདྲེས་མའི་ཚོར་བ་ཞིག་སྐྱེས།

འདི་ནི་སྐུ་ཞབས་དོན་གྲུབ་རྒྱལ་གྱི་རང་མོས་སྙན་རྩོམ་ལེགས་ཤོས་ཞིག་ཡིན་ལ། ༡༩༨༠ དཀྱིལ་ཙམ་ལ་ཁོང་གི་སྙན་རྩོམ་འདི་པར་སྐྲུན་མ་བྱས་གོང་། ངའི་སློབ་གཉེར་བྱེད་སའི་མཚོ་སྔོན་མི་རིགས་སློབ་གྲ་ཆེན་མོའི་བོད་རིགས་སློབ་མ་ཁག་ཅིག་གི་ལག་ཏུ་སྙན་རྩོམ་འདིའི་མ་ཡིག་ལག་བྲིས་ཞིག་རག་ཡོད་པ་དེ། ང་ཚོས་ཕར་བཤུ་ཚུར་བཤུ་བྱས་ནས་སློབ་མ་མང་པོ་ཞིག་གིས་སྙན་རྩོམ་འདི་བློ་ངོར་ཀློག་ཐུབ་ཀྱིན་ཡོད། སྙན་རྩོམ་གྱེར་འདོན་འདིར་ཉན་སྐབས། སྐུ་ཞབས་དོན་གྲུབ་རྒྱལ་དགོངས་པ་མ་རྫོགས་པའི་ཟླ་ཁ་ཤས་སྔོན་༡༩༨༥ ལོའི་དབྱར་ཁར། ཁོང་མཚོ་སྔོན་མི་རིགས་སློབ་གྲ་ཆེན་མོའི་ནང་ཕེབས་ནས ང་ཚོའི་འཛིན་གྲའི་དེང་རབས་རྩོམ་རིག་དགེ་རྒན་སངས་རྒྱས་རིན་ཆེན་གྱི་ཚབ་བྱས་ནས་དོན་གྲུབ་རྒྱལ་གྱིས་ལག་གཡས་བར་ས་སྨྱུག་བསྐོར་ཅིང་། རྩོམ་ཡིག་འདིའི་འཕྲོ་ཀློག »

སྤོབས་པ་མཐའ་ཡས།
ཉེ་སྔོན་འཚོགས་ཟིན་མ་ཐག་པའི་རྒྱལ་སྤྱིའི་བོད་རིག་པའི་འཚོགས་འདུ་དེའི་སྟེང་དུ་མི་སྣ་སུ་ཞིག་ཕེབས་ཡོད་པ་དང་བགྲོ་གླེང་གང་ཞིག་བྱས་ཡོད་མེད་སྐོར་ལ་ཤེས་འདོད་ཅིག་བྱུང་། ཚོགས་པ་དེའི་དྲ་རྒྱར་བལྟས་རྗེས་སུ་ང་ལ་དོག་པའམ་མཚར་སྣང་ཞིག་སླེབས་པ་ནི་སྐུ་ཞབས་མཁར་རྨེའུ་བསམ་གཏན་རྒྱལ་མཚན་ལགས་ཀྱིས་ཡིག་ཆ་གསར་པ་ཞིག་རྙེད་པའི་སྐོར་དེ་རེད། རྩོམ་ཡིག་འདིའི་འཕྲོ་ཀློག »

༅༅།། སྤྱི་འཐུས་ཀྱི་འོས་བསྡུ་སླེབས་གྲབས་ཡོད། ཁྱེད་རང་གི་ཆོས་ལུགས་ག་རེ་ཡིན་ནའང་འདྲ། ཆོལ་ཁ་གང་གི་ཁོངས་སུ་གཏོགས་ནའང་འདྲ། གང་ལྟར་སྤྱི་འཐུས་ཚོ་ཚད་ལྡན་ཞིག་ཡོང་བའི་རེ་བ་ཡོད་ངེས་རེད། སྤྱི་འཐུས་ཚོར་ཆ་བཞག་ནའང་། རང་ཉིད་ཀྱི་འབྱུང་ཁུངས་ཆོལ་ཁའམ་ཆོས་ལུགས་གང་ཞིག་ཡིན་རུང་། སྤྱི་འཐུས་ནང་སླེབས་རྗེས་སྤྱི་མི་ཚད་ལྡན་ཞིག་བྱེད་འདོད་ཡོད་རྒྱུ་རེད། དེར་བརྟེན། རྩོམ་ཡིག་འདིའི་འཕྲོ་ཀློག »

རྡུལ་ཕྲན།

བཙན་བྱོལ་བས་ནི་ཁོ་ཚོར་རྒྱ་མིར་བརྩིས་ཏེ་དོ་སྣང་དེ་ཙམ་བྱེད་ཀྱི་མི་འདུག་་་རྒྱ་ནག་གིས་ནི་ཁོ་ཚོར་བོད་པ་ཡིན་པར་ཁག་བཞག་སྟེ་ལྟ་སྟངས་གཞན་ཞིག་འཛིན་ངེས།ད་ནི་ཁོ་ཚོར་ཅི་ཞིག་མཁོ་ཞིང་གང་ཞིག་དགོས་པའི་རེ་བ་དག་རྩ་མེད་དུ་འགྲོ་ཉེན་ཧ་ཅང་ཆེ་ཨང་་་ རྩོམ་ཡིག་འདིའི་འཕྲོ་ཀློག »

ཁང་གསར་རྡོ་རྗེ།

དུམ་བུ་གཉིས་པ།

ད་དུམ་བུ་དང་པོའི་འཕྲོ་ནས་བཤད་ཀྱི་ཡིན། དྲྭ་རོགས་ཚོའི་དགོངས་འཆར་ལྟར། ཀི་སྒྲ་རྣམས་ཀྱི་སྒྲ་ལ་བཅོས་ཡོད་པའི་ཁུལ་ཡིན།

༥༽  ཡུལ་འདི་ལ་ནི་མི་འབོར་འཕར་ཚད་ཧ་ཅང་ཆེན་པོ་རེད་འདུག ༡༩༣༩ ལོའི་མི་འབོར་དང་བསྡུར་ན། ད་ལྟ་མི་གྲངས་གསུམ་ཁྲི་ལྷག་ཡོད་པ་འདི། ལྡབ་གཅིག་ལྷག་ཙམ་འཕར་ནས་བྱུང་བ་རེད་ཟེར། ད་དུང་ཡང་མི་འབོར་འཕར་བཞིན་ཡོད་པ་དེ། ཁེ་ཎ་ཌའི་ནང་གི་མི་འབོར་འཕར་ཚད་མགྱོགས་ཤོས་རེད་འདུག  དེ་ལ་དཔྱད་ཞིབ་པ་ཚོས་རྒྱུ་མཚན་མང་པོ་བཤད་ཀྱི་འདུག དཔེར་ན། འཕྲོད་བསྟེན་དང་འཚོ་བ་ཡག་ཏུ་སོང་ནས་འཆི་ཚད་ཉུང་དུ་སོང་བ་དང་ཚེ་ཚད་རིང་དུ་སོང་བ་རེད་སོགས་ཟེར། ངས་བལྟས་ན་ནི་གཙོ་བོའི་རྒྱུ་མཚན་གཅིག་ལས་མ་མཐོང་། དེ་ནི་གནམ་གཤིས་གྲང་བས་ཕོ་མོ་མཉམ་དུ་ཉལ་མང་ཞིང་། འགྲིམས་འགྲུལ་ཡར་རྒྱས་ལ་སོང་ནས་ཉལ་རོགས་འཚོལ་བདེ་བ། ཕྲུ་གུ་ཇི་ཙམ་མང་ན་དེ་ཙམ་གྱི་རོགས་དངུལ་མང་པོ་ཐོབ་པ་བཅས་ལ་བརྟེན་ནས་རེད་འདུག

ཡུལ་འདིའི་ཕོ་མོ་གཉིས་ཀ་འདོད་ཆགས་ཆེ། ཕལ་ཆེར་ཉ་ཤ་དང་མཚོ་ཟས་ལ་ལོངས་སུ་སྤྱོད་ཆེ་བ་དང་། ལྷག་པར་ཁོ་རང་ཚོའི་ཟས་རིགས་བཟོ་སྟངས་དེ་ལའང་འབྲེལ་བ་མེད་དམ་སྙམ། ང་རང་དེར་སྡོད་རིང་དུའང་ལུས་ཀྱི་ཟུངས་དང་ཁུ་བ་མངོན་གསལ་གྱིས་འཕེལ་གྱིན་ཡོད་པར་དོ་སྣང་བྱུང་། གཅིག་བྱས་ན། ཆུ་ལའང་འབྲེལ་བ་ཡོད་སྲིད། བོད་ཀྱི་གངས་རི་དང་ཉེ་བའི་མི་དེ་ཚོ་ཆགས་པ་ཆེ་བ་འདྲ་ཞིག་འདུག གངས་སྦལ་གྱི་གཅིན་ཆུ་བོ་དང་འདྲེས་པ་བཏུང་པས་རེད་ཟེར་ཡོང་། དེ་ལ་བརྟག་རྒྱུ་ཞིག་འདུག རྩོམ་ཡིག་འདིའི་འཕྲོ་ཀློག »

ཁང་གསར་རྡོ་རྗེ།

དུམ་བུ་དང་པོ།

ཐོ། རྡོ་ཡི་ཐོ་བརྩིགས་པ་འདི་མི་རིཌ་འདིའི་ཁྱད་ཆོས་ཤིག་རེད།

༅༅།། ཉེ་དུས་ང་རང་ཁེ་ཎ་ཌའི་གྲང་ངད་ཆེ་བའི་ས་ཁུལ་ནུ་ན་ཝུ་ཊི་(Nunavut) ལ་འགྲོ་བའི་གོ་སྐབས་ཐོབ། གོ་སྐབས་དེ་ནི་རླུང་རྟ་དང་ལས་དབང་རང་རེད། དེ་ཡང་གོང་གསལ་གྱི་ཡུལ་དང་ང་ལས་ཀ་བྱེད་སའི་སྡེ་ཚན་ཞིག་གི་བར་ཕན་ཚུན་ཉམས་མྱོང་སྤེལ་རེས་ཀྱི་བྱ་འགུལ་ལོ་ཤས་གོང་ནས་བྱུང་འདུག་ཅིང་། འདི་ལོ་ངའི་གྲོགས་པོ་ཨེ་རིག་ལགས་སོགས་འགྲོ་དགོས་ཀྱང་། གློ་བུར་ཨེ་རིག་གི་ཁྱིམ་ལ་རྐྱེན་ངན་བྱུང་བའི་ཚབ་ལ་ང་རང་བཏང་། ངའི་སེམས་ནང་གནམ་གྲུའི་གླ་ཆ་སྤྲོད་མི་དགོས་པ་དང་ས་ཆ་གསར་པ་ཡིན་པ། ཉུང་མཐར་ཡང་རི་གསར་པ་ཁ་ཤས་ལ་འཛེགས་ཐུབ་པ་ཡོང་གི་རེད་དྲན་ནས་སོང་བ་ཡིན་མ་གཏོགས་ཡུལ་དེ་ནས་ང་ལ་གོ་རྟོགས་ཆེན་པོ་ཐོབ་ཀི་རེད་བསམ་པ་མེད། ཡིན་ནའི་དངོས་སུ་ཡུལ་དེར་བསྐྱོད་རྗེས། ས་ཁུལ་དེས་ང་ལ་བོད་ཀྱི་མ་འོངས་པའི་ཐད་ལ་བསམ་བློ་མང་པོ་ཞིག་འཁོར་དུ་བཅུག་བྱུང་།

༡༽  ནུ་ན་ཝུ་ཊི་ཞེས་པའི་ཡུལ་འདི་ནི། ཁེ་ཎ་ཌའི་ནང་གི་འཛིན་སྐྱོང་མངའ་ཁུལ་རྒྱ་ཆེ་ཤོས་ཤིག་དང་གསར་ཤོས་ཤིག་རེད། རྒྱ་ཆེ་ཤོས་ཡིན་དོན་ནི། མངའ་ཁུལ་འདིས་ཁེ་ཎ་ཌའི་ས་ཁྱོན་ཡོངས་ཀྱི་བརྒྱ་ཆ་ ༢༠ འམ་ལྔ་ཆ་གཅིག་ཟིན་གྱི་ཡོད། ཁུལ་འདིའི་ས་ཁྱོན་ལ་ཀི་

ལོ་མི་ཊར་གྲུ་བཞི་མ་ 2,093,190  (sq km) ཡོད་པས། གལ་སྲིད། མངའ་ཁུལ་འདི་རང་བཙན་རྒྱལ་ཁབ་ཅིག་ཡིན་ན།

འཛམ་གླིང་གི་རྒྱལ་ཁབ་ཆེ་ཤོས་ཨང་ ༡༥ ལ་སླེབས་ཀི་རེད། འོན་ཀྱང་། མངའ་ཁུལ་འདིའི་ནང་མི་འབོར་ཧ་ཅང་གིས་ཉུང་ཉུང་རེད། སྤྱི་ལོ་ ༢༠༠༧ ལོར་མི་གྲངས་ཞིབ་བཤེར་བྱས་པ་ལྟར་ན། མངའ་ཁུལ་དེ་ལ་ཁྱོན་བསྡོམས་མི་ ༣༡༡༠༠ མ་གཏོགས་མེད་ཅེས་འཁོད་འདུག ས་ཆ་རྒྱ་ཆེན་པོ་དང་མི་འབོར་ཉུང་ཉུང་ཡིན་པ་འདི་བོད་དང་འདྲ། འོན་ཀྱང་མི་འདྲ་ས་ཆེ་ཤོས་ནི། ཡུལ་འདི་འཁྱགས་དར་གྱིས་ཁྱབ་པའི་རྒྱ་མཚོ་དང་འབྲེལ་ཡོད་པ་དེ་རེད། དེ་མིན་ཁྱད་པར་ཆེ་ཤོས་ཤིག་ནི། ཁོང་ཚོར་ང་ཚོ་བོད་པ་ནང་བཞིན་གྱི་གནའ་བོའི་ཡིག་ཐོག་ལོ་རྒྱུས་མི་འདུག ཁོང་ཅག་གི་ཡིག་ཐོག་ལོ་རྒྱུས་སྔ་ཤོས་ནི་ ༡༥༧༦ ཙམ་ནས་འགོ་ཚུགས་འདུག་ཅིང་། དེ་ཚོ་ཡང་ཡུལ་དེར་སླེབས་པའི་ནུབ་ཕྱོགས་པས་བྲིས་པ་ཤས་ཆེ། རྩོམ་ཡིག་འདིའི་འཕྲོ་ཀློག »

འདུས་བྱུང་ཕུན་ཚོགས་ཚེ་རིང་པས་

༢༠༡༠ ཟླ་བ་བཞི་པའི་ཚེས་གསུམ་གྱི་ཕྱི་དྲོའི་ཆུ་ཚོད་༡༤ནས་༡༧བར་འཇར་འཁོད་བོད་རིགས་ཚོགས་པས་ཚོགས་འདུ་དེ་བཞིན་གོ་སྒྲིག་ཞུས་པ་དང་སྐུ་མགྲོན་གཙོ་བོར་མཁས་དབང་རྟའུ་བློ་བཟང་དཔལ་ལྡན་མཆོག་གདན་དྲེན་ཞུས་ཡོད།
http://www.kalontripanomineelobsangpalden.tk/videos.html
http://www.youtube.com/watch?v=BlDHWtuhcn0&feature=related

བཀའ་ བློན་ཁྲི་པའི་མཛད་འགན་བཞེས་མཁན་དེ་བོད་མི་ཚོས་ཐད་ཀར་འོས་འདེམས་བྱ་ཆོག་པ་དང་ བྱ་བཞིན་པའི་བརྒྱུད་རིམ་འདི་ནི་བོད་ཀྱི་ལོ་རྒྱུས་ནང་ཆབ་སྲིད་ཀྱི་འགན་ཆེན་ པོ་འཁུར་མཁན་ཞིག་འོས་འདེམས་བྱ་བ་དེ་ཐོག་མར་ཆགས་ཡོད།
དེ་ ཡང་བཙན་བྱོལ་བོད་གཞུང་སྲ་བརྟན་དང་སྒྲིག་འཛུགས་ཚགས་ཚུད་ཡོང་མིན་དང་། དམངས་གཙོ་ལག་བསྟར་སྲ་བརྟན་ཡོང་མིན། བོད་མིའི་ཆབ་སྲིད་ཀྱི་གོ་རྟོགས་ཚད་གཞི་མཐོན་པོར་སླེབས་ཡོད་མེད་སོགས་བཀའ་ བློན་ཁྲི་པ་འདེམས་བྱའི་མི་སྣ་དེ་དང་འོས་འདེམས་ནང་འོས་ཤོག་གི་ཆ་ཤས་མང་ཉུང་ ལེན་གྱི་ཡོད་མེད་ལ་ཧ་ཅང་རག་ལུས་ཡོད།
ད་ ལམ་སྐབས་གསུམ་པའི་བཀའ་བློན་ཁྲི་པའི་འོས་མིའི་ཁོངས་མི་སྣ་མང་པོ་ཡོད་པའི་ནང་ ནས་འདི་ག་འཇར་མེ་ནིར་གཏན་བཞུགས་གནང་མཁན་མཁས་དབང་རྟའུ་བློ་བཟང་དཔལ་ལྡན་མཆོག་ གི་མཚམས་སྦྱོར་མདོར་བསྡུས། རྩོམ་ཡིག་འདིའི་འཕྲོ་ཀློག »

དྲ་གྲོགས་ཚོ། ཞོགས་དུང་ལ་གཤམ་གསལ་ལས་གཞན་དཔེ་དེབ་དང་རྩོམ་ཡིག གཏམ་བཤད་སོགས་གང་གང་ཡོད་དམ།

རྨོངས་སྐྲན་འཇོམས་པའི་གཏར་ཁ། (མཚོ་སྔོན་བོད་ཡིག་གསར་འགྱུར། ཟི་ལིང་། ལོ་མི་ཤེས།)

དཔྱོད་ཤེས་རྒྱང་འབོད།  (པར་སྐྲུན་བྱེད་ས་མི་ཤེས། ༢༠༠༡)

དོགས་སློང་སྙིང་སྟོབས། (པར་སྐྲུན་བྱེད་ས་མི་ཤེས། ༢༠༠༥)

རིགས་ཤེས་ཀུན་གྲོལ།  (པར་སྐྲུན་བྱེད་ས་མི་ཤེས། ༢༠༠༨)

འདྲེ་རིག་ལྡན

སྤྱི་འཐུས་ལྷན་ཚོགས་ནི་རྩོམ་ཡིག་འགྲན་བསྡུར་བྱེད་ས་མིན་ལ།
ཞབས་བརྟན་སྒྲུབ་སའམ་རྟགས་བསལ་གཏོང་ས་ཡང་མིན། དེ་བས།
བོད་ཀྱི་སྤྱི་འཐུས་ཤིག་ཡིན་ན། གཙོ་བོ་བོད་ཕྱི་ནང་གི་གནས་བབ་ཤེས་མཁན་ཞིག་དང་།
རྒྱལ་སྤྱི་དང་རྒྱ་ནག་གི་གནས་བབ་དང་བསྟུན་ནས་བཀའ་ཤག་གིས་ལག་བསྟར་བྱེད་ངེས་པའི་སྲིད་ཇུས་ཁག་ལ་དཔྱད་ཞིབ་དང་ལེགས་སྤེལ་ཉེས་འགོག་གི་བསམ་འཆར་བཤད་ཤེས་མཁན་ཞིག་ཡིན་དགོས་ལ།
བོད་ཕྱི་ནང་ཀུན་ལ་ཡོད་པའི་མདོ་སྨད་པ་དག་གི་བདེ་སྡུག་ལ་རྒྱུས་ཡོད་མཁན་ཞིག་དགོས། རྩོམ་ཡིག་འདིའི་འཕྲོ་ཀློག »

བྱ་རྒོད་རྒྱལ་པོས།

ང་ཚོས་རྒྱུན་དུ་དྲང་བདེན་དང་ཕྱོགས་ཞེན་མེད་པ་ཞེས་ཡང་ཡང་གླེང་བཞིན་ཡོད་ནའང་། དོན་དངོས་ང་ཚོའི་འཚོ་བའི་ཁྲོད་དྲང་བདེན་མེད་ཁར་ཕྱོགས་ཞེན་གྱི་ཁེངས་ནས་ཡོད་པ་དེ་དག་ནི་སྤྱིར་བཏང་གི་མི་ཚེའི་བགྲོད་ལུགས་ཤིག་དང་སྤྱི་ཚོགས་ཀྱི་དཔལ་ཡོན་བཞད་སྟངས་གཅིག་ཡིན། འོན་ཀྱང་རང་སྒེར་མི་རེ་གཉིས་ཀྱི་ཕྱོགས་ཞེན་དང་རྫུན་གཏམ་ལས་བརྒལ་ཏེ་དེང་སང་གི་སྤྱི་ཚོགས་དེར་ཁ་བཤད་ལག་བལྟར་མེད་པ་དཔེར་ལ་བཞག་ན། ཆོལ་ཁ་གང་ཞིག་གི་སྤྱི་འཐུས་འདམ་པའི་དུས་སུ་ཡང་ཕྱོགས་ཞེན་དང་སོ་སོའི་ཆོལ་ཁ་ཕན་ཚུན་དུ་ཁ་ཕྱོགས་བསྒྱུར་ཆེད་ལམ་གྱི་གསུམ་མདོར་ལུང་ཚན་གཅིག་དུམ་བུ་གཉིས་སུ་གཏོང་བཞིན་པ་དེ་ནི་ཞིབ་མོར་བསམ་ན་ངོ་ཚ་དགོས་པ་དང་དྲང་བདེན་མིན་པ་ཞིག་རེད། རྩོམ་ཡིག་འདིའི་འཕྲོ་ཀློག »

གཡུ་དྲུག་དཀར། རྡ་ས།
བརྙན་འཕྲིན་གྱི་མདུན་ལ་སླེབས་དུས། རང་ཉིད་འདར་གྱིན་པ་འདྲ་ལ། དེ་ནས་བརྙན་འཕྲིན་གྱི་ཁ་འབྱེད་དུས། ལག་པའང་འདར་གྱིན་པ་ལྟར་ཚོར་བས། བརྙན་འཕྲིན་གྱི་མདུན་ན་ང་ཚོར་འགྲེང་ཚུགས་ཀྱི་སྤོབས་པ་ཞིག་ཡེ་ནས་མེད་པ་འདྲ་ཨང་།
འདར་བཞིན་འདར་བཞིན་བརྙན་འཕྲིན་གྱི་ཁ་འབྱེད་དུས། བརྙན་འཕྲིན་གྱི་ཤེལ་ཡོལ་ཡང་འདར་འདར་གྱིས་མདོག་འགྱུར་ཞིང་། འདར་གྱིན་འགྱུར་གྱིན་པའི་ཤེལ་ངོས་ནས། རྨི་ལམ་ལྟ་བུའི། འཕྲུལ་སྣང་འདྲ་བའི། འཇིག་རྟེན་ཞིག་རིས་སུ་བཀྲ་བྱུང་ལ། དེ་དང་ལྷན་དུ་བཟོ་དབྱིབས་སྣ་ཚོགས་དང་། གཟུགས་རིས་སྣ་ཚོགས། ཁ་དོག་སྣ་ཚོགས། སྒྱུ་རྩལ་སྣ་ཚོགས་ཀྱིས་སླར་ཡང་རྨི་ལམ་འདྲ་བའི། རྩོམ་ཡིག་འདིའི་འཕྲོ་ཀློག »

སྐྱོ་བྲག་དགའ་དབང་།

བོད་གོས་རྩག་པའམ་སློག་པ་ནི། པགས་རིགས་གཞན་ལ་བཟོ་ཡང་། གཙོ་བོ་ལུག་སྤགས་ལ་བཟོས་ནས་ཕོ་མོ་ཆེ་ཆུང་ཚང་མས་རྒྱུན་གོས་བྱ་རྒྱུ་ཞིག་རེད། དེང་སང་རང་རིགས་དང་གཞན་རིགས་མང་པོ་ཞིག་གིས་དེ་ལ་བཟང་པོ་མ་ཡིན་པའི་བལྟ་ཚུལ་ཞིག་འཆང་གི་ཡོད་ཀྱང་། དེ་ནི་གནས་ཚུལ་ཇི་བཞིན་མ་རྟོགས་པའི་རྨོངས་བློ་རང་རེད། བོད་ཡུལ་མདོ་དབུས་ཀྱི་ས་ཆ་མང་ཆེ་བ་མཐོ་སྒང་གྲང་ངར་ཧ་ཅང་ཆེ་བའི་ཡུལ་ཡིན་པས་དེའི་གྲང་ངར་ཐུབ་པ་ནི་པགས་རིགས་མ་གཏོགས་གཞན་མེད་ལ། དེའི་ནང་ནས་ཀྱང་དྲོ་འཇམ་རྙེད་སླ་ནི་ལུག་ལྤགས་ཁོ་ན་རེད། དབྱིབས་དང་བཟོ་ལུགས་ཀྱང་ཞིབ་ཏུ་བལྟས་ན་མཛེས་པོ་ཡིན། རྩོམ་ཡིག་འདིའི་འཕྲོ་ཀློག »

བསེ་རུ།

ལྷ་ས་གཞིས་ཀ་རྩེ།
ལྷ་ས་ཀོང་པོ།
ལྷ་ས་འཕན་པོ།
ལྷ་ས་ནག་ཆུ།
ལྷ་ས་མལ་དྲོ་གུང་དཀར།
ལྷ་ས་ངམ་རིངས།
ལྷ་ས་རྩེད་ཐང་།
ད་དུང་དགོད་བྲོ་བ་ཞིག་ལ་ལྷ་ས་ལྷོ་ཁ་ལྷུན་རྩེ་རྫོང་ལྟ་བུའི་ཐ་སྙད་འདི་རིགས་བེད་སྤྱོད་གཏོང་སྟངས་ལ་ཐུགས་བསམ་ནན་པོ་བཞེས་དགོས་འདུག དྲ་ངོས་འདིའི་གསར་འགོད་པ་ཨ་མདོ་བ་ཡིན་སྟབས། ཨ ་མདོ་བའི་དམངས་ཁྲོད་ནང་དབུས་གཙང་ཡོད་ཚད་ལ་ལྷ་ས་ཞེས་འབོད་སྲོལ་ཡོད་མེད་ཞིབ་ཕྲ་མ་ཤེས་ཀྱང་། འདི་ལྟར་ངག་ནས་འབོད་ཀྱི་ཡོད་དབང་དུ་བཏང་ཡང་གསར་འགྱུར་བརྒྱུད་ལམ་ཁག་ཏུ་ཡིག་ཐོག་ལ་འ དི་ལྟར་བཀོད་ཚེ། ནམ་ཞིག་དབུས་གཙང་གི་ས་ཕྱོགས་ཚང་མའི་མིང་ཟུར་དུ་ལྷ་ས་ཞེས་སྦྱར་དགོས་ཐུག་གི་རེད། རྩོམ་ཡིག་འདིའི་འཕྲོ་ཀློག »

བཞག་ལྡོམ་དར་རྒྱས།

༄༅་།། འགྲོ་བ་མིའི་སྤྱི་ཚོགས་ནི་ནམ་ཡང་འགྱུར་གྱིན་ཡོད་ལ་འགྱུར་བ་དེ་ཡང་སྐབས་རེ་སྡུག་ཕྱོགས་ནས་ཡག་ཕྱོགས་སུ་བསྒྱུར་དགོས་། དེ་ བསྒྱུར་པར་རྣམ་དཔྱོད་དང་ཤེས་ཡོན་གྱིས་ཕྱུག་པའི་གང་ཟག་ཁྱད་པར་བ་ཞིག་གིས་ སྤྱི་ཚོགས་ཀྱི་སྣེ་ཁྲིད་དགོས་བ་ནི་ལྡོག་ཏུ་མེད་པའི་ཆོས་ཉིན་ཅིག་ཡིན་། རྩོམ་ཡིག་འདིའི་འཕྲོ་ཀློག »

བསེ་རུ།

ང་ རང་གི་ལྟེ་ཁྲག་འཕོ་ཡུལ་ནི་མ་ཡུམ་གངས་ཅན་ལྗོངས་ཡིན་ཞིང་། གནས་དེ་ན་ངའི་ཡོད་ཚད་ཀྱི་ཡོད་ཚད་ཀྱང་ཡོད་པ་ཁྱེད་རྣམས་ལ་མ་སྨྲས་ཀྱང་མཁྱེན་ ངེས། ང་དང་ཁོང་། ཁྱོད་དང་ཁྱོད་ཚོ། ཁོ་དང་ཁོ་མོ་ཡོད་ཚད་སྟེས་དབང་ཞིག་གིས་སམ་ལས་དབང་ཞིག་གིས་རྒྱང་རིང་གི་ས་མཐར་ གྱར། ས་མཐར་གྱར་གྱར་བའི་མཐར། ཉིན་ཞག་དང་ལོ་ཟླའི་ཁུར་པོ་གཅིག་ཐོག་གཅིག་ཏུ་བརྩེགས་པའི་རྗེས། གནས་འདི་ནས་ངས་མགྲོན་པོའི་ཁྱུ་ཚོགས་ཤིག་མཐོང་། བསམ་བསམ་པའི་མཐར་ང་ཡང་མགྲོན་པོའི་ནང་གི་གཅིག་དེ་ཡིན་པ་རྟོགས། རྩོམ་ཡིག་འདིའི་འཕྲོ་ཀློག »

ཚན་པ་གཉིས་པ།
ཚན་པ་གསུམ་པ།
ཚན་པ་བཞི་བ། རྩོམ་ཡིག་འདིའི་འཕྲོ་ཀློག »

བོད ལྷ་ཀླུ་གཉན་གསུམ།

རི་གྲོང་འདི་ནས་དངོས་ནས་ཞེ་ཆགས་ས་ཞིག་ཡོད་པ་དེ་ནི་བྱེས་སུ་ཡུན་རིང་ བསྡོད་མཁན་ང་ལྟ་བུ་མི་ཉུང་བ་ཞིག་ལ་གཅིག་མཚུངས་ཀྱིས་དཀའ་ངལ་འདི་ཡོད་ཤས་ཆེ། འོན་ཀྱང་། རང་གི་འཚོ་བའི་ཆེད་དུ་ཟེར་ན་འགྲིག རང་གི་བུ་མོ་ཆུང་ཆུང་སྙིང་རྗེ་བོ་དེ་ཟེར་ན་འགྲིག རང་ལ་བརྩེ་བའི་མཛའ་མོ་དེ་ཡི་ཆེད་དུ་ཟེར་ན་རེད།
གང་ལྟར། ཟླ་ངོ་གཉིས་ཀྱི་གུང་གསེང་གི་དུས་ཡུན་རྫོགས་ནས། དྲིན་ཆེན་གྱི་ཕ་མ་གཉིས་དང་བརྩེ་བའི་ནུ་མོ། སྙིང་ཉེ་བའི་གྲོགས་དང་གྲོགས་མོ་མང་བོ་ཞིག་བཞག་ནས་གཞན་ཡུལ་གྱི་ལུང་པ་དེར་ འབུད་འགྲོ ང་རང་སོང་ཤུལ་དུ། འདྲིས་ཤིང་གཤིབ་པའི་ཐག་རིང་ཐུང་གི་སྤུན་ཟླ་དང་མཛའ་བརྩེ་ཟབ་མོ་ཡོད་པའི་ གྲོགས་དང་གྲོགས་མོ་ཡོད་ཚད་ཀྱི་བསམ་དོན་འགྲུབ་པ་དང་མ་ཤི་ཚེ་རིང་བྱུང་ན། སླར་ཡང་རི་སྒང་ཆུང་ཆུང་འདི་ནས་མ་མཇལ་ཡང་། རང་ཡུལ་ཁ་བ་ཅན་ནས་མཇལ་ཐུབ་པར་སྨོན།
སྤྱིར་ན་གུང་གསེང་གི་དུས་ཚོད་འདི་ལ་ལྷོད་ལྷོད་དལ་དལ་ཞིག་བསྡད་ནས། དྲ་ཐོག་གི་ཟིན་བྲིས་པ་སྤུན་ཟླ་ཡོངས་དང་གླེང་མོལ་གྱི་གོ་སྐབས་ཤིག་ཀྱང་རེག་ན་ བསམ་ཡང་། དེ་ཡང་རེག་མ་སོང་ལ། རང་ཉིད་ལ་དགོས་འཁོ་ཆེ་བའི་དེབ་ཁ་ཤས་ཀྱང་མ་རེག་པར་འཕངས་སེམས་ཤིག་དང་བཅས་རི་ སྒང་འདི་ན་ཡོད་པའི་སྙིང་ཉེ་བ་ཡོད་ཚད་ལ་སེམས་གཏིང་ནས་བདེ་མོ་ཞིག་མི་ཞུ་ཐབས་ མེད་དུ་གྱུར་སོང་།

ཀརྨ་དགེ་ལེགས།

འདིར་ཁ་བརྡའི་ཐོག་ན། ཁ་བྱང་ལ། ཨ་བདོ་བག་ལེབ། ཟེར་བའི་རྩོམ་ཞིག་དང་དེ་ལ་ལན་མང་པོ་ཡང་བཏབ་འདུག ངས་མགོ་ནས་ཅུང་ཙམ་མ་གཏོགས་ལྟས་མེད། འོན་ཀྱང་ང་ལ་སྟེར་བའི་ཚོར་སྣང་ནི། ད་ ལྟ་རྩོམ་འབྲི་མཁན་ཚོའི་ཁྲོད་ནའང་འབྲེལ་སྒྲ་མི་དགོས་པར་དོར་འདུག བརྡ་སྤྲོད་པ་དང་མཐུན་དགོས་ན། ཨ་མདོའི་བག་ལེབ། ཞེས་ངེས་པར་འབྲེལ་སྒྲ་དགོས། ཨ་མདོའི་གོ་རེ་ཞེས་འབྲེལ་སྒྲ་ཡོད་པ་བཞིན་བག་ལེབ་ལ་མེད་དོན་མེད། ཁ་ཅིག་གིས་ཨ་མདོ་གོ་རེ་ཞེས་བྲིས་པ་འདུག འདི་དག་ཨ་མདོའི་སྐད་དག་མ་ཤེས་མེད་པ་ཡིན་ནམ། འདི་དག་དོན་ཆུང་དུ་མི་སེམས་པར་གཟབ་པར་འཚལ།

འཇིགས་མེད་ཚེ་རིང་།

གླེང་གཞི།

“༼ བོད་དོན་༽ ཟེར་བ་ནི་ཅི་ཞིག་གི་བརྡ་ཆད་རེད་དམ། འཛམ་བུའི་གླིང་གི་མི་ཧ་ཅང་མང་པོ་ཞིག་གིས་འདི་ཉིད་རྟོགས་མེད་པ་མ་ཟད། བོད་མི་མང་ཙམ་ཞིག་ལའང་བོད་དོན་ཟེར་བ་ནི་མདོར་དྲིལ་ན་ཅི་ཞིག་ཡིན་པ་གསལ་ བརྗོད་བྱེད་ཐུབ་པའི་གདེངས་ཚོད་མེད་པ་ཡིན། ཡིད་སེམས་སྨྲེང་བར་བྱེད་པའི་རྒྱུ་མཚན་ཁ་ཤས་ཡོད་པ་ནི་བཙན་བྱོལ་ནང་ཆབ་སྲིད་ བཙོན་ཟུར་གྱི་ཁེ་དབང་བླངས་ཡོད་པའི་མི་ཁག་ཅིག་གིས་རྒྱུ་མཚན་ཅི་ཡང་མེད་པའི་ བྱེད་སྟངས་ཀྱིས་འཚོ་བ་རོལ་བའི་ལམ་ཁ་ཁེགས་པར་བྱས་ཏེ་བཙན་བྱོལ་དུ་འབྱོར་ཡོད་ པ་དེ་དག་ཡིན། གལ་སྲིད་ཆབ་སྲིད་ཀྱི་ལས་དོན་བྱེད་པོ་ཞིག་གི་ངོས་འཛིན་ཡོད་པའི་སྐད་ཆ་བཤད་ན་ དེ་ལ་“༼ དམིགས་གཏད་༽”ཅིག་ཡོད་དགོས་ཤིང་། ལས་དོན་གང་ཡིན་ཡང་འདི་ཉིད་གཞིར་བཞག་གིས་མགོ་རྩོམ་ངེས་ཡིན། རྩོམ་ཡིག་འདིའི་འཕྲོ་ཀློག »

འབྲོག་རུ་ཆོས་གྲགས།

དུས་རབས་ཀྱི་འཕེལ་རྒྱས་དང༌། ལོ་རྒྱུས་ཀྱི་འགྱུར་འགྲོས་ལ་བསྟུན་ནས་མིའི་རིགས་ཀྱི་སྐད་དང་ཡི་གེའང་འགྱུར་བཞིན་ཡོད།
འཇིག་རྟེན་ནི་འགྱུར་བའི་རང་བཞིན་ཅན་ཞིག་ཡིན་པ་དང༌། འགྱུར་བ་ནི་དངོས་པའི་གཤིས་ལུགས་ཡིན་སྟབས། དངོས་པོ་རྙིང་བ་རྣམ་རིམ་གྱིས་རྫོགས་ཤིང༌། དངོས་པོ་གསར་བས་འཇིག་རྟེན་གཞན་ཞིག་བཟོ་བསྐྲུན་བྱེད་པ་དང་བསྟུན་ནས་མིའི་རིགས་ཀྱི་སྐད་ཆ་ལ་འང་འགྱུར་ལྡོག་ཆེན་པོ་ཞིག་འབྱུང་གིན་ཡོད། ཡི་གེ་ནི་མིའི་རིགས་ཀྱི་སྐད་ཆ་ལ་གཞིགས་ནས་གསར་བཏོད་བྱས་པ་ཞིག་ཡིན་སྟབས། ཡི་གེ་དེར་ཡང་རང་བཞིན་གྱིས་འགྱུར་བ་ཞིག་འགྲོ་བཞིན་ཡོད་ཀྱང༌། ང་ཚོས་འགྱུར་བ་དེས་རྗེས་མ་ཆོད་པ་འམ་དེར་མ་བསྟུན་པར་བོད་སྐད་ཡིག་གིས་མི་འཇོན་རབས་དང༌། མི་ཐུབ་རབས་མ་གཏོགས་བསམ་བློ་གཏོང་གི་མེད་པ་དེ་རེད། ང་ཚོས་བསམ་བློ་ཞིག་བཏང་ན། བོད་ཀྱི་ལོ་རྒྱུས་སྟེང་བྱུང་བའི་བོད་སྐད་ཡིག་གི་འཕེལ་རིམ་དེ་བཀས་བཅད་རིམ་པ་གསུམ་ནས་འཕེལ་འགྱུར་གྱི་གོམ་ཁ་ཇེ་མགྱོགས་སུ་སོང་ཡོད་པ་ཚང་མས་ཤེས་གསལ་ལྟར་རེད། རྩོམ་ཡིག་འདིའི་འཕྲོ་ཀློག »