ངག་དབང་མཁས་བཙུན།
ཕྱི་ལོ་ང་དགུ་ལོར།
ཤར་མཐའི་རླུང་དམར་གྱི་འཚུབ་ཁ་རྒོད་ཅིང།
པོ་ཏཱ་ལའི་རྒྱ་ཕིབས་ཀྱི་གསེར་མདོག་ཉམས་པས།
སྲོང་བཙན་གྱི་བང་མཛོད་ལ་གཏོར་བཅོམ་བྱུང་།
མེས་པོའི་ཤུལ་བཞག་གི་རིག་གཞུང་ལ་གས་ཆག་ཤོར།
དེ་བས། སྨྲ་བརྗོད་ལ་སྒོ་གླེགས་བསྐོན་ཞིང་།
དད་མོས་ཀྱི་རང་དབང་འཕྲོག་ལ།
འགྲོ་འདུག་གི་གོ་སྐབས་བཅོམ།
ཨ་འདུས་མིག་ཆུ།
རང་རིགས་སྤུན་ཟླ་ཚོ། བོད་རྒྱལ་ཁབ་ལས་གཞན་པའི་རྒྱལ་ཁབ་འདང་ཆེན་ཞིག་འཚོལ་ཅིག་ལབ་མཁན་ཞིག་ཡོང་ན། འུ་ཅག་གི་གནས་ཚང་དུ་གྱུར་བའི་རྒྱ་གར་གཞུང་དང་། དེའི་མི་མང་ནི་ནམ་ཡང་ང་ཚོས་བརྗེད་དུ་མེད་པའི་དྲིན་ལྡན་རྒྱལ་ཁབ་དང་། འདང་ཆེའི་མི་རིགས་ཤིག་ཡིན་པ་ནམ་ཡང་བརྗེད་ག་ལ་རུང་། རྒྱ་གར་གཞུང་མང་གཉིས་ཀྱིས་ནམ་ཡང་ང་ཚོ་བསྐྱབས་ཤིང་། ང་ཚོ་བསྐྱངས་ནས་ཡོད་པ་ག་ལ་བརྗེད་རུང་ཨང་། ཡིན་ནའང་སྤྱི་ཡག་པོ་ཡོད་པ་རྒྱུ་མཚན་དུ་བྱས་ནས་བྱེ་བྲག་དེ་བཞིན་བཟུང་སྟེ། ཡིད་ཆེས་བློ་འགེལ་བྱེད་པ་ནི་རང་ཉིད་ཕོངས་ལ་སྦྱོར་བའི་ལམ་ཁ་གཙོ་བོ་རེད་སྙམ། ལྷག་པར་རྒྱ་གར་ཡུལ་མི་འགའ་ཞིག་གིས་བོད་མི་འགའ་ཞིག་གི་རྒྱས་སྤྲོས་ལ་བརྟེན་ནས་བོད་པ་ཡོད་དོ་ཅོག་ལ་དཔལ་འབྱོར་འབེལ་བོ་ཡོད་པའི་ལྟ་ཚུལ་འཛིན་པ་དང་། ཡང་འགའ་ཞིག་གིས་དེ་ལ་བརྟེན་པའི་ཕྲག་དོག་སོགས་ལ་བརྟེན་ནས། བོད་མིའི་ལག་ནས་དཔལ་འབྱོར་ལོན་ཐབས་ལ་སྒོ་གང་ཐད་ན་འབད་པ་བྱེད་ཁོ་ཐག་རེད་འདུག
ཁྲིམས་ལུགས་སློབ་མ། བློ་བཟང་གྲགས་པ།
དེ་རིང་ཡང་རྒྱ་གར་རྒྱལ་ཡོངས་ཀྱི་ལས་མཚམས་བཅད་པའི་ངོ་རྒོལ་ལས་འགུལ་ཞིག་གི་དབང་གིས་ང་ཚོར་གོང་སེང་བཏང་སོང་ལ། ང་ལ་མཚོན་ན་དེ་ནི་དོན་བཟང་ཞིག་བྱུང་སོང་སྙམ། གང་ཡིན་ལགས་ན། གོང་སེང་འདི་དང་སྟབས་བསྟུན་གྱིས་ང་ཚོའི་གྲོས་ཚོགས་འཚོགས་འདུ་འདི་ཉིད་དྲ་ཐོག་ཏུ་ཉོན་ཆོག་པ་དང་། དེ་ནས་དགོང་མོར་གློག་བརྙེན་ཞིག་ཀྱང་ལྟ་རུ་འགྲོ་ཆོག། ད་ལྟ་ནི་སྔ་དྲོ་ཆུ་ཚོད་༡༡:༡༦ཡིན་པ་དང་། གྲོས་ཚོགས་འཚོགས་འདུ་དེའང་གསོལ་ཇའི་དབར་སེང་དུ་མཚམས་འཇོག་གནང་སོང་། དབར་སེང་མཚམས་འཇོག་མ་བྱས་སྔོན་དུ། གྲོས་ཚོགས་སུ་བཙན་བྱོལ་བོད་མིའི་བཅའ་ཁྲིམས་ལེའུ་དང་པོ་དོན་ཚན་བརྒྱད་པ་སྟེ་བོད་ཀྱི་ཡུལ་མི་དང་། དེ་དང་འབྲེལ་བའི་བོད་ཀྱི་ཡུལ་མིའི་ཁྲིམས་ཡིག་བཟོ་དགོས་མིན་ཐད་བགྲོ་གླེང་གནང་སོང་།
དེ་ལས་མང་བ་། “བོད་ཀྱི་ཡུལ་མིའི་ཁྲིམས་ལུགས་བཟོ་དགོས་པའི་རྒྱུ་མཚན།” »
ཨོ་རྒྱན་ཉི་མ།
བདེན་པའི་མེ་ལྕེས་བདེན་པའི་ལོ་རྒྱུས་བསྲེག །
བདེན་པའི་མེ་ལྕེས་ཤར་ནུབ་འུར་གྱིས་གང་། །
བདེན་པའི་ལ་རྒྱ་ཚོམས་ཆེན་ཡོངས་ནས་བསྒྲགས། །
བདེན་དོན་མེ་ཡི་ཞལ་ནས་སོས་ཐུབ་སམ། །
བདེན་དོན་ཞེས་པའི་གཡེར་གྲགས་ཆེ་བ་དེས། །
བདེན་པའི་མེ་ལྕེ་ཡོད་ཚད་བསྡུས་ནུས་ཀྱང་། །
བདེན་རྟགས་སྔོན་བྱོན་ལོ་རྒྱུས་ཡོད་གྱུར་ཀྱང་། །
བདེན་དོན་ཁྲིམས་ལ་གནས་པའི་གང་ཟག་ཅིག །
ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་དུ། ༢༠༡༢.༩. ༢༡ – ༢༣ བར།
ཚོགས་ཆེན་འདི་སྐབས་བཞི་བའི་རྒྱུན་ལས་གསར་འདེམས་དང་བསྟུན་ནས་བོད་ཀྱི་གནད་དོན་དང་འབྲེལ་བའི་བརྗོད་གཞི་འགའ་རེའི་ཐོག་ལ་བགྲོ་གླེང་གི་ཚོགས་འདུ་ཞིག་ཡིན། དེ་བས་ཚོགས་མི་གསར་རྙིང་ཚང་མ་ཚོགས་ཞུགས་བྱེད་རྒྱུ་གལ་ཆེན་པོ་ཡིན། ཚོགས་མི་ཞིག་ལ་མཚོན་ན་ཚོགས་ཆེན་ལ་ཞུགས་རྒྱུ་འདི་རང་གི་འོས་འགན་གཙོ་བོ་ཞིག་ཀྱང་ཡིན། གཞུང་འབྲེལ་མ་ཡིན་པའི་ཚོགས་སྡེ་ཁག་འགར་མགྲོན་ཤོག་བཏང་བ་བཞིན་ཚོགས་འདུའི་མཛད་སྒོར་དུས་ལྟར་འབྱོར་ཐུབ་པའི་རེ་བ་ཡོད། གཞན་ཡང་ཚོགས་འདུར་ཟུར་ཞུགས་གནང་མཁན་ཡོད་ན་ཡང་དགའ་བསུ་ཞུ། དྲི་བ་འདོན་པའི་ཐོབ་ཐང་ཡང་ཐོབ།
དེ་ལས་མང་བ་། “པེན་བོད་ཀྱི་རྩོམ་པ་པོའི་མཐུན་ཚོགས་ཀྱི་ཚོགས་ཆེན་སྐབས་བཞི་པ།” »
མགོན་པོ་སྐྱབས།
ཀ་ཡེ་ཚིག་གསུམ་གཏན་གྱི་འདུན་མ།
ཁ་ཁོག་མེད་ལ་དྲང་མོར་ཤོད་དང་།
གང་དུ་བསྡད་པའི་མི་བུའི་དྲུང་ནས།
ང་དང་ཁྱེད་ནི་གྲོགས་དྭངས་མ།
བསེ་རུ།
ང་རང་གཉིད་ལ་ཡུར་བའི་དུས་ཚོད་ནི་མཚན་མོའི་ཆུ་ཚོད་བཅུ་པ་ཙམ་ཡིན། ང་རང་གཉིད་སད་དུས་ཆུ་ཚོད་ལ་ལྟ་སྐབས་ཉིན་དགུང་གི་ཆུ་ཚོད་བཅུ་པ་ཟིན་ཡོང་གི་འདུག མདོར་ན་མདང་དགོང་ང་ཆུ་ཚོད་ག་ཚོད་གཉིད་ཁུག་པ་རེད་དམ། བསམ་བློ་ཞིབ་པར་གཏོང་སྐབས་ང་རང་ལ་རྨི་ལམ་ཡུན་རིང་རྨིས་པས་འདི་ལྟར་གཉིད་ཁུག་པ་རེད། བོད་པའི་གཏམ་དཔེར། གཉིད་མང་ན་རྨི་ལམ་མང་། ཞེས་པ་ལྟར་ང་ལ་ཡང་རྨི་ལམ་མང་པོ་བཏང་བྱུང་།
བཅར་འདྲི་བྱེད་མཁན་རྨེའུ་དཀོན་རྒྱམ།
(སྒྱུ་རྩལ་བ་རྟ་མགྲིན་ལགས་ཀྱིས་ཕྱི་ལོ་ ༢༠༡༢ ཟླ་ ༠༩ ཚེས་ ༡༨ ཉིན་དཔའ་བོ་འཇམ་དཔལ་ཡེ་ཤེས་ཀྱིས་རང་ལུས་མེར་སྲེག་བཏང་བའི་སྣང་བརྙན་དེ་ངག་དབང་ཉི་མའི་རྒྱབ་ཏུ་ཁབ་གཙགས་རི་མོ་བྲིས་པའི་གནས་ཚུལ་གྱི་སྐོར་ལ་བཅར་འདྲི་ཞིག)
དྲི་བ། ཁྱེད་རང་གིས་གང་འདྲ་བྱས་ནས་ཁབ་གཙགས་རི་མོ་འདི་ལྟ་བུ་ཞིག་འབྲི་དགོས་པའི་རྒྱུ་མཚན་ག་རེ་ཡིན་ནམ།
ལན། ངག་དབང་ཉི་མས། “ངའི་མིང་ལ་ངག་དབང་ཉི་མ་ལབ་ཀི་ཡོད། ང་རང་བལ་ཡུལ་བྷོག་ར་བྱམས་པ་གླིང་གཞིས་ཆགས་ནས་ཡིན། ང་རང་འཐབ་རྩོད་པ་ཞིག་ཡིན་པའི་ཆ་ནས། བོད་དོན་ལས་འགུལ་སྤེལ་དགོས་པ་ནི། སྤྱིར་བཏང་གི་འགན་འཁྲི་ཞིག་རེད། དེ་འདྲ་ཡིན་དུས། དེ་རིང་། ངའི་རྒྱབ་ཏུ་དཔའ་བོ་འཇམ་དཔལ་ཡེ་ཤེས་ཀྱི་སྣང་བརྙན་ཁབ་གཙགས་རི་མོ་ཞིག་བྲིས་ཡོད། འདི་ལྟར་འབྲི་དགོས་པ་ལ་རྒྱུ་མཚན་ཁ་ཤས་ཡོད། གཅིག་ནས། དཔའ་བོ་འཇམ་དཔལ་ཡེ་ཤེས་ཀྱི་རྒྱལ་གཅེས་སྙིང་སྟོབས་ལ་དྲན་རྟེན་དང་། གཉིས་ནས། ང་རང་བོད་ཀྱི་འཐབ་རྩོད་པ་ཞིག་ཡིན་པ་མི་བརྗེད་པའི་ཆེད་ཡིན།
ཁྲིམས་ལུགས་སློབ་མ། བློ་བཟང་གྲགས་པ།
དེ་རིང་སློབ་གྲྭ་གུང་སེང་དང་སྟབས་བསྟུན་ཏེ་བཙན་བྱོལ་བོད་མིའི་གྲོས་ཚོགས་ཚོགས་འདུ་ལ་ཉན་རྒྱུ་བྱུང་། བདག་ཅག་གི་བཀུར་འོས་སྤྱི་འཐུས་རྣམ་པ་ཚོས་ཀྱང་བགྲོ་གླེང་དང་བསམ་ཚུལ་མང་པོ་གསུངས་སོང་ལ། གྲོས་ཚོགས་ར་བའི་ཁོར་ཡུག་དེའང་སྔར་དང་མི་འདྲ་བར་ཡར་རྒྱས་ཞེ་དྲག་སོང་འདུག་སྙམ་པའི་ཚོར་བ་བྱུང་། དེ་ལ་ངས་རང་ཉིད་བོད་པ་ཞིག་ཡིན་པའི་ཆ་ནས་བཀུར་འོས་སྤྱི་འཐུས་རྣམ་པར་ཐུགས་རྗེ་ཆེ་ཞུ་འདོད་བྱུང་། མཚམས་འདིར་ངས་བོད་ནས་ཡོང་བའི་སློབ་མ་དང་གྲྭ་བཙུན་ཉུང་དུ་སོང་བའི་རྒྱུ་མཚན་སྐོར་ཞིག་འབྲི་འདོད་བྱུང་སོང་། རྩ་བས་དེའི་སྐོར་དེ་རིང་སྤྱི་འཐུས་མང་པོ་ཞིག་གིས་གསུངས་སོང་མོད། ངས་བསམ་པར་ཁོང་ཚོས་གསུངས་པ་དེ་གཙོ་བོར་༢༠༠༨ནས་རྒྱ་ནག་གི་བོད་ཐོག་འཛིན་བའི་དམ་དྲག་ཆེས་ཆེར་སོང་བའི་རྒྱུ་མཚན་དུ་བཟུང་ནས་གསུངས་པ་ལས་དེ་ལས་བརྒལ་བའི་རྒྱུ་མཚན་བགྲངས་མ་སོང་སྙམ།
དེ་ལས་མང་བ་། “བོད་ནས་ཡོང་བའི་སློབ་མ་དང་གྲྭ་བཙུན་ཉུང་དུ་སོང་བའི་རྒྱུ་མཚན།” »
གནས་ཚུལ་མཁོ་གཏོང་བ་ས་དཀར་བཀྲ་ཤིས།
ཁ་སང་ཚེས་༡༨ ཉིན་སྦེལ་ལྗམ་གྱི་གྲོང་ཁྱེར་ཆེ་ཤོས་གཉིས་བ་དང་བོད་མི་འདུས་སྡོད་མང་ཤོས་ཡིན་པའི་གྲོང་ཁྱེར་ཨན་ཀྲོབ་ནང་དུ་བོད་མི་མང་སྤྱི་འཐུས་ལྷན་ཚོགས་ཀྱིས་སྣེ་ཁྲིད་པའི་བདེན་པའི་མེ་ལྕེ་སྐོར་བསྐྱོད་ཀྱི་ལས་འགུལ་སྤེལ་ཡོད་འདུག་ལ། ཉིན་དེའི་ཆུ་ཚོད་༤ པའི་སྟེང་བོད་མི་དང་བོད་དོན་རྒྱབ་སྐྱོར་བ་༢༠༠ ཙམ་Bolivarplaats ཡི་ཐང་ཆེན་སྟེང་འདུ་འཛོམས་བྱུང་མཚམས་ཚང་མ་གོམ་བགྲོད་ཀྱིས་Groenplaatཡི་ཐང་ཆེན་བར་ཏུ་ཆུ་ཚོད་གཅིག་རིང་སྐད་འབོད་གནང་སྟེ་བསྐྱོད་ཡོད་པ་དང་། ལམ་བར་ཏུ་བོད་ནང་གི་ཛ་དྲག་གནས་སྟངས་གསལ་བའི་དྲིལ་བསྒྲགས་ཡིག་ཆ་མང་པོ་བཀྲམས་པར་མི་མང་གིས་དོ་སྣང་ཤུགས་ཆེར་གནང་ཡོད་འདུག་ལ། Groenplaatཡི་ཐང་ཆེན་དུ་འབྱོར་རྗེས་བོད་རང་དབང་ཆེད་རང་སྲོག་བློས་བཏང་བའི་དཔའ་བོ་དཔའ་མོ་ཚོ་ལ་མྱ་ངན་ངག་བཅད་སྐར་མ་གཅིག་རིང་ཞུས་བ་དང་།
དེ་ལས་མང་བ་། “སྦེལ་ལྗམ་དུ་བདེན་པའི་མེ་ལྕེ་སྐོར་བསྐྱོད་ཉིན་གཉིས་པ།” »
གསར་འགྱུར་མཁོ་གཏོང་བ། སྦེལ་ལྗམ་བོད་ཚོགས་དྲུང་གཞོན་ས་དཀར་བཀྲ་ཤིས།
ཕྱི་ཟླ་༩ པའི་ཚེས་༡༧ ཉིན་གྱི་ཞོགས་པ་ཆུ་ཚོད་༡༡ སྟེང་སྦེལ་ལྗམ་རྒྱལ་ས་སྦར་སིལ་གྱི་ཡུ་རོབ་གྲོས་ཚོགས་མདུན་ནས་བོད་མི་མང་སྤྱི་འཐུས་ལྷན་ཚོགས་ཀྱིས་སྣེ་ཁྲིད་པའི་བདེན་པའི་མེ་ལྕེ་སྐོར་བསྐྱོད་ལས་འགུལ་བསུ་ལེན་གྱི་མཛད་སྒོ་བསྐྱངས་བ་དང་། མཛད་སྒོའི་ཐོག་མར་ཡུ་རོབ་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་ཆུང་གི་ཚོགས་གཙོ་སྐུ་ཞབས་ཐོ་མ་སི་མན་(Mr. Thomas Mann, the President of Tibet Intergroup, European Parliament)ལགས་ནས་སྣང་གསལ་མར་མེ་ཞལ་འབྱེད་གནང་བ་དང་། དེའི་རྗེས་སྐུ་ཞབས་ཐོ་མ་སི་མན་དང་དང་ཡུ་རོབ་གྲོས་ཚོགས་འཐུས་མི་ཊོ་ནན་ཀེའུ་ལན(TunneKelan)། སྦར་སིལ་སྐུ་ཚབ་དོན་གཅོད་དངོས་གྲུབ་རྡོ་རྗེ་བཅས་ནས་ཡུ་རོབ་སྤྱི་འཐུས་ཐུབ་བསྟན་དབང་ཆེན་གྱི་ཕྱག་ནས་བདེན་པའི་མེ་ལྕེ་བསུ་ལེན་གནང་བ་དང་། སྐུ་ཞབས་ཐོ་མ་སི་མན་དང་ཡུ་རོབ་གྲོས་ཚོགས་འཐུས་མི་ཊོ་ནན་ཀེའུ་ལན་གཉིས་ནས་བདེན་པའི་མེ་ལྕེ་ལས་འགུལ་ལ་རྒྱབ་སྐྱོར་གྱི་མཚན་རྟགས་བསྐྱོན་རྗེས།
ཁྲིམས་ལུགས་སློབ་མ། བློ་བཟང་གྲགས་པ།
ང་ཚོས་ཚང་མས་མཁྱེན་གསལ་རེད། ཉེ་བའི་ཆར་ཨེ་ཤི་ཡའི་སྟོབས་ཆེན་རྒྱལ་ཁབ་རྒྱ་ནག་དང་ཉི་ཧོང་གཉིས་ཀྱི་མཚོ་ས་རྩོད་གླེང་བྱེད་པ་ནི་ཛ་དྲག་ཆེས་ཆེར་འགྲོ་བཞིན་ཡོད་པ་དང་། རྒྱ་ནག་གིས་ཏའོ་ཡུལ་གླིང་ཕྲན་རི་ཚོགས་ནི་ཕ་རབས་མི་རྒྱུད་ནས་རྒྱ་ནག་གི་བདག་དབང་འོག་ཡོད་ཚུལ་བཤད་པ་དང་། ཉི་ཧོང་གིས་དེ་ནི་ཉི་ཧོང་གི་ཁྲིམས་མཐུན་བདག་དབང་འོག་ཡོད་ལུགས་སོགས་བཤད་དེ་གང་ལྟར་ཀྱང་རྒྱལ་ཁབ་གཉིས་ཀྱི་མཚོ་ས་བདག་དབང་འདིའི་ཐད་སུས་ཀྱང་གུ་ཡངས་མི་གཏོང་པར་ཆབ་སྲིད་ཀྱི་གནད་དོན་ཞིག་ཏུ་ལྷུང་ཡོད་པ་རེད།
ཨོ་རྒྱན་ཉི་མ།
སྲོལ་རྒྱུན་གྱི་རིག་གཞུང་ཉམ་རྒུད་དུ་འགྲོ་བའི་རྒྱུ་རྐྱེན་གཙོ་བོ་དེ་འགྲོ་བ་མིའི་རིགས་ཀྱི་འཚོ་བའི་སློབ་གསོ་དང་། མི་ཚེའི་འཚོ་བའི་ཡོ་བྱད་དང་ཆེར་མ་འབྲེལ་བས་ཡིན་ན་བསམ། དེ་ཕྱིར་ནང་པའི་ཆོས་ཀྱང་ཚེ་འདི་བློས་བཏང་གི་ངེས་འབྱུང་བློ་ཅན་གཅིག་པུ་ངོར་མ་ཡིན་པར། འཚོ་བའི་ཁ་ཕྱོགས་དང་མཐུན་པའི་འཚོ་བའི་ཁ་ཕྱོགས་ལ་སྨན་པའི་སློབ་གསོ་ཞིག་ཏུ་བསྒྱུར་ན་ཕྱོགས་གཅིག་ནས་ལེགས་ཆ་ཞིག་ཀྱང་ཡོད་པར་འདོད།
དེ་ལས་མང་བ་། “འཇིག་རྟེན་ཉེར་སྤྱོད་དང་མཐུན་པའི་ཆོས་ཤིག་སྒྲུབ་ན་གང་འདྲ་འདུག” »
ཤར་ཕྱོགས་ཁུག་རྟ།
དམིགས་བསལ་ཚོགས་ཆེན་ཐེངས་གཉིས་པ་ཐོན་ལ་ཉེ་བ་རེད། དམིགས་བསལ་ཚོགས་ཆེན་ཐེངས་གཉིས་པ་འདི་སྟོང་ལོ་གསར་པའི་ནང་ནས་བརྩིས་ན་ཚོགས་ཆེན་རིམ་པ་བཞི་པ་དེ་ཆགས་ཀྱི་ཡོད། ཚོགས་ཆེན་རེ་རེར་བཅར་ཏེ་བློ་གྲོས་ཀྱི་རྩལ་འདོན་བཞིན་པའི་གནས་སྟངས་ཀྱང་མཐོང་མྱོང། མཐོང་མྱོང་བ་དེས་སྐད་ཆ་མང་པོ་ཞིག་བཤད་དགོས་ཀྱི་མི་འདུག་ལ། བཤད་ཀྱང་ཡིག་ཐོག་གི་རི་མོར་འགྱུར་འགྲོ་བས། ད་ནི་ལག་པ་བྲང་ཁར་བཞག་ནས་ཞིབ་འདང་ལྷོད་ལྷོད་ཅིག་རྒྱབ་ན། ང་ཚོ་གངས་ཅན་ལྗོངས་ཀྱི་བདེ་སྡུག་གི་མདུན་ལམ་དང་དམིགས་བསལ་འགན་འཁྲི་ཡོད་པའི་དབུས་བོད་མིའི་སྒྲིག་འཛུགས་དང་མི་མང་གཉིས་ནས་བོད་ནང་གི་ཛ་དྲག་གནས་སྟངས་ལ་གདོང་ལེན་བྱེད་ཕྱོགས་ཀྱི་ཐབས་ལམ་གཅིག་ཡོད་པ་འདི་དཔལ་ལྡན་བཀའ་ཤག་ལ་མཚོན་ན་ལག་བསྟར་ཀྱང་མི་ཐུབ་པ་མེད་པས་མི་ཞུ་ཐབས་མེད་ཆགས་སོང།
ཨོ་རྒྱན་ཉི་མ།
དེང་སང་བོད་ཀྱི་གཞོན་ སྐྱེས་ཚོའི་ངག་དང་། ཞེ་ན་མཛའ་བ་ནི་ནུབ་ཕྱོགས་པའི་མཚན་ཉིད་སྨྲ་བ་དང་། སྐྱེ་དངོས་སྨྲ་བ། དངོས་གཙོ་སྨྲ་བ། སེམས་ཁམས་སྨྲ་བ་ཚོ་རེད། དེ་དག་གིས་བཤད་པ་དང་། སྒྲུབ་པ། བསམ་པ་ཡོད་ཚད་ཡང་དག་ཅིག་དང་། དོན་མཐུན་ཞིག ད་དུང་ཚད་མ་ཞིག་ཏུ་འཛིན་བཞིན་པར་མ་ཟད། དེ་དག་གི་གཏམ་དང་། རྣམ་འགྱུར་ཡོད་ཚད་དཀོན་མཆོག་ཏུ་འཛིན་ཅིང་།
༄༅། །ཁ་བརྡ་རྩོམ་སྒྲིག་པ་ལྷན་རྒྱས་ལ།
ཆེད་ཞུ། བདག་ནས་ད་ལན་བོད་ཀྱི་གནས་བབ་སྐོར་དཔྱད་རྩོམ་ཞིག་བྲིས་པ་མིང་དུ་༼ལོ་རྒྱུས་ཀྱིས་ད་ལྟའི་ཚབ་བྱེད་མི་ཐུབ་༽ཅེས་པ་འདི་ཁྱེད་རྣམ་པའི་དྲྭ་རྒྱར་འགོད་ཐུབ་པའི་རེ་བ་ཞུ་བཞིན་ཡོད། བདག་གི་དཔྱད་རྩོམ་འོག་ཏུ་དངོས་མིང་མི་གསལ་བ་ཁག་ལ་འཆན་འགོད་ཀྱི་གོ་སྐབས་མ་སྤྲད་རོགས། འགན་འཁུར་མེད་པའི་གཏམ་སྣ་ཚོགས་བཤད་ན་ཕན་ཐོགས་མཐོང་གི་མི་འདུག དངོས་མིང་དང་འབྱུང་ཁུངས་གསལ་པོ་ཡོད་ཚེ་ངེས་པར་དུ་དང་ལེན་ཞུ་རྒྱུ་བཅས།
སེར་སྨད་དགེ་བཤས་ལྷ་རམས་པ་ཡང་སྟེང་སྤྲུལ་སྐུ་ནས།
འབའ་སྲས།
འབྲོག་པས་གཡག་རོག་དྲན་པའི་སྙན་ངག་འབྲི།།
འབྲོག་པས་གཡང་དཀར་དྲན་པའི་སྐྱོ་གླུ་ལེན།།
འོན་ཀྱང་རོང་བས་བོང་བུ་དྲན་པ་དང་།།
ཕག་པ་དྲན་པའི་སྙན་ངག་ད་སྔ་མེད།།
འབའ་སྲས།
གསུང་སྐད་སྙན་མོ་མ་ཐོས་ལོ་ངོ་དྲུག །
གར་སོང་གང་ཡོད་མ་ཤེས་ལོ་ངོ་དྲུག །
ལོ་ངོ་དྲུག་ལ་དྲན་པའི་མིག་ཆུ་འདི།།
ད་དུང་ལོ་ངོ་ཅི་ཙམ་ཟེགས་དགོས་ཨང་།།
མགོན་པོ་སྐྱབས།
གཉོམ་ཆུང་མི་ལ་ཐུབ་ཚོད་མ་བྱེད།
རྒྱུ་ཆེན་མི་ལ་ངོ་དགའ་མ་བྱེད།
རང་ཚུགས་ཐུབ་པའི་བརྟན་བརླིང་མེད་ན།
མི་གཤིས་ངོ་མའི་རིན་ཐང་བརླགས་འགྲོ།
རྔ་བ་མཁས་གྲུབ།
གཡག་རྒོད་ནི་ཉིས་སྟོང་བཅུ་གཅིག་ལོའི་སྤྱི་ཟླ་བདུན་པའི་ཚེས་དྲུག་ཉིན་ཨ་མདོ་རྔ་བའི་མཁས་གྲུབ་དང་ཁོང་གི་བཟའ་ཟླ་ཇོས་ལེས་གཉིས་ཀྱིས་ཁ་ན་ཊའི་ནང་དུ་བོད་ཀྱི་བྱིས་པའི་སློབ་གསོ་རྒྱུན་འཛིན་དང་དར་སྤེལ་ལ་དམིགས་ཏེ་གསར་འཛུགས་བྱས་པ་དང་ཆབ་གཅིག་གཡག་རྒོད་དྲ་ཚིགས་དབུ་འབྱེད་མཛད། གཡག་རྒོད་ནི་བོད་ཀྱི་བྱིས་པའི་སློབ་གསོ་རྒྱུན་འཛིན་དང་གོང་སྤེལ་གྱི་བྱ་བཞག་གཙོ་གཉེར་བྱེད་པའི་དང་བླངས་སྲི་ཞུའི་ལས་ཁུངས་ཆུང་ཆུང་ཞིག་ཡིན།
དེ་ལས་མང་བ་། “གཡག་རྒོད་དྲ་ཚིགས་ཀྱི་ལོ་གཅིག་གི་སྙན་ཐོ་དང་མདུན་སྐྱོད་ཀྱི་འཆར་གཞི།” »
