__བེ་རི་འཇིགས་མེད་དབང་རྒྱལ།
ཉིན་མཚན་ལྟོས་མེད་ཀྱིས་རླུང་འཚུབ་དྲག་ཏུ་ལྡང་བའི་དུས་ཟིང་ཞིག་གི་ནང༌། དམར་སྲུང་དམག་གིས་ཉེས་རྡུང་ཚད་མེད་གཏོང་བའི་འོག ངའི་ཨ་མའི་སྐུ་གཟུགས་དེ་ཅོང་ནད་ཀྱི་བང་མཛོད་ཅིག་ཏུ་གྱུར།
ཁ་བའི་འདབ་མ་ལྷུག་ལྷུག་ཏུ་འབབ་པའི་མཚན་མོ་ཞིག་ལ། ཨ་མའི་ནད་གཞི་ཇེ་སྡུག་ཏུ་ཕྱིན་ཏེ་ཐེངས་གཉིས་བརྒྱལ། ལོ་ན་ལྔ་བཅུ་སོན་པའི་ངའི་ཨ་ཕའི་གདོང་ངོས་ལ་སྐྱོ་ཉམས་ཀྱི་མཉེར་མདུད་ཀྱག་ཀྱོག་མང་པོ་ཞིག་བརྒྱབ་རྗེས། ཁྱིམ་ མཚེས་ཚང་ནས་སྒོར་མོ་ཉི་ཤུ་སྐྱིན་ཏེ་ལྷགས་རླུང་དང་བུ་ཡུག་གི་ཁྲོད་ཨ་མ་ལག་ སྐྱོར་འཁོར་ལོ་ཐོག་ལེ་དབར་བཅུ་གཉིས་ཙམ་གྱིས་ཆོད་པའི་གཙང་འགྲམ་ནས་རྫོང་མི་ དམངས་སྨན་ཁང་དུ་ཁྲིད།
