ཐེ་བོ་ཤེས་རབ་རྒྱ་མཚོ།
ཀ་རྩོམ་གཟུ་མོ་གཉོམ་ཆུང་རྒྱབ་རྩར་སྤྲིངས།།
ཁ་བ་སྐམ་པོ་ཁ་དོན་མཐུན་ནས་འདུག།
ག་ས་གང་དུ་ཁྱོད་འདྲ་ཡོད་སོང་ན།།
ང་ཚོ་མི་རབས་གསར་པ་སུ་ལ་འཇིགས།།
ཅ་ཅོ་སྒྲོག་པའི་ཙི་ཙིའི་ཕྲུ་གུ་རྣམས།།
ཆ་ལུགས་བཙོག་པ་དེ་འདྲ་རིག་ན་ཡང་།།
ཇ་མར་ཟ་འཐུང་ཙམ་ཞིག་རྙེད་པ་ན།།
ཉ་བ་རྒན་པོ་བཞིན་དུ་འཁུམས་པ་འདྲ།།
ཐོར་རྒོད་པ་སྤྱན་ཆབ།
རྩལ་ལ་གཏད་པ་ཞིག
བློ་ཡིས་བཏབ་པ་ཞིག
བཅད་པ་ཞིག མཐུད་པ་ཞིག
ཆོ་འཕྲུལ་མ་ཡིན་པའི
སྒྱུ་རྩལ་མ་ཡིན་པའི
མཛེས་རིས་ཀྱི་དོད་དུ
ཆུ་རིས་ཀྱི་དབྱིབས་སུ
སེམས་དང་སེམས་ལ་སིམ་པ་དེ
རྐང་དང་རུས་པར་ཟུག་པ་དེ
ཡིད་ཆེས་ཐེངས་ཤིག་གི་མིའི་སེམས་དྲོད་དོ
རྟ་ནག་སྐལ་བཟང་ལུང་རིགས།
ནོར་གླིང་མཐོ་སློབ་ཀྱི་སྙན་ངག་མ་ཞིག་ལ་བསྟབས་པ།
སིལ་སྙན་ཁྲོལ་ཁྲོལ་དཀྲོལ་མཛད་ཀྱི་ལྷ་མོ་གང་ནས་ཕེབས་ཡིན།།
པི་ཝང་ལྡེམ་ལྡེམ་འཁྲོལ་མཁན་གྱི་ལྷ་མོ་གང་ན་བཞུགས་འདུག།
དར་གོས་ཤམ་ཤམ་མནབས་པོ་ཡི་ལྷ་མོ་གང་ནས་ཕེབས་ཡིན།།
སྙན་ངག་ལྷང་ལྷང་གྱེར་པོ་ཡི་ལྷ་མོས་ཅི་ཞིག་གསུངས་སོང་།།
དེ་ལས་མང་བ་། “མཛེས་མ་སྒྲོལ་མ་འདྲ་བོ་ཁྱེད་ཡིན། དུམ་བུ་བཞི་བ།” »
སྲིད་སྐྱོང་བློ་བཟང་སེང་གེ
ལོ་ངོ་གསུམ་གྱི་ཡར་སྔོན་ལ་བོད་ཀྱི་རྒྱལ་ས་ལྷ་ས་ནས་མཐའ་མཚམས་ལི་ཐང་བར་གྱི་བོད་རིགས་ཡོངས་རྫོགས་ཀྱིས་བོད་ནང་དུ་རྒྱ་ནག་གི་དབང་བསྒྱུར་ལ་ངོ་རྒོལ་ཡར་ལངས་བྱས་ཡོད། བདུན་ཕྲག་འདིའི་ཡར་སྔོན་ལ་བོད་མི་གྲ་བ་ཞིག་གིས་རང་ལུས་མེར་བསྲེགས་བྱས་ཡོད། འདི་ནི་ལོ་འདིའི་ནང་རང་ལུས་མེར་བསྲེགས་ཀྱི་ལས་འགུལ་ཐེངས་གཉིས་པ་དེ་ཆགས་ཡོད་ལ། རྒྱ་ནག་གི་དབང་བསྒྱུར་དང་བོད་རིགས་ཀྱི་གྱེན་ལངས་མུ་མཐུད་བྱེད་པའི་མཚོན་བྱེད་ཞིག་ཀྱང་ཡིན། སྤྱིར་ང་ཚོས་ངོ་རྒོལ་ལ་སྐུལ་མ་བྱེད་ཀྱིན་མེད་ཀྱང་། ང་ཚོའི་བོད་རིགས་རྒྱལ་ཞེན་དཔའ་བོ་དེ་དག་ལ་རྒྱབ་སྐྱོར་བྱེད་དགོས་པ་ནི་རྩ་ཆེའི་ལས་འགན་ཡིན།
མྱི་སྟིག
དགུང་ནས་མེ་ཏོག་ཆར་བ་མ་བབས་ལ།།
ས་ནས་འཇའ་ཚོན་སྣ་ལྔ་མ་འཆར་བར།།
ཅི་ཞིག་བསགས་པའི་བྱིན་དང་ནུས་མཐུ་ཡིས།།
བོད་ཀྱི་མདོ་ཁམས་སྨད་ནས་མི་རུ་སྐྱེས།།
ཨ་ཕས་བཤད་ན་སྙིང་རྗེ་ཡིན་རབས་ཟེར།།
ཨ་མས་བཤད་ན་ངན་རྟགས་སྟོན་རབས་ཟེར།།
ད་དུང་ཕུ་བོས་ངུ་ཁ་སླ་རབས་ཟེར།།
གང་ལྟར་ཨ་ཅེ་དག་གིས་མྱངས་རབས་འདུག།
(དཔའ་བོ་ཚེ་དབང་ནོར་བུ་མཆོག་ལ།)
ཨ་འདུས་མིག་ཆུ།
མེས་པོའི་རུས་རྐང་ས་རུ་མི་འཐོར་སླད།།
རིགས་ཀྱི་བརྒལ་ཚིགས་ནང་དུ་མི་སྒུར་ཕྱིར།།
ནང་གི་དཔའ་གདེང་མངོན་པའི་བརྡ་རྟགས་ཤིག།།
ས་ཆེན་རྩེ་མོར་འོད་དུ་བྱས་སོང་ཨང་།།
ལྕགས་ཐག་སིལ་མའི་སྒྲ་ཡིས་ས་གཞི་འགེངས།།
རོ་དང་རུས་པ་ཆེན་པོའི་རི་རབ་བརྩེགས།།
ཡིད་ཀྱི་སེམས་ཀྱིས་མ་བཟོད་ན་ཟུག་ཀུན།།
སྐུ་ལུས་མེ་རུ་སྤར་ཏེ་གསལ་བརྡ་བྱིན།།
སློབ་དཔོན་རྒྱ་མཚོའི་སྤྲིན་གྱི་ལང་ཚོ།
ཀ་མ་ལ་ལྟར་མཛེས་པའི་ཡིད་འཕྲོག་མ།།
ཁ་བའི་ལ་རྒྱ་འཛིན་པ་མཛངས་མའི་ཕུལ།།
ག་ཆད་ཕྲག་དོག་གདོན་གྱིས་ཟིན་པ་ཡི།།
ང་རྒྱལ་ཅན་རྣམས་ཟིལ་གྱིས་གནོན་མཁས་མ།།
ཅ་ཅོ་མ་ཡིན་བོད་དོན་གཏམ་གྱི་ཕྲེང་།།
ཆ་ཙམ་མ་ཡིན་གོ་ལའི་ཁྱོན་ཡངས་པོར།།
ཇ་ཡུན་ཙམ་མིན་གཏན་དུ་སྒྲོག་པ་ལ།།
ཉ་རྒྱས་ཟླ་བའི་དཔལ་གྱི་ལྷག་བསམ་འཆང་།།
དེ་ལས་མང་བ་། “མཛངས་མ་ཚེ་རིང་སྐྱིད་ལ་བསྔགས་པ་བདེན་དོན་གཏམ་གྱི་ཉིང་ཁུ།” »
གཙང་ཁ་བུས།
གླིང་ཆེ་འདི་ནས་བདེན་པའི་གནས་ཤིག་བཙས། །
རང་དབང་ལུང་པར་མར་མེ་ཁྲོམ་སྐོར་རེས། །
དཔའ་བོའི་རྣམ་ཤེས་དག་ཞིང་གང་ཞིག་ལ། །
ཀྱེ་མ་འདི་འདྲའི་དཔའ་རྒོད་རྣམ་པ་ཚོས། །
གཅིག་རྗེས་གཉིས་སུ་བཞི་ཤེད་འཐེན་གྱུར་ན། །
ས་སྟིང་འདི་ན་བོད་ཀྱི་བདེན་མཐའ་དང་། །
གངས་སེང་རྒྱལ་དར་ནང་ཞིག་བསྒྲེང་བར་དཀའ། །
ཨ་སྔོན་གནམ་ལ་དུ་དྲི་ཁྱབ་ཉིན་དེར། །
༼གསང་བ་རྒྱ་ཅན་གྱི་རིག་མའི་ལེའུ་ལས་ཁོལ་དུ་ཕྱུང་བའི་གསང་ཆོས་གཅེར་རྗེན་མ་ཞིག་ཡིན།༽
རྣལ་འབྱོར་རློན་པས།
ནམོབཛྲཌཱཀིནཱི
༡༽སྲོག་འཛིན་རླུང་གི་སྒྱུ་འཕྲུལ་སྒྱུ་མའི་གར།།
ཉི་མ་ཟླ་བ་བཞུས་པའིོ་དྭངས་མའི་ཁམས།།
གསང་བའི་དཔྱིད་ཀྱི་ཐིག་ལེར་ཟགས་པ་མོ།།
བདེ་ཆེན་ལས་ཀྱི་ཕྱག་རྒྱ་ཨེ་མ་ཧོ།།
ཟླ་བ་གཞོན་ནུ
བདེ་སྐྱིད་སབ་བེ་སོབ་བེ་དེའི་སྣང་བ་འགོག་དོགས་ཀྱིས
སྡིག་སྡུག་གི་ཐལ་རྡུལ་མ་གཙུབས་དང
འདས་སོང་གི་རལ་གྲི་ཁ་རྡུགས་མ་དེ་བཟུང་ནས
མིའི་གཉོམ་དུང་དུང་གི་སེམས་ངོར་མ་གཅིལ་ཀྱེ
འབྲི་ཞོ་བཞིན་ཁད་ཀྱིས་འཆགས་པའི་སེམས་ཀྱི་ཞིང་ཁམས་ལ
ཧམ་པ་ཞིག་དང་འགྲོགས་པའི་ཁྱོད་ཀྱི་ལག་རིང་དེ་བསྲིངས་ནས་མ་ཡོང་དང
ཞི་འཇམ་དང་ལྷོད་བག་གི་དྲི་མ་ཙམ་ཡང་མི་ཁ་བའི་ལག་པ་དེས་ང་ལ་མ་ཐུག་ཝེ
བུ་ཆུང་ལྡུམ་ར་བསོད་ནམས།
ཁ་སང་རྒྱ་གར་རང་བཙན་གྱི་ཉིན་མོར།
ཆར་སིམ་སིམ་རྒྱུན་ཆད་མེད་བབས་ཀྱང་།
དགའ་སྤྲོའི་ངང་གཞས་དང་ཞབས་བྲོར་རོལ།
དེ་རྗེས་འདམ་རྫབ་ཀྱི་ཁེངས་བའི་གསང་ལམ་དུ།
ལག་ཏུ་ཉི་གདུགས་ཐོགས་ནས་འགྲོ་སྐབས།
ཁྱེད་ཀྱི་རང་ལུས་མེར་བསྲེགས་བཏང་བའི་གནས་ཚུལ་ཐོས།
ཆར་ཐིགས་ཡིན་ནམ་མིག་ཆུ་ཡིན།
ངའི་མཁུར་ཚོས་ཀྱི་རི་སྒང་ཉུལ་ནས།
ངའི་སེམས་ཀྱི་གཤོང་པ་བརླན།
ངའི་ཡིད་ལ་སྨུག་པས་གཡོགས།
བསམ་གླིང་ཚེ་རིང་ལྷ་མོ།
མཐའ་ཡས་ས་གཞི་ན་བུན་འཚུབ་མས་སྒྲིབ།།
ཨ་སྔོན་ནམ་མཁའ་ཤག་ཤག་ཆར་སྒྲར་གཡེངས།།
བདུད་བརྩིའི་བདག་པོ་སྒུག་པའི་མཛའ་ན་མོའི།།
ཡིད་ཀྱི་དྲན་གདུང་སུ་ཡིས་རྟོགས་པར་ནུས།།
ཆུ་འཛིན་སྟུག་པོས་ལྷ་ལམ་ཀུན་ཏུ་དཀྲིགས།།
བསིལ་ཟེར་ཅན་ཁྱོད་ཁྲི་མུན་གང་དུ་གཤེགས།།
ཡུན་རིང་ཁྱེད་ཞལ་ཟླ་ཟེར་སྒུག་པ་ཡི།།
ཀུ་མུད་ཚོགས་ནི་ཡིད་གདུང་དྲག་པོས་མནར།།
ར་རྫ་འཇམ་དབྱངས་སྐྱིད།
ཤེས་རིག་མ་དར་གོང་གི་གདོད་མའི་སྤྱི་ཚོགས་དུས་སུ། བུད་མེད་ཀྱིས་ལོག་གཡེམ་བྱས་པ་ཡིན་ན། སྲོག་གཅོད་པ་དང་སྐྲ་ལོ་འབྲེག་པ། སྣ་དང་རྣ་བ་གཅོད་པ་སོགས་ཀྱི་སྲོལ་ཡོད་པ་རེད། ཕྱི་གླིང་གི་རྒྱལ་ཁབ་ཁ་ཤས་སུ་བུ་མོ་ཞིག་གིས་འགྲོགས་བཟང་བཙལ་བ་ཡིན་ན། ཁྱོ་ག་དང་རང་གི་ཕ་དང་ཕུ་ནུ་གང་རུང་གིས་བུ་མོ་དེ་བསད་ཀྱང་ཁྲིམས་མཐུན་ཡིན་པ་རེད། གཞན། དབྱིན་ཇི་རུ་ཁྱོ་ག་དམག་ལ་འགྲོ་སྐབས་ཁྱོ་མོའི་མོ་མཚན་ལ་ལྕགས་ཟྭ་རྒྱག་པའི་སྲོལ་ཞིག་ཀྱང་དར་མྱོང་ཡོད་རེད། དེ་ནི་དམུ་རྒོད་སྤྱི་ཚོགས་གང་གི་མཚོན་རྟགས་རེད་ལ། མིའི་རིགས་ཀྱི་ངོ་གནོང་དགོས་པའི་ལོ་རྒྱུས་ནག་པོ་ཞིག་ཅི་ལ་མིན། བུད་མེད་ལ་སྲོལ་དང་ཁྲིམས་དང་སྒྲིགས་དང་ལམ་ལུགས་འཛུགས་མཁན་ནི། ཏག་ཏག་སྐྱེས་པ་ཚོ་ཡིན་པ་རེད་ལ། ཡིན་ཡང་། ཁོ་ཚོས་རང་སྣང་གང་ཤར་གྱིས་ཁྱོ་མོ་མང་པོ་བསྟེན་ཆོག་གི་ཡོད་པར་མ་ཟད། བུད་མེད་ལ་གང་འདོད་དུ་ལོག་གཡེམ་དང་ཐ་ན་བཙན་གཡེམ་བྱས་ཀྱང་ཉེས་ཆད་ཕོག་གི་ཡོད་པ་མ་རེད། དོན་དག་འདི་ནི། སྔོན་ཐོན་རྒྱལ་ཁབ་ཅིག་ལ་མཚོན་ན། འདས་ཟིན་པའི་ལོ་རྒྱུས་རལ་པོ་ཞིག་རེད་འདུག
དེ་ལས་མང་བ་། “སྐྱེས་མ་རིག་འཛིན་གྱི་ཐོབ་ཐང་རྡོག་རོལ་བཏང་བ་ལ་ཁ་རྡུང་དང་དེ་ལས་འཕྲོས་པའི་གཏམ་ཐོར་བུ།” »
(མ་ཡུམ་ས་རཱ་མཐོ་སློབ་ཏུ་ཕྱིར་ལོག་པ།)
གཡུ་དྲུག་དཀར།་རྡ་ས།
ཐུར་ཐུར་གྱི་ལམ་ཀྱག་གེ་ཀྱོག་གེ་བ་དེ། འགྲོ་བདེ་བ་ཞིག་ཡེ་ནས་མིན་ལ། དེ་རིང་ལྷག་པར་དུ་ཕྱི་རོལ་གྱི་ཆར་ཤོད་ཀྱིས་རླངས་འཁོར་གྱི་སྒེའུ་ཁུང་ཡང་འབྱེད་དུ་མི་འཇུག་པས། མགོ་ཡུ་འཁོརབཞིན། སྐྱུག་མེར་ལངས་བཞིན་ཕྱིར་ལོག་པའི་ལམ་ཐག་འདི་ཉོབ་སྣང་ཆེ་བ་ཞིག་ཅིས་ཀྱང་མོད། དེ་རིང་མ་ཡུམ་མཐོ་སློབ་ཀྱི་སྐྱེས་སྐར་ལ་ལོག་པ་ཡིན་པས། སེམས་ཀྱི་བར་སྣང་ཁམས་ཆེན་པོར་དྭངས་གཙང་གི་ཁ་དབུགས་ཤིག་འཐིབས་ཏེ་གདའ།
ཁྱིམ་མི་ལྷན་འཛོམས་ཀྱི་འགོ་མ་དགའ་ཀྲོག་ཀྲོག་དང་སྤྲོ་ལྷང་ལྷང་གིས་འཛོམས་ཤིང་གྲལ་ལ་འཁོད་མོད། ང་ཚོའི་གྲལ་འགོ་ན་མེད་པ་དེ་སུ་ཡིན་ནམ། སྐྱེས་སྐར་གྱི་ཤིས་ཚིག་དང་གཏམ་བཤད་ཀུན་པོས་མེད་པ་ཞིག་གླེང་གིན་པ་དེ་སུ་ཡིན་ནམ། འདི་ལྟར་སྐྱོ་ལྷང་ལྷང་དང་ངག་འདར་འདར་གྱིས་གླེང་དགོས་པའི་མི་དེ་ཡིད་ལ་འཇོག་དུས། ཞོགས་པ་མགོ་ཡུ་འཁོར་ནས་ཅི་ལའང་མ་བསམ་པའི་ལམ་དེ།
དོལ་སྨྱོན།
གྲངས་མེད༵་བསྐལ་བའི་འཛིན་མ་ཡངས་པོར་དཔག་མེད༵་བསོད་ནམས་ལེགས་བསགས་ནས། །
གཞལ་མེད༵་ཤེས་བྱ་ཧུབ་ཀྱིས་འཐུང་ལ་འགྲན་མེད༵་དཔའ་བོ་ཁྱོད་ཉིད་ཀྱིས། །
ཚད་མེད༵་འགྲོ་བའི་རྨོངས་མུན་སེལ་ལ་མགོན་མེད༵་མགོན་དཔུང་གཅིག་གྱུར་པ། །
སྐྱབས་མེད༵་བདག་གི་སྤྱི་གཙུག་རྒྱན་དུ་འབྲལ་མེད༵་དུས་ཀུན་བརྟན་པར་མཛོད། །
དེ་ལས་མང་བ་། “མཁན་ཆེན་ཞི་བ་འཚོའི་བཀའ་དྲིན་རྗེས་སུ་དྲན་པ་བཅོས་མིན་སེམས་ཀྱི་རང་མདངས།” »
མ་ཡུམ་ས་རཱ་སློབ་གྲྭའི་འཁྲུངས་སྐར་ཉིན་བྲིས།
ཨ་འདུས་མི་ཆུ། ཁ་སང།
འདས་ཟིན་པའི་རླབས་ཆེན་གྱི་མེས་པོ་ཁྲི་ཕྲག་གིས་ངལ་བ་ཁྱད་དུ་བསད་ནས་མི་རིགས་ཤིག་ས་ཆེན་པོའི་ཡང་རྩེ་ན་རྒལ་ཚིགས་དྲང་པོར་གནས་ཕྱིར། དགའ་བའི་དགོད་སྒྲ་དང་སྐྱོ་བའི་མིག་ཆུ་མ་བཏོན་པར་རྔུལ་ཆུ་དང་རྔུལ་ཆུ་བསྐྱིལ་ནས་རིག་གཞུང་ཞིག་གི་འོད་སྣང་བཀྱེད་ཀྱང། ཁྱིམ་གཞི་ཞིག་གི་དྲོད་ཁོལ་བསྐྲུན་ནས་ཕྱི་རབས་པ་རྣམས་མགོ་བོ་སྒུར་མི་དགོས་ལ། གཞན་ལ་རེ་མི་དགོས་པའི་ཤུལ་རྟེན་རྩ་ཆེན་རེེ་བཞག་ནས་ཆེས་རྒྱང་ཐག་རིང་ས་རིང་ས་ཞིག་ན་ང་ཚོ་དང་ཁ་གྱེས་སོང་དུས། ཅི་ཡང་བཤད་ལ་གང་ཡང་བསྒྲུབ་མི་ཐུབ་པའི་ཕྱི་རབས་སྐུ་དྲག་དག་གི་སྒོ་ཁར་རྒྱ་དམར་པོའི་བོའུ(མེ་མདའ)་མཆུས་དྲག་རྡུང་བྱེད་དུས། མི་སྨྲའི་རྟུལ་ཞུགས་བཟུང་ཞིང་།
༼བུད་མེད་ལས་འཕྲོས་པའི་བསྟན་བཅོས་སྔོན་པོ།༽
ཕོ་རོག་དཀར་པོ།
༡༽མི་རྣམས་ཀུན་གྱི་འབྱུང་གཞི་བུད་མེད་མཆོག།
ཚུལ་བཞིན་བསམས་ན་བདེ་བའི་རྩ་བ་རུ།།
ཡིན་པར་ཤེས་ནས་འབད་པ་དུ་མ་ཡིས།།
གཏན་ཏུ་འགྲོགས་འདྲིས་ཐུབ་པར་བྱིན་གྱིས་རློབས།།
༢༽ལན་ཅིག་ཙམ་ལ་འགྲོགས་པའི་བུད་མེད་ནི།།
ཤིན་ཏུ་རྙེད་སླ་དོན་ཆུང་ཤེས་གྱུར་ནས།།
ཉིན་མཚན་ཀུན་ཏུ་གཡོ་འོག་མི་ཚུད་པར།།
རྒྱུན་ཆད་མེད་པར་འཛེམས་པར་བྱིན་གྱིས་རློབས།།
ཨ་མའི་བུ་རྒོད་བློ་བཟང་སེང་མིང་ཅན༎
གངས་རིའི་ལས་དོན་ལྷག་ཏུ་དར་བ་ཆེ།།
གང་བྱས་གནད་དུ་ཕོགས་པའི་དགོས་པ་ཅན༎
མཐོང་མ་ཐག་ནས་དགའ་བདེའི་ཚོར་བ་སྟེར༎
ཁྱེད་ནི་ལོ་རྒྱུས་རང་བཞིན་ཅན་གྱི་མི༎
ཁྱེད་ནི་བོད་པའི་སྙིང་གི་ཕྱེད་ཀ་ཡིན༎
ཁྱེད་ནི་གདོན་འདྲེ་ཞིག་གི་ཟློག་ཟླ་སྟེ༎
ཁྱེད་ཀྱི་དཔའ་སྟོབས་ལྡན་པའི་རི་བོ་རེད༎
དེ་ལས་མང་བ་། “བོད་ནང་ནས་བཀའ་ཁྲིའི་དམ་འབུལ་ལ་ཕུལ་བའི་ཤིས་ཚིག” »
དུར་བདག
ཞེ་སའི་གདངས་དང་རྣམ་འགྱུར་སྟོན་སྟངས་མེད་ན།།
ཞེ་སྡང་བསྐུང་ནས་བསླུ་བྲིད་གཏོང་སྟངས་མེད་ན།།
ཞེ་འཁོན་ཉམས་ཀྱིས་ཨག་སྐད་འདོན་སྟངས་མེད་ན།།
ཞེ་མཐུན་བོད་ལ་ཞབས་ཞུ་དཀོན་ཚོད་འདུག་གོ།
སྐུ་ངོ་ཚོན་པོར་ལགས་སོ་ཞུ་སྟངས་ནོར་ན།།
ལྕམ་མོ་སྤྱར་མར་ཡ་ལན་སྟེར་སྟངས་འཕྱུག་ན།།
སྲས་དང་སྲས་མོར་འབོད་པའི་གུས་ཚིག་སྟོང་ན།།
སྐུ་དྲག་སྒོ་མདུན་བརྒྱུད་ནས་འཇབ་སའང་མེད་དོ།།
གཡུ་དྲུག་དཀར། རྡ་ས།
དབྱར་ཐོག་གཅིག་གི་ཆར་བ་དེ་རིང་འབབ་པ་ཡིན་ནམ། ཆར་བ་ཤག་ཤག་སྟོབས་ཀྱིས་འབབ་གདའ། སྲིད་གསུམ་གྱི་རྔ་སྒྲ་ད་ལྟ་དུས་གཅིག་ཏུ་ལྡིར་བ་ཡིན་ནམ། དེ་རིང་ཟློས་གར་ཚོགས་པའི་རྔ་བོ་ཆེ་དེ་སྔར་ལས་ཆེ་ཞིང་། རྔ་སྒྲ་སྔར་ལས་མཐོ། ཐེངས་འདིར་རིང་ནས་སྙིང་དུ་བརྣག་པའི་འདོད་དོན་ཞིག་གྲུབ་པ་ཡིན་ནམ། དེ་རིང་ཁྱེད་ཉིད་དགའ་བཞིན་སྤྲོ་བཞིན་ཞབས་ཐང་ལ་རྒྱུག་ཡོང་ནས་བཞུགས་ཁྲི་ལ་མངོན་པར་འཁོད་སོང་།
ད་དུང་མཛད་རིམ་གྱི་དུས་ཚོད་བསྐུམས་པ་ཡིན་ནམ། བལྟས་བལྟས་རིག་རིག་ལ་ཁྱེད་ཉིད་ཆེས་མཐའ་མཇུག་གི་སྲིད་སྟེགས་སུ་ཀྲོང་ངེར་འགྱིང་སོང་།