མི་ཞུན། ཝྭཎ་མཐོ་སློབ།
རྒྱ་ནག་གིས་མི་ལོ་མང་པོའི་རིང་བོད་ནང་གི་མི་དམངས་ལ་ཉེས་མེད་ཉེས་འཛུགས་དང་བཙོན་འཇུག་ཁྲིམས་བཅད། རང་དབང་བཀག་སྡོམ་དང་སྐད་ཡིག་དབྱེ་འབྱེད། ཁོར་ཡུག་གཏོར་བཅོམ་དང་མི་རིགས་བསྒྱུར་བཅོས་སོགས་ཁྲིམས་མེད་ལུགས་མེད་ཀྱི་གཏུམ་སྤྱོད་ངན་པ་སྤེལ་དང་སྤེལ་བཞིན་པ་ནི་ལག་མཐིལ་གྱི་རི་མོ་དང་མིག་མདུན་གྱི་གཟུགས་བརྙན་རེད། མཉམ་འབྲེལ་རྒྱལ་ཚོགས་གཙོས་འཛམ་བུ་གླིང་འདིར་མིག་ཤེས་ལ་ཞེན་དྲི་མི་བྲོ་བའི་དཔྱོད་ལྡན་པའི་རྒྱལ་ཁབ་བམ་ཡང་ན་མི་སྒེར་བ་ཞིག་ཡོད་ངེས་པ་བདེན་ན་སྐབས་འདི་དང་དུས་འདི་ལ་རྒྱབ་ལངས་གདུང་འདེགས་ཀྱི་ཐེ་གཏོགས་ཙམ་བྱེད་མི་སྲིད་པ་མ་རེད་དེ། གང་ལྟར་ང་ཚོའི་འདོད་པ་བཞིན་བྱེད་མཁན་ཞིག་ད་ལྟའི་བར་དུ་མ་བྱུང་བ་རེད།

དེ་ལས་མང་བ་། “བླ་ན་མེད་པའི་རང་ལུས་མཆོད་སྦྱིན་གྱི་སྙིང་སྟོབས།” »

(རྒྱ་མོ་འབུམ་རམས་པས་བོད་མི་ཀློག་པ་པོར་ཕུལ་བའི་ལན།)
བོད་རྒྱ་ཟེར་བ་ནི་མིང་རྟགས་ཙམ་ཡིན།
ཞུའུ་ཕའེ་ཡིས་བརྩམས།
ལྷ་སྡེ་གནམ་ལོ་ཡག་གིས་བསྒྱུར།

ཐོག་མར་གནམ་ལོ་ཡག་གིས་ངེད་གཉིས་ཀྱི་སྨྱུག་མོལ་བོད་བསྒྱུར་བྱས་པར་ཐུགས་རྗེ་ཆེ་ཞུ་རྒྱུ་ཡིན། དེ་ནི་ང་རང་གིས་བརྒྱུད་ལམ་འདིའི་སྒང་ནས་བོད་ཡིག་ཀློག་མཁན་རྣམས་ལ་བསམ་ཚུལ་བརྗེ་རེས་བྱེད་ཐུབ་ཡོད་པས་ཡིན་ལ། བོད་ཡིག་གིས་ང་རང་ཐབས་ཟད་འུ་ཐུག་གིས་དྲག་པོར་ངོ་རྒོལ་བྱེད་མཁན་གྱི་བོད་མི་རྣམས་དང་སྦྲེལ་ཡོད་ཅིང་། དེ་ནི་བོད་ཀྱི་རང་དབང་གི་ངོ་བོར་གྲུབ་ཡོད། རྒྱ་ཡིག་གིས་ང་རང་མཐའ་གྱང་དམར་བོའི་ཕྱི་ནང་གི་རྒྱ་མི་དང་སྦྲེལ་ནས་རིག་གནས་རང་བཞིན་གྱི་རྒྱ་ནག་རྒྱལ་ཁབ་ཀྱི་ངོ་བོར་བསྐྲུན་ཡོད། བློ་ཕངས་པ་ཞིག་ལ་ང་རང་གིས་བོད་ཡིག་ཤེས་ཀྱི་མེད། ཡིན་ནའང་། གནམ་ལོ་ཡག་གིས་རྒྱ་ཡིག་ཤེས་ཀྱི་ཡོད་པའི་ཁར། ཐོག་མཐའ་བར་གསུམ་དུ་རྒྱ་ཡིག་བཀོལ་ནས་བོད་མིའི་བསམ་འདུན་བརྗོད་ཀྱིན་ཡོད་ཅིང་། ང་རང་གིས་རྒྱ་ཡིག་གམ་འཇར་མན་གྱི་ཡི་གེ་གང་རུང་ལ་བརྟེན་ནས་སེམས་ཚོར་དང་འཇིག་རྟེན་ལྟ་ཚུལ་འབྲི་བཞིན་ཡོད་ལ། དེའི་ནང་དུ་བོད་ཀྱི་རྒྱུས་ལོན་དང་གུང་ཁྲན་ཏང་གི་ལྟ་ཚུལ་གཉིས་ཀྱང་འདུ། འདི་ནས་གནམ་ལོ་ཡག་གིས་བརྒྱུད་སྤྲོད་བྱས་པའི་དོན་དག་འགར་ལན་འདེབས་བྱེད་ཀྱི་ཡིན་ལ། བོད་རྒྱའི་བསམ་ཚུལ་བརྗེ་རེས་ལ་བསྐུལ་འདེད་ཡོང་བར་རེ་བ་ཤིན་ཏུ་ཆེ།

དེ་ལས་མང་བ་། “རྒྱ་མོ་འབུམ་རམས་པས་བོད་མི་ཀློག་པ་པོར་ཕུལ་བའི་ལན།” »

བསམ་གླིང་ཚེ་རིང་ལྷ་མོ།

༼དང་པོ།༽
དེང་དུས་གཉིས་སྨན་དབུ་མའི་ལམ་དང། བདེན་དོན་རང་བཙན་གྱི་ལམ་གཉིས་ནི་སྐྱེ་བོ་འགའ་རེའི་ཡིད་ཀྱི་རྡོག་ཁྲེས་ཞིག་ཏུ་གྱུར་ཏེ། གང་ཞིག་ཡང་དག་དང་གང་ཞིག་ཡང་མ་དག་པར་བརྗོད་པའི་སྤོབས་པའང་ཉམས་ཤིང་། ལ་ལར་དེ་གཉིས་མེ་དང་སྤུ་ལྟ་བུའི་འདུ་ཤེས་ལ་བཀོད་པ་དང། ཡང་ལ་ལར་ནི་དེ་གཉིས་གཅིག་ལ་གཅིག་བརྟེན་གྱི་ངོ་བོར་གྲུབ་པ། ཡང་ལ་ལར་དེ་གཉིས་ལམ་གཡས་གཡོན་དུ་སྐྱེས་པའི་ལྗོན་ཤིང་སྡོང་པོ་གཉིས་སུ་སྣང་བ་སོགས་རང་རང་ཡིད་ཀྱི་ཁོག་རྒྱར་ཇི་ཡིན་ཆ་མ་འཚལ་བའང་གང་མང་མཆིས།
ཡང་ལ་ལས་རང་བཙན་པ་ཚོ་ནི་༸གོང་ས་སྐྱབས་མགོན་རྒྱལ་བའི་དབང་པོའི་དགོངས་གཞི་དང་འགལ་བར་སྨྲ་ལ། ཐ་ན་ལས་འགུལ་གང་ཞིག་དང་ཅི་ཞིག་སྤེལ་ཡང་ཧ་ལམ་༸གོང་ས་མཆོག་དང་བོད་གཞུང་གི་དགོངས་པ་དང་འགལ་བ་ཡིན་ལུགས་སྨྲ། རང་ཉིད་ལས་འགུལ་གང་ཞིག་ཏུ་མ་ཞུགས་པ་ནི་༸གོང་ས་རྒྱལ་བའི་དབང་པོའི་བཀའ་དང་མཐུན་ཚུལ་དང་། བོད་གཞུང་གི་བོད་འབངས་རྣལ་མ་ཞིག་ཡིན་ཁུལ་སྟོན།
ཡང་གཅིག་ཤོས་ཀྱིས་དབུ་མའི་ལམ་ནི་བོད་ནང་གི་འདས་གསོན་དཔའ་མོ་དང་དཔའ་བོ་ཚོའི་མངོན་འདོད་དང་རྒྱབ་འགལ་བྱས་པར་གཤེ་བར་བྱེད་ལ། བོད་རང་བཙན་བློས་གཏོང་བྱེད་པ་ནི་བོད་ཀྱི་ལོ་རྒྱུས་ནང་ནག་ཉེས་བསགས་པ། ད་དུང་བོད་མི་རིགས་འདིའི་རྩ་བའི་ཁེ་ཕན་དང་རྒྱབ་འགལ་བྱས་པར་སྨྲ་བར་བྱེད།
དེའི་ཐད་མི་ཆུང་ཞིག་གིས་བསམ་བློའི་འཁོར་རྒྱ་ལ་གང་ཤར་ཞིག་བྲི་བར་མ་སྤོབས་ཀྱང་། བྲི་བའི་འདུན་པ་ནི་འགོག་ཏུ་མེད་པར་བརྟེན། འདིར་ཉམས་མྱོང་དང་རྟོགས་སད་འགའ་རེའི་དབང་ལས་དོན་ཚན་འགའ་ཤས་བཀོད་པ་འདི་ཡང་རང་ཉིད་ངོ་མའི་མཐོང་ཐོས་མྱོང་གསུམ་གྱིས་སྨྲས་པ་ཙམ་ལས། རྒྱལ་ཕྱི་རྒྱལ་ནང་གི་ལོ་རྒྱུས་དང་། དཔེ་དེབ། ཉམས་ཞིབ་བྱས་པའི་རྒྱབ་ལྗོངས་གང་ཡང་མེད་པ་མཁྱེན་པར་མཛོད།

དེ་ལས་མང་བ་། “རང་བཙན་ནས་དབུ་མར་འཁྱུད་སྟངས།” »

སྤོབས་པ་མཐའ་ཡས།
ཉེ་སྔོན་ནས་སྐུ་ཞབས་ཀླུ་སྨྱོན་ཧེ་རུ་ཀས་རྒྱུ་ཚེགས་བཏང་སྟེ་ཀླུ་སྨྱོན་རྩོམ་རིག་བྱ་དགའི་ཁྱབ་བསྒྲགས་སྤེལ་བ་ནས་བདག་རང་ཉིད་དགའ་མོས་ཆེ་ཤོས་ཀྱི་ཁ་བརྡ་དྲ་བ་ཡང་ས་ག་ཟླ་བའི་ལྷ་སའི་བར་སྐོར་བཞིན་དུ་འཚངས་ཁ་ཤིག་ཤིག་ཏུ་གྱུར། དེ་ནི་བྱ་དགའི་དངུལ་ཕྲན་བུ་དེ་ཙམ་གྱི་ཆེད་དུ་མ་ཡིན་པར་དེང་དུས་བོད་ཀྱི་རྩོམ་རིག་པའི་རིན་ཐང་གཞལ་བའམ་ཁ་ཕྱོགས་འཚོལ་བ་སོགས་དོན་གནད་གལ་ཆེན་མང་པོ་ཞིག་དང་འབྲེལ་བ་ཡོད་སྟབས་ངས་ཀྱང་བསམ་འཆར་མང་པོ་ཞིག་ཕུལ་ཡོད།

དེ་ལས་མང་བ་། “གཡུ་དྲུག་དཀར་ལ་ཀླུ་སྨྱོན་རྩོམ་རིག་བྱ་དགའ་འོས།” »

བསམ་གླིང་ཚེ་རིང་ལྷ་མོ།

སྐྱེ་བོ་མང་པོས་ཟེར་ན་སྟོན་གྱི་ནམ་ཟླ་དེ་དངོས་གྲུབ་ཟླ་བ་རེད་ཟེར་མོད། འོན་ཀྱང་རང་ཉིད་ཆུང་དུས་ནས་སྟོན་ཟླ་དེ་ཤར་རིམ་བཞིན་ཡིད་ལ་སྨྲ་མི་ཤེས་པའི་སྡུག་བསྔལ་གྱི་ཁུར་པོ་ཞིག་རང་བཞིན་གྱིས་སླེབས་འོང་།
ཁྱེད་རྣམ་པས་གཟིགས་མྱོང་ལོས་ཡོད། ཕྱོགས་བཞི་མཚམས་བརྒྱད་ཀྱི་སྔོ་ལྗང་གཡུ་ལོ་རྣམས་རང་ཡལ་དུ་གྱུར་ཞིང་། ཤུལ་དུ་ལུས་པ་ནི་སྐྱ་ཐུལ་ཐུལ་གྱི་ཁོར་ཡུག་ཅིག་རེད། སེང་གེའི་གཡུ་རལ་ངོམ་པ་འདྲ་བའི་ལྗོན་པའི་ལོ་མ་རྣམས་གསེར་གྱི་དོང་ཙེ་ལྟར་སེར་ཐིང་ཐིང་དུ་གྱུར་པས་ག་ལ་ཚད།
རེ་རེ་བཞིན་ས་ལ་ལྷུང་ནས་ཤུལ་དུ་ལུས་པ་ནི། སྡོང་རྒན་ཧྲུལ་པོ་ཧྲ་ཧྲ་ཧྲ་ཞེས་པའི་སྐད་ངན་རྒྱག་མཁན་གྱིས་ཁེངས། ད་དུང་འདི་ལོའི་སྟོན་གྱི་ནམ་ཟླ་དེ་བས་ཡི་གར་མི་འོང་བའི་སྐྱོ་ངལ་ཞིག་གིས་ཁེངས།
མ་གཞི་བྱས་ན་ད་ལོའི་དཔྱིད་ཀ་ནས་འགོ་ཚུགས་ཏེ་རྒྱལ་གཅེས་དཔའ་བོ་སྐུ་ཞབས་ཕུན་ཚོགས་ལགས་ནས་སྐུ་ལུས་མེ་རུ་བསྒྲོན་རྗེས། རིམ་བཞིན་སྐུ་ཞབས་ཚེ་དབང་ནོར་བུ་ལགས་དང་། ཉེ་ཆར་རང་སྐུ་ཞབས་བློ་བཟང་སྐལ་བཟང་ལགས། སྐུ་ཞབས་བློ་བཟང་དཀོན་མཆོག་ལགས་བཅས་ཀྱིས་བོད་མི་ས་ཡ་དྲུག་གི་སྡུག་གི་ཁུར་པོ་ཞིག་རང་ཉིད་གཅིག་པུས་འཁུར་འདོད་ཁོ་ནས་ཚེ་སྲོག་གི་ཉིང་ཁུས་མེ་དཔུང་གི་མཆོད་མེ་ཕུལ་སོང་།

དེ་ལས་མང་བ་། “སྐྱོ་ངལ་ཆེ་བའི་སྟོན་ཟླ།” »

ཀླུ་སྨྱོན་རྩོམ་རིག་བྱ་དགའི་འགྲན་རྩོམ།

དཀོན་མཆོག་ཆོས་འགྲུབ།

ང་ཚོའི་འཛམ་གླིང་གོ་ལའི་ལྗོངས་སུ་ལུགས་སྲོལ་འདྲ་མིན་མང་པོ་ཞིག་ཡོད་པའི་ནང་ནས། སྐབས་སུ་བབ་པའི་གླེང་བར་བྱ་བའི་དོན་གྱི་རིམ་པ་ནི། ཆོས་ལུགས་པ་ཡིས་མི་རྣམས་དབང་སྒྱུར་བྱེད་ཚུལ་ཐད་ལ་ཅུང་ཞིག་དཔྱོད་པར་འདོད། ང་ཚོའི་འཛམ་གླིང་འདིར། ཆོས་ཀྱི་རྣམ་གཞག་འདྲ་མིན་མང་པོར་ཡོད་པ་ཚང་མར་ཡང་དག་ཡིན་མིན་ལ་མ་ལྟོས་པར། དེ་ཚོ་ཡོངས་རྫོགས་མི་ཡི་བསམ་བློའི་འཛིན་སྟངས་དང་། འཇིག་རྟེན་འདི་ཡི་སྟེང་དུ་འཚོ་བའི་རིང་གི་ཉམས་མྱོང་དང་། བསམ་གཞིག་བྱས་ནས་བློ་རིག་རིམ་པས་གོང་འཕེལ་ཕྱིན་ཏེ་གོམས་སྲོལ་དེ་རྣམས་ལེགས་བཅོས་དང་། ཡར་རྒྱས་བཏང་སྟེ་སྐབས་དོན་གྱི་དགོས་མཁོ་དང་བསྟུན་ནས་སྟོན་པ་ཞིག་གིས་སྲོལ་བཏོད་མཛད་པ་ཤ་སྟག་ཡིན་པ་རེད། དེར་བརྟེན་སྟོན་པའམ་ཆོས་དཔོན་རང་དང་ལྟ་སྤྱོད་མཐུན་ཞིང་རང་ལས་ནུས་མཐུ་ཆེ་བ་དེ་ཚོའི་རིགས་ལ་ལྷ་དང་།

དེ་ལས་མང་བ་། “ཚོར་ཤེས་རིག་པའི་དཔྱད་གླེང་།” »