གཞུང་པ་ཚེ་དབང་བསོད་ནམས། བོད་མིའི་བླ་ན་མེད་པའི་དབུ་ཁྲིད་༧ སྤྱི་ནོར་༧ གོང་ས་སྐྱབས་མགོན་ཆེན་པོ་མཆོག་ནས་དུས་གསུམ་གསལ་གཟིགས་འོག་ནས་མ་འོངས་བོད་ཀྱི་ཆབ་སྲིད་ལམ་ལུགས་དེ་མང་གཙོའི་ལམ་ལུགས་ལ་ཁ་བསྒྱུར་ནས་བཙན་བྱོལ་བོད་མིའི་ཆབ་སྲིད་ཀྱང་དེ་དང་ཕྱོགས་མཐུན་བྱས་ནས་བཅའ་ཁྲིམས་ཀྱིས་ལམ་སྟོན་འོག་བཀོད་སྒྲིག་གནང་བའི་ཁྲིམས་བཟོའི་སྡེ་ཚན། ༼ Legislature ༽ དང་། འཛིན་སྐྱོང་སྡེ་ཚན། ༼ Executive ༽ དང་། ཁྲིམས་ལུགས་དབང་འཛིན་སྡེ་ཚན། ༼…
དེ་ལས་མང་བ་། “བཙན་བྱོལ་བོད་མིའི་མང་གཙོ་དང་མི་མང་གི་འགན་འཁུར་ལ་དཔྱད་པའི་གཏམ།” »
འདབ་པ་ཚེ་དབང་མགོན་པོས་དགེ་བཤེས་མཆོག་ལ་ཕུལ། ཤར་རྒྱལ་བ་ཙོང་ཁ་པ་བློ་བཟང་གྲགས་པ་ཁོང་ལ་རྗེ་བཙུན་འཇམ་དཔལ་དབྱངས་ཀྱིས་བརྩེ་བས་རྗེས་སུ་བཟུང་ཞིང་། ཞལ་གཟིགས་པ་སོགས་ཀྱི་སྐོར་ལ་གླང་རི་བ་ཐུབ་བསྟན་སྦྱིན་པས་ཡིག་ཚོགས་དང་། འབེལ་གཏམ་མང་པོ་ཞིག་སྤེལ་ཡོད་པར་སྐྱེ་བོ་སུས་ཞིག་མཐོང་ཡང་སྤྲོ་སྣང་ཆེ། དེའི་ཕྱིར་འདིར་གུས་པར་སྐོམ་པས་ཆུ་འདོད་ལྟར་བློ་ཞིག་སྐྱེས་ནས། མདོ་སྔགས་གཉིས་ཀྱི་གཞུང་ལུགས་འཛིན་པ་གླང་རི་བ་དགེ་བཤེས་མཆོག་ལ་དོགས་འཆར་ཞིག་འབུལ་ཆོག་པར་གྱིས། བླ་མ་ཙོང་ཁ་པ་ཆེན་པོའི་དྲི་བ་རྣམས་ནི་འདི་ལྟར་སྣང་སྟེ། “རྗེ་ཙོང་ཁ་པས་རྗེ་བཙུན་འཇམ་དཔལ་དབྱངས་ལ་དེ་ལྟའི་རང་ཉིད་ཀྱི་དབུ་མའི་ལྟ་བ་གོ་བ་དེ། དབུ་མ་ཐལ་འགྱུར་བ་དང་། རང་རྒྱུད་པ་གང་གི་ལྟ་བ་ཡིན་ཞུས་པས།” ‘གང་གིའང་མིན།’ ཞེས་པ་དང་། ཡང་ཁྱད་པར་དུ་དོན་དམ་བདེན་པ་དང་ཀུན་རྫོབ་བདེན་པ་སྟེ་བདེན་པ་གཉིས་ཀྱི་ངོ་བོ་ངོས་བཟུང་བ་གལ་ཆེ་བར་དམིགས་ཏེ། རྗེ་བཙུན་འཇམ་པའི་དབྱངས་ཀྱིས་། སྣང་ཕྱོགས་དང་སྟོང་ཕྱོགས་ལ་ཉེ་རིང་གཏན་ནས་བྱེད་མི་ཉེན། ཁྱད་པར་སྣང་བ་ལ་གཙིགས་སུ་བྱེད་དགོས” ཞེས་གསུངས་པ་རྣམས་སོ། འོ་ན་དྲི་ལན་འདི་དག་སྐད་རིགས་གང་གི་ཐོག་ནས་གསུངས་ཡོད་དམ། རྒྱ་གར་སྐད་དུའམ། ཡང་ན་བོད་སྐད་དུ་རེད། རྒྱ་གར་སྐད་དུ་རེད་ཅེས་ན་བླ་མ་ཙོང་ཁ་པ་ལེགས་སྦྱར་དང་། སྒྲ་རིག་ལ་མཁས་པའི་གཏམ་བོད་དུ་མ་གྲགས་པས། འཇམ་དབྱངས་དང་ལྷན་དུ་འབེལ་མཆིད་ཅིག་ཡོང་སྲིད་དམ། བོད་སྐད་དུ་གསུངས་པ་རེད་ཟེར་ན། བོད་སྔ་རབས་ཀྱི་མཁས་པ་རྣམས་དང་ཤར་ཙོང་ཁ་པ་སོགས་ཀྱིས་ལེགས་སྦྱར་གྱི་སྐད་དུ། ‘ཨོཾ་ཨ་ར་པ་ཙ་ན་དྷི།’བགྲངས་པ་ལ་དགོས་པ་ཅི་ཡོད། ལྷ་རྒྱ་གར་སྐད་དུ་བསྒྲུབས། གསུང་བོད་སྐད་དུ་བྱོན་ཟེར་ན། འདྲ་ཆགས་པ་ཞིག་འདུག་གམ། སྐབས་ཐོབ་ཀྱི་དོན་’གང་གིའང་མིན’་ཞེས་པའི་སྐབས་སུ། ཚིག་དོན་གང་གི་ཁྱད་པར་མ་བརྗོད་པས། ཞལ་གཟིགས་པའི་དགོས་པ་ཅི་ཡོད་དམ། ཡང་ན་ཐལ་རང་གཉིས་ལ་ཚིག་དོན་གང་གི་ཁྱད་པར་མེད་པས་རེད་ཟེར་ན། འཕགས་བོད་གཉིས་ཀྱི་དབུ་མའི་སློབ་དཔོན་རྣམས་དུས་ཚོད་ཆུད་ཟོས་སུ་སོང་བ་ཨེ་རེད། གལ་ཏེ་སོང་རེད་ཟེར་ན། བླ་མ་ཙོང་ཁ་པས་ཚལ་གུང་ཐང་དུ་རྒྱ་འགྲེལ་དང་། སྣེ་ཐང་བདེ་བ་ཅན་སོགས་སུ་བོད་འགྲེལ་རྣམས་བཀླགས་པར་དགེ་མཚན་ཅི་བྱུང་ཡོད་དམ། དེ་དག་གིས་བྲིས་པའི་བསྟན་བཅོས་ཤ་སྟག་ཡིན་ཕྱིར། ཁོང་གི་སྐུ་ཚེ་མང་པོ་ཞིག་དེ་དག་གིས་འཕྲོ་བརླག་བཏང་མི་འདུག་གམ། ཡང་ན་ལྟ་བ་མཐར་ཐུག་ལ་ཁྱད་པར་མེད་པའི་དོན་དུ་བཞེད་ན། འཕགས་བོད་གཉིས་ཀྱི་དབུ་མའི་སློབ་དཔོན་རྣམས་ཀྱིས་དབུ་མའི་ལྟ་བ་ལ་ཐ་དད་མེད་པ་དང་སྤྲོས་པ་མེད་པའི་ཆོས་ཉིད་དེ་གཏན་ལ་ཕབ་ཟིན་པའི་ཕྱིར་ན། ཟློས་སྐྱོན་དུ་འགྱུར་བ་མ་གཏོགས་ཞལ་གཟིགས་ལ་དགོས་པ་གང་ཞིག་ཡོད། ཡང་དེའང་མ་རེད། དེ་མིན་པའི་’གང་གིའམ་མིན’་ཞེས་དོན་ཞིག་ཡོད་ཅེས་ན། རྗེ་བཙུན་འཇམ་དབྱངས་ཀྱི་ཞལ་གཟིགས་ལ་མར་མེ་རླུང་གིས་བཅོམ་པ་བཞིན་དུ་མུན་འཐོམས་ཀྱི་དོན་ཙམ་ལས་གཞན་གང་ཞིག་ཡོད། གཞན་ཡང་སྣང་ཕྱོགས་དང་སྟོང་ཕྱོགས་ལ་’ཉེ་རིང་གཏན་ནས་བྱེད་མི་ཉེན’ཞེས་པའི་དོན་དེར། ཕྱོགས་སུ་སོང་པའམ་ཡང་ན་མཐའ་རུ་མ་ལྷུང་པའི་དོན་ལ་གོ་དགོས་པ་དང་། ཡང་ན་ནི་ཁྱད་པར་མེད་པའི་དོན་ཨེ་རེད། གལ་སྲིད་དེ་ལྟར་ཡིན་ཚེ། སྣང་བར་གཙིགས་སུ་འཛིན་ཞེས་པའི་དོན་འདི་སྣང་བ་གལ་ཆེའམ། སྣང་བའི་ཕྱོགས་སུ་སོང་ཆེ་བའི་དོན་དུ་མི་འགྱུར་རམ། ཡང་ན་དེ་ལྟར་མི་འགྱུར་ཞེ་ན། བོད་སྐད་སྤྱིའི་འགྲོས་དང་འགལ་བ་གྱུར་ཟིན་པས། རྒྱུ་མཚན་གང་གིས་གསལ་འདེབས་ནུས། དེ་བས་ཀྱང་གདུལ་བྱ་འདུལ་བ་ལ་བསླབ་པ་སྐྱོན་མེད་པ་ཞིག་བསྟན་དགོས་པས། ཉེ་རིང་མེད་པ་དང་། གཙིགས་སུ་འཛིན་གཉིས་ཞེས་པའི་བརྡ་ཆད་འདི་དངོས་པོའི་གཞི་ཐ་དད་ལ་རེ་རེ་བྱས་ནས་སྦྱོར་བའི་སྐབས། སྐད་བརྡ་རིག་པའི་ཁྱབ་ཁོངས་སུ་རྒྱབ་འགལ་གྱི་དོན་བསྟན་པའི་ཆོས་ཉིད་ཀྱི་གཏན་ཚིགས་ལྡན་ཕྱིར། དགེ་བཤེས་མཆོག་གིས་རིགས་ལམ་གང་གིས་སུན་འབྱིན་ནམ། མ་ཟད་རིགས་དྲུག་སེམས་ཅན་སོ་སོའི་ལས་སྣང་གིས་གྲུབ་པའི་རི་རྭ་བ་དང་། ཁང་ཁྱིམ་སོགས་པའི་འདོན་ཡོན་གྱི་ཆོས་ཐམས་ཅད་ལ་སྣང་ཚུལ་ཀུན་རྫོབ་ཀྱི་རྣམ་བཞག་དང་། ཐེག་པ་ཆེན་པོའི་ཆོས་ཀྱི་ལམ་ནང་ཞུགས་པའི་དབུ་མའི་སློབ་དཔོན་རྣམས་ཀྱིས་དོན་དམ་དཔྱོད་བྱེད་ཀྱི་རིག་པས་གཏན་ལ་ཕབ་པའི་ཆོས་ཀྱི་གནས་ལུགས་རྣམས་བདེན་པ་མ་གྲུབ་པར་གནས་ཚུལ་ལམ། སྟོང་ཚུལ་དེ་འཇོག་ཨེ་དགོས། གལ་ཏེ་དགོས་ཞེས་ཞལ་གྱིས་བཞེད་ན། འཇམ་དབྱངས་ཀྱི་ཞལ་གཟིགས་སྣང་བར་’གཙིགས་སུ་འཛིན’ཞེས་པའི་དོན་འདིས། འཕགས་རྣམས་ཀྱི་སྤྱོད་ཡུལ་ལས། སོ་སོའི་སྐྱེ་བོའི་སྤྱོད་ཡུལ་དེ་དྲགས་ཙམ་ཞིག་འགྱུར་བ་མ་ཡིན་ནམ། དེ་བས་ཀྱང་རིགས་དྲུག་གི་ལས་སྣང་རྣམས་ཀྱང་འགྲིག་པར་འགྱུར་བའི་སྐྱོན་དུ་འགྱུར་བ་མིན་ནམ།
རྫ་ཚེ་རིང་བཀྲ་ཤིས། ད་ལྟ་རང་དྲ་ལམ་ནས་རྗེ་རྫོང་སར་མཁྱེན་བརྩེ་དང་འབྲེལ་ཏེ་རྫ་ཚེ་སོགས་ཀྱི་ངན་ཇུས་གཏོར་བའི་གཏམ་ཞེས་པ་ཞིག་གཙུག་ལག་སྨྲ་སེང་ཞེས་པའི་མིང་ཐོག་ནས་བྲིས་པ་མཐོང་བས་གསལ་བཤད་ཕྲན་བུ་ཞིག་ཞུ་འདོད་བྱུང་། ལར་གསལ་བཤད་འགའ་ཞིག་ནི་རང་ངོས་ནས་འགན་ཁུར་སྟངས་ཤིག་ལས་ཕ་རོལ་པོས་ངོས་ལེན་དང་ཡིད་ཆེས་ཡོང་བ་ཁོ་ནའི་ཆེད་མིན་མོད། ད་ཐེངས་གི་གླེང་གཞི་འདི་ལ་དོ་སྣང་ཡོད་མཁན ཚོར་དོགས་སློང་དང་། དཔྱད་གཞིའི་ས་བོན་ཙམ་དུ་དམིགས་པ་ནི་ཡིན་ཆོག ། གཅིག །༽ ངས་སྔ་འགྱུར་རྙིང་མའི་དྲ་ཚོམས་སུ་སྔ་འགྱུར་རྙིང་མའི་ཁྲི་འཛིན་དང་འབྲེལ་བའི་བསམ་ཚུལ་དེ་མ་བཤད་སྔོན་ལ་བོད་གཞིས་བྱེས་ཀྱི་བླ་ཆེན་སུ་གཅིག་ལའང་ངའི་ངོས་ནས་དེའི་སྐོར་བསམ་ཚུལ་ཙམ་ཡང་བཤད་མེད། གཉིས། ༽ མཁྱེན་བརྩེ་རིན་པོ་ཆེའི་གསུང་ཕྱི་ལ་ཁྱབ་བཞིན་པ་དེ་ངས་ཞུས་པ་ཞིག་མིན་པར་མ་ཟད།…
དེ་ལས་མང་བ་། “སྔ་འགྱུར་དབུ་འཛིན་དང་འབྲེལ་བའི་གསལ་བཤད་བཅུ་གཉིས་མ།” »
རྫ་ཚེ་རིང་བཀྲིས། གསར་ཤོས། བླ་མ་ཕྱག་འཚལ་ལོ། ། ཞིང་དག་པ་རབ་འབྱམས་འོད་གསལ་གྱི་དྲ་བ། ། དབྱིངས་དག་མཉམ་རིག་སྟོང་ཆོས་ཉིད་ཀྱི་སྒྱུ་འཕྲུལ། ། དུས་སྙིགས་མའི་མགོན་པོ་ཨོ་རྒྱན་གྱི་ཞལ་ཚབ། ། མགོན་ཆོས་ཀྱི་རྒྱལ་པོ་འཇིགས་མེད་པ་མཁྱེན་ནོ། ། དཔལ་རང་བྱུང་པདྨའི་སྦས་གནས་ཀྱི་རྒྱལ་པོ། །…
གཞུང་པ་ཚེ་དབང་བསོད་ནམས། ཀ་ཁའི་འོག་ཏུ་བཙུགས་པའི་བཙན་བྱོལ་བོད་མིའི་གྲོས་ཚོགས། ཁ་བཤད་ཆུ་ཡིས་སྦོ་བ་གྲོས་ཚོགས་ལས་རིམ་གཟིགས་དང་། ག་དུས་གྲོས་ཚོགས་ཚོགས་ཀྱང་ནང་ཁུལ་ཚིག་རྩུབ་ཟུར་ཟ། ང་རྒྱལ་འགྲན་སེམས་འོག་གིས་སྤྱི་འཐུས་གྲོས་ཚོགས་འཐུས་མི། ཅ་ཅོ་འར་འུར་མ་མང་ཁྲིམས་བཟོའི་འགན་འཁུར་བཞེས་དང་། ཆ་ལག་ཚང་བའི་མང་གཙོ་བཅའ་ཁྲིམས་འོག་ཏུ་སྲུང་དང་། ཇ་ཆང་དུད་རྩི་འདྲ་བའི་བཙན་བྱོལ་བོད་མིའི་བཅའ་ཁྲིམས། ཉོན་མོངས་ང་རྒྱལ་གཏམ་གྱིས་གྲོས་ཚོགས་ལས་རིམ་བཀག་སོང་། ཏ་ལའི་བླ་མས་མཛད་འཕྲིན་བོད་ཀྱི་མང་གཙོ་བཙུགས་ཀྱང་། ཐ་མེ་ཐོམ་མེ་ཅན་གྱིས་གྲོས་ཚོགས་འཐུས་མི་རྣམས་ནས། ད་ཆ་བཙན་བྱོལ་མང་གཙོ་ཀ་བ་གཉིས་ལ་རྒྱུར་སོང་། ན་གཞོན་མི་རབས་གསར་པས་བཙན་བྱོལ་མང་གཙོ་སྐྱོབས་དང་།…
དེ་ལས་མང་བ་། “སྤྱི་འཐུས་གྲོས་ཚོགས་འཐུས་མིའི་བཅའ་ཁྲིམས་འགན་འཁུར་ལ་དཔྱད་པའི་ཀ་བཤད།” »
གཞུང་པ་ཚེ་དབང་བསོད་ནམས། ཕྱི་སྣོད་ཀྱིས་འཇིག་རྟེན་གྱི་ས་གཞི་འདི་ཆགས་པ་ནས་ནང་བཅུད་ཀྱི་སྲོག་ཆགས་འགྲོ་བ་མི་དང་། བདག་ཡོད་དང་བདག་མེད་དུད་འགྲོ་སེམས་ཅན། རི་དགས་གཅན་གཟན། བྱ་བྱེའུ་དང་འབུ་སྲིན་ལ་སོགས་འཇིག་རྟེན་གྱི་ས་གཞི་ལ་བསྟེན་པའི་སྲོག་ཆགས་གྲངས་ལས་འདས་པ་སྐྱེས་འཕེལ་བྱུང་བའི་ནང་ནས་སྨྲ་ཤེས་དོན་གོ་བ་མི་གི་སྤྱི་ཚོགས་ལའང་མི་རིགས་དང་། རིག་རུས། ཤ་མདོག་དང་། སྐད་ཡིག རིག་གཞུང་སོགས་ཁྱད་ཆོས་མ་འདྲ་བའི་མི་རིགས་གྲངས་མང་ཡོད་པ་ནས་མི་རིགས་སོ་སོར་འཇིག་རྟེན་བཀོད་པ་པོའི་སྦྱིན་པའི་མི་རིགས་སོ་སོར་དབང་བའི་ས་ཆ་དང་། མི་རིགས་སོ་སོའི་སྐད། སྐད་ཀྱི་སྒྲ་གདངས་ལ་བརྟེན་པའི་ཡིག་གེ་དང་། སྐད་ཡིག་བརྒྱུད་ནས་དར་བའི་ཆས་གོས་དང་། འགྲོ་སྡོད་སྤྱོད་གསུམ་ལ་བརྟེན་པའི་ཡ་རབས་བཟང་སྤྱོད་དང་། ཡ་རབས་བཟང་སྤྱོད་གོང་འཕེལ་གཏོང་རྒྱུར་ཆོས་དཀོན་མཆོག་གི་ལམ་སྟོ་་འོག་ནས་གཞན་ཕན་གྱི་བྱ་བ་སྒྲུབ་རྒྱུ་དང་རང་དོན་ཞོར་ལ་འགྲུབ་པ་སོགས་མི་རིགས་གསོན་གནས་ཐུབ་པ་ལ་མི་རིགས་དེའི་སྐད་དང་ཡིག་གེ་རིག་གཞུང་དང་བཅས་པ་གསོན་གནས་ཐུབ་དགོས་པ་ནས་མི་རིགས་སྲུང་སྐྱོབས་ཀྱིས་ལས་འགུལ་དེ་སྐད་ཡིག་དང་རིག་གཞུང་སྲུང་སྐྱོབས་ཀྱིས་ལས་འགུལ་གྱིས་སྔོན་དུ་ཕྱིན་ནས་མི་རིགས་དེའི་སྐད་ཡིག་དང་རིག་གཞུང་སྲུང་སྐྱོབས་དགོས་པ་ལས་མི་རིགས་དེ་ཤིང་ནགས་དཀྱིལ་ལ་བྱ་སྤུ་རི་ལ་ཐོར་བ་ནང་བཞིན་དུ་ཐོར་ནས་བསྡད་ནས་མི་རིགས་དེའི་མཐུན་མོང་མ་ཡིན་པའི་སྐད་ཡིག་དང་རིག་གཞུང་སྲུང་སྐྱོབས་ཟེར་བའི་ཁ་གཡང་ཆེན་པོའི་གཏམ་དེ་དུས་ནམ་ཡང་དོན་ལ་གནས་མི་ཐུབ་པ་དང་། ང་ཚོ་བོད་པ་ནི་ཐོག་མ་ཉིད་ནས་ས་རྒྱ་ཆེ་ལ་མི་འབོར་ཉུང་བའི་མི་གི་སྤྱི་ཚོགས་ཧི་མ་ལ་ཡིས་གངས་རིའི་ཁྲོད་དུ་ཕ་སྤྲེའུ་བྱང་ཆུབ་སེམས་པ་འཕགས་པ་སྤྱན་རས་གཟིགས་ཀྱི་རྣམ་སྤྲུལ་དང་མ་བྲག་སྲིན་མོ་རྗེ་བཙུན་འཕགས་མ་སྒྲོལ་མའི་རྣམ་སྤྲུལ་གཉིས་འདུས་པ་ལས་འཕེལ་བའི་བོད་ཀྱི་མིའུ་གདུང་དྲུག་ལས་བོད་མི་ས་ཡ་དྲུག་འཕེལ་བ་ནས་ད་ལྟའི་དུས་སུ་བོད་མི་གཞིས་བྱེས་གཉིས་སུ་གནས་ཡོད་པ་འདི་ཡང་ང་ཚོ་བཙན་བྱོལ་ནང་ཡོད་པའི་བོད་མི་ཚོ་ས་གནས་གཅིག་ཏུ་མཉམ་འདུས་མེད་པ་ལུང་པ་མང་པོའི་ནང་ཁ་ཐོར་ནས་གཞན་གྱིས་སྐད་ཡིག་དང་ལམ་ལུགས་སམ་གོམས་གཤིས་འོག་ཁྱིམ་ཚང་སྒེར་གྱི་འཚོ་བ་བསྐྱེལ་བཞིན་པ་དང་།…
གཞུང་པ་ཚེ་དབང་བསོད་ནམས། རྒྱལ་ཁབ་དང་མི་རིགས་ལ་དཀའ་སྡུག་དང་དར་རྒུད་ཀྱིས་ལོ་རྒྱུས་སོགས་ལ་ཞིབ་ཏུ་དཔྱད་སྐབས་བོད་ས་མཐོ་འཛམ་གླིང་ས་ཡིས་ཡང་རྩེ་རུ་ཆགས་པའི་ཧི་མ་ལ་ཡིས་ཁྱག་རོམ་ཁྲོད་བོད་ཡུལ་གངས་རིའི་བསྐོར་བའི་གངས་ལྗོངས་ཆོས་སྲིད་གཉིས་ལྡན་གྱིས་ཞིང་ཁམས་ཕན་དང་བདེ་བ་མ་ལུས་པ་འབྱུང་བའི་གནས་ལྷ་ཡུལ་ས་ལ་འཕོས་འདྲའི་བོད་ཡུལ་དེ་སྤྱི་ལོ་ ༡༩༤༩ ནས་བོད་ཤར་ཕྱོགས་མདོ་ཁམས་སྨད་ནས་འགོ་བཙུགས་ནས་རྒྱ་ནག་ཀླ་ཀློའི་དམར་དཔུང་རྒྱང་བསྐྱོད་ཀྱིས་བསམ་སྦྱོར་ངན་པའི་དྲག་དཔུང་གིས་བོད་ནང་བཙན་འཛུལ་རྒྱ་བསྐྱེད་ཀྱིས་མཐར་སྤྱི་ལོ་ ༡༩༥༩ ལོར་བོད་ས་ཡོངས་རྫོགས་རྒྱ་ཡིས་བཙན་འོག་ཏུ་ཚུད་ཀྱང་བོད་མིའི་ཆོས་སྲིད་གཉིས་ཀྱི་བླ་ན་མེད་པའི་དབུ་ཁྲིད་༧ སྤྱི་ནོར་༧ གོང་ས་༧ སྐྱབས་མགོན་ཆེན་པོ་མཆོག་བོད་བསྟན་སྲིད་མི་རིགས་དང་བཅས་པའི་མགོན་དང་དཔུང་གཉེན་དམ་པར་རྒྱ་གར་འཕགས་པའི་ཡུལ་དུ་༧ ཞབས་སོར་བཀའ་དྲིན་བསྐྱངས་ནས་བོད་མི་བཙན་བྱོལ་བའི་དཀའ་ངལ་སེལ་སླད་གནས་ཡུལ་རྒྱ་གར་གཞུང་དང་ཕྱི་རྒྱལ་རོགས་ཚོགས་ཁག་ལ་རོགས་རམ་ཐབས་ཚོལ་གྱིས་བོད་ས་མཐོ་ས་ནས་འབྱོར་བའི་བོད་མི་རྣམས་རང་ཡུལ་ནས་ཉིན་མཚན་མེད་པར་གངས་རི་དང་། རྫ་རི། བྲག་རི། གཡའ་རི། ཆུ་རོང་སོགས་མི་མེད་ལུང་སྟོང་བརྒྱུད་ནས་ནང་མི་བུ་ཕྲུག་དང་། ཕ་མ།…
དེ་ལས་མང་བ་། “བཙན་བྱོལ་བོད་མིའི་དཀའ་སྡུག་གི་ནམ་ཟླ་ནས་ཡར་རྒྱས་ཀྱི་ཁ་ཕྱོགས་གླེང་བ།” »
གཞུང་པ་ཚེ་དབང་བསོད་ནམས། འཇིག་རྟེན་གྱི་ས་གཞིི་འདི་ཆགས་པ་ནས་༼ གདོན་མའི་སྤྱི་ཚོགས་ཀྱི་དུས་རབས་རྫོགས་ནས ༽ མི་གི་འགྲོ་བ་འཕེལ་བའི་བརྒྱུད་རིམ་ནང་རིམ་པས་བཟའ་ཚང་ཁྱིམ་འཚོ་ཟིན་ནས་བུ་ཕྲུག་གསོ་སྐྱོང་དང་ཁྱིམ་ཚང་གི་འཚོ་བའི་མདུན་ལམ་གཉེར་རྒྱུ་སོགས་སྐད་དང་ཤ་མདོག་གཅིག་པའི་མི་རིགས་རྣམས་མཉམ་འདུས་ཀྱིས་ལམ་ལུགས་གསར་གཏོད་འོག་ནས་མི་རིགས་སོ་སོར་དབང་བའི་ས་ཆ་དང་། ས་ཆ་དེའི་སྟེང་དུ་མི་རིགས་འཚོ་གནས་ཐུབ་པའི་ཞིང་འབྲོག་གི་འཚོ་བ་ས་ཞིང་འཕྲུ་སློག་གི་ཞིང་ལས་འབྲས་དང་འབྲུ་འདེབས་ལས་བྱེད་མཁན་ལ་ཞིང་པ་ཟེར་བའི་ཐ་སྙད་དེ་ཐོགས་པ་དང་། དུད་འགྲོ་སེམས་ཅན་གསོ་ཉར་བྱ་མཁན་ལ་འབྲོག་པ་ཟེར་བའི་ཐ་སྙད་དེ་རྟགས་ནས་ཞིང་འབྲོག་གཉིས་ཀྱིས་འཚོ་བའི་འོག་མི་རིགས་འཚོ་བཞིན་པ་ནས་མི་རིགས་སོ་སོར་ལྟ་རྟོགས་བྱེད་མཁན་འགོ་ཁྲིད་མི་མང་ནས་མི་རྒན་གྲས་འགོ་དཔོན་ལ་བསྐོས་ནས་འགོ་ཁྲིད་ཀྱི་ལམ་སྟོན་འོག་མི་མང་ནས་ལས་དོན་སྒྲུབ་དགོས་པའི་ལམ་ལུགས་གསར་གཏོད་དང་། མི་རིགས་མཉམ་འདུས་ཀྱིས་སྒྲིག་འཛུགས་དེ་ལ་སྡེ་འཚོ་ཟེར་བའི་མིང་དེ་རྟགས་པ་དང་། རིམ་པས་སྤྱི་ཚོགས་ཀྱི་འཕེལ་རིམ་དང་དུས་ཀྱི་འགྱུར་བའི་འོག་ནས་སྡེ་འཚོ་ཟེར་བའི་སྒྲིག་འཛུགས་དེ་ཡང་རྒྱལ་ཁབ་ཟེར་བའི་མིང་གི་ཐ་སྙད་དེ་རྟགས་ནས་འཛུགས་བསྐྲུན་གྱི་ལས་གཞི་བཟོ་ལས་དང་འཕྲུལ་ལས་འཐོན་བསྐྱེད་གསར་གཏོད་འོག་ནས་རྒྱལ་ནང་གི་དཔལ་འབྱོར་ལ་འགན་འཁུར་ནས་མི་མང་གི་སྐད་ཡིག་དང་ཤེས་ཡོན་རིག་གནས་སློབ་གསོ། མང་ཚོགས་ཀྱི་འཕྲོད་བསྟེན། འཁོར་ཡུག་སྲུང་སྐྱོབས་ཆེད་རི་ལུང་རྩ་ཚིག་སོགས་རྒྱལ་ཁབ་ཀྱི་དཔལ་འབྱོར་དང་མི་མང་གི་འཚོ་བ་བཅས་ལ་ཡར་རྒྱས་ཀྱི་རྣམ་པ་གསལ་དུ་ཕྱིན་ནས་རྒྱལ་ཁབ་ཕན་ཚུན་བར་ཚོང་འབྲེལ་ལམ་ལུགས་གསར་གཏོད་འོག་ནས་ཕྱི་དངོས་ནང་འདྲེན་དང་ནང་དངོས་ཕྱི་གཏོང་སོགས་རྒྱལ་ཁབ་ཕན་ཚུན་བར་ཚོང་ལས་རྒྱ་བསྐྱེད་འོག་ནས་གཞུང་དང་མི་མང་བཅས་ཀྱི་དཔལ་འབྱོར་ལ་ཚད་མཐོའི་ཡར་རྒྱས་ཡོད་ན་ཡང་དོན་དངོས་མི་ལ་དགོས་པ་དེ་ཞི་བདེ་ལྷིང་འཇགས་དང་བདེ་སྐྱིད་ཕུན་སུམ་ཚོགས་པ་དེ་ཡིན་ན་ཡང་མི་གི་འདོད་པ་ལ་མཐའ་མེད་པ་ནས་ཆེ་ས་རྒྱལ་ཁབ་ཕན་ཚུན་བར་ས་མཚམས་ཀྱི་རྩོད་རྙོག་དང་། འབྲིང་ས་སྡེ་ཚོ་ཕན་ཚུན་བར་ཙ་ཟ་ཆུ་འཐུང་གི་རྩོད་རྙོག་དང་། ཆུང་ས་གྲོང་པ་ཁྱིམ་མཚེས་བར་ཁབ་སྐུད་སྤྲོད་ལེན་གྱི་རྩོད་རྙོག་སོགས་ཉོན་མོངས་པ་དང་མ་རིག་པའི་དབང་གི་མི་གི་སྤྱི་ཚོགས་འདི་གཅིག་གི་གཅིག་ལ་འཁོན་སེམས་དང་། ཕྲག་དོག ཐུབ་ཚོད་དང་།…
གཞུང་པ་ཚེ་དབང་བསོད་ནམས། སྤྱི་ལོ་ ༡༩༥༩ ལོར་བོད་ས་ཤོར་ནས་བོད་མི་ཁྲི་ཚོ་རྒྱད་ལྷག་ཙམ་ཞིག་༧ གོང་ས་མཆོག་གིས་༧ ཞབས་རྗེས་སུ་འབྲང་ནས་རྒྱ་གར་འཕགས་པའི་ཡུལ་དུ་འབྱོར་ནས་འཚོ་ཐབས་གནས་ཡུལ་ལུང་པའི་འཁོར་ལམ་བཟོ་བཅོས་ཆེད་ཧི་མ་ཅལ་མངའ་སྡེ་དང་། གང་ཏོག་འབྲས་ལྗོངས་ཁུལ་སོགས་རྒྱ་གར་གྱི་མཐའ་མཚམས་མངའ་སྡེ་ཁག་གི་ནང་གནས་སྐབས་འཚོ་རྟེན་ལམ་བཟོ་རྒྱུག་པ་དང་། ༧གོང་ས་མཆོོག་དང་ཁོང་གི་བཀའ་ཤག་ལྷན་རྒྱས་ནས་སྐབས་དེའི་རྒྱ་གར་གྱི་སྲིད་བློན་དམ་པ་པཎྜི་ཏ་ནེ་རུ་མཆོག་ལ་བོད་མི་བཙན་བྱོལ་བ་རྣམས་རང་ཡུལ་དུ་ཕྱིར་ལོག་མ་ཐུབ་བར་རྒྱ་གར་དུ་འཚོ་གནས་ཐུབ་པའི་རོགས་མགོན་སྙན་སེང་ཞུས་པ་བཞིན་བོད་མི་བཙན་བྱོལ་བ་ཚོའི་ཕྲལ་ཕུགས་ཀྱི་འཚོ་བའི་བསྐོར་དང་། ན་གཞོན་ཚོར་ཤེས་ཡོན་སློབ་གསོའི་བསྐོར། བོད་མི་རིགས་གསོན་གནས་ཐུབ་པའི་བོད་མིའི་ཆོས་དང་རིག་གཞུང་སྐད་ཡིག་སོགས་རྒྱུན་གནས་ཐུབ་པའི་བསྐོར་སོགས་ལ་རྒྱ་གར་གཞུང་ནས་མཐུན་སྦྱོར་ཚད་མཐོའི་རོགས་སྐྱོར་འོག་བོད་མིར་རན་པའི་བཟོ་གཞིས་ཁག་དང་། སོ་ནམ་གཞིས་ཆགས་ཁག ནང་བསྟན་མི་ཉམས་གོང་འཕེལ་ཆེད་ཆོས་སྒར་ཁག ཤེས་ཡོན་གྱི་གཏི་གནས་སློབ་གྲ་ཁག་དང་། དྭང་སློབ། རྒན་གསོ་ཁང་སོགས་གནས་ཡུལ་གཞུང་ནས་བོད་མི་ཚོར་འགྲོ་བ་མིའི་འདུ་ཤེས་དང་ལོ་ངོ་སྟོང་ཕྲག་མང་པོའི་ཆོས་དང་ཤེས་རིག་གི་འབྲེལ་ལམ་བཟང་པོ་སོགས་ལ་འགན་འཁུར་ནས་ཚད་མཐོའི་རོགས་རམ་མཐུན་བསྒྱུར་གནང་བ་ལ་བརྟེན་ནས་བཙན་བྱོལ་བོད་མིའི་འཚོ་བའི་གནས་སྟངས་དེ་ལོ་རེ་ནས་ལོ་རེ་བཞིན་ཡར་རྒྱས་ཀྱི་ཕྱོགས་སུ་འགྲོ་གི་ཡོད་ན་ཡང་ང་ཚོའི་དམིགས་ཡུལ་ངོ་མ་རང་ཡུལ་རང་བདག་ཆེད་མི་ཡུལ་དུ་བཙན་བྱོལ་དུ་སླེབས་པ་ནས་དུས་ད་ལྟ་བར་ང་ཚོའི་བོད་དོན་བདེན་མཐའ་སེལ་ཐབས་ལ་འབད་བརྩོན་ཇི་ཙམ་བྱས་ཀྱང་ཕ་རོལ་དགྲ་བོའི་ངོས་ནས་བཟང་ཕྱོགས་ཀྱི་བརྡ་ལན་ཕར་བཞག་བོད་ཡུལ་རྒྱ་ཡུལ་ལ་རྒྱུར་རྒྱུ་དང་བོད་མི་རིགས་འདི་རྒྱ་མི་རིགས་ལ་རྒྱུར་རྒྱུའི་ཆབ་སྲིད་ནག་པོ་དངོས་སུ་འཛམ་གླིང་མི་མང་མདུན་དུ་ངོམས་བཞིན་པའི་སྐབས་འདིར་ང་ཚོ་རང་དབང་ལུང་པའི་ནང་དེ་སྔོན་༧གོང་ས་མཆོག་ནས་སྐུ་ཚེ་ཧྲིལ་པོ་སྐུ་ལས་སྐྱོན་པའི་བཙན་བྱོལ་བོད་མིའི་མང་གཙོའི་སྒྲིག་འཛུགས་ཀ་བ་གསུམ་འགན་དབང་འདྲ་མཉམ་ཐ་དད་དུ་ཡོད་པའི་མང་གཙོ་ཁྲིམས་ཀྱི་དབང་བསྒྱུར་གྱིས་སྒྲིག་འཛུགས་དེ་དག་འཛམ་གླིང་མིི་མང་ལ་ངོམས་སུ་ཆོག་པ་ཡོད་པ་འདི་ཡང་སྤྱི་འཐུས་སྐབས་བཅུ་དྲུག་གི་ཁྲིམས་འགལ་གྱིས་གྲོས་ཆོད་ཡིག་ཆ་ཨང་…
གཞུང་པ་ཚེ་དབང་བསོད་ནམས། སྤྱི་ལོ་ ༡༩༥༩ ལོར་བོད་ས་ཤོར་ནས་༧ གོང་ས་མཆོག་གི་དབུ་ཁྲིད་འོག་ཁོང་གི་བཀའ་ཤག་ལྷན་རྒྱས་དང་ཞི་བའི་མི་མང་ཁྲི་ཚོ་བརྒྱད་ལྷག་ཙམ་བཅས་༧ གོང་ས་མཆོག་གི་ཕེབས་རྗེས་སུ་འབྲང་ནས་རྒྱ་གར་འཕགས་པའི་ཡུལ་དུ་འབྱོར་མ་ཐག་དྲུག་བཅུ་ཐམ་པའི་ལོར་༧ གོང་ས་མཆོག་གི་བཀའ་སློབ་ལམ་སྟོན་འོག་བཙན་བྱོལ་བོད་མིའི་མང་གཙོའི་སྒྲིག་འཛུགས་འདི་བཙུགས་ནས་ཆོལ་གསུམ་ཆོས་ལུགས་དང་བཅས་པའི་བོད་མི་མང་གི་སྐུ་ཚབ་སྤྱི་འཐུས་སྐབས་དང་པོའི་ལས་འཁུར་དམ་བཅའ་དེ་༼མ་ཎི་བཀའ་འབུམ་༽མདུན་དམ་འབུལ་ཞུས་ནས་དངོས་སུ་ལས་འཁུར་བླང་པ་ནས་བཟུང་བཙན་བྱོལ་བོད་མིའི་བཅའ་ཁྲིམས་ཀྱི་ནུས་པ་མ་ཐོན་བར་སྤྱི་འཐུས་སྐབས་བཅུ་པ་བར་སྤྱི་འཐུས་ཀྱི་ལས་འཁུར་དམ་བཅའ་དེ་༼མ་ཎི་བཀའ་འབུམ་༽མདུན་འབུལ་བཞིན་པ་དང་། བཙན་བྱོལ་བོད་མིའི་བཅའ་ཁྲིམས་ཀྱི་ནུས་པ་ཐོན་ནས་སྤྱི་འཐུས་སྐབས་བཅུ་གཅིག་ནས་སྤྱི་འཐུས་ཀྱི་ལས་འཁུར་དམ་འབུལ་དེ་ཆེས་མཐོའི་ཁྲིམས་ཞིན་པ་ཆེ་བའི་མདུན་བཅའ་ཁྲིམས་ནང་གཏན་འབེབས་ཟིན་པའི་ཚིག་བརྗོད་ལྟར་དམ་བཅའ་འབུལ་བཞིན་པ་ནས་ད་ལྟའི་ཆ་ལ་སྤྱི་འཐུས་སྐབས་བཅུ་དྲུག་གི་གྲོས་ཚོགས་ཚོགས་དུས་བཅུ་པའི་ཐོག་ཁྲིམས་འགལ་གྱི་གྲོས་ཆོད་ཡིག་ཆ་ཨང་ ༣༩ ཟེར་བ་དེའི་ཤུགས་རྐྱེན་འོག་ནས་ད་ལྟ་བར་ཆེས་མཐོའི་ཁྲིམས་ཞིབ་ཁང་ནང་ཁྲིམས་ཞིབ་པ་གཅིག་ལས་མེད་པ་དང་། བཀའ་བློན་ཆ་ཚང་བསྐོ་མ་ཐུབ་པ་དང་། གལ་སྲིད་བསྐོ་ཐུབ་པའི་དབང་དུ་བཏང་ཡང་དམ་བཅའ་འབུལ་སའི་ཡུལ་མེད་པ་དང་། ཉེ་ལམ་སྤྱི་འཐུས་སྐབས་བཅུ་བདུན་གྱི་གྲོས་ཚོགས་ཚོགས་དུས་དྲུག་པ་དེ་དག་འཇུག་བསྡུ་མ་ཐུབ་པའི་གནས་སྟངས་ངོ་ཚ་ཁ་སྐྱེངས་སོགས་ལ་བལྟ་སྐབས་ང་ཚོ་མི་མང་ནས་ཡིད་ཆེས་དང་རེ་བ་བཅོལ་སའི་ཨ་ཡོད་ནང་གི་ད་ཡོད་དང་སྒོ་ངའི་ནང་གི་སེར་རིལ། སྟོང་དཀྲུགས་བརྒྱ་འདེམས་བྱས་པའི་སྤྱི་འཐུས་ཚོའི་ཕྱག་ལས་གནང་སྟངས་ལ་ཞིག་ན་བཅའ་ཁྲིམས་བསྐྱར་བཅོས་ཀྱི་བརྒྱུད་ནས་མི་མང་གི་མངོན་འདོད་སྒྲུབ་ཐུབ་པའི་རེ་བ་ཅང་མ་མཐོང་བ་ནས་ད་ལམ་བཅའ་ཁྲིམས་དོན་ཚན་བཅུ་གསུམ་ནང་གསལ་བའི་བོད་ཀྱི་ཡུལ་མིའི་ལས་འགན་སྒྲུབ་ནས་གང་ཟག་སྒེར་གྱི་བསམ་ཚུལ་གླེང་གི་ཡོད། མང་གཙོའི་ཀ་བ་གསུམ་གྱི་མཛད་གཙོ་རྣམ་པ་དང་།…
དེ་ལས་མང་བ་། “བཙན་བྱོལ་བོད་མིའི་མང་གཙོའི་འཕེལ་རིམ་ལ་དཔྱད་པའི་གཏམ།” »
གཞུང་པ་ཚེ་དབང་བསོད་ནམས། སྤྱི་འཐུས་སྐབས་བཅུ་བདུན་གྱིས་གྲོས་ཚོགས་ཚོགས་དུས་ལྔ་པའི་ཐོག་བཅའ་ཁྲིམས་བསྐྱར་བཅོས་ཚོགས་ཆུང་འཛུགས་རྒྱུའི་གྲོས་ཆོད་ལྟར་ཚོགས་ཆུང་གི་མི་འགྲོ་ཚོགས་གཙོ་སྦྲེལ་པོས་བསྐོ་བཞག་གཏན་འཁེལ་གནང་བའི་ནང་སྤྱི་འཐུས་ཁྲིམས་བཟོ་གྲོས་ཚོགས་ཀྱི་འཐུས་མི་ལས་སྒྲུབ་པའི་ཚོགས་ཆུང་བཙུགས་པ་ནས་བ་མོ་དེ་ཉལ་སྟངས་ལ་བལྟས་ན་བེའུ་རྐེ་ཀྱོག་ཞིག་ཡིན་པ་ཐག་ཆོད་ཟེར་བ་ལྟར་བཅའ་ཁྲིམས་བསྐྱར་བཅོས་ལ་མི་མང་གིས་རེ་བ་བཅོལ་བ་དེ་བར་སྣང་སྟོང་པ་ལ་ལག་མྱུལ་རྒྱབ་པ་ལྟབུ་ལས་རེ་འབྲས་འཐོན་རེ་ཅང་མ་མཐོང་བ་ནས་བཅའ་ཁྲིམས་ལ་བསྐྱར་བཅོས་དགོས་ཀྱི་ཡོད་ན་བཅའ་ཁྲིམས་བསྐྱར་བཅོས་ཚོགས་ཆུང་ནང་མང་གཙོའི་ཀ་བ་གསུམ་གྱི་སྐུ་ཚབ་ལས་སྒྲུབ་པའི་ཚོགས་ཆུང་འཛུགས་དགོས་པ་ནི། ༡ སྤྱི་འཐུས་གྲོས་ཚོགས་འཐུས་མིའི་སྐུ་ཚབ། ༢ འཛིན་སྐྱོང་བཀའ་ཤག་གི་སྐུ་ཚབ། ༣ ཆེས་མཐོའི་ཁྲིམས་ཞིབ་ཁང་གི་སྐུ་ཚབ། ༤ ཁྲིམས་ལུགས་རིག་པའི་ཆེད་ལས་པ་བཅས་ལས་སྒྲུབ་པའི་ཚོགས་ཆུང་འཛུགས་དགོས་པ་དེ་མང་གཙོའི་འགྲོ་ལུགས་དང་མཐུན་པ་ཞིག་ཡིན་པ་དང་། སྤྱི་འཐུས་གྲོས་ཚོགས་འཐུས་མི་ལས་སྒྲུབ་པའི་ཚོགས་ཆུང་གི་ཕྱོགས་གཅིག་གི་གནས་སྟངས་ལས་ཕྱོགས་ཚང་མའི་གནས་སྟངས་རྟོགས་མ་ཐུབ་པ་ནས་ཁྲིམས་མཐུན་ལ་ནམ་ཡང་ཁས་ལེན་ཞུ་མི་ཐུབ་པ་དང་། སྤྱི་འཐུས་གྲོས་ཚོགས་ཀྱི་འཐུས་མིའི་བཅའ་ཁྲིམས་བསྐྱར་བཅོས་གནང་རྒྱུ་ཡིན་ན་ཚོགས་ཆུང་ཟུར་དུ་བཙུགས་ནས་འགྲོ་སོང་གཏོང་མ་དགོས་པ་བཅའ་ཁྲིམས་དོན་ཚན་བརྒྱ་དང་བཅུ་གཅིག་ནང་གསལ་བའི་བཅའ་ཁྲིམས་བསྐྱར་བཅོས་དེ་གྲོས་ཚོགས་ཀྱི་ལས་རིམ་ནང་བསྐྱར་བཅོས་ཁྱེར་ནས་ཚིག་བརྗོད་རྙིང་པ་ལ་སྣོན་འཕྲི་སྤོར་གཅོག་གི་ལམ་ནས་མང་མོས་སམ་སྤྱི་མོས་གང་རུང་འོག་བསྐྱར་བཅོས་བྱེད་ཆོག་པ་དེ་ལ་༼ CHARTER Rectified ༽…
དེ་ལས་མང་བ་། “བཅའ་ཁྲིམས་བསྐྱར་བཅོས་དང་མི་མང་གིས་རེ་བ་ལ་དཔྱད་པའི་གཏམ།” »
གཞུང་པ་ཚེ་དབང་བསོད་ནམས། རྒྱ་བལ་འབྲུག་གསུམ་ནང་ཡོད་པའི་བཙན་བྱོལ་བོད་མིའི་གཞིས་ཆགས་ཁག་ནི་བོད་ཀྱི་ཆོས་དང་། སྐད་ཡིག རིག་གཞུང་། མི་རིགས་དང་བཅས་པ་སྲུང་སྐྱོབས་ཐུབ་པའི་བཙན་བྱོལ་བོད་མིའི་བཅའ་ཁྲིམས་དོན་ཚན་བཅོ་ལྔ་ནང་འཁོད་པའི་བོད་དོན་བདེན་མཐའ་གསལ་ཐབས་ལ་ཕྱོགས་ཡོངས་ནས་འགན་འཁུར་ནས་བོད་མིའི་ངོ་བོ་འཛམ་གླིང་ཡོངས་ལ་སྟོན་ཐུབ་པའི་བཙན་བྱོལ་བོད་མིའི་སྒྲིག་འཛུགས་ཀྱི་ནང་ནས་བླ་ན་མེད་པ་དེ་ཡིན་པ་དང་། གཞིས་ཆགས་སོ་སོའི་སྒྲིག་འཛུགས་ནང་ཕ་མེས་ནས་དར་པའི་བོད་མིའི་མཐུན་མོང་མ་ཡིན་པའི་སྐད་ཡིག་དང་། ནང་ཆོས། རིག་གཞུང་། སྒོམ་པའི་བཤིས་ལུགས་སོགས་མི་ཉམས་རྒྱུན་འཛིན་དང་ཉམས་པ་སླར་གསོ་ཞུ་རྒྱུ་སོགས་བོད་མིའི་ངོ་བོ་ཟུར་དུ་འབུར་འཐོན་ཐུབ་པའི་ལས་འགུལ་འཆར་ཅན་སྤེལ་བཞིན་པ་དང་། ལོ་རབས་དགུ་བཅུའི་ནང་དབུས་བོད་མིའི་སྒྲིག་འཛུགས་ནས་བོད་མི་གཅིག་སྟོང་ཨ་རིར་གཞིས་སྤོ་གནང་བ་ནས་གཞིས་ཆགས་ཁག་ནང་གཞིས་མི་གཏན་སྡོད་བྱ་མཁན་ལོ་རེ་ནས་ལོ་རེ་བཞིན་ཉུང་དུ་འགྲོ་བཞིན་པ་དང་། ཉིན་སློབ་ནང་སློབ་ཕྲུག་ཉུང་དུ་འགྲོ་བཞིན་པ་དང་། གཞིས་ཆགས་ནང་ཞིང་ལས་བྱ་མཁན་དང་བ་ཕྱུགས་གསོ་སྐྱོང་བྱ་མཁན་སོགས་ལོ་རེ་ནས་ལོ་རེ་བཞིན་ཉུང་དུ་འགྲོ་བཞིན་པ་དང་། གཞིས་ཆགས་སོ་སོའི་ནང་ནས་ཕྱི་རྒྱལ་ལ་རང་མཚམས་འགྲོ་མཁན་ཚོའི་ས་ཁང་ཕྱིར་བསྡུ་གནང་ནས་གཞིས་ཆགས་ནང་ལྷག་པའི་ནང་མི་ཚོ་ལ་རང་ཐོབ་ས་ཞིང་ལས་མེད་སྟབས་ས་ཞིང་ཉུང་དུ་ཕྱིན་ནས་ས་ཞིང་འདེབས་ལས་ལ་དཀའ་ངལ་མང་བས་ས་ཞིང་གཞན་ལ་བོགས་གཏོང་བྱེད་བཞིན་པ་ནས་དེང་སྐབས་བོགས་མ་ལེན་མཁན་ཡང་མེད་པ་ནས་ཞིང་ས་མང་པོ་ས་སྟོང་ལ་བཞག་པ་ཡང་མཐོང་རྒྱུ་འདུག་ལ་ན་གཞོན་ཚོ་ཕྱི་རྒྱལ་ལ་འགྲོ་རྒྱུའི་བསམ་བློ་ལས་གཞིས་ཆགས་ནང་བསྡད་ནས་ཞིང་ལས་དང་བ་ཕྱུགས་གསོ་སྐྱོང་བྱ་རྒྱུའི་བསམ་བློ་ཞན་པ་དང་། གཞིས་ཆགས་སྲ་བརྟན་དང་རྒྱུན་གནས་ཐུབ་པའི་ཆེད་ཁྱིམ་ཚང་ཆ་ཚང་ཕྱི་རྒྱལ་ལ་ཕྱིན་པའི་ས་ཁང་ཕྱིར་བསྡུ་མ་བྱས་རང་བྱས་ལས་དེ་མིན་ཁྱིམ་ཚང་གཅིག་ནས་ནང་མི་གཉིས་གསུམ་ཕྱི་རྒྱལ་ལ་འགྲོ་མཁན་ཚོའི་ས་ཁང་ཕྱིར་བསྡུ་མ་དགོས་པ་ཁྱིམ་ཚང་དེ་ག་རང་ལ་བཞག་ནས་ས་ཁང་གཉིས་ལ་བོགས་ཁྲལ་སྣེ་སེལ་ཞིག་གཏན་འབེབས་གནང་ནས་དབུས་བོད་མིའི་སྒྲིག་འཛུགས་ལ་འབུལ་དགོས་པའི་ལམ་ལུགས་སམ་སྒྲིག་གཞི་བཟོ་ཐུབ་ན་ནང་མི་ཕྱི་རྒྱལ་ལ་འགྲོ་མཁན་ཚོའི་ས་ཞིང་གཞིས་སྡོད་ཁྱིམ་ཚང་རང་ལ་བདག་ཉར་ཆོག་པ་ནས་དེ་སྔོན་གཞིས་ཆགས་ནང་ཁྱིམ་ཚང་དེའི་འཛུགས་བསྐྲུན་ལས་གཞི་ལ་དོ་ཕོག་མི་འགྲོ་བ་དང་གཞིས་ཆགས་སྲ་བརྟན་དང་བརྒྱུན་གནས་ཐུབ་པའི་དགེ་ཚན་ཆེ་བ་ཡོང་རྒྱུ་དང་།…
དེ་ལས་མང་བ་། “གཞིས་ཆགས་སྲ་བརྟན་དང་རྒྱུན་གནས་སྐོར་ལ་དཔྱད་པའི་གཏམ།” »
གཞུང་པ་ཚེ་དབང་བསོད་ནམས། མང་གཙོའི་རྒྱལ་ཁབ་ཀྱི་གྲོས་ཚོགས་ལས་རིམ་ནང་དུས་ཚོད་ལ་འགན་འཁུར་ནས་འཐུས་མི་ཚོའི་གྲོས་ཚོགས་ནང་རང་ཉིད་ཀྱིས་གཏམ་བཤད་བྱ་རྒྱུའི་སྒོ་སྐབས་རྩ་ཆེར་རྩིས་ནས་སྔོན་ཚུད་ནས་ཡིག་ཐོག་ཏུ་བཀོད་ནས་སྒྲ་སྒྲིག་བྱེད་བཞིན་པ་དང་། རང་གི་བཤོད་རྒྱུའི་གནད་དོན་ཡིག་ཐོག་ལ་ཡོད་པ་དེ་དག་ལ་ངག་ཐོག་ནས་འབྲེལ་བཤད་རིང་ཙམ་རྒྱབ་ནས་གྲོས་ཚོགས་ཀྱི་འཐུས་མི་ཚོའི་གསལ་པོ་མཁྱེན་ཐུབ་པ་དང་འོས་འཕེན་མང་ཚོགས་ཀྱི་མངོན་འདོད་སྒྲུབ་དགོས་པ་ནི་མི་མང་གི་སྐུ་ཚབ་གྲོས་ཚོགས་འཐུས་མིའི་ཐུགས་འགན་ངོ་མ་དེ་ཡིན་པ་དང་། ང་ཚོའི་སྤྱི་འཐུས་གྲོས་ཚོགས་ནང་བགྲོ་གླེང་ག་འདྲ་ཞིག་གནང་གི་ཡོད་ཀྱང་གྲོས་ཚོགས་ཀྱི་ལས་རིམ་དང་མཐུན་པ་བཟང་སྤྱོད་དང་ཁ་མ་བྲལ་བ་ཞིག་དགོས་པ་ནི་བཙན་བྱོལ་བོད་མིའི་བཅའ་ཁྲིམས་དང་སྤྱི་འཐུས་ལྷན་ཚོགས་ཀྱི་ཚོགས་འདུའི་འགྲོ་ལུགས་དང་ལས་དོན་བྱེད་ཕྱོགས་ཀྱི་སྒྲིག་གཞིའི་ལམ་སྟོན་དང་མཐུན་པ་ཞིག་དགོས་པ་དང་། གལ་སྲིད་འཐུས་མི་ཞིག་ནས་གྲོས་ཚོགས་ཀྱི་ལས་རིམ་དང་མ་མཐུན་པ་བཟང་སྤྱོད་དང་ཁ་བྲལ་བའི་གཏམ་གླེང་གནང་གི་ཡོད་ན་ལམ་སེང་ཚོགས་གཙོའི་བཀག་དགོས་པ་དང་། ཚོགས་གཙོའི་མ་གཟིགས་པའམ་མ་གསན་པའི་སྐབས་སུ་གྲོས་ཚོགས་ཀྱི་འཐུས་མི་སུ་རུང་ནས་ལས་རིམ་རྣམ་བཞག་༼ Point of Order ༽ འདོན་ཆོག་པ་དང་། ལས་རིམ་རྣམ་བཞག་གི་ནང་དོན་ཡང་འགྲོ་བཞིན་པའི་ལས་རིམ་དང་འབྲེལ་བ་མེད་ལུགས་གསུང་དགོས་པ་ལས་ལས་རིམ་རྣམ་བཞག་ལ་སྒོ་སྐབས་བླང་ནས་རང་གི་བསམ་ཚུལ་གཏམ་བཤད་ལ་ནམ་ཡང་ཁ་ཕྱོགས་མི་ཉན་པ་དང་། གལ་སྲིད་འཐུས་མི་ཞིག་ནས་ལས་རིམ་རྣམ་བཞག་ལ་སྒོ་སྐབས་བླང་ནས་རང་གི་བསམ་ཚུལ་གླེང་གི་ཡོད་ཚེ་དེ་མ་ཐག་ཚོགས་གཙོའི་བཀག་དགོས་པ་དང་། འཐུས་མི་ཞིག་ནས་ལག་པ་ཡར་ཀྱང་ནས་ལས་རིམ་རྣམ་བཞག་ཟེར་སྐབས་ཚོགས་གཙོའི་གཏམ་བཤད་གནང་མཁན་གྱི་འཐུས་དེ་མར་བཞུགས་དུ་བཅུག་ནས་ལས་རིམ་རྣམ་བཞག་འདོན་མཁན་གྱི་འཐུས་མི་དེ་ལ་ལས་རིམ་ག་རེ་ཡིན་གསུང་དགོས་པ་དང་།…
གཞུང་པ་ཚེ་དབང་བསོད་ནམས། དུས་རབས་ཉི་ཤུ་རྩ་གཅིག་འདི་དྲ་རྒྱའི་དུས་རབས་ ༼ Cyber Century ༽ ལ་མི་ཚོའི་ངོས་འཛིན་གྱིས་སྤྱི་ཚོགས་ཀྱི་འཚོ་བ་དང་འབྲེལ་བའི་ཆོས་སྲིད་ཀྱི་ལས་དོན་ཡོངས་རྫོགས་དྲ་རྒྱ་བརྒྱུད་ནས་བྱེད་བཞིན་པ་ནི་ཚན་རྩལ་རིག་པས་ང་ཚོ་འགྲོ་བ་མི་ལ་ལེགས་སྐྱེས་སུ་སྦྱིན་པ་ནས་ང་ཚོ་འགྲོ་བ་མི་ཚང་མ་དགའ་བ་དང་སྤྲོ་བ་ཚད་མེད་པའི་གནས་སུ་རྒྱུར་པ་ནི། ཤེས་བྱ་མཐའ་མེད་ནམ་མཁའ་སྟོང་པ་འདྲ། རིག་པ་མཐའ་མེད་རྒྱ་མཚོའི་གཏིང་མཐའ་འདྲ། ཟེར་བ་ལྟར། དྲ་རྒྱའི་དུས་རབས་ལ་རང་གི་འཚོ་བའི་མདུན་ལམ་བསྟེན་མ་ཐུ་པའི་མི་སྣ་ཁག་ནས་དྲ་རྒྱའི་དུས་རབས་དེ་བེད་སྤྱོད་ལོག་པར་བཏང་ནས་སྤྱི་ཚོགས་དཀྲུགས་ཐབས་ལ་འབད་བརྩོན་དང་འགན་འཁུར་ནས་སྒྲིག་འཛུགས་དང་མི་མང་བར་དཀྲུགས་ཐབས་དང་། ཆོལ་ཁ་དང་ལུང་ཚན་བར་དཀྲུགས་ཐབས་དང་། མཐུན་པ་དང་མ་མཐུན་བར་དཀྲུགས་ཐབས་དང་། རང་གི་འདོད་ཕྱོགས་དང་མ་མཐུན་ན་ཕ་ཕྱོགས་ཀྱི་མི་དེ་སྤྱི་ཚོགས་ནང་ནག་པོ་བཟོ་གང་ཐུབ་བྱས་ནས་དོན་དངོས་ཚན་རྩལ་རིག་པས་ང་ཚོར་ལེགས་སྐྱེས་སུ་སྦྱིན་པའི་དྲ་རྒྱའི་དུས་རབས་རྩ་ཆེན་དེ་བེད་སྤྱོད་ལོག་པར་བཏང་ནས་སྤྱི་ཚོགས་ཀྱི་བདེ་འཇགས་ལའང་ཉེན་ཁ་མི་བཟོ་བའི་ངེས་པ་མེད་པ་ནས་ང་ཚོ་ཚང་མས་ཟབ་ཟབ་གནང་དགོས་པ་ནི་ཤིན་ཏུ་ནས་གལ་ཆེན་དོན་ཆེན་ཞིག་ཡིན་པ་དང་། དེང་སྐབས་སྤྱི་ཚོགས་ཀྱི་དྲ་ལམ་བརྒྱུད་ནས་འཛམ་གླིང་འདི་ཆུང་ཆུང་ཆགས་ནས་སྐར་ཆ་གཅིག་གི་ནང་ཕྱོགས་ཡོངས་ཀྱི་གནས་ཚུལ་ཤེས་ཐུབ་པ་དང་མཐོང་ཐུབ་པའི་ནུས་པ་ཡོད་པ་ནས་ང་ཚོ་བཙན་བྱོལ་བོད་པའི་སྤྱི་ཚོགས་ནང་གནས་ཚུལ་བཟང་ངན་ཚང་མ་དྲ་ལམ་བརྒྱུད་ནས་ཡོང་བཞིན་པ་ནས་གནས་ཚུལ་ག་འདྲ་ཞིག་རང་ཉིད་ལ་འབྱོར་ཡང་ཞིབ་འཇུག་མཐའ་ནན་གནང་ནས་བདེན་རྫུན་གྱི་ངོས་འཛིན་གསལ་པོ་ཐུབ་དགོས་པ་ལས་རི་བོང་ཅལ་འདྲོགས་ནམ་ཡང་བྱེད་མི་ཉན་པ་ནི་དེང་སྐབས་རང་རེ་བཙན་བྱོལ་སྤྱི་ཚོགས་ཆུང་ཆུང་འདིའི་ནང་མང་གཙོ་དང་རང་དབང་ཁ་ལ་ཁྱེར་ནས་ཆོལ་ཁ་དང་ལུང་ཚན་གྱི་མིང་གི་འོག་ནས་ནང་ཁུལ་དཀྲུགས་ཐབས་བྱེད་མཁན་དགྲ་བོའི་སོ་མྱུལ་ཡང་ཡོང་མི་སྲིད་པ་མིན་པ་ནས་བློ་ལྡན་བོད་མི་ཚང་མས་དྲ་ལམ་གྱི་གནས་ཚུལ་ལ་ཞིབ་འཇུག་མ་གནང་བར་ཆ་འཇོག་དང་ཡིད་ཆེས་ནམ་ཡང་གནང་མི་ཉན་པ་དང་།…
གཞུང་པ་ཚེ་དབང་བསོད་ནམས། སྤྱི་ལོ་ ༡༩༥༤ ལོར་༧ སྤྱི་ནོར་༧ གོང་ས་སྐྱབས་མགོན་ཆེན་པོ་མཆོག་ནས་བོད་ཀྱི་ཆབ་སྲིད་ལམ་ལུགས་ལ་བསྒྱུར་བཅོས་གཏོང་རྒྱུར་རླབས་ཆེན་གྱི་དགོངས་པ་བཞེས་ནས་སྤྱི་ཚོགས་ལེགས་བཅོས་ལས་ཁུངས་ཆེད་འཛུགས་གནང་ནས་ལས་དོན་འགོ་འཛུགས་གནང་སྐབས་ཕྱི་ནང་གི་འགོག་རྐྱེན་འོག་ནས་རང་ཡུལ་དུ་དངོས་སུ་ལག་བསྟར་མ་ཐུབ་པ་ནས་སྤྱི་ལོ་༡༩༥༩ ལོར་རྒྱ་གར་དུ་བཙན་བྱོལ་དུ་ཕེབས་མ་ཐག་སྤྱི་ལོ་ ༡༩༦༠ ཐམ་པའི་ལོར་བོད་མི་མང་གི་སྐུ་ཚབ་ཆོལ་གསུམ་ཆོས་ལུགས་དང་བཅས་པའི་འཐུས་མི་སྤྱི་འཐུས་མི་མང་ནས་གསར་བསྐོ་གནང་ནས་མ་འོངས་བོད་ཀྱི་ཆབ་སྲིད་ལམ་ལུགས་དེ་མང་གཙོ་ལ་ཁ་ཕྱོགས་ནས་བཙན་བྱོལ་བོད་མིའི་ཆབ་སྲིད་ཀྱང་དེ་དང་ཕྱོགས་མཐུན་བྱས་ནས་བཙན་བྱོལ་བོད་མིའི་མང་གཙོ་དབུ་རྙེས་ནས་སྐབས་དེ་དུས་བཙན་བྱོལ་དུ་འབྱོར་མ་ཐག་ལ་སོང་མི་མང་གི་འཐུས་མི་སྤྱི་འཐུས་རྣམས་ད་ལྟ་ནང་བཞིན་སྤྱི་འཐུས་ཀྱི་ལས་ཁུངས་ཟུར་དུ་མེད་པ་ནས་སྤྱི་འཐུས་རྣམས་ལྷན་ཁང་ཁག་ནང་ཆ་བགོས་བྱས་ནས་ལས་དོན་གནང་བཞིན་པ་དང་། རིམ་པས་སྤྱི་ཚོགས་ཀྱི་འཕེལ་རིམ་དང་དུས་ཀྱི་དགོས་མཁོ་ལ་འགན་འཁུར་ནས་ཡར་རྒྱས་དང་ཚགས་ཚུད་དུ་ཕྱིན་ནས་སྤྱི་ལོ་ ༡༩༩༠ ལོར་སྤྱི་འཐུས་ཀྱི་གྲངས་ཚད་སྤར་ནས་བཙན་བྱོལ་བོད་མིའི་བཅའ་ཁྲིམས་ཀྱི་ཟིན་བྲིས་ཚོགས་ཆུང་བཙུགས་ནས་སྤྱི་ལོ་ ༡༩༩༡ ལོར་སྤྱི་འཐུས་སྐབས་བཅུ་གཅིག་གི་བར་འགལ་གྱི་ཁྲིམས་བཟོའི་འགན་འཁུར་བླང་ནས་བཙན་བྱོལ་བོད་མིའི་བཅའ་ཁྲིམས་དོན་ཚན་བརྒྱ་དང་བཅོ་ལྔ་ཡོད་པ་དེ་དག་གཏན་འབེབས་གནང་ནས་༧ གོང་ས་མཆོག་གི་ཆོག་མཆན་ལོ་དེའི་ཟླ་བ་…
དེ་ལས་མང་བ་། “བཙན་བྱོལ་བོད་མིའི་བཅའ་ཁྲིམས་དང་ཁྲིམས་བཟོ་སྤྱི་འཐུས་གྲོས་ཚོགས།” »
གཞུང་པ་ཚེ་དབང་བསོད་ནམས། ཀ་ར་ཀོ་རེ་བཤད་ནས་གྲོས་ཚོགས་འཇུག་སྐྱོང་མ་ཐུབ། ཁ་དམག་འགན་འཁུར་འོག་ཏུ་ནང་ཁུལ་རྩོད་གླེང་མང་བ། ག་ནས་བསམ་བློ་བཏང་ཀྱང་ཕྱོགས་གཏོགས་འགན་འཁུར་ཙམ་ལས། ང་ཚོའི་རེ་བ་ཇི་བཞིན་ཁྲིམས་བཟོའི་འགན་འཁུར་མ་ཐུབ། ཅ་ཅོ་འར་འུར་མང་བའི་གྲོས་ཚོགས་ལས་རིམ་མཐོང་དུས། ཆ་ལུགས་འདི་འདྲའི་སྤྱོད་ངན་གྲོས་ཚོགས་ག་འདྲ་ཡིན་ནམ། ཇ་ནག་ཚ་མེད་འདྲ་བའི་སྤྱི་འཐུས་གྲོས་ཚོགས་ལས་རིམ། ཉི་མ་གང་ཁྱོལ་བྱས་ནས་གཞུང་གྲོན་འཕྲོ་ལྷག་འདྲ་སོང་། ཏ་ལའི་བླ་མས་མཛད་རྗེས་བོད་ཀྱི་མང་གཙོ་བཙུགས་ཀྱང་། ཐ་དད་ཆོས་ལུགས་ཆོལ་ཁའི་སྐུ་ཚབ་འཐུས་མི་རྣམ་པས། ད་ལྟའི་གྲོས་ཚོགས་ལས་རིམ་དགྲ་དགའ་གཉེན་སྡུག་བཟོས་སོང་།…
དེ་ལས་མང་བ་། “སྤྱི་འཐུས་སྐབས་བཅུ་བདུན་གྱིས་གྲོས་ཚོགས་ཚོགས་དུས་དྲུག་པའི་ལས་རིམ་ལ་དཔྱད་པའི་ཀ་བཤད།” »
དེ་རིང་ངས་གླེང་སློང་བྱེད་འདོད་པ་ནི། དེང་སྐབས་བཅུ་བདུན་པའི་བོད་མི་མང་སྤྱི་འཐུས་གྲོས་ཚོགས་ཚོགས་དུས་དྲུག་པ་ཚོགས་བཞིན་པའི་སྐབས་ཀྱི་གནས་ཚུལ་སྐོར་ཡིན་པ་དང་། སྤྱིར་བཏང་གི་བཙན་བྱོལ་ནང་གི་ལབ་གླེང་སྐོར་ལ་ང་ལ་གླེང་འདོད་གཏན་ནས་མི་འདུག །འོན་ཀྱང་ད་རེས་ཁྱི་མི་རྨུགས་དཀའ་མེད་རྐུ་མས་སྒོ་རྡུང་། ཝ་མི་རྒྱལ་དཀའ་མེད་ལྷ་འདྲེས་འགྲམ་ལྕག་ཅེས་པའི་དཔེ་ལྟར། ད་རེས་མ་བཤད་ཀ་མེད་དུ་གྱུར་སོང་བའི་རྒྱ་ཆེ་ཀློག་པ་པོ་ཚོའི་བློ་ལ་འཐད་མིན་ཡོང་སྲིད་ན་དགོངས་པ་མ་ཚོགས་རོགས་ཞུ་རྒྱུ་ལས་མ་འདས། ད་རེས་ཚང་མའི་མཁྱེན་གསལ་བཞིན་ང་ཚོའི་གྲོས་ཚོགས་ཚོགས་ག་དུས་དབུ་འཛུགས་གནང་བ་ཡིན་ན་དང་ཐོག་བོད་ནང་ཛ་དྲག་གི་གནས་སྟངས་སྐོར་ལ་གལ་ཆེའི་དོན་ཆེ་ཞིག་ཏུ་འཛིན་ནས་གདུང་སེམས་མཉམ་སྐྱེད་ཀྱི་གྲོས་ཆོད་གྲོས་འཆར་བསྣམས་ཕེབས་ཀྱི་ཡོད་པ་དང་། དེར་བཀུར་འོས་སྤྱི་འཐུས་རྣམ་པས་བོད་ནང་གི་ཛ་དྲག་གི་གནས་སྟངས་སྐོར་ལ་དགོངས་ཚུལ་གསུང་སའི་གལ་ཆེའི་སྡིངས་ཆ་ཞིག་ཡིན་པས་བཀུར་འོས་རྣམ་པས་བགྲོ་གླེང་གི་ཆ་ཤས་བཞེས་གནང་གི་ཡོད། ད་རེས་བོད་ནང་གི་གཞིས་ལུས་མི་དམངས་ལ་གདུང་སེམས་མཉམ་སྐྱེད་བྱ་རྒྱུ་ལས་ལྡོག་སྟེ་ནང་ཁུལ་ལབ་གླེང་བྱུང་ནས་གྲོས་ཚོགས་ཚོགས་མ་ཐུབ་པ་དེ་རེད། ས་གནས་ཁག་ནས་གཞུང་མགྲོན་ཕོན་ཆེན་བཏང་ནས་གནས་འདིར་ཕེབས་ཚར་དུས་གྲོས་ཚོགས་ཚོགས་མ་ཐུབ་པ་ནི་ཧ་ཅང་བློ་ཕམ་གྱི་རང་བཞིན་གནས་ཚུལ་ཞིག་ལ་ངོས་འཛིན་མི་ཞུ་ཀ་མེད་རེད་སྙམ། གཞིས་ལུས་བོད་མི་རྣམས་ཁྲག་དང་མིག་ཆུ་འོག་ཏུ་འཚོ་བ་རོལ་དགོས་ཐུག་གི་ཡོད། ཉིན་འཁྱོལ་རུང་མཚན་མི་འཁྱོལ་བའི་དཀའ་སྡུག་འོག་ཏུ་གནས་དགོས་ཐུག་གི་ཡོད། དེའདྲའི་དཀའ་སྡུག་འོག་ཏུ་ཡོད་རུང་བློ་བརྟན་འགྱུར་མེད་ཀྱིས་ཚེ་སྲོག་ཉེན་ཁ་ཡོད་རུང་རང་གཞུང་ལ་ཡིད་ཆེས་བློ་གཏད་ཀྱི་རེ་བ་བཟུང་ནས་ལས་དོན་གནང་བཞིན་ཡོད། དེ་འདྲའི་རེ་བ་དང་། ཡིད་ཆེས་ཐོག་ནས་ད་བར་གཅེས་པའི་ལུས་སྲོག་དམར་པོ་མཆོད་མེར་སྒྲོན་ཡོད།…
རིག་འབྱུང་དོན་གྲུབ་བཀྲ་ཤིས་ཀྱིས་བརྩམས། གཡག་ཕྱུག་ཕུན་ཚོགས་ཆོས་འཕེལ་གྱིས་བསྒྱུར། པད་མ་ཚེ་བརྟན་ལགས་ནི། སྤྱི་ལོ་ ༡༩༦༩ ལོའི་ཟླ་བཅུ་གཉིས་པར་མདོ་སྨད་མཚོ་ལྷོ་བོད་རིགས་རང་སྐྱོང་ཁུལ་གྱི་ཁྲི་ཀ་ལྷ་ཁང་ཐང་ཞེས་པའི་གྲོང་གསེབ་ཅིག་ཏུ་སྐུ་འཁྲུངས། ཆུང་ངུའི་དུས་ནས་(རང་ལོ་དགུའི་སྐབས་ལ།) ཕ་མ་གཉིས་ཁ་གྱེས་ཤིང་། ཨ་མས་ཡང་བསྐྱར་གཉེན་སྒྲིག་བྱས་པའི་རྒྱུ་རྐྱེན་ལ་བརྟེན་ནས། ཁོང་དང་སྤུན་ཉེ་རྣམས་ཀྱི་འཚར་ལོངས་ཀྱི་འགན་ཁུར་ཡོངས་རྗོགས་ཨ་མྱེས་དམ་པས་འཁྱེར་དགོས་བྱུང་། ཁོང་གིས་ཕ་ཡུལ་རང་ལ་གཞི་རིམ་དང་འབྲིང་རིམ་གྱི་སློབ་གྲྭ་འགྲིམས་ཚར་རྗེས། མདོ་སྨད་ཆབ་ཆར་ཡོད་པའི་མི་རིགས་དགེ་ཐོན་སློབ་གྲྭར་དགེ་རྒན་འོས་སྦྱོང་གི་སློབ་གཉེར་གནང་། དགེ་རྒན་འོས་སྦྱོང་གི་མཐོ་སློབ་དེ་ནི་མཁས་དབང་གསུང་རབ་རྒྱ་མཚོ་ལགས་ཀྱི་སློབ་སྟོན་འོག་བཙུགས་པའི་མཐོ་སློབ་མང་པོའི་གྲས་ཀྱི་གཅིག་ཡིན་པ་དང་། པད་མ་ཚེ་བརྟན་མཐོ་སློབ་དེ་ནས་དགེ་རྒན་འོས་སྦྱོང་གི་སློབ་གཉེར་མཇུག་སྒྲིལ་མ་ཐག་རང་གི་ཕ་ཡུལ་དུ་ལོག་སྟེ་ཁྱོན་བསྡོམས་ལོ་ངོ་བཞི་ཡི་རིང་གཞི་རིམ་སློབ་གྲྭའི་བོད་ཡིག་དགེ་རྒན་གྱི་ཕྱག་ལས་གནང་། ཕ་ཡུལ་དུ་བོད་ཡིག་དགེ་རྒན་བྱས་པའི་ལོ་ངོ་དེ་དག་གི་རིང་།…
དེ་ལས་མང་བ་། “བོད་ཀྱི་གློག་བརྙན་འཁྲབ་ཁྲིད་པ་གྲགས་ཅན་པད་མ་ཚེ་བརྟན་གྱི་མི་ཚེའི་ལོ་རྒྱུས།” »
གཞུང་པ་ཚེ་དབང་བསོད་ནམས། བོད་མིའི་བླ་ན་མེད་པའི་དབུ་ཁྲིད་༧ སྤྱི་ནོར་༧གོང་ས་༧སྐྱབས་མགོན་ཡིད་བཞིན་ནོར་བུ་མཆོག་གི་སྐུའི་བླ་གཟའ་ལ་བོད་ནང་ཡོད་པའི་རྒྱལ་གཅེས་ལྷག་བསམ་ཅན་གྱི་བོད་མི་ཚོའི་ལྷག་དཀར་ཞེས་མིང་བཏགས་ནས་རེས་གཟའ་ལྷག་པ་ནམ་ཡིན་ལ་རི་རླུང་དར་འཛུགས་དང་། རླུང་རྟ་ཡར་བསྐྱེད། ལྷ་བསངས་དགུང་ལ་གཏོང་བ། རྒྱལ་བའི་ཞབས་རྟེན་འུར་འདོན་སོགས་ཆོས་ཕྱོགས་དང་འབྲེལ་བའི་དཀར་པོ་དགེ་བའི་ལས་ལ་བརྩོན་བཞིན་པ་ནི་མི་སྨོན་རང་སྐྱིད་ཀྱི་དགེ་ཚོགས་རླབས་པོ་ཆེ་བསོགས་བཞིན་པ་ལ་རྗེས་སུ་ཡིད་སྨོན་དང་བསྔགས་བརྗོད་ཡོད། བར་ལམ་ཞིག་ནས་རང་རེ་བཙན་བྱོལ་སྤྱི་ཚོགས་ནང་ལྷག་དཀར་ལ་རྫོགས་རྒྱུ་མེད་པའི་སྒོར་གཞས་ལ་མགོ་འཁོར་ནས་ཆོས་ཕྱོགས་ཀྱི་བྱ་བ་མཇལ་རྒྱུ་མེད་པའི་ལམ་ལུགས་འདིའི་མ་འོངས་བོད་ཀྱི་རིག་གཞུང་གི་ཁ་ཕྱོགས་དེ་ག་པར་འཁྲིད་ཀྱི་ཡོད་དེ་ཡང་ཐེ་ཚོམ་ཆེན་པོའི་ནང་ལྷག་པ་དང་། ༧གོང་ས་མཆོག་གི་སྐུའི་བླ་གཟའ་ནམ་ཡིན་ལ་བོད་མི་ཚོས་༧གོང་ས་མཆོག་སྐུ་ཚེ་ཡུན་རིང་བརྟན་པ་དང་མཛད་པ་འཕྲིན་ལས་རྒྱས་པའི་ཆེད་ཆོས་ཕྱོགས་ཀྱི་བྱ་བ་རི་རླུང་དར་འཛུགས་དང་། དཀར་ཕྱོགས་སྐྱོང་བའི་ལྷ་སྲུང་རྣམས་ལ་ཕྲིན་ལས་བཅོལ་རྒྱུ་དང་། བསངས་དང་གསོ་ཁ། ཚེ་མཐར་གཏོང་བ། ཚེ་སྒྲུབ་དང་ཚེ་ཆོག་ཚེ་གཟུངས་གྲངས་བསོགས། རྒྱལ་བའི་ཞབས་རྟེན་འུར་འདོན་སོགས་དཀར་པོའི་དགེ་ལས་ཁག་བསྒྲུབ་རྒྱུ་ནི་སྒོར་གཞས་སྟོང་ཚོ་མང་པོ་ཁྲབ་པ་ལས་ཀྱང་དེ་ཕན་རླབས་དང་ནུས་པ་ཆེ་བ་ཡོད་པའི་ངོས་འཛིན་དང་བཅས་བོད་མི་ཚང་མས་དེ་ལྟར་ཐུགས་སུ་འཇོག་གནང་ཡོང་བའི་འབོད་བསྐུལ་ཞུ་འདོད་བྱུང་། སྔ་མོ་བོད་ལ་གླུ་སྒར་གྱི་མཆོད་པ་དབུལ་རྒྱུའི་ལམ་ལུགས་ཡོད་པ་དེ་ག་དུས་ཕུལ་གྱི་རེད་ཟེར་ན་བླ་ཆེན་དང་མི་ཆེན་ཁྲི་འདོན་སྐབས་དང་། བོད་མི་རིགས་ཀྱི་མཐུན་མོང་མ་ཡིན་པའི་ཆོས་ཕྱོགས་ཀྱི་གལ་ཆེའི་མཛད་སྒོ་ཁག་དང་།…
དེ་ལས་མང་བ་། “བཀའ་སྤྱི་གཉིས་ནས་དམིགས་བསལ་ཚོགས་ཆེན་བསྐོང་དགོས་པ” »