དེ་རིང་བོད་དོན་ལས་འགུལ་བ་སྐོར་ཞིག་གིས་ཁེ་ལི་ཧྥོར་ནི་ཡ་མངའ་སྡེའི་སྤྱི་ཁྱབ་བྷི་རོང་དང་ཨ་རིའི་གཞུང་ཞབས་དག་གིས་རྒྱ་ནག་གི་མ་འོངས་པའི་སྲིད་འཛིན་ལ་ཐུག་འཕྲད་བྱེད་སའི་ཨན་ཇི་ལོའི་མེ་རོའོ་ཁྲི་གསོལ་མགྲོན་ཁང་གི་ཕྱི་ལོག་ཏུ་ཚོན་བཞི་བཅུ་ཅན་གྱི་འཕྲད་དར་ཐོག་ཏུ་ཞིན་ཅིན་ཕིན། བོད་ལ་རང་དབང་ཐོབ་ངེས་རེད་ཅེས་བཀོད་པ་ཞིག་གནམ་ལ་སྤུར་བ་དང་། འཕྲད་དར་དེ་ལྒང་ཕུག་ཆེན་པོ་གཉིས་ཀྱིས་གསོལ་མགྲོན་ཁང་གི་ཐོག་བརྩེགས་ལྔ་ནས་ཐུར་དུ་དཔྱངས་ཏེ་རྒྱ་ནག་གི་མ་འོངས་པའི་མགོ་ཁྲིད་ཀྱི་ཉིན་གཉིས་རིང་ལྟ་སྐོར་བྱེད་ཡུལ་དེར་བོད་རང་དབང་གི་ཁ་གཡང་མངོན་གསལ་དུ་བསྒྲགས་ལ། ལས་འགུལ་བ་དག་གིས་དགོང་མོ་དེར་ཞིན་ཅིན་ཕིན་གྱིས་ལེ་ཁིར་སའི་རྩེད་འགྲན་ལ་བལྟ་སའི་རྐང་འཛིན་སྡེ་ཁག་གི་ཕྱི་ལོག་ཏུའང་ལས་འགུལ་གོ་བསྒྲིགས་བྱས་ཡོད།
བོད་ཀྱི་སྐད་ཡིག་སྐོར་ལ་དཔྱད་གླེང་སྒྲོན་མེ།
ཆབ་མདོ་ངག་དབང་ཕུན་ཚོགས་ཀྱིས་
མཐོ་སྒང་གངས་ལྗོངས་ཞེས་ཡོངས་སུ་གྲགས་པའི་གནས་མཆོག་དགྲ་བོའི་ལག་ཏུ་ཤོར་ནས་ཁ་བྲལ་འདོད་མེད་བཞིན་མི་ཡུལ་ལ་འཚོ་བ་སྐྱུར་མོ་རོལ་ནས་མི་ལོ་ལྔ་བཅུ་ལྷག་ཙམ་འཁོར་ཞིང༌། ལོ་ངོ་དེ་དག་གི་ནང་དུ་བཀའ་དྲིན་བླ་མེད་དུ་ཆེ་བའི་ྋརྒྱལ་བ་རིན་པོ་ཆེ་དབུས་གཙོས་པའི་རྒྱལ་ཞེན་ཅན་གྱི་ལས་བྱེད་རྣམས་པས་ངལ་བ་བརྒྱ་ཕྲག་དང་དུ་བཞེས་ནས་བོད་མི་རིགས་ཀྱི་ཆབ་དཔལ་རིག་གསུམ་གྱི་དོན་དུ་སྐུ་ལས་སྐྱོན་གནང་མཛད་པས་གྲུབ་འབྲས་ཀྱི་དེང་སྐབས་བོད་མི་རིགས་ཞེས་གོར་ལོའི་སྟེང་དུ་མ་ཤི་བ་གསོན་པོ་འཚོ་གནས་ཐུབ་པ་ནི་ཁོང་རྣམས་པས་སྐུ་དྲན་ཁོར་ན་ལས་བྱུང་བ་ཞིག་ཀྱང་ཡིན། ལྷག་པར་དུ་ྋརྒྱལ་བ་རིན་པོ་ཆེའི་ཐུགས་དགོངས་བླ་མེད་བཞེས་ཏེ་བོད་མིའི་སློབ་གྲྭ་ཁག་གཙང་ཟུར་འཛུགས་གནང་ནས་བོད་མི་རིགས་ཀྱི་ཆོས་དང་རིག་གཞུང་མི་ཉམས་རྒྱུན་འཛིན་དང་ཉམས་པ་སླར་གསོ། དེང་དུས་ཀྱི་སྐད་ཡིག་ཤེས་པའི་གནའ་དེང་ཡ་མ་བྲལ་བའི་འདབ་གཤོག་གཉིས་ལྡན་ཡོང་བའི་ཐུགས་རེ་ཆེན་པོ་གནང་ཡོད། འོན་ཀྱང་ྋརྒྱལ་བ་རིན་པོ་ཆེའི་ཐུགས་རེ་གནང་བ་ཇི་བཞིན་ཤེས་ཡོན་སྤྲོད་ཐུབ་ཀྱི་མེད་པ་དེ་རེད། དེ་ཡང་ཤེས་རིག་ཚོགས་ཆེན་ཐོག་ཏུ་ཤེས་རིག་བཀའ་བློན་མཆོག་ནས།
མེ་ལྕེ་འབར་མཚམས་འཇོག་དགོས་པའི་རྒྱུ་མཚན།
(ལས་དོན་ཇི་འདྲ་ཞིག་ཡིན་ཡང་གང་འཚམ་རྒྱུན་སྲིང་གི་རྗེས་དེས་དོན་གནད་ཅིག་ར་སྤྲོད་ཀྱི་ཡོད་པ་ཚོར་དགོས།)
འཇིགས་མེད་བློ་གྲོས།
ཀིརྴི་ན་མུར་ཏིས། སྲིད་དོན་པ་ཚོས་ཚ་དམག་མི་རྒྱག་པའི་གོ་སྐབས་སྲིད་ཀྱང་དཔལ་འབྱོར་གྱི་དམག་འཁྲུག་རྒྱུན་དུ་བརྒྱབ་སྟེ་འཛམ་གླིང་གཅིག་སྒྲིལ་ནམ་ཡང་བྱེད་མི་སྲིད་པར་བཤད། ད་ལྟ་འཛམ་གླིང་ནང་དཔལ་འབྱོར་འགྲན་རྩོད་ཀྱི་དམག་འཁྲུག་ཤིག་འཁྲུག་ཆ་དོད་པོས་རྒྱག་གིན་ཡོད་ཅིང་། འཁྲུག་ཆེན་འདིའི་ནང་ཆེས་འབུར་གཟུགས་སུ་ཐོན་པའི་ཁ་གཏད་གཉིས་ནི་ཨ་རི་དང་རྒྱ་ནག་གཉིས་ཡིན། རྒྱལ་ཁབ་འདི་གཉིས་ཀྱི་གཞི་རྩའི་ལྟ་གྲུབ་དང་ཆབ་སྲིད་ཀྱི་སྒྲོམ་གཞི། རིག་གཞུང་གི་ངོ་བོ་སོགས་མངོན་གསལ་དོད་པོའི་ཁྱད་པར་ཆེན་པོ་དེས་འཁྲུག་ཆེན་གྱི་ངོ་བོ་ཛ་དྲག་ཏུ་གཏོང་གིན་ཡོད་ཅིང་། ཕན་ཚུན་ཡིད་ཆེས་མེད་པའི་གནས་བབ་དང་ཕྱོགས་ཕན་ཚུན་གྱི་རང་རློམ་དང་ཁེངས་དྲེག་གི་སྟོབས་ཤུགས་ངོམས་རེས་བྱེད་པའི་རྣམ་པ་དེས་སྐབས་རེ་རྒྱལ་སྤྱིའི་ཁྱོན་ལ་སེམས་འཚབ་ཀྱང་སློང་གི་ཡོད།
མེ་ལྕེ་མཆེད་སྟངས་དང་མིག་ཆུ་བཞུར་སྟངས།
ཨ་རིག་དགེ་མཐོང་།
གུང་བྲན་ཏང་གི་དར་དམར་འོག་ནས་སྒེར་གཅོད་དུག་མཚོ་གནམ་ལ་འཕྱུར། །
གཟི་བྱིན་ཅན་གྱི་པོ་ཏ་ལ་ཡའི་གསེར་ཞལ་དེ་ཡང་བསྒྲིབས་ནས་ཐལ། །
ཇོ་ཁང་མདུན་གྱི་བསང་ཁྲི་དག་ལ་བཅོས་བསྒྱུར་སྣ་ཚོགས་ལན་བརྒྱར་བཏངས། །
འགྱིག་གིས་བཟོས་པའི་མེ་ཏོག་དག་ནི་རིག་ན་བོད་པར་སུན་སྣང་ལྕི། །
པོ་ཏ་ལ་ཡི་ནང་རྟེན་དག་ནི་ངོ་ལྐོག་ཟུང་ནས་བཙན་ཁྱེར་བྱས། །
བདག་གཉེར་བྱེད་པའི་དགེ་འདུན་རྣམས་ལ་མི་མཛའ་རྒྱ་ཡི་ཆས་གོས་བསྐོན། །
རྭ་མོ་ཆེ་ཡི་རང་བྱུང་སྐུ་ལ་རྒྱ་དཔོན་དམར་པོས་ལག་པ་བསྲིངས། །
རང་དབང་མེད་པའི་ཉི་མ་ལྷ་ས་ལྕགས་དྲྭར་ཚུད་པའི་བྱེ་འུ་བཞིན། །
ཁྱོད་ཚོ་སུ་ཡིན། གང་ཞིག་བྱེད་ཀྱིན་ཡོད།
( ཕུང་གསུམ་པའི་ཚོགས་ལ་ཕུལ་བ།)
དོལ་སྨྱོན།
དོན་དངོས་ཁྱོད་ཚོ་སུ་ཡིན། ད་ལྟ་ཁྱོད་ཚོས་གང་ཞིག་བྱེད་ཀྱིན་ཡོད།
ཁྱོད་ཚོས་རང་ཉིད་ངོ་ཤེས་ཀྱི་འདུག་གམ། ཁྱོད་ཚོས་རང་ཉིད་གསལ་པོར་རིག་གི་འདུག་གམ།
སངས་རྒྱས་ཀྱི་བསྟན་པ་སྙིགས་ཞབས་སུ་ཐུག་ཅིང་། རིག་གཞུང་གི་གཟི་འོད་ཡིབ་ལ་ཉེ་བའི་དུས་འདིར།
ཁྱོད་ཚོས་ཕུང་གསུམ་པའི་ཟློས་གར་འདི་ལྟར་འཁྲབ་དུས། ང་ཡི་བློ་སྙིང་བྲང་གསུམ་འཁྲུགས་འགྲོ།
ཆུ་འབྲུག་ལོ་སར་ཚེས་གཅིག་གི་སྤྱི་ལྷན་གྱི་ཟས་བཅད་ཞི་བའི་ངོ་རྒོལ་གྱི་མཛད་རིམ།
བོད་ཆུ་འབྲུག་ལོའི་ལོ་གསར་ཚེས་ ༡ ཉིན་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་སྦྲེལ་པོ་མཆོག་གིས་དབུས་རྒྱུན་ལས་རྣམ་པ་དང་། རྡ་ས་དང་དེའི་ཉེ་ཁུལ་གྱི་ཕྱོགས་བཞུགས་སྤྱི་འཐུས་རྣམས་ཀྱིས་བོད་ནང་གི་ཛ་དྲག་གནས་སྟངས་ལ་གདུང་སེམས་མཉམ་བསྐྱེད་ཀྱི་ཟས་བཅད་ཞི་བའི་ངོ་རྒོལ་སྤེལ་རྒྱུ་ཡིན་འདུག
དང་པོ། སྔ་དྲོ་ཆུ་འབྲུག་ལོའི་གནམ་ལོ་གསར་བཞད་ལ་ལྷར་བཅས་སྲིད་ཞིའི་གཙུག་རྒྱན། འཛམ་གླིང་ཞི་བདེའི་དེད་དཔོན་ཆེན་པོ་སྤྱི་ནོར་༧གོང་ས་༧སྐྱབས་མགོན་༧རྒྱལ་བའི་དབང་པོ་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་དབུ་བཞུགས་ཀྱིས་དཔལ་ལྡན་འདོད་ཁམས་དབང་ཕྱུག་མའི་ཚེས་གཏོར་དང་། རྟེན་འབྱུང་མཛད་སྒོ་གྲུབ་འཕྲལ་ཆུ་ཚོད་ ༡༠།༠༠ ནས་ཟས་བཅད་ཞི་བའི་ངོ་རྒོལ་གྱི་ལས་འགུལ་དབུ་འཛུགས་ཞུ་རྒྱུ།
གཉིས་པ། ཐོག་མར་བོད་ཀྱི་ཟློས་གར་ཚོགས་པས་བོད་རྒྱལ་ཁབ་ཆེན་པོའི་རྒྱལ་གླུ་རྔ་རོལ་དང་བཅས་འབུལ་རྒྱུ།
དེ་ལས་མང་བ་། “ཆུ་འབྲུག་ལོ་སར་ཚེས་གཅིག་གི་སྤྱི་ལྷན་གྱི་ཟས་བཅད་ཞི་བའི་ངོ་རྒོལ་གྱི་མཛད་རིམ།” »
རྒྱལ་གཅེས་པ་སྣང་གྲོལ་ལགས་ཀྱིས་རང་ལུས་མེར་བསྲེགས་བཏང་འདུག
དེ་རིང་བོད་ནང་གི་ཆུ་ཚོད་ ༢ ཙམ་གྱི་སྟེང་། མདོ་སྨད་རྔ་པ་ཁུལ་ཛམ་ཐང་བར་མ་ཡུལ་ཚོའི་མི་སྐྱ་སྣང་གྲོལ་ལགས་ཀྱིས་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་བྱས་འདུག དེ་རིང་བོད་ནང་གི་ཆུ་ཚོད་ ༢ ཙམ་ལ་མདོ་སྨད་རྔ་པ་ཁུལ་འཛམ་ཐང་བར་མ་ཡུལ་ཚོ་ཆོས་རྗེ་ཚོ་བའི་སྡེ་མི་ཕ་སྤྱན་གཟིགས་དང་མ་སྙིང་མོ་གཉིས་ཀྱི་བུ་རང་ལོ་ ༡༨ ཡིན་པའི་སྣང་གྲོལ་ལགས་ཀྱིས། ཇོ་ནང་ཛམ་ཐང་དགོན་བསམ་འགྲུབ་ནོར་བུའི་གླིང་གི་ཉེ་འཁྲིས་སུ་རང་ལུས་མེར་བསྲེགས་བཏང་སྟེ། རྒྱ་གཞུང་གི་དྲག་གནོན་སྲིད་ཇུས་ལ་ངོ་རྒོལ་གྱིས་སྐུ་གྲོངས་ཡོད་འདུག ཇོ་ནང་འགྲོ་ཕན་ལྷན་ཚོགས་ཀྱི་ཚོགས་གཙོ་ཚངས་དབྱངས་རྒྱ་མཚོ་ལགས་ཀྱིས་འདི་གར་གནས་ཚུལ་བརྗོད་པ་ལྟར་ན། ཁོང་གི་སྐུ་ལུས་མེར་བསྲེགས་གཏོང་སྐབས་ས་གནས་ཉེན་རྟོག་པ་སླེབས་ཏེ་ཁོང་གི་སྐུ་ཕུང་བཙན་འཕྲོག་བྱེད་རྩིས་བྱས་ཡོད་པ་དང་། སྐབས་དེར་ཇོ་ནང་དགོན་པའི་གྲྭ་བ་མང་པོ་འབྱོར་ཏེ་ཉེན་རྟོག་པའི་ལག་ནས་སྐུ་ཕུང་ཚུར་འཕྲོག་ཐུབ་ཡོད་འདུག ད་ལྟ་ཁོང་གི་སྐུ་ཕུང་འཛམ་ཐང་དགོན་ཆེན་དུ་ཁྱེར་ཏེ་ཕོ་ལུང་དང་བསྔོ་སྨོན་འདོན་བཞིན་ཡོད་འདུག…
དེ་ལས་མང་བ་། “རྒྱལ་གཅེས་པ་སྣང་གྲོལ་ལགས་ཀྱིས་རང་ལུས་མེར་བསྲེགས་བཏང་འདུག” »
རྣམ་སྣང་གི་ཆོས་བདུན་དགོས་པའི་རྒྱུ་མཚན།
ཀླུ་སྨྱོན། 1. རྐང་པ་གཉིས་མ་བསྣོལ་ན་རླིག་པ་མཐོང་འགྲོ་གི་རེད། 2. ལག་གཉིས་མཉམ་བཞག་མ་བྱས་ན་རྐུབ་ལ་འཕྲུག་ཤོར་འགྲོ་ནི་རེད། 3. རྒྱལ་ཚིགས་མདའ་ལྟར་མ་བསྲིངས་ན་རྟུག་དྲི་ཤོར་འགྲོ་གི་རེད། 4. དཔུང་པ་མ་བརྒྱངས་ན་མཆན་བར་དུ་རྔུལ་ནག་བབས་ནས་གཉིད་འབབ་ཀི་རེད། 5. མགྲིན་པ་མ་གུག་ན་ཐད་ཀར་མཛེས་མ་དག་གི་བྲང་ལ་ལྟ་ཤོར་གི་རེད། 6. ལྕེ་ཡ་རྐན་ལ་མ་སྦྱར་ན་ང་ཁྱེད་ལ་དགའ་གི་ཞེས་ལབ་ཤོར་འགྲོ་གི་རེད། 7. མིག་སྣ་རྩེར་མ་ཕབ་ན་མིག་གིས་མཛེས་མའི་འདོམ་བར་ལ་ལྟ་ཤོར་འགྲོ་གི་རེད།…
ང་གནས་དེར་ཕྱིར་ལོག་ན་འདོད།
ཀླུ་སྨྱོན། ངའི་གསེར་མདོག་གི་རྨི་ལམ་འཐོར་ས། ངའི་དུང་མདོག་གི་འཛུམ་མདངས་འབོར་ས། ཨ་མས་ང་ཡང་*འཛོང་ཁུག་འདི་ལྟ་བུ་ཞིག་གི་ནང་ནས་ཆེན་པོ་ཆགས་པ་ཡིན་ཟེར། ཐེངས་ག་ཚོད་ཅིག་ལ་ཨ་མས་གོ་ཐལ་ཚ་བོ་མཛུབ་བར་ནས་ཞིབ་ཞིབ་བཟོས་ཤིང་། དེའི་ནང་དུ་རྡོ་ཆུང་ཆུང་སོགས་གཅེས་ཕྲུག་ངའི་ཨོང་ཤ་སྲེག་བྱེད་རེ་ཡོད་མེད་བལྟས་རྗེས། ཕྱག་ཟུང་གིས་ང་བཀྱགས་ནས་འཛོང་ཁུག་འདི་འདྲ་ཞིག་གི་ནང་དུ་བཞག་ཅིང་། སྐབས་རེར་རྒྱབ་ལ་ཁུར་ཅིང་ལན་རེར་མདུན་དུ་དཔྱངས་ནས། རི་གསུམ་གྱི་རྩེ་དང་ལུང་གསུམ་གྱི་མདོ་རུ་ཟོག་ལུག་འཚོས་རབས་བཤད། *ངའི་ཕ་ཡུལ་དུ་འདི་ལ་འཛོང་ཁུག་ཟེར།
“སྐྱེས་པ་རླབས་ཆེ་ཞིང་འཆི་བ་ལ་གཟི་བརྗིད་ལྡན།”
༼རང་རེའི་བོད་ཀྱི་རྒྱལ་གཅེས་དཔའ་བོ་དཔའ་མོ་ཚོ་ལ་རྗེས་དྲན་ཆེད་དུ་བྲིས་པ།༽
ཚྭ་རུ་མ་ཐབས་མཁས་ཀྱིས་བྲིས།
༡༽ ཁ་སང་།
སྐྱེས་པ་རླབས་ཆེ་ཞིང་འཆི་བ་ལ་གཟི་བརྗིད་ལྡན་ཞེས་པ་ལྟར་ང་ཚོའི་ཕ་ས་ཕ་ཡུལ་ན། མཚམས་འཇོག་མེད་པར་རྒྱུན་མཐུད་དུ་འབར་བཞིན་པའི་མེ་ལྕེ་འདི་དག་བུད་ཤིང་དང་། འབར་སྣུམ་སོགས་ལས་བྱུང་བ་མིན་པར་འདི་དག་ནི། ཕུང་ལྔའི་ཚོགས་ཙམ་ཉིད་དུ་གྲུབ་པའི་རང་རེའི་བོད་མི་ཚོའི་ཤ་ཁྲག་རུས་གསུམ་ཚག་སེར་བསྒྲོན་པ་དང་། ལྷམ་སེར་འབར་བའི་མེ་ལྕེ་ཏག་ཏག་ཡིན་པ་ང་ཚོས་ངེས་པར་དུ་ཤེས་དགོས། ཐེ་ཚོམ་དང་མཚམས་འཇོག་མེད་པར་ལོ་ཟླ་ཉིན་སྦྲེལ་ངང་ང་ཚོའི་ཕ་ཡུལ་གྱི་རྒྱལ་གཅེས་དཔའ་བོ་དཔའ་མོ་ཚོས་འདི་ལྟར་རང་རང་གི་གཅེས་སྲོག་དམར་པོ་ང་ཚོའི་རྒྱལ་ཁབ་དང་མི་རིགས་ཀྱི་ཆེད་དུ་ཕུལ་དང་འབུལ་བཞིན་པ་ནི། ང་ཚོ་བཙན་བྱོལ་ཕྱི་ཡུལ་ན་ཡོད་པའི་སྒེར་དོན་དང་། རང་གཅེས་ལ་འཇོན་པའི་བོད་པ་ཚོར་ཁ་བཤད་དོན་ཐོག་ཏུ་ལག་བསྟར་དགོས་པའི་ལམ་སྟོན་དང་སྣེ་ཁྲིད་གནངས་པ་ཞིག་ཡིན་ཞིང་། རང་དོན་ལས་གཞན་དོན་དང་སྒེར་ལས་སྤྱི་གཙོ་བོར་འཛིན་པའི་ཀུན་སྤྱོད་རྣམ་དག་དགོས་པའི་མིག་དཔེ་གསོན་པོ་ཞིག་ཀྱང་གསར་བཏོད་གནང་བཞིན་པ་རེད།
དེ་ལས་མང་བ་། ““སྐྱེས་པ་རླབས་ཆེ་ཞིང་འཆི་བ་ལ་གཟི་བརྗིད་ལྡན།”” »
ཁ་བརྡ་དྲྭ་བ། ངས་རྒྱང་རིང་ནས་དུང་བའི་མིག་ཟུང་ཁྱོད་ལ་བཅེར་ཡོད།
དོལ་སྨྱོན།
སྤྱིར་སྔོན་ཐོན་རྒྱལ་ཁབ་ཀྱི་དྲྭ་རྒྱའི་ཁྱབ་ཚད་ལ་བལྟས་ན། རང་རེ་བོད་པའི་སྐད་ཡིག་གིས་བཀོལ་སྤྱོད་བྱེད་པའི་དྲྭ་རྒྱ་དག་ཆེས་ཉུང་ཉུང་ཡིན་མོད། འོན་ཀྱང་མི་རིགས་ཀྱི་ལ་རྒྱ་སྲོག་རྩར་བཟུང་ཞིང་རྣམ་དཔྱོད་ཀྱི་མེ་ལྕེ་འོད་དུ་འབར་ལ། ད་དུང་ཤེས་བྱའི་མེ་ཏོག་རྒྱན་དུ་སྤུད་པའི་རང་རེའི་མི་བུ་མི་ཉུང་ཞིག་གིས། ཆེས་ཐུང་བའི་དུས་ཡུན་ནང་། བོད་ཀྱི་ཁྱད་ཆོས་དང་ཡོང་སུ་འཚམས་ཤིང་། རིག་གཞུང་སྲུང་སྐྱོབ་ཀྱི་བསྟི་གནས་སུ་གྱུར་པ། ད་དུང་མདུན་སྐྱོད་དང་སྔོན་ཐོན་གྱི་རྗེས་སུ་སྙོགས་ཐུབ་པའི་དྲྭ་རྒྱ་མང་པོ་ཞིག་རང་རེའི་མིག་གི་ལོངས་སྤྱོད་དང་། སེམས་ཀྱི་ཟས་མཆོག་ཏུ་གྱུར་པ་དེ་དག་རེད།
དེ་ལས་མང་བ་། “ཁ་བརྡ་དྲྭ་བ། ངས་རྒྱང་རིང་ནས་དུང་བའི་མིག་ཟུང་ཁྱོད་ལ་བཅེར་ཡོད།” »
སེམས་ཅན་གསར་སྐྱེ། འཁོར་བ་ཐོག་མ། ཡོད་དམ་མེད།
འབྲོང་ངུར་ཆོས་རྗེ།
དོན་ཀུན་གྲུབ་པས་མདོ་སྔགས་སྣ་ཚོགས་སུ།།
འཁོར་བ་ཐོག་མ་མཐའ་མ་མེད་གསུངས་ཤིང་།།
རྗེས་འཇུག་དག་གིས་ཐོག་མ་མེད་ན་ཡང་།།
བྱེ་བྲག་པ་ལ་མཐའ་མ་ཡོད་དོ་གསུངས།།
འདི་ནི་རིགས་པས་དཔྱད་ན་དཀའ་གནད་དེ།།
འཁོར་བའི་སེམས་ཅན་མུ་མེད་གྲངས་ཡས་ཀྱང་།།
སེམས་ཅན་གསར་སྐྱེ་གཅིག་ཀྱང་ཡོད་མིན་པས།།
སྔར་ཡོད་དེ་ལས་འཕེལ་མེད་སྨོས་ཅི་དགོས།།
དེ་ལས་མང་བ་། “སེམས་ཅན་གསར་སྐྱེ། འཁོར་བ་ཐོག་མ། ཡོད་དམ་མེད།” »
བོད་མི་རིགས་འདི་ཉིད་ས་སྒང་འདི་ནས་གསོན་དགོས་ཀྱི་ཡོད་ཚེ།
བོད། ལྷ་ཀླུ་གཉན་གསུམ།
རྒྱ་ནག་སྲིད་གཞུང་གིས་ཉོ་མི་སྲིད་པའི་ཅ་དངོས་གང་ཡང་མེད། ཉོ་ཐུབ་པའི་སྟབས་འགྲིག་པ་ཡིན་ན། བོད་མི་རེ་རེ་བྱས་ནས་ཉོ་ངེས་ཡིན་ལ། ཉོས་པའི་གོང་ཚད་ཀྱང་གཏན་ནས་མི་ཉུང་བ་ཞིག་སྤྲོད་ངེས་ཡིན། རང་རང་གཞན་གྱིས་ཉོས་རྗེས་ནམ་ཞིག་ནོར་འཁྲུལ་དུ་ཤེས་ནས་ཕྱིར་ཉོ་རིན་ཕྱིར་སློག་བྱེད་འདོད་ཀྱང་། ཚེ་སྲོག་དང་ཁང་ཁྱིམ་ཅ་དངོས་གང་ཞིག་སྤྲད་ཀྱང་། གཏན་ནས་མི་འཕྲོད་པ་ཞིག་དུ་འགྱུར་ངེས་ཡིན། དེ་ཡིན་དུས་ད་ལྟ་བོད་མི་རྣམས་ཀྱིས་ཆེས་རྣམ་རིག་སྒྲུམ་དགོས་པའི་དུས་ཚོད་ཏག་ཏག་ཞིག་ལ་འཁེལ་ཡོད་པ་ཡིན། དུས་ཚོད་འདི་ཉིད་བོད་མི་དག་གིས་དམ་འཛིན་མ་བྱས་པ་ཡིན་ན་ནི། དངོས་ནས་མི་རིགས་ཤིག་གི་ཆོས་དང་སྐད་ཡིག རིག་གཞུང་ཡོད་ཚད། བྱམས་དང་སྙིང་རྗེ་བྲལ་བའི་སྲིད་གཞུང་ཞིག་གི་དཔལ་འབྱོར་གྱི་བྲན་གཡོག་ཁོ་ན་རུ་འགྱུར་ངེས་ཡིན། དེ་དུས་ཡོད་ཚད་ཚར་བའི་བོད་མི་རིགས་དེ་ནི། བེམ་པོ་ལས་རྣམ་ཤེས་མེད་པའི་མི་རིགས་མན་ཇུ་ལྟ་བུ་ཆགས་ངེས་རེད།
དེ་ལས་མང་བ་། “བོད་མི་རིགས་འདི་ཉིད་ས་སྒང་འདི་ནས་གསོན་དགོས་ཀྱི་ཡོད་ཚེ།” »
འདི་རྒྱལ་བོ་རེད་ཡང་ན་བླ་མ་རེད།
འདི་ས་ཁུལ་ཞིག་གི་རྒྱལ་བོ་རེད་དམ་། ཡང་ན་ཕྱི་གླིང་ན་ཡོད་པའི་དེང་རབས་བླ་མ་ཞིག་རེད། པར་འདི་དང་ཡང་ན་མི་འདིར་རྒྱུས་མངའ་ཡོད་མཁན་རེ་ཡོད་ན་འགྲེལ་བཤད་རེ་བྱེད་རོགས།
རྒྱ་གཞུང་གིས་བོད་ཀྱི་རྩོམ་པ་པོ་ཞིག་གསང་བའི་འཛིན་བཟུང་།
ཕ་ཡུལ་བོད་མདོ་སྨད་མགོ་ལོག་དབལ་ཤུལ་གསེར་རྟའི་གེ་འཕེན་སྡེ་བ་ནས་ཡིན་པའི་ན་གཞོན་རྩོམ་པ་པོ་གངས་སྐྱེས་སྒྲུབ་པ་སྐྱབས་མཆོག་ཕྱི་ལོ་༢༠༡༢་ལོའི་ཟླ་༢་ཚེས་༡༥་ཉིན་གྱི་མཚན་མོའི་བོད་ནང་གི་ཆུ་ཚོད་༡༡་ཐོག་གསེར་རྟ་རྫོང་གི་རང་ཁྱིམ་ནས་རྒྱ་གཞུང་མི་སྣས་བཙན་ཁྲིད་བྱས་འདུག དེ་ཡང་ཁོང་བཙན་ཁྲིད་བྱེད་མཁན་ནི་དཀར་མཛེས་ཁུལ་གྱི་ཉེནརྟོག་མི་སྣ་དང་། གསང་བའི་མི་སྣ། དེ་བཞིན་གསེར་རྟ་རྫོང་གི་ཉེན་རྟོག་མི་སྣ་དང་། གསང་བའི་མི་སྣ་སོགས་ཁྱོན་མི་གྲངས་༢༠་ཙམ་ཡོད་པ་དང་། དེའི་ཁོངས་སུ་གསེར་རྟ་རྫོང་གི་ཉེན་རྟོག་ལས་ཁུངས་ཀྱི་མགོ་གཙོ་དང་། གསང་བའི་ལས་ཁུངས་ཀྱི་མགོ་གཙོ་བཅས་ཡོད་པར་མ་ཟད། གསེར་རྟ་རྫོང་གྲོང་གི་ཆ་ཚང་སློབ་གྲྭ་ཞེས་པའི་སློབ་ཆུང་ཞིག་ཡོད་པ་དེའི་མགོ་གཙོ་ཆོས་དར་ཟེར་བ་དེ་ཡང་དེའི་ཁོངས་སུ་སླེབས་ཡོད་འདུག
དེ་ལས་མང་བ་། “རྒྱ་གཞུང་གིས་བོད་ཀྱི་རྩོམ་པ་པོ་ཞིག་གསང་བའི་འཛིན་བཟུང་།” »
མཁའ་འགྲོ་འདུ་བའི་དུས་ཆེན།
ཀླུ་སྨྱོན། དེ་རིང་མར་ངོའི་ཉེར་ལྔ་མཁའ་འགྲོ་འདུ་བའི་དུས་ཆེན་ཡིན་པས། ངེད་བླ་སློབ་ཚོ་ལྷན་འཛོམས་ཀྱིས་ནྰ་རོ་མཁའ་སྤྱོད་མའི་སྒོམ་བཟླས་དང་འབྲེལ་དཔའ་བོ་མཁའ་འགྲོ་མཉེས་པིའ་ཚོགས་འཁོར་བསྐོར་པ་ཡིན། མཁའ་སྤྱོད་མའི་ཆོས་སྐོར་འདི་ལ་ནྰ་རོ་མཁའ་སྤྱོད་དང་ཨིནྡྲ་མཁའ་སྤྱོད། མཻ་ཏྲི་མཁའ་སྤྱོད་གསུམ་ཡོད་པ་ལས་ནྰ་རོ་མཁའ་སྤྱོད་མའི་སྒོ་ནས་གྲུབ་པ་ཐོབ་སྟེ་རིག་འཛིན་གྱི་ས་ལ་གཤེགས་པའི་བོད་ཀྱི་སྒོམ་ཆེན་པ་ཧ་ཅང་མང་ཞིང་། སྤྱི་ལོ་༡༩བཞི་ཅུའི་ནང་དུ་ཁམས་སྒ་ཡུལ་དུ་ནྰ་ལུང་སངས་རྒྱས་བཟང་པོ་ཟེར་བའི་གྲྭ་རྐྱང་ཞིག་གིས་ཀྱང་མི་ལོ་ཧྲིལ་བོ་བཅུ་བདུན་ལ་ནྰ་རོ་མཁའ་སྤྱོད་འདི་བསྒྲབས་པས་མཐར་གྲུབ་པ་ཐོབ་སྟེ་ཐུན་མོང་ཡོངས་གྲགས་སུ་མངོན་ཤེས་རྫུ་འཕྲུལ་སྣ་ཚོགས་བསྟན་ཏེ་སྐལ་ལྡན་དུ་མ་ཐར་བའི་ལམ་ལ་བཀོད་པ་དང་། ཁོང་གི་དྲུང་དུ་གང་ནས་ཡོང་བ་མི་ཤེས་པའི་ཁྱི་མོ་དམར་མོ་བརྒྱ་ཉིས་བརྒྱ་རེ་གློ་བུར་དུ་འཚོགས་རྗེས་ཉིན་ཤས་ནང་གར་སོང་མེད་པ་ཆགས་འགྲོ་བ་དང་། ནམ་རྒྱུན་སྐུ་མདུན་དུ་ཁྱི་མོ་དམར་པོ་གཉིས་གསུམ་ཞིག་རྒྱུན་སྡོད་བྱས་ཡོད་པར་ཁོང་གིས་སྐད་ཆ་ཅི་གསུང་མི་དང་མི་ལབ་པ་བཞིན་ཉན་ཤེས་པ་ཞིག་ཀྱང་ཡོད་འདུག ཁོང་གི་རྣམ་ཐར་ཁོང་དང་མཇལ་མྱོང་བའི་མི་སྣ་སུམ་ཅུ་ཙམ་ལ་བཅར་འདྲི་བྱས་པ་ཞིག་ཁོ་བོའི་ལག་ཏུ་ཡོད་པས། རྗེས་སུ་མ་ཤི་ཚེ་རིང་བྱུང་ན་དེ་དེབ་ཅིག་ཏུ་བསྒྲིགས་ཨེ་ཐུབ་ཀྱི་འདུན་པ་ཡང་ཡོད། ནམ་ཞིག་དུས་ན་དགའ་མ་བྱུ་རུའི་མདོག ། ལི་ཁྲིའི་སྐྲ་གྲོལ་དམར་སེར་མིག་གཡོ་མས། ། འཁྱུད་དང་ཙུམ་པའི་རོལ་བ་རྨད་བྱུང་བས།…
གདུག་རྩུབ་འོག་གི་ངའི་གཅེན་པོ།
༼པར་འདི་བཀྲ་ཤིས་དཔལ་ལྡན་ལགས་ཡིན༽
སི་ལ་ཀི་བོད་ཁྱིམ་སློབ་མ་གཙང་ཁ་ཚེ་ཐར།
༡
ལོ་དུས་ཀྱི་ངན་དགུ་འཛོམས་པའི་ཁ་སང་།
ཉན་མི་ཕོད་པའི་ངན་གཏམ་གྱི་རླུང་འཚུབ་ཅིག
སྙིང་སེམས་ཀྱི་རིས་དཀྱིལ་དུ་ཤུགས་ཀྱིས་འཛུལ་དུས།
བསམ་མ་ཕོད་པའི་ཁྱོད་ཀྱི་དཔའ་སྟོབས་ལ།
རམ་འདེབས་ཀྱི་མིག་ཆུའི་ཟེགས་མ་ལྷུང་ཞིང་།
དཔའ་སྟོབས་ཀྱི་གཟི་འོད་འཕྲོ་བའི།
གཞོན་ནུ་ལྷན་ཚོགས་ཀྱིས་བསམ་བློ་ཐོངས།
ཨ་རིག་དགེ་མཐོང་།
(སྤྱིར་བཏང་ནང་ཆོས་ལས། གཞན་ལ་ཕན་མ་ཐོགས་ན་གནོད་མ་སྐྱེལ་ཅེས་པའི་དཔེ་ལྟར། བོད་ཀྱི་རྩ་དོན་ཐད་ནས་ཀྱང་ཕན་མ་ཐོག་ན་གནོད་མི་སྐྱེལ་རྒྱུ་ནི་གལ་ཆེའོ།།)
གོང་གི་འདི་བསམ་འཆར་གྱི་བརྗོད་དོན་སྙིང་བསྡུས་ཡིན།
སྤྱིར་བཏང་དམངས་ཁྲོད་དུ་བཤད་རྒྱུན་ཞིག་ལ། བསམ་པ་བཟང་ན་ས་དང་ལམ་ཡང་བཟང་ཟེར་སྲོལ་ཡོད་པ་ལྟར། གཞོན་ནུ་ལྷན་ཚོགས་ཐོག་མར་དབུ་བརྙེས་པ་ནས་ད་ལྟའི་དབར་དུ་ལས་འགུལ་རབ་དང་རིམ་པ་གནང་ཞིང་ཕལ་ཆེ་བ་བོད་ཀྱི་རྩ་དོན་ལ་ཕན་པའི་རྒྱུ་རུ་གྱུར་ཡོད་ལ་ཁག་ཅིག་དེ་ལས་ལྡོག་སྟེ་རྩ་དོན་ལ་གནོད་པར་གྱུར་ཡོད། གང་ལྟར་གོང་གི་དཔེ་ལས་གསལ་བར་ཤེས་ནུས།
གཞོན་ནུ་ལྷན་ཚོགས་ཀྱི་ཚོགས་མི་ལ་མཚོན་ནས་ཞུས་ན། ཤེས་འཇོན་གཉིས་ལྡན་གྱི་མི་སྣ་གལ་ཆེན་མང་བོ་ཞིག་ནང་དུ་ཞུགས་མྱོང་ཡོད་པ་དང་། དེའི་ནང་གི་ཁག་ཅིག་བོད་ཀྱི་བཀའ་ཁྲི་གཙོས་བཀའ་བློན་དང་སྤྱི་འཐུས་སོགས་ཀྱི་ལས་སྣེ་མཐོ་རིམ་གྲས་སུ་ཐོན་མྱོང་། ཡིན་ན་ཡང་། གཞོན་ནུ་ལྷན་ཚོགས་ཀྱི་ནང་དུ་རྩ་དོན་ལ་ལྡོག་ཕྱོགས་ནས་འགྲེལ་བཤད་སྣ་ཚོགས་བརྒྱབས་ཏེ་རྒྱ་ནག་གི་ལག་ཆ་ཨང་དང་ཤོས་ལྟ་བུ་གྱུར་བ་ཡང་རེ་ཟུང་ཡོད། ང་རང་ཉིད་ལ་མཚོན་ན་དུས་རྒྱུན་བོད་ཀྱི་གཞོན་ནུ་ལྷན་ཚོགས་ལ་དགའ་བོ་ཡོད་པ་དང་གཞོན་ནུ་ལྷན་ཚོགས་ཀྱིས་སྤེལ་བའི་ལས་འགུལ་ཆེ་ཤོས་ཕལ་ཆེ་བ་ལ་དང་བླང་སྒོ་ནས་མཉམ་ཞུགས་བྱས་ཡོད།
རྩམ་པའི་གསར་བརྗེ།
གཞོན་ནུ་ལྷན་ཚོགས་ཀྱི་བསམ་བློ་ཐོངས།
ཨ་རིག་དགེ་མཐོང་།
སྤྱིར་བཏང་ནང་ཆོས་ལས། གཞན་ལ་ཕན་མ་ཐོགས་ན་གནོད་མ་སྐྱེལ་ཅེས་པའི་དཔེ་ལྟར། བོད་ཀྱི་རྩ་དོན་ཐད་ནས་ཀྱང་ཕན་མ་ཐོག་ན་གནོད་མི་སྐྱེལ་རྒྱུ་ནི་གལ་ཆེའོ།།
གོང་གི་འདི་བསམ་འཆར་གྱི་བརྗོད་དོན་སྙིང་བསྡུས་ཡིན།
སྤྱིར་བཏང་དམངས་ཁྲོད་དུ་བཤད་རྒྱུན་ཞིག་ལ། བསམ་པ་བཟང་ན་ས་དང་ལམ་ཡང་བཟང་ཟེར་སྲོལ་ཡོད་པ་ལྟར། གཞོན་ནུ་ལྷན་ཚོགས་ཐོག་མར་དབུ་བརྙེས་པ་ནས་ད་ལྟའི་དབར་དུ་ལས་འགུལ་རབ་དང་རིམ་པ་གནང་ཞིང་ཕལ་ཆེ་བ་བོད་ཀྱི་རྩ་དོན་ལ་ཕན་པའི་རྒྱུ་རུ་གྱུར་ཡོད་ལ་ཁག་ཅིག་དེ་ལས་ལྡོག་སྟེ་རྩ་དོན་ལ་གནོད་པར་གྱུར་ཡོད། གང་ལྟར་གོང་གི་དཔེ་ལས་གསལ་བར་ཤེས་ནུས།
གཞོན་ནུ་ལྷན་ཚོགས་ཀྱི་ཚོགས་མི་ལ་མཚོན་ནས་ཞུས་ན། ཤེས་འཇོན་གཉིས་ལྡན་གྱི་མི་སྣ་གལ་ཆེན་མང་བོ་ཞིག་ནང་དུ་ཞུགས་མྱོང་ཡོད་པ་དང་། དེའི་ནང་གི་ཁག་ཅིག་བོད་ཀྱི་བཀའ་ཁྲི་གཙོས་བཀའ་བློན་དང་སྤྱི་འཐུས་སོགས་ཀྱི་ལས་སྣེ་མཐོ་རིམ་གྲས་སུ་ཐོན་མྱོང་། ཡིན་ན་ཡང་། གཞོན་ནུ་ལྷན་ཚོགས་ཀྱི་ནང་དུ་རྩ་དོན་ལ་ལྡོག་ཕྱོགས་ནས་འགྲེལ་བཤད་སྣ་ཚོགས་བརྒྱབས་ཏེ་རྒྱ་ནག་གི་ལག་ཆ་ཨང་དང་ཤོས་ལྟ་བུ་གྱུར་བ་ཡང་རེ་ཟུང་ཡོད། ང་རང་ཉིད་ལ་མཚོན་ན་དུས་རྒྱུན་བོད་ཀྱི་གཞོན་ནུ་ལྷན་ཚོགས་ལ་དགའ་བོ་ཡོད་པ་དང་གཞོན་ནུ་ལྷན་ཚོགས་ཀྱིས་སྤེལ་བའི་ལས་འགུལ་ཆེ་ཤོས་ཕལ་ཆེ་བ་ལ་དང་བླང་སྒོ་ནས་མཉམ་ཞུགས་བྱས་ཡོད། གཞོན་ནུས་ལས་འགུལ་སྤེལ་པ་དང་ང་དེ་ལ་མཉམ་ཞུགས་བྱས་པ་ནི་ཁ་རིན་བརྩི་མི་དགོས་པར་འགན་འཁྲི་ཞིག་རེད་བསམ། གཞོན་ནུའི་ཚོགས་གཙོ་གཞོན་ལ་འདས་མ་ད་གསུམ་ལ་ཤེས་འཇོན་གཉིས་ལྡན་དང་ཅི་ཡང་མི་ཤེས་པར་ཨུ་ཚུགས་མཁྲེགས་འཛིན་ཅན་སོགས་མི་འདྲ་བ་ཡོད་མྱོང་ལ་འབྱུང་སྲིད།