མཁོ་སྤྲོད་གནང་མཁན་པད་རྡོར།
ཚྭ་རུ་མ་ཐབས་མཁས་ཀྱིས།
1) དྲན་སྣང་བན་བུན་སྐྱོ་ཤས་ཚོར་བ་རུ་བཞུར་བའི།།
ཨ་འཐས་སེམས་ཀྱི་མེ་ཏོག་འཇའ་རིས་ལྟར་ཡལ་དུས།།
ལས་བསྐོས་བཀའ་ལུང་འདི་ལ་སྡང་མིག་གིས་ཅེར་བཞིན།།
རྒྱུས་མེད་ཡུལ་ནས་མིག་ཆུའི་ཐིགས་པ་ཞིག་ལྷུང་བྱུང་།།
2) ཉེ་བའི་གཉེན་གྱི་ཕྱི་ཐག་རེ་བཞག་གིས་གླེང་ཞིང་།།
རྒྱང་རིང་མཛའ་མོའི་བརྩེ་བ་སྙིང་གཏམ་དུ་བཞུར་དུས།།
མི་རྟག་མི་ཚེའི་འདུན་མ་འདོད་ཐོག་ན་མེད་པའི།།
གཉེན་གྲོགས་མཉམ་འཛོམས་བྲལ་བའི་ངང་ཚུལ་འདི་སྐྱོ་བྱུང་།།
དེ་ལས་མང་བ་། “རྒྱ་མཚོའི་ཕ་རོལ་ནས་ལྷུང་བའི་མིག་ཆུའི་ཐིགས་པ།” »
དངོས་མིང་། གླིང་ཚ་ཚེ་བརྟན་རྡོ་རྗེ། ཚུལ་ཁྲིམས་རྒྱ་མཚོ། སྨྱུག་མིང་། བོད། ཤ་ཁྲག་རུས་གསུམ། བོད། ལྷ་ཀླུ་གཉན་གསུམ། མི་འགྱུར་གངས་ཕྲུག བཅས་ཡིན།
ད་ལྟའི་འཆར་བོད་མི་ཞིག་གི་ངོས་ནས་སེམས་ལ་གཏན་པོར་ངེས་དགོས་པ་དེ་ནི་སྐད་ཆ་སྤོམ་པོ་བཤད་དེ་བསྡོད་པའི་དུས་མ་ཡིན་པར། གཞིས་ལུས་བོད་མི་དག་གི་མངོན་འདོད་འགྲུབ་པར་ལག་ལེན་ངེས་ལ་ཞུགས་པའི་དུས་ཆགས་ཡོད། དེ་ཡི་སྟབས་ཀྱིས་རང་ཉིད་ནི་བྱིས་པ་གཉིས་ཀྱི་ཕ་རྒན་ཆགས་ཡོད་ཀྱང་། བོད་མི་རིགས་ཀྱི་འཆི་གསོན་འདི་ལས་བོད་མི་མང་རྣམས་གཉིད་ལས་སློང་བའི་ཅོང་སྒྲ་ཆུང་ཆུང་ཞིག་ཀྱང་ཉན་ན་བསམ་ནས་རང་གི་བུ་དང་བུ་མོ་གཉིས། མཛའ་མོ་བཅས་བཞག་ནས་ཕྱིར་རྒྱ་གར་དུ་ཡོང་བ་ཡིན། རྒྱ་གར་དུ་དྲིན་ཆེན་ཕ་མ་གཉིས་ཡོད། ཁོང་གཉིས་ཀྱི་བདག་གི་ག་རེ་བྱེད་མིན་ད་ལྟ་ཤེས་ཀྱི་མེད། ཤེས་པའི་སྐབས་སུ་ང་ལ་ཏན་ཏན་བཀོག་འགོག་བྱེད་སྲིད་ན་ཐང་། འོན་ཀྱང་། ངས་རང་ཉིད་བོད་མི་ཞིག་གི་ངོས་ནས་བོད་ལ་འགན་འཁུར་བའི་དུས་ཚོད་ཏན་ཏན་སླེབས་པའི་སྐོར་འབྲེལ་བཤད་རྒྱབ་ན་ཁོ་གཉིས་ཀྱིས་ཉན་སྲིད་པ་རེད་ལ། ཁོ་གཉིས་ཀྱིས་ཏན་ཏན་ང་ལ་རྒྱབ་སྐྱོར་བྱེད་པར་ཡིད་ཆེས་བྱས་ནས་འགྲོ་བཞིན་ཡོད། དེ་རིང་ནས་རང་ཉིད་ནི་བོད་མི་རིགས་ཀྱི་རང་དབང་དང་ཞི་བདེ་ཆེད་དུ་གསོན་པའི་མི་ཞིག་ལས། སྒེར་དོན་འགོ་འཁོར་ནས་སྤྱི་དོན་ལ་སེམས་འཁུར་དང་དང་ལེན་བྱེད་མི་ཐུབ་པའི་མི་ཞིག་གཏན་ནས་མིན་པ་དེ་ཡིན།
དེ་ལས་མང་བ་། “ཞི་བའི་འབོད་ཚིག་ལྔ་དང་ཞི་བའི་གོམ་བགྲོད་ཀྱི་དམ་བཅའ།” »
དུས་བབ་ནས་བླངས།
ཉེ་སྔོན་ཀྲུའུ་ཝེ་ཆོན་གྱིས་རྒྱ་ནག་དམར་ཤོག་སློབ་གྲྭའི་ཚགས་པར་སྟེང་རྩོམ་ཡིག་ཅིག་སྤེལ་ཏེ། མི་རིགས་རང་སྐྱོང་སྲིད་ཇུས་མེད་པ་བཟོས་ཏེ་ཀྲུང་ཧྭ་རྒྱ་རིགས་ཆེན་པོའི་འདུ་ཤེས་སྐྱེད་སྲིང་བྱ་དགོས་སྐོར་བརྗོད་འདུག
ཕྱི་ཟླ་ ༢ ཚེས་ ༡༣ ཉིན། རྒྱ་ནག་དབུས་དམར་ཤོག་སློབ་གྲྭའི་༼ སློབ་སྦྱོང་དུས་བབ ༽ཞེས་པའི་ཚགས་པར་སྟེང་། རྒྱ་ནག་དབུས་འཐབ་ཕྱོགས་གཅིག་གྱུར་ཁང་གི་འགན་འཛིན་གཞོན་པ་ཀྲུའུ་ཝེ་ཆོན་གྱིས་༼ ཉེ་བའི་མི་རིགས་ས་ཁུལ་གནད་དོན་ཐད་ཀྱི་བསམ་གཞིགས་འགའ༽ཞེས་པའི་མི་རིགས་སྲིད་ཇུས་བཅོས་བསྒྱུར་སྐོར་གྱི་རྩོམ་ཡིག་ཅིག་སྤེལ་ཏེ། མི་རིགས་ས་ཁུལ་རང་སྐྱོང་གི་སྲིད་ཇུས་ཕྱིར་བསྡུ་བྱས་ཏེ། མི་རིགས་མཉམ་བསྲེས་གཅིག་གྱུར་བཟོ་དགོས་པའི་བསམ་ཚུལ་བཏོན་ཡོད། ཀྲུའུ་ཝེ་ཆོན་ནི་རྒྱ་གཞུང་གི་མི་རིགས་ལས་དོན་ཐད་ཀྱི་མགྲིན་ཚབ་པ་གཙོ་གྲས་དང་། ལྷག་པར་དུ་བོད་རྒྱ་ཞི་མོལ་བྱ་སའི་ཐད་ཀའི་དཔོན་རིགས་ཤིག་ཆགས་ཡོད་སྟབས། རྒྱལ་སྤྱིའི་སྤྱི་ཚོགས་དང་ཆབ་སྲིད་དཔྱད་བརྗོད་པ་མང་པོས་ཀྲུའུ་ཡི་རྩོམ་ཡིག་དེས་རྒྱ་གཞུང་གི་མི་རིགས་ལས་དོན་ཐད་ཀྱི་སྲིད་ཇུས་དེའི་དོན་དངོས་ཁ་ཕྱོགས་སྟངས་གང་ཡིན་པ་མཚོན་ཡོད་ལ། ལྷག་པར་དུ་བོད་ཐོག་འཛིན་པའི་མི་རིགས་དབང་སྒྱུར་སྲིད་ཇུས་དེ་སྔར་ལས་ཤུགས་ཆེ་རུ་གཏོང་རྒྱུ་ཡིན་པའི་དོགས་སློང་དང་དཔྱད་བརྗོད་སྣ་ཚོགས་སྤེལ་འདུག
དེ་ལས་མང་བ་། “མི་རིགས་རང་སྐྱོང་མེད་པ་བཟོས་ཏེ་ཀྲུང་ཧྭ་རྒྱ་རིགས་ཆེན་པོར་གཅིག་བསྒྱུར་བྱ་དགོས།” »
རྒོལ་མདའ།
ཡང་བསྐྱར་ངས་སྐད་ཆ་ཁ་ཤས་བཤད་འདོད་པ་ནི་འུ་ཚང་གི་མྱི་བུ་དག་གི་ཤ་དང་རུས་གསེང་དུ་ཐིམ་པའི་གུ་དོག་པའི་བསམ་བློའི་འཆིང་ཐག་དང་། ཕ་མེས་ཡང་མེས་ནས་བརྒྱུད་ཡོང་བའི་ལུས་ཀྱི་དབང་རྩའི་གསེང་ནས་རྒྱུ་བཞིན་པའི་ཆོལ་ཁ་ཆོས་ལུགས་ཀྱི་འཐེན་ཁྱེར་འདི་ལ་འཐབ་རྒོལ་ཐེངས་གཅིག་བྱེད་འདོད་པ་དེ་ཡིན། འདིའི་ཕུང་དཀྲུགས་དང་ཉམས་རྒུད་གཏོང་བའི་དོན་སྙིང་རྣམས་ལོ་རྒྱུས་ཀྱི་གླེགས་བམ་ཁྲོད་ནས་མཐོང་ཐེངས་རེར། ང་ཚོའི་མི་རིགས་འདི་དྲང་བདེན་དང་ཞི་བདེ་ལ་དགའ་ཞིང་དཔྱོད་ཤེས་ཀྱི་བློ་མིག་རྣོ་བའི་ཕུལ་བྱུང་གི་མི་རིགས་ཤིག་ཡིན་ཞེས་ཤོད་བཞིན་པའི་སྐད་ཆ་འདི་དག་རང་མཇེ་རང་བསྟོད་དང་རང་མགོ་རུལ་བ་དེ་རང་སྣས་མ་ཚོར་བའི་གནས་བབ་ལས། དོན་དངོས་རྨོངས་དད་ལ་དགའ་ཞིང་དཔྱོད་ཤེས་ཀྱི་བློ་མིག་དང་རང་རྟོན་གྱི་བསམ་བློ་བྲལ་བའི་མི་རིགས་ཤིག་ཡིན་པར་ཁ་ཕྱོགས་ལ་རྒྱུས་ལོན་བྱས་ན་ཤེས་རྟོགས་ཐུབ་པ་ཞིག་རེད། མ་ཟད་སྐབས་དང་དུས་ཁེལ་ན་ཁག་དཀྲི་ལ་དགའ་ཞིང་གཞན་གྱི་ཚེ་སྲོག་དང་མི་གཞི་ལ་རིན་ཐང་འཇོག་མི་ཤེས་མཁན་གྱི་མི་རིགས་ཤིག་ཡིན་པ་ནི་ཁ་སང་དེ་རིང་གི་གནས་ཚུལ་དག་ལ་གཞིགས་ན་ཤེས་ངེས་པ་ཞིག་རེད།
རྩོམ་པ་པོ། ཚེ་རིང་རྡོ་རྗེ།
བཙན་བྱོལ་བོད་མི་ཁ་ཅིག་གིས་བོད་དོན་ལས་འགུལ་དུ་རྒྱ་ནག་གི་རྒྱལ་དར་སྲེག་པ་ནི་གླེན་
རྟགས་ཤིག་ཡིན་པར་འདོད། དམངས་གཙོའམ་སྒེར་གཅོད་པའི་རྒྱལ་ཁབ་གང་ཡིན་ཡང་དེ་ལ་
རྒྱལ་ཁབ་ཀྱི་མཚོན་རྟགས་རྒྱལ་དར་རེ་ཡོད་པ་དང་། རྒྱལ་དམངས་ཀྱི་ཁྲོད་ན་སྲིད་དབང་སྒེར་
གཅོད་ལམ་ལུགས་སམ་སྲིད་འཛིན་ཚོགས་པ་ལ་མི་དགའ་བ་ཡོད་ཀྱང་། ཁོ་ཚོ་རང་གི་རྒྱལ་དར་ལ་
མི་དགའ་བས་མ་ཁྱབ། རྒྱ་ནག་མི་དམངས་ལ་མཚོན་ན། སྐར་ལྔའི་དར་དམར་ནི་རང་གི་རྒྱལ་ཁབ་
ཀྱི་མཚོན་རྟགས་སུ་བརྩི་བ་དང་དེ་ལ་དགའ་ཞེན་ཡོད་པའི་གནས་ལུགས་དེ་ཀུན་ལ་གསལ་བ་སྨྲས་
ཅི་དགོས། རྒྱ་ནག་རྒྱལ་འབངས་ཀྱི་ནང་ན་རྒྱ་གུང་ཁྲན་ཏང་ངམ་རྒྱལ་ཁབ་ཀྱི་ལམ་ལུགས་ལ་ཞེ་འཁོན་གྱི་མེ་འབར་བ་ཡོད་ཀྱང་། ཁོ་ཚོས་རང་གི་རྒྱལ་དར་མེ་ལ་སྲེག་པ་ཤིན་ཏུ་ཉུང་། མདོར་ན་རྒྱ་མི་དུང་
ཕྱུར་བཅུ་གསུམ་གྱི་སེམས་ན་སྐར་ལྔའི་དར་དམར་ནི་རང་ཉིད་མཚོན་བྱེད་ཀྱི་ཁྱད་ནོར་ཞིག་ཡིན་པ་དང་། ཁྱད་ནོར་དེ་སྲེག་ཚེ་ཁོ་ཚོའི་སེམས་སྲེག་པ་དང་གཉིས་སུ་མ་མཆིས།
དེ་ལས་མང་བ་། “རྒྱ་དར་བསྲེགས་ནས་བོད་རྒྱ་མི་མང་བར་ལ་འཁོན་སེམས་མ་སློངས།” »
བོད་ཀྱི་ཆབ་སྲིད་བསྐྱར་ཞིབ་རྩོམ་སྒྲིག་ནས་སྤེལ།
དོན་གྲུབ་ཀྱིས་བསྒྱུར།
མ་རྩོམ་ལ་གཟིགས་ན།
ཕྱི་ལོ་༢༠༡༡ཟླ་བ་༡༡ཚེས་༢༦ཉི་ཕ་རན་སི་རྒྱལ་ས་པལ་རེ་སི་(Paris)ནང་བཀའ་ཁྲི་བློ་བཟང་སེང་གེ་ལགས་ཀྱིས་གསུང་བཤད་གནང་བ་ཞིག་ནང་”ཁོང་གིས་དབུ་འཁྲིད་གནང་བའི་བོད་མིའི་སྒྲིག་འཛུགས་ཀྱི་བཀའ་ཤག་གསར་པའི་ཉིན་ཞག་བརྒྱ་ཐམ་པ་ནི་ཉེ་བའི་ལོ་རྒྱུས་ནང་གི་བཀའ་ཤག་ལས་བྲེལ་ཆེ་ཤོས་ཀྱི་གྲས་ཡིན་པའི་འགྲེལ་བརྗོད་གནང་འདུག” ཡིན་ནའང་བོད་མིའི་སྒྲིག་འཛུགས་གསར་པས་སྲུང་རྩི་ཞུ་བཞིན་པའི་ཟླ་བ་༡༡ཚེས་༢༦ཉིན་མོའི་ཉིན་ཞག་བརྒྱའི་དུས་དྲན་ལ་བོད་ཀྱི་ཆབ་སྲིད་བསྐྱར་ཞིབ་རྩོམ་སྒྲིག་པས་དེ་ཙམ་གྱིས་གདེང་འཇོག་བྱེད་ཀྱི་མེད། གང་ཡིན་ཟེར་ན་ཨ་རིའི་ལུགས་སྲོལ་ལྟར་བཙན་བྱོལ་བོད་མིའི་སྒྲིག་འཛུགས་གསར་པའི་གྲུབ་འབྲས་ལ་ལམ་སེང་ཚོད་གམ་བྱེད་རྒྱུ་ནི་ཧ་ཅང་སྔ་དྲག་པའི་རང་གཤིས་དང་དྲང་བདེན་ཞིག་མིན། ཡིན་ནའང་བཀའ་བློན་ཁྲི་པས་དང་ལེན་ཧ་ཅང་བྱེད་བཞིན་པའི་བཀའ་ཤག་གསར་པའི་ཉིན་ཞག་བརྒྱའི་གྲུབ་འབྲས་ལ་ང་ཚོས་བསམ་ཚུལ་འགའ་གླེང་རྒྱུ་ཡོད།
དེ་ལས་མང་བ་། “བཙན་བྱོལ་བོད་གཞུང་གི་བཀའ་ཤག་གསར་པ་འགོ་བཙུགས་ནས་ཉིན་བརྒྱ་ཐམ་པ་འཁོར་བར་རྟོག་ཞིབ།” »
ཨ་རིའི་ཝི་སི་ཀོན་སིན་ས་གནས་སྤྱི་མཐུན་ཚོགས་པ་དང་གཞོན་ནུ་ཚོགས་པ་གཉིས་ནས་སྣེ་ཁྲིད་དེ་བཀའ་སྤྱི་དང་དབུས་གཞོན་ནུ་སོགས་ཀྱི་བཀའ་དགོངས་བཞིན་དཔའ་བོ་དཔའ་མོ་རྣམས་ཀྱི་བཀའ་དྲིན་རྗེས་དྲན་བྱ་ཆེད་ལོ་གསར་དགའ་སྟོན་གྱི་རྣམ་པ་གང་ཡང་མེད་པའི་སྒོ་ནས་ལོ་གསར་ཚེས་གཅིག་གི་ཆུ་ཚོད་དགུ་དང་ཕྱེད་ཀ་ནས་རི་དྭགས་ཚལ་དགོན་པའི་ནང་མི་མང་བཞི་བརྒྱ་ལྷག་འདུ་འཛོམས་ཀྱིས་རྒྱུན་སྲོལ་རོལ་དབྱངས་དང་ཚོགས་གཙོ་ཁམས་ལུང་སྤྲུལ་སྐུ་མཆོག་གིས་སྤོས་ཀྱི་དུད་པའི་མཆོད་སྤྲིན་དང་བཅས་༧གོང་ས་སྐྱབས་མགོན་ཆེན་པོ་མཆོག་གི་སྐུ་པར་མཐོང་གྲོལ་རིན་པོ་ཆེ་གདན་དྲངས་ཏེ་བཞུགས་ཁྲིར་འཁོད་མཚམས། གཞོན་ནུ་ཚོགས་པས་གོ་སྒྲིག་བྱས་པའི་ཚོགས་རྫས་ལེགས་པར་བཀྲམས་རྗེས། དགེ་བཤེས་བཟོད་པ་བཞུགས་ཁྲིར་འཁོད་ཅིང་། དགེ་འདུན་པ་དང་མི་མང་ཡོངས་ནས་བླ་མ་མཆོད་པའི་ཆོ་ག་འདོན་བཞིན་ཚོགས་མཆོད་རྒྱ་ཆེན་པོ་ཞིག་ཕུལ། ཚོགས་མཆོད་གྲུབ་རྗེས་མི་མང་ཡོངས་འདུ་འཛོམས་ཀྱིས་དགོན་པའི་མཐའ་ནས་བསང་གསོལ་གཏོང་བཞིན་ལྷ་རྒྱལ་འཐེན་ཞིང་།
དེ་ལས་མང་བ་། “ཝི་སི་ཀོན་སིན་དུ་ཆུ་འབྲུག་གསར་བཞད་ཀྱི་བོད་དོན་ལས་འགུལ།” »
དུས་བབ་ནས་བླངས།
ཨ་རིའི་ནེའུ་ཡོག་རྒྱལ་ཚོཊ་མདུན་དུ་བླ་མ་ཤིང་བཟའ་རིན་པོ་ཆེ་གཙོས་པའི་བོད་མི་གསུམ་གྱིས་དུས་ཡུན་ངེས་མེད་ཀྱི་ཟས་བཅད་ངོ་རྒོལ་གནང་སྟེ། ད་བར་ཉིན་ ༦ ཙམ་འགྲོ་བཞིན་ཡོད་ལ། གནམ་གཤིས་གྲང་བ་སོགས་ཀྱིས་ཁོང་རྣམ་པའི་གཟུགས་པོའི་གནས་སྟངས་ཇེ་ཞན་དུ་འགྲོ་བཞིན་ཡོད་འདུག
ཉེ་ཆར་ལོ་གསར་ཚེས་ ༡ ཉིན་ནས་བཟུང་ཨ་རིའི་ནེའུ་ཡོག་གྲོང་ཁྱེར་མཉམ་འབྲེལ་རྒྱལ་ཚོགས་ལས་ཁུངས་སྒོ་འགྲམ་དུ། བོད་མི་གསུམ་གྱིས་དགོས་འདུན་དོན་ཚན་ལྔ་བཏོན་ཏེ་དུས་ཚོད་ངེས་མེད་ཀྱི་ཟས་བཅད་ངོ་རྒོལ་གནང་བཞིན་ཡོད་ཅིང་། དེ་རིང་བར་ཟས་བཅད་ངོ་རྒོལ་གྱི་ཉིན་གྲངས་ ༦ དེ་ཕྱིན་ཡོད། ཕྱི་ཚེས་ ༢༥ ཉིན་ནེའུ་ཡོག་གྲོང་ཁྱེར་ཉེན་རྟོག་ལས་ཁུངས་ཀྱིས། བོད་མི་ཟས་བཅད་ངོ་རྒོལ་བ་དེ་དག་གི་སྡོད་གུར་རྒྱལ་ཚོགས་ལས་ཁུངས་སྒོ་འགྲམ་ནས་ཕྱིར་བསྡུ་བྱ་དགོས་པའི་བཀའ་རྒྱ་བཏང་ཡོད་སྟབས། གཞོན་ནུ་ལྷན་ཚོགས་ཀྱི་ཚོགས་གཙོ་ཚེ་དབང་རིག་འཛིན་ལགས་ཀྱིས་གསར་ལམ་ཁག་ཏུ། གལ་སྲིད་ང་ཚོས་ངོ་རྒོལ་བྱེད་ས་གནས་སྐབས་རིང་གནས་སྤོ་བྱ་དགོས་བྱུང་ནའང་། རྒྱལ་ཚོགས་ཀྱིས་བོད་མི་ཟས་བཅད་ངོ་རྒོལ་བ་དག་གི་དགོས་འདུན་ལ་བརྡ་ལན་གསལ་པོ་མ་སྤྲད་བར་ཟས་བཅད་ངོ་རྒོལ་མཚམས་འཇོག་བྱ་རྒྱུ་མིན་ལུགས་བརྗོད་ཡོད།
དེ་ལས་མང་བ་། “ཟས་བཅད་ངོ་རྒོལ་བ་རྣམ་པའི་གཟུགས་པོ་སྐྱོ་རུ་འགྲོ་བཞིན་འདུག” »
བོད། ལྷ་ཀླུ་གཉན་གསུམ།
ད་ལྟ་དེ་རིང་ནི་ཨེས་སུ་རལ་གྱི་རྒྱལ་ས་རྗོ་སུ་ལམ་གྱི་འགྲམ་གྱི་གྲོང་བརྡལ་ར་མོ་ཀྲི་ན། ངས་རང་གི་གཅེས་པའི་བུ་དང་བུ་མོ་ཁྱེད་གཉིས་ལ་རང་ཉིད་བོད་མི་རིགས་ཀྱི་ཉེན་འཕྲེང་གི་དུས་ཚོད་འདི་ཉིད་ལ་ཕོ་ཉྭ་ཞིག་བྱེད་དུ་འགྲོ་བར་སེམས་ཐག་བཅད་ཚར་བའི་རྗེས་ཡིན། ད་ལྟ་དགོང་མོའི་ཆུ་ཚོད་དགུ་དང་སྐར་མ་ཉེར་གཉིས་རེད། སྙིང་གི་གཅེས་ཕྲུག་མ། ཐར་མ་མཚོ། ཁྱེད་རང་གཉིད་དུ་གཡུར་ནས་ཆུ་ཚོད་གཅིག་སོང་ཡོད། ཁྱེད་ཀྱི་ནུ་བོ་ཁ་བའི་ལྷ་སྲས་ཨ་མའི་བང་དུ་བཟུང་ནས་གཉིད་འདུག་ལ། ཁྱེད་ཀྱི་ཨ་མ་དང་ཨ་མ་རྒན་མོ་གཉིས་ཀྱིས་བརྙན་འཕྲིན་ཐད་གཏོད་ལེ་ཚན་ཞིག་ལ་ཅེར་ནས་ཡོད།
དེ་ལས་མང་བ་། “གཅེས་པའི་སྙིང་གི་བུ་དང་བུ་མོ་གཉིས་ལ་བྲིས་པའི་འཕྲིན།” »
སྦྲ་རིགས་ཐོགས་མེད། (ལྡི་ལི་གཙུག་ལག་སློབ་གླིང་།)
ཕ་ཡུལ་དང་ཁ་བྲལ་བའི་ལོ་ངོ་འདི་དག
ཕ་མ་དང་ཐུག་འཕྲད་མ་བྱུང་བའི་ལོ་ངོ་འདི་དག
ལོ་ངོ་འདི་དག་ནི། ཡུལ་གྱར་བ་ཞིག་ལ་མཚོན་ན།
མུན་ནག་དང་མིག་ཆུས་བྲིས་པའི་ཉིན་ཐོ་རེ་རེ་ཡིན་ངེས།
སྲོང་བཙན་སྒམ་པོ།
བོད་ནང་དུ་རང་ལུས་མེར་བསྲེགས་གཏོང་བཞིན་པ་དེས་གཙོ་བོ་༧རྒྱལ་བ་རིན་པོ་ཆེ་བོད་དུ་གདན་འདྲེན་ཞུ་རྒྱུ་དང་། བོད་ཀྱི་ངོ་བོ་རིག་གནས་རྩ་བརླག་གཏོང་བཞིན་པར་ངོ་རྒོལ་སྤེལ་བ་ཉག་ཅིག་ཡིན་ནའང་། གཞོན་ལྷན་གྱིས་འདི་ལྟར་གོང་གི་རྩ་དོན་སྒྲུབ་བྱ་འདི་གཉིས་ལ་ཁྱད་གསོད་ཀྱིས་ལས་འགུལ་སྤེལ་འཆར་འདི་གཞོན་ལྷན་རྒྱུན་ལས་རིམ་བྱོན་གྱི་བྱས་རྗེས་ནག་བསུབ་བཏང་བ་དང་། ༧རྒྱལ་བ་རིན་པོ་ཆེའི་སྐུ་ཚེ་རིང་བོད་ལ་རང་སྐྱོང་ཐོབ་རྒྱུར་གཏོར་བརླག་བྱས་པ། ༧རྒྱལ་བ་རིན་པོ་ཆེ་སྐུ་ཕྲེང་བཅུ་བཞི་པ་སྐུ་ཚེ་འདིར་བོད་དུ་གདན་འདྲེན་ཞུ་འདོད་མེད་པ་དང་། དེ་དག་ལེགས་འགྲུབ་བྱུང་རྒྱུར་ཆེད་མངགས་གཏོར་བརླག་བྱེད་ཀྱི་ཡོད་པ་རེད།
གཞོན་ནུ་ལྷན་ཚོགས་ཀྱིས་ད་དུང་ཤེས་བཞིན་བྱིས་པ་བསམ་མེད་ཀྱི་ལས་ཀ་མ་བྱེད་རོགས། ད་དུང་འདི་མུར་མུ་མཐུད་གནང་བ་ཡིན་ན། ང་ཚོསབཀའ་སྤྱི་གཉིས་ལ་སྙན་ཞུ་བརྒྱུད་བོད་མིའི་མངོན་འདོད་ལ་བརྩི་བཀུར་བྱེད་ཀྱི་མེད་པའི་གནས་སྟངས་འདིར་འགན་ཁུར་ངེས་པར་དུ་དགོས་པའི་འགན་བབ་འཚོལ་ཞིབ་བྱ་རྒྱུ་ཡིན་ལ། དེ་དང་འབྲེལ་ནས་གཞོན་ལྷན་དང་གྲི་ཁ་ཁ་ཤ་སོ་སོ་བྱེད་དགོས་ཀྱང་ལམ་ཁ་མ་ནོར་བ་ཞིག་འདེམས་འདོད་ཡོད།
(དཀར་མཛེས་རྫོང་ཁོངས་སྟོང་སྐོར་སྙི་ཁོག་གི་ཕོ་མདའ་ཤང་དུཡིག་ཆ་སྦྱར་འགྲེམས་ཀྱི་གནས་ཚུལ།)
རྒྱ་གར་ལྷོ་ཕྱོགས་སེ་ར་ཆོས་སྒར་ནས་བསྟན་འཛིན་དར་རྒྱས་ཀྱིས།
བོད་ནས་ཁུངས་ལྡན་གནས་ཚུལ་འབྱོར་གསལ་ལ། དཀར་མཛེས་རྫོང་ཁོངས་སྟོང་སྐོར་སྙི་ཁོག་གི་ཕོ་མདའ་ཤང་དུ། ཉེ་སྔོན་ལོ་སར་ཚེས་གཅིག་གི་དགོང་མོར་ས་གནས་རྒྱ་ནག་གཞུང་གི་ལས་བྱེད་པས་ཤོག་སྦག་རྒྱག་པ་སོགས་དགའ་སྐྱིད་ཀྱི་རྣམ་པ་བསྟན་སྐབས། ས་གནས་དེ་གའི་བོད་མི་ཚོས་ཀི་འབོད་སོགས་བྱས་ནས་སྤྲོ་སྐྱིད་དེར་མི་འདོད་པའི་རྣམ་འགྱུར་དང་ངོ་རྒོལ་བྱས་འདུག་ཅིང་། ལོ་སར་སྔ་རྗེས་ཀྱི་ཉིན་ཁ་ཤས་རིང་ཕོ་མདའ་ཤང་གི་རྒྱ་ནག་གི་ལས་ཁུངས་ཀྱི་སྒོ་དང་སྒེའུ་ཁུང་། ལམ་ཆེན་དང་། ཟམ་པ། གློག་གི་ཀ་བ་སོགས་སུ། བོད་རང་བཙན་ཡིན། ༸རྒྱལ་བ་བསྟན་འཛིན་རྒྱ་མཚོ་བོད་ལ་ཕེབས་དགོས། བོད་མིའི་སྐྱིད་སྡུག་མཉམ་མྱོང་ཡིན། ཞེས་སོགས་ཀྱི་ནང་དོན་འཁོད་པའི་ཡིག་ཆ་ཧ་ཅང་མང་པོ་སྦྱར་འགྲེམས་བྱས་ཡོད་འདུག་ལ།
དེ་ལས་མང་བ་། “ཕོ་མདའ་ཤང་དུ་ཡིག་ཆ་སྦྱར་འགྲེམས་ཀྱི་གནས་ཚུལ།” »
དབྱིན་ཇིའི་སྙན་ངག་མཁན་པོ། (William Wordsworth) ཝོར་སྒྲི་ཝོར་ཐི་ཡི་སྙན་ངག་ཚན་པ་ཞིག
ན་བུན་གྱིས་བསྒྱུར།
མཉམ་འཇོག་རེ་བྱེད་དུས། ངའི་བྲང་ཁོག་གི་སྙིང་ཡར་དྲག་ཏུ་མཆོང་གིན་འདུག
འཇའ་ཚོན་ཞིག་མཁའ་དབྱངས་སུ་རྒྱུ་བ།
བདག་གི་མི་ཚེ་འགོ་བརྩམས་དུས་ཤིག
བདག མི་རུ་ནར་སོན་དུས་དང་།
བདག རྒས་པའི་དུས་ཤིག་གམ་འཆི་བའི་སྔ་ལྟས་ཤིག་ཡིན་ཀྱང་སྲིད།
བྱིས་པ་དེ། ན་གཞོན་དེའི་ཕ་རྒན་ཆགས་འདུག
ལྷན་སྐྱེས་སུ་གྲུབ་པའི་དད་སེམས་དེས།
བདག་གི་ཉིན་མོ་རེ་རེ་བཞིན་འཆང་སྡོམ་བྱ་བར་ངས་རེ་སྨྱོན་བྱ་ངེས།
དེ་ལས་མང་བ་། “བདག་གི་བྲང་ཁོང་ན་སྙིང་ཡར་དྲག་ཏུ་མཆོང་གིན་འདུག” »
འདི་ག་འོད་ཐིག་ཚགས་ཤོག་ནི་ནོར་གླིང་མཐོ་སློབ་ཀྱི་ངོས་ནས་ཆེད་གཉེར་རྩོམ་སྒྲིག་ཞུ་བཞིན་པའི་དུས་ཚིགས་རང་བཞིན་ཅན་གྱི་རྩོམ་རིགས་ཚགས་ཤོག་ཅིག་ཡིན་པ་མ་ཟད།འདི་ནི་བོད་རྒྱ་དབྱིན་གསུམ་གྱི་རྩོམ་ལུས་འབྲི་སྤེལ་བྱ་སའི་ཐུན་མིན་ཁྱད་ཆོས་ཅན་ཞིག་ཀྱང་ཡིན།དེས་ན་ལོ་འདིའི་འདོན་ཐེངས་དང་པོ་ནི་སུམ་བཅུའི་དུས་དྲན་དང་སྟབས་བསྟུན་གྱིས་སྤེལ་འཆར་ཡོད་ན།མཁྱེན་ལྡན་རྩོམ་འབྲི་བ་རྣམས་ཀྱིས་ད་ལྟའི་བོད་ཕྱི་ནང་གི་གཉན་འཕྲང་ཅན་གྱི་གནས་བབ་ལ་གཞིག་པའི་རྩོམ་ཡིག་རེ་གནང་ན་ལེགས་གནས་ཆེ་བས།དེ་ལུགས་ཡིད་འཇགས་ཀྱིས་ཕྱི་ལོ་༢༠༡༢/༣/༣སྔོན་ལ་རྩོམ་ཡིག་གང་ལེགས་ངེས་གནང་ཡོད་པ་མཁྱེན་མཁྱེན། ཕྱི་ལོ་ ༢༠༡༢/༢/༢༨ ལ། འོད་ཐིག་རྩོམ་སྒྲིག་པས། སྦྲགས་ཁང། Norbulingka Institute college publishing P,O Sidhpur 176057 Dharamsala ,HP…
གནས་ཚུལ་མཁོ་སྤྲོད་མཁན། གངས་འདབས།
གཟུགས་བརྙན་གྱི་སྒྱུ་རྩལ་ནི་སྐད་ཡིག་ལ་བརྟེན་མི་དགོས་པར། ཀུན་གྱི་ལ་ནུས་པ་སྤྲད་ཐུབ་པའི་ཐུན་མོང་གི་ལོངས་སྤྱོད་ཅིག་ཡིན་ཏེ། ད་ལམ་རྗར་མེ་ནའི་གྲོང་ཁྱེར་ Frankfurt ནང་གནས་པའི་རྗར་མེ་ནིའི་བོད་ཀྱི་ཁང་པར་བོད་ཀྱི་དེང་དུས་དཔར་རིས་སྒྱུ་རྩལ་འགྲེམས་སྟོན་བྱས་པ་དེས་གྲོང་ཁྱེར་འདིའི་ཤེས་རིག་དང་སྒྱུ་རྩལ་ལ་དང་བའི་མི་རྣམས་ཀྱི་འདོད་པ་དེ་བསྐང་ཐུབ་ཡོད་ལ། གྲོང་ཁྱེར་འདིའི་སྣེ་མང་ཤེས་རིག་ལྡན་བའི་ཡུལ་ཞིག་ཆགས་ཡོད་པ་དེར་རམ་འདེགས་སྣོན་མ་བྱས་པ་མཚོན་ཐུབ། ལྷག་དོན་བོད་ཀྱི་དེང་དུས་སྒྱུ་རྩལ་གྱི་ཆ་ཤས་ཤིག་ཀྱང་ཡུལ་མི་ཚོས་མཐོང་ཐུབ་པ་བྱུང་ཡོད་པས་ན། ངས་གྲོང་ཁྱེར་གྱི་ཡུལ་མིའི་ཚབ་བྱས་ནས་སྒྱུ་རྩལ་པ་རྣམས་དང་། གོ་སྒྲིག་བྱ་མཁན་རྗར་མེ་ནི་བོད་ཀྱི་ཁང་པར་ཐུགས་རྗེ་ཆེ་ཞུ།“ ཞེས་གྲོང་ཁྱེར་གྱི་སྣེ་མང་རིག་གཞུང་ལྷན་ཁང་གི་སྐུ་ཚབ་གྱིས་ད་རེས་འགྲེམས་སྟོན་དེའི་དབུ་འབྱེད་མཛད་སྒོའི་ཐོག་གཏམ་བཤད་གནང་སོང་།
དེ་ལས་མང་བ་། “བོད་ཀྱི་དེང་དུས་དཔར་རིས་སྒྱུ་རྩལ་འགྲེམས་སྟོན་ཞིག” »
བོད། ལྷ་ཀླུ་གཉན་གསུམ།
ཁྱོད་ལ་དངོས་ནས་ཁག་མེད། སྤྱིར་བཏང་གནམ་འོག་འདིའི་ཁྱིམ་ཚང་གང་ཞིག་ལ་མཚོན་ནའང་། ཁྱིམ་ཚང་དེ་ལ་ཕ་མ་གཉིས་ཀ་ཡོད་ན། བཟང་ངན་ཡག་སྡུག་གང་བྱུང་རུང་། ཕ་མ་ཟེར་ནས་རྒྱབ་བསྟེན་ས་ཞིག་ཡོད་པ་དང་ཕ་མ་ཟེར་ནས་འབོད་ས་ཞིག་ཡོད་པ་རེད། དེ་ནི་དངོས་ནས་མེད་དུ་མི་རུང་བ་ཞིག་ཡིན་པ་ཁྱོད་ཀྱིས་བདག་ལ་ངར་སྐད་དང་ངུ་སྐད་དང་བཅས་མ་བཤད་ཀྱང་། ངས་ལོས་ཤེས། འོན་ཀྱང་། མི་རིགས་ཤིག་གི་ཉམ་ཉེས་ཁྲོད་དུ། མི་རིགས་ཤིག་གི་འབངས་མི་ཚོ་ལ། རང་ཉིད་ཀྱི་མི་རིགས་ལ་འགན་འཁུར་བའི་ལས་འགན་ཡོད་ལ། དེ་ཉིད་དང་དུ་ལེན་པ་ལའང་། དགོས་པ་དང་རྒྱུ་མཚན་ཞིག་ཏན་ཏན་ཡོད་པ་ཡིན། ལྷག་དོན་དུ་མི་རིགས་ཤིག་གཉའ་གནོན་དང་མནར་གཅོད་ཁྲོད་དུ་ཡོད་ན། དེ་ཡི་ཆེད་དུ་ཡར་བླངས་བྱེད་རྒྱུ་ནི། མི་རིགས་དེ་ལ་སྐྱེ་བའི་སྐྱེ་བོ་ཚང་མས་འོས་འགན་ཆགས་ཡོད་དུས། ངས་ཀྱང་འོས་འགན་དེ་ཉིད་དང་དུ་བླང་དེ་ཁྱེད་དང་བུ་དང་བུ་མོ་གཉིས་མི་སྐྱུར་ཐབས་མེད་ཀྱི་དུས་ཚོད་འདི་ངའི་མགོ་ཐོག་དུ་ལྷུང་བ་ཡིན།
དྭངས་ཟུར་ཐུན་མོང་ནས་ཕྱི་ལོ་༢༠༡༢ཟླ་༢ཚེས་༢༧ཉིན་ཕུལ།
(དཔལ་ལྡན་དབུས་བོད་མིའི་སྒྲིག་འཛུགས་ཀྱི་མི་རྗེ་བཀའ་བློན་ཁྲི་པ་བློ་བཟང་སེང་གེ་མཆོག་དང་བཀའ་ཤག་ལྷན་རྒྱས་ཀྱི་ཞབས་དྲུང་དུ།)
གུས་ཕྱག་དང་བཅས་ཞུ་གསོལ། ངེད་དབུས་དྭངས་སློབ་དམག་སྒར་ནས་རྒན་ཡོལ་དུ་ཐོན་པའི་བོད་ཕྲུག་དྭངས་ཟུར་ཁག་གཅིག་གི་བདེ་སྡུག་ཐུང་ཙམ་ཞུ་རྒྱུར། སྤྱི་ལོ་༢༠༠༩ཟླ་༡ནས་ད་བར་དྭངས་སློབ་ནས་བོད་ཕྲུག་༣༠༠ཙམ་རྒན་ཡོལ་དུ་ཐོན་ཡོད་པ་རེད། ངེད་རྣམས་རང་ཉིད་ཀྱི་མི་ཚེ་གང་ཙམ་དམག་སྒར་ནང་སྲི་ཞུ་གང་ཐུབ་ཀྱིས་ལེགས་སྐྱེས་ཕུལ་ཡང་། services graduadeཞེས་དྭངས་སློབ་ཐོན་ནས་སྤྲོད་གི་ཡོད་པའི་དངུལ་དེ་ད་བར་རགས་མ་བྱུང་། དྭངས་སློབ་ཀྱི་དབུ་འཛིན་རྣམས་ཀྱིས་རྒྱ་གར་གཞུང་ལ་ཁ་གྲགས་མ་ཐུབ་པ་དང་། ངེད་རྣམས་ནས་འབྲེལ་ཡོད་རྣམས་ལ་ཐེངས་མང་ཞུ་འབུལ་བྱས་ཀྱང་ཀྱང་ཕན་འབྲས་སྤུ་ཙམ་མ་བྱུང་བར་སོང་། མི་རྗེ་བཀའ་བློན་མཆོག་ལ་རོགས་རམ་གནང་རོགས་ཞེས་མི་ཞུ་ཀ་མེད་ལ་སོང་། བཀའ་བློན་ཕྱོགས་གིས་གུས་རྣམས་པའི་ བདེ་སྡུག་ལ་ཅི་ནས་ཀྱང་དགོངས་བཞེས་ཀྱིས་རོགས་རམ་གནང་རོགས་མཁྱེན། །ང་ཚོ་མི་རེར་ཉུང་མཐར་ཧིན་སྒོར་འབུམ་གཅིག་༡༠༠༠༠༠ནས་འབུམ་གསུམ་༣༠༠༠༠༠བར་དྭངས་སློབ་ནང་བདག་ཉར་བྱས་ཏེ་ལོ་གསུམ་ལྷག་འགྲོ་སོང་ཡང་། འགའ་རེས་རྒན་ཡོལ་རག་གི་ཟེར་བ་དང་། འགའ་རེས་གསོག་དངུལ་རགས་གི་རེད་ཟེར་བ་ཙམ་ལས། ད་ལྟའི་ཆར་རང་ཉིད་ཀྱི་ཐོབ་ཆའང་རགས་གིན་མིན་འདུག་པར་བརྟེན། མི་རྗེ་བཀའ་བློན་གཙོས་བཀའ་ཤག་ལྷན་རྒྱས་ནས་དྭངས་སློབ་ཀྱི་དབུ་འཛིན་རྣམས་དང་བཀའ་མོལ་གནང་ཏེ། གང་མགྱོགས་ཐག་གཅོད་གནང་ཐབས་སུ་རོགས་རམ་གནང་རོགས་ཞུ་མཁྱཻན། མཁྱེན།
དེ་ལས་མང་བ་། “མི་རྗེ་བཀའ་བློན་ཁྲི་པ་བློ་བཟང་སེང་གེ་མཆོག་དང་བཀའ་ཤག་ལྷན་རྒྱས་ཀྱི་ཞབས་དྲུང་དུ།” »