ཨ་རིའི་ལྕགས་མོ་འཚོ་ལ་བྲིས་པའི་སྙན་ངག་ལས་ཁག་དང་པོ།
བོང་སྟག་རི་ལུ། ༼མཚོ་ནུབ་༽
ཁ་སང་ཁྱེད་ཀྱི་ཕ་ཡུལ་འཁོར་ཞག་ཏུ་ཐེངས་ཤིག་ཕྱིན་ཅིང༌།
མེ་ཏོག་གིས་བརྒྱན་པའི་ཡུལ་ལྗོངས་དང༌།
ནོར་ནག་གིས་འཁྱུད་པའི་རྩྭ་ཐང་མཐོང་དུས།
ངས་ཁྱེད་རང་སྙིང་ནས་དྲན་ཞིང༌།
གནས་འདི་ནས།
མེ་ཏོག་གི་དྲི་བསུང་མ་ཡལ་བའི་གནས་འདི་ནས།
གངས་རིའི་བཀྲག་མདངས།
ང་ཚོ་མྱུར་བར་ལྷན་འཛོམས་ཀྱི་གོ་སྐབས་ཤིག་ཡོད་ན་ཅི་མ་རུང་སྙམ།
དེ་ལས་མང་བ་། “ཁྱེད་དྲན་ནས་མིག་མཐའི་མཆི་མ་སྐམ་ལ་ཉེ།བོད་འབྱོར་རྩོམ་ཡིག༽” »
ང་ཁོ་ཚོ་དང་ཐུག་ནས་ཁ་བརྡ་བྱས་པ་ཡིན། ཁོ་ཚོ་གླག་འཁེལ་བ་མི་འདུག ཁོ་ཚོ་ལ་གཞུང་ལུགས་ཀྱི་རྒྱབ་རྩ་མཐུག་པོ་འདུག ཁོ་ཚོར་རིག་གཞུང་འདྲ་མི་འདྲ་མང་པོའི་རྒྱབ་རྩ་ཡོད་པ་མ་ཟད་ནང་པའི་ཆོས་གཞུང་གི་རྒྱབ་རྩའང་འདུག མ་གཞི་ཁོ་ཚོས་དོན་དག་རྒྱ་ཆེན་པོ་མང་པོ་ཞིག་འབྲི་བཞིན་པ་ལས་གཅེར་བུ་དང་། ཕོ་མཚན་མོ་མཚན་ཟེར་བ་ནི་དེའི་ནང་གི་ཆ་ཤས་ཀྱི་ཆ་ཤས་ཤིག་ཏུའང་མི་འགྲོ་བར་འདུག གཅེར་བུ་ཁོ་ནའི་སྐོར་ཁོ་ཚོར་མང་པོ་ལབ་རྒྱུ་འདུག དང་པོར་བསྐལ་བ་ཡ་ཐོག་གི་མི་གཅེར་བུ། ཅིའི་ཕྱིར་ཁོང་ཚོ་གཅེར་བུ་ཡིན་པ། ཅིའི་ཕྱིར་གོན་པ་གོན་པ། དེ་ནས་གཅེར་བུ་པའི་གྲུབ་མཐའི་གཞུང་ལུགས། དེའི་རྒྱབ་ལྗོངས་ཀྱི་མཚན་ཉིད། དེ་ནས་མི་ལ་རས་པ།…
ཕྱི་ལོ་༡༩༨༠་ལོ་ཨོ་ལིམ་པིག་དེ་སུའུ་ལེན་གྱི་མཱོ་སུ་ཁོའོ་(Moscow, Soviet Union)རུ་ཚོགས། སྐབས་འདི་ནི་ཨོ་ལིམ་པིག་གི་ལོ་རྒྱུས་ནང་དུ་
རྒྱལ་ཁབ་མང་བོས་ཐུན་མོང་གི་ངོ་རྒོལ་བྱས་ཏེ་རྩེད་འགྲན་ལ་མཉམ་ཞུགས་མ་བྱས་བ་ཆེ་ཤོས་དེ་རེད། རྒྱུ་མཚན་ནི། ཕྱི་ལོ་༡༩༧༩་ཟླ་བ་༡༢་ནང་སུའུ་ལེན་
དམར་ཕྱོགས་གཞུང་གིས་ཨ་ཧྥུ་གཱན་ནི་སུ་ཊཱན་(Afghanistan)ལ་དམག་འཁྲུག་རྒྱབ་ནས་བཙན་བཟུང་བྱས་བ་ལ། ཨ་རི་གཙོ་བྱས་རྒྱལ་ཁབ་༦༡་གིས་
ཨོ་ལིམ་པིག་རྩེད་འགྲན་ཕྱིེར་འཐེན་གྱིས་མཉམ་ཞུགས་ལ་འགོག་རྒོལ་བྱས།
ཐེངས་འདིའི་རྩེད་འགྲན་ལ་ལུས་རྩལ་མཁན་༥༠༠༠་ཙམ་དང་རྒྱལ་ཁབ་༨༡་འཐུས་ཚབ་འདུག
སྤོབས་པ་མཐའ་ཡས།
རྩོམ་པ་པོ་གྲགས་ཅན་ཀླུ་སྨྱོན་ཧེ་རུ་ཀའམ་སྤྲུལ་སྐུ་ཡེ་ཤེས་རྒྱ་མཚོས་དགའ་འབྲས་སེ་གསུམ་གཙོས་བོད་ཀྱི་དགོན་སྡེ་ཁག་གི་ནང་དུ་ཤུགས་ཆེར་དར་བའི་སྒྲིག་ཁྲིམས་ལྕག་གིས་འཚོ་བ་ཞེས་སྒྲིག་ཁྲིམས་ཆུང་ཚག་འགལ་རིགས་ལ་གཅར་རྡུང་དྲག་པོ་བྱེད་སྲོལ་འདི་མཚམས་འཇོག་དགོས་སྐོར་རྩོམ་ཡིག་ཉི་ཤུ་ཡས་མས་ཤིག་ཕྱོགས་བསྡེབས་གྱི་དེབ་ཅིག་དཔར་སྐྲུན་བྱེད་འཆར་ཡོད་ཚུལ་ཐོས། གསན་ཚུལ་འཁོད་གསལ་ལ་དེབ་དེ་རང་རེའི་དགོན་སྡེ་ཆེ་གྲས་ཁག་གཅིག་ཆགས་ཡུལ་རྒྱ་གར་ལྷོ་ཕྱོགས་ནས་དཔར་སྐྲུན་བྱེད་རྒྱུ་ཡིན་ཞིང་རིང་མིན་དཔར་འགྲེམས་བྱ་རྒྱུ་རེད། གནད་དོན་འདི་ལྟ་བུ་ནི་སྤྱིར་ཆོས་ལུགས་གཞན་མེད་པའི་གདུག་རྩུབ་གཉའ་གནོན་གྱི་ལོག་སྤྱོད་ཡ་ང་བ་ཞིག་ཡིན་ལ་སངས་རྒྱས་ཀྱི་བསྟན་པ་མདོ་སྔགས་ཀྱི་ཐེག་པ་གང་དང་ཡང་མི་མཐུན། རང་རེའི་སྤྱི་ཚོགས་ཀྱི་སྲོལ་རྒྱུན་གནོན་ཤུགས་ཆེ་དྲགས་པས་གནད་དོན་དེར་གཞུང་ཁྲིམས་ཀྱི་སྟངས་འཛིན་དང་མང་ཚོགས་ཀྱི་ཁ་རྡུང་ཆེ་བ་ཕོག་མ་ཐུབ་པར་ད་དུང་ཡང་ལག་བསྟར་བྱེད་བཞིན་ཡོད། གནད་དོན་དེ་མི་རིགས་གཞན་གྱི་མཇལ་སྐོར་བས་ལྟ་ཉན་མེད་ཐོག་རང་རེའི་གྲྭ་རྐྱང་དཀྱུས་མ་དང་མང་ཚོགས་ཁྲོད་དུ་ཡང་སྔར་ནས་གླེང་གཞི་ཆེ། གཉའ་གནོན་ཡོད་སར་ངོ་རྒོལ་ཡོང་བ་ཆོས་ཉིད་ཡིན་སྟབས་ལོ་ཤས་སྔོན་གོང་སྨྲོས་རྩོམ་པ་པོ་མཆོག་གིས་དེའི་སྐོར་འགྲོ་བ་མིའི་ཐོབ་ཐང་ལ་རྡོག་རོལ་བཏང་བ་ཡིན་སྐོར་རྩོམ་ཡིག་ཅིག་བོད་ཀྱི་དུས་བབབ་གསར་ཤོག་ཏུ་ཆེས་ཐོག་མར་སྤེལ། དེ་ལ་མང་ཚོགས་སྤྱི་དང་གྲྭ་བ་དཀྱུས་མ་མང་པོས་དོ་སྣང་དང་གདེངས་འཇོག་མཐོན་པོ་བྱེད་བཞིན་པ་མཐོང༌། འོན་ཀྱང་ཆོས་ཟབ་ས་ན་བདུད་ཟབ་པའི་དཔེ་བཞིན་མངོན་གྱུར་རྟགས་ཀྱི་བདེན་པ་ངོ་སྤྲད་ཀྱང་ངམ་ནག་བཞིན་གྱི་གཉེར་མ་མི་གཏོང་མཁན་ཞིག་གིས་ལན་འདི་ལྟར་བཏབ་བྱུང༌། དྲག་རྡུང་མངར་གཅོད་བྱེད་པའི་ལམ་སྲོལ་དེ་ནི་རང་རེའི་ཆོས་ཁྲིམས་དར་གྱི་མདུད་པ་ཡིན་སྟབས་དེ་ལ་ནུབ་ཕྱོགས་པས་གླེང་བའི་འགྲོ་བ་ཐོབ་ཐང་སོགས་མེད་ཀྱང་ཆོག་ཅེས་བརྗོད། ད་དུང་ཆོས་ལ་མི་རྟོན་གང་ཟག་རྟོན་པ་སྟེ་གླེང་གཞི་ལས་མི་གླེང་བར་རྩོམ་པ་པོ་ལ་སྒྲོ་སྐུར་ཉག་ཉོག་མང་དུ་གླེང་བའི་ཨ་ཆད་ཨུ་ཐུག་གི་རྩོམ་ཡིག་ཅིག་སྤེལ་བར་ཡང་སྤྲུལ་སྐུ་ཡེ་ཤེས་རྒྱ་མཚོ་མཆོག་གིས་དེ་མ་ཐག་གི་འདོན་ཐེངས་ལས་རྣག་ཐོག་གཙགས་ཁེལ་གྱི་ལན་སྤེལ་བས་ཕ་རོལ་པོའི་ཁ་ལ་སྨྲ་བཅད་ཀྱི་རྒྱ་བཏབ།
དེ་ལས་མང་བ་། “དགོན་པའི་གཅར་རྡུང་ལམ་ལུགས་ལ་སྐྱོན་བརྗོད་ཀྱི་དེབ་ཐོན་ལ་ཉེ་བའི་གཏམ་བཟང༌།” »
ངས་རྣ་བས་གོ་ཚོད་ལ། བོད་ནང་དུ་མི་རབས་གསུམ་པ་ཟེར་བའི་གསར་བུ་སྐོར་ཞིག་འཚར་བཞིན་ཡོད་པ་རེད་ཟེར། ཁོང་ཚོས་མང་པོ་མང་པོ་ཞིག་འབྲི་བཞིན་ཡོད་པ་རེད་ཟེར། ཁོང་ཚོས་མཇེ་དང་སྟུ་དང་རླིག་པ་སོགས་འཛེམས་བག་མེད་པར་འབྲི་གི་ཡོད་པ་རེད་ཟེར། ཁོང་ཚོའི་ནང་གི་གཅིག་གཅེར་བུར་མི་ཚོགས་ནང་ཕྱིན་པ་རེད་ཟེར། ཁོང་ཚོ་ལ་གཤེ་གཤེ་དང་དམོད་མོ། སྐྱོན་མཚང་འདྲུ་མཁན་མང་པོ་ཞོག་ཡོད་པ་རེད་ཟེར། ཡང་ཁོང་ཚོ་ལ་བསྟོད་པ་གཏོང་མཁན་ཡང་ཡོད་པ་རེད་ཟེར། ད་ཆི་གོ། འདི་བཟང་རྟགས་ཤིག་ཡིན་ནམ་ངན་རྟགས་ཤིག་ཡིན། ཁྱེད་རྣམ་པས་ཁོང་ཚོའི་སྐོར་ཅང་ཤེས་ཀྱི་ཡོད་ན་མེད་ན།
རྒྱལ་བ་རིན་པོ་ཆེ་དང་། རྒྱ་རི་རིན་པོ་ཆེ་དང་། ཟམ་གདོང་རིན་པོ་ཆེ་བཅས་འབྲེལ་མོལ་སྐོར་བཀའ་མོལ་གནང་བའི་དུམ་བུ་གཅིག རྟོགས་རྩོམ། ༼ཕྱག་གསུམ་འཚལ་རྗེས་སྐུ་མདུན་གྱི་ཁ་སྤྲོད་རྐུབ་སྟེགས་ཐོག་བསྡད། ཟམ་གདོང་རིན་པོ་ཆེ་རྒྱ་རིའི་འཁྲིས་ལ་ཡོད།༽ རྒྱལ་བ་རིན་པོ་ཆེ། ཡ། ད་རེས་གང་འདྲས་བྱུང་སོང་། རྒྱ་རི། ལ་ཡག་པོ་ཞེའོ་ཅིག་བྱུང་སོང་། དང་པོ་ང་ཚོར་སྣེ་ལེན་དཔེ་རྒྱས་པོ་གནང་བ་དང་། རྣམ་འགྱུར་ཡང་ཡག་པོ་ཞེའོ་ཅིག་འདུག ཁོང་རང་ཚོའི་དཔོན་པོ་མཐོ་ཤོས་དེས་ཡར་ལངས་ནས་ང་ཚོར་ཁྱེད་རང་ཚོ་ཐག་རིང་པོ་འདི་འདྲ་ནས་འདིར་ཡོང་ནས་ང་ཚོར་འབྲེལ་མོལ་བྱས་པ་འདི་རླབས་ཆེན་གྱི་བྱས་རྗེས་རེད། རྒྱ་ནག་མི་འབོར་དུང་ཕྱུར་བཅུ་དང་གྲངས་ཆུང་༣་གྱིས་ནམ་ཡང་བརྗེད་སྲིད་ཀྱི་མ་རེད་ཅེས་ཟེར་གྱི་འདུག…
ཨ་མྱེས་བྱ་ཁྱུང༌།
གཅིག ༼ཕྱིར་དྲན་གྱིས་བསླངས་པའི་སེམས་ཚོར།༽
འདས་ཟིན་པའི་ལོ་རྒྱུས་ཀྱི་བྱུང་བ་ནི། བཟོ་བཅོས་རྒྱག་ཐུབ་པ་ཞིག་དང་རྒྱག་རུང་བ་ཞིག་མིན་པ་དེ་ལྟར་ནའང༌། རྒྱ་ནག་གཞུང་གིས་བོད་ས་བཙན་བཟུང་བྱས་པ་དེར་ཞི་བས་བཅིངས་འགྲོལ་དང༌། བོད་ཀྱི་བདེན་དོན་འཐབ་རྩོད་པ་དག་ལ་གསར་བརྗེ་ངོ་ལོག་པ་དང་ཁ་བྲལ་རིང་ལུགས་པའི་མིང་གིས་འབོད་པ་དང༌། ཕྱོགས་མཚུངས་བོད་ཀྱི་ལོ་རྒྱུས་དོན་དངོས་མང་པོ་ཞིག་ཀྱང་རྫུན་བསྒྱུར་བྱས་ཏེ། རང་ཉིད་ཀྱི་སྲིད་དོན་དགོས་མཁོ་ཁོ་ན་གཙོ་འདོན་བྱེད་ཀྱིན་ཡོད།
དེ་ཡང་རྒྱ་ནག་གཞུང་གིས་སྐབས་འཕྲལ་གྱི་ཆབ་སྲིད་དགོས་མཁོ་གཞི་ལ་བཞག་སྟེ། བོད་ཀྱི་ལོ་རྒྱུས་དོན་དངོས་འཁྱོག་བཤད་ཀྱི་ལས་གཞི་སྣ་ཚོགས་སྤེལ་དང་སྤེལ་མུས་ཙམ་མ་ཡིན་པར། སྒྲིག་འཛུགས་རང་བཞིན་དང་ཆེད་ལས་རང་བཞིན་གྱི་ངོ་བོ་ནས་འཁྱོག་བཤད་རྩལ་སྤྲུགས་བྱས་དང་བྱེད་བཞིན་ཡོད་ཅིང༌། ད་ཕན་གྱི་དུས་ཡུན་ནང༌། འཁྱོག་བཤད་ཀྱི་དེབ་དང་ཡིག་ཆ་རིམ་འཛར་དུ་བསྟར་ཡོད་པ་དང༌། ད་དུང་ཡང་མུ་མཐུད་སྤེལ་མུས་ཀྱིས་རྒྱལ་སྤྱིའི་སྤྱི་ཚོགས་དང༌། ཡང་སྒོས་བོད་རིགས་དང་རྒྱ་རིགས་གཞོན་སྐྱེས་ཀྱི་སྤྱི་ཚོགས་ཕྱོགས་གཉིས་ནང་རྒྱ་ནག་གཞུང་རང་ཉིད་ཀྱི་སྲིད་དོན་དགོས་མཁོའི་རྨང་གཞི་བསྐྲུན་པར་རེ་བ་དང་ཡིད་ཆེས་ཡོད་མེད་ལ་མ་ལྟོས་པར་ནུས་པ་སྤེལ་མཚམས་བཞག་མྱོང་མེད། འདི་ནི་སྣང་མེད་དུ་འཇོག་མི་རུང་བའི་གནད་དོན་ཅྀག་ཏུ་གཟིགས་འབྲེལ། རྒྱབ་ཤ་དཀར་པོའི་དེབ་གཞི་རིམ་སྤེལ་དང༌། ལོ་རྒྱུས་དོན་དངོས་འཁྱོག་བཤད་ཀྱི་དེབ་གཞི་དང་ཡིག་ཆ་ཁག་ལ་བཙན་བྱོལ་བོད་གཞུང་གི་ངོས་ནས་དང༌། ཆབ་སྲིད་ཚོགས་པ་ཁག་གི་ངོས་ནས། མཁས་པ་དང་ཉམས་ཞིབ་པ་ཁག་ཅིག་གི་ངོས་བཅས་ནས་བདེན་པ་གཞི་ལ་བཞག་པའི་ལན་འདེབས་གནངས་པ་ནི་མིག་ལྟོས་ཞུ་ཡུལ་ཆགས་ཡོད།
མཁྱེན་ཡངས་བོད་ཀྱི་མཁས་དབང་རྣམ་པ་དང་སྙན་ངག་གི་མཁན་པོ་རྣམས་ལ། ཁ་སང་རྒྱ་གར་བའི་གྲོགས་པོ་ཤིག་གི་བོད་པའི་སྙན་ངག་ཟེར་བ་ཡོད་མ་རེད། བོད་པའི་སྙན་ངག་ནི་རྒྱ་གར་གྱི་སྙན་ངག་ཐེབས་ཆག་ཞིག་གི་ལད་མོ་བྱས་ནས་བྲིས་པ་ཤ་སྟག་རེད། ཁྱོད་ང་ལ་དོན་རྒྱན་སོ་ལྔ་དང་། དཔེ་རྒྱན་སོ་གཉིས། དེ་བཞིན་དབྱུག་པ་ཅན་གྱི་དེབ་ནང་མེད་པའི་བོད་པའི་སྙན་ངག་རེ་གཉིས་མིག་སྟོན་དང་། གཞི་ནས་ང་ཚོ་བོད་པའི་སྙན་ངག་གི་སྐོར་ལ་ཁ་བརྡ་བྱེད་ཆོག་བཤད་བྱུང་། ང་ནི་སྙན་ངག་གི་མཁན་པོ་མིན་སྟབས་ཁོའི་འདོད་པ་དེ་ག་ལ་སྒྲུབ་ཐུབ། དེ་ན་མཁས་དབང་ཚོས། སྙན་ངག་མེ་ལོང་ནང་གི་ནང་དོན་ཁག་མིན་པའི་སྙན་ངག་གི་དཔེ་མཚོན་ཁ་ཤས་སྤྲོད་རོགས་གནང་། ལེགས་ཤོས་ལ་སྔོན་མའི་མགུར་དང་གླུ་མིན་པར། ཁྱེད་ཅག་གིས་གསར་རྩོམ་ཇི་སྙེད་ཤིག་འདིར་བཀོད་ན་འདིས་ང་ཚོར་ཤིན་དུ་ཕན་པ་ཆེ་བ་འདུག ཐུགས་རྗེ་ཆེ།
པེ་ཅིང་ཞོགས་པ་ཆུ་ཚོད་བཅུ་པ། ཨ་རིའི་ཝ་ཤིང་ཀྲོན་དགོངས་མོ་ཆུ་ཚོད་བཅུ་པ། རྒྱ་རི། ཧ་ལོ། སྲིད་ཐར་ལགས་ཡིན་པས། ལས་སེ། ལས་སེ། བདེ་པོ་ཡིན། གནས་ཚུལ་གསར་པ་འདྲ་མིན་འདུག་གམ སྲིད་ཐར། མིན་འདུག ང་ཚོ་ཨོ་ལིམ་ཕི་ཀར་འབྲེལ་བཞིན་ཡོད། ཟླ་བ་བཅུ་པའི་ནང་ཕེབས་རྒྱུ་ཡིན་ནམ། ལན་གསལ་པོ་ཞིག་མགྱོགས་པོ་གཏོང་ཤོག་ཨ། འདིར་གྲ་སྒྲིག་བྱེད་པའི་ཁྱད་པར་འདུག ད་དུང་ལྟ་སྐོར་འདྲ་དགོས་ཀྱི་ཡོད་ན་སྔོན་ནས་གསུངས་ཤོག ཟླ་བ་བཅུ་པའི་ནང་ཤར་བྱང་ཁུལ་ལ་ཀུ་ཤུ་ཡག་པོ་སྐྱེ་ཀྱི་ཡོད། དེར་ཕེབས་ན་སྐྱིད་པོ་ཡོད་རེད་དཱ། ང་ཚོས་ཁྱེད་རྣམ་ལ་ཀྲུང་གོའི་སྐད་གྲགས་ཡོད་པའི་ཀུ་ཤུའི་ཨ་རག་ལེགས་ཤོས་འདི་འབུལ་ཐུབ་པ་བྱེད་ཀྱི་ཡིན། ཨོ་རེད། དེར་ད་དུང་ཀྲང་ཆིང་ལིང་ཀྱི་ཨ་མ་འདས་པོ་དེའི་སྐུ་ཕུང་ཡོད་པས་དེར་ཕེབས་ན་ཡག་པོ་ཡོད་རེད་དཱ། ཕན་ཚུན་ཕྱོགས་གཉིས་ཀྱི་གོ་རྟོགས་ལེགས་སུ་གཏོང་བར་ཕན་གྱི་རེད་དཱ། རྒྱ་རི། ལགས་སོ། ཐུགས་རྗེ་ཆེ། སྔོན་ལ་གོང་ལ་བཀའ་འདྲི་ཞུས་ནས་ལན་བྱེད་ཀྱི་ཡིན། ཨ་ནི་ད་རེས་ཞུ་རྒྱུ་ཞིག་ལ། ཁ་སང་རྒྱལ་སྲིད་སྤྱི་ཁྱབ་ཁང་གིས་”ཏཱ་ལའི་བླ་མ་སྒེར་གྱི་གནས་ཚུལ་ལས་བོད་ཀྱི་གནས་ཚུལ་ཤོད་ཀྱི་མིན་”ཟེར་བཤད་འདུག་ག དེ་གང་འདྲས་སེ་རས། ང་ཚོ་ད་བར་ཡང་ཡང་འབྲེལ་མོལ་བྱས་པ་འདིར་འབྲས་བུ་གང་ཡང་ཐོབ་མིན་འདུག་ག “རྒྱལ་བ་རིན་པོ་ཆེའི་སྐུ་སྒེར་”སྐོར་ལ་བཤད་ཀྱི་མེད་པ་འདི་ཁྱེད་རྣམ་པར་གསལ་པོ་བཤད་པ་ཡིན་པཱ། སྲིད་ཐར། ལགས། རེད་རེད། འདི་རྒྱལ་སྲིད་སྤྱི་ཁྱབ་ཁང་གིས་འདི་གསུངས་པ་རེད། འདི་ང་ཚོའི་འགྱུར་བ་མེད་པའི་ཀྲུང་དབྱང་གི་སྲིད་འཇུས་རེད། ཡིན་ནའི་འདིའི་སྐོར་ལ་སྐད་ཆ་མ་ཤོད། ཆོ་ཡོད་མ་རེད། ང་ཚོ་འབྲེལ་མོལ་སྐོར་ཤོད་ན་ལེགས་པོ་མིན་འདུག་གམ། འདི་གལ་ཆེན་པོ་རེད། འཛམ་གླིང་གིས་ང་ཚོར་བལྟ་བཞིན་ཡོད་སྟབས། འབྲེལ་མོལ་འདི་མུ་མཐུད་མ་བྱས་ན་འགྲིག་གི་མ་རེད་དཱ། ཁྱེད་རང་གིས་”ཏཱ་ལའི་བླ་མས་འབྲེལ་མོལ་བཞག་ན་འགྲིག་གི་མ་རེད་དཱ་ཅེས་ཀྲུང་དབྱང་གིས་ཟེར་གྱི་འདུག་”ཅེས་ཁོང་ལ་ལབ་རོགས་གནང་། …
སྐར་ཆེན།་
ཟླ་འོད་སྔས་སུ་བཞུར་པའི་མཚན་ངོགས་དེ་ལ།།
ང་ཡི་སེམས་པའི་ཀློང་གི་ཁུག་སོ་ཞིག་ནས།།
ཁྱེད་ལ་སྙིང་གཏམ་འདི་ཞེས་འཇོག་རྒྱུ་མེད་ཀྱང༌།།
སེམས་ཀྱི་ཚོར་སྣང་ཙམ་ཞིག་ཡི་གེར་བསྡེབས་ཡོད།།
བདེ་ཆེན་སྒྲོལ་མ།
༼ཝར་ཎ་ནས་ཁྱོད་རང་དྲན་ཚུལ།༽
ང་མེ་འཁོར་ལ་བསྡད་དེ། ཉིན་དང་མཚན་མཐུད་ཀྱིས་མདུན་དུ་བསྐྱོད།
ཁྱོད་རང་དྲན་བཞིན། ཉིན་དང་མཚན་མཐུད་ཀྱིས་མདུན་དུ་བསྐྱོད།
འགྲུད་བཞུད་ཀྱི་གདུང་བ་ལྕི་མོ།
ཁྱོད་ཁོ་ན་དྲན་པའི་གཏམ་རྒྱུད་གླེགས་བམ་ཞིག་དང་འདྲ།
དགའ་ཞོར་དང་སྡུག་ཞོར།
ཁྱོད་དྲན་པའི་ན་བུན། སྙིང་ཁུངས་ནས་དྭངས་ཐབས་དཀོན་སོང༌།
ཝར་ཎ་ནས། ཚ་བ་ཅི་འདྲའི་ཆེ་ཞིང་དུག་སྦྲང་དུག་བཞིན་རྩུབ་ན་ཡང༌།
ཁྱོད་རང་དྲན་ཡུལ་ནས་བོར་མ་མྱོང༌།
འདི་ནི། ངས་ཁྱོད་རང་དྲན་པའི་དྲན་ཚུལ་ཡིན།
འདི་ནི། ངས་རང་སེམས་བྲིས་པའི་ཟིན་ཐོ་ཡིན།
༢༠༠༨ཟླ༧ཚེས༦ཕྱི་དྲོ་ཝར་ནའི་མཆོད་རྟེན་མཐའི་སྤང་ཁུག་ནས་བྲིས།
བདེ་ཆེན་སྒྲོལ་མ།
ཁུ་སིམ་ཞིང་ཚིགས་བར་གྱི་ཤིང་སྡོང་འོག་ནས།།
དཀར་གསལ་སྟོན་གྱི་ཟླ་བའི་འོད་དཀར་ཁྲོད་ནས།།
ངེད་གཉིས་སྙིང་གཏམ་བཤད་ནས་ནམ་ཐུན་བསྐྱལ་བ།།
ཟླ་ངོགས་མཆི་མས་བརླན་པའི་མཚན་གཞུང་རིང་མོ།།
འགྱུར་མེད་བརྩེ་བའི་ལག་རྡང་དམ་དུ་སྦྲེལ་ནས།།
མཚན་མོའི་ཟླ་འོད་ངོགས་ནས་འཆམ་འཆམ་བྱེད་དུས།།
ཕན་ཚུན་སེམས་ལ་དཔར་བའི་དྲན་ཤིང་རི་མོ།།
ཡིད་ཀྱི་མཚོ་མོ་སྐྱོམ་པའི་ཚོར་ཤུགས་དྲག་པོ།།
བདག་མེད། བོད་ཀྱི་སྤྲུལ་སྐུ་ཚོ་མཛེས་མའི་གཞང་ཁ་དང༌། ཕྱུག་པོའི་དངུལ་ཁུག་ཆེད་བྱོན་པའི་རྣམ་ཐར་འདིར་བསྒྱུར་བཅོས་ཤིག་ངེས་པར་དུ་བྱེད་དགོས་ལ། དེ་བཞིན་རང་ཉིད་བླ་ན་མེད་པའི་ལྷ་ཆེན་སུ་ཞིག་ཡིན་པའང་ཁུངས་སྐྱེལ་དང༌། ར་སྤྲོད་ཚན་རིག་དང་མཐུན་པ་ཞིག་ཧ་ཅང་གལ་ཆེན་དོན་ཆེན་ཞིག་ཏུ་ལྷག་ཡོད། ཡིན་ནའང་སྤྲུལ་སྐུ་ཚོས་སྤྲུལ་སྐུར་ཁུངས་བཅོལ་བ་དང་རྒྱབ་བརྟེན་པ་ནི། གཏན་ཚིགས་ལ་ཁ་ལོག་པར་ཕྱོགས་པ་དང་བྱིས་པ་ཆུང་ཆུང་ཞིག་གི་བྱ་སྤྱོད་རང་རེད། དེ་བས་ཀྱང་བློ་ཕམ་པ་ཞིག་ནི་བོད་ཀྱི་སྤྲུལ་སྐུ་ཚོན་པོ་དག་མཁས་བཙུན་བཟང་གསུམ་དང་ཁ་བྲལ་བ་མ་ཟད་ཤེས་རབ་ཅན་གྱི་སྐྱེས་བུ་ཚོ་ནམ་ཡང་དགྲར་འཛིན་དང་མིག་ལོག་ལྟ་བ། བྱིས་དུས་ནས་ཆེས་མཐོའི་བདག་དབང་གང་མང་ཞིག་ལྷན་སྐྱེས་དང༌། རང་བབ་ལྟ་བུར་སྒེར་འཛིན་དང་རྐུ་འཕྲོག་བྱེད་པ་སོགས་མང་གཙོའི་ལམ་སྲོལ་གྱི་བཀག་རྡོ་ཆེན་པོར་ཆགས་པ་དང། ཉམ་ཆུང་མི་སེར་ཚོར་དད་པ་ནམ་ཡང་མགོ་སྒུར་དགོས་པདམ་ཚིག་ནམ་དུ་ཡང་ཁས་ལེན་དགོས་པགི་རལ་གྲིའི་འོག་འདུ་ཤེས་དང་དངོས་པའི་སྟེང་གཉའ་གནོན་དང༌། བཤུ་བཞོག་རྒྱུན་མ་ཆད་པར་གཏོང་བཞིན་པའི་དཀའ་རྙོག་རིང་མོ་དེ་ཡིན། དེ་བས་ཀྱང་ཆེས་འཇིགས་སུ་རུང་བ་དང་ཡ་ང་བ་ནི་ཆེད་དུ་བླུན་རྨོངས་ཀྱི་སྤྱི་ཚོགས་ཤིག་གསོ་སྐྱོང་བྱེད་བཞིན་པའི་ཐབས་བྱུས་དེ་རེད།
༼བོད་༽
༄༅།།བོད་ཅེས་པའི་མིང་དེ་བོད་ཡུལ་གྱི་གནའ་མོའི་ཆོས་ལུགས་ཀྱི་མིང་བོན་ནས་ཆད་པ་ཡིན་སྲིད་ཅེས་མཁས་དབང་དགེ་འདུན་ཆོས་འཕེལ་གྱི་བོད་ཀྱི་རྒྱལ་རབས་དེབ་དཀར་ནང་གསལ་བ་ལྟར་དེང་གི་ཆར་བོད་རིག་པའི་མཁས་པ་མང་པོས་མོས་མཐུན་གནང་གིན་ཡོད་པ་དང༌། ཡང་བོད་ཀྱི་རྒྱལ་རབས་ལོ་རྒྱུས་ཀྱི་དེབ་མང་པོའི་ནང་བོད་ཅེས་པའི་མིང་དེ་རྒྱ་གར་གྱི་སྐད་དུ་བོད་ལ་བྷོཊ་བཅས་འབོད་པ་དེ་ནས་བསྒྱུར་བ་ཡིན་ཟེར་ལོ། བོད་ཀྱི་མིང་དེ་བོད་ཅེས་པའི་འབོད་ཚིག་ནས་འབྱུང་བ་ཡིན་ཟེར་མཁན་ཡང་ཡོད། དོན་ལ་་བོན་ནས་བོད་དང༌། བོད་ནས་བྷོཊ་འབྱུང་བ་ཡིན་ནམ་སྙམ། ཨིན་སྐད་དུ་བོད་ལ་ཋི་བྷེཊ་ཞེས་པའི་བརྗོད་མིང་དེ་སོག་སྐད་དུ་བོད་ལ་ཐུ་བོད་ཟེར་བ་དེ་ནས་ཆད་པ་ཡིན་ཟེར།
དེ་ལས་མང་བ་། “༄༅། །བོད་ཀྱི་ལོ་རྒྱུས་དཔྱད་ཐུང་བོད་ལ་གཅེས་པའི་གཏམ། །” »
སྐར་ཆེན། ནོར་ལྦེ།
རྡ་ལམ་ས་ལར་སླེབས་ནས་ཟླ་བ་གཅིག་དང་ཕྱེད་ཙམ་འགྲོ་སོང༌། དུས་ཚོད་འདིའི་རིང་ལ་ལས་ཀ་དམིགས་བསལ་ཞིག་བྱེད་ཐུབ་མ་སོང༌། བྱེད་མ་ཐུབ་པ་འདི་ཡང་ཕར་དེད་ན་ང་རང་སྒྱིད་ལུག་ཆེ་བའི་དབང་གིས་ཡིན་པ་འདྲ། ཆུ་ཚོད་སྟོང་པ་ནམ་ཡོད་ལ་གྲོགས་པོ་ཚོ་དང་མཉམ་དུ་ཇ་རེ་འཐུང་ནས་གླེང་མོལ་བྱེད་རྒྱུ་ནི་ངའི་གོམས་གཤིས་སུ་གྱུར། རྡ་ལམ་ས་ལའི་ཁྲོམ་ལམ་འདི་གུ་དོག་པོ་རེད། ཟ་ལེ་རྒྱ་ཚོའི་མི་ཚེའི་ཕུགས་བསམ་བཙལ་ས་ཡང་ཁྲོམ་ལམ་དོག་པོ་འདི་རེད། ངས་རྟག་པར་མཐོང་བ་ཡང་རྡ་ལམ་ས་ལའི་ས་ཟེ་རྒྱ་ཚོའི་འགྲོ་སྟངས་འདུག་སྟངས་རེད། ཟ་ལེ་རྒྱ་ཡིན་མིན་དེ་ཡང་ཕྱི་ཚུལ་ནས་དབུ་སྐྲ་རིང་པོ་དེའི་ཐག་གཅོད་ཀྱི་ཡོད་པ་འདྲ། འོན་ཀྱང༌། ཟ་ལེ་རྒྱ་ཡིན་མིན་དེ་དབུ་སྐྲ་རིང་ཐུང་གི་ཁྱད་པར་མ་རེད་བསམ། དེང་སང་དབུ་སྐྲ་རིང་པོ་ཡོད་མཁན་ལས་དབུ་སྐྲ་རིང་པོ་མེད་མཁན་གྱི་ཟ་ལེ་རྒྱ་མང་ཚོད་འདུག
ཟམ་གདོང་རིན་པོ་ཆེ་མཆོག་དང་མཇལ་འཕྲད་ཐེངས་ཤིག་གི་རྗེས་སུ།
རིག་འབྱུང་དོན་གྲུབ་བཀྲ་ཤིས།
ཞོགས་པ་དེར་རྡ་ལམ་ས་ལའི་རིཁུག་ཆུང་ཆུང་འདི་སྨུག་པས་གཡོགས་འདུག ཕྱི་རོལ་དུ་ཆར་བ་ཟིམ་ཟིམ་ཞིག་འབབ་བཞིན་འདུག ང་སྔ་བོར་ལངས་ཤིང་ལག་ཏུ་རང་གིས་བྲིས་བའི་བོད་རྒྱ་ཞི་མོལ་སྐོར་གྱི་དཔྱད་བརྗོད་རིང་མོ་དེ་དང་ཀུ་ཤུ་རྒྱ་མ་གང་འཁྱེར་ནས་བཀའ་བློན་ལས་ཤག་གི་ཕྱོགས་སུ་བསྙེག བཀའ་བློན་ལས་ཤག་གི་སྒོ་ཆུང་དེའི་ཕྱི་ལོག་ཏུ་་རིན་པོ་ཆེའི་རླངས་འཁོར་ཁ་ལོ་བ་དང་སྐུ་སྲུང་བ་གཉིས་སྒུག་ནས་འདུག ང་རིན་པོ་ཆེའི་ལས་ཤག་དུ་འཛུལ། སྐབས་དེར་རིན་པོ་ཆེའི་ཞོགས་ཟས་མཆོད་བཞིན་པའི་སྐབས་དང་འཁེལ་ནས་འདུག ཁོང་གི་དྲུང་ཡིག་གིས་ཁང་མིག་འོག་མ་དེར་ང་ལ་སྒུག་ནས་འདུག དེ་དུས་ཆུ་ཚོད་བརྒྱད་དང་ཕྱེད་ཀ་རེད་འདུག དྲུང་ཡིག་ལགས་དང་ངེད་གཉིས་ཀྱིས་ཕྱོགས་འདྲ་མིན་གྱི་སྐོར་ལ་གླེང་མོལ་བྱས།
ཨེན་སི་ཌན་ལ་ཕུལ་བ། གྲོགས་པོ་ལགས། ཁྱེད་རང་བཞུད་ཟིན། ཁྱེད་རང་ལོ་ལྔ་བཅུ་ལྷག་གི་གོང་རོལ་ནས་བཞུད་ཟིན། ཁྱེད་རང་བཞུད་ཟིན་ནའང་གཏམ་ས་སྟེང་འདིར་ལྷག་འདུག དེ་རིང་འདྲེ་རིག་ལྡན་གྱིས། ཁྱེད་རང་གིས་བཤད་མྱོང་བའི་སྐད་ཆ་ཞིག་བོད་སྐད་དུ་དམར་རྗེན་དུ་ང་ལ་གླེང་བྱུང་། ཁྱེད་རང་གི་རང་བྱུང་ལྷུག་པར་གྲོལ་བའི་སྐད་ཆ་དེ་ཇི་འདྲའི་སྙན་ཞིང་། ཁྱེད་རང་གི་ཞི་བདེ་དང་དྲང་བདེན་ལ་མོས་པའི་ཡིད་སེམས་དེས་ང་ལ་བསིལ་བ་སྟེར། ད་རུང་རྒྱལ་ཁབ་དང་ཁྱིམ་ཚང་གྲོགས་པོ་སུ་ལའང་མ་བདག་པའི་ཁྱེད་རང་གི་རང་དབང་གི་འཚོ་བ། དེར་མ་ཟད། ཁྱེད་ཀྱི་བྱམས་བརྩེ། མཛེས་པ། སྒྱུ་རྩལ། མི་གཤིས།…
གཤམ་གསལ་གྱི་འཕྲིན་ཡིག་འདི་ལ་བསྣུན་ཚེ་ཆེ་བར་མཐོང་ཐུབ།
དགེ་བའི་བཤེས་གཉེན་དམ་པ་དགེ་བཤེས་བློ་བཟང་རྒྱ་མཚོ་ལ་ཕུལ། སྐར་ཆེན། ནོར་ལྦེ། སྔོན་བསགས་ལས་ཀྱི་དགེ་བའི་མཐུས།། ལྷོ་ཕྱོགས་རྒྱ་མཚོར་ཉེ་བའི་གནས།། བྷེལ་ཀོབ་བོད་ཁྱིམ་འབོད་པ་རུ།། དགེ་བའི་བཤེས་གཉེན་མཚན་འཛིན་པ།། གུས་བས་ཁྱེད་ཀྱི་ཞབས་ལ་གཏུགས།། འོན་ཀྱང་ལོ་ཟླ་འདས་པའི་ངོར།། ཁྱེད་ཀྱི་གསུང་གི་བདུད་རྩི་དག། གུས་བའི་སེམས་ཀྱི་བུམ་པར་འཁྱིལ།། ཤེས་བྱའི་གནད་ཀྱི་སྒོ་མོ་ཕྱེས།། དེ་ཕྱིར་གུས་བ་ཁྱེད་ལ་དུངས།། ཁྱེད་ཀྱི་ལྷག་བསམ་རི་བོ་ཆེ།། མཁྱེན་དང་དཔྱོད་པ་བླ་མེད་པ།།…
