ཆུ་བཞི་སྒང་དྲུག་གི་སྐོར་ཕྱོགས་གཉིས་ནས་བལྟ་དགོས་ཀྱི་འདུག ཡག་པོ་་བྱས་པའི་སྐོར་དེ་ཆུ་སྒང་རང་གིས་མང་པོ་ཞིག་བྲིས་ཡོང་གི་འདུག མི་སྒེར་དེ་འདྲས་ཀྱང་འགའ་ཤས་རེ་བྲིས་ཡོང་གི་འདུག ད་ཆུ་སྒང་གི་སྐྱོན་བྲིས་པའི་དེབ་དེ་འདྲ་སུ་གང་གིས་བྲིས་ཡོད་པ་རེད་དམ། དེ་ཡང་གལ་ཆེན་པོ་རེད་འདོད། ཆུ་བཞི་སྒང་དྲུག་གིས་ནང་ཁུལ་གསོད་རེས་བཏང་བ། གཞན་ལ་ཇག་བཅོམ་བྱས་པ། ལག་པ་གཅིག་ནང་གྲི་བཟུང་སྟེ་ཁྱོད་ལ་འདི་དགོས་ལེ་རེད། འདི་དགོས་ལེ་ལེ་རེད་ཟེར་ནས་གྲི་དང་མཇེ་གཉིས་བསྟན་ནས་བུད་མེད་ལབཙན་གཡེམ་བྱས་པ། གཞན་གྱི་ཆུང་མ་འཕྲོག་པ། བཙན་བྱོལ་སྤྱི་ཚོགས་ནང་ཡང་ཆུ་སྒང་དང་རྗེས་འབྲེལ་གྱིས་རྙོག་དྲ་སྔ་ཕྱིར་བྱུང་བ། རྒྱལ་དབང་རིན་པོ་ཆེར་ཐུགས་ཕམ་གནང་བཅུག་པ་དེ་འདྲ་བློ་ཡིད་ལ་ཤོང་དཀའ་བའི་གནས་ཚུལ་ཡང་མང་པོ་ཞིག་གོ་རྒྱུ་འདུག་ག ད་མདོར་དེད་ན་ཆུ་བཞི་སྒང་དྲུག་བཙུགས་པའི་ལེགས་ཆ་གཙོ་བོ་དེ་ག་རེ་རེད། ཆུ་སྒང་བཙུགས་མེད་ན་ག་རེ་བྱུང་ཡོད་པ་རེད། བོད་མི་བསད་གྲངས་ཉུང་དུ་ཕྱིན་ཡོད་པ་རེད་མང་དུ་ཕྱིན་ཡོད་པ་རེད།…
ཆུ་སྐྱེས་སྒྲོལ་མ།
དེ་སྔོན་ང་རང་ལ་བོད་དུ་གཉེན་འཕྲད་དུ་བསྐྱོད་རྒྱུའི་གོ་སྐབས་ཞིག་བྱུང༌། སྐབས་དེ་དུས། རྒྱུ་མཚན་གསུམ་གྱིས་ང་རང་མང་དུ་ངུ་བཅུག་བྱུང༌།
ཐེངས་དང་པོ་ང་རང་འགྲམ་གྱི་འགག་སྒོའི་འཁྲིས་ལ་སླེབས་དུས། རྒྱ་དམག་དང་རྒྱ་རིགས་ཚོང་པ་ཕོ་མོ་རྒན་གཞོན་མང་པོ་ཞིག་མིག་ལམ་དུ་མངོན་དུས། སེམས་ནང་ཞེད་སྣང་དང་དངངས་སྐྲག་ཅིག་ཅར་དུ་སྐྱེས་ནས་མིག་ཆུ་ཤོར་སོང༌། དེ་ནི་དབྱར་གྱི་ཆུ་རྫིང་བརྡོལ་བ་དང་གཅིག་མཚུངས་རེད།་
དེ་ལས་མང་བ་། “སྒྱིད་ལུག་གི་གྲོང་ཁྱེར་ལས་འཕྲོས་པའི་བསམ་ཚུལ་འགའ་གླེང་བ།” »
རང་ རེ་བོད་ཆོས་ལྡན་གྱི་ཞིང་ཁམས་འདི་ཉིད། ཤར་ཕྱོགས་ཙི་ནའི་ཡུལ་ནས་ གུང་ཁྲན་དམར་པོའ་ིསྲིད་གཞུང་གིས་བོད་ཤར་རྒྱུད་མདོ་ཁམས་གཉིས་ནས་རིམ་པར་བཞིན་ དྲག་པོས་བཙན་འཛུལ་བྱས་ནས་མདོ་དབུས་སྐོར་གསུམ་གྱི་ས་ ཕྱོགས་ཡོངས་རྫོགས་བཙན་བཟུང་གིས། བོད་ཀྱི་བསྟན་པ་ཆབ་སྲིད་གཉིས་ཀ་རླུང་ཁྲོད་ཀྱི་མར་མེ་ལྟར་ཆགས་འཇིག་གི་འགག་ འཕྲང་ལ་སླེབས་ཤིང༌། ྋགོང་ས་རྒྱ་དབང་ཐམས་ཅད་མཁྱེན་པའི་སྐུ་ཕྱྭ་དང་སྐུ་དབང་ཡང༌། རླུང་འཚུབ་དྲག་ པོས་གཡོ་བའི་མཚོ་གྲུ་བཞིན་གྱུར་པ་སོགས། མདོར་ན་ལོ་རྒྱུས་ཐོག་དེ་སྔོན་བྱུང་ མ་མྱོང་བའི་ཛ་དྲག་གི་གནས་སྟངས་ས་གཞི་གས་ཤིང་རི་བོ་ཉུལ་བ་ལྟ་བུའི་འོག ལི་ཐང་ཨ་འབྲུག་མགོན་པོ་བཀྲ་ཤིས་ཀྱིས་སྣེ་ཁྲིད་པའི་ཁམས་རིགས་དཔའ་བོ་ ཚོ་གཅིག་གིས་ཨ་འབྲུག་ཚང་གི་མཆོད་ཁང་ནང༌། བོད་བསྟན་སྲིད་ཀྱི་དོན་དུ་ གནའ་གན་མཐུ་བོ་ཆེ་བཞག་ནས། མ་སྐུལ་དྭངས་བླངས་ཀྱིས་ལུས་སྲོག་ལོངས་སྤྱོད་དང་བཅས་པ་བློས་བཏང་ནས། ས་ཁྱི་སྤྱི་ལོ་༡༩༥༨ལོ་ཟླ་ ༦ ཚེས་ ༡༦ ཉིན་ ལྷོ་ཁ་ལྕགས་ཚ་གྲི་གུ་ཐང་དུ་མདོ་ཁམས་ཆུ་བཞི་སྒང་དྲུག་གིས། རྒྱལ་སྲུང་དགྲ་འཐབ་ཀྱི་དྲག་པོའ་ིདམག་གི་སྒྲིག་འཛུག་གསར་དུ་ཚུགས་པ་ནས། ཨ་འབྲུག་ཚང་སྐུ་དངོས་ཀྱིས་སྣེ་འཁྲིད་དེ་སྙེ་མོ་མདོ་དཀར་སུམ་མདོ་ནས་བཟུང་། ཁྱུང་པོ་བར་བྱང་བསྐྱོད་དམག་གིས་སྔ་ཕྱིར་དགྲ་འཐབ་བཅོ་བརྒྱད་དང༌། རྩེད་ཐང་ཁུལ་སྡོད་དམག་སྒར་ཨ་མའི་དྭངས་བླངས་དམག་མི་ཚོས། སྔ་ཕྱིར་ལྷོ་ཁ་དང་ ཀོང་པོ་སོགས་སུ་དགྲ་ཐེངས་སོ་བཞི་རྒྱབ་པ་དང༌།
དེ་རིང་ཁ་བརྡའི་མཆན་ཞིག་གི་ནང་དུ། སྒོམ་སྡེ་ལྷ་རམས་པ་དང་མགོན་པོ་ཕྱག་གཉིས་པ་གཉིས་ཀྱིས་དྲི་བ་དྲི་ལན་བྱས་འདུག “མ་དགར་དབུས་ལ་སོང་ནས། མ་མཇལ་ཕྱིར་ཡོང་ན་སྡུག་གྱོང་རེད། ཅེས་པ་འདི་ལ་ཡིག་ནོར་ཡོད་ཚུལ་གསུངས་འདུག་རུང་ནོར་བཅོས་མི་འདུག་པས།”སོགས་དྲིས་དོན་ལ་མགོན་ཕྱག་གིས་ “འདི་ཨ་མདོའི་ནང་དར་སོ་ཆེ་ བའི་གཏམ་དཔེ་ཞིག་རེད། ཁྱེད་རང་གིས་གང་ཞིག་བྱས་པ་ལ་མི་གཞན་མ་དགའ་བའི་སྐབས་སུ་གཞན་པ་དེར་སྙིང་ཚིམ་ གཏོང་བར་བེད་སྤྱོད་བྱེད། ཁྱོད་མ་དགའ་བར་དབུས་ཉི་མ་ལྷ་སར་ཕྱིན། དབུས་སེར་བོར་མཇལ་མ་ཐུབ་པར་ཕྱིར་ཡོང་དགོས་བྱུང་ན་ཡང་ཁྱོད་རང་སྡུག་གྱོང་རེད་ ཟེར་བའི་དོན་རེད།”ཅེས་ལན་བཏབ་འདུག ད་ནི་ངེད་ཀྱང་གོང་གི་ཚིག་འདིའི་བརྡ་སྤྲོད་ལ་དོ་སྣང་ཇེ་ཆེར་སོང་བས་འདིར་བསྐྱར་འདྲེན་ཞིག་བྱས་པ་ཡིན། ཚིག་གི་སྡེབ་སྦྱོར་གཞན་ཞིག་བྱས་ན། “མ་དགའ་འ་དབུས་འ་སོང་ནས།།…
དེ་ལས་མང་བ་། “མ་དགའ་འ་དབུས་འ་སོང་།། མ་མཇལ་ལ་ཕྱིར་ར་ཡོང་།།” »
ཀླུ་སྨྱོན་ཧེ་རུ་ཀ
གཅིག
དྲོད་རྟ་རྔ་ཙམ་ཡང་མེད་པའི་ཉི་འོད་སེར་པོ་ཞིག་ཕོ་བྲང་པོ་ཏ་ལའི་དབུ་རྩེར་འཕྲོས་ནས་ཡུན་རིང་མ་འགོར་བར། ཇོ་ཁང་གི་གཡས་གཡོན་གང་སར་ལྷ་བསང་གི་དུད་སྤྲིན་དཀར་ལྷོག་ལྷོག་ཏུ་འཕྱུར་བའི་ཁྲོད། མར་དྲི་དང་རྩམ་དྲི། ད་དུང་ཤུག་ལོའི་དྲི་བཟང་སོགས་གང་སར་འཐུལ་ཞིང་། ངོ་གདོང་དྲེགས་པས་འཚོས་པའི་སྤྲང་བོ་ཁྱུ་ཞིག་གྲལ་བསྒྲིགས་ནས་རང་རང་གི་ཤེས་ཚོད་ཀྱི་མ་ཎི་དང་གུ་རུ་རིན་པོ་ཆེའི་མཚན་སྔགས་སོགས་ཉམས་འགྱུར་ལྡན་པའི་ངང་ཟློ་ཅི་ཐུབ་བྱེད།
ང་རང་འཆར་གཞི་ལྟར་ཇོ་ཁང་ནས་ཅུང་ཟད་ཐག་རིང་བའི་གཙང་པོའི་འགྲམ་གྱི་སྤྲང་འཁྱམ་སྡོད་ས་དེར་བསྐྱོད། རས་གུར་རྩབ་རལ་ཞིག་གི་འདབས་ཀའི་བར་ནས་མགོ་སྐྲ་ཟིང་ཟིང་དུ་གྱུར་པའི་སྐྱེས་པ་ཞིག་གིས་ང་ལ་ལྟ་ཙམ་བྱས་རྗེས་གདོང་ལ་འཛུམ་བཅོས་མ་ཞིག་བསྡུས་ཏེ། ཝ་ཡེ། གྲོང་ཁྱེར་གྱི་མི་བསླེབས་སོང་། ཟེར། ང་ཐད་ཀར་རས་གུར་གྱི་སྒོར་ཕྱིན་ནས་སྒོ་ཡོལ་རྫོབ་རོ་དེ་ཡར་བཀྱགས་པ་ན། པགས་གདན་རྙིང་ཧྲུལ་ཞིག་གི་སྟེང་དུ་ཉལ་འདུག་པའི་ཕོ་གསར་དེ་ཡར་ཙོག་བྱུང་ལ། ཁོའི་སྐེ་རུ་བཏགས་པའི་གཟི་མིག་དགུ་ཅན་དེ་ལས་ངས་ལམ་སེང་ཁོ་རང་ཨ་ཇོ་པ་སངས་ཡིན་པ་ངོས་ཟིན་སོང་།
ཐེ་ཀོར།དབྱིན་ཡིག ཟླ་བ་གཞོན་ནུས་བསྒྱུར། ལྷ་ཁང་དུ། དཀོན་མཆོག་གི་ཞབས་སུ་མེ་ཏོག་འབུལ་བར་མ་བཅར་བར། ཐོག་མར་རང་ཉིད་ཀྱི་ཁང་བར་བརྩེ་བའི་དྲི་མངར་གྱིས་ཁྱབ་ཏུ་འཇུག་རོགས། ལྷ་ཁང་དུ། མཆོད་བཤམ་མདུན་གྱི་མཆོད་མེ་བསྒྲོན་པར་མ་བསྐྱོད་པར། ཐོག་མར་རང་སེམས་ཀྱི་སྡིག་པའི་མུན་པ་དེ་སེལ་རོགས། ལྷ་ཁང་དུ། གསོལ་འདེབས་ཀྱི་གུས་འདུད་ཞུ་བར་མ་འགྲོ་བར། ཐོག་མར་མི་གཤིས་ཀྱི་གུས་འདུད་རང་གི་རོགས་ཟླར་ཞུ་རྒྱུ་དེ་སྦྱང་རོགས། ལྷ་ཁང་དུ། གསོལ་འདེབས་པུས་བཙུགས་ཀྱིས་ཞུ་རུ་མ་བཞུད་པར། ཐོག་མར་མར་སྒུར་ནས་རྡོག་པས་བརྫིས་པའི་མི་དེ་འགྱོགས་རོགས། ལྷ་ཁང་དུ།…
དབུས་ཕྲུག་ཚེ་རིང།
སྤྱིར་ བཏང་ཟུངས་ཁྲག་ཅེས་པའི་མིང་ཚིག་འདི་གོ་མ་ཐག་མི་རྣམས་ཀྱི་སེམས་ངོར་དེ་མ་ཉིད་ དུ་སྐྱི་གཡའ་ཞིང་འཇིགས་སྣང་ཅན་གྱི་ཁ་དོག་ཅིག་བློ་ངོར་འཆར་ངེས་རེད། ཁ་དོག་འདིས་གྲུབ་པའི་ཟུངས་ཁྲག་ནི་སྐྱེ་འགྲོ་རྣམས་ཀྱི་ཚེ་སྲོག་གི་རྒྱུན་ཐག་ སྐྱོང་མཁན་གཙོ་བོ་དེ་ཡིན་སྟབས། རང་ཤུགས་ཀྱིས་སྐྱེ་བོ་སུ་ཡིན་ཡང་རང་ཉིད་ཀྱི་ཟུངས་ཁྲག་ལ་གཅེས་སྤྲས་དང་ཟུངས་ ཁྲག་བཞུར་སོང་ན་འཆི་མ་མྱོང་ངམ་སྙམ་པའི་འཇིགས་སྣང་དེ་ངང་གིས་སླེབས་པ་རེད། དེར་བརྟེན་དང་པོར་རང་ཉིད་ཀྱི་སྒལ་ཚིགས་དྲང་པོ་ཞིག་འདྲོང་ཐུབ་པའི་ཆེད་དུ་ ལུས་པོར་ཚད་ངེས་ཅན་གྱི་ཟུངས་ཁྲག་གསོག་འཇོག་བྱེད་དགོས། དེས་ནས་གོ་རིམ་གཉིས་པར་འཕེལ་རྒྱས་ཀྱི་ཆེད་དུ་མདུན་མཆོང་རེ་བྱས་ན་འོས་ཤིང་ འཚམས།
ཁ་བརྡ་དང་དུས་བབ་ཟིན་བྲིས། ཧི་གཟུགས་ཟིན་བྲིས་སོགས་སུ་སྐོར་ར་རེ་བྱེད་སྐབས་ མཐོང་སྣང་འགའ་ཤར་བ་རྣམས་འདིར་གསལ་བཤད་ཅིག་བྱེད་འདོད་སྐྱེས་བྱུང་། དང་པོ་ནི། སྙན་ངག་གི་སྐོར་ཡིན། ངས་གོང་གསལ་གྱི་ཟིན་བྲིས་ཁག་ལ་རོབ་རྩིས་ཤིག་བརྒྱབ་སྐབས་ བརྒྱ་ཆ་ ༥༠ ལྷག་སྙན་ངག་རེད། བོད་ནང་དུ་སྙན་ངག་གིས་སྦས་པའི་བརྗོད་བྱ་འབྲི་ཐུབ་པའི་རྒྱུ་མཚན་གྱིས་ འཇིག་རྟེན་གྱི་བརྗོད་བྱ་ཡོད་ཚད་དང་ལྷག་པར་དུ་རྒྱ་ལ་མི་འཕྲོད་པའི་རིགས་རྣམས་སྙན་ངག་གིས་བྲིས་པ་རེད་ཅེས་ན་ཁག་འཇོག་ས་ཞིག་ རེད་དྲན། འོན་ཀྱང་། བཙན་བྱོལ་དུའང་སྙན་ངག་མང་པོ་དེ་འདྲ་འབྲི་དགོས་དོན་གང་ཡིན་ནམ་ཞེས་དྲན།
དེ་ནས། ཟིན་བྲིས་ཀྱི་ནང་གི་བརྗོད་བྱ་མང་ཆེ་བ་དེ། ང་དང་ཁྱོད་ཅེས་པ་འདི་ལས་འཕྲོས་འདུག དེ་ཡང་། “ངས་ཤེས། ང་བདེན། ངའི་བསམ་ཚུལ་འདི་ཡིན། ཁྱོད་མི་བདེན། ཁྱོད་ཀྱིས་མི་ཤེས། ཁྱོད་ཀྱི་བསམ་ཚུལ་མ་རེད།” ཅེས་པ་འདིའི་ནང་ལ་བསྡད་འདུག ངས་ འདི་དག་ནི་ན་ཚ་ཞིག་མིན་ནམ་དྲན། ན་ཚ་དེ་ཡང་། ཆེ་ས་ནས་བཤད་ན་མི་རིགས་ཤིག་མགོ་འཐོམས་པའི་ན་ཚ་ཞིག་དང་། ཆུང་ས་ནས་བཤད་ན། མཐོང་རྒྱ་དང་ཐོས་རྒྱ་མེད་པར་རང་གི་དྲན་ཚོད་ཙམ་ལས་གཞན་འབྲི་མ་ཤེས་པའི་ན་ཚ་ཞིག་མིན་ནམ་དྲན། ༼འདིའི་ནང་དུ་ང་ཡང་ཚུད་ཡོད།༽ ང་ཚོས་འབད་བརྩོན་ཞིག་བྱས་ན། ན་ཚ་འདི་ལ་སྨན་རེ་ཟུང་རྙེད་ཀྱང་སྲིད་པ་རེད། སྨན་དེ་ནི། བསམ་ཚུལ་ཙམ་ཞིག་མི་འབྲི་བར། བསམ་ཚུལ་དེ་དག་ཀྱང་ ཡིག་ཐོག་ན་ཡོད་པའི་དོན་དག་དེ་ཚོ་རྒྱབ་རྟེན་ལ་བཅོལ་ནས་བྲིས་པ་ཡིན་ན། ན་ཚ་དེ་རིམ་གྱིས་དྲགས་ངོ་ཤར་སྲིད་པ་ཞིག་རེད་དྲན།
རྔ་བ་རྒྱལ་ཁམས་པ།
————-
ཨ་བྷིར་ཧེམ་(Aberaham)དང་ཡ་ཧུ་དཱ་བའི་གནའ་ཆོས།
དེ་ཡང་གཟུང་འཛིན་ཕྱིན་ཅི་ལོག་གི་རྣམ་རྟོག་ལས། རྒྱུད་ལྔས་བསྡུས་པའི་ཁམས་གསུམ་སྲིད་པའི་ཁྱིམ་གཞིས་ཆེན་པོ་འདི་ཉིད་གྲུབ་ཅིང་། ཆགས་གནས་འཇིག་སྟོང་གི་འཕོ་འགྱུར་དང་། སྐྱེ་རྒ་ན་འཆིའི་སྡུག་བསྔལ་ལ་་འཇིགས་ཤེས་པའི་འགྲོ་བ་མིའི་རིགས་ཕལ་མོ་ཆེ་ ཞིག་ནི། སྡུག་བསྔལ་དེ་དག་ལས་ཐར་འདོད་ཀྱི་འདུན་པས་བསྐུལ་ཏེ། རང་རང་གི་རྣམ་དཔྱོད་ལ་བརྟེན་ནས་ལྟ་གྲུབ་དང་། ཆོས་ལུགས་མི་འདྲ་བ་སྣ་ཚོགས་པར་འཇུག་ཅིང་སྐྱབས་སུ་འཛིན་པར་བྱེད་དོ།། དེ་ལས་སྣོད་བཅུད་ཀྱི་འཇིག་རྟེན་དཀོན་མཆོག་གིས་བཀོད་པར་སྨྲ་བའི་ཡུ་ཤིའི་ལྟ་ བ་དང་། འཚེ་བ་ཆོས་སུ་འདོད་པའི་ཁ་ཆེའི་གྲུབ་མཐའ། དེ་གཉིས་ཀྱི་རྩ་བའམ་རྨང་གཞིར་གྱུར་བ་ལྗོས་ཀྱི་ཆོས་ལུགས་ཏེ། ཆོས་བརྒྱུད་ཆེ་གསུམ་དུ་གྲགས་པའི་གྲུབ་མཐའ་དེ་དག་གི་རྩ་བའི་ཁུངས་གཏུགས་སའམ་ འབྱུང་ཁུངས་ངོ་མ་ནི། དེ་དག་གི་སྤྱི་མེས་ཨ་བྷིར་ཧམ་ཞེས་འབོད་པ་དེ་ཉིད་ཡིན་ལ། དེ་ཡང་ཨ་བྷིར་ཧམ་གྱི་ལོ་རྒྱུས་སྐོར། ཕྱི་གླིང་ཡ་ཧུ་དཱ་བའི་གནའ་བོའི་ཆོས་གཞུང་དང་། ཁ་ཆེའི་ལོ་རྒྱུས་ཀྱི་ཡི་གེ་ཆེན་མོ་དག་ན་འདི་སྐད་ཅེས་གླེང་སྟེ།
མི་ཞུན།
བོད་མི་རིགས་ཀྱི་སྐད་དང་ཡི་གེའི་སྲོག་གི་རྩ་བ་ལ་གནད་པའི་སྐད་ཆ་བཤད་རྒྱུའི་འགན་དབང་ནི་བོད་མི་ཡིན་ནོ་ཅོག་ཐམས་ཅད་ལ་འཁྲི་བར་ངེས་པའི་བྱ་བ་ཞིག་ཡིན་ན། མི་ཆུང་ང་ཡང་བོད་པ་ཞིག་ཡིན་པའི་ཆ་ནས་དང་ནམ་རྒྱུན་རང་གི་ཉིན་རེའི་འཚོ་བའི་ནང་དུ་བོད་ཡིག་སྤྱད་དེ་བོད་སྐད་འཆད་བཞིན་པའི་བོད་མི་སྐོར་ཞིག་གི་ཁྲོད་ན་འཚོ་ཞིང་གནས་བར་བསྡད་ཡོད་པའི་བོད་ཕྲུག་ཅིག་ཡིན་པའི་ཆ་ནས་བོད་སྐད་ལ་དུངས་ཤིང་བོད་ཡིག་ལ་ཞེན་པ་ནི་རང་གི་ཕ་དང་མ་ལ་དགའ་བའི་བརྩེ་སེམས་དང་འདྲ་འདྲའི་ཚོར་བ་ཡོད་མཁན་ཞིག་ཡིན། འདི་ལྟ་བུའི་བརྩེ་ཞེན་གྱི་དགའ་བ་ལ་གནོད་པའི་དུས་ནི་ངའི་སྙིང་གི་སྡིངས་ལ་གྲིས་བཙུགས་པ་ལྟ་བུ་དང་ངའི་སེམས་ཀྱི་དབུས་ནས་མེ་སྦར་བ་དང་འདྲ་བ་ལགས་ན། ཁ་སང་དེ་རིང་གི་བོད་ཀྱི་སྐད་དང་ཡི་གེའི་གནས་བབ་འདིས་ཀྱང་དེ་ལྟ་དེ་ལྟར་གྱི་ན་ཟུག་ཅིག་ང་དང་བོད་ཡིག་གི་ཞེན་ཁ་ཆེན་པོ་ཡོད་མཁན་གྱི་སྤུན་གྲོགས་དག་ལ་སྟེར་གྱི་ཡོད་འདུག།
དེ་ལས་མང་བ་། “གལ་ཏེ་བོད་ཀྱི་སྐད་ཡིག་ཡར་རྒྱས་ལ་གཏོང་དགོས་ཟེར་ན།” »
བལ་ཡུལ་གྱི་རྒྱལ་སར་ཉི་འཛིན་དེ་རིང་ཞོགས་པ་སྔ་མོའི་ཆུ་ཚོད་ལྔ་དང་སྐར་མ་་༥༠་ཐོག་འགོ་བཙུགས་པ་དང་བདུན་དང་སྐར་ ༤༠་ཙམ་ལ་མཇུག་བསྒྲིལ་སོང་། སྐབས་དེར་ཉི་མའི་བརྒྱ་ཆ་དགུ་ཅུ་ཙམ་བཟུང་བ་མཐོང་ཐུབ་པ་དང་སྐར་མ་ཤར་བ་ཡང་མཁའ་དབྱིངས་ནས་གཅིག་མཐོང་རྒྱུ་འདུག། བལ་ཡུལ་རྒྱལ་ནང་དུ་ཉི་འཛིན་བྱུང་པ་རྒྱལ་ཁོངས་ཀྱི་རྫོང་སྡེ་ཁག་བཅུ་བཞི་ཙམ་ནས་མཐོང་ཐུབ་ཚུལ་བཤད་པ་དང་ཉིན་དེར་གཞུང་འབྲེལ་གྱི་གུང་སེང་ཁྱབ་བསྒྲགས་བྱས་སོང་།
ཨེ་ལིའོ་ཊི་ སྤེར་ལིང་། (Elliot Sperling)
—————–
ད་དུང་ཡང་རྒྱ་ནག་གིས་༧རྒྱལ་བ་རིན་པོ་ཆེ་དང་བཙན་བྱོལ་བོད་གཞུང་རྩེད་མོ་རྩེ་བཞིན་པ་འདིའི་ཐད་དཔང་རྟགས་ཤིག་དགོས་ཀྱི་ཡོད་ན། ཉེ་ཆར་གྱི་གནད་དོན་དག་གིས་གནས་སྟངས་ཧ་ཅང་གསལ་པོ་བཟོས་ཡོད་པ་རེད། སྔ་ལོའི་སྤྱི་ཟླ་ ༡༡ པའི་ནང་བོད་མི་ཚོས་རྒྱ་ནག་ལ་འཆར་གཞིའི་ཡིག་ཆ་ཞིག་སྤྲད་པ་རེད་ལ། དེའི་དགོས་དོན་ནི་༧རྒྱལ་བ་རིན་པོ་ཆེའི་བོད་རང་སྐྱོང་གི་ཐད་བཞེད་ཕྱོགས་ནི་ད་ལྟ་ཡོད་བཞིན་པའི་རྒྱ་ནག་གི་མི་རིགས་རང་སྐྱོང་ཁྲིམས་ལུགས་དང་ཆ་ཚང་མཐུན་པ་ཞིག་ཡིན་པ་སྟོན་རྒྱུའི་ཆེད་དུ་ཡིན་པ་རེད། ཡིག་ཆ་དེ་ངར་པོ་དང་བཅས་ཕྱིར་སློག་བྱས་ཤིང་ཕྱོགས་གཉིས་བར་གྱི་གྲོས་མོལ་དེ་སྐད་ཅོར་དང་བཅས་མཚམས་བཞག་པ་རེད།
ཕྱི་ཟླ་ ༦ ཚེས་ ༢༢ ཉིན་བཙན་བྱོལ་བོད་མིའི་ལས་བྱེད་དག་མཉམ་འཛོམས་ཀྱིས་ཁོང་ཚོའི་ལངས་ཕྱོགས་གསལ་པོ་བཟོ་རྒྱུའི་གསལ་བསྒྲགས་ཤིག་གི་མ་ཟིན་བཟོ་རྒྱུ་དང་། དེའི་རེ་བ་ནི། ལམ་ཁ་འགག་པ་དེ་ཚོ་བསངས་ཡོང་གི་རེད་ཅེས་པའི་གནས་ཚུལ་ཐོན་འདུག གསལ་བསྒྲགས་གསར་པ་དེ་ནི་བོད་མི་ཚོས་རྒྱ་ནག་གི་རང་སྐྱོང་ཁྲིམས་ཡིག་ཁག་གཞི་རྩ་ལ་བཞག་ནས་མཐུན་ལམ་ཞིག་རྙེད་འདོད་ཡོད་པ་དེ་སྟོན་ཆེད་དམིགས་པ་ཞིག་རེད། སྟབས་ཉེས་པ་ཞིག་ལ། བཙན་བྱོལ་བོད་གཞུང་གིས་རྒྱ་ནག་དང་འབྲེལ་བ་བྱས་པའི་རྨོངས་པ་དེ་དག་ད་ཆ་ཁ་སྐྱེངས་པའི་ཞིབ་ཆ་དང་བཅས་འགྲེམས་སྟོན་བྱས་པ་ཡོད་པ་རེད།
༼དུས་བབ་ཀྱི་དྲ་རྒྱ་ནས་བཤུས། གཤམ་གྱི་འབྲེལ་ཐག་འདི་ན་འདུག འབྲེལ་ཐག་ལ་བསྣུན་ན་པར་དང་བཅས་པ་མཐོང་ཐུབ།༽
http://tibettimes.tibethosting.com/news.php?showfooter=1&id=1389
རང་བཙན་འཐབ་རྩོད་པ་དང་རྩོམ་པ་པོ་འཇམ་དབྱངས་ནོར་བུ་ལགས་ཀྱི་ལྷག་བསམ་དང་ལར་ཞེན། སྙིང་སྟོབས་བཅས་ལ་ཉམས་པ་མེད་པར་ལོ་མང་རིང་དཀའ་སྤྱད་འབད་བརྩོན་བརྒྱུད་དེ། བོད་རྒྱལ་ཁབ་ཆེན་པོའི་རྒྱལ་དར་དང་རྒྱལ་གླུ། ས་ཁྲ། དངུལ་སྒོར། ཕྱིར་སྐྱོད་ལག་ཁྱེར། རྒྱལ་ཁབ་བར་གྱི་ཆིངས་ཡིག རྒྱལ་ཁབ་ནང་ཁུལ་གྱི་སྒྲིག་འཛུགས་བཅས་ཕྱོགས་བདུན་གྱི་ཐད་ནས་བོད་རང་བཙན་གཙང་མ་ཡིན་པའི་ཁུངས་སྐྱེལ་དཔང་རྟགས་འཚོལ་བསྡུ་བྱས་ཏེ། འཛམ་གླིང་མི་དམངས་ལ་དྲ་ཚིགས་དང་བརྙན་འཕྲིན་བརྒྱུད་དེ་ངོ་སྤྲོད་བྱ་མགོ་བརྩམས་ཡོད།
ཕྱི་ཚེས་ ༡༨ ཉིན་ངྷ་ས་ཡོངས་གླིང་སློབ་གྲྭའི་ཚོགས་ཁང་ནང་། བོད་རང་བཙན་སློབ་ཕྲུག་ཚོགས་པའི་གོ་སྒྲིག་འོག བཞུགས་སྒར་ཁུལ་གྱི་སེར་སྐྱ་མི་དམངས་སུམ་བརྒྱ་ཡས་མས་ཤིག་ལ། བོད་རང་བཙན་འཐབ་རྩོད་པ་དང་རྩོམ་པ་པོ་འཇམ་དབྱངས་ནོར་བུ་ལགས་ཀྱིས་༼རང་བཙན་དོན་དངོས་ཀྱི་ལོ་རྒྱུས་༽ ཞེས་པའི་བརྗོད་གཞིའི་ཐོག་གཏམ་བཤད་དང་དྲི་བར་ལན་འདེབས། བོད་རང་བཙན་སྐོར་ཁུངས་སྐྱེལ་སྐོར་གྱི་རྒྱུ་ཆ་གལ་ཆེན་ཁག་ཅིག་བརྙན་འཕྲིན་བརྒྱུད་སྤྲོད་བཅས་གནང་སོང་ལ། ཁོང་མུ་མཐུད་དུ་བཙན་བྱོལ་བོད་མིའི་གཞིས་སྒར་གཞན་ཁག་ཅིག་ཏུའང་འགྲོ་རྒྱུ་ཡིན་སྐོར་ཡང་གསུངས་སོང་། ཁོང་གིས་ (www.rangzen.net) ཞེས་བའི་དབྱིན་ཡིག་གི་དྲ་ཚིགས་ཤིག་གསར་དུ་སྒོ་འབྱེད་བྱས་ཏེ། རྒྱལ་སྤྱིའི་སྤྱི་ཚོགས་ལ་སླར་ཡང་བོད་རང་བཙན་དག་སྐྱེལ་བྱེད་མགོ་བརྩམས་ཡོད་པ་མ་ཟད། དབྱིན་ཡིག་ཐོག་༼བོད་རང་བཙན་གྱི་བཅའ་ཁྲིམས་༽ཞུ་བ་ཞིག་གསར་རྩོམ་གནང་སྟེ། ད་ལྟ་བོད་རང་བཙན་སློབ་ཕྲུག་ཚོགས་པས་བོད་སྒྱུར་བྱེད་བཞིན་ཡོད་པ་དང་། མི་འགྱངས་པར་ཁྱབ་བསྒྲགས་བྱ་འཆར་ཡོད་འདུག
དེ་ལས་མང་བ་། “འཇམ་དབྱངས་ནོར་བུས་སླར་ཡང་བོད་རང་བཙན་ཁུངས་སྐྱེལ་བྱས།” »
བདུད་ལྷ་རྒྱལ།
རྩོམ་རིག་གསར་པའི་ལས་ཀ་འདི་བོད་མི་སུ་ལ་མཚོན་ནའང་འཇུག་བདེ་བོ་ཞིག་མ་རེད། བོད་རང་གི་སྔར་ཡོད་ཀྱི་རྩོམ་རིག་གཞུང་ལུགས་དང༌། གསར་བྱུང་གི་རྩོམ་རིག་གཞུང་ལུགས་གཉིས་ཀྱི་འབྲེལ་བ་ནི་གཞི་མཐུན་ས་ལས་གཞི་མི་མཐུན་ས་མང་བས། ཐོག་མར་གསར་རྩོམ་དང་མྱོང་དཔྱོད་ཀྱི་སྟེང་ན་སྲོལ་རྒྱུན་གྱི་གེགས་རྐྱེན་ཆེན་པོ་ཞིག་ཡོད། དེའི་སྟེང་རྩོམ་རིག་གསར་བ་འདི་བོད་དུའང་ལོ་ངོ་ཉི་ཤུ་ལྷག་གི་སྔོན་ནས་ས་ཁྱབ་རྡོ་ཁྱབ་ཏུ་གྱུར་པ་ལྟར་སྣང་ཡང། འདིའི་ཆ་ཚང་བའི་གཞུང་ལུགས་ཀྱི་མ་ལག་དང་རིགས་པ་ཞིབ་མོ་དེ་ཅིས་ཀྱང་བོད་ཡུལ་དུ་ཟབ་རྒྱས་སུ་ཆགས་མ་ཐུབ་པས། རིག་པ་གསར་པ་འདིར་འཇུག་པར་ཚིག་རིས་ཙམ་གྱི་ངོས་ནས་དང།
བདེ་ཆེན་སྒྲོལ་མ།
ཁྱོད་སོང་ཤུལ་དུ།
ཁང་མིག་ཆུང་ཆུང་འདི་ལ་རླུང་ལྡང་སོང།
ནམ་རྒྱུན་དགོད་སྒྲའི་བཟུང་བའི་ཁང་མིག་ཆུང་ཆུང།
ཁ་སང་དེ་རིང་ཚེར་མའི་ཁེངས་པའི་ས་གཞིར་གྱུར་ཡོད།
བདེ་ཆེན་སྒྲོལ་མ།
༼རླུང་དམར་འུར་འུར༽་ཞེས་པའི་སྒྲུང་རིང་འདི་ནི་བོད་ནང་གི་བརྩམས་སྒྲུང་རྩོམ་མཁན་གྲགས་ཆེན་ཚེ་རིང་དོན་གྲུབ་ལགས་ཀྱི་སྒྲུང་རིང་ཨང་གསུམ་པ་དང། སྒྲུང་དེབ་འདི་ལ་སྔ་དུམ་དང་ཕྱི་དུམ་ཞེས་ཚན་པ་གཉིས་སུ་བགར་འདུག་ལ། ཚན་པ་དང་པོ་ཤོག་ངོས་དང་པོ་ནས་བརྒྱ་དང་གྱ་ལྔའི་བར་དང། ཚན་པ་གཉིས་པ་ཤོག་ངོས་བརྒྱ་དང་གྱ་དགུ་ནས་སུམ་བརྒྱ་གྱ་གཉིས་བར་ཏེ། བསྡོམས་ཤོག་གྲངས་སུམ་བརྒྱ་དང་གྱ་གཉིས་ཀྱིས་ཡོངས་སུ་གྲུབ་འདུག
དེ་ལས་མང་བ་། “ཚེ་རིང་དོན་གྲུབ་ཀྱི་སྒྲུང་རིང་༼རླུང་དམར་འུར་འུར།༽” »
ལྷ་ཆབ་སྦྱིན་པ།
ཁོ་བོས་ཁ་སང་ཧོར་གཙང་འཇིགས་མེད་དང་ཁོང་གི་མདོ་སྨད་ལོ་རྒྱུས་ཆེན་མོ་ཞེས་པའི་རྩོམ་ཐུང་ཞིག་བྲིས་ཏེ་རང་གི་ཟིན་བྲིས་སུ་ཉར་ཡོད་པ་ནོར་གླིང་ཉམས་ཞིབ་འགན་འཛིན་རྡོ་རྗེ་དབང་ཕྱུག་ལགས་ཀྱི་རེ་སྐུལ་ལྟར་ཁ་བརྡ་དྲ་རྒྱའི་སྟེང་དུ་བརྒྱུད་འགོད་བྱས། རྩོམ་ཡིག་ཐུང་ངུ་འདི་བཀོད་མ་ཐག་མི་ཁ་ཤས་ཀྱི་མགོ་ལ་ཆུ་འཁོལ་བླུག་པ་ལྟར་ཚ་ཚ་འུར་འུར་གྱིས་འདི་ནི་ཁ་ཡག་གོ།། འདི་ནི་ངོ་བསྟོད་དོ།། འདི་ནི་བཤུས་རྩོམ་མོ།། འདི་ནི་བསྒྲིགས་རྩོམ་མོ་སོགས་ཀྱི་གཏམ་སྨྲ་བའི་ལས་ཁོ་ནར་འབད་དེ་ཕལ་ཆེར་ངའི་རྩོམ་ཐུང་འདི་ལ་མཆན་བུ་བཞི་བཅུར་མ་ཟིན་ཙམ་བཀོད་སོང༌། མ་གཞི་ངས་ཁ་བརྡ་དྲ་ཤོག་མང་བོ་ཀློག་གི་མེད་ཁར་དེང་སང་དེ་བས་ཀློག་ཁོམ་ཡང་མེད་པར་ལས་ཀའི་བྲེལ་བ་ཁོ་ནར་གཡེང་ཡོད། དེ་རིང་ཕྱི་དྲོར་གྲོགས་པོ་ཞིག་གིས་ཁ་པར་ནང་དུ་ཨ་རོགས་ཁྱོད་ལ་ཁོམ་པ་རེ་ཡོད་ན་ཁ་བརྡའི་དྲ་ཐོག་ལ་སོང་དང་ཁྱོད་ལ་མི་དགའ་མཁན་ཁ་ཤས་ཤིག་གིས་བུད་མེད་ཀྱི་ཅོ་འཛིང་ལྟ་བུ་ཞིག་སྡིག་གི་འདུག་ཅེས་ལབ་སོང༌། དེ་ནས་ངས་ཀྱང་ལས་ཀའི་བྲེལ་ཟིང་གི་བར་ནས་ཁ་བརྡ་དྲ་བའི་སྒོ་ཕྱེ་སྟེ་ངའི་རྩོམ་ཐུང་དེའི་སྐོར་བཙལ་བ་ཡིན། ངས་མཆན་བུ་དག་བཀླགས་རྗེས། ཨ་ལེ་མི་འདི་དག་ནི་དོན་གྱིས་ཧོར་འཇིགས་ལ་མ་དོ་བར་མ་དགའ་བ་ཁོ་ན་ལས་གང་ཡང་མ་རེད་ལ། ལྷག་པར་དུ་ང་རང་ཧོར་འཇིགས་ལྟ་བུ་ཞིག་ཆགས་མི་འགྲོའམ་སྙམ་པའི་ཕྲག་དོག་དང་ཀུན་སློང་ཞིག་གིས་སྒོ་ཀུན་ནས་སེམས་ཁྲལ་ཡོད་མཁན་ཤ་སྟག་རེད་ཨང་སྙམ་པ་དྲན་སོང༌། དེ་ལྟར་ཡིན་མིན་གང་ལྟར་ཡང༌། བྱ་རྒྱལ་རྒོད་པོ་ཞེས་པ་ཞིག་དང་ཚུལ་ཁྲིམས་མཐར་ཕྱིན། བསོད་ནམས་ཚེ་རིང༌། རྐང་རྗེན་པ། བཀྲ་ཤིས་ཚེ་རིང༌། ཀླུ་སྨྱོན་ཞེས་པ་སྟེ་མི་དྲུག་གིས་ཧོར་འཇིགས་ཀྱི་དེབ་དྲུག་པོ་དང་ཧོར་འཇིགས་ཟེར་དུས་ཁྱི་རྒན་གྱི་མདུན་ནས་རུས་ཀོག་འཕྲོག་པ་ལྟ་བུའི་ཁོང་ཁྲོ་ཞིག་དང་ཞེ་སྡང་ལངས་ཚུལ་ལ་བལྟས་ན། ཧོར་འཇིགས་ནི་ཁོང་ཚོའི་ཕ་གསོད་མཁན་དང་ཡང་ན་མར་བཙན་གཡེམ་བྱེད་མཁན་ལོས་ཡིན་སྙམ་པ་ཞིག་འདུག་མོད། དེ་འདྲའི་ངང་ཚུལ་ནི་སྔར་མཁས་དབང་དགེ་ཆོས་ཀྱི་སྐབས་སུ་ཀ་ཤོད་པའི་ཕྱོགས་ཀྱིས་བྱེད་སྟངས་དག་ཝ་ལེར་དྲན་པ་ཞིག་རེད། ཡིན་ནའང་དེ་ཡང་ཇི་སྐད་དུ་ཚོམས་ལས། གང་ཞིག་ཕ་རོལ་ཚུར་རོལ་དང༌།། ཕ་རོལ་ཚུར་རོལ་གཉིས་མེད་ཅིང༌།། ཆོས་རྣམས་ཀུན་གྱི་མཐར་ཕྱིན་དེ།། ཟམ་ཟེ་ཡིན་པར་ངས་གསུངས་སོ།།
དེ་ལས་མང་བ་། “མ་དགར་དབུས་ལ་སོང་ནས། མ་མཇལ་ཕྱིར་ཡོང་ན་སྡུག་གྱོང་རེད།” »
འབྲུག་ཡུལ་དང་བོད་ཡིག པར་རིས་ཟིན་བྲིས།
འབྲུག་ཡུལ་དུ་གཤམ་གྱི་པར་རིས་ཟིན་བྲིས་ལྟར་བོད་ཡིག་རྒྱ་ཁྱབ་རང་བཞིན་གྱིས་བཀོད་སྤྱོད་བྱེད་གྱི་འདུག་ལ་ཁོང་ཚོས་དེ་ནི་བོད་ཡིག་ཡིན་པར་ཁས་ལེན་མེད་པར་རྫོང་ཁ་ཞེས་འབོད་བཞིན་འདུག སྤྱིར་བཏང་བྱས་ན་ཁོང་ཚོས་བོད་ཡིག་ལ་ཆོས་ཡིག་ཞེས་འབོད་བཞིན་པ་དང་རྫོང་ཁ་ཞེས་བ་སྤྱི་ལོ་ ༡༩༧༡་ཙམ་ལ་ཐ་སྙད་གསར་བཟོ་བྱས་པ་ཞིག་ཡིན་འདུག། ད་ལྟའི་ཆར་འབྲུག་ཡུལ་ནང་བོད་ཡིག་དཔེ་ཁྲིད་བྱེད་བཞིན་པ་མཁན་པོ་འཇུ་བསྟན་སྐྱོང་དང་གླེང་མོལ་བྱེད་སྐབས་རྫོང་ཁ་ཟེར་བ་ཚེག་བར་ཡོད་མེད་དང་། ཐ་སྙད་ཁ་ཤས་མ་འདྲ་བ་སོགས་ལས་བོད་ཡིག་རང་ཡིན་པ་མ་ཟད་གཟབ་གཟབ་བྱས་ན་ཡོངས་སུ་ཀློག་ཐུབ་པ་དང་ནང་དོན་གོ་ཐུབ་པ་འདུག་ཟེར།
རྒྱ་མོ་མཛེས་མ་འདིས་རྒྱལ་བ་རིན་པོ་ཆེར་འདི་འདྲ་བཤད་སོང་།
ང་ཁ་སང་གྲོགས་པོ་ཞིག་གི་སྐྱེ་སྐར་གྱི་གསོལ་ཚིགས་ལ་ཕྱིན་པ་ཡིན། དེ་གར་མགྲོན་པོ་མང་ཆེ་བ་རྒྱ་ནག་ནས་སློབ་གྲྭ་འགྲིམས་མཁན་དང་། དེ་མིན་ཨ་རིའི་ནང་ལ་ལས་ཀ་བྱེད་མཁན་གྱི་རྒྱ་རིགས་བདུན་ལྷག་འདུག དེའི་ནང་དེ་སྔོན་མཐོང་མྱོང་བའི་རྒྱ་མོ་མཛེས་མ་ཞིག་ཀྱང་འདུག ཁོ་མོས་རྒྱའི་སྲོལ་རྒྱུན་གྱི་ཕྱུ་པ་ལྟ་བུའི་རས་གོས་དམར་པོ་ཞིག་མགྱོན་པ་དང་། འོག་ལ་་ནང་འཇམ་སོགས་མེད་སྟབས། བརླ་ཤ་དཀར་ལ་འཇམ་པ་དེར་་ཚང་མས་ཡང་སེ་ལྟ་བར་ཤོར་སོང་།
ང་ཚོ་ཁ་ལག་ཟ་ཞོར་ལ་ཤིན་ཅང་གི་དོན་རྐྱེན་འདི་གླེང་བར་ཐལ། པེ་ཅིང་སྤྱི་ཚོགས་ཚན་རིག་ཁང་གི་ཞིབ་འཇུག་པ་ཡིན་ཟེར་མཁན་རྒྱ་མི་ཞིག་གིས། “ད་རེས་དོན་རྐྱེན་དེ་དང་སྔོན་མ་བོད་ཀྱི་དོན་རྐྱེན་གཉིས་ངོ་བོ་གཅིག་པ་རེད། མི་རིགས་ཀྱི་གནད་དོན་རེད། བོད་ལ་ཚོན་ན་ཏ་ལའི་བླ་མས་ཕྱི་ནས་བོད་པ་རྣམས་ལ་ངན་སྐུལ་བྱས་ཡོད་ཟེར།” གློག་ཀླད་ཀྱི་འཕྲུལ་ཆས་བཟོ་མཁན་རྒྱ་ཞིག་གིས། “བོད་པ་འདི་ཚོར་རོགས་པ་འདི་ཙམ་བྱས། ཡར་རྒྱས་འདི་ཙམ་བཏང་། ད་དུང་ཏ་ལའི་བླ་མས་ལས་སླ་པོར་མགོ་འཁོར་གཏོང་ཐུབ་པ་འདི་ཡ་མཚན་ཟེར།
དེ་ལས་མང་བ་། “རྒྱ་མོ་མཛེས་མ་འདིས་རྒྱལ་བ་རིན་པོ་ཆེར་འདི་འདྲ་བཤད་སོང་།” »
ཐེ་བོ་ཤེས་རབ་རྒྱ་མཚོ།
<<བོད།-དུས་རབས་ཉེར་གཅིག་པའི་རྒྱ་ནག་གི་རྩིབ་རུས་གཉེན་པོ>> །ནི་ངས་ཐེངས་དང་པོ་ བཀླགས་པའི་ཝང་ལི་ཞུང་གི་རྩོམ་ཡིག་ཡིན་ལ།རྩོམ་ཡིག་དེའི་མགོ་ནས་མཇུག་བར་ བཀླགས་ཚར་དུས་ངས་ངོ་གདོང་གཏན་ནས་མཐོང་མ་མྱོང་ཡང་རྒྱ་མི་གཞན་དག་ལས་ཁྱད་དུ་ འཕགས་པའི་ཝང་ལི་ཞོང་གི་རྩོམ་ཡིག་དེའི་གནད་དོན་ལ་དཔྱད་ཞིབ་བྱེད་སྐབས་བརྗོད་ ཚིག་རེ་ཟུང་ཐད་ནས་ཅུང་ཟད་ཐལ་ཆ་ཆེ་ཞིང་།ཞིབ་འཇུག་བྱེད་སྟངས་ཐད་ཕྱོགས་རེ་བའི་ ཆ་འགའ་རེ་ཡང་མཐོང་བ ྱུང་།དེ་ལྟ་ནའང་།གཞི་རྩའི་ཆ་ནས་ཁོང་གིས་དྲང་ཚུགས་བཟུང་ཞིང་།དངོས་ཡོད་དང་ བདེན་པ།་ལོ་རྒྱུས་དངོས་ལ་ཁ་ཕྱོགས་ཡོད་པ་དང་དྲང་བདེན་ཁས་ལེན་མཁན་ཞིག་ཡིན་པས་ ངས་ཁོང་ལ་སེམས་ཁོང་ནས་གདེང་འཇོག་བྱས་ཤིང་།ངས་ཁོང་ལྟ་བུའི་རྒྱ་མིའི་རྩོམ་པ་ པོ་ཞིག་ལ་སེམས་གཏིང་ནས་རེ་བ་བཟུང་བ་ཡིན།མ་ཟད་ང་ལ་ཁོང་རང་ཅིས་ཀྱང་རང་རེའི་ བཙན་བྱོལ་སྤྱི་ཚོགས་ཁྲོད་དངོས་སུ་ཡོང་དགོས ་ངེས་ཀྱི་རྒྱ་མིའི་རྩོམ་པ་པོ་ཞིག་ཡིན་པའི་བསམ་ཚུལ་སྐྱེས་ཤིང་།རོགས་པ་ཚོར་ ཡང་དེ་ལྟར་བཤད་པ་ཡིན།་མ་གཞི་གོང་གི་རྩོམ་ཡིག་དེ་ནི་ཁོང་གིས་རང་དབང་གི་ཉི་ འོད་མེད་པའི་ཁོར་ཡུག་ཅིག་ནས་བྲིས་པ་ཡིན་སྟབས།ཐལ་ཆ་ཆེ་བའི་བརྗོད་ཚིག་དང་ཞིབ་ འཇུག་བྱེད་སྟངས་ལ་ཕྱོགས་རེ་བའི་ཆ་འདྲེས་པར་བདག་གིས་བསམ་ཤེས་བྱེད་ཐུབ།
