གཉའ་བློ་གྲོས་རྒྱལ་མཚན།

————————-

བགྲང་བྱ་སུམ་ཅུའི་ཡར་སྔོན་དུ་གཟིགས་རྒྱང་རིང་ཞིང་མཁྱེན་རྒྱ་ཡངས་པའི་པར་་་་་སྐྲུན་མཁས་པ་འགས་ཐུགས་བཀོད་རྒྱ་ཆེན་པོ་མཛད་པ་ལ་བརྟེན་ནས་དགེ་བའི་སྨོན་ལམ་་་གྱིས་ཀུན་ནས་ཁྱོགས་པའི་མིང་ཅན་གྱི་དུས་དེབ《སྦྲང་ཆར》གསར་དུ་སྤེལ་པ་དང་། དེ་ཡང་གྲུ་ཆར་སྙོམས་པོར་བབས་པས་ས་གཞིར་ཡིད་དབང་འཕྲོག་པའི་ལྗང་མྱུག་རྒྱས་པ་ནང་བཞིན་འཁྲུངས་མ་ཁད་ཀྱི་དུས་དེབ་དེས་རང་གི་ཕྱིའི་མཛེས་རྩལ་རྣམ་པ་དང་ནང་ལེ་ཚན་གྱི་བཀོད་སྒྲིག་ལེགས་པ་ལ་བརྟེན་ནས་ཀློག་པ་པོ་རྣམས་ཀྱི་དེ་འཐོབ་འདོད་ཀློག་འདོད་ཀྱི་སྤྲོ་བ་ཀུན་ནས་བཏེགས་པར་གྱུར་ལ། རྩོམ་སྒྲིག་ཞུ་དག་གི་སྤུས་ཀ་ཤིན་ཏུ་ལེགས་པའི་རྩོམ་ཡིག་རྣམས་བཀླགས་པས་སྔ་ན་མེད་པའི་རིག་རྩལ་གྱི་དཔལ་ཡོན་ཞིག་མྱངས་སོང་བའི་སྣང་བ་ཞིག་གིས་ཡིད་ཀྱི་ནམ་མཁའ་གང་བར་གྱུར། དེ་ནས་བཟུང་རྩལ་ཤུགས་རྫོགས་པའི་རྩོམ་པ་པོ་རྣམས་ལ་ལེགས་རྩོམ་དགོད་སའི་གཞི་ཞིག་ཡོད་པར་གྱུར་པ་དང་། མྱོང་རོལ་གྱི་ཆུ་ཚད་མཐོ་བའི་ཀློག་པ་པོ་རྣམས་ལ་རིག་པའི་དཔལ་དང་སྒྱུ་རྩལ་གྱི་བྲོ་བ་མྱང་སའི་དུས་དེབ་ཀྱི་དགའ་ཚལ་ཞིག་ཡོད་སོང་བ་ཡིན་ནོ། །

དེ་ལས་མང་བ་། “རིན་ཆེན་དང་པོའི་ལང་ཚོ་དཔལ་གྱིས་བརྗིད།” »

གསར་འགོད་པ་རྡོ་རྗེ་ཚེ་རིང་གིས།
རྩོམ་པ་པོ་གངས་དཀར་རྒྱལ་སྲས་ལགས་ནི་བོད་མདོ་སྨད་ཕྱོགས་ཀྱི་འབྲོག་ཐང་ཞིག་ནས་སྐྱེས་ཤིང་ཆུང་དུས་ནས་སློབ་གྲྭ་ཆེ་འབྲིང་ཆུང་གསུམ་རིམ་བརྒྱུད་ཀྱིས་རང་ཉིད་ཀྱི་འདུན་པར་འོད་སྟོང་བསྐྲུན། སྤྱི་ལོ་༢༠༠༠ལོར་འདི་ག་རྒྱ་གར་དུ་འབྱོར་ནས་དབྱིན་ཇི་ཡི་གེར་བག་ཆགས་མི་དམན་པ་བཞག་པ་མ་ཟད་༢༠༠༥ལོར་སྙན་ངག་དེབ་༼ང་དང་སྤྱི་ཚོགས་ཀྱི་སྟོང་ཆ་༽དང་བསྒྱུར་དེབ་༼རཱོ་པེན་སན་ཁུ་རོ་སི Robinsoun Crusoe༽ཞེས་པའི་དེབ་གཉིས་སྤྱི་ཚོགས་སུ་བཀྲམས་ཤིང་དེབ་རྗེས་མར་དགའ་བསུ་བླ་ལྷག་ཐོབ།

དེ་ལས་མང་བ་། “དེབ་གསར་འཚམས་སྦྱོར།” »

འདི་ལོའི་ནོ་བྷེལ་ཞི་བདེའི་གཟེངས་རྟགས་ཉིན་བོད་སྐད་ལྷན་ཚོགས་ཀྱིས་གོ་སྒྲིག་འོག ས་གནས་ཁག་ ༦ ནང་བོད་ཀྱི་སྐད་ཡིག་གི་སྐོར་ལ་ཡིག་ཆ་འགྲེམ་སྤེལ་དང་མཚན་རྟགས་བསྡུ་རུབ། འཕྲེད་དར་འཕྱར་བ། གཏམ་བཤད་བྱེད་པ་བཅས་ཀྱི་ལས་འགུལ་ཁག་ཅིག་སྤེལ་བ་གཤམ་གསལ་ལྟར་ཡིན། ༡ ཉིན་དེར་བྷེལ་རྗེམ་ནས་ “སྐད་ཡིག་ནི་མི་རིགས་ཀྱི་ཚེ་སྲོག་ཡིན་པས་ང་ཚོས་སྲུང་སྐྱོབ་བྱེད་དགོས།” ཞེས་པའི་འཕྲེད་དར་ཕྱར་བ་དང་བོད་སྐད་ལྷན་ཚོགས་ཀྱི་ཚོགས་གཙོ་དམ་ཆོས་བསམ་འཕེལ་ལགས་སུ་བྷེལ་རྗེམ་བོད་རིགས་ཚོགས་པས་གཏམ་བཤད་ཀྱི་གོ་སྐབས་གནང་བ་ལྟར། ཁོང་གིས་ “མི་རིགས་ཤིག་གི་དར་རྒུད་ནི་མི་རིགས་དེའི་སྐད་ཡིག་དར་རྒུད་ཀྱི་སོ་མཚམས་ཉག་གཅིག་པུར་ལྟ་དགོས་པས། མི་རིགས་ཀྱི་རྩ་དོན་དང་། མི་རིགས་ཀྱི་འཐབ་རྩོད། མི་རིགས་ཀྱི་མདུན་སྐྱོད་བཅས་ནི་མཐར་གཏུག་ན་སྐད་ཡིག་གི་རྩ་དོན་དང་། འཐབ་རྩོད། མདུན་སྐྱོད་བཅས་ལ་རག་ལས་པ་ཡོད།” ཅེས་གཏམ་བཤད་གནང་བ་དང་། འབོད་སྐུལ་གྱི་ཡིག་ཆ་བཀྲམ། དེའི་རྗེས་མི་སྣ་ ༡༢༨ ཙམ་གྱིས་ད་ནས་བཟུང་བོད་སྐད་གཙང་མ་བཤད་རྒྱུར་འབད་བརྩོན་བྱ་རྒྱུ་ཡིན་པའི་མཚན་རྟགས་བསྐྱོན།

དེ་ལས་མང་བ་། “ཞི་བདེའི་གཟེངས་རྟགས་ཉིན་གྱི་བོད་སྐད་ལྷན་ཚོགས་ཀྱི་ལས་འགུལ་ཁག” »

ཟླ་བ་འདིའི་ཕྱི་ཚེས ༡༤ ཉིན་རྒྱ་གར་གྱི་གྲོས་ཚོགས་སྟེང་ཆབ་སྲིད་ཚོགས་པའི་འགོ་ཁྲིད་སྐུ་ཞབས་༼ སི་མ་ཏི་བ་ཏི་པ་ཏི་མི་ལམ་སིན་ཡ་དུམ་༽ནས་སྲིད་བློན་མཆོག་ལ་བོད་དང་འབྲེལ་བའི་གནད་དོན་ཐད་དྲི་བ་བཏང་འདུག
ཆབ་སྲིད་ཚོགས་པའི་འགོ་ཁྲིད་ཀྱིས་གྲོས་ཚོགས་ཀྱི་བཀའ་འདྲི་དང་ལེན་གྱི་དུས་ཚོད་དང་སྟབས་བསྟུན་ནས། རྒྱ་ནག་གི་ངོས་ནས་རྒྱ་གར་ལ་དྲག་གནོན་བྱ་རྩིས་བྱེད་ཀྱི་ཡོད་པ་དང་། ཡར་ཀླུང་གཙང་པོ་ཁ་བསྒྱུར་ཏེ་འགོག་གི་ཡོད་པའི་གནས་སྟངས་ཐོག་གཞུང་ནས་ག་རེ་གནང་རྩིས་ཡོད་དམ་ཞེས་བཀའ་འདྲི་ཞུས་པར།

དེ་ལས་མང་བ་། “རྒྱ་ནག་གཞུང་གིས་དེ་གནང་གི་མེད་ཅེས་གསུངས་སོང་ཟེར།” »

ཕྱི་ལོ་ ༢༠༡༡ ཟླ་ ༡༢ ཚེས་ ༢༡ རེས་གཟའ་ལྷག་པ་ཉིན་རྡ་ས་ཐེག་ཆེན་ཆོས་གླིང་གཙུག་ལག་ཁང་དུ་ཨུ་རུ་སུ་སྤྱི་མཐུན་ རྒྱལ་ཁབ་ཁོངས་སོག་པོ་ཐུ་ཝ་མངའ་སྡེའི་མཐོ་རིམ་སློབ་གྲྭ་ཆེན་མོས་ (Tuva State University) ྋགོང་ས་ྋསྐྱབས་མགོན་ཆེན་པོ་མཆོག་ལ་གཙུག་ལག་སློབ་གྲྭ་ཆེན་མོའི་མཁས་དབང་སློབ་དཔོན་ཆེན་པོའི་ཕྱག་འཁྱེར་ (Professor Emeritus) འབུལ་ལམ་ཞུས་ཤིང་སྐབས་དེར་ྋགོང་ས་མཆོག་ནས་བཀའ་སྩལ་དོན།
སྔ་ མོ་ངོས་རང་ཐུ་ཝར་ཐེངས་གཅིག་སླེབས་པ་དེ་སྐབས་དེར་འགྱུར་བ་བྱུང་མ་ཐག་རེད། འོན་ཀྱང་ཐུ་ཝའི་ནང་སྔ་མོ་བོད་དང་ཐུན་མོང་མིན་པའི་དམིགས་བསལ་འབྲེལ་བ་ཡོད་ པའི་བག་ཆགས་གཏིང་ཟབ་པོ་ཡོད་པ་ཧ་ཅང་གསལ་པོ་འདུག དེ་དུས་ཀྱི་སྲིད་འཛིན་ཁོང་ཡང་ཧ་ཅང་ཡག་པོ་ཡོད། དེ་རྗེས་ང་ལ་ཨུ་རུ་སུའི་མངའ་ཁོངས་སུ་འགྲོ་རྒྱུའི་གོ་སྐབས་མ་བྱུང། ད་ལྟ་རིན་པོ་ཆེས་༼ཏེ་ལོ་རིན་པོ་ཆེ་༽གསུང་པ་ལྟར་ཆབ་སྲིད་ཀྱི་གནས་སྟངས་འོག་ནས་ང་ཕར་འགྲོ་ཐུབ་ཀྱི་མེད་ཀྱང། ཐུ་ཝ་ས་ཁུལ་གཙོ་བོར་གྱུར་པའི་ཁར་མུག་དང་སྦུ་རས་ཐུ་བཅས་ཀྱི་ནང་དད་པ་ཅན་ཕལ་ ཆེར་རྒྱུན་མ་ཆད་པར་ངོས་ཐུག་པར་ཡོང་གི་ཡོད་པ་དང། ལྷག་པར་ལོ་ཤས་གོང་ནས་ཆོས་འབྲེལ་བྱ་རྒྱུ་བྱུང་ཡོད། དེ་རིང་འདིར་ཐུ་ཝ་གཙུག་ལག་སློབ་གྲྭ་ཆེན་མོས་ངོས་ལ་མཁས་པའི་བྱ་དགའ་ཞིག་གོ་སྒྲིག་གནང་བར་ཐུགས་རྗེ་ཆེ་ཞུ་རྒྱུ་ཡིན།

དེ་ལས་མང་བ་། “གཙུག་ལག་ཁང་གི་ཁྲི་ཐོག་ནས་མཁས་དབང་ཆེན་མོའི་ཕྱག་ཁྱེར་བཞེས་པ།” »

གོ་སྒྲིག་པ་རྡ་ས་དཔེ་མཛོད་དང་ཕ་རིན་སིའི་བཤམས་མཛོད་ཁང་གཉིས།
༢༠༡༡། ༡༢། ༡༦། ཉིན།

དེ་རིང་འདི་གར་ཕེབས་པའི་མཁས་དབང་རྣམ་པ་ཚོར་འཚམས་འདྲི་ཡོད། ངོས་ཀྱིས་ནང་ཆོས་ཀྱི་ཚན་རིག་བརྗོད་ཀྱི་ཡོད། ནང་ཆོས་ཀྱི་ཚན་རིག་དང་རིག་གསར་གྱི་ཚན་རིག་དབར་བགྲོ་གླེང་བྱ་རྒྱུར། ཁྱེད་རང་ཚོས་ལོ་མང་ཉམས་མྱོངས་བསགས་པའི་རྗེས་འབྲེལ་གྱིས་དེ་རིང་འདིར་ཚོགས་ འདུ་འཚོགས་རྒྱུ་བྱུང་བར་བཀྲ་ཤིས་བདེ་ལེགས་ཞུ་རྒྱུ་ཡིན། ད་ལྟ་འདི་གར་གྲ་སྒྲིག་གནང་མཁན་ཙམ་མ་ཟད། ལོ་ནས་ལོ་བསྟུད་དེ་ལས་འགུལ་འདིའི་ཐོག་དངོས་ཤུགས་བརྒྱུད་གསུམ་ནས་མཐུན་འགྱུར་ རོགས་རམ་གནང་མཁན་དང་། དེ་བཞིན་དངོས་སུ་བགྲོ་གླེང་ནང་བཞུགས་ཏེ་གོ་བསྡུར་གནང་མཁན་ཚང་མར་ཐུགས་རྗེ་ ཆེ་ཞུ་རྒྱུ་ཡིན།

དེ་ལས་མང་བ་། “བེམ་ཤེས་ཚན་རིག་དང་ནང་པའི་བར་གྱི་བགྲོ་གླེང་སྟེང་སྩལ་བའི་བཀའ་སློབ།” »